Күндү форум олохтоохторо!
Бу форум Дьоһун саас форуму кытта холбонно, саҥа холбоһуктаах форум Сахалыы диэн ааттаах.
Бу сирэйгэ саҥа теманы эбэтэр комментарийы суруйуу кыаллыбат, ол гынан баран холбоһуу иннигэр суруллубуту ааҕар кыах хаалар.
Саҥа Сахалыы холбоһуктаах форумҥа киириҥ, кэпсэтиҥ!
срочно сэрии туьунан хоьоон наада суруйун эрэ плииизззз
Шрекович  -    8103
Ответов 10
  • Синильга
    15 апреля 2005
     

    Маннык эрэ көмөлөһөр кыахтаахпын. Соччо барсыбат быһыылаах.

    http://www.ykt.ru/cgi-bin/forum/iforum.isa?f=85&a=a&par=1706932

    0
    • Синильга
      15 апреля 2005
       

      Герой Фёдор Поповка диэни суруйуохпун сөп. Барсыа дуо?

      0
      • Шрекович
        15 апреля 2005
         

        кыайыы туьунан буолуон наада биир киьи туьунан буотах

        0
        • Синильга
          15 апреля 2005
           

          Оччоҕо срочнай буоллаҕына көмөлөһөр кыах суох...

          0
          • Шрекович
            15 апреля 2005
             

            ээ пахай(

            0
            • Синильга
              15 апреля 2005
               

              :))))))

              0
        • саас
          15 апреля 2005
           

          биир хоhоону буллум. маннык барар дуо?

          Уруйдан-Айхаллан! Албан ааттаах сэбиэскэй аармыйа. Адьыр5а естее5у самнаартын. Кемускээбит кенул норуоккуттан Келуенэ дьонуттан-махтал, Баhыыба! Улуу Кыайыыны а5албыт Сэбиэскэй аармыйа Уруйдан-Айхаллан!!! уйэ саас тухары... Ийэ дойдутун кемускээбит саллаакка Сурэх тэбиитин сылааhын аныыбыт. Кыайыыны уhансыбыт yлэhит норуокка Бар5а баhыыба, махталы тиэрдэбит. Улуу Кыайыыны а5албыт Сэбиэскэй аармыйа Уруйдан-Айхаллан!!! Уйэ саас тухары... Уруулуу бырааттыы омуктар Улуу кыайыыны уhансыспыттара Уруйдуу-айхаллыы керсебут Уйэ-саас тухары махтана... Улуу Кыайыыны а5албыт Сэбиэскэй аармыйа Уруйдан-Айхаллан!!! Уйэ саас тухары...

          1
  • Нида
    3 мая 2020
     

    Уоттаах сэрии толоонугар
    Буур5а, холорук быыьынан

    0
  • А.Хампа
    3 мая 2020
     

    Кыайыыга аналаах хоһооннорум. Балартан көрөн талаар

    Улуу Кыайыы 75 сылыгар анаммыт хоһооннор
    Эһэкээм суруга сытаахттыыр остуолга,
    Элэйэн, сааһаран,санатар сэриини.
    Уот, булдьа быыһыгар дойдутун ахтара,
    Хас биирдии тылларга иһиллэр курдуга.

    Эһэкээм, өстөөҕү кыайаҥҥын,
    Эргиллиэм диэбиккин, дьонноргор,
    Эйэлээх олохпут туһугар,
    Эппиккин эрэлгин, санааҕын.

    Эдэркээн бэйэлээх мөссүөнүҥ,
    Элбэх да дьыллар аасталлар,
    Кэпсиэҕэ куруутун, мэлдьитин,
    Кыракый хаартыска сэбэрэҥ.

    Турабын, билигин сөҕөбүн,
    Төбөбүн төҥкөтөн, хоҥкутан,
    Хайдахтаах сыллары ааспыккын,
    Хотойдуу киирсиһэн, кыайбыккын!
    Анатолий Хампа, 2015 сыл.
    ***

    Махтал, эйиэхэ, бэтэрээн эһээбэр!
    Мин, эн, тускар парааттаан хаамабын.
    Сүгүрүйэбин тапталлаах эбээбэр
    Сэрии ыар сылын ааспыккар.

    Эһээбит барахсан эдэркээн сылдьаҥҥын,
    Эйэлээх олохпут иннигэр өстөөҕү кыайбыккар.
    Эбэккээм, эн, тыылга хорсуннук үлэлээн,
    Эрэйдээх, кыһалҕа сыллары сүкпүккэр.

    Сибэкки дьөрбөтүн эһиэхэ уунабын,
    Сөҕөбүн, хайдахтаах буурҕаны ааспыккыт,
    Бу дьолоох олохпут туһугар охсуһан,
    Бүгүҥҥү сырдыгы, кэрэни ууммуккут!
    Анатолий Хампа, 2015 сыл.
    ***

    Этиҥнии эппитэ ньиргийэн,
    Эйэни барытын хааллара.
    Ыаһыахпыт кэмигэр соһутан,
    Ытыллан сэриибит турбута.

    Барбыта дойдутун сириттэн,
    Кыайыынан эргиллиэм диэбитэ.
    Кэтэһээр сэгэриэм, мэлдьитин,
    Баҕатын кыыһыгар эппитэ.

    Ол эрэн буулдьаҕа табыллан,
    Суорума суолланан хаалбыта,
    Ыраахха ырайга көппүтэ,
    Санаатын, ыратын сиппэккэ.

    Төһө да сылларбыт аасталлар,
    Турбута чараҥҥа кэтэһэн,
    Туус маҕан кубалыы уһуннар,
    Таптала, сэгэрэ кэлэрин.
    А.Хампа, 2015 сыл.
    ***
    Самаан сайын бүтүүтэ,
    Саа-саадах тутаммын,
    Синиэл сону кэмтэммин,
    Сэриилэһэ барбытым.

    Ийэ сири көмүскээн,
    Өстөөхтөрдүүн кииристим,
    Уйатыгар тиийэммин,
    Улуу Кыайыы аҕалтым.

    Олох устар түргэнник,
    Отой ааспыт, ырааппыт,
    Бэлиэр бүгүн тураммыт,
    Бэлиэтиибит дьоһуннук.

    Сыллар сүүрэн ааһаллар,
    Сирбит-уоппут чэлгийэр,
    Кэрэ күнү көрсүөҕүҥ,
    Кэккэлэһэ хаамсыаҕыҥ!

    Эйэ диэннээх олохтор,
    Элбии үксүү турдуннар,
    Сайда үүнэ туруоҕуҥ,
    Саргыбытын түстүөҕүҥ!
    А.Хампа, 2015 сыл.
    ***
    Соҕотох кыталык
    Сэгэрин сүтэрэн,
    Халлааҥҥа дайбана,
    Хаһыыран ылбыта.

    Эбэ күөлүн үрдүнэн,
    Кэрийэ элиэтээн,
    Көппүтэ кылана,
    Эргийэ, аймана.

    Доҕоро, таптала,
    Эҋэллээх олоҕу,
    Олохтуур инниттэн
    Сэриигэ киирбитэ,

    Кыайыыбыт туһугар,
    Кыа хаанын тохпута.
    Сурахтыын сүппүтэ,
    Күдэҥҥэ көппүтэ,

    Сыл хонук да аастар
    Сэгэрин аһыйа,
    Кыланан ылара,
    Кэтэһэ күүтэрэ.
    А.Хампа, 2015 сыл.
    ***
    Эйиэхэ бэтэрээн, эһэбэр тиэрдэбин,
    Эн, ааккын аттааммын, санааммын,
    Обелист иннигэр төҥкөйөн махтанан,
    Оруоса сибэкки уунабын, долгуйан.

    Эһэкээм, кыылыйбыт өстөөҕү кыайбыккын,
    Эрдэлээн сарсыарда уһуктан кэлэммин .
    Хаамабын айхаллаан, уруйдаан,
    Эдэркээн мөссүөҥҥүн тутаммын.

    Кыайыыбыт дойдуга ньиргийэр,
    Мэлдьитин күндүтүк иһиллэр.
    Бу дьоллоох олохпут туһугар,
    Бар дьоммор кыа хааҥҥын тохпукар.

    Өстөөҕү арҕаҕар диэритин сонордоон,
    Өлөрү-тиллэри ааһаҥҥын тиийбитиҥ.
    Эйэлээх олохпут туһугар киирсэҥҥин
    Эһэкээм, мин күндү киһим барахсан!
    А.Хампа, 2015 сыл.
    ***

    Ханна бааргытый?, Эһиги,
    Дьоллоох оҕо сааһы билбэтэх,
    Улахан дьону солбуйбут,
    Улуу Кыйыы туһугар.

    Үлэ үөһүгэр эриллибит.
    Умса-тэннэ тиллибит,
    Аччыктаабыт, сутаабыт,
    Көһөрүүгэ сылдьыбыт.

    Тоҥон-хатан сордоммут,
    Эрэй муҥун тэлийбит,
    Өлүү суолун өҥөйбүт,
    Харах уулаах улааппыт.

    Тулаайах амтанын амсайбыт,
    Чороҥ соҕотох иитиллибит,
    Аҕа аатын ааттаабатах,
    Сэрии сылын оҕолоро?!

    Хайдах ханна тиийээхтээн,
    Киһи хара буоллугут,
    Оҕолонон-урууланан,
    Олох суолун тэллигит?
    А.Хампа, 2015 сыл.
    ***

    Ыраах сиртэн айаннаан,
    Ытык сирбэр төҥкөйөн.
    Туймаадабыт киинигэр,
    Туруом саллаат иннигэр.

    Өстөөхтөрдүүн киирсиһэн,
    Өлүү суолун саппыккар,
    Оҕолорбор кэпсиэҕим,
    Өрүү куруук сэһэргиэм
    Ахта саныы сылдьыаҕым,
    Албан аатын ааттыаҕым,
    Хайдах дьолбут кэлбитин,
    Хоһоон айан тураммын..

    Ууруом аргыый сэрэнэн,
    Сибэккибит дьөрбөтүн.
    Уунан ууран тиэрдиэҕим,
    Сүрдээх Улуу Кыайыыгын!
    А.Хампа, 2015 сыл.
    ***

    Кыайыы күнэ, кыайыы күнэ,
    Кыһыл былаах тэлээрэр,
    Кэккэлэһэн тураллар,
    Колонналар бараллар.

    Кыайыы күнэ, кыайыы күнэ,
    Мэтириэттэр көстөллөр,
    Мэтээтэллэрэ килэйэр,
    Миигин кытта кэккэлиир.

    Кыайыы күнэ, кыайыы күнэ,
    Өлбөт полка параадтаан,
    Өрүү мэлдьи хаамсыһан,
    Өрөгөй үөрүү ахтыллар.

    Кыайыы күнэ, кыайыы күнэ.
    Үйэлэргэ махтанан,
    Үрдүк ааты алгыыбыт,
    Үөрэ-көтө ааттыыбыт.

    Кыайыы күнэ, кыайыы күнэ,
    Эһэм бииргэ сиэттиһэ,
    Эйэ, олох туһугар,
    Эҕэрдэҕэ кыттыһар.
    А.Хампа, 2015 сыл.
    ***

    Ырааттан, ырааттар ынырык сылларбыт,
    Ол уоттаах сэриигэ, эһэбит кыайбыта.
    Олохпут түргэнник устара, ааһара,
    Илинтэн сырдыкпыт тахсара, тыгара!

    Үөрэнэн, үлэлээн, уһанса, айаммыт,
    Көҥүллүк, доллоохтук олорон кэллибит.
    Үөрүүлээх, эйэлээх, эрэллээх кэмнэргэ,
    Кэскили, саргыны барыбыт тутуһа.

    Ыччаттар, оҕолор мэлдьитин ахтыаҕыҥ,
    Ытыктаан, парадтаан хаамсыһан ылыаҕыҥ.
    Сибэкки дьөрбөтө мэлдьитин уунуоҕуҥ,
    Сүһүөхтээх бэйэбит махтана төҥкөйөн!

    Дьоннорбут туһугар андаҕар этиэҕиҥ,
    Инники даҕаны көмүскүү турарга.
    Иэримэ дьиэбитин, сирбитин-уоппутун,
    Дойдубут туһугар, олоҕу уһата!
    А.Хампа, 2019 сыл.
    ***

    Хорсун хоодуот уолаттар,
    Хайыһары анньынан,
    Хоту сиртэн айаннаан,
    Хапсыһыыга киирбиттэр.

    Ийэ сири көмүскүү,
    Өстөөхтөрү кыдыйа.
    Ийэ сири көмүскүү,
    Өстөөхтөрү кыдайа!

    Уоттаах сэрии үөһүгэр,
    Улуу дьолбут иннигэр,
    Сириэдиһэн турбуттар
    Силлиэ буурҕа быыһынан.

    Ийэ сири көмүскүү,
    Өстөөхтөрү кыдыйа.
    Ийэ сири көмүскүү,
    Өстөөхтөрү кыдайа!

    Ыстаал хорсун эрэттэр,
    Ыстыык, буулдьа аннынан,
    Ситэн ардах быыһынан,
    Сэриилэһэн Кыайбыттар!

    Ийэ сири көмүскүү,
    Өстөөхтөрү кыдыйа.
    Ийэ сири көмүскүү,
    Өстөөхтөрү кыдайа!
    А.Хампа, 2020 сыл.
    ***

    Кыайыыга сыратын уурбутун
    (Ийэбэр Петрова Прасковья Лаврентьевнаҕа аныыбын)

    Мэлдьитин ийэбин саныыбын,
    Муҥнанан улааппыт олоҕун,
    Ол сэрии ыар сылын, кэпсиирин,
    Оҕуһу буолакка сиэппитин.

    Тулаайах амтанын билбитин,
    Тоҥууну, куйааһы ааспытын,
    Аччыктаан сордоно хаамарын,
    Аҕатын суохтуура эбитин.

    Туорахтаах бурдугу хомуйан,
    Кутуйах хасааһын хаһарын,
    Тутуллан сэмэҕэ турарын,
    Куттанан хараҕа уулантын.

    Соҕотох ынаҕын биэрбитин,
    Сутааһын дьонугар буолбутун.
    Күннэри, түүннэри үлэлээн,
    Кыайыыга сыратын уурбутун!
    А.Хампа, 2019 сыл.
    ***

    Улуу Кыайыы туһугар

    Баттахтара маҥхайан,
    Былыргытын ахтыһан,
    Оһох уотун иннигэр,
    Олороохтуур эмээхсин.

    Тарбахтара токуйбут,
    Иирэ талах кэриэтэ,
    Илиилэрэ хатыра,
    Тутахсыйа сордоммут.

    Оҕо сылдьан аччыктаан,
    Оҕус сиэтэн хаамара.
    Улахан дьону солбуйан,
    Умса-тэннэ түһэрэ.

    Эдэр хоһуун аатыран,
    Эриллээхтээн улаата,
    Холкуоһугар үлэлээн,
    Хотон сааҕын күрпүтэ.

    Хараҥаны былдьаһа,
    Харбыалаһа сүүрэрэ,
    Үллэр илгэ туһугар,
    Үрүҥ күнүн көрбөтө.

    Былааннары толоро,
    Баарын бары уурара,
    Кыһыл былаах ыйана,
    Кыайыы туһа дэнэрэ!
    А.Хампа, 2020 сыл.
    ***

    Көҥүл кэми туойуохха,
    Көрөн,түмсэн хаамыахха,
    Киирэн былаах тутуохха,
    Күннүү үөрэ туруохха.


    Бииргэ тэҥҥэ ылсыһан,
    Бары тахсан сиэтиһэн,
    Бүтүн норуот буолуоҕуҥ,
    Барааттааммыт хаамсыаҕыҥ.

    Кыайыы күнүн уруйдаан,
    Кэккэлэһэ сиэтиһэн,
    Мэлдьи ахтан кэпсиэҕиҥ,
    Үйэлэргэ тиэрдиэҕиҥ.

    Уруйбутун этэбиҥ,
    Айхалбытын аныаҕыҥ.
    Саргыбытын түстүөҕүҕ,
    Сарыал кыымнын кыыһыаҕыҥ.

    Модун буойун эһэбит
    Мэтириэтин тутаммыт.
    Умнубаппыт инниттэн,
    Махталбытын аныаҕыҥ!
    А.Хампа, 2020 сыл.

    0
  • Поэт
    4 мая 2020
     

    Сэрии буолбатын
    Хаан тохтубатын
    Сирэм куех сиргэ

    0
Обратная связь