Уважаемые пользователи, форум с 11 мая 2020 года объединился с другими республиканскими форумами под новым названием "Республика".
По этой ссылке добавлять новые сообщения невозможно. Все прежние темы с обсуждениями останутся доступными для чтения.
Добро пожаловать на объединенный форум "Республика"!
Бугун кэриэстэбил кунэ
Кеьеруу 76 сыла  -    913
Көһөрүллүү кэриэһин
Кутурҕаннаах күнүгэр
Хоҥкуйбута Чурапчы
Хаалбыттары санаары.

Чуумпурбута Чурапчы
Чугас дьонун ахтаары,
Бэл халлаанныын соҥуоран
Бүдүгүрэн барбыта,
Хара былыт сабардаан
Хараҥаран ылбыта.

Хантан кээлтэ биллибэт
Харах уулаах былыттар
Саастаах сүрэх чэрдийбэт
Сырҕан бааһын тыытаннар,
Харааста санаттылар
Хаҕыс тыаллаах ол күһүн
Алаастартан арахсан
Айаҥҥа турбуттарын.

Түөрт уон биир хара былыт
Түөрт уон биир колхуос буолан
Түөрт уон икки сыллааҕыны
Санаттылар сүрэхтэргэ.

Оһуохай Уола.

*Соргу дугуй, САХАМ дьоно!*

Бүгүн Чурапчы улууһун (1942 сыллаахха соройуон) күүс өртүнэн "Балык булдугар!.." диэн ааттаан көһөрүллүбүт биир дойдулаахтарбыт сырдык ааттарыгар КЭРИЭСТЭБИЛ күнэ!..person with folded handsperson with folded handsperson with folded hands
Эн, хас биирдии САХА, нөрүт дуу эдэр, эмэн төбөҕүн хоргуйан өлбүттэр уонна эрэйи эҥэринэн тэлэн эргиллэн кэлбиттэр сырдык ааттарыгар!person with folded handsperson with folded handsperson with folded handsraised fistraised fistraised fist
Уоттаах сэрии суоһар сылларыгар аҕыйах ахсааннаах САХА дьоно араас өрүттээх улахан охсууну ылбыттара.
Олортон биирдэстэрэ, чуолаан 1942 сыл балаҕан ыйыгар, дьыл киирэн эрдэҕинэ Чурапчы 41 колхуоһун күүс өртүнэн Булуҥ, Эдьигээн, Кэбээйи оройуоннарыгар "Балык булдугар!.." диэн ааттаан күүс өттүнэн көһөрүү этэ.
Оччотооҕу өрөспүүбүлүкэни салайан олорор кэлии омуктар, САХА дьонугар, сымнатан эттэххэ, көтүмэх сыһыаннарыттан, чурапчылары олорорго, үлэлииргэ туох даҕаны бэлэмэ суох сирдэргэ ыыппыттара.
Бу күүс өртүнэн көһөрүүгэ биһиккэ сытар оҕолуун-уруулуун, тайах маска тэптэрэ сылдьар уонна лип сытар кыаммат кырдьаҕастыын барыта 5318 киһи барбыта уонна айан саҕаланыаҕыттан 2000 тахса киһи ыалдьан, хоргуйан өлөн дойдуларыгар эргиллэр дьылҕаламматахтара.
Бу өлбүт дьонтон бэрт ахсааннаахтарын уҥуоҕа киһилии хараллыбыта...
Өйдөөҥ дуу, бу САХА дьонун бүттүүнүн ыар баттыга (трагедията), соро-муҥа!..
*Ону хаһан даҕаны умнар эрэ буолумаҥ!*
disappointed faceflushed facedisappointed faceflushed facedisappointed faceflushed face person with folded handsperson with folded handsperson with folded handsperson with folded handsperson with folded handsperson with folded hands
Үлэһит үтүөтэ дьоннордоох Чурапчым сирэ-уота сэрии иннинээҕи киһитин ахсаанын, ааспыт үйэ 90 сылларын ортолоругар эрэ сиппитэ...
Төрөөбүт дойдубут, Чурапчыбыт барахсан, биһиги ханна да буолларбыт эйигиннин бииргэбит!!!
*Ааспыт ахтылыннын, урукку умнуллубатын!!!*
*Ийэ сирбитигэр аламай маҥан күммүт өрүүү чэмэлэччи тыктын, сылааһынан угуттаатын!!!*
person with folded handsperson with folded handsperson with folded handsraised fistraised fistraised fist
Бахсы уола Уйбаан Бахсылыырап, _суруналыыс, кыраайы үөрэтээччи_
*19.09.2018 сыл*.
Ответов 0
Обратная связь