Женщине. Яков Полонский.
ПАВЛИНА  -    578
Когда во мне душа кипела,
Когда она, презрев судьбу,
Рвалась из тесного предела
На свет, на волю, на борьбу,-
Зачем тогда не укротила
Ты дух мой гордый и слепой,
Чтоб даром не погибла сила
В борьбе бесплодной и пустой?

Когда тоскливый, беспокойный,
Без цели - вдаль от суеты
То мчался я по степи знойной,
То лез на снежные хребты,-
Зачем звездою путеводной
Ты не сияла предо мной?
Быть может, гордый и свободный,
Нашел бы я мой путь прямой.

Когда, от жизни уставая,
В нетрезвом полузабытьи,
Я повторял: о, жизнь пустая!
О, силы прежние мои!-
Как луч востока благодатный,
Зачем тогда не разбудил
Меня твой голос, сердцу внятный,
И падших сил не обновил?

Когда лампаду трудовую,
Как раб нужды, зажег я вновь
И проклинал страну родную
Без веры в славу и любовь,-
Зачем , когда лампада гасла,
Не ты пришла и в поздний час,
Как друг, спасительного масла
Не ты влила, чтоб свет не гас?

Когда, по слякоти шагая
В туман, я отличал едва
Себя от грязи - так больная
Была туманна голова,-
Зачем от этого ненастья
Ты разум мой не сберегла
И от постыдного участья
Своим участьем не спасла?

Но кто же ты?- к кому упреки!..
Тебя я с юных лет не знал:
Не ты давала мне уроки,
Когда мой слабый ум блуждал,
Не ты любить меня учила,
Когда безумно я любил,
Не ты меня благословила
Бороться до утраты сил.

Шли годы. С упованьем тайным
Расстался я. - К чему ж теперь,
Виденьем светлым и случайным,
Ты к старику стучишься в дверь
И, слезы поздние роняя,
Мне шепчешь: о! как ты грешил!
Как низко падал!- но-святая,
Где ты была, когда я жил?


Яков Полонский.

1859 год.
Ответов 18 Написать ответ
  • ПАВЛИНА
    27 мая 2017
     

    аҥардас "Күндү киһим, уол оҕом барахсан" диэн дьүһүйүүм иһин ааспыт үйэлэргэ төрөөбүтүм буоллар хайҕаныа эбиппин, аныгы дьон оппозиция дьахтара диирэ үчүгэйэ, үөхпүтүн мантан дьоһун саастан булан көрдөххө эр дьон араастаһыыта икки үйэ ардыгар аппыта улахана.

    Ону эн туох дии саныыгын?

    0
    • ПАВЛИНА
      27 мая 2017
       

      уратыта диэн араастаһыыта диэбит тылбыт көннөрүөххэ.

      0
  • ПАВЛИНА
    27 мая 2017
     

    ити Айылҕаҕа сылдьан баран, аныгы аһыыр эрэ баҕалаах атын күүһэ эрэ эбиллэн, кырдьаҕас дьон дьоһуна-туокката суох кэпсэтэр топтаргыт иһин аахтахха мин курдук киһи саатар. Эмиэ өһүргэн.

    0
  • Сахастрелец
    27 мая 2017
     

    "Күндү киһим, уол оҕом барахсан" диэҥҥин манна таһаараар дии

    0
  • Таһаарбытым
    27 мая 2017
     

    өссө иккитэ, дьону наар биири хатылаан салгытымаары удобнойа да суох буоллар, сири-дойдуну, дьону-сэргэни харыстыыр баҕа санаам баһыйан. Суруйар үлэтин туһунан аахсыбакка, толкуйдаабытыҥ сыаната букатын аныгы мээнэ киһи уйбат үлэтэ да буоллар, эппиэтигэр үөҕүлүннэрбин даҕаны. Поисковиктаа.

    0
  • ПАВЛИНА
    27 мая 2017
     

    толкуйдаан көрдөххө сааскы Айылҕа эбэр күүһэ эр күүскүн да эппитэ туох да куһаҕана суох эрээри, баар күүскүн барытын эбиммитиҥ буоллар Хайҕаллаах буолуо этэ буоллаҕа.

    Ол иһигэр ити Сүр тыыҥҥын, онтон-мантан алгысчыттан эбэтэр дьиэрэҥкэйтэн ыла сатыыр күүскүтүн, дьиҥэр тулалыыр эйгэ саҕар.

    Аны ити ылбыт күүстэриҥ санаабыккын барытын саҥаттаран, толотторон кулут буолбатыҥ, оройдоттуҥ да оҥотторон күлүүгэ ыытан испэттэрин туһугар үүннүүр-тэһиинниир Дьоһун диэн үтүө күүһү харбаан ылыахтааҕыҥ хаалбыт курдук.

    0
  • Полонскай хоһооно миэхэ буолбатах
    2 августа
     

    Күндү киһим, уол оҕом барахсан.


    Мин, орто саастаах ыал ийэтэ, син хас биирдии киһиэхэ тиксэр олох оллура-боллура миигин үлтүрүтэ түһэрэн, ардыгар үөһээ көтүтэн сылдьар олоҕуттан элбэххэ үөрэнэн, үгүһү толкуйдаан, төрөппүт оҕолорум, кэлэр ыччатым сайдыылаах олоххо дьоллоох дьоннуун олорон аасталлар диэн ыра санаам туоларын туһугар Эйиэхэ, Эдэр Киһиэхэ кэс тылбын этиэхпин баҕарабын.



    Күндү киһим, уол оҕом барахсан, диэн бу кэмҥэ, бу дойдуга төрөөн олорор миигиттэн кыра саастаах, сороҕо аҕа соҕус эр дьону этэбин. Киһи бу олоххо олороругар хас сыл этэ-хаана элэйбитэ бэйэтигэр эрэ ааҕыллар. Бу олоххо кэлэн төһөнү тобулан өйдөөбүппүт, хас көлүөнэ санаатыттан салҕаан кинини ситэрэн биэрэрбит - ол Олох суолун уһунун сүрүн кээмэйэ. Биһиги бу олоххо санааны быспакка, хас биирдии киһи бэйэтин төрүттэрин, кинилэр аччыктыыр, тоҥор, үөрэҕэ суох буолан атаҕастанар аһыытын барытын кыбына сылдьан түстээбит үтүөлэрин, ыра санааларын ырааһын тиһигин быспакка, өссө салгыы кэҥэтэн, уһатан, ыраастаан, киэргэтэн оҕолорбутугар бигэтэн биэрэрбит -ол буолар Өбүгэ Олоҕу өйдөбүлэ.


    Үгүс төрөппүт оҕотугар олоҕу быһаарбат. Ол баҕар биһиги, сахалар, аһара тоҥуйбутуттан, баҕар аныгы киһи солото суоҕуттан, сорох бэйэтэ эдэр буолан билбэтиттэн, сорох оҕотун наһаа сөбүлээн оҕотугар бүк эрэнэриттэн буолан эрдэҕэ. Баҕар айыллыы быһыытынан тылынан үөрэтиини буолбакка, күннээҕи олох сиэрин көрөн оҕо бэйэтэ ылыныахтааҕар олоҕуран дуу?

    0
  • Полонскай хоһооно миэхэ буолбатах
    2 августа
     

    Олоххо киһини төрүөҕүттэн үчүгэй-куһаҕан, үөрүү- хомойуу, эбиллии-көҕүрээһин икки өттүттэн тардыалаһа сылдьаллар. Онон киинэ аҕыйах чаастаах бэһиэлэй олоҕун көрө-көрө олох маннык үчүгэй эрэ өрүттээх, ону эрэ батыһыллыа диэн сыыһа санааны кыйдаа.


    Ханнык баҕарар киһи, үүнээйи үөһээ үүнэн тахсарын курдук, эмиэ дьоһуннаах олоҕу олорорго ананан төрүүр. Уол оҕо, эр киһи Орто дойду олоҕун оҥорор, дьону дьоллуур, ийэни үөрдэр, аҕа ууһун салгыыр аналлаах, айылҕаттан айдарыылаах, онно сөптөөх күүстээх-уохтаах, ийэтэ, аҕата аспыт аартыктаах буолар.


    Ол иһин киһи быһыытыттан-майгытыттан таҕыстаххына, олох самнара сатыыр, кэһэтэр-үөрэтэр, ону өссө өйдөөбөт буоллахха эстэр суолга киһи киирэр. Дьон-сэргэ туора турар курдук буолар, дьинэр ол киһи бэйэтэ дьон суолуттан туораатаҕа дии.


    Төһөннөн олох киһиэхэ элбэҕи биэрэр да, оччону эрэйэр. Онон эр киһи, уол оҕо бэйэтигэр элбэх ирдэбили туруоруохтаах, эминньэх оҕо курдук ыларын эрэ билбэккэ, биэрэрин эмиэ билиэхтээх.




    Бэйэҕин хаһан да сэнэнимэ, аһыныма,үөрэҕи ылыа суох буоллаххына атаҕастаммыт саҕа сананыма. Эр киһи дьоло харытыгар диэн этэллэр.Ол гынан баран дьон сатыырын Эн да сатаа, үөрэн. Үлэттэн куттаныма, үлэһит киһи ыыра ыраас, санаата сайаҕас. Ыал буол, тэлгэһэҕин олбуордаа, сэргэтэ туруор, дьиэтэ тутун, сүөһүнү иит, үүнээйини үүннэр. Тэлгэһэҕэр дьону мунньума, туппут уйаҕын араҥаччылаа, ууһуур киһигин харай. Бэл оннооҕор айылҕаҕа ханнык баҕарар кыыл атыыра итини толорор. Итинтэн салгыы холобур ылар буоллахха ол үтүө кыыллар, күүстээх көтөрдөр атыырдара хаһан эмит улахан булка-аска эрэ үөрдүһэллэр, онтон атыҥҥа бэйэлэрин булсуспаттар. Өссө иннэ да үксэ соҕотох сылдьар. Ону толкуйдаан көр.


    Киһи барахсан эбэтэр аргыһыт эрэйдээх диэни арааран көр, өйдөө. Үчүгэй бэйэҕин табахха, аргыга сиэтимэ, чохчоччу хатыма.


    Олоххо дьарыктаах киһи буол: уһан, уруһуйдаа, ыллаа, хоһоонно суруй, дуобаттаа, хайыһардаа, хаҥкылаа, мээчиктээ, сүүр, атынан айаннаа, о.д.а. Чэгиэн чэбдик эт-хаан, өй-санаа чэлгийии төрдө.


    Киһи дьонунан киһи буоларын умнума: хаһан да бэрдимсийимэ, дьону үрдүттэн көрө сатаан үрүҥ-хара үлэһит диэн араарыма, табыгастаах үлэҕинэн киэбиримэ. Аҥардас киһи киһиттэн айылҕатынан уратыта суоҕар олоҕуран ити син биир сатаммат, бэйэҥ өттүгэр охсуулаах буолуо. Кырдьан үлэҕиттэн уурайдаххына ыт да үрбэт киһитэ буолар кыһыылааҕын билэн итинник өс хоһооно баара буолуо.


    Киһи киһиннэн куһаҕан буоларын эмиэ өйдөө: онон үгүс дьону кытта мээнэ үөрдүһүмэ, туһата суохха туора-таары хаамыма. Элбэх дьахтарга оҕолоохпун дии-дии киһиргиир дьону холобур оҥостума, оччо-бачча кыыстаахпын диир сэлээччэх киһиттэн тэй. Кэмэ кэллэҕинэ итинник атас эйигин да таҥнарыа, үрдүгүнэн сүүрүө. Төһө да эдэр буолбуппут иһин эт-хаан эрэ баҕатын толорон олорор сааттаах соҕус, киһиэхэ өй-санаа баһыйыах тустаах.


    Ханнык баҕарар көтөр, кыыл, киһи бастаан сиир-аһыыр, сапсар эрэ сатабылы илдьэ төрүүр ( итилэргэ үөрэппэтэхтэрин да иһин төрүү эбэтэр бириэмэтэ кэллэҕинэ ким барыта сатыыр.). Ол эрээри олоҕун устата уларыйан, илдьэ кэлбит сатабылын салайан, туһатыгар эрэ туттан, тапталынан талынан, кыраларга кыһаллан Үтүө Кыыл, Күүстээх Көтөр, Эр Киһи диэн ааттанар.


    Аны өссө аһара барбыты, өйө-санаата үөскээбити, Сир үрдүгэр үчүгэйи үүннэрбити, эриэккэһи элбэппити, харыстыыр хардыыламмыты, баараҕайы баһылаабыты Сүрдээх Киһи диэн киһи-аймах килбиэннээхтик ааттыаҕа.


    Хаһан да, ханна, кимиэхэ даҕаны икки атаххар тобуктаама, кими да тобуктата, бас билэ сатаама. Хас биирдии олоҕуҥ атыла эппиэттэтэр кэмэ кэллэҕинэ умса туттан, сыыла сылдьан: "Алҕас гыммыппын,"- диэн ааттаспат курдук олоҕу оруннаахтык олор. Бу киһи айылҕаттан ылбыт өйө, таба туппут муудараһа эбэтэр дьоһуннаах олоҕун бэлиэтэ диэххэ дуу.


    Ыраас санаалаах киһи кыыһы таптыырыттан, ыал буоларыттан сааппат. Сааһын сиппит киһи бу дойдуга ыал буоларын төрөппүттэрэ баҕараллар, сири-дойдуну харайарын Аҕатын дойдута кэтэһэр.

    Киһи кылгас олоҕор элбэҕи оҥороору атын киһи сатабылыгар, билиитигэр үөрэнэбит. Аҥардас чэпчэкини көрдөнөн үөрэх ылар эбэтэр орто дойдуга үөрэнээри эрэ кэлбит саҕа санааһын сыыһа. Итинник эрэ өйдөөх киһи үөрэнэриттэн туһа тахсыбат, үтүө киһи үөрэнэн үйэлэргэ ааттанар.


    Дьэ ол иһин Эн кыыс оҕону, төрөөбүт дойдугун харыстыы, сыаналыы, аһына, ити бэйэлээхтэн бэйэҕэр сөптөөҕү, туһалааҕы эрэ талан ыларга үөрэн. Ону таһынан Эр Киһи буоларыҥ быһыытынан дьону-сэргэни, сири-уоту, омук уйгутун харысхала суох ыһыахтанар, үлтү тэпсэр, сиир-аһыыр, алдьатар эрэ айдааннаах, тус бэйэтигэр тардынар дьонтон өһүргэнэ, ону бопсо үөрэннэххинэ олох олорор чыпчаалы этэҥҥэ дабайан тахсыаҥ, эрэл күүһүн билэҥҥин эрчимнээхтик хардыылыаҥ.


    Онон кыра сааскыттан,эдэр эрдэххиттэн бүгүҥҥүнэн эрэ буолбакка, аартык астан, суол солонон, олоххун былааннаан, тугу саҥараргын өйдөөн, хайдах гынаргын толкуйдаан, бэйэҕин харыстаан сырыттаххына туппутуҥ табыллыа, саҕалаабытыҥ сатаныа, силиһиҥ ситиэ, бүтэйиҥ бөҕөргүө, доруобай, дьоллоох буолуоҥ!

    Мин Эйиэхэ, күндү Киһибэр, Уол оҕо барахсаммар бүгүҥҥү дьүһүйүүбүн баҕа санаабынан түмүктүөхпүн баҕардым:

    Аҕа буолар аналгын
    Ааҕа-билэ сылдьаҥҥын,
    Уһун дьоллоох олоҕу
    Уйгулаахтык олорон,
    Кэлэр кэнэҕэс ыччаккар
    Киэҥ аартыгы аһаҥҥын
    Күүстээх үлэ көрүҥүнэн
    Киэргэтэлээн кээстэргин,
    Олох уһун суолугар
    Олук ууран биэрдэргин
    Үстүүр үйэ тухары
    Үүнэр дьонуҥ Эйигин
    Үтүө махтал тылынан
    Санаан, ахтан ыллыннар.

    Эрэл!!!


    Харыйалаах кыыһа.
    от ыйа, 2005сыл.

    0
  • Бу маннык
    2 августа
     

    Т О Й О Н.


    Төрөөбүт дойдугар,
    Тэриммит тиэргэҥҥэр,
    Туттубут дьиэҥ иһигэр
    Тойон Киһи буолары
    Тобулан, өйдөөн ыллахха
    То5о судургу буолуоҕай?
    Туругас буолар тутуһуллар,
    Тус баҕа туоратыллар,
    Туохтан хаһан даҕаны
    Толлон турбат ирдэнэр,
    Тохтоон турар бобуллар,
    Тугу барытын сатыахтааххын,
    Толкуйун тобулуохтааххын,
    Тулалыыры харыстыахтааххын,
    Тапталынан талыныахтааххын,
    Тулуйартан тупсуохтааххын,
    Туругуҥ чэгиэн буолуохтаах,
    Туйгун санааҥ баһыйыахтаах.

    0
  • Бу маннык
    2 августа
     

    Эр киһи, уол оҕо Аҕа Дойду диэн өй-санаа таһымыгар таҕыстаҕына биирдэ Төрүт Итэҕэлгэ үктэнэр эбит. Итэҕэллээх киһини дьаллык ылбат: аргы, табаах, инсэ-обот, бэрдимсийии, билээҕимсийии, сүрэҕэлдьээһин, үрүҥүнэн үктэнэ сатааһын, көр, чэпчэки олоҕу батыһыы, толкуйа суох баҕаннан эрэ сиэтиллэн олоруу, үөхсүү.

    Дьаллык дьон өйүн-санаатын сиир, быһыытын-майгытын алдьатар, Тускун тутахсытар.

    0
  • Бу маннык
    2 августа
     

    Айылҕа харыстабылын Төрүт Итэҕэлэ суох дьоно тулалыыр эйгэни кыттарар бэрдимсийэр ыарыыларыгар кыттыһыма.

    0
  • Бу маннык
    2 августа
     

    Тулалыыр эйгэҕэ туох сыһыаннааххын, Олоххун оннук олоруоҥ.

    0
  • ПАВЛИНА
    2 августа
     

    Мэҥэ-Хаҥалас паромунан устар дьолго тигистим.

    Хаһан эрэ манна суруйан турабын биир киһи этиитин:" Мэҥэлэр паромнарын кэнниттэн бөхтөрө суол курдук устарын көрөрүҥ буоллар, Сунтаар паромуттан биир эмит ууга силлиир, табаах быраҕар киһиттэн иҥниэҥ суох этэ"- диэбитин.

    Ол гынан баран ол урут этэ.


    Оттон аҕыйах хонуктааҕыта иччэ улахан толору паромтан биир да бөх Ууга быраҕыллыбата, бэккиһээн табаахтыыр да киһи суох. Эр дьон кэчигирээн икки чаас устата турда.


    Саха дьоно Төрүт быһыытыгар-майгытыгар үктэнэн эрэр дуу диэн бүтэйдии үөрүү долгута кууһар.

    Бэйэ-бэйэҕэ да Ытыктабыллаах сыһыан үөскүөх курдугун устар уһун уочаракка кэчигирээн турар массыыналар кэпсиир курдуктар.

    0
  • ПАВЛИНА
    3 августа
     

    Тыһыынчаннан кыылы өлөрөргө көҥүл биэрэллэр, таах олорор куорат дьонугар, онтуктара өссө оонньуур. Нэһиилэ баһаартан тыыннаах куоппут кыылы кыдыйарга, бу тот үйэҕэ.Иииримтийии, өйдөөх эрээри өйдөөбөт курдуктар диэн сөпкө айымньы суруйбуттар, сүүстэн тахса сыл анараа өттүгэр.

    Иччэ киһини Дойдуну баһаартан быыһыырга былаас булан үлэлэппэтэ, саатар үстүү хонукка.


    Олоҕунан оонньуур былаас тутуспутунан уурайыан баҕарыым. Олох ытыалаан таҕылы ханнарыы буолбатах.


    НВК ыллыырын быыһыгар киэһэни быһа ону маачыктаан суруйда.


    Ким үөҕэн абырыыр.

    0
  • Тохтоо
    3 августа
     

    Кырыыстаах сэрии уотугар
    Ким барыан ба5арбытай?
    Алааьы, дьиэни, дьону
    Арахсыы тыына аймаабытай?
    Билигин да5аны ол ыар тыын
    Кимиэхэ биллэн ылбатый?
    А5аларбыт, убайдарбыт
    Ахтыл5аннаах алаастарын,
    Кэтэьэр, кэпсэтэр
    Кэтэр-суурэр бырааттарын
    Кыргар-сиир ба5атыттан
    Көрдөөх олох тот дьоно
    Кырыыс сирэ гыныахтарын
    Ким билбитэй ол сахха?
    То5о? Туохтан? То5о?
    Сэттэ уонус кыайыы сылыгар
    Сир ийэм иэнигэр уостаах саа
    Кимиэхэ да утары турбатын,
    Алааьы, дьону, Дойдуну
    Өлуу тыына аймаабатын!
    Тохтоо! Чуумпур! Тохтоо!



    Бу маны суруйбуттан биэс сыл ааста.

    0
  • Үтүө сарсыарданнан.
    3 августа
     

    Дьон байар баҕатын саҥарары эрэ сатаа уонна көрү, аргыны, сапсары көрдөр, көҥүллээ эйигин норуот куруук талыа. Кыра киһи бэйэтин да туругун, дьиҥнээх баары кыайан анаарбат эбит. Дойду диэн ӨЙДӨБҮЛ хантан кэлээхтиэй? Инстаграм хаартыскаларын да көрүҥ дьон тугу көрөрүн: Бэйэтин Дойду иэнигэр.


    А надо бы бэйэҕэр Дойдуну көрөрүҥ, көрдүүрүҥ.


    Алаас хотуттара холбоһон дьахтар диэн дьаралыктаныаҕыттан муударайа муунтуйбут.

    Ол иһин устар сайын Дойдубут аҥаара умайа турдаҕына, шамаханская царица нвк-ҕа, интернеккэ хи-хи да ха-ха.

    0
  • Олоҕу суолталаан олоруҥ. Суолталаах олох СУОЛлаах.
    4 августа
     

    Т А П Т А Л .

    Кыыска, уолга, оҕоҕо, дьоҥҥо, Дойдуга таптал. Тыынар тыыннаах, санаалаах эрэ барыта билэр,үчүгэйи үөскэтэр үтүө күүс - таптал. Таптыыр тыыннаах сирэйдиин сырдыыр, дьүһүннүүн тупсар, кыаллыбаты да кыайар, тобуллубаты да тобулар. Тыла суох өйдөһүллэр, ыраахтан ыҥырсар ахтылҕаннаах таптал уота. Тапталга анаан ырыа ылланар, хоһоон хоһуллар, этии этиллэр, сурук суруллар. Тапталы тыыннаах этинэн-хаанынан,өйүнэн-санаатынан ылынар.


    Уоттаах таптал олоххо дьахтар аймаҕынан сүүрүгүрэ устар,көлүөнэттэн -көлүөнэҕэ кэлэр. Кини кыыс оҕоҕо төрүөҕүттэн баар буолан кыыс барахсан кыра эрдэҕиттэн киэргэнэр-симэнэр, тырыбыныы көтөр, үөрэн мичилийэр, күлэн саһыгырыыр. Улааттаҕын аайы көҥүлүн аһара быспатахха, сөпкө сүрүннээтэххэ тапталын уота мунньуллан, улаатан атын киһи тапталын уматар улахан күүстэнэр. Тапталын уота умайбыт эдэр киһи күүһэ-уоҕа күн-түүн эбиллэр, уҥуохтуун уһуур, киниттэн дьон-дойду хараҕа манньыйар, дууһата үөрэр, кэтэһэр, эрэнэр. Кыыс оҕо күлэр саҥатыттан, эр киһи оҥорор-тутар сүгэтин тыаһыттан ураты сылаас тыас киһи олоҕор суох.


    Таптала табыллыбыт икки киһи олоҕо сылааһынан сыдьаайар, итиинэн илгийэр, кэрэни айар, үтүөҕэ дьулуһар, уостубуту уһугуннарар, харыстыыры билэр.


    Сатамматах таптал уота мөлтүүр. Ону умуруорбакка, харыстаан илдьэ сырыттахха, ойдубута остоҕуна, кэмэ кэллэҕинэ, кыым эбилиннэҕинэ кини хаттаан уһуктар, өссө күүскэ сырдатар, сылытар.Сороҕор олох да биир киһинэн, чугас дьоҥҥунан муҥурдаммакка, бүтүн Төрөөбүт Дойдугунан тайаан тахсыа.


    Ханнык баҕарар күүс быһыытынан таптал эмиэ харыстаныахтаах, үүннээх -тэһииннээх, күрүөлээх-уйалаах буолуохтаах. Тапталы ылыммыт, уйалаабыт , харыстаабыт дьонтон атын олох дьолун билбит ким баарый?


    Киһи эрэ буолбакка кыыл-сүөл, көтөр-сүүрэр эмиэ таптыыр. Ону биһиги бары билэбит, айылҕаҕа сылдьааччы ордук сааскы кэмҥэ көрөрө үгүс. Кыһыны быһа тымныыга хаайтаран, тутуллан тоҥо сыппыт хаар ууллан, сүүрэккэлиир үөрүүтүнэн доҕуһуолланан, саас аайы көстөөх дойдуну өксөйөн кэлбит көтөр-сүүрэр уйа тутар түбүгэр түһэринэн, киһи кулгааҕа хаһан да хал буолбат тапталларын ырыатынан аргыстанан ойуур иһэ, сыһыы ньуура дьолунан кутулла туолуоҕа. От-мас, Алаас сыһыы, Эбэ Хотун биир да ырыа дорҕоонун ыһыктымаары, көтөрү-сүүрэри аймаамаары иһийэ чуумпуруо, астынан налыйыа. Саха киһитэ барыта бу мантан тииһээри ойуурга субуллар, сыһыыга сыбыытыыр баҕата баһыйыа. Үгүс киһи, эмиэ Сир Ийэ курдук, ис туруга ирдээн(культурата), көрөрүн барытын күндүргэтэн, эмиэ чуумпура налыйыа, дууһата иэйиэ, оччоҕо олоҕун бу кэрдиис кэмин ситэри дьолунан толоруо.


    Онон оҕолорбут, көтөрбүт-сүүрэрбит, кыылбыт-сүөлбүт тапталларын харыстыыр, харыстыырга, таптыырга үөрэтэр буоллахпытына Орто дойду тыаһаан-ууһаан, ыллаан-туойан, олох эргиирэ оннун булан Ийэ Сир барахсан астынан налыйыа турдаҕа! К Э С К И Л ! ! !

    Харыйалаах кыыһа.

    0
  • Субу курдук, сити курдук.
    Вчера, 09:26
     

    Д Ь О Һ У Н .

    Олох олорорго, дьоллоох буоларга, үлэҕэ ситиһиилэнэргэ дьоһун наада. Дьоһун диэн тугуй? Киһи тутта-хапта сылдьара, быһыыта-майгыта, тыла-өһө үүннээх-тэһииннээх буоллаҕына, ол аата дьоһуна.
    Оҕо сылдьан наһаа мэниктээтэххэ, күл да күл буоллахха, үлэлиири сүрэҕэлдьээтэххэ, ону-маны мээнэ саҥардахха биһиги дьоммут:"Дьоһуна-туокката суох буолумаҥ, түксү,"- диэччилэр.
    Киһи дьоһуна киирбит ааҥҥын саба сылдьаргыттан, атаххын, таҥаскын дьиэҕэ тэбэнэн киирэргиттэн саҕаланар. Урут саха киһитэ ыалга кэллэҕинэ омуннаан эттэххэ уонча мүнүүтэ устата тэбэнэн, көхсүн этитэн баран ааны аһан:"Ыаллар, туох кэпсээннээххит?"- диэн киирэрин саастаах дьон бары билэн эрдэҕэ.
    Дьоһуннаах киһи төһө да күүс өттүнэн мөлтөҕүн, чаҕылхай талаана суоҕун иһин, киһиргэс киэптээх, айылҕаттан күүстээх, талааннаах киһитээҕэр олоххо быдан ордук ситиһиилээх.Кини үлэтэ, олоҕо барыта уурбут-туппут курдук табыгастаах буолар. Дьоһуннаан үлэлээтэхпитинэ биһиги тугу барытын кыайабыт, сатыыбыт. Ханнык баҕарар үлэ түмүгүн дьоһун, санааны ууруу быһаарар. Санаанан кыаллыбыт, дьоһуннаан үлэлэммит үлэ хайаан да ситиһиилээх, үчүгэй түмүктээх буолар.
    Дьоһун өссө биир көрүҥэ тылы туттуу, киһи саҥата-иҥэтэ. Тыл биһиэхэ Өбүгэттэн кэлбит, олоҕу олорорго анаммыт көмөлөһөр күүстэртэн биирдэрэ.Олох оонньуур буолбатах. Бу олоххо санаа атастаһарга анаммыт, тапталынан угуттанан тиийэн кэлбит, босхо бэриллибит олох күлүүһэ, харысхал, киһи-аймах сүдү күүһэ - Тыл. Туох босхо кэлбит ол аата биһиэнэ буолбатах диэн өйдөбүллээх, онон кинини туттуу эппиэттээх буолуохтаах. Ол быһыытынан биһиги тыл күүһүн салгыы биэрэр эбээһинэстээхпит.Дьэ, ол иһин, тылы туттарга дьоһуна-туокката суох буолуо, кинини киртитиэ, ыһыа-тоҕуо суохтаахпыт. Төһөнөн Тылы ыраастык саҥарабыт, дьоһуннаан туттабыт да кини үйэтэ оччонон уһуур, көмөтө элбиир.Ол иһин мээнэ үөхсүү, этиһии, ойон туран Олоҥхолоон барыы,Улуу Куйаарга уһуутааһын, күн аайы, кыра аайы алгыһы туттуу сыыһа. Киһи алгыһынан эрэ олоро буоллар, биһиги төрүттэрбит үлэлээбэккэ эрэ булбуттарын сыыһын алгыс туһугар ыһан-тоҕон тоттук, күн кыһалҕата суохтук олорбут буолуо этилэр. Киһи алгыһы улахан дьыаланы саҕалыырга көмөлөһөр күүс быһыытынан олоххо биирдэ-иккитэ туттуохтаах. Бу киһи санаатын улахан дьыалаҕа түмэргэ анаммыт көмө күүс, Ытык тыл. Ону күн аайы туттуу, ыһыы-тоҕуу, бу тот олоххо олорон өссө уйгулаах олоҕу баҕарыы туһугар туттуу дьоһуна-туокката суох буолуу.
    Күн бүгүн баар иллээх,тот, сайдыылаах олохпутун сыаналыыр, харыстыыр эрэ буоллахпытына, биһиги оҕолорбут о
    Олох олорор уһун айаннарын суолугар дьоһун, таптал, санаа, тыл диэн киһи-аймах, тус бэйэбит күүспүтүн, Өбүгэбит үөрэҕин кэмигэр,сөбүгэр көрөн сатаан туһанары тиэрдиэхпит турдаҕа!
    Үлэлиэххэйиҥ, саҥарыаххайын, олоруоххайыҥ дьоһуннаахтык!
    Киһи-аймах кэҥиир-тэнийэр кэскилэ, уһуур тыына - Дьоһуна!
    Оҕолорбутугар олох ортоку суолунан олорорго холобур буолуохха. Туох барыта үүнэ-тэһиинэ суох бардаҕына дьарыктан дьаллыкка кубулуйарын өйдүөххэ. Бастаан бэйэбит олоҕу билиэххэ, көрүнүөххэ, көннөрүнүөххэ.
    Олоҕу Орто дойду олохтооҕун быһыытынан, киһи буолан кэлбит дьон сиэринэн сөбүгэр оонньоон-көрүлээн, үөрэн-хомойон, үлэлээн-сынньанан,кэмэ кэллэҕинэ ыал буолан, оҕолонон, сөбүн көрөн аһаан-таҥнан, бириэмэтин билэн эт-хаан, дууһа туһугар олорон, көрдүүрбүтүн эрэ билбэккэ, биэрэрбитин эмиэ билэн олоҕу сөпкө олоруохха!
    Ийэ сири, бэйэбит күүспүтүн сөпкө туһаныахха, харыстыахха! Саргы!!!

    Харыйалаах кыыһа.

    Ахсынньы ый, 2006 сыл.

    0
Ответ на тему: Женщине. Яков Полонский.
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания