6 лет на форуме Автор 5 уровня Популярный комментатор Все
Награды
6 лет на форуме
6 лет на форуме
Автор 5 уровня
Автор 5 уровня
Популярный комментатор
Популярный комментатор
Топ пользователь
Топ пользователь
5000 просмотров
5000 просмотров
Дьэ диэ...Саха санаатыгар баппат быһыы буолла.Оннооҕор Аҕа дойду сэриитэ буола турдаҕына саха ыһыах
  984
ыһан,кымыс туруоран Айыылартан алгыстанар,Үөһээлэргэ үҥэн-бохтон үтүө сайыны көрдөһөрө,күөх быйаҥы баҕарара.
Быйыл аан бастаан "онлайн ыһыах" ыһан,албын ыһыах оҥорон Айыыларбытын албыннаатыбыт, өбүгэлэрбитин өһүргэттибит, Ыһыах кэмигэр түспүт ардах быйаҥы түстүүр дииллэрэ,быйыл албын ыһыахпытыгар хас да күн устата кураанах этиҥ лүһүгүрээтэ, ардах оннугар халлаан уота саккыраата,чаҕылҕанынан кымньыылаата.Киирбэт күннээх этибит да чаҕылхай күнү көрбөтөхпүт уонча хонно,үрүҥ күммүт хаан өһөх буолан барбах кылайан ааһар.Куура сатаан баран хайыта хаппыт сирбит тула умайа турар,ханна хоту-соҕуруу,илин-арҕаа баара биллибэт будулҕан.Эргийэсылдьар холорук тыал тииттэр умайа сылдьар төбөлөрүн сүүһүнэн миэтэрэ көтүтэр. Оннооҕор Дьааҥы эбэттэн иҥнибэт буолар эбит,уу муспут сылбаҕа умайан таҕыстаҕына уоттаах мастар сүүрүк устун уҥуор кытылга тиийэн анньыллаллар.
Киһи күүһэ кыайан тохтоппот уота турда. Улуу мотуох уута киирэр уһун ардах эрэ арыый мөлтөтөрө дуу.Үтэҥҥи умайар сирэ халыҥ буоллаҕын онно бүкпүт уот тоҕус ыйдаах кыһыммытын кыстаан тахсыбытын Бүлүүлэр былырыын саас субуотунньугунан тахсан хаһалларын туһунан сонуннарга истэр этигит буолуо.
Дьэ от эрэ туох эрэ,үлэ хамнас барыта хаалла,Хоту тыалар иэдэйэр буоллубут.
Ответов 38 Написать ответ
  • Диэ.
    3 июля
     

    Ото Айсен Николаев Айыылартан көрдөспүтэ дии.

    Туһалаабат эбит дуо?


    Эҥин араас таҥараһыттар, айыыһыттар. Онно-манна бары уоту салайар хаартыска дии, бары санаалара куйаарынан сылдьар үһү. Кыахтаах баҕайдык туттаҕыт дии, туһатыгар ытанар эрэ сатанар эбит дуо?


    Ким да санаата куйаарынан көппөт, ким да Ууну, Уоту, Хара тыаны, Алааһы, Эбэни баҕатынан хамсатар кыаҕа суох. Уоскуйуҥ.


    Биир эрэ суол баар:Тулалыыр эйгэни бэйэҕинээҕэр харыстыыр.


    Иҥсэтиттэн өлөөрү олорон, Айыыга үҥпэтэхпиттэн диэ. Сир Ийэ бэйэтин өр илдьи тыыттарбат, кыылын-сүөлүн, көтөрүн-сүүрэрин бэтиэхэлээн өлөрөрү көҥүллээбэт.


    Алмаас тааһы кэбийиэххит буо.


    Реально сыаналыы үөрэниҥ.


    Газ оннун пустой пространствотын Ууннан толорон кээһэбит диир өйдөөх академия наук үлэһиттэрдээх буоллаххына, таах да кытыы сирин дьоно иччэни анаарара таах да баҕалаах буолуо.

    0
  • Диэ.
    3 июля
     

    Бриллиант диэн биһириир олох дьон мэйиитин сиэбит курдук.Салайааччыны үлэттэн талыныахха баар этэ, үтүктээйи үөрэхтээхтэри, өссө оонньууттан талар этилэр дии. Позор века.

    0
  • -кытыыСаха-
    3 июля
     

    Дьэ төлө барбыт быһыылаах,Арассыыйа сонуннарыгар биһиги хампархай тыраахтарбыт уоту күрдьэ сылдьарын кытта көрдүм,ити тыраахтар уоту тулуйбакка үһүс хонугар килииннээн бэйэтэ уокка былдьана сыыспытын урал массыына соһон таһаарбыта.Куораттан саппаас чаас ылларбыттара уон хонон баран бөлүүн кэллэ буолуо.Биир уу баһар массыынабыт эмиэ ханна сиһэ быстан туран хаалара буолла.Дьокуускайга саҥа кэлэн симиллибит баһаарынньыктар да кэлэн быыһыыр кыахтара суох.Уот кыаҕын ылан кэбистэ

    0
  • Диэ.
    3 июля
     

    Дьаабы дии.

    Коронавирус, конституция диэн өйдөрө тахса сыыста.

    Дьону хомуйуохха наада буо.


    Правительство оччоҕо тэрээһинэ суоҕар соруйан уматар эбит, вертолетунан техника илдьиэхтэрин, дьону.

    Умуллара сатыыр син умулларар буо, үлэ барыахтаах, түүнүн. Онно кумаардаах, тула тайҕа диэн ытаабыт арааһа баһаарынай суруга баар этэ кыһын, бэйэҥ бар диэн суруйбут этэ.


    Алроса сыл аайы 10 млрд. босхо биэрэр диэн киһиргээн реклама бөҕө. Тоҕо наадалааҕынан хааччымматтар ? Аргыһыт аҕалаах ыал курдук, тугу туппуттара мэлийэн иһэр.


    Ол харчыны отчуоттаан эрэ.


    Саха тэҥэ суох хаартыскаланыы, оту-маһы тардыалаан эр дьоммут кыһыннары тохтоло суох киэбирии, тустан, көстө сатаан, сороҕо Орто Дойду кининнэн эргийэрин курдук Уоту, Ууну салайар, барыны алгыыр саҕа саныыр.


    Наадалаахха кытаанах ньимийии, кумаар куттуур курдук.


    Сүүс тыһыынча кусчуттаахпын диэн киһиргиир этэ Айсен Николаев. Көрүлүүргэ көстүбэккэлэр.


    Короче Уоту умулларыҥ. Итинник барытыгар ньимиликээн былаас туохха наада.


    Сымыйаннан алгысчыттаатаҕа , байанайтан көрдөстөҕө буолан Уоту буруйдаан бүтүҥ. Эһиги мээнэ ытыалыыр бэтиэхэҕитин, уокка ас куттугут да сымыйаннан көҥүл ылбыт курдук киэбирии бөҕө буолаҕыт, айыы саҕа сананаҕыт. Уот хас эһиги акаары, бэрдимсик баҕаҕытын толоруой, ычаҕыт кыра. Вообще позор.

    0
  • Диэ.
    3 июля
     

    Баһаарынньыктары эрэ кэтэһэн олоруо суохтаахтар, дьону хомуйуҥ. Лэгэнтэй ыллыы сылдьыбатын, дьону көҕүлээн бардын. Үс түмсүүлэрбит. Правительство эр дьоно бары. Таах үстүү ый хамнас ыла сыттылар.

    0
  • Диэ.
    3 июля
     

    Байыаннай балаһыаньа биллэрэн мчс, росгвардиялары, участковайтан ураты милииссийэлэри.


    Уот барыта верховой буолбат, биир эмит.

    0
  • Sun
    3 июля
     

    Тэлгэьэлэригэр ыьыахтаабыт дьоннор бааллар, ватсапка

    0
  • Марика2016
    3 июля
     

    Ессе да уматыахтара. Умулларбыт да иЬин. Барыта туох эрэ хостонуохтаах изыскателлэр улэлээбит сирдэринэн умайар дии. 100 баЬаары умулларарга теЬе да киЬи тук буолбат ини. Хайа уонна отдаленнай сир баЬаарын умуллара сатааман диэн дьаЬал бе5е баар дии.

    0
  • .......
    3 июля
     

    Теьеннен баьаар элбэх да ол аата элбэх эр киьи тебетугэр трамма ылара элбээн иьэр буолуохтаах. Хайдах эрэ оннук курдук

    0
  • -кытыыСаха-
    3 июля
     

    чыккыратар эйиэхэ наар тыраамбалаахтар эрэ иилистэ сылдьыбыттар быһыылаах. Рыбак рыбака издалека видит.

    0
  • .......
    3 июля
     

    кс кырдьыгын этиттэрдэ да сразу чаккыратан киирэн барар. Бэйэтэ уоту ыыта сылдьар буолла5ына кецулэ

    0
  • .......
    3 июля
     

    кс , уоту ыытыма да буттэ5э дии. Хата тахсан умуллар суруйа олорбокко

    0
  • Сэттэ саха.
    3 июля
     

    Буола турар быһыы-майгы алдьархайын ылынан, сир баайын баһааччылары, бэйэтин тус баайын курдук үллэрэр, кыайан этинэр кыаҕа суох президени, правительствоны утарабын.


    Кыра омугу албыннаан, киһиргэтэн олорор дойдутун илдьи тыыппыттарын, атараабалаабыттарын таһынан ымсыыларыгар аны уоттуур буоллулар.

    Аан дойду таах олорор быһыы-майгы быстыбыттарын, иҥсэлээхтэрин барытын муспут депутаттар, правительство уурайыан наада.


    Биир да Сир иэнэ кинилэр кэннилэриттэн чөлүгэр түһэриллибэт. Оннук буолуо суохтаах. Сири чөлүгэр түһэрэллэрин ирдээтиннэр.


    Иччэ соҕуруу дойдуга сүөһү ииттэн, үүнээйи үүннэрэн олорбокко, Россия дэриэбинэлэрин быраҕаттаан, дьону барытын куоракка муһан таах аһыыр сирдэрин булбуттар, өссө состоруулара европа дойдулара. Немец хампаанньалара эҥин бары хаһаллар.

    400 сыл кураҥа таланар дойду төрүт олохтооҕо итинтэн атыны суруйбат кэмэ.

    1
    • Саргыда
      3 июля
       

      Сэттэ саха., оттон быыбар аайы биэнньиэрдиигит дии. Тоҕо туруорсубаккыт? Тапталлаах Путиныттан Кытыы көрдөһүөҕүн. Ол тыраахтыр, уу баһар массыына диэни таах биэрэр кыахтаах буоллаҕа дии.

      0
  • Сэттэ саха.
    3 июля
     

    Дьэ история кырдьыгын суруйан абырыыллара дуу, бэйэлэрин билинэн бу Дойдуга, олохтоохторго сыһыаннарын.

    0
  • ПАВЛИНА
    3 июля
     

    Истребительскэй сыһыаннарын диэн көннөрүөххэ.

    0
  • Диэ
    3 июля
     

    Үрдүк халлаан үктэллээх,
    Үүс аас бэйэлээх
    Үрүҥ Аар Тойон
    Үрүҥ күнү үөскэтэригэр,
    Аралы халлаан алаьалаах,
    Аьыныылаах санаалаах
    Айыы Тойон аҕабыт
    Аан дайдыны айарыгар
    Аата-ахсаана таайыллыбат,
    Кэмэ-кэрдиитэ биллибэт,
    Дьүүлэ-дьүһүнэ көстүбэт
    Тус-туһунан уҥуохтаах,
    Эҥинэ дьикти бэйэлээх,
    Күндү-көйгө дьүһүннээх
    Үөнү-көйүүрү,
    Көтөрү-сүүрэри,
    Тыынар-тыыннаа5ы
    биистэрин ууһун
    Элбэҕи даа тэрийдэ этэ,
    Үгүһү даа үөскэттэ этэ,
    Алыһы даа айда этэ.....


    Ону баара
    Хор бу-
    Иннинэн сирэйдээх,
    Эргийэр иэччэхтээх,
    Икки атахтаах,
    Бокуйар тобуктаах,
    Босхо бастаах
    Бороҥ урааҥхай обургу
    Хара хапсык курдук
    Хасты хамыйда,
    Кыдьык -кыыба5а курдук
    Кыайан туран кыдыйда,
    Сидьиҥ өлүү курдук
    Ситэн туран сиэтэ....

    0
  • Диэ.
    3 июля
     

    Бэйэтэ буоллаҕына

    Элбэх диэн иирээннээх мэйиилэннэ,

    Үгүс үлүгэр үөдэннии өйдөннө,

    Салаҥкый бададьы сахтыы[19] санааланна

    Аан дайды таһаатыттан

    Матарбакка адаҕыйда,

    Орто дойду урсунуттан

    Ордорбокко олохсуйда.

    Муораны түгэҕинэн

    Муутака[20]балык курдук

    Бургуйа сылдьар буолла.

    Салгын устун

    Саһар абааһы курдук

    Сапсынар аалынан көтөн

    Саатыыр саҥнанна[21].

    Күндүл күөх халлаан

    Күлүмүр-таллан өрөһөтүнэн

    Көстүбэт абааһы көрдүк

    Күлүгүрэс кынаттаах

    Күтүр аалынан көтөн

    Көччүйэр көрдөннө.

    Этиҥ уотун

    Этитиилээх тимиргэ

    Иҥэрэн ылан,

    «Элэктэриичэстибэ»

    диэн ааттаан

    Эгэлгэ абын элбэтиннэ.

    Чаҕылҕан уотун

    Саталаах[22] тааһынан

    Таттаран ылан

    Талбыт курдук

    Талыы аптанна.

    Өлөртөн куотаары

    Өлбөт мөҥү уутун[23]

    Көрдөһөн мөккүстэ,

    Симиэрткэ бэринимээри

    Сир ийэ хатын

    Илгэлээх симэһинин

    Ситэн туран сиэтэ[24].

    Олустук тутунна,

    Салаҥнык сананна,

    Сэттээхтик кэбилэннэ...

    Үнэр таҥаратыгар өстөннө,

    Айыҥат хаантан[25] араҕыста,

    Аньыы баҕадьыны аргыстанна.

    Бу туһуттан

    Босхо бастаах

    Бороҥ урааҥхайга

    Үҥэр таҥарата өһүргэннэ,

    Тойон таҥарата хоргутта

    Айыы таҥарата абарда.

    Абаран санаата:

    «Үрдүк таҥараҥ үөскэппит

    Үөнүн-көйүүрүн,

    Үтүө-мөкү кыылын

    Үлтү кыртыҥ,

    Үтэ оҥоһуннуҥ,

    Үөскээбэт оҥордуҥ.

    Өйгүнэн буоллаҕына —

    «Үрүҥ күн анныгар

    Үтүөлэрэ мин» диэн

    Үтүөмсүйэн үлүннүҥ,

    Үгүс үөрэхтэнниҥ,

    Үрдүктүк сананныҥ.

    Үрүҥ күн үтүөтүн

    Үлүмнэһэн туран

    Үмүрү тардынныҥ,

    Үксээн үөскүүргэр

    Үлүһүйэн үөрдүҥ,

    Үрүт өттүгэр баары[26]

    Өйдүөбэт буоллуҥ...

    Ол буоллаҕына —

    Үөскүөҥ эрэ буоллар үөскээ.

    Өрүһүлтэтэ суох

    Үрүт-үрдүгэр

    Үйэ аайы үөскүү тур, үксүү тур,

    Үтүөҕүн көрүллүө», — диэн

    Түстээн[27] көнчүө[28] бырахта.

    Дьыраҥ[29] өлүүнэн дьылҕалаата,

    Имэҥ[30] өлүүнэн илиннээтэ,

    Содур[31] өлүүнэн суоллаата...

    0
  • Диэ
    3 июля
     

    Ол даа иһин —

    Соҕуруу диэки омуктар

    Орто туруу дойду

    Дьоллоох уйгу быйаҥар

    Топпот-хаммат гына

    Туолан-тунуйан хаалтар.

    Кэтит Сибиир[32] ийэ

    Кэскиллээх илгэтигэр

    Иитиллибэт-тэриллибэт гына

    Тэнийэн элбээн хаалтар.

    Аан ийэ дайды

    Алгыстаах аһыгар-таҥаһыгар

    Астыммат-абыраммат гына

    Алыс таһымнаан хаалтар...



    Дом-дом-дом!..

    Дом-ини-дом!..



    Өйдөөххө дылыларын иһин,

    Үлүгэр-алльахай төрдө

    Үксүүртэн үөдүйэрин

    Өйдүөбэккэ өлбүттэр.

    Санаалаахха дылыларын иһин,

    Алльахай-айдаан төрдө

    Алыс элбииртэн айылларын

    Адайбакка акаарытыйбыттар.

    Төбөлөөххө дылыларын иһин,

    Түбүк-түрүлүөгэ төрдө

    Төрүөх үксүүрүттэн түмүктэнэрин

    Төлкөлөөбөккө түөһэйбиттэр[33]...

    0
    • Бу
      3 августа
       

      Кулаковскай айымньыта. Аатын аахпатах да киһи таайыах курдук.

      0
  • Диэ
    3 июля
     

    Киһи өйдөөбөтө туга баарый? Айыыбыт араҥаччылыырыттан аккаастаммыта ырааппыт, үҥэллэр ээ өссө.

    Киһилии олорон киһиттэн атын эрэлгэ киирэр туһугар үлэни ыытыа этилэр культураларбыт. Аныгы киһи испит аргытын арааһа, Дойдутун отун-маһын аатын билэринээҕэр элбэҕэ чуоккай үгүстэргэ.

    0
  • Диэ
    3 июля
     

    Дьэ быһаас аҕала сатыы-сатыы төрүү-үөскүү мустар сахалыы саҥалаах, дьолу туойуохтаах көтөрдөрү саа уоһугар түһэрэн ыларга кыаҕырбыттара. Хайдах эбит?

    Ээ, өйдөөбөттөр буо. Бэйэлэрин баҕаларын эрэ Орто Дойдуга истэллэр, билэллэр.


    Хата итини нуучча үөрэхтээх дьоно ордук өйдүүр буолуохтаахтар, им только донести.

    0
  • Па
    3 июля
     

    КYhYН ОНОРБОТТОР ДУО ЫhЫА5Ы?

    БЫЫБАР БYТТЭ, ОНОН СЫННЬАНЫН ДИЭН ДУУ, ТУГУЙ?

    УОПСАЙЫНАН КYhYН БЫЫБАР БААР БУОЛЛА5ЫНА КИМ ЭМЭ ТУhАНА ТААРЫЙА ЫhЫАХ ЫhАН КЭБИhИЭН СеП ЭБИТ ЭЭ.

    0
  • рядовой
    рядовой
    Ветеран
    3 июля
     

    Количество умерших от коронавируса в Соединенных Штатах Америки
    превысило потери американцев
    во время Первой мировой войны.

    0
  • Sakakihite
    4 июля
     

    Ыһыах ыһыллыбыта буоллар бу ыарыы саҕана ыһыах ыста диэн айдаан тахсыа этэ. Онон хайдах да эргитэ тут барыта сатала суох. Тоҕо маннык тиэрэ көрүүлээх буолан хааллыбыт. Туохпут кыайтарбата? Туохтан топпотубут? Туохпут тиийбэтий? Төттөрү аһара тоттубут дуу? Кими эрэ тугу эрэ кэрбээтэхпитинэ эрэ сатанар буоллубут . Тоҕо?

    1
  • Эҥин араас дьон
    4 июля
     

    Көр олох бүттэ.

    Тулалыыр эйгэ тыыннаах дууһатын туура сиэн бүтэрэн баран аһара топпотум диэн хайдах этиэхтэрэй? Сүрэ бэрт ини. Кырдьыктарын суруйдахха үөҕүллүбүт буолан иһэллэр. Кинилэртэн атыннык көрдүҥ да барыта туора.


    Ким тугу туораттан көрөр, туора олорор буолан устар сайын уотунан умайар олох кэлбитэ буолла?


    Айылҕаны харыстаан, туруулаһан баран Ыһыах ыһар чиэскэ тиксибиккит буоллар хайдах этэ?


    Аныгы киһи туохтан үөрэн тохтоло суох ыһыахтанан, өссө киһиргэс олоҕун санаатыгар айыыннан арчылата сатаан кэллэ.


    Оннук буотах. Айыы киһилии саҥаны өйдөөбөт. Кини көтөр-сүүрэр, кыыл-сүөл тапталларын ырыатын, дьон-сэргэ Сири харайар, оттуур көлөһүннээх кыһатын, сайдыыр саҥатын, тэлгэһэтин иһин дьиэтин кыылын тотон, сөбүлэтэн астына тыынар тыаһын, ыраас Уу чэпчэкитик, холкутук, дэлэйдик сүүрүгэр урсунун, Хара Тыа лиҥкир үйэлээх Тииттэрин оргууй суугуннарын ылынар.


    Итинтэн аныгы ыһыахчыкка төһөтө баарый? Өссө аҕыйах сыллаахха дылы тойоттор туһунан аһаан, аргылаан чалбарыйыы этэ. Ол билигин мин курдук дьонунан кириллэн тохтообутун иһин, аны санаатахха дьаабы дии.


    Итини хаһан да үйэтигэр сиргэ үлэлээбэтэх киһи кырдьык хаһан да өйдүө суоҕа. Мин ыһыахтаан, Айыыттан көрдөһөн диэн өйдүөҕэ да, бүгүҥҥү олох кырдьыга атыны этэрин ким мэлдьэһиэй? А так хас сыл, төһөлөөхтүк уйгуну көрдөстүгүт? Только где она?


    Айыы арчылыан баҕардаххына Тулалыыр Эйгэни бэйэҕинээҕэр хайгыы көрөргө, кини туругун туһугар заставь себя работать на Земле. Это же просто.

    0
  • Бу кырдьык.
    4 июля
     

    Куһаҕаны суруйар ыараханын да иһин, ким да миэхэ хайҕал түһэриэ суоҕа да буоллар, күтүрүүрэ элбэҕин билэбин эрээри, миэхэ сыһыана суох, аныгы "сайдыылаах" олох дьонун-сэргэтин олоҕун сороҕотун уруһуйдаан көрдөрүүм.
    Ыһыах Айыыттан ас көрдүүр даҕаны, оҕо улахан киһи иннигэр эбэтэр тэбис-тэҥҥэ оһуохайдаан чаҕаарыйар да бырааһынньыга буолбатах. Бу былыр алааһынан бытанан олорор саха дьоно этэрбэс араадьыйатыттан атын туох да сибээс суох кэмигэр бүтэй алаастарыттан оронон, хараҥа, тымныы, ыарахан, сайдыыта суох олох аҕыс ыйдаах кыһынын этэҥҥэ туораан, дьону-сэргэни кытта көрсүһэ, оҕолорун билсиһиннэрэр сыаллаах, сааскы айылҕа тыыныттан дуоһуйан, сайын барахсаҥҥа тулалыыра барыта ыллаан-туойан, киэргэнэн-симэнэн, таптаан-таптатан, көтөрө-сүүрэрэ уйа туттан, оннун булунан, кэпсээн кэһиитин ылынан, төттөрү эппиэттиэх баҕата баһыйан, сири-дойдуну аҕыс ыйга харыстаабыт, олох тыынын тымныы дойдуга быспатах хаһаайынныы хаалбыт киһи иэһин толорбут үөрүүтүттэн аргыый наллаан кыргыттарын, дьахталларын симээн, муста түһэн оһоокойдоон оонньоон, быһыйын көрдөрөн киһиргии түһэн ыллаҕа.


    Оттон аныгы киһи ол айылаах туохтан үөрэн, төрүү-үөскүү мустар көтөрү-сүүрэри манаан туран сэрии курдук сэбилэнэн иҥсэтигэр кыайан сиэбэт, мааны дьахтара сииргэнэн үргээбэт куһун-хааһын, аҥарын сытытан быраҕар да буоллар итириктиирин быыһыгар бултаатаҕа буолар дьаабытыттан үөрэн устар сайын устата көһө сылдьан, Ийэ Сири илдьи тыыппыттан кэлбит харчынан Ый-Күн ыһыаҕын ыһан эрэрэ буолла? Оҕолор аны туһунан ыһыах ыстар үйэлэрэ кэлбит быһыылаах. Арааһа Айыыттан быһа ас ылаары дуу, эбэтэр эмэҕирбит төрөппүтэ көстүүтэ куһаҕан дуу, эбэтэр айбытын олоҕо киһиттэн атын кэмэлдьититтэн тэйэр баҕалаах буолан дуу? Толкуйдуу түһэр наада быһыылаах.

    1
  • Оо
    4 июля
     

    Дьон өйө-санаата айгыраатаҕына - уот турара, уу тахсара элбиир...

    0
  • independent14
    independent14
    independent
    5 июля
     

    Ейдеммет бвьыы майгы буолла дьэ диэ!

    0
  • Үс Түмсүү
    5 июля
     

    Фсблар бу форум кыттыылаахтарын бэлиэҕэ ылбыттар диэн иһиттим,ол тэрилтэҕэ чугас киһиттэн,дьэ наконец то ынньаҕалатар буолбуттар,били самааҥҥыт дьыалатыгар сыһыаннаахтары барыларын гаайкаларын тардыталаан эрэллэр эбит,онно манна саспыттарын булаттаан,бу абааһы иирсээннээх форумҥут саамай күөртээччилэрин бэлиэҕэ ылбыттар,бэрт сотору кэминэн кимнэрэ туохтара биллэр буолла,сирэйдэрэ хастаныа.

    0
  • .......
    5 июля
     

    Ус Тумсуу, наьаа тумсэццин сектант буолбуккун быьылаах. Итинник сацарыы секта майгыта

    0
  • кен
    31 июля
     

    пи*дец ахаары дьоннор баар да эбиттэр.

    0
  • AntonovAD
    1 августа
     

    Төһөтүн да иһин, хайдах да буолбутун иһин, ЫҺЫАХ буолуохтаах этэ

    0
    • Һэ һэ
      1 августа
       

      AntonovAD, оннук

      0
    • zhai
      3 августа
       

      оннук

      тойотторбут, хотуттарбыт итэҕэллэрэ суоҕун бэлиэтэ. Соҕотох бэйэлэрэ көрдөстөхтөрүнэ айыылар көмөлөһүөхтэрэ дии санаабыттара дуу, итиччэтигэр тобуктаан туран айыылартан көрдөспүттэрэ эбитэ дуу дьон-сэргэ туһугар? Дьон-сэргэ муһуннаҕына эрэ, аныгылыы эттэххэ, энергия түмүллэр бо,

      0
  • крембруле
    крембруле
    Эппэппин;)
    Ветеран
    3 августа
     

    Онтон билигин ыыппаппыт дуо?

    0
Ответ на тему: Дьэ диэ...Саха санаатыгар баппат быһыы буолла.Оннооҕор Аҕа дойду сэриитэ буола турдаҕына саха ыһыах
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания