2 года на форуме Автор Топ пользователь Все
Награды
2 года на форуме
2 года на форуме
Автор
Автор
Топ пользователь
Топ пользователь
1000 просмотров
1000 просмотров
ТАҤАРАИАНСТВО 5 Т ТЭЛГЭҺЭТЭ
  884
ДЬОҺУН ДЬОНУ ТАҤАРАИАНСТВО САҤА КИЭҤ ТЭЛГЭҺЭТИГЭР ЫҤЫРАБЫТ.
БАҺААЛЫСТА ЫАЛДЬЫТТААҤ - ҮТҮӨ ДЬОҤҤО ААММЫТ АҺАҔАС.
Ответов 64 Написать ответ
  • Eheajil
    Eheajil
    гавриил угаров
    12 июля
     

    ОТ ҮЛЭТЭ САҔАЛАННА

    Бүгүн От ыйын 12 күнэ -Окко киирэр, Хотуур түһэр күнэ.дилэр.

    Быйыл дьыл эрдэлээн үгүс сиргэ дьон окко уруттаан киирдэ.

    Православнай итэҕэллээхтэр св. Петр уонна Павел күнүн бэлиэтииллэр.
    Сахалар ону Бөтүрүөп Таҥара күнэ дииллэр.

    От-мас муҥутаан ситэр, араас эмтээх, киһиэхэ туһалаах веществолары - белогу, арыыны, саахары, витаминнары, микро- макро- элэмэннэри мунньуналлар. Ол иһин аска туттуллар уонна эмтээх үүнээйилэри бу ый 21 күнүгэр диэри хомуйа охсуохха наада. Ити кэмтэн ыла ити туһалаах веществолара сыыйа аҕыйаан бараллар.

    Дьэдьэн, биэ эмиийэ, киис тиҥилэҕэ, хаптаҕас буста, хомуйар көҥүллэннэ.

    БОЛҔОЙУҤ!!!

    Бүгүн Докуускайга 32-34 кыраадыс куйаас. Сахалар маннык куйааһы Эт буһар итиитэ буолбут дииллэр.

    31 кыраадыска углекислай газ критическай температурата бэлиэтэнэр. Ити температураттан үөһэ үүнээйилэр фотосинтезтара олус күүскэ бытаарар, онон салгыҥҥа кислород аҕыйыыр, киһи тыынарыгар ыарахан буолар. Итинэн сибээстээн ыарыһах дьон сөрүүн сиргэ олоруҥ. Доруобай да дьон ыарахан үлэни киэһэ күн уота өлбүтүн кэннэ үлэлээҥ.

    Бэйэҕитин харыстаныҥ.

    0
  • Һэ һэ
    12 июля
     

    Таҥараианство ыт тэлгэһэтэ диэн аахтым тобуҥ аатын

    0
  • Мааленький
    12 июля
     

    Отон танара дьиэтигэр мощи святых агалбыттар уьу. Ону танараианстволар кере бараллар дуу))) Бугун якт.ру на главном висит. Син биир танара диэнтэн тахсар буолбат да

    0
  • Eheajil
    Eheajil
    гавриил угаров
    14 июля
     

    ААР КУДУК МАС ДИЭН ТУГУЙ?

    Аар Кудук мас диэн Айыы Таҥара Тайаҕа, Тоҕус Халлаан тулааһына буолар. Бу Тулааһын Төбөтө Кыһыл көмүс тоһоҕонон хам саайаыллан, туллаҥнаабат туруктанар. Ол Кыһыл көмүс Тоһоҕо Хотугу Сулус (Полярная звезда), эбэтэр Орой Сулус буолан чаҕылыйар.

    Тоҕус Халлаан туллаҥнаабат Тулааһына буолбут Айыы Таҥара Тайаҕын Тоҕус хараҕата хойуу лабааҕа кубулуйан, чэлгийэ үүнэн, хаһан да хагдарыйбат Аар Кудук Маска (Мировое дерево) кубулуйар. Ол Таҥара тайаҕа маһы кэлиҥҥи дьон Аал Луук Мас, эбэтэр Аал Дууп Мас диэн сыыһа ааттыыллар.

    Ол гынан баран 2019 сыллаахха Туймаада Ыһыаҕа ыытыллар сиригэр Үс Хатыҥҥа туруоруллубут Айыы Тайаҕын ААР КУДУК ТЭРЧИ МАС - диэн ааттаабыттар этэ. Мин санаабар ТЭРЧИ диэн эбии тыл алҕас киирбит.

    Онон Тэрчи диэн тылы ылан бырахтахха элбэх дьон-сэргэ тоҕуоруһар сиригэр Ытык маспыт аата дьэ сөпкө суруллубут.

    Аар Кудук Мас өйдөбүлэ.

    Бастакы тылын ААР - ААРЫМА, УЛАХАН - диэн быһаарыахха сөп. КУДУК - ЫТЫК МАС, саха бастакы этнограф үөрэхтээх учуонайа Семен Иванович Николаев - Сомоҕотто суруйарынан тайҕа ортотугар ойуччу үүммүт ырааҕынан тайаан сытар бу ойуурга олохтоох биир да кыыл, көтөр таарыйан бэлиэтэммэккэ эрэ ааспат дьикти ТИИТ МАС үүнэн турар буолар диир Оннук маһы КУДУК МАС дииллэр эбит.

    Аар Кудук Маһы нууччалы Священное Чудо Дерево диэн тылбаастыахха сөп.

    0
  • Һэ һэ буотах
    15 июля
     

    Бэт суруйан ис Хабырыыл Исптрдиэнэбис !
    Аа5абыт! Ордук науканы кыбытан ыларгын сэргиибит

    0
  • Eheajil
    Eheajil
    гавриил угаров
    15 июля
     

    ТО5УС ХАЛЛААН АНЫГЫЛЫЫ ӨЙДӨБҮЛЭ

    Саха уонна үгүс омуктар итэҕэллэригэр Үөһэ 9 халлаан баар диэн өйдүүллэр.
    Аныгы интернет үйэтин дьоно ону истиэн да баҕарбат. Ол сөп даҕаны.

    Таҥараианство 9 Халлааны наукаҕа олоҕуран бэйэ-бэйэлэрин кытары мэһэйдэспэккэ сытар тус-туспа Аан Дойдулар (параллельные миры) диэн быһаарар.

    Аныгы физика параллельно сытар Дойдулар баар буолуохтарын сөбүн утарбат.

    Итинник быһаарыыны дьон ылынар уонна биһириир.

    Былыргы өбүгэлэрбит хантан эрэ биһиги Аан Ийэ дойдубутуттан ураты Параллельнай Аан дойдулар баалларын билбиттэрэ киһини сөхтөрөр. Биллэн турар, ону быһаарыылара бэйэлэрин оччотооҕу таһымнарынан буоллаҕа.

    Бу холобуртан көстөрүнэн итэҕэл былыргы өйдөбүллэригэр аныгы көлүөнэ дьон олус болҕомтолоохтук сыһыаннаһыахтаах эбиппит диэн түмүккэ кэлиэххэ сөп.

    0
  • Киьи
    15 июля
     

    Хой баьын туойума,деда!Ол бу сымыйа сектаны арыйан,энин арааьы дойгохтоон бут эрэ эн.Дьону,норуоту буккуйан сиэри аьаары.

    0
    • BorNEo
      15 июля
       

      Киьи, бу үлүгэр аныгы технология сайдыбыт кэмигэр Дьону,норуоту буккуйан "сиир - аһыыр" ыарахан буолуо ээ: бэл кытыыттан хас - эмэ уонунан сиринэн былтаҥнаан энин арааьы дойгохтоон биэрэҕит эрээри, тугу - эмэ ситиспиккит көстүбэт🤗🤗

      0
      • Киьи
        15 июля
         

        BorNEo, түөһээки,ону маны сымыйаны лахсыйыма.Эн эмиэ ас ис тобоҕуттан бэриһиннэрээри,сектаҕа киирдиҥ ини.Биир тылынан вы сатанисты,этим все сказано

        0
  • Мааленький
    15 июля
     

    Онтон Угаров кыьын ойбонно чомполонору туох диир...ити айбыт итэгэлин. Ил Дарханын бастакынан чомполонор дии. Эбэтэр чахчы секта дуу...били аюм сенрюке игн курдук онороору гынагын да)))

    0
  • Сүбэ.
    15 июля
     

    Үйэҕэр сиргэ үлэлээбэтэх оҕонньоргун быһыылаах. Оннук дьон аныгы учууталлар курдук кырдьар саастарыгар таҥараһыт эбэтэр сектан буолаллар биһиги культурабыт үлэһиттэрин курдук. Ыһыах ыһан Айыыттан ас, уйгу көрдөнүллэр диэн өйдүүллэр.


    Эдэр эрдэхтэн Сиргэ үлэлээҥ. Эмэх буоллаххына эбэрэ элбэх.

    0
  • Сүбэ.
    15 июля
     

    Олоҕу образно Аал-луук мас диэн тэҥнэбили аныгы дьон мас диэн өйдүүр. Эҥин араас.

    0
  • Эҥин дьикти.
    15 июля
     

    Куоракка сиргэ үлэлээбэтэх дьон маассово өйүттэн тахсыбыт курдук. Ол иһин туһалаах хара үлэ барахсан. Биһиги онтон куотарга дьулуһан тахсабыт.


    Саҥалара барыта куйаарынан үһү. Ити Хатылаайаптар хата дарбыйан арыый уоскуйбуттар.

    Сэрии курдук сэбилэнэн эрдэрэ, оҕолоро саас, күһүн тулалыырын кыргары аахтаахха, букатын абааһы буулаабыт курдук да, Айыы дьонобут диэн үлэлии сүүрүөхтэрин, ынах ыахтарын, от оттуохтарын оннугар дьону үөрэтэ сүүрэллэр.


    Өссө киһи сөҕөрө тыа дьонун. Бэйэ-бэйэлэрин олохторун ырытары бэрдимсиктэрэ мэһэйдиир, мин аҕай диэн бэртэрэ.


    Биир эмит үйэтигэр оттообут, ынах ыабыт киһи кинилэр курдук кураанаҕынан Сир киинин саҕа сананалларын ханна көрбүттэрэй? Эбэтэр бары оннук бырахтарыахтаах этибит дуу?

    0
    • Һэ һэ
      15 июля
       

      Эҥин дьикти., Дьэ бу саамай сөп этии,хата син биир киһи баар эбит ээ

      0
  • Сити курдук.
    15 июля
     

    Түүннэри онно-манна ойуумсуйан кулуһун оттоллор, онтулара баһаары ыытаннар чачайаары гынныбыт биир күн иһигэр.

    Короче бырахтарыы. Ааспыкка түүн Владимировка хайатын үрдүгэр ынырык улахан кулуһун оттон олороллор этэ, өссө тугуй ол диэн ыраахтан сөҕөн көрбүппүт.


    Аныгы үйэҕэ росгвардия, мчс тоҕо манаабат, уокка үлэлии барбыттара эмиэ улаханнык иһиллибэт.

    0
    • Һэ һэ
      15 июля
       

      Сити курдук., Этэбин дии,маассабай психоз диэн,норуот норуотунан " айанныыра" ити ыар кэмнэр ыган кэлбиттэрин,дьон онно морально да интеллектуально да бэлэмэ суохтарын туоһулуур,ол иһин ити быыс хайаҕас көрдөөн,була сатаан онно манна бары сөрүөстэ сатаахтыыллар,ол бу омуктарга " аймахтаһан"," ойуунумсуйан", чэ ньучубуо,бу быыһык кэм барытын ыраастыа,сууйуо,чыыскалыа,орун оннугар буллартыаҕа,билигин естественный отбор бара турар,онно саха омуга бэлэмэ суох тиийэн кэллэ,бу ыар кэмнэргэ мөлтөх,кыра атах бытах омук суураллыа,сүтэн симэлийиэ,ордон хаалбыта улахан омукка көйгө буолуоҕа...

      0
    • Хотон үлэһитэ
      15 июля
       

      Сити курдук., хата таҥара ыраастаан баһаар ыытта дииллэр ини .Ити эһээ дьыллар дьон өйүн бутуйан аҕай эрэллэр, тыа сирин эһэр биир сорудахтара быһылаах.Ити олох диверсант сылдьар, саха норуотун төрүт үгэһин, дьарыгын ,үлэтин суох гынарга анаан үлэ ыытар .Кини суруйуута барыта кураанах дойҕох, ол оннугар буортута элбэх ,этэргэ дылы "бред сивой кобылицы"буолар.Үйэтигэр хара үлэ: от мас ,сүөһү, сылгы иитиитэ диэни билбэтэх оҕонньор инник туойар,өссө үөрэтэр ээ.Дьон утардахтарына "куһаҕан сыт" кэллэ дии дии кыраан да киирэн барыах курдук тыллаһар.Комменнары ааҕан бэйэтэ "амбре "таһаардаҕа буолуо )))) Бэт оҕонньортон фиялка сыта кэлэрэ дуу)

      1
  • Ити сүбэ
    15 июля
     

    Ярославскай музей үлэһиттэрэ аны бырахтаран эрэллэр нвк-ҕа. Бииртэн биир араас. Оттуу барыа этилэр эбэтэр баһаар умуллара.


    Онно оҥоойулар оройуҥ аһаҕаһын начаас бүөлүөхтэрэ. Саханы саха гынар - ОҤООЙУ диэн былырыын бырааппынаан түмүк оҥорон турабыт. Боруоста үчүгэй оҥоойу. Оҥоойуну билбэтэххинэ, саха киһитэ сыата сыһыыта уулбатаҕына, этэ-хаана сүүрүк сылгы курдук бааллыбатаҕына, эрийэ хаппатаҕына, кыһыны этэҥҥэ туораабат сыа буолбут сымнаҕас этинэн.

    0
  • Eheajil
    Eheajil
    гавриил угаров
    16 июля
     

    ИТЭҔЭЛ СҮБЭТЭ НААДА

    Итэҕэл.

    Ийэм күн сириттэн тыына быстан, Үөһээ Айыыларга айаҥҥа туруммутун кэннэ, Саха Итэҕэлин туһунан күн ахсын санаан ылабын. Ону-маны ааҕабын. Итэҕэлгэ сыһыаннаах дьону кытта кэм буола-буола көрсөн кэпсэтэбин. Börte Lui, Гавриил Угаров, лена федорова, Кондаков, Тэрис суруйууларын ааҕабын. Кондаков күөх кинигэтин күҥҥэ биир-икки лииһин ааҕа сатыыбын. Сүдү улахан үлэни оҥорбут киһи. Кулан Хаан үтүүб ханаалын өрүү көрөбүн. Кэлиҥҥи аргы туһунан санаатын көрө иликпин. Соло булан көрүллүө этэ. Бэйэм итэҕэл туһунан санааларбын хаста даҕаны суруйан турабын.

    Бу ахтан ылбыт дьонум бары үтүө санаалаах дьон. Сахалар үйэ саас тухары маннык дьоннордоох буолан, бү күҥҥэ дылы итэҕэлбитин ыһыктыбакка кэллибит. Хас даҕаны хайысха баарын иһин, бары биир санаалаахпыт - Саха эйгэтэ кэҥиирин, ыччат өбүгэтин умнубатын туһугар.

    Соторутааҕыта Ил Дарханы кытта көрсүһүүгэ этии киллэрбитим. Саха Сиригэр элбэх Сүбэ баар. Тыл Сүбэтэ, Ытык Сүбэ, Ил Сүбэтэ (Государственый советник), онтон даҕаны атын Сүбэлэр бааллар. Мин саныахпар бу Сүбэлэр саха эйгэтэ чэгиэн буоларын туһугар син үлэлииллэр, баҕар ханан эрэ сыппаан биэрэллэрэ буолуо. Ол эрэн сүнньүнэн хамсана сатыыллар. Мин этиим судургу этэ - Итэҕэл Сүбэтин тэрийиэххэ диэн.

    Билигин Саха Итэҕэлин элбэх религия ылына сылдьар. Христинство буоллун, Ислам буоллун, Буддизм буоллун, бары Саха Итэҕэлин "язычество" диэн таһымҥа туруорбат буоллан эрэллэр. Ол, ити санаан ааспыт дьонум, өҥөлөрө буолар - Итэҕэли сааһылаабыттарын түмүгэ. Ол эрэн, сааһылааһын бөлөхтөрүнэн арахса сылдьар.

    30 сыл иһигэр маннык хамсааһын сөпкө тэнийэн кэллэ дии саныыбын. Билигин 10 сыл иһигэр өссө сааһыланан, биир санааҕа кэллэхпитинэ - улахан кыайыы буолуо этэ. Онон, Итэҕэл Сүбэтэ тэриллэрэ кэмэ кэллэ. Сыһыаннаах дьон мустан кэпсэтэргит, биир санааҕа киирэргит буоллар, Саха ыччатыгар олус туһалаах хамсааһын буолуо этэ.

    Мустуохтара диэн эрдэттэн махтана хаалла Ойуур Байбал

    Э.с. (P.s.) Ойуур Байбал диэн П. Ксенофонтов - Ил Түмэн дьокутаата.

    0
  • Һэ һэ
    16 июля
     

    Бор баҕайы,бор бор курдук,хап гыннаран айаҕар түһэрэн иһэр,хамсыыр буоллун хамсаабат буоллун...

    0
  • мэхээлэ
    18 июля
     

    Нуучча алфавитыгар ҥ буква суогунан дьиҥ аатын суруйбут киһи.

    0
  • Һа һа
    18 июля
     

    Манна бары түөһээкилэр мустубуттар.Бил баһыттан сытыйарыгар дылы.Туох да туһата сохха өйдөөҕүмсүйэр чмолар

    0
  • Һа һа
    18 июля
     

    Ыт тэлгэһэтэ һа һа

    0
  • Eheajil
    Eheajil
    гавриил угаров
    21 июля
     

    САРА ОХТОР КҮНЭ

    БҮГҮН САРА ОХТОР КҮНЭ. БАСТААН АТЫЫР КУСТАР САРАЛАНАЛЛАР, ЭБЭТЭР ТҮҮЛҮҮЛЛЭР. ОНТОН 12-15 ХОНОН БАРАН ТЫҺЫЛАРА САРАЛЫЫЛЛАР. ИТИ ААТА ЭРГЭ ТҮҮЛЭРЭ, КУОРСУННАРА ТҮҺЭН САҤА КУОРСУН, САҤА ТҮҮ ҮҮНЭР.

    КЫНАТЫН КУОРСУННАРА ТҮҺЭН САРА КЭМИГЭР КУС КӨППӨТ. ОЛУС УОЙАР. САРА КУҺА ДУО? - ДИЭН ОЛ ИҺИН УОС НОМОҔО ҮӨСКЭЭБИТ.

    БУ КЭМҤЭ САРА ОХТОР КУААҺЫН КЭННИТТЭН АРДЫЫР, КЫРАТЫК СӨРҮҮДҮЙЭР.

    БҮГҮН ПРАВОСЛАВНАЙ ИТЭҔЭЛЛЭЭХТЭРГЭ ДЕНЬ ПАМЯТИ ПРОКОПИЯ УСТЮЖИНСКОГО, САХАЛАР ОНУ БОРОКУОППАЙАП ТАҤАРА ДИИЛЛЭР.

    0
  • Eheajil
    Eheajil
    гавриил угаров
    22 июля
     

    КҮҮЛЭЙ КҮНЭ

    БҮГҮН ОТ ЫЙЫН 22 КҮНҮГЭР - САРА ОХТОР КҮНҮН САРСЫҤҤЫТЫГАР ОТЧУТТАР КҮҮСТЭЭХ ҮЛЭТТЭН КЫРАТЫК СЫННЬАНА ТҮҺЭЭРИ, ТААРЫЙА КУСТААРЫ, СИР АСТААРЫ ӨРҮҮЛЛЭР.

    ОЛ ИҺИН БУ КҮНҮ КҮҮЛЭЙ КҮНЭ ДИЭН ААТТААБЫТТАР.

    БУ КЭМҤЭ КУС ОҔОТО БЭЙЭТИН КЫАНАР, АҺЫН БУЛУНАР, СИЭМЭХТЭРТЭН САТААН САҺАР, КӨМҮСКЭНЭР БУОЛА УЛААТАР.
    ОЛ ИҺИН КУС ИЙЭТИН БУЛТУУРУ БУ КҮНТЭН ЫЛА БЫЛЫР КӨҤҮЛЛҮҮЛЛЭР ЭТЭ. ИТИНИ СЭРГЭ САРАЛААБЫТ КУҺУ БУЛТУУЛЛАРА.

    ДЬАХТАЛЛАР, ОҔОЛОР СИР АСТЫЫЛЛАРА - ХАПТАҔАС, БААР СИРИГЭР СУГУН, КИИС ТИҤИЛЭҔЭ, ДЬЭДЬЭН ХОМУЙАЛЛАРА.

    КИЭҺЭ ӨТТҮГЭР КУС МИИНИН ИҺЭН, АРЫЫЛААХ АЛААДЬЫ, САЛАМААТ СИЭН МАЛААҺЫННЫЫЛЛАРА.

    СЫННЬАММЫТ, ДУОҺУЙБУТ ДЬОН САРСЫҤҤЫТТАН КҮҮСТЭЭХ, ТАҺААРЫЫЛААХ ҮЛЭҔЭ ТУРУНАРА.

    0
  • Эҥин дьикти.
    22 июля
     

    Ким от үгэнигэр кустаан оонньуу сылдьыбытын кэпсиигин?

    Кырдьык сиргэ үлэлээбэт дьон бэйэтэ бырыкаас.

    0
  • Eheajil
    Eheajil
    гавриил угаров
    23 июля
     

    ИТЭҔЭЛ СҮБЭТЭ

    НӨРҮӨН НӨРГҮ!

    Аҕыйах хонуктааҕыта мин Фейсбукка страницабар Ил Түмэн депутата П.В.Ксенофонтов - Ойуур Байбал "Итэ5эл" диэн суруга тахсыбыта улахан сэҥээриини ылла.

    Онон сибээстээн Ойуур Байбал бэҕэһээ "ИТЭ5ЭЛ СҮБЭТЭ" - диэн Ватсап-бөлөҕү тэрийдэ. Ити бөлөххө итэҕэлгэ сыһыаннаах дьону түмэн Итэҕэл Сүбэтин хайдах, хаһан, ханна тэрийиэххэ сөбүн туһунан кэпсэтии барыахтаах.

    Ити боппуруоска үлэлэһиэн баҕалаахтар Өрөспүүбүлүкэ хайа баҕарар муннугуттан Ойуур Байбал бөлөҕөр киирэн сүбэ-ама буолуоххутун сөп.

    Баһаалыста Ойуур Байбал Фейсбугар суруйуҥ.

    0
    • Фейсбук эҥин көрүллүбэт
      26 июля
       

      Eheajil, ватсабын номерын ыытыый.

      0
      • Eheajil
        Eheajil
        гавриил угаров
        27 июля
         

        ҮӨҺЭ СУРУЙ

        МИЭХЭ ИТИ ҮӨҺЭ ААККЫН-СУОЛГУН ТОЛОРУ УОННА ТЛФОНУҤ НОМЕРЫН СУРУЙ. СААҺЫҤ ИДЭҤ,ТОҔО КИИРЭЭРИ ГЫНАРГЫН БИИР-ИККИ ТЫЛЫНАН ЭТ.

        0
        • Төрүт Итэҕэл.
          27 июля
           

          Eheajil, ок ха туох ааттаах үспүйүөн курдук үөрэтээри гынныгыт? Наадалаах этэ.

          0
  • Eheajil
    Eheajil
    гавриил угаров
    25 июля
     

    АЙЫЫ ТОЙОН ТАҤАРА ХАРААНЫН ТУТАР КИҺИ КӨСТӨӨРӨЙ?

    КИҺИ ДА СОННЬУЙАР - САХАЛАР ХААЙЫЫГА ОЛОРООЧЧУЛАРА ТАҤАРА ДЬИЭЛЭЭХТЭР.
    БИЛИГИН ӨССӨ ИККИС ТАҤАРА ДЬИЭТИН ТУТАН ЭРЭЛЛЭР.

    ОТТОН КӨҤҮЛ САХАЛАР КӨННӨРҮ ОЛОРОБУТ.

    БАҔАР БИИР ЭМЭ АЙЫЫ САНААЛААХ, КЫАХТААХ, ТЭРИЙЭР ДЬОҔУРДААХ КИҺИ КӨСТӨН АЙЫЫ ТОЙОН ТАҤАРА ХАРААНЫН ТУТАН НОРУОТУГАР ӨЛБӨӨДҮЙБЭТ ҮТҮӨНҮ ОҤОРООРОЙ?
    БАСТААН КЫРАТТАН ДА САҔАЛЫАХХА СӨП ЭТЭ.

    0
  • Һэ һэ
    27 июля
     

    Хараамнаахтар ээ баҕайылыар баҕайылар,ыа абаккам! Оччо айылаах итэҕэйэр сүгүрүйэр буоллаххына бэйэҥ үпкүнэн тутун ээ,хараам,аатыҥ суолуҥ,баҕар,өлбөөдүйүө суоҕа буолаарай...

    0
  • 👍
    27 июля
     

    Саха сирэ бэйэтэ храм буо...дьиэ туохха нааданый? Хата кыьын гараж наада массыынабар..

    0
  • Eheajil
    Eheajil
    гавриил угаров
    28 июля
     

    САХА КЫРГЫТТАРА ТО5О ОМУК ДЬОНУН ЭККИРЭТЭРИЙ?

    Саха дэриэбинэтэ "самоизоляцияҕа" барбыта ыраатта. Урукку курдук атын дэриэбинэлэри, улуустары кытары сылдьыһыы быста аҕыйаата.

    Ол иһин чугас уруулуу ыччат ыал буолара кими да ороһуппат буолла. Оттон чугас уруулуу дьоннортон аһаах оҕо төрүүрэ былыргыттан биллэр. Оттон кинилэртэн өссө мөлтөх доруобуйалаах оҕолор төрүүллэр. Ити түмүгэр саха омук улам-улам төрүөҕэ төннөн омук быһыытынан эстэр суолга тиийиэн сөп.

    Өбүгэлэрбит итини билэн 7-с көлүөнэҕэ диэри дьону урууларынан ааҕан оҕолорун холбообот этилэр.

    Таҥараианство быһаарарынан Айыы Тойон Таҥара Сахалары хаан булкуйан уһун тыыннаары кыргыттарбытын кэлии дьону кытары холбуур, омук дьонунан кыргыттарбытыгар оҕо оҥотторор.

    Биллэн турар ити үөскээбит проблеманы быһаарбат - Айыы Тойон Таҥара сахаларга итинэн сэрэтии эрэ ыытар.

    Ону бэйэбит, салалтабыт өйдөөн, саха барыта сиэнчэр буолбатын, уруу урууну кытары холбоспотун туһугар
    туһааннаах дьаһаллары ыла охсуохтаахпыт.

    0
    • BorNEo
      29 июля
       

      Eheajil,


      Айыы Тойон Таҥара Сахалары хаан булкуйан уһун тыыннаары кыргыттарбытын кэлии дьону кытары холбуур, омук дьонунан кыргыттарбытыгар оҕо оҥотторор
      диэн, омос иһиттэххэ соһуччу курдук эрээри -- итинник буолуон сөп.
      Ааспыт сайын, ЯКУТИЯ - 24 ханаал "Лекториум" диэн быһыылааҕа -- биэриитигэр, биир учуонай дьахтар устудьуоннарга кэпсииринэн: Сахабыт сиригэр Аҕа Дойду сэриитин кэннэ, эмискэччи, демографическай күүрээн (демографический взрыв) буолбутун түмүгэр, саҥа төрөөбүт уол оҕо ахсаана элбээн, сэрии иннинээҕи ахсаанын түргэнник сиппит. Сэргээбитим уонна дьиктиргээбитим диэн, учуонай маны норуот бэйэтэ бэйэтин быыһанар айылгытыгар (инстинкт самосохранения) сигэммитэ баар.

      0
  • Һэ һэ
    29 июля
     

    Истиэп илээттэрэ быыһанар ньымалара,эппитим курдук,ол баар эрэ суох эрэ ааргы аар тойоҥҥут туох сыһыана кэлиэй,кыргыттаргыт" үчүгэй,сонун" олоххо баҕаран туора омукка барыыларыгар? Киһи да күлэр,итинниги итэҕэйэр дьонтон,олус да төннүбүт,түҥкэтэх,хараҥа дьоҥҥут,туохха барытыгар туора кистэлэҥ күүс дьайыытын көрөр,дьэ чахчы первобытнай аборигеннар эбиккит

    0
  • Мааленький
    29 июля
     

    Эьээ Дьыл короновируьу буокканан эмтэнин диэбиккин))) ватсап толору... онтон атыы бириэмэтин уьатарга туруорусthumbs up sign))) кытаат
    ....ессе тегул научно дакаастаа

    0
  • Eheajil
    Eheajil
    гавриил угаров
    1 августа
     

    АЫРДЬАХ ЫЙЫНАН!

    БУКА БАРЫГЫТЫН АТЫРДЬАХ ЫЙЫНАН, ТАҤАРАИАНСТВО ИТЭ5ЭЛИНЭН СҮҤ ДЬААҺЫН УОННА ХАТАН ТЭМИЭРИЙЭ САЛАЙАР ЫЙДАРЫНАН ИТИИ ЭҔЭРДЭ!

    БУ ЫРААСТАНЫЫ ЫЙА.
    СҮҤ ДЬААҺЫН ЧАҔЫЛҔАН УОТУНАН ОТТОН ХАТАН ТЭМИЭРИЙЭ УОТ ТӨЛӨНҮНЭН КИРИ-ДЬАЙЫ ЫРААСТЫЫЛЛАР. ОНОН БУ ЫЙГА БАРЫ ЫАРЫЫ, ДЬАҤ УМАЙАН СҮТҮӨ.

    АУРАНЫ, ДЬИЭНИ-УОТУ ЫРААСТЫЫРГА АНАЛ ТЫМТЫК ОҤОРБУППУТ, ОЛ ЧЭГИЭН БУОЛАРГА УЛАХАННЫК КӨМӨЛӨҺҮӨН СӨП.

    0
  • Даа
    1 августа
     

    Язычество диэн сатанизм боо.Просто языки,племя аборигенов.Күҥҥэ,айылҕаҕа,уокка,харчыга,карьераҕа үҥэҕит материальнай эйгэҕэ.Иччилэр,айыылар диэн абааһылар боо,абааһылаах дьон айбыт.Сектанты буолаҕыт дьэ.

    0
  • Мааленький
    2 августа
     

    Эьээ дьылга махтал...атыы уьаабыт, буокка....агыска дылы..ситиспиккин дьэgrinning face with smiling eyes онон буокка паарынан тыынан этэннэ ковиды аьардабыт бо. Кыым хаьыакка биэриий..итинниккин...тыалар аагыахтара дии....отон тымтыкы атыылыыр диэн наьаа дии. Сахалары барыларын тупые диигин бьх...профессор

    0
  • НеоБор
    2 августа
     

    Ковидтан да буоккаттан да өлбүккүт биир диэн дакаастаатаҕа дии өйдөөх бэрэпиэссэр оҕонньор .Дьону аҕыйатары биһирээн барыбытын планета баай дьонугар органнарга донор буоларга баҕа өттүнэн бэриннэрэргэ таҥарианство диэн итэҕэли соҥнуу сатыыр ,син биир аҕыйыаххытын наада онон таҥара илиитигэр бааргыт диэн.Чипирование киириитигэр дьону бэлэмниир.Ким баҕа өттүнэн таҥарианствоны ылыммыт ол ырайга тиийэр диэҕэ сотору.

    0
  • Eheajil
    Eheajil
    гавриил угаров
    3 августа
     

    ДЬОЛЛООХ ДУ СОРДООХ ДУУ БУОЛАРГЫТЫН БЭЙЭҔИТИТТЭН ЭРЭ ТУТУЛУКТААХ

    Туох барыта Алгыстаах эбэтэр сэттээх-сэлээннээх. Үтүө санаа үтүөнэн эргийэр, хара санаа куһаҕанынан диэлийэр диэн Айыы Тойон Таҥара үөрэтэр. Ол Айылҕа сокуона буолбут.

    Ким кэрэсээбит Сиэркилэ иннигэр дэлби күлүҥ, мичээрдээҥ эрэ - Сиэркилэттэн Эн күлүгүҥ эмиэ үөрүө-көтүө, мичээрдии көрсүө.

    Аны эмиэ сиэркилэ иннигэр тураҥҥыт күлүккүтүгэр сутуруккутун көрдөрүҥ, кыыһырыҥ, куһаҕан тылы саҥара-саҥара муунньуаҥнааҥ - Сиэркилэ күлүгэ Эһиэхэ эмиэ сутуругун көрдөрүө, мууньуаныа.

    Ой дуораана баар сиригэр тиийэҥҥит дэлби күлүҥ - Ой дуораана бэрт улаханнык күлэн лаһыйыаҕа.

    Эбэтэр дэлби үөхсүҥ - Ой дуораана улаханнык, эҥсиилээхтик Эйигин үөҕүө...

    Итинэн тугу этээри гынабыный? Бука бары күлэ-үөрэ, үчүгэйи баҕарса сылдьыаҕыҥ, ол эппиэтэ - тулалыыр эйгэҕит эһигини куруук араҥаччылыы сылдьыа, үөрэ-көтө, дьоллоно сылдьагытыгар көмөлөһүө.

    Оттон кими эмит кырдьаҕас, айдарыылаах эрэ дьону буолбакка, хайа баҕарар киһини үөхтэххитинэ, сэтэ-сэлээнэ олус кырыктаах буолуо уонна бэрт сотору ону билиэххит. Билигин бириэмэ хаамыыта олус түргэтээтэ, урукку курдук айыыгыт-хараҕыт ыччаккытыгар ыйаммакка, тус бэйэҕит оҥорбуккутугар эппиэттиир кэмҥит кэллэ.

    Онон бука диэн үтүөнү-кэрэни эрэ оҥоруҥ, күлэ-үөрэ, дьоҥҥо дьолу-соргуну эрэ баҕара сылдьыҥ диэн сүбэлиибин. Дьоллоох дуу сордоох дуу олоҕу олороргутун бэйэҕит оҥостоҕут, ону өйдүөхтээххит диир Таҥарианство итэҕэлэ.

    0
    • Билир
      3 августа
       

      Eheajil, Куйаартан кэлбит инфо дуу...?

      Цитата:
      Таҥараианство быһаарарынан Айыы Тойон Таҥара Сахалары хаан булкуйан уһун тыыннаары кыргыттарбытын кэлии дьону кытары холбуур, омук дьонунан кыргыттарбытыгар оҕо оҥотторор.

      0
    • НеоБор
      3 августа
       

      Eheajil, фсбларга үҥүстүм диэххин))) сэтэ сэлээнэ диэн ырааҕынан эрдибэккэ.Сэт сэлээн ханна баарый?Киһини өлөрөн ,кырбаан,уоран талаан баран көҥүл байа- тайа ,сэттэтэ ойохтоно ,оҕо төрөтө,тото хана аһыы -сии, киэҥ куоҥ уораҕайга олорон чиновник буола сылдьаллар дии.Ким голова, ким депутат буолан.Сэт сэлээн тойотторго хотуттарга ,баайдарга ,олигархтарга ,чиновниктарга эрэ суох быһылаах ,эбэтэр кыра хара дьону тутан сиир дуу ээ эһээдьыл?Тоҕо оннугун быһаар эрэ өйүн өйдөөх оҕонньор?

      0
Ответ на тему: ТАҤАРАИАНСТВО 5 Т ТЭЛГЭҺЭТЭ
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания