Уважаемые пользователи,
теперь, чтобы создать тему или оставить комментарий, необходимо авторизоваться и подтвердить номер телефона.
Это позволит сделать атмосферу на форуме более дружелюбной.
6 лет на форуме Автор 2 уровня 1000 просмотров Все
Награды
6 лет на форуме
6 лет на форуме
Автор 2 уровня
Автор 2 уровня
1000 просмотров
1000 просмотров
Хараңа хос, эбэтэр случай кэпсэтии
  3002
Кэрэһиннээххэ".
Мин оҕо сылдьан бэйэбин кытта дьиҥ-чахчы буолбут түбэлтэни кэпсиим. Бу Мэҥэ-Хаҥалас "Кэрэһиннээх" диэн сиригэр буолбут түбэлтэ. Оччолорго "күрүө" лааҕырдара диэн бааллара. Мин онно 7-с дуу, 8-с дуу кылаас оҕотобун. Биһи үс табаарыстыы оҕолор үһүөҥ туспа (балааккаҕа итиитэ бэрдиҥ иһин) хаптаһынынан оҥоһоллубут душевой аҥар өттүгэр утуйар этибит, аҥарыгар воспиткалар сыталлара. Арай биир сарсыарда биир атаспыт (кини кытыы улахаа сытар этэ) атахпыт диэки туора сытан уһугунна. Биһи өссө күлүү гынныбыт тоҕо инник сыттыҥ диэҥ, киһибит өйдөөбөт хайдах инник буолбутун. Ити инник ааста күлүү-элэк курдук. Онтон икки дуу үс дуу хонон баран аны биир доҕорбут оннук же эргийэн уһугунна уонна эмиэ өйдөөбөт хайдах оннук эргийбитин. Кини ааҥҥа чугас сытара, мин буо ортолоругар сытарым. Иккистээн буолбутун кэннэ биһи дьэ дьиксинэ санаатыбыт хайдах-хайдах баҕайыный диэн. Ахсыс кылаас оҕотун ким-да дьээбэлэммитин иһин (биһигиттэн улахан кылаас оҕолоро суохтар)икки киһини уһугуннарбакка эрэ оннук хайдах да сыҕарыппат этэ. Кыараҕас да этэ, ол душ аҥара баһа-атаҕа биллэр буо. Үһүс түүн ааммытын хатаныахха диэн буолла. Арай түүн ортото эбитэ дуу, эмискэ туохтан эрэ уһуктан кэллим иһиттэхпинэ ким эрэ таһырдьа үөмэн хаамар курдук. Мин аан бастаан оҕолорбут дьээбэлэнэллэр диэн уолуйбатым даҕаны. Онтон арай ол хаамыталаан баран хатыылаах ааммытын кэлэн туох эрэ тарта. Мин:"Кимиэй?",-диэн хаһыытааччы буоллум. Ол тухары дьонум утуйа сыталлар. Туох ааттаах утуйдулар дии саныы сыттахпына аан аппайбыт быыһынан хара күлүк барыс гынан ааста. Куттаныы диэн дьэ онно баара. Тугу да гыныахпын билбэккэ, харахпын симэн баран суорҕанынан бүрүнэн кээстим. Уҥуохтарым халыр босхо баран хаһыытыыр да кыах суох курдуга. Сарсыарда туран уолаттарбар кэпсээтим да дьонум тугу-да быһаарбатылар, улахан дьоҥҥо кэпсии барбатыбыт. Кэлин олорон тойонноотоххо ол бастакы эргиппит уолбут бэйэтигэр тиийинэн бараахтаабыта, иккис уол ол кэннэ оруобуна икки дуу үс дуу сыл буолан баран куоракка кырбананан суорума суолламмыта.
Ответов 22
  • hanguk
    26 января
     

    "Киэһээ тиэргэнңэ".
    О5о сааспар 5-8кл эргэ дьиэ5э олорорбут. Биир үтүө киэһээ эдьиийбинээн уу то5о тахсыбыт. Таһырдьа тымныы наһаалаан турар кэмэ. Тиэргэммит ыксары биир куһа5ан, эргэ тиэргэн турар... То5о эрэ ол сиртэн этим тардара! дьэ, биһиги кыра о5олор күлэ-үөрэ, мэниктии уубутун то5он кэпсэтэ-кэпсэтэ дьиэбит куулэтигэр 10ча хардыы хаалбытыгар... Куһа5ан ба5айы тыас иһилиннэ!... Олорор дьиэбит уңа өттүгэр хаарга салаппааны ууран баран хаамар курдук тыас иһиллэр! Ону эдьиийим иһиттим истибэтим эрэ диэбиттии куулэ5э сүүрэн киирэн хаалла!...Мин кутталбыттан уолуйан хаалан илиим ата5ым бааллан хаалта!... Биэдэрэбин туппутунан ытыы ытыы эдьиийбин ыңыра ыңыра турдум! Эдьиийим хайыа5ай! Тургэн со5устук сүүрэн кэлэн илиибиттэн харбаат соһон дьиэ5э киллэрбитэ. А5абытыгар эппиппитигэр таһырдьа тахсан иһиллээтэ... Биһиги кэм батыһа сырыттыбыт! Ол иһиттэхпитинэ ол хаамар тыаспыт били ыксары турар тиэргэннэ ааспыта!... Киһи дьиибэргиэ5ин атах суола суо5а! Бу билигин да5аны куттанабын ол тиэргэни көрүқхпүн! Кыһын хараңа5а со5ото5ун хаһан да тахсыбаппын... До5ордоох эрэ!
    #suor_tumat

    0
  • hanguk
    26 января
     

    "Хортуоска практиката".
    1999 с куьун Ханалас улууьугар хортуоска5а практика5а сылдьыбыппыт...
    Наьаа ынырык кирдээх , эргэ со5ус уопсай курдук дьиэ5э туьэрдилэр, биьи 100 тахса кыыс бары дьэ саба туьэн дьиэни уоту хомуйдубут, сууйдубут. Арай хаьыс эрэ куммутугэр, точно ойдообоппун, туун тугэх хостон кыргыттар хаьыылара иьилиннэ. ол хоско мин однокурс сыталлар этэ. Дьэ бары коруу истии бо5о буоллубут, тока онно ким да тугу да кэпсээбэтэ5э. Воспит ба5ар кэпсээмэн диэбитэ буолуо, куттаныахтара диэн. Кэнники билбиппит, ол хоско уоттарын умуруорбуттарын кэнниттэн туун аайы уоттара холбонон кэлэр, онтон биир кыыс арай хоонньугар туох эрэ туулээх сытар уьу. Корбуттэрэ кып кыра киьи сытар уьу, домовой быьыылаах диэбиттэрэ. Ол онтон куттанан хаьыытаабыттар эбит. Ол кэнниттэн туун аайы кэлэн оннук утуйар эбит кытыыга сытан, кыргыттарбыт уже куттаммат буолбуттар быьыылаах этэ, безобиднай диэннэр буолуо, уонна итинник домовой туох да куьа5аны тустээбэт эбит уьу. Ба5ар сымыйа диэн саныаххыт ол гынан баран бу барыта дьиннээхтик буолбут түбэлтэ.
    #suor_tumat

    0
  • hanguk
    26 января
     

    Ойунского 6/1 1 подъезд Хара ецнеех инфинити массыына кэлэн турар. Максим уол массыынатын иьиттэн подъезд аанын кэтээн олорор, аан арыллар икки кыыс субуруьан тахсаллар, Максим сигналлыыр....
    Кыргыттар кулсэллэр, подруга кыыс:
    -Маша кер эрэ! наьаа аштык массыына дии! Мин бассарым дуу!
    - Бут эрэ Дурочка! (Кулэ кулэ) извини Юля! Мин пошутила дии, кырдьык крутой массыына инник массыынаны мечтаайдыыр этим! Хозяина эмиэ инник боллун!
    - Негр! Что ли! (Кулэр)
    - Акаары! Я ж про парня говорю....
    - Я же пошутила, ты что коню понятно...
    -Чэ! Айка этиьэн бараары гынныбыт чэ киириэх....
    Кыргыттар массыынага киирэллэр иккиэн кэннигэр олорсоллор...
    ("Ити кэмцэ Маша кэргэнигэр звонок кэлэр:
    - Истэбин!( бас куолас)
    - Алло! Айаал! Брат памаги! есть праблеми! (Омуктуу акценнаах куолас)...
    -Какие проблемы Шамиль!
    - Тута сможэшь подъихать Европа клуб забили стрелка , какиэ та местныэ падсаны...
    - Нет человека-нет проблем! Жди! Айаал телефонун уурар...")

    - Привет! Я Михаил!
    Салгыыта: инстаграмңа бу ссылканнан киирэн араас кэпсээн аа5ың:
    https://instagram.com/suor_tumat?igshid=19nw2j3e6qly5

    0
  • hanguk
    28 января
     

    "Тымныы харахтаах кыыс "
    Бу түбэлтэни миэхэ дьүөгэм өрдөөҕүтэ истибитин кэпсээбитэ.
    Үөрэх сыла саҕаланан, олох киэҥ аартыгар үктэммит оҕолор кэлитэлээн, бэйэ-бэйэлэрин кытта саҥа билсэн-көрсөн уопсай дьиэҕэ киирэн олохторун булуналлар. Устудьуон ыччат туохха-туохха түбэспэтэҕэ, тугу-тугу гымматаҕа баарай?
    Мааса кыыс уруккуттан да аһаҕас эттээҕин сэрэйэрэ уонна онтон олус диэн эрэйдэнэрэ... Уопсайга олорон биир ыйдаҥа түүн эмиэ сүгүн утуйан биэрбэккэ, мөхсө, эргичийэ-урбачыйа сатаан, эрэй бөҕөнү көрбүт. “Оттон күһүҥҥү ыраас салгыны эҕирийбэхтээн киирдэхпинэ, баҕар, уум кэлээрэй?”, — дии санаан таһырдьа тахсыбыт. Сонун сыыһын бүрүнэн, сукуна саппыкытын анньынан, уопсайын аанын айаҕар ыйдаҥа уотун одуулаһа туран, күрүө таһыгар маҥан ырбаахылаах кыыс хаама сылдьарын көрө түспүт. Бастаан утаа «эмиэ бэйэм курдук утуйбакка сылдьар кыыс буоллаҕа дуу?» диэн үөрэ санаабыт. Ол эрээри эмиэ да чараас таҥаһыттан, киһиттэн дьиктитик туттарын бэлиэтии көрөн, дьиксинэ санаабыт. Били кыыс ханна да ыксаабат, арай уопсай дьиэтин диэки оргууй аҕай устаҥнаан кэлэн, Маасаны көрбөтөх курдук туттан аттынан ааһа турбут. Эмискэ Мааса муннугар амырыын аһыы сыт саба биэрбит. Ааһа бараатын кытта кэннин эргиллэн көрбүтэ, кыыһа эмиэ кини диэки хайыһан аҕай турар эбит.
    — Кимҥиний эн? Хаһыс хоско олороҕун? – Мааса ыйытааччы буолбут.
    Анараа кыыс тугу да хардарбатах. Арай олус тымныы уоттаах хараҕынан кинини тобулу көрөн, өр мыҥаан турбут. Мааса «бу илэ бэйэбинэн түбэстэхпиэн» дии санаатын кытта, кыыһа уопсай дьиэ аанын аһан иһирдьэ дьылыс гынан хаалбыт. Кини кэнниттэн батыһан киирэн көрбүтэ, оруобуна кинилэр хосторун диэки ааспыт. Хосторун иһигэр кыргыттара тугу да билбэккэ, кыбыс-кытаанахтык утуйан бырылаһа сыталлар эбит.
    Мааса ол түүн кыайан утуйбатах. Сарсыардалык дьон-сэргэ уһуктубутун кэннэ туоһуласпытыгар, ол уопсайга үлэлээбитэ быданнаабыт дьахтар: «Манна үс сыллааҕыта устудьуон кыргыттар күнүүлэһэн, саҥа үөрэнэ кэлбит, туох да саҥата-иҥэтэ суох биир кыыс эрэйдээҕи кырбаан өлөрбүттэрэ. Ити түбэлтэ кэннэ манна хас да киһи ол кыыһы илэ хаама сылдьарын көрбүтэ. Кини наһаа хомойбут санаатыттан буоллаҕа дуу, ый туолар түүнүгэр куруук уопсайыгар төннөн кэлэ тураахтыыр. Кини кимиэхэ да куһаҕаны оҥорбот, арай кинини көрбүт аһаҕас эттээх дьон эппэт кэлэҕэй буолуохтарыгар дылы куттаналлар», — диэн кэпсээбит.
    https://instagram.com/suor_tumat?igshid=115l321nvpmx9

    0
  • Бу баар, маны керун
    29 января
     
    0
  • hanguk
    29 января
     

    Университеты саҥа бүтэрбит эдэркээн кыыс биир кыра нэһилиэккэ учууталынан ананан тиийбит. Нэһилиэк салалтата учууталлар уопсайдара баар, усулуобуйаны барытын тэрийэбит диэбитэ. Оттон айаннаан тиийбитэ – туох да суох. Эргэ кулуупка остуорас хоһо дуу, хайа сах, хараҥа, кирдээх хоско дьиэлээтилэр. Билбэт дойдубар ханна, кимнээххэ барыахпыный, онно хонорго күһэлинним. Бастакы түүммэр айантан да сылайбытым быһыылаах, уһуктан көрбөккө утуйбуппун, оннооҕор оскуолаҕа уруокпар хойуутуу сыстым. Дириэктэр, баҕар, атын дьиэ биэрээрэй диэммин ыйытан көрдүм да, аккаастаатылар. Хайыахпыный, үлэ күнүн кэнниттэн маҕаһыыҥҥа сылдьан бородуукталаан бараммын, хараҥа хоспор кэллим.
    Дьиэбэр чугаһаабытым, арай, түннүкпэр уот сандаарар. Оҕолор дьээбэлииллэр дуу, баһылык кэлбитэ буолуо дуу диэн саныы-саныы хоспор киирдим. Эмиэ мин саҕа саастаах кыыс эргэ сиэркилэм иннигэр  баттаҕын тараана олорор. Миигин көрөн улаханнык соһуйбата: “Дорообо, киир, аас”, — диэтэ. Мин хоспор киирэн олорон, киирэрбин көҥүллүүр дуу диэн санаан ыллым, ол да буоллар сөбүлээбэтэхпин биллэрбэтим. Кэпсэтэн билсибитим, эмиэ саҥа учуутал эбит, баһылык миигин кытта олорорго сорудахтаабыт. Ону-маны буолары-буолбаты кэпсэтэн бараммыт, ороммутун оҥостон сыттыбыт.
    Түүн үөһэ кыыһым ытаан сыҥсыйарыттан уһуктан кэллим: “Хайа, туох буоллун?” – диэппин кытта дьукааҕым таһырдьа ыстанна. Күүтэ сатаан бараммын, таһырдьа таҕыстым. Ханан да киһи баар буолуох айылаах сибикитэ көстүбэт. Куттанным. “Нарыйаа!” – диэн хаста да хаһыытаатым, кыыһым эппиэттээбэтэ. Чаас курдук булумахтанан бараммын, аны алдьархайга түбэстэҕэй диэммин, баһылык дьиэтигэр тыллыы сүүрдүм.
    Түүн ыалы тоҥсуйан уһугуннаран, туох буолбутун кэпсээтим. Онуоха Иван Иванович: “Тохтоо эрэ, ити эн ким туһунан кэпсиигиний? Эйиэхэ кими да дьукаах олордубатахпыт ээ”, — диэтэ. Үлэбиттэн кэлбитим, кыыс баттаҕын тараана олорорун, Нарыйа диэн ааттааҕын кэпсээтим. Баһылык соһуйда уонна куттанна: “Бүгүн биһиэхэ хон”, — диэн дьиэбэр ыыппата.
    Кэлин сураһан истибитим, биэс сыл мин иннибинэ учууталлыы кэлбит кыыһы эргэ кулууп хоһугар олордубуттар. Кыыс үчүгэй баҕайытык үлэлээн иһэн, Саҥа дьыл саҕана бэйэтигэр тиийиммитин хоһуттан булбуттар. Сылгыһыт уоллуун доҕордоспут эбит, уола атын кыыска барбытыттан абатыйан, маннык буолбут диэн быһаарбыттар.
    #suor_tumat

    0
  • hanguk
    29 января
     

    Атын кэпсээннэр инста5а downwards black arrow
    https://instagram.com/suor_tumat?igshid=neelxkh40gku

    0
  • .
    29 января
     

    Биирдэ 2003 с.5 уол буолан кыргыттары снимаайдаары квартира суукка5а ылбыппыт. Ити 9 этээстээх Горького турар дьиэлэр, малосемейка. Кыргыттары булбатыбыт, ол оннугар дэлби пиибэлээн баран утуйдубут. Сарсыарда тобом ыалдьан, утатан уьугуннум, арай о5о ата5ын тыаьын истэбин, ороммор олордум, о, кыра о5о турар нокоо, кубарыйан хаалбыт ырбаахылаах, батта5а арба5ар, утуйа сытар уолаттарбын сирэйдэрин корутэлиир. Куттанаммын суор5аммын сабынным. Аны атах тыаьа мин диэки иьэр, олох ойдонон хааллым, оннук сыттым. О5о ата5ын тыаьа суттэ. Суор5аммын аа-дьуо арыйдым ким да суох. Уолаттарбын уьуггуннара охсон ити квартираттан куоттубут.
    Кэлин билбитим ити малосемейка урукку кладбище урдугэр тутуллубут эбит дии. Чочуоккэ онтон тахсар эбит дии саныыбын.
    Ити дьиннээх. Чочуоккэ дьиннээхтии баар эбит.

    0
  • hanguk
    5 февраля
     

    "Хомуос тыаһа".
    Лаа5ыр түбэлтэлэрэ. 2008 сыллаахха буолта. Оччолорго "Чистая вода" эңин биһиэхэ киирэ илигэ. Ол иһин улахан баахтаах уу кухня иһигэр турааччы. О5олор "роса" бытыыккатыгар эңин куттан илдьэ сылдьааччылар. Биир киэһээ "отбой" кэмэ сытан кэпсэтэн утуйарга барыыга биир уол уу иһиэхпин ба5ардым диэн хаайда. Утуйар корпустан ол аһыыр сирбит тэйиччи син. Мин хайыахпыный, бассар буолла5ым ди. Кухня иһэ ыас хараңа, саатар ол баах түгэх турар. Киирэн ортолоон истэхпитинэ хомуос түһэр тыаһа иһилиннэ, уолум:
    - Кто здесь диэтэ? Мин ба5ар повардар ду диэн ас биэрэр түннүгүнэн өңөйдүм, туох да суох. Онтон хомуос сиргэ сырылыыра иһилиннэ. Уолум куотан та5ыста мин кэнниттэн ыстанным,  ол сүүрбүтүм диэн ол киһини батыһан. Ол курдук оннук куорпуспутугар сүүрэн киирбиппит. Мин атын о5оттон бэссиһиннэрэн уугун ис диэтим, эрдэттэн да оннук кыммакка.
    Биир кырдьа5ас эмиэ түбэспит этэ, сарсыарда эрдэ ол кухня5а уу иһээри баран эмээхсини ду, тугу эрэ көрөн төннүбүт этэ. Онтон дьоннор үлэлии сылдьаллар да туох да диэбэттэр...
    2009 с. Дьокуускай

    Салгыы кэпсээннэр downwards black arrow
    https://instagram.com/suor_tumat?igshid=pxpjn7ac1lbg

    0
  • hanguk
    7 февраля
     

    "Дьикти".
    Иллэрээ сыл сааһа, күөлгэ ырбыы саҥа тахсан эрэр кэмэ. Уолаттары кытта кус түһэр уутун көрө, таарыйа "сезон" арыйа диэн дэриэбинэттэн чугас "Ходуһа күөл" диэн сиргэ бардыбыт. Олорор күөлтэн-үрэҕинэн тыыннан бардыбыт.Тимкалыын мэҥэһиннибит. Сүүрүгэ сүрдээх. Устан тиийбиппит күөлбүт мууһа көтөҕүллэн хаалбыт, уу суох. Хайыахпытый "биири истибит", төннүөххэ дэстибит. Мин саллан сатыы бардым, үрэх тамаҕар көрсүөхпүт дэстибит, ким урут тиийбит күүтүөхтээх. Баран иһэн талах быыһыттан икки моонньоҕон көтөн тахсыбытын атыырын түһэрдим, түспүт сирэ бүтүннүү талах, быыһа дириҥ баайы уу, түгэҕэ муус, халтархайа сүрдээх, 20-чэ мүнүүтэ көрдөөн булбатым. Ойуур иһинэн бардым кылабыыһаннан. Олорор күөлбэр киирэн үрэх тамаҕар сиҥнибит от күрүөтүгэр, остуолбаҕа өйөнөн олорон дьоммун кэтэстим. Тыыраахы, чиибис, хопто саҥата сүрдээх. Ол олордохпуна кэннибэр ким эрэ сөтөллөр, аахайбатым көтөр саҥата диэн. Онтон өссө иһилиннэ, хайыһан көртүм кыыс оҕо турар 10 м курдук ыраах, сырдык панама курдук бэргэһэлээх, икки гына өрүммүт баттаҕар лиэнтэлээх, сиэрэй сибиитэрэлээх, онто аллараннан синньигэс хара полоскалаах, ретузалаах дуу көннөрү ыстааннаах дуу. Бу тоҕо түүннэри сылдьар оҕонуй диэн толкуйдаатым, чаһыы 2 ааһан эрэр. Ыйытаары кэннибин көрбүтүм кыыһым баран эрэр, аҥхал диэки баран иһэн бытарыс гынна, сүтэн суураллан хаалла... Мин кутталбыттан ойон турдум да дьиэм диэкки ойдум, быһытыаны туораан иһэн өйдөөбүтүм саам суох, төннүөхтээҕэр кэннибин да көрүөхпүн куттанабын, кут көтүүтэ диэн баар быһыылаах. Дьиэбэр кэллим да бүрүнэн баран утуйдум. Сарсыҥҥытыгар саабын күнүс баран ылбытым. Уолаттарым ол түүн порт ойоҕоһугар үөскэ сэһээккэ туттан олорбуттар. Миигин көрбөтөхтөр.Туох эбитэ буолла.
    2010 с. Дьокуускай.

    Салгыы кэпсээн downwards black arrowdownwards black arrowdownwards black arrow
    https://instagram.com/suor_tumat?igshid=pxpjn7ac1lbg

    0
  • Бу маны көр.
    7 февраля
     

    Бу СексМаньяк оҕону сырсан кэбилэнэ сылдьарын көрүҥ:



    Видеокамералары туруоруҥ дьиэҕит аттыгар!!

    0
  • hanguk
    13 февраля
     

    "Муосчуттар".
    Мин биир билэр уолум иэдээнңэ түбэһэ сыспыт этэ. Табаарыстара мааман муоһун тиэйэ бара таарыйа илдьэ барбыттар этэ. Хоту аара баран иһэн кытылга (остров) тохтоон хоммуттар, ол күн миэхэ спутниковай телефонунан эрийэ сылдьыбыта. Сарсыарда утуйан турбуттара мотуордара муора5а устан хаалбыт, ыраах ба5айы ханна эрэ көстөр көстүбэт турар уста сылдьар эбит. Ону уолаттар кураанах бочкаларынан плот оңорон мотуордарын быыһыы устубуттар. Табаарыспын илдьэ бара сатаабыттар да саллан барсыбатах этэ, аһа5ас муора буолла5а, арай көрдө5үнэ уолаттара долгун быыһыгар көстөр көстүбэт буолаллар эбит. Ол уолаттары барахсаттары долгун тиэрэ бырахпыт этэ табаарыһым со5ото5ун хаалан олус куттаммыт. Ол түүн арай утуйа сытта5ына ааны ким эрэ тоҥсуйар үһү, арай уһуктубута табаарыстара иккиэн олороллор. Тугу да санарбаттар ааны арыйыннытыый диир үһү да истибэттэр эбит. Ону бэйэтэ туран арыйбыт. Арыйбыта үрүҥ эһэ үрдүгэр эмээхсин олорор эбит уонна эппит: "Мантан баран хаал, эн манна тугун да суох" диэн, онно уһуктан кэлбит. Онтон сарсыныгар күнүс биэрэги көрбүтэ үрүҥ эһэ хааман иһэр үһү ыраах ба5айы. Ыксаан сонно тута МЧС-тарга биллэрбит спутниковайынан. Ону улахан уотта отун диэбиттэр. Хата уоту көрөн эһэ төттөрү төннүбүт этэ. Онтон ханнык эрэ байыаннай хараабыл кэлэн уолу ылбыт, со5ото5ун олорон табаарыстарын сүтэрэн бырахтара сыспыт этэ.
    Атын кэпсээннэр инстаграм downwards black arrow
    https://instagram.com/suor_tumat?igshid=pxpjn7ac1lbg

    0
  • hanguk
    18 февраля
     

    "Тапталга дьүөгэ суох".

    Сотору нэһилиэк аайы дьон түһүлгэҕэ түмсэн сайыны уруйдуохтара, ыһыах ыһыахтара, оһуохай бөҕө дуорайыаҕа. Мин эмиэ ыһыаҕы күүтэр дьахталлар ортолоругар, бу күнү хас сыл аайы долгуйа күүтэбин. Саҥа былаат баанаары буолбатах, саҥа ырбаахы кэтээри буолбатах, саҥа ытарҕа да иилинээри буолбатах. Мин ыһыаҕы күүтэбин дойдубар тиийээри, кинини саатар ыраахтан көрөөрү…

    Дьокуускайга устудьуоннуу сылдьан , бастакы кууруһу ситиһиилээхтик бүтэрэн, ахтылҕаннаах төрөөбүт дойдубар ыһыах саҕана кэлбитим. Хас сыл аайы үгэс буолбут “Кэрэчээнэ Куо” диэн күрэх буолара. Арай кулууп үлэһитэ мин кэлбиппин көрөн “Кыттыаҥ этэ дуо?” диэбитигэр, тута сөбүлэспитим. Күрэхпэр сыыйа бэлэмнэнэн барбытым., ийэлээх эбэм иистэнньэҥ буоланнар, таҥаһым-сабым түргэнник сиппитэ. Үрүҥ тунах ыһыах күнэ үүммүтэ. Өр көрсүбэтэх доҕотторбун, кылааһым оҕолорун көрсөн олус үөрбүтүм. Ол эрээри күрэҕим күнэ үүммүтүттэн наһаа долгуйарым. Дьүөгэм Таня аттынааҕы нэһилиэк уолун ыраахтан көрөн , кистээн таптыыра. Ол уол мас тардыһарын көрө барыах диэн дэлби хаайсан, киниэхэ доҕор буолан барыстым. Өр-өтөр буолбата, арай Дьулустаан Егоров диэн биллэрдилэр. Сахаҕа кыраһыабай, бөдөҥ-садаҥ, уурбут-туппут курдук быһыылаах-таһаалаах эдэр киһи тахсан кэллэ. Таням долгуйа-долгуйа сүрэҕинэн-быарынан ыалдьа олордо. Өр-өтөр буолбата, утарылаһааччытын илиититтэн маһы биирдэ тардан кэбистэ. Миэстэтин атастаһаат, эмиэ сулбу тардан мөккүөрэ суох кыайыыны ситистэ.

    Сөрүүн түһүүтэ күрэхпит буолла. Кыттааччылар сэттиэбит. Бары да олус долгуйабыт эрээри, мин син бэркэ кытынным. Күрэх бүтэн, түмүк тахсарын кэтэһэ Танябынаан турдахпытына, били Дьулустаан биир доҕорунаан биһиэхэ супту хааман тиийэн кэллилэр. “Кыргыттаар билсиһиэххэ сөп дуо?” диэтэ. Мин аатын Дьулустаан диэтэ. Оннук билистибит. Доҕорун аата Марик диэн эбит. Таням харахтара чаҕылыһа түстүлэр. Ону-маны кэпсэттибит. Арай Дьулус миэхэ: “Наһаа да кыраһыабай уһун суһуохтааххын, күрэххэ кыайдыҥ быһыылаах” диэтэ. Онтон түмүгү биллэрдилэр. Мин “Толбоннурар уһун суһуох” диэн аакка тигистим. Миигиттэн икки сыл улахан кыыс “Кэрэчээнэ Куо” аатын сүктэ. Бэлэх туһах тутан, хаартыскаҕа түһэн аны дискотека саҕаланна. Дьүөгэлэрбин кытары үҥкүүлүү сырыттахпына, Дьулустаах Марик биһиэхэ кэлэн үҥкүүлэстилэр. Онтон бытаан үҥкүү тыаһаатын кытары Дьулустаан миигин үҥкүүгэ ыҥырда. “Эн наһаа да кыраһыабайгын” диэтэ. Ол киэһэ хаста да үҥкүүлээтибит. Арай биирдэ өйдөөбүтүм, Таням суох эбит. Таняны көрдүү бардым, аны Дьулуһум батыһан таҕыста. Онон –манан көрдөөн , ыйыталаһан көрдүбүт да булбатыбыт. Онтон Дьулустуун паарка түгэҕин диэки хаамыстыбыт. Күн тахсыар диэри ону-маны кэпсэттибит. Онтон кини миигин дьиэбэр атааран баран , оргууй кууһан баран уураан ылла. Бэйэм да соһуйан, долгуйан хааллым. Ама таптал диэннэрэ бу буолуо дуо? Дьулус аттыбар баарыгар сүрэҕим тэбэрэ күүһүрэриэн, долгуйарбыан. Ити күнтэн ыла өйүм-санаам кини эрэ буолбута. Ол саҕана билиҥҥи курдук суотабай да , интэриниэт да суоҕа. Сарсыҥҥы күнүгэр Таняҕа тиийбиппэр, дьүөгэм миигин кытары сүгүн кэпсэппэтэҕэ. Миигин таҥнарыахсыккын, Иудаҕын диэн үөхпүтэ. Таптыырга буруй суох. Мин чахчы Дьулуһу наһаа күүскэ таптаабытым, наһаа ылларбытым. Ол сайыны быһа бииргэ сылдьыбыппыт. Таня Дьулуһу чахчы астынара эрээри, мин тоҕо эрэ киниттэн былдьаабыт курдук санамматаҕым. Дьулустаан миигин таптыыра, биһиги олус дьоллоох этибит. Онтон от үлэтэ саҕаламмыта. Дьулуһум дьонун кытта оттуу барбыта.

    Арай биир сарсыарда утуйан турбутум, аттынааҕы ыалбыт дьахтар : “Бөөлүүн Новгородовтар Таня диэн кыыстара эмп бөҕөнү иһэн ыарахан туруктаах үһү, куораттаппыттар” диэн кэпсээниттэн мин олоро биэрдим. Хайдах мин Таням дуо диэн дьэ ,чахчы бэйэбин Иуда курдук сананным. Куһаҕан дьүөгэ эбиппин диэн дэлби буруйданным. Наһаа да ыар күннэр саҕаламмыттара. Нэһилиэк дьоно бары кэпсэтэр кэпсэтиилэрэ Таня буола түспүтэ. Киһи ыйытыан да куттанар курдуга.

    Килиэп ылаары маҕаһыыҥҥа тиийбитим, Таня ийэтэ турар эбит. Мин наһаа харааһынным. Таня хайдаҕый диэн нэһиилэ ыган ыйыттым. Онуоха “соччото суох, куоматтан тахса илик.
    Ити барыта эн үөннэнэҥҥин, уолу иирдибиккиттэн. Туох сордоох уолай, киһи баранан. Эн буруйдааххын барытыгар. Куораттан биир уол көстүбэтэх бэйэтэ буоллаҕа” дии-дии суланан ытаан киирэн барда. Мин оҕотук санаабар, бэйэбин абааһы көрөн бардым. Били такыммар тиийэр уһун суһохпун дьиэбэр киирээт эбэм иистэнэр кыптыыйынан быһа кырыйан кэбистим. Бу суһуох буруйдаах, санаабар Дьулуһу эмиэ абааһы көрдүм. Ийэм таһырдьтаттан киирэн баран баттахпын көрөөт, айманыы бөҕө буолла. Мин хараҕым оспоччу иһиэр диэри ытаатым. Өлүү түбэлтэлээх аны ол киэһэ Дьулуһум тиийэн кэллэ.

    Таняны истибит. Баттахпын көрөн наһаа соһуйда. Миигин “көмүһүм, чыычааҕым, сибэкким, эйигин эрэ таптыыбын, олоҕум тухары эйигин эрэ таптыаҕым. Таня миигин таптыырын хантан билиэмий. Арай ити ыһыах иннинэ биир кыра уолунан сурук ыыппыт этэ. Онно тапталыгар билиммитин,, оонньуу курдук санаабытым ” дии-дии кууһа-кууһа сыллаа да сыллаа буолла. Мин хайдах эрэ Дьулуска сыһыаным сойон хаалбыт этэ. Хайдах эрэ тэйэ хаамаат “Бүттэ Дьулус, барыта бүттэ. Көрөҕүн миигин? Мин уһун баттаҕым суох” дии-дии ньиэрбинэйдээн бардым уонна дьиэбэр киирэн ааны хатаан кэбистим. Балайда өр тоҥсуйда, онтон аҕам тахсан туох эрэ диэн бардьыгынаата быһыылааҕа.
    Күһүнү кэтэспэккэ куоракка киирдим. Таня куоматтан тахсан уопсай палаатаҕа таһаарбыттарыгар тиийэ сырыттым. Наһаа өр ытастыбыт, куустуһан олорон иллэстибит. Бииргэ улааппыт саамай күндү дьүөгэм буоллаҕа. Таням бырастыы гыммытыгар наһаа да үөрдүм уонна дууһалыын чэпчээтим.

    Ол эрээри Дьулуһу син биир ахтар, түһүүр этим. Бэйэбин бэйэм албыннанан тапталбын мэлдьэһэрим. Куорат киэҥ этэ да Дьулуска тэҥнээх ким да суоҕа. Дьулуһум уопсайга киирэн биир кыһыны быһа көрсө, кэпсэтэ сатаабыта. Онтон сүтэн хаалбыта.

    Үһүс кууруһу бүтэрэр сайыммар ийэм Таня Дьулустуун ыал буолан эрэрин туһунан кэпсээбитэ. Ол сонун миэхэ ыраас халлааҥҥа этиҥ эппитин курдук иһиллибитэ. Хайдах? Онно биирдэ өйдөөбүтүм, Дьулуһу хайдах курдук таптыырбын, тапталга дьүөгэлэр суохтарын… Таняттан кэлэйбитим. Ол эрээри сыл хонук аастаҕын аайы Таня бэйэтин дьолун туһугар өлөрүн кэрэйбэккэ охсуспутун сөҕөбүн. Дьол да диэхтээн… арыгы обургу тугу гымматаҕа баарай? Атын киһиттэн хат сылдьан итирбит уол хоонньугар киирэн, баайсан күүһүнэн кэргэн ыллаттарбыт. Ыал буолан баран үөрэххэ барар аатыран аны оҕотун түһэттэрбитин,   Дьулус дэлби иһэр буолбутун, Таня аҕыйах сыл олороот атын киһиэхэ иирэн барбытын дьоммуттан истибитим. Хайдахтаах курдук кыһыйбытым буолуой?! Биир дьахтар чэпчэки санаатыттан үс киһи олоҕун алдьаттаҕа…

    Мин билигин да соҕотохпун. Эдэр буолбатахпын, кырдьыам эрдэ. Суһуоҕум балайда уһаата…

    Аҕыйах хонугунан дойдум ыһыаҕа буолаары турар. Онно тиийиэхтээхпин, кинини көрсүөхтээхпин. Туох барыта буолуон сөп. баҕар…
    Элбэх кэпсээн инстаграм downwards black arrowdownwards black arrowdownwards black arrow
    https://instagram.com/suor_tumat?igshid=pxpjn7ac1lbg
    Суһуохтаах

    0
  • hanguk
    24 февраля
     

    ТАПТАЛ КУТААТЫН ДЬИКТИТЭ

    Эр бэрдэ Дьөгүөссэ соҕуруу армияҕа сулууспалыы сылдьар. Дойдутун, дьонун ахтар да ахтар.
    Өр саараан, сээбэҥнээн баран, хорсунун киллэрэн, дойдутугар, сөбүлүү көрөр кыыһыгар Өрүүнэҕэ сурук суруйар. Долгуйар ахан.
    Хата, бэрт сотору харда сурук тиийэн кэлэр. Почтальон уолга этиппэккэ да, Дьөгүөссэ үҥкүүлээн бэдьэйэ охсон, суругун ылар.
    Онто, арай, "мин эн тапталыҥ кутатын билиэхпин баҕарбаппын, кутаҕа тимирэр буоллаххына бэйэҥ тимир" диэн эбит. Суругун төттөрү уган ыыппыт. Аахпыта баара, "Өрүүнэ, эн мин тапталым кутатын билиэҕиҥ" диэн суруйбут! Алҕаһаан, биир буукубаны көтүтэн быстарбыт!
    Хайыаҕай, санаарҕаатар да саллаҥнаан сылдьар. Сотору син аһарынар, сүрэҕин бааһа урудуйа быһыытыйар.
    Бу сырыыга ох курдук оҥостон олорон суруйар. Ааспыкка алҕас тахсыбытын быһаарар. Били "тапталым кутаатын билиэҕиҥ" диэнин эбии уустаан-ураннаан тупсарар, кичэйэн, хос-хос көрөр, ааҕар.
    Барыта туох да найгы. "Өрүүнэ, эн миэнэ буоллуҥ!" — биһиги киһибит өрүкүйбүт сүрэҕэ күүскэ-күүскэ тиҥийэр.
    Итинник күүрээннээх, уоттаах-төлөннөөх этииттэн хайа кыыс туҥуй сүрэҕэ хамсыа суоҕай?! Романтика да романтика! Бу сырыыга алҕас, сыысхал суох!

    Сотору сурук кэллэ. Эмиэ үҥкүүлээн бэдьэйдэ.
    Суругун аахта: пахай, Өрүүнэтэ аны "мин уоттан-кутааттан кыра эрдэхпиттэн куттанабын, кыым ыстанан харыбын сиэппит үһүбүн, онон эн кутааҕын билиэхпин баҕарбаппын, кутааҕа умайар буоллаххына бэйэҥ умай" диэн суруйбут. Уонна баран романтикалыы сырыт!..
    Дьөгүөссэ тапталын кутаата сонно умулуннаҕа дии биир лахаан тыбыс-тымныы уунан саба ыстарбыттыы. Кыыс эрэ барыта уустаан-ураннаан хоһуйан этэри өйдөөбөт эбит.

    Ити кэннэ Дьөгүөссэ, кэһэкэнэ буолан, таптал кутаалаах суруктарын суруйбат буолбут. Ол эрээри, дьиктитэ диэн, дойдутугар кэллэ кэлээт, Өрүүнэни кэргэн ылбыт этэ. Хайдах тапталын кутатыгар батылыннарбыта буолла — таабырын.

    Элбэх кэпсээннэр downwards black arrowdownwards black arrowdownwards black arrow
    https://instagram.com/suor_tumat?igshid=pxpjn7ac1lbg

    0
  • hanguk
    8 марта
     

    ЭМЭЭХСИНЭ КЭЛЭН ИЛДЬЭ БАРБЫТА.

    – Бу түбэлтэ бөһүөлэктэн чугас алааска бурдук астааһыныгар буолбута. Малатыылкабыт туга эрэ табыллыбакка, үлэ тахсыбакка, сотору-сотору тохтоон, көлө тардар баалын хаһарбыт. Арай биир сарсыарда (ыал үксэ көрбүт этэ) бөһүөлэк таһынан ааһар айан суолунан маҥан былааттаах биир дьахтар тиэтэйэ-саарайа илин диэки, биһиги үлэлиир алааспытыгар, баран эрэр эбит. Ону көрөн, биһиги эбэбит эмээхсин: «Хайыы, хас да сыллааҕыта өлбүт Дьуона эмээхсинэ баран эрэр дии? Оо, дьэ, туох эрэ буолар буолла», – диэмэхтээтэ. Мэктиэтигэр, мэнэрийэн бара сыста, ону саба түһэн нэһиилэ уоскуттубут.

    Ол күн үлэлии сырыттахпытына (били баалбытын ол Дьуона оҕонньор көрөр, хасыһар эбит), оҕонньорбут ортотугар киирэн төҥкөйө сытан, илиитин уган эрэрэ да, эмискэ өй мэйдээх тулуйбат хаһыыта-ыһыыта буолла. Көлөлөрбүтүн нэһиилэ тохтотон баран көрбүппүт, оҕонньорбут илиитин эрийтэрбит, ону оруу тардан ыларын кытта, доҕоор, хаан-сиин бөҕө өрө ыһылла түстэ. Көрбүппүт, уҥа илиитин бүтүннүү илдьи эрийтэрэн кэбиспит. Ону көрөн, ытаһыы-соҥоһуу бөҕө, үлэ кыайан тахсыбата. Онон бары аа-дьуо хомунан дьиэбитигэр тарҕастыбыт. Дьуона оҕонньор эрэйдээх ол кыһыны быһа эрэй бөҕөтүн көрөн өлөөхтөөбүтэ.

    Кэпсээннэр инстаграм downwards black arrowdownwards black arrowdownwards black arrow
    https://instagram.com/suor_tumat?igshid=pxpjn7ac1lbg
    Уһун сахалыы кэпсээннэр фейсбукка downwards black arrowdownwards black arrowdownwards black arrow
    https://www.facebook.com/groups/236829334731330/

    0
  • hanguk
    16 марта
     

    "68-общага5а".
    Былырыын уопсайга киирэн баран орон былдьаспыттаахпын. Уопсайга саҥа киирдим, бастакы күнүм. Дьэ, олох "приснись жених невесте" эҥин бөҕөтө буолан утуйдубут...
    Арай түүн үөhүн саҕана ким эрэ атахпыттан тардыалыыр, мин дьэ,олох суорҕаммын моонньубар дылы ыбылы тардынным, оронум кытыыларыттан дьуоскайдык тутустум уонна дьэ атахпын ыла сатыыбын, өр дуу өтөр дуу оннук дьаабыланныбыт. Ол быыhыгар билэрбинэн-билбэппинэн Айыыларбыттан көрдөhө сытабын. Онтон дьэ илиитин ыhыгынна. Мин ол кэннэ утуйан абыран, сарсыарда буолуор диэри килэччи көрөн баран сыппытым. Кэлин сордооботоҕо.
    Отсекпытыгар эмиэ туох эрэ баара. Биир однокурсницам аhаҕас эттээх, кини балкоҥҥутугар кыра оҕо баар диэбитэ.. Пролётка эмиэ туох эрэ баара, соҕотохтуу ааспат этибит...
    Атын кэпсээннэр downwards black arrowdownwards black arrowdownwards black arrow
    https://instagram.com/suor_tumat?igshid=pxpjn7ac1lbg

    0
  • hanguk
    30 марта
     

    *Альфонс уонна «бааба ягодка»*

    Киэһэ үлэбиттэн кэллим. Сылайан. Аччыктаан. Утуктаан. Куорат дьахтарын көннөрү күннээҕитэ... Киирээт да бадарааннаах соппуоскабын уһулан тирээпкэ үрдүгэр иттэннэри бырахтым. Чаһыбын көрбүтүм, аҕыһы быдан ааспыт. Били, «Маргошам» кэлэн ырааттаҕа, тэлэбиисэрбин холбуубун. «Уу, йуолка, Зимовскай наар буҕаалтыр чүөчэлэр төбөлөрүн иирдэр, анарааҥҥыларбыт да итэҕэйэн иһээхтииллэр», — диэн саныы-саныы чаанньык оргута уурабын. Мин тэлэбиисэри ыраахтан сатаан көрбөппүн, ол иһин экраҥҥа бүтүннүү киирэн хаала сыһабын. Оччоҕуна бэйэм олоҕум, үлэм, кыһалҕам — барыта умнуллар. Уопсайынан, сэрийээл диэн — сынньалаҥ биир бастыҥ көрүҥэ. Эмискэ төлөпүөнүм тылыгырыыр. Саарка диэн киһи эрийэр.
    Мин төлөпүөммэр кини аата мэник кыыс курдук суруллубут, дьиҥэр, Сардаана уп-улахан уҥуохтаах сааһыра барбыт түөтэ. Дьүөгэм. Ыалым. Аллараа этээскэ олорор.
    — Ааллаа, дьиэҕэр бааргын дуо?
    — Баарбыан...
    — Тугу гына олороҕун, киэһээҥҥигин аһаатыҥ дуо?
    — Хантан? Саҥа кэллим. Аһаабаппын-хайаабаппын. Айыка, утуйар инибин, — диибин мин, тэлэбиисэртэн харахпын араарбакка.
    — Оттон мин оливье оҥордум ээ. Бүөккэни кэтэһэ сатаатым да кэлбэтэ. Киир миэхэ. Бэйэбит аһыахха.
    Саарка — Сардаана Ильинична буҕаалтыр. Оҕолоро улаханнар: биирэ — үлэһит, биирэ — устудьуон. Аҕалара Киэсэ диэн киһи үһү. Ырааттыы-ыраатта арахсыбыттара, уонтан тахса сыллааҕыта. Туспа ыал. Мин хаһан да кинини көрбөтөҕүм. Ол гынан баран үчүгэй баҕайы киһи диэн бүтэйдии сэрэйэбин. Тоҕо диэтэххэ, наар эт аҕалар, оҕолоругар атаахтаабыттарын барытын ылан биэрэр, уолун үөрэҕин төлүүр, төлөпүөннүүр. Маладьыас киһи. Адьас быраҕаттаан кэбиспэтэх. Өссө сыыһа-халты бэрдэрэн биирдэ эмэ хонон-өрөөн ааһар эбит. Саарка онтон санаарҕаабат. Кини билигин көҥүл дьахтар.
    — Ааллаа, хайа, салаатым минньигэс дуо?
    — Минньигэс баҕайы эбит, — диибин маанылата олорор киһи буоларым быһыытынан. Дьиҥэр, наһаа да ураты минньигэс буолбатар, оливье оливье курдук. Сэттэ сүүс сэттэ уон сэттэтэ сиэниллибитэ.
    Оо, Бүөккэни билии бөҕө буоллаҕа дии. Кинини тугун иһин таптыахха сөбүн сатаан санаабаппын. Биирдэ Сааркаҕа киирэн, Бүөккэ диэн туох ааттаах үчүгэй киһитин билээри, анаан-минээн, манаан олорон билсиспиттээҕим. Эһиэхэ Бүөккэ туһунан субъективнай өйдөбүлбүн соҥноотоххо маннык:
    Бүөккэ Сааркатааҕар быдан балыс. Балыс буоллун ээ, «таптал сааһы билиммэт» диэххит. Суох, табаарыстаар. Сыалай 15 сыл балыс. Туох да түптээх үлэтэ суох, арыгыһыт. Мөкү баҕайы хобдох дьүһүннээх. Саамай күлүүлээҕэ — ачыкылаах. Ачыкылаах алкаш, хахаха. Уонна наһаа дьалларыҥса. Кини эрэ саамай элбэх табаарыстаах-билсиилээх аатырар, онтуката барыта тойоттор, эҥин араас курутуойдар, аһара баран хаайыылаахтар. «Ак-каары быһыылаах» дии санаабытым мин кинини кытары 5 мүнүүтэ кэпсэтэн баран.
    — Бүөккэ-чумуо кэлбэтэ дии..— Саарка умса көрөр.
    — Оо, дьэ, эн сааскар тугун эмиэ Бүөккэтэй. Мин эн эбитим буоллар, тугунан эмэ, оҕуруонан эбэтэр оҕуруотунан дьарыктана-дьарыктана олоруом этэ. Оҕолоруҥ улаханнар, сотору эбэ буолуоҥ дии. Киэсэҥ кэлэр-барар, көмөлөһөр буолбат дуо. Туох нааданый уонна?
    — Эн өйдөөбөккүн. Киһи тыыннааҕын тухары таптыыр, таптатыан баҕарар. Мин Бүөккэни аҥаардас таптыырбыттан дьоллоохпун ээ. Кини сытын-сымарын, чэ, тугун-барытын таптыыбын.
    — Тугун барытын диэн ол, холобура, тугун? Хаа-ха-ха..— чэйбэр чачайа сыһабын.
    — Бүөккэ наһаа үчүгэй ээ. Мин наһаа таптыыбын кинини. Хайдах да бадарааҥҥа-помуойаҕа булкуллан кэллин, тутан ылан, сууйан-тараан, хоонньубар сытыаран, сыллаан-уураан баран утуйан хааллахпына, наһаа үчүгэй буолар. Ончу сүрэҕим ыалдьыар диэри таптыыбын. Кини туһунан санаатахпына, сүрэх былаачыйалаах үһү буолбат дуо, онтуката тэлибириир курдук буолар. Онтон сүрэх кылаапана дэнэр хаатыҥкалаах уол «тук-тук-тук» диэн тэбиэлэнэр тыаһа, бэл, чанчыкпар кытта биллэр. Сүрэҕэлдьээбитим ааһа охсор, дьиэбин ынырык түргэнник сууйабын. Ис-испиттэн бырааһынньык аһын астыахпын баҕаран кэлэбин. Оннук Алла, таптал диэннэрэ. Эн эмиэ хаһан эрэ таптыаҕыҥ!
    — Ээйии, эн курдук дьаабыламматах киһи! Баар дии эйиэхэ — Киэсэ. Бэрт диэн киһи.
    — Оттон баар да баар. Бааргын сыаналаабаккын ээ. Уонна хайдах эрэ испэр киниттэн наһаа хомойобун, атын ыал аҕата буоллаҕа дии. Айа...
    — Оттон Бүөккэҕин билэр дуу, Киэсэ?
    — Билэр-билэр. Соруйан Киэсэни кыһытаары, Бүөккэ туһунан кэпсиибин. Кэлин Киэсэ табаарыһым курдук буолан хаалла. Туохпун барытын кэпсиибин. Күнүүлүүр аҕай. Бүөккэ хоно кэлбэтэҕин туһунан иһиттэҕинэ дьоллон да дьоллон, сотору-сотору субуоннаа да субуоннаа буолар. «Сордонума, араҕыс!» — диир, биллэн турар. Хата, кини кырдьар сааһыгар утары-таары олорон чэй исиһэр кэргэннээх буоллаҕа дии.
    — Кэргэнэ барахсан билээхтээбэтэ буолуо, эйиэхэ кэлэрин-барарын?
    — Хантан билиэҕэй, ынырык күнүүһүт дьахтар. Истиэрбэ. Туох да бөгүүрэтэ таймата суох, сааспыт тэҥ да, кини олус кырдьаҕас көрүҥнээх. Өссө Киэсэ туох диэбитин билэҕин? Ха-ха. Сиэкистии сытан мин туспунан саныыр уонна хараҕын симэн кэбиһэр үһү.
    —Уо, дьээ...— Киэсэ билиҥҥи кэргэнин ааранан аһынан киирэн барабын мин.
    — Даа, аны туран, Бүөккэм Киэсэҕэ эмиэ күнүүлүүр. Олох абааһы көрөр, өлө-өлө тиллэр. «Ас аҕалбыт буола-буола, ол аата эйигин билигин да таптыыр буоллаҕа», — диэн быһаарар кини. Уонна атын баҕайытык Киэсэ аҕалбыт сыалаах этин мотуйарга бэрт.
    — Ороҥҥо хайалара ордугуй?
    — Иккиэн да бэртэр, ол гынан баран Бүөккэ эдэр эдэр курдук, эрчимнээх. «Туоҕа» маннык улахан дии!!! – Саара хараҕын быччата-быччата остуолга тэтэрээт сытарын ылан көрдөрөр. Ол аата Бүөккэ «туоҕа» тэтэрээт уһунун саҕа диэн өйдүөхтээхпит. =) Мин тэтэрээти ылан уһаты-туора туппахтаан көрөн баран, дьээбэлэниэх санаам киирэр уонна:
    — Ыл, элиниэйкэтэ аҕал эрэ, кээмэйдиэххэ, — диибин. Кээмэйдээн көрбүппүт, 20 см, 5 мм. Оттон суонун туоһулаһабын. Саара ону-маны туппахтаан көрөн баран, «бачча» диэбитинэн остуолга сытар «Городской» сервелат халбаһыны мин диэки төкүнүтэр. Күлэн уҥа сытабыт. Аны туран, ол сервелат хайаан да «Скиф» маҕаһыын халбаһыта буолуохтаах үһү.
    Сарсыныгар дуу, өйүүнүгэр дуу Саараттан уларсыбыт ДВД диискэлэрбин биэрээри таарыйан ааһабын. Түөтэм киэргэммит аҕай, аалай солко халаат кэппит. Хараҕын төгүрүччү хап-харанан тупсарына сотуммут, кыламанын кырааскалаабыта бэстилиэт курдук ыйа сылдьар. Бүөккэни баҕас кэһэтэр буолбут! Куудара баттаҕын үөһэ туттарбыт уонна кытыытынан биир сүүмэҕи эрийэн баран ыытан кэбиспит.
    — Барон Мюнхгаузен курдук буолбуккун бытта, Бүөккэҥ тыйаатырга ыҥырда дуу? —диибин.
    — Ээ, суох. Тыйаатырга ыҥырыах бэйэлээх буолуо дуо? Мааҕын сарсыарда кэлбитэ. Таҥаһа барыта кибис-кирдээх. Сууйтаран ыйаатым. Биир да харчыта суох. Такси сакаастаан арыгылыы сытар сириттэн ыҥыран ыллым. Йоошка уола, саатар, такситыгар харчыта суох. Сэттис этээстэн түһэ-түһэ бэйэм төлөөтүм, лииппит үлэлээбэт. Чэйдиигин дуо, балык бөрүөгүн астаатым.
    — Ээ, чэ бээ, ыксаан иһэбин...
    — Чэ-чэ, түп-түргэнник чэйдээ, бу остуолбун тартым ээ, — диир Саарка барахсан. Мин буоллаҕына айгыста-айгыста көстүүнэйгэ ааһабын. Арай маҥан тирии дьыбааҥҥа Бүөккэ суолас, саҥа душтанан тахсан, үрүҥ сотторунан эринэн, атаҕын үөһэ быраҕан, куура олорор эбит. Үүт-үкчү лиистик курдук. Бэлэмҥэ үөскүүр паразит үөн курдук!!!
    Чэйдээтибит. Бүөккэ миигин таптыыр дьахтарын истиҥ дьүөгэтин курдук, олус чугастык, күндүтүк саныыр быһыылаах. Аһылык былаһын тухары мин сонуммун, туох кэпсээннээхпин кырдьык-хордьук сураһан тахсар, ытыктабыллаахтык сыһыаннаһарын, интэриэһиргиирин көрдөрө сатыыр. Мин үлэбэр-хамнаспар наадыйбыта, кыттыспыта буолар.
    — Эһиги хаһан саахсаланаҕыт, сыа сиэ этибит? — диэн, Бүөккэни үтэн-анньан ыйытабын.
    — Ии, биһиги саахсаланан бөҕө буоллаҕа дии. Оҕолорбут улаханнар, дьиэбит-уоппут да киэҥ-куоҥ, — Бүөккэ, туох эрэ кыттыгастаахха дылы, күө-дьаа буолар.
    — Барыта Саара киэнэ буолбат дуо? Эн ыал буоллаххына тугу кыттыһардааххын? – соруйан, хайдах эрэ ис-испиттэн Бүөккэни баттыахпын баҕаран сураһабын.
    — Мин дьиэлээхпин дии. Туокка онно эдьиийим олорор. Кыра оҕолоох, кэргэнэ суох. Оттон ийэм-аҕам аах ончу туһунан олороллор. Кинилэри, кырдьаҕас дьону кытары, олоруохпутун баҕарбаппыт дии, Саараа? Ах, ты майаа кырасаабысса! — диэн ыйыппыта буолан баран, Саараны иэдэһиттэн чоп гына сыллаан ылар. Саара дьоллонон хайдах буолуон билбэт, ымайар эрэ. Биир өттүнэн тапталлааҕар аккаастыан баҕарбат, биир өттүнэн дьүөгэм туох диэҕэй диэн куттанар быһыылаах. Мин альфонс Бүөккэни саҕатыттан ылан сэттис этээстэн кирилиэһинэн үҥкүрүтүөхпүн баҕарабын. Оттон Саараны илгиэлээн баран гипнозка илдьэн эмтэтиэхпин саныыбын. Бүөккэни үҥкүрүттэхпинэ Саара ытыыр уонна эйэбит арахсар. Эмиэ да, баҕар, дьүөгэм барахсан, Бүөккэтиниин дьоллоох буолуо, барыта табыллан хаалыа диэн халтайга эрэнэ саныыбын. Ол эрэ санаанан, чэйим тобоҕун ыйыстан баран, тахсан элээрэ турабын. Көрөн иһиллиэ, ону да сурукка тиһиллиэ.
    Атын кэпсээннэр downwards black arrowdownwards black arrowdownwards black arrow️ инстаграм
    https://instagram.com/suor_tumat?igshid=pxpjn7ac1lbg

    0
  • hanguk
    1 апреля
     

    "Суолга".
    Биир маннык түбэлтэ буолбута, бэйэм илэ харахпынан көрбүтүм, эһигиттэн баҕар ким эмит түбэспитэ буолуо. Былыырын күһүн атырдьах ыйын ортото 2 убайым уонна быраатым буолан куораттан Чурапчыга Хайахсыт диэн дэриэбинэҕэ массыынанан бардыбыт.
    Куораттан бүтэһик паромунан туораатыбыт. Хас да хонуктаах ардах этэ, суол-иис дьаабы, Майа,Табаҕа дэриэбинэтин аастыбыт, түүн 2-чаас саҕана ардах бадараан, Табаҕаны аастаххына киһи уҥуохтара баар, бырааппынаан кэлин сиденньэҕэ олоробут. Арай убайым киһи турар диэтэ, көрбүппүт суол кытыытыгар дьахтар турар, салынныбыт аҕай.
    Хайахсыкка халлаан сырдыыта тиийдибит, дьоммутугар кэпсээтибит, дьиэлээх киһи өйдөөтө, уонна эттэ: "Хата суолгут ортугар турбатах. Арай суолгутун бүөлүү турбута буоллар куһаҕан буолуо этэ" - диир. Мин бэйэм ол суолунан икиттэ сылдьан турардаахпын.

    Атын кэпсээннэр downwards black arrowdownwards black arrowdownwards black arrow
    https://instagram.com/suor_tumat?igshid=pxpjn7ac1lbg

    0
  • hanguk
    12 апреля
     

    "Ытыс".
    Бу тубэлтэни эбээм кэпсээбитэ. Сайын биир алааска аймах дьон оттуу тахсыбыттар. Хас да5аны эр киһи уонна биир ас астааччы балтылара. Эр дьон от охсо киирбит. Кыыстара отууну бэрийэ, күөс күөстүү хаалбыт. Ол алаастарыгар былыргы ампаар баар эбит. Ампаары отуу гыммыттар. Кыыс күөс өрөрүгэр уу баһыахтаах эбит. Ол иннинэ сиэркилэ5э көрүнэн батта5ын хомуна турбут. Арай сиэркилэ нөҥүө көрдө5үнэ кэннигэр анаардас ытыс тугу эрэ көрдүүр курдук ууммутунан киниэхэ чугаһаан эрэр эбит. Кыыс кутталыттан кылана түһээт истиэнэ5э анньыллан турар саха быһа5ын ол ытыска кыыраппыт уонна уңан хаалбыт. Эбиэт кэмэ кэлбит. От охсооччулар аччыктаан омур5анныы кэлбиттэрэ: күөс күөстэммэтэх, кыыстара көстүбэт. Ампаардарыгар өңөс кыммытара балтылара бу сытар. Кыыстарын өйүгэр киллэрэн туох буолбутун сураспыттар. Онтон дьэ өйдөөн көрбүттэрэ быһахтара хааннаах, хаан таммахтара сыталлар. Ону батыһа көрбүттэрэ биир кыра онхойго сүтэн хаалбыт...
    2012 с. Дьокуускай
    Түбэлтэ арааһа инстаграм downwards black arrowdownwards black arrowdownwards black arrow
    https://instagram.com/suor_tumat?igshid=pxpjn7ac1lbg

    0
  • hanguk
    26 апреля
     

    ӨМӨКӨӨН - ЭР ХОҺУУНА, мүччүргэннээх сырыытын , олоххо буолбут түгэнин кэпсээбитин , айылҕата хайдах курдук ыараххан түгэнҥэ бэйэтин диэки хайыһыннаран, быыһаан турарын туһунан кэпсээнин ааҕыҥ.
    1991 с-ха Чистайга стадаҕа күһүнҥү булпутун тиэнэ Урал массыынанан үһүө буолан айанҥа туруннубут. Сунтаар үрэҕин өксөйөн, наар үрэх мууһун үрдүнэн айанныыбыт. Үрэх аһары тарыннаах. Эмискэ тарыҥ хараҕар түстүм. Таһырдьа ахсынньы ый аам-даам тымныыта, -55 кыраадыс. Массыынабыт тахсар кыаҕа суох түстэ. Биир күнү быһа массыынабытын мас кэрдэн аҕала-аҕала, домкраттыы-домкраттыы ампаардыыбыт. Ахсынньы ый буолан халлаан түргэнник хараҥарар. Аны тыал-буурҕа бөҕө, тарыҥ чаана тумана сүрдээх. Тоҥуу хаары кэһэ-кэһэ мас ыраахтан соһон кэлэбит. Хараҥаран тохтуубут, уу тоҥорун кэтэһэммит утуйдубут. Иккис күнүгэр уу өссө күүскэ киирдэ. Массыына көлүөһэтэ тоҥмотун диэн холбонон скоростка үлэлии, көлүөһэлэрэ эргийэ, ууну ыһа турар. Массыына бүтүннүү муус буолан хаалла. Иккис күммүтүгэр эмиэ мас таһан, ампаардаан көтөхтөрө сатаатыбыт. Күн кылгаһа сүрдээх. Ыһыкпыт бүттэ. Иккис түүммүтүн олорон эрэ утуйдубут. Үһүс күн сарсыарда тарыҥмытыгар уубут эмиэ киирэ турар. Аһылыкпыт суох. Дьонум атахтарын таҥаһа буорайда, тыс этэрбэстэрин уллуҥа сытыйан мууска сыстан алдьанна. Мин саппаас тайах тыһа бачыынкалаахпын кэттим. Дьөгүөр эмиэ саппаас хаатыҥхалааҕын сиигирдэн баран тоҥордубут. Ууну кэһэргэ быстах кэмҥэ уу өппөт буолар. Биир уолбутугар саппаас атах таҥаһа суох. Онон кинини үс километр сиргэ, геологтар сайынҥы базаларыгар, ас тобоҕо көрдөтө ыыттыбыт. Аччыктааһын буолла. Бөһүөлэккэ барыахпытын трассаҕа диэри алта көс. Тыала-кууһа, хаара халыҥа, сатыы киһи кыайан барбат. Киһибит барда да аҕыйах мүнүүтэ буолан баран , туман быыһынан төннөн кэллэ. "Сэттэ бөрө кэлбит, суоллара массыынабытын төгүрүйбүттэр" диэтэ. Киһибитин саа биэрэн төттөрү ыыттыбыт. Кыһалҕа ыкта. Дьөгүөрдүүн саабытын илдьэ сылдьан мас кэрдэн тастыбыт. Бөрөлөр бэҕэһээнҥи мас кэрдибит суолбут устунан үрдүнэн сылдьыбыттар. Кинилэр ким эмит мөлтөх балаһыанньаҕа түбэсриттэрин билэннэр чуҥнуу сылдьаллар. Айылҕалара оннук буоллаҕа, хайыахпытый. Халлаан эмиэ хараҥара оҕуста. Массыынабытын көтөхтөрө сатаатыбыт. Киһибитин кэтэстибит. Уолбут атаҕын таҥаһа буорайбыт буолан, атаҕын куулунан эринэн барбыта. Хата киэһэ киһибит тыыннаах кэллэ диэн үөрдүбүт. Геологтар остуолларын анныттан хаартан хаһан килиэп хоруоскатын бөскөччү мунньан аҕалбыт. Биир пакет сухой суп булбут. Бары биллэ мөлтөөтүбүт, сэниэ эһиннэ. Ол быыһыгар бөрөлөр улуйаллар. Чэй заваркалаахпыт. Киэһэ мас аҕалан, уот оттон килиэп хоруоскатын Аал Уот иччитин айах тутан , ааттаһан - көрдөһөн аһаттыбыт. Массыынабытын өссө ампаардаан көннөрдүбүт. Арай, утуйарбыт саҕана тарыҥ киирэрэ тохтоото. Уу тоҥуо диэн эрэх- турах сананан кэтэстибит. Сарсыарда биэс саҕана Дьөгүөр "тарыҥ уута иһэр " диэн хаһыытаан уһугуннарда. Кырдьык, тэйиччи соҕус тарыҥ иһэрэ тумана көстөр. Күүс - уох баранан бүтэр дьон буоллубут диэн уолуйа санаатыбыт. Массыынабытыгар киирэн кэпсэттибит, уолаттарым санаалара түспүт. Хайыыр да кыахпыт суох. Массыынабар "Николай Угодник" иконата баар. Мин иконабын көрөн олорон халлаан таҥарата барыта биир диэммин , сахалыы бэйэм турукка киирэн ааттастым, көрдөстүм. Хас биирдиибит кимиэхэ да кыһаллыбат буоллубут. Өлөр буоллубут , барыта бүттэ диэн көҥүл турукка киирдибит. Кимтэн да тутулуга суох бэйэбит хайдах сатыырбытынан айылҕаттан ааттаһа - көрдөһө олордубут.
    Бары тахсан инструменнарбытын , сүгэлэрбитин, ломнарбытын хомуйдубут. Олох саҥата суох, букатын бүппүт дьон быһыытынан дьылҕабытыгар бэринэг, ыһыктынан, аны айылҕа быһаардын , биһиги оҥорорбутун оҥоодубут диэбиттии.
    Оннук эмиэ саҥата суох массыынабытыгар киирэн олордубут. Домкраттарбытын ылбыппыт, массыынабытын сүүрэр гына бэлэмнээтибит. Саҥата суох көрсөн баоан, ылан газтаан кэбистим. Арай массыынабыт дьиктитик тарыҥтан ойон таҕыста. Сүүрбэччэ миэтэрэни баран баран тохтоотум. Үс көлүөһэм эргийбэккэ соһулла сылдьаллар, олору факеллаатыбыт. Үөрүү -көтүү буолла. Сэлээркэбит биллэ аччаабыт. Уолаттарым эт ылар базабытыгар сэлээркэ баар буолуохтаах диэтилэр. Массыынабыт барыта муус , кыычыгырыы - хоочугуруу сылдьар, көстүүтэ дьулаан. Салгыы айаннаатыбыт, тарыҥнары тумна тумна. Сорох сиргэ кэстэрэн киэһэ этэнҥэ эттээх базабытыгар тиийдибит. Массыынабыт тиэртэ. Тоҥ Ураһаҕа киирэн оһоххо уот оттон, сыалаах чубуку этин ыгыччы буһардыбыт. Массыынабытын толору заправкалаатыбыт уонна киирэн аһаатыбыт. Аһыы олорон сылайбыппыт бэрдиттэн, сылаанньыйан утуйан хаалбыппыт. Суукка курдук утуйбуппут быһыылаах. Уот умуллан тоҥон титирээн уһуктаммыт эмиэ оһох оттон, ас буһарынан аһаатыбыт. Аны Аал Уоппутун айах тутан алгыы сылдьар буолан хааллыбыт. Эппитин ,булпутун тиэммитинэн бөһүөлэкпитигэр этэҥҥэ төннөн кэллибит.
    Бу айаҥҥа тугу сыыспыппыный диэн толкуйга түспүтүм. Төһөлөөх чубуку кыргылларын, аһары хоро бултааһын сыыһалааҕын сөҕөммүн өйдүүр буолбутум. Айылҕа кыылын аһары баран бултааһын сэттээх-сэмэлээх. Туох барыта кээмэйдээх-кэрдиистээх буолуохтаах эбит. Онно сылдьан " Улахан булду анаан күүскэ эккирэтиһэн бултаабат буол, улахан булт кута улахан буолар" ,диэн аҕам эппитин өйдөөн кэлбитим. Ону кэлин өйдүүрбүнэн, мээнэ киһи уйбат , онно анаан төрөөбүт эрэ киһи бултуур. Былыргы улахан булчуттар, дьонҥо бултарын түҥэтэн аньыыларын үллэстэллэр эбит. Мин кэтээн көрүүбүнэн, улахан булду эккирэтиһэн кээмэйэ суох анаан бултуур булчуттар үйэлэрэ кылгас буолар эбит. Бэйэм улахан бултка барыах курдук буолан иһэн ( бары өттүнэн кыахтаах этим ) сылдьыбат буолбутум.
    Айылҕа улахан үөрэх биэрбитин уонна быыһаабытын иһин барҕа махталлаахпын. Айылҕа тыына сүдү күүс. Итэҕэй - итэҕэйимэ, киһи ис көрдөһүүтүн ылынар. Уонна онно Аал Уот иччитэ саха киһитигэр чугаһын билбитим. Онтон ыла духуобунай, чараас эйгэни кытары алтыһыым уһуктубута диэтэхпинэ сыыспатым буолуо.
    В. Заболоцкай олоҕуттан кэрчик кэпсээнигэр ааҕааччы бэйэҥ түмүктэ оҥор. Хайдах курдук тыйыс дойдуга олорон олохтоохтор Айылҕаларын таптыылларын, сүрэхтэрэ- быардара аһаҕаһын, өркөн өйдөрө уһуктаһаҕын...
    Бу маннык дьиҥнээх эр хоһуун дьоннордуун алтыһарбытыттан биһиги аһара астынабыт, сөҕөбүт, махтанабыт. Айылҕа оҕолоро буоларбытын умнубакка ис иммитин, тапталбытын күн аайы күүһүрдэн иһиэххэйиҥ.

    Группа в инстаграм
    https://instagram.com/suor_tumat?igshid=pxpjn7ac1lbg

    0
  • hanguk
    3 мая
     

    "Булда төннүбүт ыт".

    Өрдөөххө аармыйаттан кэлэн баран биир сайын быыс оҥоруутугар Куоначчааҥҥа сыппыппыт. Сэргиэйэбис Биттэр,Бүөлээн Тиимэ, Нэттэгээйэп Баһылай,Быллай Бааска уонна Аппыһыар Дьуура баар этэ. Саҥа кэлэ сылдьар кэмэ быһыылаах. Эдэрдэрэ мин. Сүүрэр атахтара бэрийэр илиилэрэ уоллара буолан сылдьабын. Ити Бааһына анараа Мэтэгэртэн быыс оҥорбуппут. Аспыт буолунай. Убайдарым куһу сөп буоларын өлөрөллөр. Бээ онно Нэттэгээйэпкэ хара улахан баҕайы ыт баар этэ. Олох батыгана суох. Өссө сотууннаабытын иһин кутуругун быспыттара төрдө эрэ чоройо сылдьар. Ону күлэбит Баһылайы этэбит "туох ааттаах төрдүнэн быспыккыный "-диибит. Ону киһибит күлэ-күлэ "ээ итинтиҥ үстэ сотууннаабыта, ыарыйдаҕын аайы быһан испитим"-диир. Син сырыылаах тугуту эҥин үрэр. Тииҥи ,кииһи эмиэ бултаһар этэ.
    Биирдэ Хапчаан билиилээҕэр кустуу бардыбыт бары,ДТ75нэн лигитии. Кэннигэр оргул курдук таһаспыт бөҕө. Үрэх орто хаатынан ол иһин үөһэннэн чиэрэһинэн айаннаан истибит. Мин дьон көҕөр сылдьабын буоллаҕа. Ыттар ырааҕынан сылдьаллар хам-хаадьаа көстөн ааһаллар. Убайдар кулгаахтара чөрөһөн иһэллэр,баҕар тайах үрүөхтэрэ диэн. Ол истэхпитинэ үс ыт олох маах көтүүннэн кэллилэр да баран иһэр тыраахтыр анныгар түстүлэр. Тиимэ сэбин туорумас бөҕө буолла. "Иирбит ыттарый"-диэн мөҕүттэр. Маатырын бөҕөтө буоллубут биһиги. Онтон дьонум бөрөлөр дэһэн саа ыла сатыыллар да бэлэмэ суох иһэн хантан. Икки бөрө тыраахтыртан уонча миэтэрэлээх сиринэн үргүлдьү аастылар. Били ыттары кинилэр сыссыбыттар эбит. Оннук аҕыйахтык көстөн хаалтара. Айан кыыллара уонна биллибэтэхтэрэ. Ыттарбытын нэһиилэ тыраахтыр анныттан таһааттаабыппыт, кутуруктарын кумутан бараннар киһиэхэ эриллэ сылдьар этилэр. Саллаллар эбит этэ. Икки ыт кэлин син сылдьар буолтара. Били хара ыт онтон бэттэх булда төннүбүтэ. Олох киһиттэн арахпат. Эриллэн баран сытар. Арааһа чуут сыыһа халты хаппыттар быһыылаах диэбитэ Баһылай. "Туһата суох буолсу"- диэн кэлин Эрэҥдэҕэ өлөрбүппүт.
    Онно киһи сымыйаннан кэпсиирин курдук кус түһэр этэ миэхэ. Саам аанньата суох,ыттахпына ыһыллан хаалар ,оскуома иҥнэлээх күтүр. Аны ботуруонун таһаарбата дьэ накаастаах сэп этэ. Хапчаан Билиилээҕэр олоробут бары төгүрүччү. Дьонум хам түм ыталлар. Дьэ миэхэ кыһайан туран умсаах бөҕө түһэр ээ. Саам ыһыллан аны отууга тахсан онтубун үүнэбин. Дьонум хаһыылара бөҕө. "Дурдаҕар киир кустар түстүлэр"- диэн. Ону киирэн биирдэ ытан баран эмиэ төннөбүн. Онтон Сэргиэйэбис кэллэ. Ону "эн олор "-диэн баран киһим дурдатыгар бардым . Дьоҕойон диэн. Биттэр ыппакка сылдьар. Биттэр олороотун кытта кус ханнан хаалла. Биир да киһи ыппат. Күн тахсыыта кус бөҕө киирдэ да мин олорор дурдабар көрбүтүнэн кэлэн түһүнэн кээстилэр. Дурда быыһынан көрдөхпүнэ умсаах бөҕө дурдаттан үс хаамыылаах сиргэ түһэн олороллор. Олох дурда тэллэҕэр. Үөс диэкки устан эрдэхтэринэ хаһы да холбоон баран ытан саайдым ээ доҕоор. Уу бөҕө өрө ыһылла түстэ . Икки кус өрө тэйэ түһэн баран тирээпкэ курдук түстүлэр. Түүлэрэ бөҕө ыһыллан хаалла. Бүттэҕим ол. Кустар ити көтөллөр бу кэлэн түһэллэр. Оо дьонум "ытан иһиий,ээ па бу хайдах буолбут киһиний"-диэн мөҕүттэллэрэ иһиллэр. Ол айылаах кустан мин икки умсааҕы эрэ өлөрбүтүм ол түүн. Онтуларым да ибили ытылланнар эттэрэ да бүппүт этилэр. Онтон сарсыныгар сүбэлэһии буолла. Миигин кытары убайым Аппыһыар Дьуура олоссор буолла. Биэстэ эстэр саалаах. Кус кыайан өлөрбөккө сылдьабыт. Киэһэ дьэ дурдаларбытыгар киирдибит. Кус кэлбэт да кэлбэт. Түүн боруоссуйан барда. Арай мин көрдөхпүнэ биэс хотой намыһах баҕайыннан иһэллэр. Уун утары. Киһибэр "Дьуураа хотойдор иһэллэр көрүүй"-диибин. Киһим "ханнаа"-диэт дьэ көрдө быһыылаах да саатын ылан субуруталаата . Үс табыллан төбөлөрүн оройунан бардылар. Оруобуна дурда үрдүгэр кэлбиттэрин кэннэ мин дьэ ыттым иккитэ. Биир суулунна. Онно сүүрдүм дурдабын көҥү көтөн тахсан. Киһим "хаптай"-диир да истибэппин хааспар сүүрэн моҕуйабын. Онтум ол бэһис хаас төттөрү эргийэн мин үрдүбүнэн ааста. Онтон дурда таһыгар кэлбитин Дьуура ытан түһэрбитэ. Хоҥор хаастар мин дьэ бэйэм өлөрбүт хааспын эрэ дьаарыстыыбын. Атыҥҥа наадыйбаппын. Убайдарым күлүү кынан ол саас кэһэппиттэрэ. "Хаас өлөрдүм онон дьиэлиибин "-диибин аны. Ону "аны биир түүн олорон баран барыахпыт "-диэн тохтоттулар нэһиилэ. Олох тиэйэ сытан күлэллэр. Саатар сотору сотору хааспын ылан көрөбүн. Онтон киэһэ эмиэ киирдибит. Ол түүн аҥардас тыйаах айаннаабыта. Бүтүн үөрүнэн кэлэллэр этэ. Уонна ала-чуо мин олорор дурдабар кэлэллэр этэ. Дьуура онно ытан кынан көттө,саата итийиэр дылы ыппыта. Күн тахсыыта ботуруон да дьоҕуһаабыт этэ. Онно миигин "тулууруҥ суох,воляҥ суох"-диэн сэмэлиир этэ. Кустар түстүлэр да ыта оххор санаалаах буоллаҕым мин. Ону төбөбүттэн хам баттаан сытан "ыксаама, уоскуйаннар холбоһоллорун кэтэһэр буол"-диэн кини үөрэппитэ,онтон бэттэх холбуур эҥин буолбутум. Кус кэлэ турарын иһин түөт хоммуппут Хапчаан Билиилээҕэр. Дьиэлиирбитигэр кус үллэрэллэр. Мин хааспын моонньуттан соһо сылдьабын ону көрөннөр күлэн уҥа сыталлар "накаастаах хаас собоото,бара оххууһубут"-дэһэллэр. Кустаргын ыл дииллэр да "ээ хаастаахпын"-диибин. Онно биэһуончалыы кустаах киирбиппит, быыспытын бүтэрэн. Онтон ол сайын Аппыһыар Дьууралыын Андыҥдаҕа 120субайы үүрэн тахсан сайылаабыппыт. Даккылааҕынан эҥин аһаталаан. Бэккэ сайылаабыппыт убайым Дьууралыын.

    Атын кэпсээннэр downwards black arrowdownwards black arrowdownwards black arrow
    https://instagram.com/mystic_yakutia?igshid=svub6ooxwsel

    0
  • hanguk
    7 мая
     

    Ойунского 6/1 1 подъезд Хара өҥнөөх инфинити массыына кэлэн турар. Максим уол массыынатын иһиттэн подъезд аанын кэтээн олорор, аан арыллар икки кыыс субуруһан тахсаллар, Максим сигналлыыр....
    Кыргыттар күлсэллэр, подруга кыыс:
    -Маша көр эрэ! наһаа аштык массыына дии! Мин бассарым дуу!
    - Бут эрэ Дурочка! (Кулэ кулэ) извини Юля! Мин пошутила дии, кырдьык крутой массыына инник массыынаны мечтаайдыыр этим! Хозяина эмиэ инник боллун!
    - Негр! Что ли! (Кулэр)
    - Акаары! Я ж про парня говорю....
    - Я же пошутила, ты что коню понятно...
    -Чэ! Айка этиһэн бараары гынныбыт чэ киириэх....
    Кыргыттар массыынага киирэллэр иккиэн кэннигэр олорсоллор...
    ("Ити кэмҥэ Маша кэргэнигэр звонок кэлэр:
    - Истэбин!( бас куолас)
    - Алло! Айаал! Брат памаги! есть праблеми! (Омуктуу акценнаах куолас)...
    -Какие проблемы Шамиль!
    - Тута сможэшь подъихать Европа клуб забили ....
    Салгыыта инстаграм downwards black arrowdownwards black arrowdownwards black arrow
    https://instagram.com/mystic_yakutia?igshid=n7qqmoix8jm7

    0
Авторизуйтесь, чтобы комментировать
Ваши данные будут надежно защищены и не будут переданы третьим лицам
Обратная связь