Сахалыы таабырыннар
At_Last  -    11338
Сири иһит сиксиктээх, аҕыс курдуулаах, ньаалбаан хаппахтаах, алтан айахтаах, бар чуоҕур үрүттээх үһү.
Скрытый текст
Аан дойду (сир, халлаан, ый, сулустар)

_______________________________________________________________________

Толоруттан толору, минньигэстэн сүрдээх минньигэс, эмистэн сүрдээх эмис баар үһү.
Скрытый текст
Аан дойду, утуйар уу, сир

_______________________________________________________________________

Эргийэр-эргийэр - элэйбэт, барар-барар - бараммат баар үһү.

Ким бэйэтин таҥаһын биир сыл түөттэ уларытан кэтэрий?

Модьуттан модьу баар yhy, эмистэн эмис баар уһу, сымнаҕастан сымнаҕас баар үһү.
Скрытый текст
Сир

_______________________________________________________________________

Улаҕата-уһуна биллибэт улуу муора баар үһү.
Скрытый текст
Халлаан

_______________________________________________________________________

Күөл ортотугар көмүс кытах уста сылдьар үһү.

Кыһыл көмүс дьааһык күлүгэ көстүбэт үһү.

Күөл түгэҕэр көмүс биһилэх сытар үһү.

Умайар-умайар да бүппэт баар үһү.
Скрытый текст
Күн

_______________________________________________________________________

Эдьиийэ ыалдьыттыы кэллэҕинэ, балта саһан хаалар үһү.
Скрытый текст
Күн уонна ый

_______________________________________________________________________

Арҕаа дьаам аттаннаҕына, көмүс чыычаах ыллыыр үһү.
Скрытый текст
Халлаан сырдыыра

_______________________________________________________________________

Аҕаһа иһэрин көрдөҕүнэ, балта саһан хаалар баар үһү.
Скрытый текст
Халлаан сырдыыра уонна хараҥарара

_______________________________________________________________________

Үрүҥ көмүс дьааһык аһылыннаҕына, алтан дьааһык сабыллар үһү.
_______________________________________________________________________

Кэрэ биэ кэлэ, ала биэ ааһар.
_______________________________________________________________________

Күҥҥэ биирдэ көстөн ааһар дьааһык баар үһү.
Скрытый текст
Түүн

_______________________________________________________________________

Абааһы кыыһа тимэҕин сатаан аахпат үһү.

Балаҕан үрдһгэр барча ыһыллан сытар үһү.

Улуу ытык ыспыт кумаҕын ким да кыайан хомуйбат үһү.
Скрытый текст
Халлаан сулустара

_______________________________________________________________________

Саһыл хараҕа саһарбыт үһү.

Түгэҕэ суох ыаҕас баар үһү.

Сулустар быыһынан көмүс тыы уста сылдьар үһү.
Скрытый текст
Ый

_______________________________________________________________________

Киһи хараҕар көстүбэт да, аан дойдуну барытын тутан турааччы баар үһү.
Скрытый текст
Салгын

_______________________________________________________________________

Аан дойдуну үүт курдук дьүһүннээн, күлүк курдук ырбаахылаан утутар баар үһү.
Скрытый текст
Туман

_______________________________________________________________________

Күн кыыһа солко былаатынан далбаатанар.

Халлаантан арыы-сыа санньылыйбыт үһү.
Скрытый текст
Кустук

_______________________________________________________________________

Бары омук тылларын билэр Быллыгыраан оҕонньор баар үһү.

Ыт үрдэҕинэ - үрэр, ынах маҕыраатаҕына маҕырыыр, киһи ыллаатаҕына - ыллыыр да, ким да кинини булбат.

Саһар алааска саҥара сатаабыт баар үһү.
Скрытый текст
Ой дуораана

_______________________________________________________________________

Уол атын ким да кыайан туппат үһү.

Атаҕа суох сылдьар.

Кыната суох көтөр, көссүспүтүн барытын бэйэтигэр хомуйар.

Илиита-атаҕа суох да буоллар, олбуор аанын аһар баар үһү.
Скрытый текст
Тыал

_______________________________________________________________________

Түүн ытаабыт, сарсыарда сатараабыт, күнүһүн кийииттээбит баар үһү.
Скрытый текст
Тибии

_______________________________________________________________________

Кынана суох көтөр.

Айдаана суох айанныыр, күүгээнэ суох көтөр баар үһү.
Скрытый текст
Былыт

_______________________________________________________________________

Бастаан чаҕылыс, онтон ньирилис, онтон күллүгүрүс баар үһү.
Скрытый текст
Этиҥнээх былыт

_______________________________________________________________________

Кыһыл көмүс кымньыынан кытыастанар баар үһү.
Скрытый текст
Чаҕылхан

_______________________________________________________________________

Аан дойду атыыра кистээбит үһү.
Скрытый текст
Этиҥ

_______________________________________________________________________

Күүтэллэр-күүтэллэр да, хайа күн кэллэрбин эрэ, саөарга бараллар.
Скрытый текст
Ардах

_______________________________________________________________________

Илиитэ, атҕа суох эрээри ойууһут баар үһү.

Оту-маһы тоһутар, сири-уоту хайытар баар үһү.
Скрытый текст
Тымныы

_______________________________________________________________________

Саас ирэр, кыһын ититэр, сайын сүтэр, күһүн тиллэр баар үһү.
Скрытый текст
Хаар

_______________________________________________________________________

Ытыска тутуллубат, илиигэ биллибэт баар үһү.
Скрытый текст
Уу

_______________________________________________________________________

Сүһүһөҕэ суох да сүүрүүк, санныта суох да сүгэһирдьит.

Өһүллүбэт, быстыбат уһун өтүү баар үһү.
Скрытый текст
Өрүс

_______________________________________________________________________

Уу да ылбата, уот да сиэбэтэ баар үһү.
Скрытый текст
Муус

_______________________________________________________________________

Көрдөххүнэ турар, тутаары гыннаххына куотар.

Сууйдахха да, соттоххо да барбат баар үһү.

Ууга да түстэҕинэ, уокка да киирдэҕинэ өлбөт баар үһү.
Скрытый текст
Тень

_______________________________________________________________________

Турдахпына халлааҥа тиийиэм этэ.

Дьиэттэн дьиэҕэ тиэрдэр да, дьиэҕэ киирбэт баар үһү.
Скрытый текст
Суол

_______________________________________________________________________

Саҥата суох дьыл хонугун ааҕар баар үһү.
Скрытый текст
Календарь

_______________________________________________________________________

Халдьаайыга сэттэ хабдьы.
Хас биирдии сымыыкка сэттэлии чоппууска баар үһү.
Скрытый текст
Нэдиэлэ

_______________________________________________________________________

Уон икки бырааттыылар сырсаллар үһү да, хайалара да куоппат үһү.

Уон икки салаалаах үс сүүс алта уон биэс туорахтаах ал-луук мас баар үһү.
Скрытый текст
Төгүрүк сыл

_______________________________________________________________________

Үтүө киһи сылга биирдэ кирэргэнэр үһү.
Төгүрүк сылга биирдэ таҥнар, биирдэ сыгынньахтанар баар үһү.

Скрытый текст
Тыа

_______________________________________________________________________

Тыынар, аһыыр буолан баран, сааһыгар сытан сынньаммат баар үһү.
Скрытый текст
Тиит

_______________________________________________________________________
Маҥан таҥастаах, маҥан эттээх, барыга туттуллар Майбары тойон баар үһү.
Скрытый текст
Хатыҥ

_______________________________________________________________________

Оҕотооҕор кыра, оҕустааҕар күүстээх баар үһү.
Скрытый текст
Төҥүргэс

_______________________________________________________________________

Дулҕа анныгар оскуома турар үһү.
Кыһыл хаппахтаах, үрүҥ этэрбэстээх күндү оҕонньор баар үһү.
Скрытый текст
Тэллэй

_______________________________________________________________________

Элбэх сонноох да , биир да тимэҕэ суох.
Скрытый текст
Хаппыыста

_______________________________________________________________________

Хараҕа суоҕу хараҕа суох сирдиир үһү.
Скрытый текст
Тайах мас

_______________________________________________________________________

Кыһыл кыыһы хараҥа хаайыытыттан баттаҕыттан соһон таһаараллар үһү.
Скрытый текст
Моркуоп

_______________________________________________________________________

Сыспат да, мөхпөт да, киниттэн бары ытыыллар үһү.
Скрытый текст
Луук

_______________________________________________________________________

Оттооҕор оччугуй, оҕустааҕар күүстээх баар үһү.

Омук кыыьа быарын быһа курдаммыт үһү.
Таҥаҕасчыт, мас ууһа, артыал үлэһитэ, эрбиитэ, сүгэтэ суох куораттары тутар үһү.
Скрытый текст
Кымырдаҕас

_______________________________________________________________________

Ыраахтаа5ы кыыһын кырыыппатын тыаһа иһиллэр үһү.
Скрытый текст
Аһыҥа

_______________________________________________________________________

Былас муостаахпын да, аан дойду атыыра буолбатахпын.
Скрытый текст
Хомурдуос

_______________________________________________________________________

Бу дойдуга тыала суох кэлэн барар үһү.
Скрытый текст
Лыах

_______________________________________________________________________

Ойуур иһигэр ойуулаах сонноох омук о5ото олорор үһү.
Скрытый текст
Тэмэлдьигэн

_______________________________________________________________________

Соҕуруу дойдуттан торбос саҕынньахтаах оҕолор кэлбиттэр үһү.
Скрытый текст
Пчела

_______________________________________________________________________

Ким үөһүн оннугар мүөттээҕий?
Скрытый текст
Күлүмэн

_______________________________________________________________________

Сытыйбыкка эрэ сыстаҥ, минньигэскэ эрэ бэрт, саахарга эрэ салаҥ.
Скрытый текст
Сахсырга

_______________________________________________________________________

Айыы кыыһа биирдэ уобар этэ суох үһү.

Хатан инньэ саҕа тумустаах, тэллэҕэс туос саҕа кынаттаах, түөрт хардыстыгас тыҥырахтаах тэлээрэр бэргэнэ баар үһү.
Скрытый текст
Бырдах

_______________________________________________________________________

Муостаах да кэйбэт, тиистээх да ытырбат, кынаттаах да көппөт баар үһү.
Кыһыл буолан баран саһыл буолбатах, кынаттаах буолан баран көтөр буолбатах, муостаах буолан баран сүөһү буолбатах баар үһү.

Скрытый текст
Таракан

_______________________________________________________________________

Сир-халлаан икки ардыгар улуу оҕус баар үһү.

Кыната суох көтөр аҕыс атахтаах баар үһү.

Дьиэ иһигэр дьиэ баар үһү.

Скрытый текст
Ооҕуй оҕус уонна ситим

_______________________________________________________________________

Бадараан быыһыгар байҕал маанылаахтарыгар баҕалаах баар үһү.
Скрытый текст
Чиэрбэ

_______________________________________________________________________

Ыккый ойуур иһигэр алта атахтаах оҕус сылдьар үһү.
Скрытый текст
Быт

_______________________________________________________________________

Баҕана төрдүгэр бааҕыргыы олорор баар үһү.
Скрытый текст
Баҕа

_______________________________________________________________________

Атаҕа суох сүүрбүт.

Кынаттаах да - көппөт, айахтаах да саҥарбат баар үһү.

Барар да суола биллибэт баар үһү.

Хаһан да кумаар сиэбэт эттээх баар үһү.
Скрытый текст
Балык

_______________________________________________________________________

Быыкаайыкаан сүөһүчээн сүүс көмүс манньыат сүгэ сылдьар үһү.
Скрытый текст
Собо

_______________________________________________________________________

Ким иккитэ төрүүрүй?
Скрытый текст
Көтөрдөр

_______________________________________________________________________

Абааһы кыыһа кыһыл бэргэһэлээх үһү.
Скрытый текст
Киргил

_______________________________________________________________________

Халлааҥҥа кугас былаат тэлээрэ сылдьар үһү.
Скрытый текст
Элиэ

_______________________________________________________________________

Соҕуруу дойдуттан кырбас эт көтөн кэлэр үһү.
Скрытый текст
Кус

_______________________________________________________________________

Саасаайы хара бүлүүс соннох киһи киһиргиир үһү.
Скрытый текст
Тураах

_______________________________________________________________________

Таһа таас, иһэ үрүҥ көмүс, ол иһигэр кыһыл көмүс баар үһү.
Скрытый текст
Сымыыт

_______________________________________________________________________

Бороҕон кыыһа буор дьиэлээх үһү.
Скрытый текст
Кутуйах

_______________________________________________________________________

Тиит тирэхтээх тиҥсирики сүүрүк баар үһү.
Скрытый текст
Тииҥ

_______________________________________________________________________

Кыһыл чээлкээ, сайын саһыл.
Скрытый текст
Куобах

_______________________________________________________________________

Албын оҕонньор арбаҕаһа аатырбыт.
Скрытый текст
Саһыл

_______________________________________________________________________

Бөтөс ыт бөтөн хаалбыт үһү
Скрытый текст
Бөрө

_______________________________________________________________________

Ким кыһын ойуурга аччык кэрийэ сылдьарый?

Уордаахтык орулуур, чаҕааннаахтык часкыйар баар үһү.
Скрытый текст
Эһэ

_______________________________________________________________________

Тымныыга тоҥмот, итиигэ хаппат саппыйаан баар үһү.
Скрытый текст
Мурун

_______________________________________________________________________

Хотоҥҥо куукаакылар көтө сылдьаллар үһү.
Скрытый текст
Кулгаах

_______________________________________________________________________

Ыалдьыбат да ынчыктыыр, сүтэрбэт да күрдүүр баар үһү.
Скрытый текст
Сибиинньэ

_______________________________________________________________________

Күн сиригэр туохтан да күндү ким баарый?
Скрытый текст
Ийэ

_______________________________________________________________________

Көмүстээөэр күндү, саарбатааҕар сыыдам баар үһү.
Скрытый текст
Киһи

_______________________________________________________________________

Муҥур тииккэ догуобай халааччык баар үһү.
Скрытый текст
Төбө

_______________________________________________________________________

Сиэмэтэ суох да үүнэр.
Скрытый текст
Баттах

_______________________________________________________________________

Тоҥмот уулаах күөл баар үһү.

Икки күөл атахтаһа сыталлар үһү.
Скрытый текст
Харах

_______________________________________________________________________

Отут оҕо биир күөлү чалбааттыыллар үһү.
Скрытый текст
Кыламан

_______________________________________________________________________

Икки тииҥ атахтаһа сыталлар үһү.
Скрытый текст
Хаас

_______________________________________________________________________

“Кэл-кэл” диэтэххэ кэлбэт, “бар-бар” диэтэххэ барбат баар үһү.
Скрытый текст
Айах

_______________________________________________________________________

Кыһыл саһыл бэйэтин хороонуттах тахсыбат үһү.
Скрытый текст
Тыл

_______________________________________________________________________

Сырсаллар, сырсаллар, хайалара да куоппат үһү.
Скрытый текст
Атах

_______________________________________________________________________

Сааһар биирдэ кэппитэ алдьаммат таҥас баар үһү.
Скрытый текст
Киһи тириитэ

_______________________________________________________________________

Ийэ-аҕа бэлэҕэ төрүөххүттэн өлүөххэр дылы сүппэт үһү.
Скрытый текст
Мэҥ

_______________________________________________________________________

Сүппэт бэчээт баар үһү.
Скрытый текст
Киин

_______________________________________________________________________

Хас киһиэхэ сыстар баар үһү.
Скрытый текст
Киһи аата

_______________________________________________________________________

“Миигинэ суох ханна да олоруоххут суоҕа” - диир баар үһү.
Скрытый текст
Дьиэ

_______________________________________________________________________

Иннинэн-кэннинэн сырайдаах баар үһү.
Скрытый текст
Түннүк

_______________________________________________________________________

Мас аһылыктаах баар үһү.
Скрытый текст
Оһох

_______________________________________________________________________

Субуйдар бараммат баар үһү.

Туох мэлдьи үөһэ көтөрүй?
Скрытый текст
Буруо

_______________________________________________________________________

Аһаттахха - олоруо, ууну иһэттэххэ - өлүө.
Скрытый текст
Уот

_______________________________________________________________________

Күн тура-тура сири салыыр баар үһү.
Скрытый текст
Сиппиир

_______________________________________________________________________

Алаас ортотугар маҥан кубалар олороллор үһү.
Скрытый текст
Чааскылар

_______________________________________________________________________

Уу аһылыктаах, уот олбохтоох баар үһү.
Скрытый текст
Чааньык

_______________________________________________________________________

Дьааһык иһигэр сүүс чыычыйдаан баар үһү.
Скрытый текст
Испиискэ

_______________________________________________________________________

Соҕуруу дойдуттан кэлэн биир харахтаах эмээхсин ойуу-бичик оҥорор үһү.
Скрытый текст
Инньэ

_______________________________________________________________________

Биэс киһи биир ооронноох үһү.
Скрытый текст
Үтүлүк

_______________________________________________________________________

Биир тураах оҕотун хоно-хоно баттыыр үһү.
Скрытый текст
Бэргэһэ

_______________________________________________________________________

Эриэн оҕо эт бэргэһэлээх үһү.
Скрытый текст
Ытарҕа

_______________________________________________________________________

Уон киһиттэн биир киһи күмөс курдаах үһү.
Скрытый текст
Биһилэх

_______________________________________________________________________

Сарсыарда аайы маҥан таба таас хайаны табыйар үһү.
Скрытый текст
Тараах

_______________________________________________________________________

Төгүрүк алаас иһигэр икки хара биэ төгүрүйэ сырсаллар үһү.
Скрытый текст
Чаһы

_______________________________________________________________________

Уокка уурдахха суорҕаннанар, таһырдьа таһаардаххына бүрүөлэнэр баар үһү.
Скрытый текст
Үүт

_______________________________________________________________________

Маҥан таас киһи айаҕар ууллар үһү.
Скрытый текст
Саахар

_______________________________________________________________________

Бэйэбин сиэбэтэллэр да, миигинэ суох аһаабаттар.
Скрытый текст
Туус

_______________________________________________________________________

Тиистээх да, ытырбат баар үһү.
Скрытый текст
Кыраабыл

_______________________________________________________________________

Уол оҕо анала буолабын, тоҕус тимир чулуутунан оҥоһуллубут дууна дохсуммун.
Скрытый текст
Быһах

_______________________________________________________________________

Икки төгүрүктээх, биир тоҕоһолоох баар үһү.
Скрытый текст
Кыптыый

_______________________________________________________________________

Үтүө ыал оҕото уот аһылыктаар үһү.
Скрытый текст
Саа

_______________________________________________________________________

Отоннооҕор оччугуй, эһэтээҕэр күүстээх баар үһү.
Скрытый текст
Буулдьа

_______________________________________________________________________

Атаҕа суох сылдьан суола суох айанныыр баар үһү.
Скрытый текст
Тыы

_______________________________________________________________________

Илиитэ, атаҕа суох да буоллар, барыга үөрэтэр.

Тыла суох да, кэпсиир баар үһү.
Скрытый текст
Кинигэ

_______________________________________________________________________

Солуну сонугар илдьэ сылдьар баар үһү.

Саҥарбат да, солуну кэпсии сытар үһү.
Скрытый текст
Хаһыат

_______________________________________________________________________

Атын сиртэн уонна ойууртан куолас иһиллэр, манна саҥарара -онно иһиллэр.
Скрытый текст
Телефон

_______________________________________________________________________

Кынатынан сапсаммат да, көтөр баар үһү.
Скрытый текст
Самолет

_______________________________________________________________________

Уот сүрэхтээх, түөрт атахтаах, икки кэлигир харахтаах сүүрүк баар үһү.
Скрытый текст
Массыына

_______________________________________________________________________

Буруота суох уот баар үһү.
Скрытый текст
Электричество

_______________________________________________________________________

Атах да суох, кынат да суох - барара туох да түргэн баар.
Скрытый текст
Эриэн үөн

_______________________________________________________________________

Оҕолонобун диэн уйаламмат, төрүөхтээхпин диэн түбүктэммэт уоллаах кыыс баар үһү.
Кэҕэ
Скрытый текст

_______________________________________________________________________

Хаҥыл тойон уола хараҕа хааннаах.
Скрытый текст
Хара улар

_______________________________________________________________________

Ууга сөтүөлээбит да илийбэккэ тахсыбыт үһү.
Скрытый текст
Хаас.

[Сообщение редактировалось]

Ответов 6
  • IceCoff
    16 ноября 2017

    Эппиэтэ Ханна баарый? Минньигэстэн минньигэс

    0
  • Саха
    23 ноября 2017

    Эппиэтэ түүль буоло)

    0
  • соня
    17 января 2018

    Эттэн кэлэр эрээри эт буолбатах, сыаттан тахсар эрээри сыа буолбатах, тирииттэн төрүүр эрээри тирии буолбатах баар үһү.

    0
    • сааха
      29 января 2018

      соня, быччаххай

      0
  • Андриан
    16 января 2019

    Тыынар, аһыыр буолан баран, сааһыгар сытан сынньаммат баар үһү...

    0
  • Мин
    12 мая 2019

    Туохтан да күүстээх баар үһү

    0
Обратная связь