Ленскай нэһилиэк ветераннарын кэлбит 2021 сылынан эҕэрдэлээн туран баҕарабыт чөл туруктаах олоҕу, дьан дьаһах ааһан олохпут уруккулуу сүүрээнигэр киирэн араас сэргэх тэрээһиннэр ыытыллан, көрү- күрэҕи көҕүлүттэн тутуоххайын! Саҥа сылга баар балаһыанньаны өйдөөн, ирдэниллэр быраабылалары тутуһан күрэх ыытарга соруннубут. Оонньуубут барыта сахалыы остуол оонньуута, ол курдук былыргылыы хабылык, тыксаан, күөрчэх. Пенсияҕа тахсыбыт ким барыта эрдэттэн заявка биэрэн кыттыан сөп. Заявкаҕа а.а.а.а., олорор сирэ суруллан, төрөөбүт күнҥүт ыйыллан уонна ханнык көрүнҥэ кыттаргытын ыйан туран ватсаб ситиминэн 89141050915 телефонҥа ыытыллыахтаах. Оонньууга кыттааччыларга туспа ватсаб группата аһыллан күрэх ханна, хаһан, хайдах ыытылларын заявка киириититтэн көрөн быһаарыахпыт. Ол барыта хайдах дьан балаһыанньатыттан тутулуктаах. Хас көрүн кыайыылаахтара грамотанан, медалларынан наҕараадаланыахтара. Күрэх түгэннэрэ видеоҕа уһуллан группаларынан тахсыа. Ленскай нэһилиэк ветераннарын совета.