Күндү форум олохтоохторо!
Бу форум Дьоһун саас форуму кытта холбонно, саҥа холбоһуктаах форум Сахалыы диэн ааттаах.
Бу сирэйгэ саҥа теманы эбэтэр комментарийы суруйуу кыаллыбат, ол гынан баран холбоһуу иннигэр суруллубуту ааҕар кыах хаалар.
Саҥа Сахалыы холбоһуктаах форумҥа киириҥ, кэпсэтиҥ!
сана дьыллаа5ы хоьоон наада
сахалыы  -    7326
кыра саастаах о5олорго, эрдэттэн махтал
Ответов 13
  • Timirkhan
    9 ноября 2012
     

    Кырачааннарга, Сана дьылынан) Мин са5а-180 буолалларыгар:-)))

    Биһиэхэ.
    Саҥа Дьыл күнүгэр
    Дед Мороз кэлбитэ.

    Биһиэхэ аҕалбыт
    Кэһиитин биэрбитэ.

    Ёлканы эргийэ
    Уҥкуулээн хаамсабыт.

    Киэргэнэн – симэнэн
    Дьоммутун үөрдэбит.

    Ёжик ёлка.
    Харыйа лабаата
    Инньэнэн хаарыйар,
    Күөх ёжик кэриэтэ
    Сытыытык таарыйар.

    Симэннэ уотунан
    Саҥа Дьыл күнүгэр
    Ойуурга олохтоох
    Лаглайбыт харыйа.

    Сүүс араас чараас таас
    Күлүмнүүр оонньуурдар
    Дед Мороз аҕалбыт
    Ёлкатын симииллэр.

    Тиийэн кэллэ Саҥа Дьыл
    Тиийэн кэллэ Саҥа Дьыл
    Сахам сирин үрдүнэн,
    Үтүө истиҥ сонуннардаах
    Бары дьоҥҥо кэһиилэрдээх.

    Тиийэн кэллэ Саҥа Дьыл
    Саҥа ырыа матыыптаах,
    Хоһоон ааҕар, хомус тардар
    Бастыҥ буолар оҕолордоох.

    Тиийэн кэллэ Саҥа Дьыл
    Тымныы о5онньор сыарҕатыныын,
    Хаарчааналыын бииргэ үөрэр
    Оҕо-аймах күлүүтүнүүн.

    Тиийэн кэллэ Саҥа Дьыл
    Саҥа күүтэр үөрүүлэрдээх -
    Дьоһун киһи аатын ылан
    Оскуолаҕа киириэм быйыл.

    Билбэтчэй
    Ытым аата
    Эриэккэс,
    Ханна да суох
    Быһыыта.

    Ким ааттаабытын
    Эппэппин,
    Кини аата –
    «Билбэтчэй».

    Мунаах баҕа.
    Мечта нашего таракана

    Ыаллар бары оҕолоохтор,
    Ийэлээхтэр, аҕалаахтар,
    Куоскалаахтар, ньирэйдээхтэр,
    Оонньоколуур ыт оҕолоохтор.

    Арай миэхэ тиийбэт эбит –
    Кыра балыс, биитэр ини.
    Дьонум дьону күүппэккэ
    Быһа да ылыах эбиттэр.

    Төһө эрэ учугэй буолуо этэ -
    Саҥа – иҥэ буолан иккиэн,
    Кэннибиттэн саппай уопсан,
    Мэлдьи бииргэ оонньуу сылдьар!

    Ба5арабын куруук миэхэ
    Саллаат буолан тэҥҥэ сылдьыан…
    Чэ, ол эрээри, бараан үүтүн
    Бэйэм сиирим ордук курдук.

    Улаатыахпыт.
    Аҕам бытыга
    Хатыылаах,
    Харыйа курдук
    Инньэлээх.

    Сыллаан ылар
    Кэмигэр
    Кычыгалатар
    Наһаатык.

    Үөрэр кэммэр
    Мин аҕам
    Мэлдьи этэр
    Ийэбэр:

    «Уолбут күлүүк –
    Сырдык куттаах,
    Дьон киһитэ
    Буолуохтаах»

    Оннук сырдыы
    Дьону үөрдэ
    Улаатыахтаах
    Эбиппит.

    Тымныы оҕонньор кэьиитэ.
    Саҥа Дьылга кэлиэхтээх
    Кэмин күүтэ, күнүн ааҕа
    Тымныы оҕонньор кичэйэн
    О5олорго кэһиитин
    Мунньан бэрийэн эрдэҕэ.

    Аны Тымныы о5онньор
    Мөһөөччүктээх кэһиитин
    Улааппыппын билбэккэ,
    Булан ылан биэрбэккэ
    Илдьэ баран хаалыаҕа.

    Сүүрэн тиийэн киниэхэ:
    «Баарбын, баарбын, бу баарбын.
    Улааппытым, көрүүй бу,
    Мэник буолан бүппүтүм,
    Сүгэһэргин сүөрүөх,» - диэҕим.

    Ыллаан-туойан, уҥкуулээн
    Ыалдьыттары үөрдүөҕүм,
    Итии истиҥ тыллардаах
    Саҥа хоһоон тылынан
    Эҕэрдэбин этиэҕим.

    Барби баҕата.
    Саҥа Дьыл
    Салаллан
    Кэлиитэ
    Мин баҕа
    Санаабын
    Этэбин –

    Баарбыскам
    Сахалыы
    Саҥаран
    Миигинниин
    Кэпсэтэ
    Киэргэниэн.

    Мин өссө
    Ба5арар
    Эбиппин
    Убайым
    Тыыттарбат
    Оонньуутун –

    Өлбөккө
    Кылааты
    Булуохпун,
    Сир дьонун
    Барытын
    Дьоллуохпун.

    Баҕарабын.
    Баҕарабын
    Ийэм, аҕам
    Куруук эдэр
    Буолуохтарын,
    Кинилэри
    Хомоппокко
    Киһи буола
    Улаатыахпын,

    Ийэм сылаас
    Мичээринэн,
    Аҕам таптыыр
    Куолаһынан
    Үөрэ – көтө
    Мэлдьи бииргэ
    Саҥа Дьылы
    Көрсүөхпүтүн.

    Улаатаммын.
    Улаатаммын
    Дьиэбэр дылы,
    Бэйэм сүүрэн
    Кэлэбин.

    Салааскабын
    Эрэ ийэм
    Үөрэ – көтө
    Соһон кэлэр.

    Ааһар тыаллыын
    Арыт бэйэм
    Туста оонньоон
    Сылайабын.

    Улаатаммын
    Дьоммун үөрдэр
    Тустуук бэрдэ
    Буолуом,- диибин.

    Тѳрүт тыллар
    С-тан ханнык тыл тахсарый?
    Сардаана, сардаҥа, саас,
    Суһуох, сырдык, сүѳгэй –
    Сылаанньытар сылаас тыллар.

    Т-тан туохтар баалларый?
    Тымныы, тэҥкэ, тѳргүү, тибии,
    Тууйас, тымтай, түѳрэй, тууччах –
    Тѳрүт түѳлбэ тыыннаах тыллара.

    Х-тан тахсар тыллары.
    Хаһыытыыр харчы, хаар хаһыҥ,
    Харах харата, хомпоруун хотой –
    Ханыыласпыт хаарыан тыллар.

    И-тэн саҕаланар тыллар –
    Ийэ, илии, иис, иэмэх,
    Итии, илгэ, ичигэс
    Имэрийэр истиҥ тыллар.

    К-тан туох сурулларый?
    Күн, күлүү, күлүмэн,
    Киэргэл, кэһии, кѳрүдьүѳс –
    Күлүмүрдэс кѳрдѳѳх тыллар…

    Симэммит харыйа.
    А5атаам
    Харыйа
    А5алла,
    Саала5а
    Лаглаччы
    Туруорда.

    Убаайым
    Уотунан
    Киэргэттэ,
    Эдьиийим
    Таас оонньуур
    Симээтэ.

    Ийэбит:
    «Чэ, холбоо»,-
    Диэбитэ –
    Саҥа Дьыл
    Биһиэхэ
    Сандаарда.

    Хоһоон ааҕар оҕоҕо.
    Тымныы о5онньор Хаарчааналыын
    Тиийэн кэлэн Саҥа Дьылга
    «О5олоргут улааппыттар,
    Маладьыастар!» - диэн этэ,

    Мэниктээбэт, көрсүө-сэмэй
    Хоһоон ааҕар оҕоҕо
    Сылы быһа муспут кэһии
    Оонньуурдарын биэриэхтэрэ.

    «Өссө элбэх хоһоону
    Үөрэтэҥҥит көрсөөрүҥ,
    Эһиил элбэх кэһиилээх
    Эргиллиэхпит,» - диэхтэрэ.

    Үүт кэрэ хаар
    Бастакы хаар,
    Мэлдьи сылаас,
    Харах саатар -
    Сырдык ыраас.

    Хаар үҥкүүтэ
    Өрө күүрдэр,
    Булдун күүтэ
    Суолдьут үөрэр.

    Кырпайданна
    Сонор суола,
    Кыс хаарынан
    Саха уола)))

    Дойдум кута –
    Кырпай кыс хаар,
    Күөн туттуута –
    Үүт кэрэ хаар!

    Кэрэ да тыл
    Дор5оон тылга тиһиллэн
    Араас омук тыла үөскүүр.

    Тылтан этии түмүллэн
    Хоһоон буолан суруллар.

    Ийээ, аҕаа, үрүҥ күн –
    Кэрэ да тыл – сахам тыла!

    Ийэ тылбын билэрбинэн
    Киһиргиибин о5олуу.

    Эьээм миэнэ
    Эһээм миэнэ бухатыыр курдук,
    Куотан кэлэн кини кэннигэр
    Көҥүл тыына саһар сирим.

    Эһээм миэнэ оонньуур курдук,
    Бытыктара ойуурдар, харахтара көлүйэлэр,
    Кулгааҕыгар куобах саһар.

    Эьээм миэнэ аптаах курдук,
    Сүгэн кэлбит соболоро оппоҥноһон:
    Улаата охсууй,- диир эбиттэр.

    Кэбис.
    - Саахар сиэхпин баҕардым,
    Хамыйаҕынан баһа - баһа.
    - Кэбис, тииһиҥ эмиэ түһэн,
    О5онньорго маарыҥныан.

    - Бу куһунан булчут буола,
    Сүгэ – көтөҕө оонньооторбун.
    - Кэбис, а5аҥ булда кэхтэн
    Тугу да аҕалбат буолуоҕа.

    - Бухатыыр буолан ньирэйбин
    Миинэн баран ойуттарбын.
    - Кэбис, үргүүк – куттас буолан
    Ыраах баран сүтэн хаалыа

    - Улааттахпына ырыых – ыраах
    Дьоллоох сиргэ барыаҕым.
    - Кэбис, алааскыттан ахтылҕаннаах
    Күн сиригэр күндү суох.

    Куттанабын.
    Улаханнык эстэр тыаһы
    Олох ончу отойун
    Сөбүлээбэт эбиппин.

    Сэриилэһиилээх киинэни,
    Куттал, айдаан буоларын
    Адьас көрбөт курдукпун.

    Арай, биири билэбин –
    Оҕо сааны тыытыа суохтаах,
    Сааттан ыраах сылдьыахтаах.

    Саарыктарым көттүлэр.
    Ыраас маҥан кумааҕыга
    Кыһылынан кыһанаммын
    Төгүрүгү оҥороммун
    Кырааскалаан кэбистим.

    Кини аттыгар өссө иккини
    Халлаан уонна от өҥүнэн
    Кырааскалаан бараммын
    Хара быабын көрдөөтүм.

    Оҥостон олорон үһүөннэрин
    Кыра гына алларааттан
    Холботолоон кэбистим –
    Саарыктарым көттүлэ-эр!

    Отой суох.
    Суох,суох, суох. Отой суох.
    Испэппин мин бу үүтү.
    Эбээм миэхэ мэлдьи этэр:
    «Үүттэн киһи тыаһа тахсар»

    Суох,суох, суох. Отой Суох.
    Утуйбаппын олох ончу.
    Дьиэбэр куруук утуйбакка
    Эбээбиниин дьаарбайабын.

    Суох,суох, суох. Отой Суох.
    Устубаппын танаспын.
    Аа, бэйэм устар кыаҕым суох.
    Харахчааным утуйда.

    Куобах сыла ааста.
    Манан түүлээх куобахчааннар
    Аан дойдуга барытыгар
    Куобах сыла бүттэ диэннэр
    Төттөрү куттас буолбуттар.

    Куобах буолбут о5олор
    Хомойоллор ытаһа.
    Моркуобтарын кирэ-кирэ
    Биһиги сылбыт ааста,-дииллэр.

    Кини эмиэ.
    Түннүккэ турар сибэккибэр
    Сэрэнэммин уу кутабын.
    Кини эмиэ буора хатан
    Утаппытын көрөммүн.

    Кыһын буолан кини эмиэ
    Тоҥмут курдук иьийбит,
    Харахпын үөрдэр сибэккитэ
    Ханан даҕаны суох буолбут.

    Кини эмиэ биһиги курдук
    Сааһы күүтэн иэдэйдэҕэ,
    Сырдык, сылаас, ыраас күнүн
    Күүтэ – күүтэ нухарыйда5а.

    Ыллыахпын ба5арабын.
    Мин ыллыахпын баҕарабын.
    Ийэм сылаас мичээринии
    Үөрдэр - көтүтэр көр ырыаны.

    Мин ыллыахпын баҕарабын.
    Аҕам оттуур алааһыныы
    Ураты тыыннаах чуор ырыаны.

    Мин ыллыахпын баҕарабын.
    Эбэм буһарар алаадьытыныы
    Дыргыл сыттаах бэрт ырыаны.

    Мин ыллыахпын баҕарабын.
    Эһэм оҥорор чороонунуу
    Ураты истиҥ биир ырыаны.

    Мин ыллыахпын баҕарабын.
    Сахам дьонун киэн туттуута -
    Кылыһахтаах дьол ырыатын.

    А5ам кэллэ.
    Ыппыт үрэр: «Оҥ,оҥ,оҥ.
    Эмиэ киһи кэллэ»,- диэн.

    Ийэр этэр :«Тахсан көр.
    Аҕан кэлтэ буолуо»,- диэн.

    Тахсыбытым аҕам турар.
    Кустаах, өссө ньургуьуннаах.

    Сарсыарда.
    Былыт кэлэн
    Күммүт бүгүн
    Көстүбэт дии,
    Адьаһын.

    Тыала суохха,
    Чуумпу буолан
    Оргууй а5ай
    Хаар түһэр.

    Сылаас буолан
    Чыычаах үөрэ
    Хаарга сууна
    Сырсаллар.

    Саҥа хаарга
    Суолбун уура
    Тэрилтэбэр
    Мин кэллим.

    Үөрүү.
    Кыһын үөрүүтэ – Сана Дьыл
    Эмиэ үөрдэ тиийэн кэллэ.
    Харыйа чаҕыл уотунан,
    Оҕо күлэр үөрүүтүнэн.

    Улааттыбыт эмиэ биир сыл.
    Сатаан ааҕар, ахсаан суоттуур,
    Хоһоон да ааҕар буоллубут -
    Иитээччибит көрөн үөрэр.

    Мэниктээбэт дьоһун буола
    Иитиллэбит детсадка,
    Көрдөөх-нардаах дьоро киэһэ
    Бары кэлиҥ Саҥа Дьылга!

    Ахсаан.
    Биир аата биир,
    Чороҥ со5отох -
    Баҕана курдук.

    Икки диэн икки,
    Бииргэ оонньуур
    Доҕордоох курдук.

    Үс аата үс,
    Сүүрэр кэмҥэ -
    Чэ,- диир курдук.

    Түөрт диэн түөрт,
    Дьыл кэмнэрин
    Эргиирин курдук.

    Биэс аата биэс,
    Кириэмил тыгар
    Сулуһун курдук.

    Сааһым эмиэ -
    Биэһим буолла,
    Ахсаан онон туолла.

    Бэлэх ылыам.
    Тымныы тыыннаах
    Кыһын кэллэ,

    Ыччуу, ычча,
    Дэлби тоҥнум.

    Сана Дьылбыт
    Хата, кэллэ,

    Бэлэх ылан
    Үөрүөм – көтүөм.

    Бэлэх
    Эйиэхэ аанньалыҥ күнүнэн
    Дыргыл сыт үтүөтүн талбаппын,
    Чаҕылхай өҥүнэн тэтэрэр
    Сибэкки дьөрбөтүн ылбаппын.

    «Сүрэхпин эйиэхэ биэрэбин» -
    Этээппин оҕолуу хомойуоҥ,
    «Дууһабар кутаалыыр иэйиибин
    Тутан үөр» - диэтэрбин сонньуйуоҥ.

    «Оччоҕо, дьэ, тугу?» - диэтэргин,
    Сиэтэммин таһааран көрдөрүөм –
    Лаглайбыт харыйа оҕотун
    Тунал хаар ньууругар көҕөрдүөм.

    Саҥа Дьыл күүтүүлээх көстүүтэ
    Эрдэттэн биһиэхэ илгийиэ,
    Тырымнас уоттардаах харыйа
    Күүтэр дьол кистэлин арыйыа.

    Эйиэхэ күнү көрбүт күҥҥэр
    Сыаналаах бэлэҕи ууммаппын,
    Күлүмнэс санааны кынаттыыр
    Тыыннаах күөх кэрэни аныыбын.

    0
    • Timirkhan
      20 ноября 2012
       

      БАҔАРАБЫН

      Куттанабын инникиттэн –
      Олох уостуох түгэниттэн.
      Тѳрүт итэҕэлбэр соҥнуубун
      Тыыннаах хаалар баҕабын.

      -Сырдык ыраас үрдүк Айыым
      -Дурда – хахха кѳмѳ буолан,
      -Суоһуур иэдээн суостаах тыынын
      -Баҕарабын уталытыан.

      Куттанабын кыыллыы майгы
      Ситэн сириэдийэн иһиэн,
      Сидьиҥ таптал, быдьар сыһыан
      Кэрэ күүһүн амньыратыан.

      -Сытыы кылыс ѳйбүт күүһэ
      -Сайдыы суолун сабырыйан
      -Араас иирдэр дьаллыктары
      -Баҕарабын тохтотуон.

      Куттанабын Сир Ийэбит
      Иэмэ – дьаама уларыйан
      Орто туруу баай дойдубут
      Үѳдэн түгэҕэр кубулуйуон.

      -Бас – кѳс чулуу сахам бэрдэ
      -Сайдыы суолун ѳтѳ кѳрѳн
      -Тѳрүт дойдум кэхтэр муҥун
      -Баҕарабын уҕарытыан.

      0
      • Васильева МИ
        12 декабря 2018
         

        Timirkhan, ити бэйэн хоьооннорун дуу?

        0
  • Надежда
    22 декабря 2017
     

    Улахан махтал1

    0
  • кыыс
    30 декабря 2017
     

    Саца дьыллаагы частушка наада

    0
  • А.Хампа
    15 декабря 2018
     

    Бэлэхтэри күүтэллэр

    Эһээ Мииисэ, Маша кыыспыт,
    Эриэн Куоска, бөрө кыылбыт,
    Сибиинньэлэр, куобахтар,
    Саҥа Дьылы көрсөллөр.

    Сүүрэн киирэн оонньуулар,
    Сиэттиһэллэр хаамаллар,
    Елка тула ыллыылар,
    Сырсыалаһа сүүрэллэр.

    Бэлэхтэри күүтэллэр,
    Кэһиилэрин кэтииллэр,
    Чоҕулуҥнуу тураннар,
    Таһырдьаны маныыллар.

    Тымныы кыһын оҕонньор,
    Хоту сиртэн кэлэрин,
    Сыарҕа тыаһа хаачырҕаан,
    Атах хаарга хоочурҕаан.

    0
  • А.Хампа
    15 декабря 2018
     

    Чысхааммыт

    Болуоссат киинигэр харыйа,
    Дьэндэйэн, симэнэн турдаҕа,
    Дьиримниир уотунан чаҕыйа,
    Дьоннорбун өрүүнэн куустаҕа.

    Тымныыбыт кыһына оҕонньор,
    Устюгтан көрсүһэ истэҕэ.
    Саҥа Дьыл киэһэтин аһыаҕа,
    Чысхааммыт кэһиитин биэриэҕэ.

    Кырачаан ытыһын таһыныа,
    Хараҕа дьолунан туолуоҕа,
    Хаарчаана кыысчаанныын сиэтиһиэ,
    Хоробуот онньууга киирсиэҕэ.

    0
  • А.Хампа
    15 декабря 2018
     

    Наһаа да кэтэстим

    Наһаа да кэтэстим, олуһун,
    Саҥа Дьыл үүнүөхтээх киэһэтин.
    Харыйам барахсан симэнэн,
    Дьиримнии, умайа турарын.

    Кэһиини ылыахпын баҕардым,
    Маскарад буоламмын оонньуохпун.
    Ырыаны, тойугу туойуохпун,
    Сиэттиһэн үҥкүүлээн ылыахпын,

    Болуоссат киинигэр сандааран,
    Салютым ньиргийэ тыаһыырын.
    Уруйдаан, айхалаан туруохпун,
    Үөрүүбүн үлэстэ этиэхпин!

    0
  • А.Хампа
    15 декабря 2018
     

    Уруй, Айхал Этиэҕиҥ!

    Тымныы кыһын оҕонньор,
    Хоту сиртэн ыраахтан,
    Харчааналыын кытары,
    Тиийэн кэллэ бу манна.

    Харыйа тула туруоҕуҥ,
    Илиилэртэн ылсыаҕыҥ.
    Харыйа тула хаамсыаҕыҥ,
    Ырыабытын ыллыаҕыҥ.

    Араас мааска буоламмыт,
    Оонньоон –көтөн үөрүөҕүҥ,
    Сырсыалаһа сүүрүөҕүҥ,
    Мичилиһэ көрүөҕүҥ.

    Кэһиилэри үллэстэн,
    Барҕа махтал этиэҕиҥ,
    Саҥа Дьылы көрсүөҕүҥ,
    Уруй, айхал этиэҕиҥ!

    0
  • А.Хампа
    15 декабря 2018
     

    Сырсыалаһа оонньуоҕуҥ!

    Чэйиҥ эрэ, оҕолоор!
    Илиилэртэн тутуһан,
    Харыйа тула туруоҕуҥ,
    Ырыабытын ыллыаҕыҥ!

    Ытыспытын таһынан,
    Оонньуу көрүн тардыаҕыҥ,
    Дьирэҥкэйдээн тэбиэҕиҥ,
    Мичилиһэ үөрүөҕүҥ!

    Баҕабытын толоро,
    Тымныы кыһын оҕонньор,
    Эҕэрдэтин анаары,
    Тиийэн кэлиэ бу манна.

    Сандаарыйа сыдьаайа,
    Саҥа Дьылы көрсүөҕүҥ,
    Саҥа мааска кэтэммит,
    Сырсыалаһа ойуоҕуҥ!

    0
  • А.Хампа
    15 декабря 2018
     

    Тиийиэхпит

    Тула өттүм маҕан хаар,
    Аллаах атым айанныыр.
    Оҕолорбор тиэтэйэр,
    Туйах атах тоһургуур.

    Хайыһаҥҥыт көрүмэҥ,
    Хоту диэки оҥойон,
    Хаһан тиийэн кэлэрбин,
    Кэтэһэҥҥит турумаҥ.

    Харчааналыын кытары,
    Тиийиэм үөрдэ сотору,
    Кэһиилэри биэриэхпит,
    Харыйа тула хаамсыахпыт.

    0
  • А.Хампа
    15 декабря 2018
     

    Үөрүү – көтүү үксээбит!

    Тымныы кыһын оҕонньор,
    Торуоската тоһурҕаан,
    Хаарчааналыын кытары
    Тиийэн кэлбит бу манна.
    .
    Харыйа тула хаамсаннар,
    Оҕолордуун сиэттиһэн,
    Үгүс элбэх ырыаны,
    Ыллаабыттар арааһы.

    Ыраах сиртэн аҕалбыт,
    Бэлэхтэрин түҥэтэн,
    Барыларын аатыттан,
    Барҕа махтал ылбыттар.

    Айаннаары сылдьаннар,
    Кэскил тылы эппиттэр.
    Эһиил кыһын бу кэмҥэ,
    Эргиллиэхпит диэбиттэр.

    Онтон олус үөрэннэр,
    Ойуокалаан ыстанан,
    Харахтарын сыысчаана,
    Чоҕулуҥнуу умайбыт.

    Саҥа Дьылбыт уолчааммыт,
    Сүүрэн киирбит саалаҕа,
    Уруй, айхал элбээбит
    Үөрүү – көтүү үксээбит!

    0
  • А.Хампа
    17 декабря 2018
     

    Киирэн кэлиэ дерсаппар

    Күлэн олус күлүмнээн,
    Кэлэр сылы туоһулаан.
    Үгүс элбэх оонньуурдаах,
    Үөрүү-көтүү аргыстаах.

    Сүрдээх күүскэ күүтүүлээх,
    Саҥа Дьылбын саната,
    Сырдык ыра эрэллээх,
    Сандаарыйбыт харыйа!

    Тымныы кыһын оҕонньор,
    Киирэн кэлиэ детсаппар,
    Торуоската тоһурҕуо,
    Кэһиилэрин түҥэтиэ.

    0
Обратная связь