1 месяц на форуме Автор 2 уровня Топ пользователь Все
Награды
1 месяц на форуме
1 месяц на форуме
Автор 2 уровня
Автор 2 уровня
Топ пользователь
Топ пользователь
1000 просмотров
1000 просмотров
Аар Айыы
  1480
Айыылар АЙЫЫлара
ААР АЙЫЫ
киһи өйүгэр-санаатыгар
туох баар айыллыбытка барытыгар:

ТӨРҮТ-УУС

МУҤУТУУР АЙЫЫ (абсолют) -

Аар Айыы
Ответов 71 Написать ответ
  • 🤔
    26 января
     

    МУҤУТУУР...
    АБСОЛЮТ...
    ИДЕАЛ...

    ханна эрэ,
    ааспыт олоххо,,,
    суоҕа буолуо.

    0
    • Оннук
      26 января
       

      Киһини ИДЕАЛИЗМ сиир

      0
      • Оннук бөҕө буо🤔
        26 января
         

        Киһи БАҔА САНААта ханмат
        Биһиги
        баара-суоҕа
        АЙЫЛҔА (эволюция) ыйыытынан-кэрдиитинэн сылдьар
        харамайдар
        буолабыт.

        0
        • Мутант👽
          26 января
           

          Дьэ
          ол харамайдар
          көннөрү харамайдартан уратылара диэн:

          Айыыны уонна Аньыыны араарар
          өйдүүр үгэстээх буолан
          сайдан-тэнийэн олороллор

          0
          • Айыы Киһитэ эбитпин🤚
            27 января
             

            Салгын Кут сайар
            Буор Кут саҥар
            Ийэ Кут саҕар

            АЙЫЛҔА (эволюция)

            0
    • Рядовой.
      24 февраля
       



      0
  • Оҕус
    26 января
     

    “Аар Айыы итэҕэлэ"
    айыы киһитигэр этэр:
    “Эн биир да күнү көтүппэккэ үҥэн-сүгүрүйэн,
    үтүөнү ыҥыран уонна куһаҕаны утары охсуһан,
    Айыы Киһитэ буоларгын умнума.
    Итинтэн тохтоотуҥ да абааһы эйгэтигэр бараҕын.
    Ол эйгэттэн төннөрүҥ олус уустук”

    0
  • Хааһах
    27 января
     

    Айыы диэн элбэх өйдөбүллээх тыл. Киһи үчүгэйи уонна куһаҕаны оҥорорун холбуу ылан быһаарар. Бу өй-санаа иҥмит тылын сатаан, табан туһаммат араас секталар сахаларга туһалара суохтар.
    Сахалыы таҥара итэҕэлин тутуһуу оҕо өйө-санаата сайдыытыгар туһалыыр.
    Айыы буолуу диэн өй-санаа уларыйыыта киһи өллөҕүнэ тиийэн кэлэр өйдөбүл буолар.

    0
    • Айыы Киһитэ эбитпин🤚
      27 января
       

      Хааһах,

      ТАҤАРА ИТЭҔЭЛЭ диэн суох

      Таҥара - КОНСТРУКЦИЯ

      Үс Куту таҥан турар КОНСТРУКТОР -

      Халлаан Таҥара

      0
  • Оҕус
    29 января
     

    ТАҤАРА айыыга (сиргэ-уотка, дьонҥо-сэргэҕэ) сыһыана суох курдук
    Кини - КОНСТРУКТАР
    КОНСТРУКЦИЯ

    0
  • Мутант💀
    29 января
     

    Икки күүс баар - Янь-Инь:

    АЙЫЫ - айыллыы
    УОННА
    АНЬЫЫ - алдьаныы

    Орто Дойду оҥоһуллуута оннук

    0
  • 161090ego_nm
    161090ego_nm
    Нарыйа
    23 февраля
     

    Аар Айыылар уонна Аан Дойду айыллыыта

    Үрүҥ Аар Тойон маҥнай Үөһээ Дойдуну-Үрдүк Мэҥэ Халлааны айбыт,онно киһини,сүөһүнү үөскэтээри,киһи олороругар сөп айылҕалаан,уулаан,үүнээйилээн халлааҥҥа тоҕус хаттыгаһы айбыт.Үрдүк Аар Айыылар олороллоругар анаан уонна Үөһээ Дойду бүппэт эйгэтин ханна да тиийэн бүппэтин этэр уон икки халлааны айан олохтообут.
    Аар Айыылары Үрүҥ Аар Тойон илин халлаан киэҥ куйаарыгар олохтообут.Үөһээ Дойдуну айарыгар кини атын хараҥа да күүстэр халлааҥҥа баар буолууларын утарбатах.Ол курдук Хоту халлаан баһылыгынан ойууттар ийэ куттара иитиллэр Ыйык мастарын баһылыга Хотугу Эмээхсин, соҕуруу халлаан баһылыгынан Улуу Суорун Тойон буолбуттар.Үрүҥ Аар Тойон Аан Дойдуга үрүҥ-хара,сырдык-хараҥа,үчүгэй-куһаҕан тэҥнэниитэ баар буолуохтааҕын тутуһан итинник айбыт.
    Аар Айыыларга Адьарай Бөҕө(Арсан Дуолай) диэн баара.Кини маҥнай Аар Айыы этэ.Ол гынан баран, кини халлаан тоҕус хаттыгаһыгар олохсуйбут дьоҥҥо куһаҕан,Үрүҥ Аар Тойон айбытыгар утары куһаҕан майгыны-сигилини,санааны киллэрэн барбыта.Ол курдук дьоҥҥо ордугургаһыы,бэрт былдьаһыы,холуннарыы,иҥсэ-хоҥсо,киһиргээһин,киһини түһэн биэрии,содурдааһын,уоруу,алдьатыы,о.д.а. курдук быһыылары киллэртээбитэ.Адьарай Бөҕө сыыйа Үрүҥ Аар Тойону утарар илэ абааһыга кубулуйбута.Халлаан тоҕус хаттыгаһыгар олох сатарыйбыта,ил-эйэ уурайбыта.Бу кэмҥэ айыы икки абааһы икки ардыларыгар охсуһуу күүһүрбүтэ.Охсуһууларга айыы дьоно өлөр этилэр даҕаны,ону өлбөт мэҥэ уутунан эмтээн тириэрэн,үтүөрдэн кэбиһэр кыах баара.
    Үрүҥ Аар Тойон улахан санааҕа түспүтэ."Киһини сыыһа дьылҕалаан айдым.Атын абааһылыы күүстэр дьайыыларын улахаҥҥа уурбаккабын,бу алҕас таҕыста.Киһиэхэ киибэс санаалар,куһаҕан майгылар киирэллэрин сыаналаабаккабын сыыстым.Онон киһи иккистээн дьылҕаланар,Аан Дойду иккистээн айыллар буолла.Ону быһаарыахха",-диэбит.
    Күн Таҥарата Күн Күбэй Хотун Халлаан тоҕус хаттыгаһыгар айыы дьонугар,эргиччи сайыны эргиппит,саамал сайыны сатыылаппыт,киирбэт күннээх күлүмүрдэс күнүнэн күндүлээбит.Айыы сарыалынан араҥаччылаабыта,күн күүһүнэн көмүскээбитэ,ыарыыны-сүтүүнү ыраах үүрбүтэ,хараҥа дьайын дьалбарыппыта,бар-дьон кутугар-сүрүгэр сырдык ыраас эйгэни киллэрбитэ,халлаан диэки харахтыыр,күн диэки көрөр,көрдөһөр үтүө дьайыыны киллэрбитэ.
    Аан Дойду айылларыгар,Улуу Дойду оҥоһулларыгар,барыта сөптөөхтүк тускулланарыгар Үрүҥ Аар Тойоҥҥо көмөлөспүт сүдү Аар Айыыларынан Чыҥыс Хаан уонна Одун Хаан буолаллар.Бу икки Аар Айыылар хаһан да арахсыбаттар,куруутун бииргэлэр.Кинилэр тус-туһунан туойбаттар,атын-атыннык саҥарбаттар,Үрүҥ Аар Тойон үрдүк быһаарыытыгар кыттыһан сүбэлэһэллэр,ытык ыйааҕы,улуу дьүүлү таһаарарыгар сүбэ-ама буолаллар.
    Үрдүк Дьүүллээх Үрүҥ Аар Тойон бу Үс улуу Аар Айыылары ыҥыран икки атахтаах,иннинэн сирэйдээх инники олоҕун дьылҕалыырга,Аан Дойду улуу оҥоһуутугар уларыйыылары киллэрэргэ улахан сүбэ мунньаҕы мунньахтаабыт.Ити курдук түөрт хонукка оннуларыттан хамсаабакка олорон сүбэлэспиттэр,сөптөөх буолаарай диэн дьүүллэспиттэр.Онтон Үрүҥ Аар Тойон эппит:"Аан Дойду Үөһээ Дойдуттан эрэ турара табыллыбат буолбут.Икки атахха киирбит киибэс майгылар аны киниттэн арахсыбат буолбуттар.Онон Аан Дойдуга улуу уларытыылар,сөптөөх дьүүллэр,ытык ыйаахтар тахсар күннэрэ ыган тиийэн кэлбит.Онон улуу мунньахпытын,улуу кэпсэтиибитин түмүктээн маннык дьүүллэ,улуу оҥоһуута таһаарыаҕыҥ,мантан инньэ Аан Дойдуга Үс Дойду айылыннын: Үөһээ Дойду, Орто Дойду, Аллараа Дойду.

    0
    • Мутант💀
      23 февраля
       

      "ЧЕТЫРЕ СТИХИИ"
      диэн
      сымыйаны дойҕохтуу сылдьаллар

      Дьиҥэр: Үс Кут баар


      ........

      Салгын Кут сайар

      Буор Кут саҥар

      Ийэ Кут саҕар


      ........

      0
  • 161090ego_nm
    161090ego_nm
    Нарыйа
    23 февраля
     

    Үөһээ Дойдуга хотугулуу илин эҥэриттэн соҕуруулуу илин эҥэригэр диэри Аар Айыылар баһылаан,үрдүк үтүө дьайыыны оҥоруунан,Айыы тыынын абырааһынынан дьарыгырдыннар.
    Орто Дойдуну охтон баранар мастаах,уолан баранар уулаах,оннук айан икки атаҕы,босхо бастаах бороҥ урааҥхайы онно түһэрэн олохсутуоҕуҥ. Бэйэтин мутугунан быраҕар муҥур үйэлиэҕиҥ,быстах ыйаахтыаҕыҥ. Эрэйдээх олоҕу биллэҕинэ өйө-санаата сайдыаҕа,үтүөҕэ тардыһыаҕа, үчүгэй иһин охсуһуоҕа. Орто Дойду Үөһээ,Аллараа Дойдулар үтүө-мөкү,үчүгэй-куһаҕан,сырдык-хараҥа,айыылыы-абааһылыы о.д.а. сабыдыаллара тэҥнэнэр дойдута буоллун.Оччоҕо икки атахтаах өйдөнөн Аар Айыыларга үҥэр,абааһыны утарар күүс буолуоҕа. Орто Дойдуга эргийэр киинэ,улуу кулугута Аал-Луук мас буоллун. Икки атахтаах,иннинэн сирэйдээх,босхо бастаах бороҥ ураанхайдар Аар Айыылар диэки хайыһар,үҥэр-сүктэр,үтүөҕэ тардыһар буоллахтарына,Аал-Луук мас лабаата лаглайа көҕөрдүн,Үөһээ Дойдуга тилэри тиийдин,икки атаҕы көмүскүүр-харыһыйар күүс буоллун.Аал-Луук мас хайдах туруктааҕынан биһиги Орто Дойду олоҕун билэ олоруохпут.
    Онтон сиэрин ситэрэн түргэн үлүгэрдик Үрүҥ Аар Тойон Орто,Аллараа дойдулары айа-тута охсубут уонна улуу халлаан тоҕус хаттыгыһыттан киһини-сүөһүнү тутан хомуйан ылан Орто Дойдуга олохтообут. Сыспай сиэллээх сыһыы аайы үөскүүрүн,хороҕор муостаах хонуу-хордоҕой аайы сырсарын курдук алҕаабыт. Дьон-сэргэ Орто Дойдуга түһэн үлэлээн-хамсаан,оҥоро аһыырын,олорорун,унаар буруону субурутарын курдук оҥорбут.
    Адьарай Бөҕөнү анысханнаах Арҕаа Халлаан баһылыгынан олохтообут уонна Аллараа Дойдуну айан,онно тойон оҥорбут.
    Үрүҥ Аар Тойон үрүҥ көмүс уоругар айыы дьөһүөлдьүттэринэн бары Айыылары ыҥыртаран ылбыт уонна улахан дьаһал-мунньах тэрийбит. Сотору бары уон икки Айыылар мустан мунньахтаан,сүбэ сүбэлэспиттэр. Ол кэнниттэн Үрдүк Дьүүллээх Үрүҥ Аар Тойон сүҥ-дьааһын куолаһынан түмүк быһаарыытын этэн доргуппут:
    - Билэргит курдук,Аан Дойду олорор дьаһаллыытыгар улуу уларыйыылары киллэрдим. Үс Дойдуну олохтоотум. Аны билигин хас биирдиигитигэр анал көрөр-истэр,эппиэти сүгэр,үйэлэргэ сүппэт,бүппэт үлэлэри биэртэлиэм. Мин,Үрүҥ Аар Тойон,аны Үс Дойду,Бүппэт Куйаар баһылыга буолабын. Күн Күбэй Хотун Күн таҥаратын быһыытынан хаалар. Одун Хаан,Чыҥыс Хаан Үс Дойду дьылҕатын,салайыллар ирдэбилин,ыйааҕын,оҥоһуутун ыытарга элбэхтик үлэлиэхтэрэ, миэхэ көмөлөһүөхтэрэ. Кинилэр өссө халлаан үөрэҕин салайыахтара. Сүҥ Дьааһын Тойон Халлаан уотунан Аан Дойдуну абааһы дьайыттан ыраастыы туруоҕа,Орто Дойдуну арчылыаҕа,алгыаҕа. Уот идэлэрин ылар дьону:уустары,тимир уустарын,күөсчүт уустары уонна алгыыр ойууттары көрүөҕэ-истиэҕэ. Дьылҕа Тойон Орто Дойду дьоно төрөөттөрүн дьылҕаларын дьылҕалыаҕа,оҥорууларын ыйаахтыаҕа уонна суруксутугар Уһун Дьурантаайы суруксукка бүппэт уһун аҕыс кырыылаах таас остолбоҕо суруйтарыаҕа. Сүҥкэн Эрили Улуу Хотой Айыы айыы аймаҕын көмүскүүр улуу күүс буолуоҕа. Көмөҕө ыҥырдахтарына, өрүү көмүс модун дабыталларынан күүскэ сапсынан тиийэ охсуоҕа. Кини өссө күүс-уох,хорсун быһыы таҥарата буолуоҕа. Күрүө Дьөһөгөй Тойон Орто Дойдуга сыһыы аайы сылгы үөрүн сүүрдэр,Орто Дойдуга үөскүүр күүстээх түөстээх,көмүөллээх күөмэйдээх уол оҕолор таҥаралара буолуоҕа. Ала Мылахсын Хотун - Орто Дойдуга ураа муостаах ынах сүөһү ууһуурун көрүөҕэ. Эбиитин кыптыыйын туппутунан төрөөбүт кыыс оҕолор таҥараларынан ананар. Эдьэҥ Иэйэхсит - Орто Дойдуга икки атахтаахха тапталы иҥэриэҕэ. Уол-кыыс, эр киһи-дьахтар имэҥнээх тапталлаах буолалларын хааччыйыаҕа. Өссө төгүл үтүө санаа уонна аһымал таҥарата буолуоҕа. Ахтар Айыыһыт - миигиттэн,Үрүҥ Аар Тойонтон, ырааһырбыт Ийэ Куту ылан имэҥнээх эдэр киһиэхэ уу дьулайынан иҥэрэн оҕо төрүүр кыахтаах,сүмэлээх эттээх-хааннаах дьахтар ийэ кургумар тириэртэриэҕэ. Онно эр киһиэхэ уонна дьахтарга имэҥи,дьалыҥы,тапталы угааччынан Эдьэҥ Иэйэхсит буолуоҕа.
    Үрүҥ Аар Тойон быһаарыытын бары бэрт сөп диэн биһирээтилэр уонна айан-тутан,үлэлээн-дьайан бардылар.

    0
  • Хааһах
    24 февраля
     

    Айыы диэн иччилээх тыл. Куһаҕан өйдөбүлэ элбэх тыл. Бу тылы улаханнык саҥарыы, элбэхтик туһаныы киһи өйө-санаата айыы буоларыгар, ол аата өлөрүгэр тириэрдиэн сөп.
    В.Кондаков, Тэрис сааһырбакка эрэ өлбүттэрэ. Ырыаһыт Айыы уола эдэригэр өлбүтэ.
    Айыы диэбэккэ бэйэҕитин харыстана сылдьаргытыгар, киһи буолан олоххутун уһуннук олороргутугар ыҥырабын.

    0
    • 161090ego_nm
      161090ego_nm
      Нарыйа
      24 февраля
       

      Хааһах, ол иһин итэҕэл өттүнэн тугу да билбэппит,барытыттан куттаммыта буоламмыт

      0
      • 👽
        24 февраля
         

        161090ego_nm,
        ПРАВОСЛАВИЕ уонна МУСУЛЬМАНСТВО кулут-хачыгыр дьонноро өйдүүллэрэ ыарахан.
        ол
        көстөн турар дьыала.

        МЕНТАЛИТЕТ

        0
  • Рядовой.
    24 февраля
     



    0
    • 😂
      24 февраля
       

      Рядовой.,
      Бу ТОЧКАлаах РЯДОВОЙ диэн НИК хантан көһүннэ?
      Тугу-тугу таһаарарый?
      Тугу этэ сатаахтыыра буолла?

      Эрэйдээх сутуруга кыһыйарын кыанматка
      манна
      ити ДЕБИЛЛАР ОХСУҺАЛЛАРын көрдөрөр.

      0
    • 👐😂😂👐
      24 февраля
       

      Салам-Слава ! !

      0
  • Хааһах
    25 февраля
     

    Үөһээ дойду диэн өлбүттэр өйдөрө-санаалара айыы буолан сылдьар дойдулара. Айыылар ыҥырар, угуйар уратылаахтар. Эдэрдэр бэйэлэригэр тиийнэллэрэ элбээһинэ айыы буола сатааһынтан улахан тутулуктаах.
    Орто дойдуга саха дьоно киһи буолан, киһилии быһыыланан олохторун олороллор. Киһи буолуҥ, оччоҕуна уһуннук олоруоххут.

    0
    • Р я д о в о й
      25 февраля
       

      Хааһах,

      ҮӨҺЭЭ ДОЙДУ диэн ӨЙДӨБҮЛ

      Киһи тулалыыр эйгэтин Үс Дойдуга арааран көрөр

      Хаттыгастар:

      1. Үрдүк
      2. Ортоку
      2. Аллараа

      Судургута ити курдук

      0
      • Оннук
        25 февраля
         

        ........


        Сорохтор 12 хаттыгаһы ааҕаллар
        Сорохтор 8
        Сорохтор 7
        Сорохтор 6
        Сорохтор 5
        Сорохтор 4
        Сорохтор 3
        Сорохтор 2
        Сорохтор 1


        ........

        0
        • Оннук бөҕө буо🤔
          25 февраля
           

          Сорохтор
          өссө
          КВАДРАТ гынан көрөллөр эбит

          Үөһэ БОГ олорор
          Ортоку КИҺИ
          Аллараа АБААҺЫ

          0
          • Араас элбэх буо🤔
            25 февраля
             

            Сорохтор 6 хаттыгаһы көрөллөр:

            Буор
            Үөн-көйүүр
            Үүнээйи
            Тыынар тыыннаах
            Киһи
            Өй-санаа

            0
        • Араас элбэх буо
          25 февраля
           

          Сорохтор 13 дииллэр

          0
    • 👽
      25 февраля
       

      Хааһах, ХАЛЛААНҥа ыһыллыы-тоҕуллуу эрэ баар.

      0
  • Хааһах
    26 февраля
     

    Үс дойду үөскээһинэ киһи өйүттэн-санаатыттан тутулуктаах. Үчүгэйи уонна куһаҕаны тус-туспа араарыы, атын-атын дойдуларга олохтооһун Үөһээ, үчүгэй онтон Аллараа, куһаҕан дойдулары үөскэппит. Киһи оҥорор быһыылара үчүгэй уонна куһаҕан быһыылар икки ардыларынан буоллахтарына ордук табыллалларын биллэрэн бу дойдулар икки ардыларыгар, ортолоругар Орто дойдуну олохтообуттар.
    Өйү-санааны үс дойдуга араарыы сахалар үөрэхтэрэ.

    0
    • 😂
      26 февраля
       

      Хааһах,

      өй-санаа арахсыыта арааһа элбэх.
      Оннооҕор
      бастакы кылаас оҕолоро
      1-тэн 5кэ дылы сыана баарын билэллэр.

      0
      • Айаал
        26 февраля
         

        Орто Дойдуга киьи бэйэтэ хайдах сатыырынан олоро сатыыр, ол курдук киьи ханнык сиргэ олорорунан, хацдах дойдуга олорорунан ейе-санаата сайдар, итэ5эл меккуерэ киьи баарын тухары буппэтэ буолуо, ол гынан баран Кун, Сир биирдэр, биьиги тымныы тыйыс дойдуга уескээммит биьиэхэ Айыл5а5а сугуруйуу быдан куустээх атын дойдулартан

        0
  • 161090ego_nm
    161090ego_nm
    Нарыйа
    27 февраля
     

    Аар Айыы итэҕэлин сүрүн ирдэбиллэрэ

    Аар Айыы итэҕэлэ киһини сөптөөхтүк сылдьарга,олорорго,айылҕаҕа сөптөөх сыһыаннаах буоларга үөрэтэр. Кини иннигэр айылҕа аналын толоруу ирдэбиллэрин туруорар. Элбэх бобуулар баалларын өйдөтөр. Бары сыыһаларга анньыы-хара,сэт-сэлээн ааҕылларын,дьай кэлэрин,кут-сүр киртийэрин этэр.

    ~Киһи сиргэ кэлбит аналын Аар Айыы итэҕэлэ эр киһиэхэ маннык этэр:
    1. Киһи-хара буол. Ыал буол,үлэлээ. Баайы-дуолу оҥор. Дьоҥҥун иит-аһат. Булчут буол. Сиэри,итэҕэли кэһимэ,анньыыны оҥорума.
    2. Иитэр сүөһүнү күрүөлээ,төрөтөр оҕону төлкөлөө.
    3. Дьиэ кэргэҥҥин-ойоххун,оҕолоргун,кырдьаҕастары,чаҕардаргын үчүгэйдик тут уонна көмүскээ.
    4. Дьиэҕэр үчүгэй аҕа буол. Дьиэҕэ аҕа баһылык эн. Ол гынан баран,аҕа баһылык буоларгын сөптөөх эрэ таһымҥа тутун,наһаалаама,бардамнаама.
    5. Уйгуҥ улаатарын,быйаҥыҥ быстыбатын туһугар тохтообокко үлэлээ. Ол быыһыа.
    6. Оҕолоруҥ эн олоххун,үлэҕин салҕааччылар,ааккын ааттааччылар буолалларын умнума. Ол иһин кинилэри үчүгэйдик иит.
    7. Кырдьаҕаска-кыаммакка,оҕоҕо-дьахтарга төһө кыайаргынан көмөлөс.
    8. Кырдьаҕаһы сэмэлээмэ. Кырдьар эйиэхэ эмиэ кэлэрин умнума.
    9. Арыгы аска айманыма,итирдэр утахха ииримэ. Кинилэр эйигин сотору киһи аатыттан аһарыахтара. Ону умнума.
    10. Атыҥҥа аралдьыйыма,туспаҕа сүүрүмэ.
    11. Дьиэҕин-уоккун,күрүөҕүн-хаһааҕын бигэ гына тут. Үтүө сэргэтэ туруор. Эйигин оччоҕо Үйэлэргэ саныахтара,ахтыахтара.
    12. Үчүгэй идэтэ булун. Идэлээх киһи өлөн-охтон биэрбэт. Идэҕин үрдүктүк баһылаа,оччоҕо идэҥ эйигин үрдүк чыпчаалга сирдиэҕэ.
    13. Үйэлэргэ хаалары оҥоро сатаа. Ол кыалыннаҕына,сиргэ төрөөбүт биир иэскин толоруоҕуҥ.
    14. Уорума,алдьатыма,халаама,талаама. Ити дьаллык эйигин инникигин эһиэҕэ.
    15. Куруутун үрдүккэ,үчүгэйгэ дьулус. Оччоҕо сотору көтөр да кынаттаныаххын сөп.
    16. Саарбах астаныма,
    Куһаҕан доҕордонума,
    Кэтэх санаалаах кэргэннэнимэ,
    Ыар санаалаахтыын ыксалаһыма,
    Өлөрөр-өһөрөр санаалаахтыын үөрсүмэ,күлсүмэ,
    Албын-түөкэй аргыстаныма,
    Халбаҥ киһилиин хаамсыма,
    Хара санаалаахтыын ханыылаһыма.
    Халлааҥҥа хардаҕастаныма,
    Хантайан туран силлээмэ,
    Таҥараҕа мастаныма,
    Үөһээни үөрэтэн өйдөө,
    Алларааны анааран толкуйдаа.
    17. Сыыһа саҥарыма,сэттээҕи этимэ,дьыбардаахха тыыныма,саталаахха саҥарыма.
    18. Уруккуну умнума,инникини сибикилээ. Өлөрөөччүнү өйдөө,үөҕээччини үлтүрүт.
    19. Ааспыты аһат,тоҥмуту итиэр,быстыбыты салҕаа,кыһалҕаҕа түбэспиккэ көмөлөс.
    20. Урууларгын сөпкө көр-иһит,ол эрээри уу чугаһа өссө ордугун өйдөө.
    21. Уот сылааһа,уу ырааһа,салгын чэбдигэ абырыыр,эмтиир күүстэр буолалларын умнума.
    22. Аар Айыы күүһэ-бу Бүппэт Куйаар абырыыр күүһүнэн буоларын хаһан да умнума.
    23. Кыараҕас ычыгы ыырданыма,ычаҥ кыччыа,эйгэҥ тууйуллуо.
    24. Аар Айыыларга үҥэн-сүгүрүйэн өйүҥ-санааҥ,кутуҥ-сүрүҥ көҥүл буоллуннар. Өй-санаа,кут-сүр буолуулара эр киһини үрдэтэр.
    25. Эккин-хааҥҥын,өйгүн-санааҕын төһө кыалларынан чэбдиктик тут,эрчий,күүһүрт,үрдэт.
    26. Эн ыраас,чэгиэн-чэбдик буоллаххына,тулаҥ эмиэ оннук буолар.
    27. Сымыйаны кэпсээмэ,албыны саҥарыма.
    28. Аҕаҥ,ийэҥ албан ааттара эн албан аатыҥ буолбатах.
    29. Дьон эрэ көрөрүгэр хорсун буола сатаама. Онтуҥ төһө халы-мааргытын өйдөө. Хорсун киһи хорсунун мээнэ көрдөрө сылдьыбат.
    30. Өйдөөх киһи дьиҥ,улахан өрүс тыаһа суох устарыныы чуумпу,ыраас халлаан курдук чаҕылхай уонна үрдүк буолар.
    31. Күүстээх киһи күүһүн кистиир үгэстээх,үйэтигэр биирдэ эмит көрдөрөр.
    32. Тиэрэни,чиэскини,халы-мааргы көстүүлэри утары охсус.
    33. Бүгүн тугу эмэ оҥороргор,онтуҥ сарсын хайдах буолуон толкуйдаан көрөр буолаар.
    34. Киһиэхэ сымнаҕастык сыһыаннас,хамсыыр-харамайы харыстаа.

    0
  • Хааһах
    27 февраля
     

    Бу итэҕэл үөрэҕэ аатыгар айыы диэн тыла суоҕа эбитэ буоллар дьоҥҥо туһалаах буолуо этэ. Орто дойдуга олорор тыыннаах, эттээх-сииннээх дьоҥҥо "айыы буол" диэн ыҥырыыны туһаныы табыллыбат. Ол курдук киһи өйө көттөҕүнэ киһи буолан бүтэрэ тиийэн кэлиэн сөп.

    0
  • 161090ego_nm
    161090ego_nm
    Нарыйа
    27 февраля
     

    Оттон дьахталларга Аар Айыы итэҕэлин сүрүн ирдэбиллэрэ манныктар:

    1. Үчүгэй ийэ буоларга оҕо эрдэхтэн бэлэмнэн. Эн сиргэ биир сүрүн иэһиҥ үчүгэй ийэ буолуу,чэгиэн ыччаты тэнитии буоларын умнума.
    2. Асчыт бастыҥа,кыптыыйдаах мындыра,оһуордьут уустуга буол.
    3. Түргэнник,ыраастык тутта үөрэн,онно элбэхтик эрчилин.
    4. Үтүө эр киһини нөҥүөһүлүү сатаама,киниттэн чорбойуом этэ диэн искэр да,таскар да санаама. Итинник быһыы эйигин үрдэппэт.
    5. Кэргэҥҥин,оҕолоргун истиҥник таптаа. Ити эйигин үрдэтиэ,күүһүрдүө,ааккын ааттатыа.
    6. Бэйэҥ айыылыы иитиилээх буоллаххына,киһи бастыҥар кэргэн таҕыс. Чахчы оннук дьахтар буоллаххына,эриҥ онно эппиэттэһэр,сөп түбэһэр киһи буолуохтаах.
    7. Иитэр сүөһүнү күрүөлэс,төрөтөр оҕоҕун төлкөлөс.
    8. Аар Айыыларга үҥк,
    Күн Таҥараттан көрдөс,
    Айыыһыттан ааттас,
    Иэйэхсити кэлэтимэ.
    9. Чугас дьоҥҥор уотуҥ өрүү сылаас,аһыҥ өрүү минньигэс,тэллэҕиҥ уоттаах,уоһуҥ обуйуктаах,хараҕыҥ мичээрдээх буоларын умнума.
    10. Таҥара кыһалҕалааҕын өйдүүр,аһынар,харайар буолаар.
    11. Баайгын-дуолгун үксэтэ,кэргэниҥ булбутун кэккэлэтэ тураар. Уолбат ойбонно оҥор,дэлэй аста тэнит.
    12. Оҕолонор оҥоһуулаах,ыччаттанар ыйаахтаах буоларга күн аайы Аар Айыылартан көрдөс.
    13. Саталаахтык саҥарыма,
    Сэттээхтик кэпсээмэ,
    Олоҕо суоҕу онолуйума,
    Сымыйаны сыыйыма,
    Хобу-сиби хомуйума,
    Аан Алахчын Хотун өһүргэниэ.
    14. Кырдьаҕаска кыһамньылаах,эрэйдэммиккэ эйэҕэс,аччыктаабыкка аһыныгас,тулаайахха көмөлөөх буолаар. Тулаайаҕы атаҕастаама,бэйэҥ оҕолоргор кэлиэ.
    15. Эккин-сииҥҥин бөҕөргөт,кэрэ дьүһүҥҥүн кырдьыаххар диэри сүтэримэ. Өйгүн-санааҕын үчүгэй эйгэҕэ тут. Куккун-сүргүн күннэтэ Аар Айыыларга үҥэн-сүгүрүйэн ырааһырт.
    16. Арыгыга айманыма,табахха тардыһыма,ол эйигин таҥнары тардыаҕа.
    17. Албан ааты баҕарар буоллаххына,бэйэҥ ситис. Аҕаҥ,ийэҥ үтүө ааттара эйиэнэ буолбатах.
    18. Бастыҥы баһаардыҕыма,үтүөнү үөҕүмэ,килбиэннээҕи киртитимэ,көнөнү токурутума. Инньэ гыннаххына,кириҥ-дьайыҥ элбиэ.
    19. Киһини кэнниттэн үөҕүмэ,ойоҕоһуттан одуулаама. Иннин инчиэлээмэ. Онтуҥ бэйэҕэр төннүө.
    20. Ханнык баҕарар анньыыны-хараны,буруйу билиннэххэ,Аар Айыыларга үҥтэххинэ,оччоҕо ол боруостаныан,ааһыан,ыраастаныан сөп. Арай киһини өлөрбүт киһи анньыыта сүгүн ааспат.
    21. Аныгылыы сиэри батыстаҕым диэҥҥин мээнэ барыма,бас-баттах тыллаһыма,айаххыттан тахсар тылларгын өйдөөн саҥар.
    Саҥаран,этэн баран ол сыыһа тылларгын кыайан хомуйуоҥ суоҕа,оттон ол сэтэ-сэлээнэ эйиэхэ түргэнник кэлиэҕэ.
    22. Аар Айыылартан амарахтык көрдөһөөр,Үтүө күүстэргэ сүгүрүйэр буолаар.
    23. Оҕолоруҥ,кэргэниҥ тустарыгар көрдөһөргүн эмиэ умнумаар.
    24. Оҕолоргун эмиэ Аар Айыы ирдэбилин толорорго кыраларыттан үөрэт,кинилэргэ сөптөөхтүк үҥтэр. Ол эйиэхэ үчүгэй түмүктэри аҕалыаҕа.
    25. Оҕолоргун сайыннар,Үөрэт,өйдөөх дьон оҥортоо. Айыы сиэрин кэһимэ. Атын биллибэт уонна абааһы күүстэрин ыҥырыма,алдьархай кэлиэ,аам-дьаам буолуо.
    26. Иҥсэлээх,оботтоох буолума, оччоҕо үйэҕэр байыаҥ суоҕа. Олорор сиргэр,дьоҥҥор-сэргэҕэр Айыы күүһүн,Айыы сарыалын ыҥыра сырыт. Ол абырыа,арчылыа,араҥаччылыа,алдьархайтан быыһыа.
    Аар Айыы итэҕэлин сүрүн ирдэбиллэрин билии уонна толоруу Айыы киһитэ буоларга бастакы хардыы буолар. Үҥэр-сүгүрүйэр киһи кэҥээн,аны айылҕа чөллөөхтүк турарын иһин көрдөһүөхтээх,атын дьон туһугар эмиэ үҥүөхтээх.

    0
    • Мутант💀
      28 февраля
       

      Туох барыта ЫЙААХ (закономерность) этэринэн салаллар.

      0
  • Р я д о в о й
    28 февраля
     

    ИТЭҔЭЛ туохтан үөскүүрүй?

    0
  • Быйанг
    Быйанг
    Ветеран
    28 февраля
     

    Үрүҥ тойон Айыы (Үрүн Айыы тойон) - Тохсус халлаанҥа баар 12с Айыы — Үрүҥ Айыыллар тойонноро

    Аар — диэн, Таҥараны кытта сибээстээҕи (все божественное) барытын ааттыыллар.
    Аар (А́р) - Таҥара бэйэтин аата

    0
  • Хааһах
    28 февраля
     

    Айыы "добро" эрэ буолбат:
    1. Киһи үчүгэй айыыны оҥорор.
    2. Киһи куһаҕан айыыны оҥорор.
    3. Үчүгэйи оҥоробун дии санаабыта куһаҕан буолан тахсар.
    4. Оҥоро сатыыр айыыта табыллыбакка, сатаммакка куһаҕан буолан хаалар.
    5. Тиэтэйэриттэн, ыксыырыттан үчүгэй буолуон сөбүн да куһаҕаҥҥа кубулутар.
    6. Айыы буолуу диэн киһи өллөҕүнэ өйө-санаата туспа барара ааттанар.
    Биир эмэ киһи дьоҥҥо туһалаах айыыны оҥорор.
    Онтон атыттар бары куһаҕаны элбэтэллэр. Онон айыы диэн тыл куһаҕан өйдөбүлэ элбэх тыл. Дьоҥҥо үчүгэйи аҕалбат.

    0
    • Быйанг
      Быйанг
      Ветеран
      28 февраля
       

      Хааһах,

      Биһиги — сахалар итэҕэлбитин Үрүҥ Айыылар даҕаны бааллар, Ххара Айыылар даҕаны бааллар. Бороҥ Айыылар даҕаны бааллар. Үрүҥ Айыыр - дьону аарчылыыллар. Хара Айыылар дьон салгын кутун былдьа сатыыллар. Кинилэри кытта Таҥара быраата - Сүгэ тойон охсуһар. Бороҥ Айыылар аҕыйах кэм арчылыахтарын даҕаны син, куһаҕаны даҕаны дьайахтарын син.
      Аньалар — Үрүҥ Айыылар көмөлөһөөччүлэрэ

      0
  • 😂
    28 февраля
     

    Дьэ
    "ДЬОҺУННААХ" КЭПСЭТИИ буолан эрэр эбит
    диэн
    көрдүм

    0
  • Хааһах
    1 марта
     

    Үрүҥ уонна хара диэн итэҕэл икки утарыта өрүттэрэ ааттаналлар. Өй-санаа уратылара элбэҕинэн бу өрүттэр икки ардыларыгар араас дьүһүннээхтэр баар буолуохтарын сөп. Сиэр диэн сахаларга өй-санаа аһара барарын тохтотор хааччах баар.
    Саха дьоно бары сиэри тутуһан олохторун олороллор. Айыыны оҥоруу сиэри таһынан барар быһыы буоларын сахалар билэллэр.

    0
  • Хааһах
    3 марта
     

    Айыы диэн куһаҕана элбэх тыл. Киһи үчүгэйи оҥоробун диэн санаатыттан куһаҕаны оҥорон кэбиһэрэ ордук элбэх. Бу тыл хаһан да "үчүгэй" тыл буолбат. Куһаҕаны анаан-минээн айан оҥорооччулар эмиэ бааллар.
    Сахалар ону билэн бу тылы икки өрүттээх; үчүгэйдээх уонна куһаҕаннаах өйдөбүлүнэн туһаналлар.

    0
  • 161090ego_nm
    161090ego_nm
    Нарыйа
    3 марта
     

    Аар Айыылар,Айыылар,Үрүҥ Айыылар

    "Айыы"-"айар" диэн туохтууртан үөскээбит диэн быһаччы үрдүттэн көрөн этиэххэ сөп. "Айыы" диэни " Анньыы" диэн бобуу тылыттан эмиэ хабааннаан үөскэппиттэр. Былыр ытык дьоннортон сорохторо халлааҥҥа көппүттэрэ диэн өйдөбүл баара. Ытык дьон бары халлааҥҥа көппөттөр. Кинилэр халлааҥҥа көппүт сүрүн сыаллара,онно тиийэн көмүскэс Айыы буолаары. Ити көмүскэс Айыылары кэлин Үрүҥ Айыылар диэһин буолбута. Онон,Үрүҥ Айыылар диэн бу халлааҥҥа көппүт дьоннор буолаллар. Бу өйдөбүл кэлин,христианство киирбитин кэннэ,өссө күүһүрбүтэ. Христос эмиэ киһи,кини халлааҥҥа көппүтэ буолбаат! Христианство киирбитин кэннэ,сахалар Үрдүкү Таҥараларын Үрүҥ Аар Тойону киһиэхэ тиийэ намтатан,миссионерскай өйдөбүллэргэ киирэн-Үрүҥ Айыы Тойон диэн ааттаан барбыттара.Бу христианскай итэҕэлгэ сөп түбэһэ сатааһын этэ.
    Үрүҥ Айыы диэн халлааҥҥа көппүт ытык дьону ааттааһын,аны биир өттүнэн,Айыылар диэн өйдөбүлгэ биир кутталлаах өйдөбүл баарыттан этэ. Илэ үөр буолбут сорох дьону эмиэ Айыылар диэн ааттыыллара. Кинилэри Хара Айыылар дииртэн дьулайаллара. Ол иһин,Айыылар дииллэрэ. Манна үксүн куһаҕаннык өлөн,иирэн,бэйэлэригэр тиийэн үөр буолбут дьоннор киирэллэрэ.
    Оттон Таҥара,Танара,Тенгри,Тенри диэн былыргы дьиҥнээх түүр тылыттан ситимнээх Үрдүк Таҥаралар бары-Аар Айыылар диэн ааттаналлар. "Аар" диэн сүдү,улахан диэн,олус былыргы диэн өйдөбүллээх. Ол аата,Аар Айыылар диэн,киһи өйдөөбөт эрдэҕиттэн баар,ким да айбатах,үөскэппэтэх сүдү,улуу Айыылар диэн өйдөбүллээхтэр. Өскөтүн,бары Айыылар киһи билэригэр үөскээбит,баар буолбут буоллахтарына,Аар Айыылар үөскээһиннэрин ким да билэр,өйдүүр кыаҕа суох. Онон,итэҕэлбит Аар Айыы итэҕэлэ,оттон таҥараларбыт Аар Айыылар дэнэллэр. Ол аата,Аар Айыылар- таҥаралар буолаллар,оттон көннөрү Айыылар,сир дьонуттан үөскээбит Айыылар диэн өйдөбүл буолаллар.
    Үрүҥ Айыы Тойон диэн үрдүкү таҥараны ааттааһын,улахан омсолоох сыыһатын ити өссө төгүл бигэргэтэр. Саха сиригэр Христос итэҕэлэ киирбитин кэннэ,Аар Айыы былыргы итэҕэлин христианствоҕа сөп түбэһиннэрэ сатааһын быһыытынан үөскээбитэ. Миссионердар сыалларынан сахалар сүрүн таҥараларын Үрүҥ Аар Тойону умуннарыы этэ. Дьэ,ону өйдөөбөккө,итэҕэли дириҥник билбэт,сирийэн үөрэппэтэх бүгүҥҥү дьоммут,үрдүкү таҥараларын Үрүҥ Айыы Тойон дии сылдьаллар.Ити улахан анньыылаах быһыы! Үрүҥ Айыы Тойон диэн өлөн баран халлааҥҥа көппүт Христос таҥара өйдөбүлэ буолар.
    Соҕуруу халлаан сүдү хараҥа күүһүн,Улуу Суорун Тойону оҥостон " Айыы үөрэҕэ" дии-диилэр үҥэ сылдьар дьон,Үөһээ Аар Айыылар тустарынан өйдөбүллэрэ төрүт да суоҕун этэр.
    Билигин даҕаны Айыылар диэн өйдөбүл салгыы үөскүү туруон сөп. Билигин да дьон үөр буолаллар. Ол аата,хараҥа дьайыылаах Айыылар үөскүү тураллар. Оттон хаһан эрэ Намылҕа Силик эмиэ хатыланыа. Оччоҕо Үрүҥ Айыылар эмиэ үөскүөхтэрэ. Аар Айыы уонна көннөрү Айыы диэн өйдөбүллэр итэҕэлгэ суолталарын итинник быһааран өйдүүр наадалаах. Итини кыайан быһаарбакка сылдьан "Айыы үөрэҕэ" дии-дии тиргиллэр,дьону бутуйар буортулаах.
    Христианство 17 үйэҕэ Саха сиригэр үктэммитэ. Ити кэмтэн ыла саха Аар Айыытын итэҕэлэ умнууга киирэн,Үрүҥ Аар Тойонун саҥалыы,Христос аатынан Үрүҥ Айыы Тойон диэн барбыта.
    Аар Айыы диэн өйдөбүлү Айыы диэн өйдөбүлгэ тиийэ намтаппыттара. Айыы диэн өйдөбүл икки төрүттээҕин быһаарбытым. Бастакыта,сиртэн халлааҥҥа көппүт дьон,иккиһэ,улахан демоническай үөр диэннэр.

    0
  • Хааһах
    4 марта
     

    Былыргылартан тутулуктаах итэҕэл Үрүҥ айыы итэҕэлэ диэн ааттанара таба. Ол курдук былыргы дьон оҥорор быһыылара билиҥҥи дьон оҥорор быһыыларыгар холоотоххо быдан куһаҕан этэ. Элбэхтик өлөрсөллөрө, оннооҕор сиэһэллэрэ. Ол иһин былыргы дьон билиилэриттэн үчүгэйин, үрүҥүн эрэ талан ылан туһаныы эрэйиллэр да буолбатах, ирдэнэр көрдөбүл буолар.
    Айыылар диэн былыргылар, быдан үйэҕэ өлбүттэр өйдөрө-санаалара ааттанар. Итэҕэл үөрэҕэр ону-маны була сатаан эбии-сабыы табыллыбат.

    0
    • 161090ego_nm
      161090ego_nm
      Нарыйа
      4 марта
       

      Хааһах, хайалартан таба буолара билигин биллибэт,бэйэ бэйэни өлөрсүү,сиэһээһин билигин да баар.Сэбиэскэй былаас саҕана итэҕэлгэ эбии-сабыы буолан саҕаламмыта.Ол көлүөнэлэр онно итэҕэйэн улааппыт дьоҥҥут,ол иһин туора-маары суруйаахтыыгыт.

      0
    • 161090ego_nm
      161090ego_nm
      Нарыйа
      4 марта
       

      Хааһах, үрүҥ айыы диэн эн бэйэн айбыт итэҕэлин,манна сыбыы сатаама.

      0
  • Хааһах
    5 марта
     

    Үрүҥ Аар тойон таҥараны сахалар былыргыттан билэллэр. Мин үрүҥ диэн таҥара үөрэҕэр үчүгэйи быһаарыы диэн этэбин. Ол аата үчүгэй айыы үрүҥ айыы диэн ааттанар уонна дьоҥҥо туһалыыр. Онтон хара айыы диэн дьоҥҥо туһата суох, куһаҕан айыы ааттанар.
    Киһи оҥорор быһыылара икки аҥы арахсалларын билбэт эрээри сахалар итэҕэллэрин буккуйа сатааһын табыллыбат.

    0
Ответ на тему: Аар Айыы
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания