1 месяц на форуме Автор 5000 просмотров Все
Награды
1 месяц на форуме
1 месяц на форуме
Автор
Автор
5000 просмотров
5000 просмотров
Сэбулуур дьыаланы булуу.
  6037
1)Сэбулуур дьыалан хайдах буолуохтаа5ый?
Бэйэн хайдах буолуон ба5араргынан гыныы, хайдах буолуохта5ын бэйэн быьаарыы. Улэ5эр ыытар куускунээ5эр бытан элбэх учугэй эмоция уонна ситиьии буолуон наада. Оннукка эрэ киьи элбэ5у ситиьэр, куус ылынар уонна кырдьыктыы биир хайысханан улэтигэр маастар буолар.

2)То5о дьон кэрдьуу сатыыр бэйэтин сэбуулуур дьыалатын?
Киьи бэйэтин дьоллоохтук сананаары, дьоллоох буоларыгар бастатан туран бэйэтин ис туруга учугэй буолара наада уонна дьонн,о кэмэ буолара. Биьи бары социальнай дьонмут, онон атын дьонтон ис турукпут тутулуктаах. Киьи наадыйыытыгар киирсэллэр дьон убаастабыла, учугэй сыьыана, биьиги бу олоххо туьаны а5ылыыбыт, дьон хай5абыла уо.д.а.
Онон тугу гынарбытын сэбулээьин уонна атын дьонн,о кэмэ буоллахпытына биирдэ эрэ бэйэбитин учугэйдик сананабыт.

3)То5о ыараханый сэбулуур дьыаланы булар?
Киьи сэбулээбэт улэтигэр улэлии сылдьан кырдьыктыы буолуон ба5арар бэйэтин сэбулуур хайысхатын, но син биир киьи инникитигэр туох буоларын, хайдах буоларын билиитэ суо5уттан куттанар, ол иьин оннук кэрдьээбэккэ хаалан хаалар или бэйэтин киьи албынныыр, улэлии туьуэм, кэлин син биир бэриэмэ ааспытын кэннэ сэбулуэм, иннник курдук холобур элбэх.

Бу тема5а суруйуум бастакы чааьа диэххэ сэп, онон ессе эбии суруйуом!
Рубрики: Кэпсээ    Дьоhун саас    Билсиhии    Санаалар   
Ответов 33
  • Диэкитэр
    28 ноября 2021
     

    Элбэх киһи сөбүлүүр дьыалата арыгы уонна пиибэ, итирэ-итирэ күүлэй уонна утуйан бусхатыы. Мантан атыны сөбүлээбэттэр.

    Билигин үлэ былдьаһык. Уурайбыттар үлэ булбаттар. Кэмсинэллэр. Уурайдаххына таптыыр үлэҕин булаҕын диэн албыннаммыттарыттан кэлэйэллэр. Устунан пиибэлиир буолан хаалаллар. Арыгылааһын баар дьэ, албыннаныык дьон сөбүлүүр дьыалалара. Үлэбин таптаабаппын, уурайабын, таптыыр үлэбин көрдүү бардым диэн атаахтаан уурайбыт киһи, арыгы хапкааныгар хаптарар кутталлаах.

    Былыргы пещернай саха тоҕо мамонт бултуу барбытай? Кыһалҕаттан буо. Аһаары уонна таҥнаары. Сөбүлүүбүн - сөбүлээбэппин дии сырыттаҕына аччыктыыр буо.

    Сордоох сухалаах саха ньиэрбинэйдии - ньиэрбинэйдии тоҕо сир хоруппутай? Астаах уонна таҥастаах буолаары буо. Дьиэ кэргэнин туһугар көлөһүнүн тохтоҕо дии. "Профессиябын уларытыыһыкпын, сөбүлүүр дьыалабын көрдүү бардым, уурайдым, бардым" - диэбэккэ тулуйа-тулуйа үлэлээн син бурдук үүннэрэн олордоҕо дии.

    2
    • Prokopiyy2021
      Prokopiyy2021
      Прокопий Слепцов
      29 ноября 2021
       

      Диэкитэр, саныахпар сэбулээбэт улэтигэр улэлиир киьи бытан арыгы хапхааныгар киириэ диэн саныыбын

      1
  • Айаролох
    29 ноября 2021
     

    Арыгы моҥголоиднай расаҕа (дьиҥнээх Саха монголидтарга киирсибэт) улахан хоромньулаах, эт мэйиитэ "физическэйдик" алдьанар. Мэйии алдьаннаҕына чугас дьонун олоҕр эмиэ тэҥинэн алдьанар, аны иһээччи киһи ону, мэйиитэ алдьаммыт буолан, түһээн да баттаппат, ураты үчүгэй дии саныыр. Холобур бу куоратка көрдөххө ордук монголоид расалар (мнс) элбэхтэр, сүүстэн дьиҥнээх Саха биир икки эрэ киһи баар буолар. Онон, эккитинэн хааҥҥытынан монголоид (мнс) буоллаххытына арыгыны табаҕы быраҕын, оччоҕуна эрэ туһалыыр үлэни сөбүлүөххүт.

    0
    • Prokopiyy2021
      Prokopiyy2021
      Прокопий Слепцов
      29 ноября 2021
       

      Айаролох, арыгыны бастаан киьи тэбэтун араараары, хайдах эмит бэйэтин аралдьытаары иьэр ди саныыбын, оннук ба5а киьи бу олоххо туох да сыала суо5уттан, туох туьугар олорорун билбэт буолууттан уонна сатаан олохтон обратнай позитивнай сибээс ылбатыттан оннук буолар ди саныыбын. А так генетикаттан эмиэ тутулуктаах быьыылаах арыгыга ылларыы тургэнник

      0
      • Айаролох
        29 ноября 2021
         

        Prokopiyy2021, арыгы иһиитэ үксүн "первоосновательар" пропагандаларыттан тахсар, кинилэр билэллэр, арыгынан, наркотигынан, иабаҕынан эрэ бу үлүгэрдээх потенциаллаах омуктары тутан, салайан олороллорун. Оннук туппаттара буоллар, бу тымныы сиргэ буһан-хатан, дьиҥ айылҕаны билбит омуктар технологиялары бэйэлэригэр туһалаах гына уларытан, аан дойдуга бастын государстволары кытары тэҥинэн эппиэттэһэллэрэ биллэр. Онон үксүн пропаганда основанное на генетических отличиях от "основателей".

        0
        • Prokopiyy2021
          Prokopiyy2021
          Прокопий Слепцов
          29 ноября 2021
           

          Айаролох, киьи иьиэн ба5арда5а иьэр, испэт киьи испэт, игин араас пропаганда5а наадыйбат

          1
          • Айаролох
            29 ноября 2021
             

            Prokopiyy2021, киһи араас, бары чаһыы курдук чөл туруктара суох. Онон, үксүн киһи олоҕун чугас эйгэтэ быһаарар. Холобур эн саха киһи эттээх хааннаах Кытай дойдутугар төрөөбүткүн, төрөппүттэргин ырассыыйскай мэдэрээссийэҕэ департассыйалаабыттар. Эйигин детдомҥа биэрбиттэр, олоҕун тухары Кытай дойдутугар олоҕун устун олорон баран сатаан сахалыы тылынан саҥарбатын чуоккай. Саха сирэ баар диэн түһээн даҕаны баттатыан суоҕа.

            0
  • Диэкитэр
    29 ноября 2021
     

    Үлэбин таптаабаппын диэннэр арыгылыыр дьон бааллар буо. Үлэтин таптаабатах атаах киһи иккиттэн биирин талар. Бастакыта - сөбүлээбэт үлэтэ. Иккиһэ - арыгылааһын. Арыгылааһын диэн бэйэтэ дьарык, дьыала. Арыгы кайф биэрэр уонна санааны көтөҕөр. Киһини абылаан кэбиһэр умсугутуулаах дьарык. Арыгы бэрт түргэнник сөбүлүүр дьыалаҕа кубулуйан хаалар. Үлэ кэнники былааҥҥа быраҕыллар. Инники былааҥҥа арыгы тахсар.
    Ол гынан баран киһи киһиттэн атын-атын. Элбэх киһи сөбүлээбэт үлэтигэр үлэлии сылдьар. Арыгылаабаттар. Үксүлэрэ кыһаллаллар. Должностной функцияларын эрэллээхтик уонна хаачыстыбалаахтык толороллор. Тоҕо үлэлииллэрин билэллэр - стаж, пенсия, хамнас игин. Олоххо сыаллаахтар уонна соруктаахтар - ипотека төлөөһүн, оҕо, дьиэ, массыына. Дьоһун дьон. Өс киирбэх санааҕа оҕустаран тыал хоту көппөттөр. Ол аата, сөбүлүүр үлэбин көрдүү бардым, уурайдым, уурайдахпына абыраныыһыкпын диэн уурайаннар безработнай буолан хаалбаттар.
    Холобура, оонньоон диэн үлэ ырыынагар бүгүҥҥү туругунан 52 вакансия баар. Киһи баар вакансиялартан эрэ талар кыахтаах. Үлэтин сөбүлээбэт киһи ити 52 вакансиялартан барытын сөбүлээбэт буолуон сөп. Ону билбэккэ үлэтиттэн көстөҕүнэ кэһэйэр буоллаҕа. Сөбүлээбэтим диэн өссө атын үлэҕэ көһүө дии. Онтон эмиэ көһүө. Көс да көс буолуо. Наһаа көһөр куһаҕан. Стаж быстыа. Идэҕэ опыт сайдыа суоҕа. Иллюзия диэн баар. Иллюзияҕа абылаппыт киһи иллюзиятын көрдүүр. Ол иһин үлэттэн үлэҕэ көс да көс буолар.

    Үлэлиирин сөбүлээбэт киһи эмиэ баар буолааччы. Любой үлэни сөбүлээбэт. Маннык киһи эмиэ үлэлиэхтээх буоллаҕа дии. Хамнастаныахтаах. Тулуйа-тулуйа үлэлиэхтээх. Сөбүлүүр үлэбин буллахпына үлэлиэм диэн сылтаҕыран дьыбааҥҥа сытыа суохтаах.

    Таптыыр үлэлэригэр түбэспит дьон бааллар эрээри, аҕыйахтар. Кинилэр дьоллоохтор. Ол эрээри, киһи барыта итинник кыайан дьолломмот. Сорох бизнесменнэр бэйэлэрэ тэрийбит бизнестэрин сөбүлээбэт буолааччылар. Ол эрээри, бизнестэрин саппакка үлэлииллэр. Дьону хамнаһа суох хаалларыахтара дуо?

    Онон, хайаатар да сөбүлүүр дьыалаҕын булунуохтааххын диир сыыһа подход бһлх. Харчыланар дьыалаҕын булунуохтааххын диир сөп курдук. Харчыланар дьыалаҕын сөбүлээтэххинэ - дьол. Оттон сөбүлээбэтэххинэ куотуо, быраҕыа суохтааххын. Тулуйа-тулуйа киһилии үлэлиэхтээххин. Сыаллары ситиһиэхтээххин. Сыалларын ситиспит киһи - ситиһиилээх киһи. Сөбүлээбитэ, сөбүлээбэтэҕэ аахсыллыбат. Үгүстэр сөбүлүүбүн - сөбүлээбэппин диэн толкуйдаабаттар даҕаны.

    Өссө маннык баар: престижнай үлэ, кирдээх үлэ (помоя ыраастааччы), хамнастаах үлэ, кып-кыра хамнастаах үлэ, вахтовай үлэ, дьиэҕиттэн ыраах үлэ, дьиэҕиттэн чуп-чугас үлэ.
    Дьиэҕиттэн чугас уонна хамнастаах үлэ буллаххына сөбүлүүбүн - сөбүлээбэппин диэбэт буоллаҕын. Дьиэҕэр сатыы кэлэн эбиэттээн барар наһаа астык.

    2
    • рядовой
      рядовой
      Ветеран
      29 ноября 2021
       

      Диэкитэр, сөпкө толкуйдуугун.

      КИҺИ айаҕын булунар ҮЛЭлээх буолар
      уонна
      ону таһынан
      туохха эрэ кыһаллан туран үөрэнэр:

      ДЬАРЫК

      0
    • Prokopiyy2021
      Prokopiyy2021
      Прокопий Слепцов
      29 ноября 2021
       

      Диэкитэр, мин эмиэ оннук ди саныыбын, именно сэбулуур дьыаланы кэрдьээбэккэ создайдыахха наада, бастаан син биир ыарахан любой киьиэхэ

      0
    • Prokopiyy2021
      Prokopiyy2021
      Прокопий Слепцов
      29 ноября 2021
       

      Диэкитэр, оннук подходтаах киьи кырдьык оло5ун тухары быьа кэрдьуэн сэп

      0
  • Вандер
    29 ноября 2021
     

    Аргыга хоту олорор дьоннор ыллараллара былыргыттан биллэр. Скандинавтар билигин даа ограничения5а олороллор, аргыттан. Монглоиднай расалар хаьан даа аргыга ылларбаттар, аан дойдуга

    0
    • рядовой
      рядовой
      Ветеран
      29 ноября 2021
       

      Вандер,

      хоту дойду дьоно арыгыга ыллараллара (хоттороллоро) биллэр

      0
      • Вандер
        29 ноября 2021
         

        рядовой, ити Айаролох бу суруйбутугар эппиэттээтим

        "Арыгы моҥголоиднай расаҕа (дьиҥнээх Саха монголидтарга киирсибэт) улахан хоромньулаа"

        0
        • рядовой
          рядовой
          Ветеран
          29 ноября 2021
           

          Вандер,

          ГЕНЕАЛОГИЯ диэн баар
          онно
          гаплогруппаларынан (биис уустарынан) арахсаҕын

          Сахалар киэннэрэ N1c1 диэн үһү
          Монголлар киэннэрэ C
          Нууччалар-түүрдэр киээннэрэ R1a

          0
  • рядовой
    рядовой
    Ветеран
    29 ноября 2021
     

    КИҺИ айаҕын булунар ҮЛЭлээх буолар:
    Рынок🤑🤚
    тыыннаах хаалар НЬЫМАта

    Биллэр дьыла
    ХАРЧЫны СУДААРЫСТЫБА бэчээттиир
    П О Л И Т И К А


    СМИ = ПРАВИТЕЛЬСТВО = БИЗНЕС

    0
  • Фофр
    29 ноября 2021
     

    Собулуур улэлээхтэр ээ. Итини акаарылар аа5ан барар кырдьыахтарыгар дылы собулуур улэ кордуохтэрэ. Улэ диэн улэ. Харчы а5алыахтаах, аhатыатаах сиэтиэхтээх онон бутэр. Маны собулээбэппин, ити куhа5ан бу куhа5ан диэн куйбаранныы сылдьыахтара

    0
    • Айаролох
      29 ноября 2021
       

      Фофр, сөп этии. Холобур, ким эрэ Меркурий планетаҕа ынах иитэрин сөбүлүүрэ буолуо ди, оҥу бу киһи хайдах буолар?

      Мин санаабар киһи хайдах баҕар үлэни ис дууһатыттан кыһаллан үлэлээтэҕинэ үлэтэ наар тэҥинэн эппиэттэһэр буолар. Иһит, муоста да сууйуута буоллун, ис дууһаҕыттан кыһаллан үлэлээтэххэ, туһалааҕы биэрэрэ лаппа элбиир курдук. Үлэ диэн эт сиин, өй санаа сааһыланан хамнааһына курдук. Онон үлэ диэн тылы, дьон арыый сыыһа өйдүүрэ буолара ду. Холобур нууччалар работа диэн тылы олоҕо быстыбыт раб диэҥҥэ тэҥнииллэр, онон дьон работа диэн тылы куһаҕан диэн көрөллөр. Билиилээхтэр үчүгэй баҕайытык этимиологийатын быһааран биэрин эрэ, дьон көрөн өйдүүрүн курдук.

      0
  • хайахсыт
    хайахсыт
    Иван
    Ветеран
    30 ноября 2021
     

    Киһиэхэ ис санаа диэн баар. Бэйэтэ кыайан салайбат санаалара ис санаа диэн ааттаналлар. Хас биирдии быччыҥнарыгар үөскүүр буор кута ис санааҕа киирсэр. Сайдыылаах буор куттаах киһи үлэни оҥорор кыаҕа элбэҕиттэн ханнык баҕарар үлэни кыайар кыахтанар.

    0
  • хайахсыт
    хайахсыт
    Иван
    Ветеран
    1 декабря 2021
     

    Киһиэхэ төрөппүттэриттэн бэриллэр буор кута баҕа санаатын үөскэтэр. Киһи ол баҕа санаатын толоро сатыыр кыаҕа улаатар.

    0
  • Аан_Дьааьын
    Аан_Дьааьын
    Аан Дьааһын
    1 декабря 2021
     

    Оскуола кэнниттэн үксэ учуутал, быраас үөрэҕэр киирэллэр онтон аны кэмсинии саҕаланар. Ити иитэр-үөрэтэр дьаһалта сыыһата буолар. Оҕоҕо сөп көрүүнү биэрбэт, иннигэр туох күүтэрин арыйан көрдөрбөт. Ол иһин сөбүлээбэт үлэлэригэр хамнас иннигэр тулуйан сылдьаллар онтон сааһыран үөрэнэн хаалаллар.

    Киһи бэйэтин бу дойдуга булунуута, сөбүлүүр дьарыгын (хобби) күннээҕи үлэтигэр кубулутуута олус ыарахан ди саныыбын. Тоҕо диэтэххэ хааччах элбэх, көмө суох, өйүүр өйдүүр киһи суох. Ити ИП буолан бараннар бэрт үчүгэйдик үлэлээн иһэн эстэллэр, уо.д.а. Арай оҕо эрдэхтэринэ дьоҕурун таба көрөн биэбэйдээн улаатыннардахтарына дьэ табыллаллар, мааны дьон буола улааталлар ол иһин иитэр-үөрэтэр тэрилтэ үөрэтиитин уларытыахтаах.

    1
  • хайахсыт
    хайахсыт
    Иван
    Ветеран
    2 декабря 2021
     

    Сэбиэскэй былаас үөрэҕи "үчүгэй" диэн өрө туппута билигин да салҕанан иһэр. Билигин ырыынак кэмигэр сөбүгэр үөрэхтээх үчүгэй үлэһиттэр сайдар кыахтара улаатта. Үлэ эрэ омугу сайыннарар.

    0
  • хайахсыт
    хайахсыт
    Иван
    Ветеран
    3 декабря 2021
     

    Баай сыыйа-баайа мунньулуннаҕына туһаны оҥороро элбиир. Үлэһит киһи таһаарыылаахтык үлэлээн бэйэтигэр сөптөөх баайы мунньунан иһэр кыахтаах.

    0
    • рядовой
      рядовой
      Ветеран
      3 декабря 2021
       

      хайахсыт,

      БААЙы-ДУОЛу
      сири-дойдуну
      СУДААРЫСТЫБА мунньар-хаҥатар эрэ
      кыахтаах:
      ПОЛИТИКА

      🤑🤚

      0
  • хайахсыт
    хайахсыт
    Иван
    Ветеран
    4 декабря 2021
     

    Билигин чааһынай бас билии диэн олоххо киирэн турар. Сыыйа мунньунан баайы хаҥатыахха сөп.

    0
  • хайахсыт
    хайахсыт
    Иван
    Ветеран
    5 декабря 2021
     

    Эмискэ кэлбит баай туһаны оҥорорунааҕар куһаҕана элбээн хааларын сахалар билэллэр. Ол иһин баайы ыскайдаабакка кэмнээн туттары сөбүлүүллэр.

    0
  • Диэкитэр
    9 декабря 2021
     

    Чинчийиилэри аахтахха үрдүк үөрэхтээх киһи, үөрэҕэ суох киһитээҕэр ордуктук хара үлэни толорор үһү. Үрдүк үөрэхтээх хара үлэһиттэр инники күөҥҥэ эбиттэр. Онон, юрист, учуутал үөрэхтэрэ хара үлэҕэ эмиэ көмөлөһөллөр эбит.
    Үрдүк үөрэхтээх киһини хара үлэҕэ үөрүүнэн ылаллар. Кини карьера оҥостор кыахтаах. Холобура, тэрилтэҕэ суоппардыы сылдьан механик үлэтигэр көһүөн син. Болуотунньуктуу сылдьан инженер дуу, экономист дуу буолан хаалыан сөп. Тыл үөрэхтээҕэ дьахтар маҕаһыыҥҥа остуорастыы киирэн баран сэбиэдиссэй буолан хаалыан син. Онон үрдүк үөрэх туһата улахан.
    Оттон үөрэҕэ суох киһи карьера оҥостор кыаҕа суоҕун кэриэтэ. Үөрэҕэ суоҕу сэбиэдиссэй гымматтар. Ол да буоллар үөрэҕэ суох киһи кыайа тутар идэтин баһылаан тус олоҕун оҥостор кыахтаах. Онон санаа түһэрэргэ биричиинэ суох.

    Таптыыр, сөбүлүүр, баҕарар дьыалаҕын оҥороргор сылайары да аахсыбаккын. Ол эрээри, таптал хаппырыыс. Умуллан хаалыа. Сөбүлүүр дьарыгын хал буоллаҕына сөбүлэппэт буолуо. Баҕарарын кыайтарбакка кэһэттэҕинэ саамай абааһы көрүллээччи дьыалаҕа кубулуйуо. Барыта уустук.
    Таптыыр-таптаабат, сөбүлүүр-сөбүлээбэт, баҕарар-баҕарбат эрэ диэн сыһыан судургу баҕайы, кыра оҕолуу. Балардааҕар сыаналаах өйдөбүллэр баалларын эмиэ болҕомтоҕо ылыахха буо: дьиссипилиинэ, воля, эппиэтинэс диэбит курдуктары. Волялаах эрэ киһи ыарахаттары тулуйар. Таптал умуллуо, сөбүлээһин сойуо, баҕарыы бүтүө. Оччоҕо? Оччоҕо ВОЛЯ эрэ абырыа. Өссө расписание, былаан, сыал, чаһыыны тутуһуу. Кэлин тиһэҕэр өһөс, ньоҕой уонна тулуур курдук хаачыстыбалар эмиэ бааллар дии.
    Өссө киһи таһыма диэни умнумуохха наада эбит. "Кыра оҕо таһымнаах улахан киһи" диэн эмиэ баар. Биир омук уол дьутуубка кэпсээбитэ баара. Омос көрдөххө кыра, хачаайы, бытаан уол. Саха курдук сирэйдээх. Сааһыра барбыт. Кини грин-каарта сүүйэн Эмиэрикэҕэ тиийбит. Регистрациялана хайыы сылдьан Эмиэрикэҕэ саҥа кэлбит дьоппуоннары, индиялары билсэн кэпсэппит. Дьоппуоннар бары доктор наук үһүлэр. Эмиэрикэ институттарыгар чинчийии ыыта кэлбиттэр. Индиялар буоллаҕына программист үһүлэр. Сорохторо ай-тыы хампаанньалар ыҥырыыларынан үлэлии кэлбиттэр, сорохторо бэйэлэрэ хампаанньа арыйан үлэлэтээри кэлбиттэр. Олорго холоотоххо уол иннин-кэннин билбэт боростуой киһи үһү. Холобура, боростуой саха киһитэ грин-каартанан Эмиэрикэҕэ тиийэн хааллаҕына эмиэ ити уол курдук балаһыанньаланан хаалыа буо. Дьоппуоннарга уонна программист индияларга тэҥнээтэххэ "кыра оҕо" курдук буолуо, "бытыктаах кыра оҕо".
    Ол уол хара үлэ булбут. Фабрикаҕа. Боростуой киһи дьааһык көтөҕөрү, быыл сотору эрэ сатыыр буоллаҕа. Кыһыылаах диэтэҕин. Ол сылдьан дойдутуттан грин-каарталаах дьон быыстала суох кэлэллэрин, боростуой биир дойдулаахтара муна-тэнэ сылдьалларын бэлиэтии көрбүт. Уонна кинилэргэ сирдиир, үлэ буларга көмөлөһөр курдук төлөбүрдээх өҥө оҥорор тэрилтэ буолбут - бизнес арыммыт. Кини өҥөтө элбэх киһини абыраабыт. Өссө ангылыыскай тылы үөрэтэр төлөбүрдээх куурс үлэлэппит. Араас атын омук клиеннардаммыт. Үлэһиттэрдэммит. Иллэҥ кэмигэр учуобунньуктары зубрежкалаан индиялартан хаалсыбат программист буолбут. Тэрилтэтигэр любитель-программистар куурстарын эбэн биэрбит. Хостел арыйбыт. Атын хайысхаларга эмиэ ону-маны тобулбут. Дьиэ атыылаһыммыт. Уопсайынан табыллыбыт.
    Ол уол кэпсээнигэр дьон кыһалҕатын өйдөөн көрүү баар этэ. Толкуйдаан көрдөххө, кини сөбүлүүр дьыалатын көрдөөбөтөх. Кини туохтан үп таһаарыныан сөбүн көрдөөн булбут. Дьон тугу сөбүлүөхтээҕин, туох өҥө иһин харчы төлүөхтээҕин таайбыт. Бизнестиир ниша булбут. Өҥө оҥорон харчы өлөрөр идея айбыт. ИДЕЯ!
    Кинини көрөн боростуой киһи даҕаны сайдар кыахтаах эбит дии саныыгын. Хаалынньаҥ да киһигэ бэрэспэктиибэ баар эбит диигин. Кыра оҕо курдук таһымнаах киһи бэйэтин таһымын үрдэтэн улахан киһигэ кубулуйар эбит диигин. Сааһыран да баран "улаатар" кыах баар эбит диэн үөрэҕин.
    Кылаабынайа учуобунньуктары зубрежкалыыры кыайыахха наада уонна сатыыр буолбуккун олоххо туһаныахха наада.
    PS. Кылгас уонна өйдөнүмтүө буоллун диэн оригиналыттан син мээнэ уларытан суруйдум.

    Дьон кыһалҕатын өйдүү көрөн тэриллибит тэрилтэ сахаларга Москубаҕа баара. Бизнес буо. Табаар ыла кэлбит эргиэмсиктэри сирдиир, харабыллыыр, хостелларыгар хоннорор тэрилтэ. Москубаҕа сахалары ыҥырар хостеллар кэлин элбээбиттэрэ.

    Билигин үлэ былдьаһык. Саха киһитэ үлэтиттэн уурайдаҕына кини оннугар Орто Ааһыйа киһитэ киирэргэ бэлэм. Орто Ааһыйаат сөбүлүүбүн-сөбүлээбэппин диэбэккэ кырдьыаҕар дылы үлэлиэ. Уурайарыгар бэйэтин оннугар землягын ыҥыран киллэриэ. Өссө дойдутуттан аймахтарын ыҥыран босхоломмут үлэ миэстэлэригэр киллэртээн иһиэхтэрэ.
    Үлэ миэстэтэ уонна бизнестиир ниша былдьаһык буолла. Саҥа үлэ булбакка сылдьан үлэттэн уурайар кутталланна. Онон атын үлэ булбут эрэ буоллаххына уурайар ордук. "Ылабыт, кэл" диэн мэктиэлээтэхтэринэ. Уурайарга бэйэ оннугар атын саханы киллэрдэххэ үлэтэ суох саха элбиэ суох этэ.

    Сөбүлүүр дьыала диэн бэрт эрээри, бу арҕааҥҥы коучтар сабыдыаллара. Сахалыы толкуйдаан көрдөххө коуч бэйэтигэр дьону угуйар. Элбэх киһини мунньаары дьон сөбүлүү истэрин эрэ этэр. Байаары гыммыккыт диэн үөрдүтэлиэ. Сөбүлүүр дьыала булунан астыныы бөҕөтө астыныаххыт диэн итэҕэтиэ. Баай-тот дойдулаах арҕааҥҥыларга баҕар талымастыыр кыахтара элбэх буолуо. Ол иһин, сөбүлүүр эрэ үлэлэрин толороллоро буолуо. Сөбүлээбэттэрин быраҕан кэбиһэллэрэ буолуо. Сөбүлүүбүн - сөбүлээбэппин диэн хаппырыыстыыр усулуобуйалаахтара буолуо. Оттон биһиэхэ кризис дии. Бобуу игин. Хааччах. Тымныы. Сирэр-талар кыах суох.
    Саха тыллаах киһи бэйэтэ бэйэтигэр коуч буолара ордук. Бэйэтэ бэйэтин хайҕаан, мотивациялаан. Сөбүлээбэт да дьыалатын хаачыстыбалаахтык толорон сылдьыахтаах, илиитин ыһыктыммакка. Бэйэм эрэ сөбүлүүрбүн оҥоруохтаахпын диэн эгоистаабакка. Кылаабынайа, дьон сөбүлүүрэ наада буоллаҕа. Дьон үөрүөхтээх уонна астыныахтаах. Клиент элбээтэҕинэ харчы элбиэ диэбит курдук. Харчы туһугар эрэйдэнэр, сылайар, сордонор, ыарахаттары тулуйар наада. Үлэ - дьол. Үлэ барыта үчүгэй. Харчы - ас, таҥас, олох.

    Холобура, улуусса сиппийэрин абааһы көрөр киһи улууссаны ып-ыраас гына сиппийдэҕинэ дьон үөрүө. Салайааччыта хайҕыа. Оччоҕо, аныгыскы сырыытыгар сөбүлүү-сөбүлүү сиппийиэ. Иэйиитэ киирэн сиппиий туһунан хоһоон суруйуо. Ону оҕолор ааҕаннар улуусса сиппийиэхтэрин баҕарыахтара.

    0
  • хайахсыт
    хайахсыт
    Иван
    Ветеран
    10 декабря 2021
     

    Киһиэхэ төрөппүттэриттэн бэриллэн иһэр буор кута баҕа санаатын салайар. Оҕо төрөппүтүн курдук буолар, кини үлэтин үлэлиир кыаҕа улаатар.

    0
  • хайахсыт
    хайахсыт
    Иван
    Ветеран
    11 декабря 2021
     

    Оҕону кыра эрдэҕиттэн ханнык оонньуурдарынан сөбүлээн оонньуурун кэтээн көрө сылдьаллар.

    0
Авторизуйтесь, чтобы комментировать
Ваши данные будут надежно защищены и не будут переданы третьим лицам
Обратная связь