1 год на форуме Автор 2 уровня 1000 просмотров Все
Награды
1 год на форуме
1 год на форуме
Автор 2 уровня
Автор 2 уровня
1000 просмотров
1000 просмотров
amazing_history_of_yakutia
  758
https://www.instagram.com/p/CX3HQWWsd_K/


image


Историк Николаев Афанасий Алексеевич @afanasii157 "Саха кэпсээбэт кистэлэҥэ" диэн кинигэ суруйан таһаарбыт. Инстаграмҥа алҕас көрөммүн аатыттан да олус сэҥээрэн авторы кытта көрсөн кэпсэтэргэ быһаарынным.
- Бу кинигэни суруйаргытыгар туох төрүөт буоллай?
- Биһиги сахалар улахан территориялаахпыт, ол иһин өйбүт санаабыт глобальнай, киэҥ көрүүлээхпит, уонна өйдөөх туспа таһымнаах дьоннорбут элбэхтэр, тоҕо диэтэххэ айылҕаны кытта ситиммит быста илик, күүстээх. Ол эрээри утуйа сылдьабыт, самопознаниебытын уһугуннарарбыт наада. Бэйэбит инники эппиэтинэспитин өйдүөх тустаахпыт. Биһиги баҕардахпытына бүтүн Аан дойдуну уларытар кыахтаахпыт. Айылҕаҕа чугаспыт ол иһин күүстээхпит. Ахсааммыт кыратын көрүмэҥ, дьыала ахсааҥҥа буолбатах. Историябытын биллэхпитинэ, үөрэттэхпитинэ, оччоҕо силистээх буолабыт, сайдабыт, силиһэ суох мас таах көтө сылдьар талах буоларын курдук, араас атын омук сэниэн сөп, баҕарбытынан историябытын уларытыан сөп. Ол иһин дьон сахабыт историятын биллин диэн бу кинигэни суруйарга сананным.
- бу кинигэҕэ туох туһунан сурулларый?
- бу кинигэни Айыы сиэн - Попов Степан Федотович, тылбаастаата, мин бэйэм нууччалыы санарабын, сахалыы суруйбаппын, нууччалыы 2015 с. "Тайная история Саха" диэн кинигэм тахсыбыта.
Кинигэбэр саха төрүкү олохтоох норуот диэн санаабынан салайан суруйбутум. Былыр 15-20 тыһыынча сыл иннинэ Саха Сирэ Аан дойдуга саамай сылаас климаттаах этэ. Сах саҕаттан дииллэринии бастакы дьоннор манна үөскээбит буолуохтарын сөп. Онтон климат уларыйан дьон араас сирдэргэ көспүт, ол кэннэ үйэлэр ааспыттара уонна Эллэй, Улуу Хоро, онтон да атыттар төптөрү дойдуларыгар - Саха сиригэр төннөн кэлбит буолуохтарын сөп. Ити араас түүр норуоттарыгар Саха - пра предок буолар диэн сабаҕалыыбын. Мадьяр диэн омук манна олорбутун туоьута Малдьаҕар диэн тыл баар.
- Скандинавияҕа Один таҥаралара, Одун диэҥҥэ маарынныыр, Саки диэн норуот аата Саха диэни кытта дьүөрэлэһэр курдук, ону туох дии саныыгыт?
- мин санаабар Ариецтар, Сактар уонна да атын норуоттары булкуйаллар, араас бириэмэҕэ араастаан ааттыыллар, оннооҕор билигин Якут Саха диэн икки ааты сугэбит. Ити барыта биир норуот - Саха.
(Салгыыта👇👇👇)
2 дн.
Фото профиля amazing_history_of_yakutia
amazing_history_of_yakutia
Биир норуоту историяҕа булкуйан утары туруорааһын курдук саныыбын. Историяны кыайыылаах норуот суруйар - диэн мээнэҕэ эппэттэр. Холобур, Каракорум куорат түүр омуктар кииннэрэ этэ, ол куораты сири кытта тэҥнээбиттэрэ. Ол Каракорум куораты кытта, атын дойдулары кытта Саха сирэ былыр былыргаттан атыы - эргиэн сыһыанын быспакка олорбуттара. Ленскай районна нефрит баар, онон "Нефритовый путь" диэн улахан суол баара. Ити барыта кинигэбэр баар.
- оччоҕуна Саха кэлии омук диэни кытта себүлэспэккит дуо?
- итиннэ мин санаабар историяны биир кэлимсэ курдук көрбөккө наар араас омуктарга, бириэмэлэргэ арааран үөрэтэллэр, ол сыыһа. Билигин быраастар киһини арааран үөрэтэллэрин курдук, кулгаах бырааһа, кулгааҕы эрэ көрөрүн курдук, эбэтэр сүрэх бырааһа сүрэҕи эрэ эмтиирин курдук, ол эрээри киһи биир сыалай. Ол курдук история эмиэ биир сыалай курдук көрүллүөхтээх, омуктарга граница ларга арахсыбакка, араас норуот араас бириэмэҕэ атын атыннык ааттанар, онно булкуллуу тахсар. Холобур, Англияҕа Артур хоруоллара саха буолуон сөп, тоҕо диэтэр кинилэр аттаах дьон этэ, бэйэлэрин кэннилэриттэн Курганнары хааллараллар эбит. Ити түүр омук майгыта. Лена өрүспүт Сахсары диэн эбит былыр, онтон Илин диэн ааттыыллар, ол кэннэ Лин - Лена буолан хаалбыт. Ол түмүгэр Сайсары күөл ордон хаалар. Хакасияҕа эмиэ Сахсары диэн ааттаах хайа баар. Хотугу Кытай, Япония, Корея барыта биһиги сыдьааннарбыт буолуохтарын сөп дии саныыбын. Онон биһиги историябытын биир улахан пласт курдук көрүөхтээхпит араарбакка. Уонна сирбитигэр - уоппутугар, бэйэбитигэр даҕаны сахалыы төрүкү ааппытын төннөрүөх тустаахпыт. Оччотугар биһиги норуот быһыытынан күүстээх, сайдыылаах буолуохпут.
- билиҥҥи ыччакка, дьоҥҥо - сэргэҕэ туох баҕа санааҕын этиэххиний?
- саха историятын үөрэтиҥ, историятын билбэт омук - омук буотах. Билии киһини бөҕөргөтөр, силистээх - мутуктаах оҥорор. Силиспитин, төрүттэрбитин биллэхпитинэ күүстээх буолуохпут.
Кэпсэтиини ыытта: Саргылана Свешникова👍🏼

image

https://www.instagram.com/p/CX3HQWWsd_K/

#НиколаевАА #историясаха #историяякутии #история #якутия #Сахасирэ #кэпсээн #билии #түүромук #тюрки #Саха
Ответов 0
Обратная связь