Күндү форум олохтоохторо!
Бу форум Дьоһун саас форуму кытта холбонно, саҥа холбоһуктаах форум Сахалыы диэн ааттаах.
Бу сирэйгэ саҥа теманы эбэтэр комментарийы суруйуу кыаллыбат, ол гынан баран холбоһуу иннигэр суруллубуту ааҕар кыах хаалар.
Саҥа Сахалыы холбоһуктаах форумҥа киириҥ, кэпсэтиҥ!
Таҥара үөрэҕэ
Хааһах  -    1243
Оҕо өйө-санаата сайдыытын үөрэтиттэн таҥара үөрэҕэ үөскээбит.
Ответов 29
  • Хааһах
    26 марта 2020
     

    Сэбиэскэй былаас өй-санаа үөрэхтэрин суох оҥоруутуттан сахалыы таҥара үөрэҕэ симэлийэ сыспыт.
    Ону билигин оннугар түһэрэр кыах баар буолла.

    0
    • Lublutichinu
      26 марта 2020
       

      Хааһах, суруйан ис, олус ураты ис хоьоонноох улэни толкуйдуу сылдьагын. Кытаат!

      0
  • Хааһах
    28 марта 2020
     

    Таҥара үөрэҕэ оҕо өйө-санаата сайдан иһэригэр көмөлөһөр. Үчүгэй баҕа санаалары оҕоҕо үөскэтэн биэрэн өйө-санаата сайдыытын салайар.

    1
  • Хааһах
    30 марта 2020
     

    Оҕо кыра эрдэҕинэ маннык оҥор диэн көрдөрөн, үтүгүннэрэн биэрии туһата улахан. Оҕо улахан киһини үтүктэн үөрэнэр. Ийэтин үтүктэр күүһэ олус улаханын ийэ кут диэн баара биллэрэр.
    Саха дьахталлара оҕо саҥа саҥаран эрдэҕинэ сахалыы саҥардар кыахтара улахан.

    1
  • Хааһах
    1 апреля 2020
     

    Киһи буолан, киһилии быһыыланыы баҕа санаата сайдыытыттан Киһи таҥара үөскээбит.

    1
  • Хааһах
    3 апреля 2020
     

    Араас санаа киһиэхэ элбэх. Үгүстэрэ умнуллан иһэллэр. Биир эмэ санааны баҕа санаа оҥостон хос-хос саныы сырыттахха үгэскэ кубулуйар, киһини бэйэтин салайар кыахтанар. Сахалыы "Биир санааны ылыныы" диэн ааттанар.
    Үгэскэ кубулуйбут баҕа санаа таҥараны үөскэтэр.

    1
  • Хааһах
    5 апреля 2020
     

    Оҕо кыра эрдэҕинэ үгэстэри үөскэтинэн ийэ кута иитиллэр. Ийэ кут өйө-санаата оҕо улааппытын да кэннэ оҥорор быһыыларын хонтуруоллуур.
    Ийэ кут төрүт өйү-санааны үөскэтэр.

    1
  • сыптарыҥ
    5 апреля 2020
     

    дьаабыланан бүт эрэ,бар церьковка аах мэлииппэҕин.

    0
  • Өйдөөбөтөх
    5 апреля 2020
     

    Улаханнык өйдөөбөтөрбүн да,туох эрэ оруннааҕы этэр курдуккун,кытаат өссө сайыннаран биэр.

    1
  • Lublutichinu
    6 апреля 2020
     

    Утуе санааттан дьон тугу эрэ онорбута, ону дьон керен утуктэн, мин эмиэ итинник гынар эбиппин диэн онорбута, кэлин хас келуенэ аайы хатыланнагына угэс, абыычай, итэгэл буолар. Санаан кердеххе сахалар олус учугэй угэстэрдээх эбиппит ээ.

    0
  • Хааһах
    7 апреля 2020
     

    Таҥара үөрэҕин сахалар саҕалаабыттар. Өй-санаа оҕо кыра эрдэҕиттэн сайдан, үгэс буолан, үөрүйэхтэри үөскэтэрин арыйан туһаналлар. Киһи өйө-санаата үс кукка арахсар:
    1. Буор кут. Хас биирдии быччыҥҥа иҥэн сылдьар, хамсаныылары оҥорор өй-санаа буолар.
    2. Ийэ кут. Оҕо кыра эрдэҕиттэн үгэстэргэ иитиллиитэ ааттанар.
    3. Салгын кут. Оҕо 5 эбэтэр 6 сааһыттан сайдар. Үөрэҕи билииттэн сайдан иһэр.
    Былыргы кэмнэртэн сахалар өй-санаа үөрэҕин дириҥник баһылаабыттар. Бу үөрэх аныгы науканан дакаастанан эрэр.

    0
  • Хааһах
    9 апреля 2020
     

    Таҥара үөрэҕэ диэн итэҕэл үөрэҕин аҥар өрүтэ. Саҥа үгэстэрин үөскэтинэн өй-санаа сайдыыны ситиһэригэр тириэрдэр.

    0
  • Хааһах
    11 апреля 2020
     

    Оҕону кыра эрдэҕиттэн иитии, үөрэтии сахалыы таҥара үөрэҕэр киирсэр.
    Атын таҥара үөрэхтэрэ улахан дьону иитэ, үөрэтэ сатыыллар.

    0
  • Хааһах
    13 апреля 2020
     

    Санаа кып-кыра курдук. Суох буолан хаалыан сөп. Арай элбэхтэ хатылаан, хос-хос санаатахха санаа күүһүрэр, умнуллубат турукка тиийэр. Санаа умнуллубат буоллаҕына үгэскэ кубулуйар.
    Үгэскэ кубулуйбут санаа киһини бэйэтин салайар кыахтанар. Үчүгэй санаалардаах буолуҥ диэн сахалыы таҥара үөрэҕэ этэр.

    0
  • Хааһах
    14 апреля 2020
     

    Өй-санаа аһара барар санаата элбэх. Таҥара үөрэҕэ ол аһара барыылары аҕыйатар, киһи быһыытыгар киллэрэн биэррэр аналлаах.

    0
  • Хааһах
    16 апреля 2020
     

    Таҥара үөрэҕэ оҕону иитэргэ туһалыыр. Оҕону иитии эмиэ икки өрүттээх:
    1. Атаах оҕо.
    2. Көйгө оҕо.
    Оҕо биирдэ эмэ атаахтаан уонна элбэхтик үлэлээн, көйгө оҕо буолан улааттаҕына иитиитэ табыллар.

    0
  • Хааһах
    18 апреля 2020
     

    Атаах оҕо аһара барар өйө-санаата элбэҕиттэн сыыһа-халты туттунууга киирэн биэрэрэ элбэх. Уолларын атаахтатан кэбиспит аймахтар эстиэхтэрин сөп.

    0
  • Хааһах
    20 апреля 2020
     

    Оҕону кыра эрдэҕинэ төрөппүт бэйэтиттэн ордуктук туппакка, киһиргэппэккэ, батыһыннара сылдьан бэйэтэ тугу оҥороругар үөрэттэҕинэ оҕото атаах буола улааппат.

    0
  • Хааһах
    22 апреля 2020
     

    Оҕо кыра эрдэҕиттэн тугу барытын бэйэтэ оҥороругар үөрэтии тутаах көрдөбүл буолар. Тугу эмэ туһалааҕы оҥордоҕуна хайҕааһын, кыра манньаны туһаныы үөрэтии табылларын үөскэтэр.

    0
  • Хааһах
    23 апреля 2020
     

    Сахалыы таҥара үөрэҕэ оҕону аһара атаахтаппакка иитэргэ көмөлөһөр.

    0
  • Хааһах
    26 апреля 2020
     

    Сахалар аһара барыма диэн үөрэҕи тутуһаллар. Оҕону аһара маанылааһын, аһара хайҕааһын, киһиргэтии атаахтатыыга тириэрдэр.

    0
  • Хааһах
    28 апреля 2020
     

    Биир оҕону аһара атаахтатан кэбистэххэ аймахтар эстиэхтэрин сөп.

    0
  • Хааһах
    30 апреля 2020
     

    Оҕо кыра эрдэҕинэ саҥаны билэрэ икки өрүттээх:
    1. Үчүгэйи, туһалааҕы билии. Үчүгэй майгылаах буолууну үөскэтэр.
    2. Куһаҕаны, олоххо буортулааҕы билии. Куһаҕан майгылаах буолан хаалыан сөп.

    0
  • Хааһах
    2 мая 2020
     

    Киһи барыта араас баҕа санаалардаах. Бу баҕа санаалары киһи быһыытыгар киллэрэн биэрдэххэ эрэ олох табыллар. Ол иһин таҥара үөрэҕэ туһалыыр.

    0
  • Хааһах
    3 мая 2020
     

    Таҥара үөрэҕэ киһи санааларын үөрэтэр. Бу үөрэҕэр түүлү туһанар.

    0
  • Хааһах
    5 мая 2020
     

    Сахалыы таҥара үөрэҕин умнууттан төрөппүттэр оҕолорун атаахтатан кэбиһэллэрэ элбээтэ.

    0
  • Хааһах
    6 мая 2020
     

    Оҕону аһара атаахтатыы кэлэр көлүөнэлэр эстиилэрин үөскэтиэн сөп.

    0
  • Хааһах
    7 мая 2020
     

    Оҕоҕо үчүгэйи баҕарыы диэн атаахтатыы буолбатах. Аһара барар өйүн-санаатын хааччахтааһын, сиэри тутуһуннара үөрэтии буолар.

    0
  • Хааһах
    9 мая 2020
     

    Таҥара үөрэҕэ сахалар үөрэхтэрэ. Нууччалар өй-санаа үөрэхтэрэ "бог" үөрэҕэ диэн ааттанар. Бу арахсыыны таба өйдүөххэ.

    0
Обратная связь