Уважаемые пользователи,
теперь, чтобы создать тему или оставить комментарий, необходимо авторизоваться и подтвердить номер телефона.
Это позволит сделать атмосферу на форуме более дружелюбной.
сааскы халаан уута 2021
Omo5oi_Baai  -    970
large blue circleЫксаллаах быһыыны-майгыны туоратыыга Нам улууһун кылаабынай специалиһа Николай Монастырев иһитиннэрбитинэн, Нам улууһун үрдүнэн сааскы халаан уутугар ылларар 12 нэһилиэнньэлээх пуун баар. Кинилэртэн Үөдэй, Партизан, Арбын, 2 Хомустаах улаханнык былдьанар нэһилиэктэргэ киирсэллэр. Оттон Граф Биэрэгэ, Аппааны быыстаан (частично) ууга барыахтарын сөп.

large blue circleЫам ыйын 10 күнүгэр диэри бу ааттаммыт нэһилиэктэргэ эвакуациялыыр пууннар, сүөһүнү-сылгыны ууттан куоттарар үрдүк сирдэр бэлэм буолуохтаахтар. Өрүс уҥуор 4 нэһилиэк бородууктанан хааччылынна, эмп-томп тиийдэ. Хат дьахталлары, ыарыһахтары куоттардылар. Халаан саҕана ууга былдьаныан сөптөөх нэһилиэктэргэ көмөҕө быыһааччылар тиийиэхтэрэ. Уубут Саха сиригэр ыам ыйын 9-10 күннэригэр кэлэрэ сабаҕаланар, оттон Нам улууһугар ыам ыйын 16-20 күннэрин икки ардыгар күүтэбит.

large blue circleБүгүҥҥү күҥҥэ Үөдэйгэ уонна Хатыҥ Арыыга даамбалар бааллар. Былырыын Хатыҥ Арыы даамбатын икки сиринэн уу тоҕо сүүрбүтэ өрөмүөннэммитэ.
Баһаартан сэрэхтээх буолуу кэмэ саҕаламмытынан ыам ыйын 8 күнүттэн сарсыарда 9-тан киэһэ 8-ка диэри Нам-Дьокуускай кыраныыссатыгар уонна Намтан Түбэҕэ диэри нэһилиэктэр бэйэлэрин аартыктарыгар дьуһуурустуба олохтонуоҕа. Кэлэр-барар айанньыттарга, булчуттарга, сынньанааччыларга профилактическай ис хоһоонноох листовкалар бэриллиэхтэрэ, анал сурунаалга массыына нүөмэрин, мааркатын сурунан ылыахтара.

large blue circleБэлиэтээн эттэххэ, биир дьыл дьуһуурустуба түмүгэр 2,5 тыһыынча киһини регистрациялаабыппыт. Онон бу миэрэлэр коронавирус ыарыыта тарҕамматын, тыаҕа сэрэхтээхтик сылдьар туһугар ылылыннылар.

heavy check markЛена Ноговицына
Ответов 8
Авторизуйтесь, чтобы комментировать
Ваши данные будут надежно защищены и не будут переданы третьим лицам
Обратная связь