Таҥараһыт
  166
Саха сиригэр сылтан сыл саха итэҕэлин секталара элбээн иһэллэр. Тоҕо биһиги аҕыйах ахсааннаах сахалар итэҕэлтэн сылтаан арахсан, хайдыһан, бэйэ бэйэни өйдөспөт буолан иһэбитий. Соторутааҕыта муус устар 17 күнүгэр сахаларга эмиэ “Айыы Таҥара итэҕэлэ” диэн ааттаах Л. Федорова салайааччылаах тэрилтэ – итэҕэл сектата баар буолбутун туһунан иһитиннэрдилэр. Бары улахан религиялаах, норуотун түмэн, сомоҕолоон олорор омуктар итэҕэллэригэр – религияларыгар саҥаттан саҥаны айбаттар эбээт. Онтон сахаҕа саҥаттан саҥа саха итэҕэлэ диэни ким сөбүлүүрүнэн, хайдах толкуйдуурунан өйүгэр туох көтөн түспүтүн мөккүһэн, иирсэн туран туруулаһа, олоххо – итэҕэлгэ киллэрэ сатыыр. Ол иһин саха итэҕэлэ уон аҥы суолунан айанныыр, биир күдьүс (норуот күүһэ-көмүөл күүһэ) буолар кыаҕа суох. Бары – сахалар итэҕэлтэн сылтаан арахса, хайдыһа сылдьабыт. Оттон улахан религиялаах омуктар: индустар – Ведаларын, дьоппуоннар – Айылҕаҕа итэҕэллэрин, кытайдар – ин-янь философияларын, еврейдэр – библияларын, христианнар – евангелияларын, мусульманнар – кораннарын ону тэҥэ кыра дэммит аан дойду омуктара бары төрүт итэҕэллэрин өбүгэлэрэ хайдах айан хаалларбытынан тутан, ону тутуһан итэҕэл оҥостон олороллор. Саха олоҥхотугар Ведаҕа, библияҕа, евангелияҕа уонна кораҥҥа кэпсэнэр суох дуо? Олоҥхоҕо аан дойду айыллыытыттан саҕалаан олох туругурара барыта баар, барыта кэпсэнэр. Саха итэҕэлигэр саҥаттан саҥаны айбакка, саха – олоҥхоҕо эргиллэрэ, олоҥхону, олоҥхо тутулун итэҕэл оҥосторо сөптөөх. Оччоҕуна саха итэҕэлиттэн сылтаан хайдыһыы тахсара тохтуо этэ. Олоҥхону индустар Веданы, еврейдэр библияны, христианнар евангелияны, мусульманнар кораны өрө туталларын, тутуһалларын тэҥэ хайа да саха утарыа суоҕа. Аны сахалар христианнар Саха сиригэр үктэниэхтэриттэн ыла Таҥара улахан, дьиҥнээх өйдөбүлүн христоска былдьатан Таҥараттан тэйдибит. Өлбүт киһини – христоһу бу балар Таҥара диэн тылбаастаан –собус соруйан – бутуур таһаардылар. Ону өйдүүр саха өйдүүр, өйдөөбөтө Таҥараҕа итэҕэйэбин диир киһини христоска итэҕэйэр эбиккин диэн үөхсэр. Ол эмиэ да үчүгэйдээх. Дьон өйүттэн бастаан Таҥараны христостан араарар, быһаарар, өйдөтөр үлэни ыытыахха. Саха, саха эрэ буолбакка бары аан дойду омуктара бастаан космоһы – Таҥара диэн итэҕэйэ сылдьыбыттара. Ол бастакы итэҕэли наука “прамонотеизм” диир. Билигин Таҥара дьиҥнээх өйдөбүлэ хаалбыт түүр о.д.а омуктарга Таҥара – космос – айылҕа итэҕэлин сөргүтүү бара турар. Таҥараны ордук биһиэхэ атылыы түүр уонна монгуол омуктарын тэҥэ айылҕаҕа сүгүрүйэр омуктар ылыналлар. Сахаҕа билиҥҥэ диэри христоһу Таҥара диэн өйдүүр киэҥ араҥа баарын тухары өйдөтөр, Таҥара диэни быһаарар үлэни киэҥник ыытыахха, радионнан, телевизорынан Таҥараны христостан арааран кэпсиэххэ. Бу улахан үлэни, дьулууру уонна тулууру ирдиир. Саха христостан тэйэн, Таҥараны – космоһы – айылҕаны – айыллыыны итэҕэйдэҕинэ - өлбүт киһиттэн, сымыйа таҥараттан тэйэн, өйө-санаата ырааһырыа, кута-сүрэ чөл буолуо, ытыы-соҥуу муҥатыйа сылдьыа суоҕа, бэйэтэ итэҕэллээх, Таҥаралаах буолуоҕа. Саха секталарга арахсыбакка сомоҕолоһоро ордук. Бу аҕыйах хонуктааҕыта сомоҕолоһо сатыыр “Сомо5о күүс” диэн ааттанар түмсүү дьоно Дабылы “тиэрэни кэпсээмэ, бииргэ үлэлиэх” диэбиттэригэр аккаас ылан, кырбыы сатаабыттара биллэр. Ол курдук аны итэҕэлтэн сылтаан саха саханы кытары иирсээн, кырбаһан эрэр. Оттон аан дойду дьоно итэҕэлтэн сылтаан кыргыспыта, сэриилэспитэ ыраатта. Балары хатылаамыахха. Махтанабын Ытык Таҥара таҥараһыттарыгар Айыҥаҕа уонна Харысхаҥҥа. Ааҕыҥ - Айыҥа “Ытык Таҥара таҥараһыта”, Харысхан «Таҥараһыт» диэн кинигэлэрин. Билиибэр билии, көҥүлбэр көҥүл, сүрэхпэр уот сахпыттарын иһин сүгүрүйэбин. Саханы ону тэҥэ аан дойду дьонун биир эрэ итэҕэл – Таҥараҕа – космоска – айыллыыга – айылҕаҕа эрэ итэҕэл сомоҕолуо. Сахалар маны билэбит, религия иирсээнигэр киирэн биэримиэххэ, биир итэҕэллээх буолуохха.
Таҥараһыт
Ответов 1 Написать ответ
  • Быйанг
    13 мая  

    Биһэхэ - сахаларга итэҕэл биир эрэ. Итэҕэлбит аата - Итэҕэл диэн. Итэҕэл — Таҥараны итэҕэйии, Айыы үрэҕин тутуһуу. Аао лук мас - диэн өйдөбүлү билии..

    0
Ответ на тему: Таҥараһыт
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания