9 лет на форуме Автор 5 уровня Популярный комментатор Все
Награды
9 лет на форуме
9 лет на форуме
Автор 5 уровня
Автор 5 уровня
Популярный комментатор
Популярный комментатор
Топ пользователь
Топ пользователь
5000 просмотров
5000 просмотров
Мас тардыһыыга бастакы республика Чемпионата тэриллибитэ 30 сыла
  1340
1992 сыллаахха тохсунньуга Чурапчыга, мас тардыһыыга бастакы республика Чемпионата тэриллибитэ 30 сыла туолар.
Бу юбилейдаах сылынан сибээстээн мас тардыһыы оччотооҕу кэмин билэрбин суруйарга сананным.
1992 сылга өссө, ол Чемпионаттан уот ылан, Чурапчыга ыытыллыбыт Тыа Сирин Спортивнай Оонньууларыгар мас тардыһыы дьону түмэрдии, олус интэриэһинэйдик ааспыта.
Сайдыы суола арылларыгар дьоһун хамсааһын буолбута.
Онон кэлэр сыл мас тардыһыыга бэлиэ сыл буолар.
Ответов 21
  • ылдьыыс
    22 декабря 2021
     

    Оччотооҕу уонна билиҥҥи мас тардыһыы уратыта туохха сытарый?
    Быраабылатын иҥин аахсыбатахха.
    Сүрүн уратыта бэйэм тус санаабар манныкка сытар.
    Билигин ол кэми хапсаҕай санатар.

    Ким эрэ дьарыктанар.
    Ону көрөн, өйөөн ким эрэ күрэхтэһии тэрийэр.
    Күрэхтэһии тэриллэрин истэн, ааттаахтар тоҕо анньан кэлииһилэр диэн ким эрэ бириис туруорар.
    Күрэхтэһии буоларын истээт, улуус, улуус аайы анаан дьарыктаныы буолан, ол кэм биллиилээхтэрэ бары мусталлара.
    Күрэхтэһии буолар сураҕын истэн, араас улуус ааттаахтара түмсэр буолбуттар диэн көрөөччү түмсэрэ.
    Маннык бары өртүттэн интэриэс баар буолан, мас тардыһыы сайдыы суолун тутуспута.

    Дьэ ол иһин кими эрэ уһулуччу чорботон, кини баар буолан Күн тахсыбыта диэхпин баҕарбаппын.
    Биир бииргэ ситимнэнэн дьиҥнээх түмсүү баар буолан, сайдыы суола арыллыбыта.

    1
  • ылдьыыс
    22 декабря 2021
     

    Оччотооҕуга Республика араас дэриэбинэлэригэр, биир санаалаахтары тула түмэн, мас тардыһыыга анал дьарыктаныы үлэтэ саҕаламмыта. Урут икки сылга биирдэ буолар Манчаары Спартакиадатыгар уонна кыһын биирдэ буолар совхозтар күрэхтэһиилэригэр, сайын ыһыахтарга эрэ мас тардыһыыга күрэхтэһии баарын билэбит. Сылы быһа анаан дьарыктаныы суоҕа диэххэ сөп.
    Биллэн туран маннык хамсааһын мас тардыһыы ис туруга сайдыытыгар охсубута.
    Оннук биир уолунан Чурапчы бөһүөлэгэр Степан Алексеев этэ,

    image

    Софронов спортзалыгар анал хос ылан, тренажернай зал оҥостон, уолаттары түмэн дьарыктыыр буолбута. Анал мас тардыһыыга дьарыктааһын саҕалаабыт кэмэ этэ. Степан уопсайынан олох хаамыытынан, аныгылыы толкуйдаах этэ. Ол да иһин буолуо тренажернай зала аныгылыы этэ. Барыта орун оннугар. Степаннаах уолаттарынаан ол кэмҥэ ыытыллар турнирдарга ситиһиилээхтик кытталлара. Николай Попов, Григорий Барашков, Петр Колодезников, Никита Аммосов, Павел Саввин, Василий Коркин.... Степан дьону уһугуннарардыы күрэхтэһиилэргэ кыттара. Табаарыһынаан Григорийдыын.

    image

    Билигин ылланар Аскалон Павлов - "Бастыҥ киһи" ырыатыгар сөп түбэһэрдии
    ..................
    Киһи киэнэ кылааннааҕа
    Кыайыылааҕа, соргулааҕа, сорсуннааҕа
    .........................
    этилэр бо.
    Көрбүт эрэ астынар
    Истибит эрэ сэргиир уолаттара этилэр бо.

    0
  • ылдьыыс
    22 декабря 2021
     

    image

    Кинилэри кытта бииргэ дьарыктанар Чурапчы улууһун бастакы спортун маастара Николай Попов оччотооҕуга Чурапчытааҕы МПМК-ҕа үлэлиирэ.
    МПМК Салайааччытынан саҥаны, спорту сэргиир Иван Ильич Попов этэ

    image
    Этиллибит этиини тута ылынан 1991 сылаахха Чурапчы МПМК-тын бирииһигэр үрдүк тэрээһиннээх күрэхтэһии тэрийэллэр. Күрэхтэһии үрдүк таһымҥа ааһан, Степан дьарыктыыр уолаттара хайдахтарын улуус дьоно көрө астыналлар.
    Ол күрэхтэһиигэ тирэҕирэн, Степан дьарыктыыр уолаттара бэлэмнэрин таһыма үрдүгүнэн, 1992 сыллаахха Чурапчыга бастакы Республика Чемпионатын ыытыаҕын диэн Чемпионат сүрүн тэрийээччилэринэн буолаллар.

    0
  • ылдьыыс
    22 декабря 2021
     

    Бастакы Чемпионат Кыайыылаахтара

    56 кг
    1. Иван Иванов- Ламбада – Мэҥэ-Хаҥалас

    2. Василий Коркин – Чурапчы
    3. Симон Николаев – Уус Алдан

    62кг    
    1. Николай Константинов – Нам

    2. Говоров А.    - Уус Алдан
    3. Николай Попов – Чурапчы

    68кг    
    1. Петр Варламов – Горнай

    2. Петр Колодезников – Чурапчы
    3. Егор Владимиров – Мэҥэ-Хаҥалас

    74кг    
    1. Павел Саввин – Чурапчы

    2. Дмитрий Шарин – Мэҥэ-Хаҥалас
    3. Василий Слепцов – Чурапчы

    82кг
    1. Степан Алексеев – Чурапчы

    2. Иван Евсеев – Бүлүү
    3. Василий Борисов – Мэҥэ-Хаҥалас

    82кг үөһээ
    1. Григорий Барашков – Чурапчы

    2. Владимир Харбин – Өлүөхүмэ
    3. Михаил Водолазов - Томпо

    0
  • ылдьыыс
    22 декабря 2021
     

    image
    Иван Иванов - билигин дойдутугар Ленскэйгэ


    image
    Николай Константинов Дьокуускай Модуҥҥа Россия старшай тренерэ


    image
    Петр Варламов куоракка олорор. Тутуунан дьарыктанар


    image
    Павел Саввин дойдутугар Чурапчыга олорор


    image
    Степан Алексеев барахсан. Орто дойдуга төһөлөөх оҥоруохтааҕа хааллаҕа


    image
    Григорий Барашков дойдутугар Чурапчыга олорор.

    0
  • ылдьыыс
    2 января
     

    Бастакы республика чемпионатын иннинэ улуустарынан, куоратка республика таһымнаах турнирдар ыытылланнар, онно түмсүбүт уолаттар санаалара түмүллэн республика чемпионата ыытылыннаҕа.
    Мэҥэттэн Лаврентий Кычкин Балыктаахтан, Дмитрий Шарин Төхтүртэн, Иван Иванов Сыымахтан, Николай Константинов, Юрий Эверстов Намтан, Петр Варламов Уус-Алдантан, Михаил Фролов, Владимир Харбин Өлүөхүмэттэн,
    Бүлүүттэн Иван Евсеев, Үөһээ Бүлүттэн Николай Платонов, Амматтан Афанасий Владимиров, Тааттаттан Гаврил Жегусовтаах..... Бу уолаттар сир сир аайы уолаттары бэйэлэрин тула түмэн республика чемпионата ыытылларыгар төрүөт үөскэттэхтэрэ.

    Онтон дьиҥ дьиҥинэн оройуоннарынан мас тардыһыы баар этэ буоллаҕа. кыһын совхоз күрэхтэһиилэрэ, бөһүөлэктэр икки ардыларыгар араас тэрээһиннэр.
    Быраабыла арай уларыйдаҕа, атын көрүҥнэр курдук сылы быһа ыытыллары тэрийии толкуйа үөскээтэҕэ. Ону тэрийэр, өйүүр дьон баар буоллахтара.
    Онно эбии 90-с сылларга саха омуга уһуктубут кэмэ буолан, ыһыахтар да тэрээһиннэрэ тубустаҕа. Саҥаны сонуну тэрийии да үөскээтэҕэ.

    0
  • ылдьыыс
    2 января
     

    Дьэ оннук биир тэрийээччинэн. куоратка олорор Петр Петрович Беляев буолар.
    Мас тардыһааччылар ортолоругар "Аксакалбыт" диэн буолара.

    image
    Петр Петрович көҕүлээн, үлэлиир тэрилтэтин салалтатын кытта биир сүбэҕэ кэлэн Сахамебель тэрилтэ бирииһигэр 90-сыллар саҕаланыыларыгар биир бастакынан республиканскай турнир тэриллэр.
    Петр Петрович бу сыллартан саҕалаан, биир да күрэхтэһиини көтүппэккэ, судьуйалыыр буолбута. Кылаабынай судьуйа, солбуйааччы. Биир да мас тардыһааччы Петр Петровичка кэлэн тугу эрэ сөбүлэспэтин этэ турарын өйдөөбөппүн. Чиэһинэйдик сууттуура. Микрофону туура турдан, сөҥ куолаһынан "Сбоорный" диэн буолара. Саҥа олохтоммут быраабыла олоххо киириитигэр улаханнык үлэлэспитэ.
    Мас тардыһыы сайдыытыгар биир акылаат уурсубут киһибит буолар.
    Петр Петрович олус сэмэй саха киһитэ буолан, мээнэ көстө биллэ сатаабат этэ.

    1
    • NatureLover
      NatureLover
      Александр Алазиев
      12 января
       

      ылдьыыс, 1991 с. Сахамебель курэхтэьиитин кыайыылаахтарын протоколун хантан ылыахха соп эбитэ буолла.?

      0
  • ылдьыыс
    2 января
     

    Оччотооҕуга биир саамай мас тардыһыытын өйөөбүт Чурапчытааҕы МПМК Салайааччыта

    image

    Иван Ильич Попов буолар.
    1991 сыллаахха туох да бэртээхэй тэрилтэтин бирииһигэр республиканскай турнир тэрийэр.
    Ол тэриллэн, аныгы мас тардыһыы хайдаҕын көрөн сыл буолан баран 1992 сыллаахха тохсунньуга Чурапчыга республика Чемпионатын тэрийиини биир саамай күөттээччинэн буолар.
    Аны бу сылга тыа Сирин Спортивнай Оонньууларыгар мас тардыһыы күрэҕин тэрийиитигэр ыкса үлэлэһэр.
    1994 сыллаахха иккис республика таһымнаах турниры тэрийэр.
    90-с сылларга мас тардыһыы сайдыытын күөттээччилэриттэн биир саамайдара Иван Ильич буолар.

    0
  • ылдьыыс
    2 января
     

    Бу 1994 сыллаахха Төҥүлү ыччата фотограф Валерий Местников анаан тиийэн түһэрэн, буклет оҥорбута.

    1
  • qazedc12
    2 января
     

    👍🏼👍🏼

    0
  • ext_phone_bbpBGrTFWB
    3 января
     

    Ылдьыыс,Оокко аттыгар Алексеев Пётр турар дуо?

    0
  • ылдьыыс
    3 января
     

    1994 сыллаахха олунньуга чурапчы МПМК-тын бирииһигэр Ооккону аан бастаан көрбүппүт.
    Кини таһыгар Петр Алексеев Мэҥэ-Хаҥалас Табаҕа турар

    0
  • ылдьыыс
    3 января
     

    1. Оокко - Амма Абаҕа
    2. Петр Алексеев - Мэҥэ-Хаҥалас Табаҕа
    3. Николай Оконешников - Чурапчы Чыаппара

    0
  • ылдьыыс
    3 января
     

    Петр Варламов оччотооҕуга Уус Алдан Бэйдиҥэтигэр олороро.
    Дьиҥинэн Горнай улууһун Орто Сут ыччата.

    0
  • ылдьыыс
    3 января
     

    image
    Бу былырыын Төҥүлүгэ балаҕан тута сырыттаҕына көрсүбүтүм.
    Син балайда бириэмэ ааста да, Бүөтүр билигин да мас тардыһа помостка олордоҕуна ол кэми санатардыы, иҥиир ситии.
    Бэйдьиҥэҕэ олорон, тарбахпын дьарыктыыбын диэн күөлтэн киирэн икки бөтүөнүнэн уу баһан тахсара эбитэ үһү. Эрчиллэр киһи сиэринэн сынньаммакка, сыыры дабайан, дьиэтигэр дылы илдьэр эбит этэ.
    Тутууга үлэлии сылдьан оччотооҕуга, өрүһүнэн устан кэлбит, болуот маһа диэн баара этэ, кырата алта миэтэрэ уҺуннаах.
    Ону санныгар быраҕан көтөҕөн илдьэрэ эбит үһү.
    Үһү диэн өссө буолбатах, ол көтөҕөн турар хаартыската баар этэ.
    1999 сыллаахха Тааттаҕа ыытыллыбыт Манчаарыга, саха пятиборьетыгар Уус Алдантан кыттан бастакы миэстэни ылбыта. 1998 сыллаахха Дыгын Оонньуутун кыайыылааҕын Николай Дьяконовы кэннигэр хаалларан. Дьиҥинэн ол кэмҥэ улахан күрэхтэһиилэргэ кыттыбат буолбут кэмэ этэ.

    2
  • sakhauola30
    7 января
     

    Оһуобайthumbs up sign

    0
  • ылдьыыс
    12 января
     

    1992 сыл сайыныгар Чурапчыга Тыа Сирин Спортивнай Оонньууларыгар аан бастаан алта ыйааһыҥҥа күрэхтэһии буолар.
    Ол кэми санатар биир саамай биллэр хаартыска, өссө Дыгын оонньуулара иҥин диэн алҕас ватсапка тарҕана
    сылдьыбыта
    image
    Степан Алексеев - 82кг - 2 миэстэ
    Петр Колодезников-62кг - 1 миэстэ
    Никита Аммосов - ветераннарга чемпион
    Павел Саввин - 74кг - чемпион
    Иван Евсеев - 82кг - чемпион
    Григорий Барашков - 82кг үөһээ - чемпион

    56кг Иван Иванов - чемпион
    68кг Дмитрий Шарин - чемпион

    0
Авторизуйтесь, чтобы комментировать
Ваши данные будут надежно защищены и не будут переданы третьим лицам
Обратная связь