9 лет на форуме Автор 5 уровня Популярный комментатор Все
Награды
9 лет на форуме
9 лет на форуме
Автор 5 уровня
Автор 5 уровня
Популярный комментатор
Популярный комментатор
Топ пользователь
Топ пользователь
5000 просмотров
5000 просмотров
Олимпийскай цикл түмүктэннэ, Манчаары ыытылынна. Санаа ситимнэрэ
  4746
Тууллубут санаалары төлө ыытыахха.
Пандемия кэмигэр, араас оннук маннык буолбат кэмигэр, ырытыахха, ырытыһыахха.
Спортпут боппуруоһугар тугун ханныгын билиһиннэриэххэ.
Сурук үлэтигэр суолта биэрэн сыллата соһуллар кыһалҕалары быһаарарга сүрүн күүһү ууруохха.
Онлайн онлайн диир кэмнэригэр дьэ онлайныаҕын.
Ответов 34
  • ылдьыыс
    16 октября 2021
     

    Дьэ быйыл Манчаарыбыт Спартакиадатыгар ордук улаханнык туох боппуруоска тоһоҕолоон Уруй Айхал диэтибит.
    Россия спортка Министрэ, Олимпийскай Комитетпыт Тойоно истэн турдахтарына.
    "Саха төрүт оонньуутун Мас рестлинг көрүҥүн олимпийскай көрүҥ оҥоруоҕун. Уруй Айхал".
    Дьэ бэрт.

    Дьэ ол кэнниттэн, дьэ ол үлүгүрдээх соругу толорууга туох хайдах үлэлээтибит.

    Салгыы суруйуох иннинэ, биири санатыахха.
    Быйыл кыһын Россия биир бухатыыра мас рестлинг көрүҥэ Россия таһымыгар тахсарын кытта сыста сатыыр, биир иннибитигэр туттар спортсменбыт бэйэтин страницатыгар мас рестлинг туһунан санаатын суруйбута. Кыһыйбыт абарбыт санаатыгар сахалары хаарыйбытын аахпыппыт. Биллэн туран кыыһырдахпыт дии. Күрэхтэһиигэ аны кытыннарбаппыт диэн тыллар этиллибиттэрэ.
    Дьэ туохтан ол уол кыыһырбытый?
    Аан дойду быйылгы Кубогар былырыыҥҥы Россия чемпионатын түмүгүнэн сүүмэрдэммит хамаанда кыттыыны ылар диэнтэн. Быйыл Россия Чемпионатыгар кыттан путевка ылар баҕалаах киһи кыһыйбыт абарбыт эбит. Онтон ситимнээн онно манна тиийбит. Ол иһигэр Эһиги сахалар бэйэҕит эрэ интэриэскитин өрө тутаҕыт. Күрэхтэһиилэр призовойдарыгар тиийэ. Бэйэҕитигэр эрэ харчы көрөҕүт диэн.
    Дьэ кырдьык уол эппитэ оруннааҕа көстөн кэллэ.
    Россиябыт Чемпионатын кэмигэр ыыппатыбыт. Бэйэбит мөлтөхпүтүттэн.
    Европа Абсолютнай Чемпионатын ыытан баран, кыайбыт Фролкиҥҥа, дьиэтигэр кэлбитигэр 300 000 солкуобайы туттардыбыт. Ыытыллар сиригэр Турцияҕа призовойга сахалар оччону туруорбатыбыт.
    Онтон сибээстээн ол кэнниттэн ыытыллыбыт Россия Чемпионатыгар ыарахан ыйааһыҥҥа бэйэбит эрэ уолаттарбыт кыттыыны ыллылар. Биир да туораттан кыттыбата.
    Аны Россия Чемпионатыгар призовойугар тугу да суох сылдьаммыт. Бэйэбит оҕолорбутугар кыайбыттарга 100 000 солк туттардыбыт.
    Бэйэбит көрөҥмүтүн сайыннара сатыыр буоллахха, оннук соругу туруорунар буоллахпытына.
    Аан дойду, Россия таһымнаах күрэхтэргэ бэйэбит призовойга харчы көрүөхтээхпит,
    Оччоҕо эрэ дьон сыста сатыа этэ.
    Кыайбыт саха ыччата ол көрүллүбүтү кыайдаҕына ыллын.

    Онтон итинник дьаһана сырыттахпытына, Быйылгы Россия чемпионатыгар туораттан 60-ча киһи кытынна. Олимпийскай сыал сорук ырааҕынан кыаллыа суоҕа оҥоробун.

    Билигин Россия уонна Международнай федерация ыытар үлэтэ.
    Сахалар биһиги маннык көрүҥнээхпит диэн.
    Россияҕа уонна Аан дойдуга тахсыбатахбыт буоллар, итинник үлэ ыытыллара сөп этэ.
    Онтон сыалбыт сорукпут улаханынан бииртэн бииргэ ыстаҥалаабакка, бастаан Россияны кыайа тутуохха.
    Үбү харчыны, өйү санааны онно түмүөххэ.
    Бэйэбит дойдубутугар, Спортивнай Оонньууларга мас рестлинг төннүөхтээх.
    Оччотугар эрэ Манчаары аһыллыытыгар этиллибит тыллар, Уруй Айхал өйдөнүллүө этэ.

    Биир да мас рестлинг көрүҥэр тэриллибит федерацияларга сылдьар дьонтон киллэриэҕин диэни истибэппин.
    Төттөрүтүн киллэрэ сатыылларыгар туорайдаспыттара ыраатта.
    Оччотугар туох түмүк оҥоруохха сөбүй.
    Сыал сорук улаханынан, ону өйдөөбөттөрүнэн бу дьон уурайыахтаахтар.
    Өйдүүр дьон салаттаҕа кэлиэхтээхтэр.

    2
  • Qwe04
    16 октября 2021
     

    Ол финансированиены, призовойдары Саха сирэ барытын уйунар дуо? Оннук буоллагына тохтотуохха наада, ороскуота да бэт эбит. Бэйэ бэйэлэлэрин кытта манна да курэх элбэх. Сылга ити тесе харчыны орускуоттууллара буолуой? Кун тура - тура Россия исигэр, кыраныысса тасыгар курэх бегете дии.

    2
  • ылдьыыс
    16 октября 2021
     

    Бэйэҥ көрүҥҥүн сайыннарыаххын баҕарар буоллаххынан үп көстүөхтээх.
    Билигин баҕа санааны олоххо киллэрэр харчыта суох, мээнэ күүлэй, аат суол эккирэтиитэ

    3
  • ылдьыыс
    16 октября 2021
     

    Уопсайынан кэлин манныгы үгүстүк истэр буоллум.
    Спорт аһары профессиональнай өртүн өрө тутуу буолан эрэр диэн.
    Аҕыйах киһи бүтүн спортка көрүллүбүт үбтэн супту оборо сылдьаллар диэн.
    Ол түмүгэр спорт эйгэтигэр республика иһигэр улахан хамсааһын таһаарар тэрээһин ыытыллыбат буолла диэн.
    Спортивнай Оонньуу да, Манчаары Спартакиадата да ыытыллар сиргэ социальнай тутуулары ыытарга эрэ ананар буоллулар. Күрэхтэһиитигэр улахан интэриэс сүтэн эрэр.
    Көрөөччү татым.
    Бүтэһик Спортивнай Оонньууларга Аммаҕа стадиоҥҥа спорт ветераннара эрэ олорор хаартыскаларын көрөн "Бу хайдаҕый. То5о интэриэс сүттэ".

    4
  • ылдьыыс
    19 октября 2021
     

    Ааспыт үйэ бүтүүтүгэр Эрчим диэн ааттаах кооператив үлэлэтэ сылдьан Егор Афанасьевич Борисовка кабинетыгар киирэ сырыттым. Оччотооҕуга Правительство Председателин солбуйааччытынан үлэлиир этэ. Онно маннык диэн этэ сылдьыбытыгар суолта биэрбэтэҕим.
    "Туох эрэ былааннаах буоллаххына бастаан харчытын быһаарар".
    Билигин мас рестлинг көрүҥү Аан дойдуга тарҕата сатыыллара ол оччотооҕуга мин курдук.
    Күннээҕинэн, туох харчы көстүбүтүнэн сүүрэкэлээһин.
    Спортка көрүллүбүт бюджет харчытынан эрэ сайыннара сатааһын.
    Ол инниттэн Аан федерация биир салайааччыта Маассабай спортпут салайааччыта.
    Москваттан биир мас рестлингэ сыстыбыт Михаил билигин спорт биир тойоно.
    Анаан көрүллүбүт үбүнэн буолбакка, итинник атыҥҥа көрүллүбүтүнэн сайыннара сатааһын.
    Соторутааҕыта Россия Чемпионата буолан ааста.
    Россия старшай тренеринэн анаммыт тренербит онно барарга харчыта суох буолан барбата.
    Дьэ ол оннугар чемпионнарга 100 000 солк. тренердэргэ 50 000 солк баар эбит.
    Дьэ бу харчы инниттэн мас рестлинги тарҕата сатыырбыт көһүннэ диэххэ сөп.
    Аан дойду Кубога диэн үс этаптаах күрэх ыытабыт.
    Тоҕото эмиэ өйдөннө.
    Бу күрэхтэһиигэ бюджетттан премиальнай көрүллэрин иһин.

    3
  • ылдьыыс
    23 октября 2021
     

    Спорт тула сылдьыбытым ыраатта.
    Туох тиийбэтий диир буоллахха.
    Республика иһигэр спорт көрүҥнэринэн Кииннэр тэриллэр кэмнэрэ кэллэ.
    Көрүҥнэринэн федерациялар диэн тэриллэллэр да.
    Ханнык Тойон анаммытынан кини көрүҥэ буолан хаалар.
    Уонна общественнай тэрилтэбит диэн эппиэтинэс да суох.

    Көрүҥнэринэн көрүллэр үбү ол Кииннэргэ түҥэтэн.
    Дьэ холобура.
    Дуобат саахымат Киинэ баар.
    Национальнай көрүҥнэрбит Киинэ
    Модун Киин буолуоҕуттан үп да көрүллүүтэ балайда буолла.

    Итинник куоракка спортобьектарга көрүҥнэринэн сыһыаран Киин оҥоттуур киһи.
    Харбааһын ханна тэриллэрэ биллэр
    Хоккей, хаҥкы ханна буолара эмиэ биллэр.
    Кэлин сылларга саамай сайдыыны ылбыт футбол Киинэ Дохсун буоллун.
    Биир маассабай көрүҥ волейбол Киинэ кыайыы Дыбарыаһа буоллун.
    Триумфка тустуу, бокса, чэпчэки атлетика.

    Анал үлэһиттэрдээх буоллуннар.

    Оннук сыаллаах саҥа спортивнай объектары тутуоҕун.

    1
  • ылдьыыс
    23 октября 2021
     

    Көрүҥнэринэн төһө үп көрүллэрэ арылхайдык көстүө этэ.

    1
  • ылдьыыс
    25 октября 2021
     

    Республика спортугар биир маннык баар.
    Төһөнөн спорт көрүҥэр Аан дойдуга ситиһии баар да. Оччонон республика иһигэр бу көрүҥүнэн дьарыктанааччы аччаан иһэр.
    Дьэ тустууну ылыаҕын.
    Улахан дьоҥҥо төһө киһи дьарыктанар. Быйыл республика да чемпионата да ыытыллыбата. Хапсаҕай баар буолан урукку тустууктар дьарыктаналлар.
    Боксаҕа биир оннук.
    Оҕунан ытыыга хас киһи баарый.

    Дуобаты ылыаҕын.
    Урукку курдук маассабас суох буолла. Үксэ анал тренердэр күрэхтэһэллэр. Саастаах дьон тыа сиригэр күрэхтэһэллэр.

    Мас тардыһыыбыт, мас рестлинг аатыран Аан дойдуга кэрийэ барыаҕыттан турнирга кыттааччы балайда аччаата. Турнирдартан арай "Көмүс мас" уруккуну санатардыы ыытыллар. Россия, Аан дойду чемпионнарын республика иһигэр арай республика чемпионатыгар, Манчаарыга көрүөххэ сөп. Быйыл Манчаарыга Чурапчы оннооҕор хамаанда туруорбата, Төһө эмэ кытааччы ахсаана аччаабытын үрдүнэн.

    Онтон дьиҥинэн төттөрү буолуон сөп этэ дии.
    Сайдыыны батыһан дьарыктанааччы элбиэн сөп этэ дии.

    Онтон көрүллэр харчынан биллэн туран мэтээл эккирэтээччилэргэ эрэ бюджет харчыта барара өйдөнөр. Үлэ отчуотун онон сыаналанарын тухары оннук буолар бо.

    Спортка маассабаһы сайыннарар баҕа баар буоллаҕына, игровой көрүҥнэргэ суолта бэриллиэн наада.
    Холобура волейболга, футболга сылга биирдэ ыытыллар республика чемпионатын тохтотуох баар этэ. Бөлөхтөрүнэн арааран саатар сылга үстэ ыытыллар турдаах буолуон наада этэ. Оччоҕо ситимнээх дьарык ситиһиллиэ этэ.

    Уопсайынан аныгы олох сиэринэн, Аан дойдуга сайда турар күрэхтэһиилэр биһиэхэ олох суохтар.
    Хаһан эрэ суол иис мөлтөх эрдэҕинэ ыытыллыбыт чемпионаттар балаһыанньаларынан баччааҥҥа дылы ыытылла тураллар.
    Тимир суол баар.
    Алдан, Нерюнгри диэки игровой көрүҥнэргэ ыытыахха сөп буолуо дии.
    Мас рестлингэ Ленскэйгэ бэртээхэй чемпионат ыытыллыбыта.
    Онтон игровой көрүҥнэргэ тоҕо кыаллыбат.

    Пандемия кэмигэр аэропортка, пресс конференцияҕа эрэ спортпут салаттатын көрөбүт.
    Ханнык эрэ боппуруоска туох эрэ хамсааһын тахсан эрэрэ олох иһиллибэт дии.

    1
  • ылдьыыс
    26 октября 2021
     

    Нууччалар этэллэринии "Нет худо, без добра".
    Пандемия кэмигэр биир бэртээхэй дьыала сайдыыны олох бэрткэ ылыан сөптөөх усулуобуйата бөҕө тэрилиннэ.
    Күрэхтэһии онлайн барар, трибунаҕа көрөөччүтэ суох. Ол оннугар аһаҕас эфиргэ көрүөххүт. Диэн бөҕө буоллубут.
    Манчаары Спартакиадатыгар тиийэ.
    Хаһааҥҥытааҕар даҕаны элбэх киһи спортивнай күрэхтэһиилэри көрдүлэр.
    Боппуруос төрдө.
    Хайдах көрдөрдүбүт.
    Саамай улахан күрэхтэһииттэн Манчаарыттан саҕалыаҕын.
    Өскөтүн күрэхтэһиини онлайн көрдөрөбүт диэн эрдэттэн биллэрбиппит буоллахпытына, көрдөрүү уруккуттан туох уларыйыахтаах этэ бо.
    Биһиги аһаҕас эфир диэн биир помоһу, биир көбүөрү күнү быһа көрдөрөрбүтүн уларыппатыбыт.
    Онно да кэпсээччилэрбит иккискэ туох буола турарын олох сырдаппаттар.
    Кими эрэ ыҥыран, кинини кытта сэлэһэллэрин истэбит.
    Манчаарыга элбэх көрүҥ баар. Биир көрүҥ икки:үс сиринэн тэҥҥэ барар.
    Хайдах да барытын суулуу тутан биир кэмҥэ тэҥҥэ көрдөрбөтүн чуолкай.

    Ол иһин көрүҥнэринэн монтажтаан, бу кэмҥэ ким хайдах киирсэн иһэрин көрдөрүү буолуохтаах этэ.
    Аһаҕас эфир диэн буола турар сонуну кыалларынан саамай түргэнник дьоҥҥо тиэрдии диэн.
    Ханнык көрүҥ сонуна хас чааска тахсарын сэрэтиэххэ эмиэ сөп.
    Биир чаас иһигэр бары көрүҥнэртэн сонуннар көстөн ааһыахтаахтар.
    Сорох көрүҥнэр, холобура сүүрүү, биир бириэмэҕэ буолла да хатыламмат. Онтон маска, хапсаҕайга күнү быһа.
    Оччотугар сүүрүү буолар кэмигэр ол кылаабынай сюжет буолуохтаах.

    Аны сырыы аайы этэ сатыыбын да.
    Киэһээҥҥи, дьон трибунаҕа мустар тоҕоостоох кэмин олох спортар туһаммаппыт.
    Киэһээ алта чаастан финаллар буолаллар диэн трибунаҕа да телевизор да иннигэр дьон мунньар инниттэн.
    100м сүүрүү финала төһө бириэмэни ылыай.
    Ыстаныылар финальнай ыстаныылара.
    Мас, хапсаҕай финаллара.
    Итинник көрүҥнэринэн стадиоҥҥа буолуон сөптөөх финаллары барытын субуруччу ыытар буоллар.
    Дьиҥнээх спортивнай бырааһынньык буолуо этэ.

    Билигин ол бириэмэни лотереялаах ырыа тойук ылар буолан, харчы эрэ инниттэн ити үлүгэрдээх үбү кутан, дьону мунньан ыытар курдукпут.
    Сүрүн сыал сорук күлүккэ түһэн хаалар.

    1
  • ылдьыыс
    27 октября 2021
     

    Кэлиҥҥи кэмҥэ чэпчэки атлетика сайдыытыгар баһаам элбэх анал сыаналаах сүүрэр дорожкалаах стадион бөҕө тутулунна.
    Быйыл Бэрдьигэстээххэ бэртээхэй сүүрэр дорожкалаах стадион.
    Биир өртүнэн сайдыыны күөттээн стадион тутуллар. Иккис өртүнэн туһаныы өртүгэр улахан хамсааһын тахсыбат.
    Чэпчэки атлетика атын көрүҥнэртэн биир уратылаах.
    Ис иһигэр киирдэххэ спринтертэр, орто дистанцияҕа сүүрээччилэр, уһуҥҥа сүүрээччилэр, ыстанааччылар, ону маны анньар, быраҕар спортсменнар. диэн арахсыылаах.
    Балартан биһиги республикаҕа уһуҥҥа эрэ сүүрүү арыычча сайда сатыыр.Стайердар түмсэ түһэн федерация тэринэн кыайалларынан дьарыктанар дьоҥҥо араас күрэхтэһиини тэрийэ сатыыллар.

    Кылгас, орто дистанцияҕа сүүрүү олох күлүккэ сылдьар диэххэ сөп.
    Баҕар ол иһин буолуо, тутуллубут стадионнары туһаныы санаа хоту буолбатах.
    Чэпчэки атлетика федерацията уһун дистанциянан дьарыктанар буолан эбитэ дуу, быйыл Манчаарыга стадиону туһаныы ити дистанцияларга олох өйдөммөтө.
    Саха пятиборьетыгар 400м сүүрээччилэр бу көрүҥҥэ баар быраабыланы төрүкү туһаммакка, ханна эрэ алааска ыһыахха ыытыллар сүүрүү кытта ыытылынна. Өссө олох да 200м эргимтэлээх оскуола площадкатыгар ыытыллара былааннаммытын көрө соһуйуу буолбута. Стартыыр сир баарын үрдүнэн, көнө ортотуттан стартааһын уонна фиништээһин. Төһө эмэ дорожка баарын үрдүнэн, дорожката суох сүүрдүү. Төһө эмэ анал дорожкалаах стадион тутуллубутугар итинник сыһыан.
    Ити үлүгэрдээх бэртээхэй тутууну туһанан чэпчэки атлетика биир саамай интэриэһинэй көрүҥүн эстафетаны да ыытыахха сөп этэ.
    1990 сыллаахха Бэрдьигэстээххэ ыытыллыбыт Манчаарыга баары сөргүтэн.
    Эстафета буолла, ипподромҥа.
    Стадиоҥҥа ыытыах баар этэ да.

    Республикаҕа
    4х100м
    4х400м эстафеталар олох умнууга хааллылар.
    Туруорсар киһи суоҕунан буолуо дуу.
    Ит үлүгэрдээҕи тутан баран, бастакы күрэхтэһиитигэр хамаандаҕа уон кыттааччы. Саамай элбээбитэ.
    Бороҕоҥҥо да билиҥҥи былаанынан чэпчэки атлетикаҕа уларыйыы суох.

    Сороҕор хамсааһын таһааран,Спринтердэр стайердар курдук туспа буруо таһаарар кэм кэлбит дии саныыбын.

    1
  • ылдьыыс
    28 октября 2021
     

    Дьэ быйыл спорту сэҥэрээччилэргэ биир саамай өйдөммөт "Ээ бу хайдаҕый" диэн саҥаа таһаарар түгэнэ Манчаары Спартакиадатыгар буолан ааста.
    Тус бэйэм көрөн улаханнык соһуйдум.
    Олимпиадаттан холобур ылан буолуо, биһиэхэ да улахан түһүлгэлэрбитигэр биллиилээх спортсменнар уонна судьуйа дьон норуот иннигэр чиэһинэйдик күрэхтэһиэҕин, чиэһинэйдик сууттуохпут диэн Андаҕар этэр үтүө үгэс баар.
    Быйыл республикабыт тумус туттар спортсменнара Егор Филиппов уонна кылаабынай судьуйа Семен Говоров Андаҕар эппиттэрэ.
    Дьэ уонна Манчаарыбыт Спартакиадата бүтүүтүгэр, аһыллыытыгар Андаҕар эппит Егор Филиппов сүүрэр дорожкаҕа сүрүн утарсааччытыгар туора сүүрэн тахсан мэһэйдии сатаабыта олох өйдөммөтө. Сиэрэ суох Быраабыла кэһии буолбутун үрдүнэн Кылаабынай судьуйа, Андаҕар эппит Семен Говоров туох да буолбата диэн буруйдаахха туох да миэрэ ылбатаҕа эмиэ өйдөммөтө. Манна эбии Дыгын быйылгы кыттыылааҕа Тимофей Большаков эмиэ оннук сүүрэр дорожкаҕа быһыыламмыта эмиэ болҕомтоҕо ылыллыбата.

    Тугу этиэхпин баҕарабын.
    Чемпион диэн Үрдүк Аат туохха эрэ эбээһинэстиир буолуохтаах.
    Сиэр майгы өртүнэн холобур буолуохтаах диэнинэн салайтаран, итинник түгэннэргэ, кини Чемпион диэн куоттара сатааһын суох буоларын ситиһэ сатыаҕын.
    Өссө Андаҕар этэн баран, онтун умнубут Чемпиону, кини итинник сиэри таһынан быраабыланы кэһиэхтээҕин курдук куоттара сатааһын төрүкү суох буолуохтаах.

    Спортсменнар сиэр майгы өртүлэригэр болҕомто ууруллара ирдэниллэр буолуон наада.
    Күрэхтэһии кэнниттэн кыайбыт хоппут спортсменын, кыайыытын сууйан-тараан дьон ортотугар итирик сылдьара олох суох буоларын ситиһэ сатыаҕын.

    Спортсмен диэн сырдык үтүө аатыгар күлүк түһэрээччилэргэ спорт салалтата болҕомто уурара ирдэниллэр.
    .

    1
  • ылдьыыс
    29 октября 2021
     

    Аан дойдуга спорт сайдыытын Олимпийскай Оонньуулар программалара тутан олорор.
    Онно киирбит көрүҥнэр быраабылаларыттан саҕалаан, Олимпиадаҕа бу көрүҥнэргэ туох, хайдах буолуохтааҕа барыта сурулла сылдьар.
    Уларыйыы эрэ киирэрин быдан эрдэттэн мунньахтаан быһаараллар.
    Онтон биһиэхэ сырыы аайы саҥаттан саҥа балаһыанньа.
    Быйыл өссө эһиил буолуохтаах Спортивнай Оонньуулар балаһыанньалара күһүн билиннэ.
    Урут олох да саҥа дьыл иннинэ биирдэ биллэр этэ.
    Уонна буолуор дылы уларыйар буолара.
    Биирдэ олорон, ыбылы сүбэлэһэн, ырытан, оҥорон баран, мээнэ ким эрэ баҕатынан уларытан испэт курдук биир Балаһыанньаны оҥорор киһи дии.

    Дьэ холобура буолуохтаах Спортивнай Оонньуулартан баскетбол диэн маассабай спорт көрүҥэ сотуллубут.
    Ол оннугар стритбол киирбит.
    Баскетболтан, стритбол биир уратыта. Кыттааччыта аҕыйах.
    Уларытыы сүрүн сыала ол буолуон сөп.
    Баскетболунан дьарыктанааччы ахсаанын аччатабыт.
    Ол оннугар ГТО многоборьета диэн киирбит.
    ГТО диэн киһи эт хаан өртүнэн сайдыытын тургутан көрөр норматив бо.
    Ону спорт көрүҥэ оҥоро сатааһын олох өйдөммөт.
    Атын спорт маассабай көрүҥүн сарбыйан туран.
    Биһиги көлүөнэ дьон баскетбол оонньоон, эт хаан өртүнэн сайдыбыппыт.
    Төһө да улуу баскетболист буолбатарбыт, оҕо дьон эт хаан өртүнэн сайдалларыгар туох да бэртээхэй көрүҥ.

    1
  • ылдьыыс
    31 октября 2021
     

    Спорт эйгэтигэр, сорох спорт маассабай көрүҥнэригэр дьэ биир маннык баар.
    3-2, 2-1 диэн сыыппаралар.
    3 эр киһи, 2 дьахтар. Эбэтэр 2 эр киһи, 1 дьахтар.
    Дуобат, саахымат, остуол тенниһигэр дьэ көрбүт аҕай сыыппараларбыт.
    Өссө билигин республика чемпионатыгар дуобатка 64 харахтаах дуобатка 2-1. 100 харахтаахха 1-1. Дьэ эмиэ баарын билэбит. Бүтүн улуустан оччолуу эрэ.
    Алдьархайдаах бу көрүҥнэри сатарытар сыыппаралар.
    Кыттар дьон наар кытталлар. Туох эрэ биричиинэнэн күрэхтэспэт эрэ буоллаҕына атын киһи көрдүү ыстаныы. Улуус , нэһилиэк күрэхтэһиитигэр биир оннук.
    Дуобатчыттарга биирдэ арай республика чемпионатыгар Мэҥэттэн Марина Говорова, Тааттаттан Зоя Саввина оонньуу олороллоругар түбэһэн ыйытабын. "Хас сыл буолла, маннык утары олорбуккут". Күлэн кэбиһэллэр.
    "Бээрэ. Билигин республика чемпионатыгар дьахталлары ыйааһыннарынан арааран мас тардыһыннараллар, гиря астараллар, туһуннараллар. Хаһааҥҥа дылы эһиэхэ эрэ биирдии, иккилии эрэ кыттааччы. Эр дьоннорго биир оннук. Тоҕо уларыйыы киирбэтий диэн" салайар дьонтон ыйытан көрбүтүм. Дьыллар, хонуктар ааһан иһэллэр да. Күн бүгүн туох эрэ уларыйыы киирбитэ көстүбэт да, иһиллибэт да.
    Арай фанаттар дьону түмэн улуустарынан отуччалыы, алта уончаҕа тиийэ дуоскаҕа утары олорон оонньууллара иһиллэр.
    Онтон республика тоҕо оннук тэрийбэтэ буолла.
    Дьон тэрийэ сатыырын иилэн хабан, күүстээхтик тэрийбэтий.

    Остуол тенниһигэр биир эмиэ оннук хартыына.

    Аны биир дьиктитэ.
    Маска, хапсаҕайга, ыстаныыларга ветераннар диэн Манчаары Спартакиадатыгар тиийэ бааллар.
    Онтон саамай элбэх ветеран дьарыктанар көрүҥнэригэр дуобатка, саахыматка, остуол тенниһигэр тоҕо суоҕуй.
    Туруорсубаттар дуу.
    Суолта биэрбэттэр дуу.
    Ким эрэ ылыммат дуу.

    1
    • ext_phone_qD9jNLwefh
      balyksyt
      Вадим
      17 ноября 2021
       

      ылдьыыс, Мэҥэ-Хаҥаластан диир оруннаах. Тоҕо диэтэр, 1930 сыллаахха өр кэмнээх мөккүөрдэри ааһан икки улууһу күүстэринэн кэриэтэ холбообуттара: Илин-Хаҥалас уонна Мэҥэ диэннэри. Тоҕо оннук дьаһайбыттарын историяны үөрэттэххэ сэрэйиэххэ эрэ сөп. Улууска Хаҥыл Хаҥаластан хааннаахтар эмиэ баарбытын умнумаҥ.

      0
  • ылдьыыс
    1 ноября 2021
     

    Аммаҕа буолбут Спортивнай оонньуулар кэннилэриттэн, Бороҕоҥҥо буолар Спортивнай Оонньуулар аны Спартакиада дэнэр диэн баара.
    Урут уруккаттан ыытыллан кэлбит Спартакиаданы салҕаан. Аатын төнүннэрэн.
    Ол гынан быйыл күһүн Спортивнай Оонньуу диэн буолла.
    1996 сыллаахха Спортивнай Оонньуу дэнэн, кырдьык ааспыт история сотулла быһыытыйбыта.
    Сөптөөх быһаарыы буолбут дии санаабытым.

    1
  • ылдьыыс
    1 ноября 2021
     

    Аммаҕа бара сылдьан биири бэлиэти көрбүттэхпин.
    Аммаҕы тутуллубут стадионнар тустарынан стенда баарын көрөн соһуйбуттааҕым.
    Сэрии кэнниттэн Илин Эҥэр оройуоннар хаһыс эрэ Спартакиадаларыгар анаан биир сыл стадион саҥардыллыбыт эбит.
    Илин Эҥэр улуустар билигин да түмсэн анал күрэхтэһии ыыталлар.
    Ол гынан ким ханна үлэлииринэн түмсэн.

    Дьиҥинэн олох үчүгэй идея.
    Спортивнай база бөҕө тутулунна.
    Бороҕоҥҥо уонна Ытык Күөлгэ тутуллуо турдахтара.
    Улахан түһүлгэлэрбит икки ардыларыгар түмсэн күрэхтэһэр киһи.
    Спортивнай базаларбыт туһаныллыа этилэр.
    Дьарыктанар дьоҥҥо улахан стимул буолуо этэ.
    Дьон норуот сэргэхсийиэ этэ.
    Пандемияны хаһан эрэ кыайа тутар инибит диэн эрэнэн.
    Нус хас олох кэллэҕинэ, тэрийэр киһи дии.

    1
  • ылдьыыс
    2 ноября 2021
     

    Эһиилги ыытыллыахтаах Спортивнай Оонньуу балаһыанньатыгар туох да бэртээхэйдик, сырыы аайы маннык диэн баар.
    Спортивнай Оонньуулар 3 этабынан бараллар
    1 этап - нэһилиэктэринэн, улуустарынан
    2 этап - республика чемпионаттара, сүүмэрдиир күрэхтэһиилэр.
    3 этап - финал Бороҕон.

    Маннык сурукка киллэрэр буоллахха, финалыгар эрэ суолта биэрбэккэ.
    Саамай элбэх киһи кыттарынан бастакы уонна иккис этапка улахан болҕомто ууруллуон сөп этэ.
    Спортивнай Оонньуу суолтатын үрдэтэн
    Туох эрэ өйдөбүнньүк атрибутика оҥорон бастакы этапка күрэхтэһии тэрийтэрэн.

    Уонна биир манныгы этээри.
    Урут да суруйа сылдьыллыбыта.
    Спортивнай Оонньуу Саамай элбэх кыттааччылаах күрэхтэһиилэрин ыытар Дьокуускай куорат, Спортивнай Оонньуулар уопсай тэрээһиннэригэр олох сыһыарыллыбат курдук.

    Финальнай чааһыгар спортивнай тутуу бөҕө тутуллар буоллаҕына.
    Дьокуускайга оннук сыаллаах туох да тутуллубутун истибэппин.
    Дьокуускай оннук элбэх спортивнай объега суох.
    Нэһилиэнньэ ахсаанынан суоттуур буоллахха олох аҕыйах.
    Баар улахан объектар бары кииҥҥэ.
    Хатас курдук улахан бөһүөлэк спортивнай зала суох олорор.
    Дьиҥинэн Бэс Күөл курдук, верховай кэлэн спортзалларын былдьаан барбыта да. Тоҕо эрэ атын сирдэр курдук саба түһэн тутулла охсубатаҕа.
    Манчаары Спартакиадатын, Спортивнай Оонньуулар тэрээһиннэригэр Дьокуускай киирэрэ буоллар тутуулар сыллата олоххо киирэн иһиэ эбиттэрэ буолуо дуу. Көрүҥнэринэн Кииннэр арай тутуллан истиннэр.
    Хатас баччааҥҥа дылы спортивнай зала суох олорор.

    1
  • ылдьыыс
    5 ноября 2021
     

    Саамай элбэх үптээх, детсад оҕотуттан саҕалаан, университеткэ дылы хабар бэртээхэй тэрээһиҥҥэ олох суолта биэрбэппит.
    Ол Физкультура уруога.
    Физкультура уруога Спорт уонна Үөрэх Министерствотын икки ардыгар кыбыллыбыт боппуруос.
    Баҕар ол иһин буолуо, көрүллэр үп көдьүүһэ үрдүүрүгэр ким да кыһаллыбат диэххэ сөп.
    Ис хоһоонугар да.
    Уруок барыытыгар да.
    Ханнык да оскуола программатыгар киирбит үөрэх араас салаатыгар хас да кылааһы биир кылааска симэн үөрэтии диэн суох.
    Арай физкультураҕа дьэ ол баар ааҕай.
    Оннук буолуохтааҕын курдук.
    Физкультура уруога оннук суолтата түһэн турар.
    Ханнык да спортивнай секцияҕа сылдьыбатах оҕо, аҥардас физкультура уруогар үөрэммит оҕо оскуоланы бүтэрэригэр эт хаан өртүнэн сайдыытынан да, ханнык эрэ спорт көрүҥэр ылбыт навыктарынан да олох физкультура ис өйдөбүлүттэн тэйиччи буолар. Өссө зачет туттарбакка абааһы да көрүөн сөп.

    1
  • ылдьыыс
    5 ноября 2021
     

    Биллэн туран спортивнай база диэххит. Ол иһин.

    Дьэ арай дьиҥнээхтик оҕо доруобуйатын физкультуранан сайыннарабыт диэн сыал сорук туруорабыт диир буоллахха.

    Арай ханнык баҕарар үөрэх кыһатыгар физкультураҕа көрүллэр үбү түмэн туох эрэ анал тэрилтэ тэрийиэххэ.

    Билигин олох сайдыытынан оҕо дьон эт хаан өртүнэн сайдыыларыгар улахан проблема үөскээри гынна диэн ыксаллаах санаанан салайтаран физкультура уруогун суолтатын үрдэтэн, сыалын соругун чуолкайдаан, оҕо булгуччу дьарыктаныахтаах диэн кытаанах соругу ол тэрилтэҕэ сүктэрэн. Оҕо дьарыктанарыгар анал усулуобуйа тэрийиитигэр үлэлиирин курдук. анал тренажердарынан, биирдии оскуолананан, хайдах ону тэрийиэххэ сөбүй диэн. Туох онно наада буолар эбитий диэн анал программа оҥоттуохха.

    Биир холобур аҕалыахха.
    Оскуолаҕа оҕо физкультураҕа сылдьар уонна спортивнай секцияҕа, анал тренердэргэ дьарыктанар.
    Ол эбэтэр оҕону дьарыктыыр диэн, күҥҥэ икки киһиэхэ хамнас төлүүбүт, иккитэ күҥҥэ спортивнай зал биэрэбит.
    Спортивнай зал дефицит диир кэмнэригэр.
    Ааспыт үйэ 90-с сылларыгар оскуолаҕа завучтуу сылдьан маннык уларытыы киллэрэн турабын.
    Физкультура уруогун, уруок курдук ыыппакка секция курдук ыытыы олохтоммута.
    11 анал физкультура үөрэхтээх учуутал уонна тренер баара.
    Хас биирдиилэригэр оҕо сыһыарыллыбыта. Кимиэхэ төһө чаас көрүллүбүтүнэн.
    Баар спортзаллары туһанан, расписание оҥоһуллубута.
    Биир оҕо, биир үлэһит диэнинэн салайтаран.
    Оскуола икки сменанан үлэлиирэ.
    Оскуола уонна нэһилиэк спортзаллара сарсыарда 8 чаастан киэһээ 19 чааска дылы оҕо саҥатынан туолбуттара.
    Справка ылан куотуу төрүкү суох буолбута.
    Саамай кырата оҕо нэдиэлэҕэ иккитэ, балтараалыы чаастаах дьарыккка сылдьара ситиһиллибитэ.
    Туох да эбии үбүнэн буолбакка, баары сааһылааһын түмүгэр.
    Баҕаран туран сылдьаллара.
    Дьиэлэригэр тиийэн таҥнан, аһаан, өй санаа өртүнэн бэлэмнээх оҕолор дьарыкка бардым диэн спортзалга кэлэр буолбуттара.

    Билигин да, ордук дэриэбинэлэргэ, баары сааһылаатахха оннук тахсыан сөп.

    Оччотооҕуга оскуола директорыттан саҕалаан, оройуон үөрэҕириитин салайар дьоҥҥо, үлэ түмүгэ буолбакка, атына баһыйа тутан саҕаламмыт үтүө дьыала тохтотуллубута. Оскуолаттан анал үөрэҕин суох эбит диэн уураппыттара.

    Ааспыт олохпор нэһилиэгим ыччаттарыгар эт хаан өртүнэн сайдыыларыгар оҥорбут үтүө дьыалам оннук тохтообута. Оннук салҕанан барбыта буоллар олох атын ыччаттары иитэн таһаарарбыт хаалбыта.
    Физкультура учууталларыгар да, тренердэригэр да ээл дээл сыһыаннаһааччы, улаханнык тириппэккэ хамнас ыла олоруох баҕалаах урут да билигин да бааллар.
    Оннук үлэһиттэри өрө тутан олоробут.
    Үлэлиир баҕалаах, уруога да интэриэһинэй, уруок да тас өртүгэр үлэлии сатыыр, дьиҥнээх физкультура учууталлара сир дойду аайы бааллар.
    Олорго тирэҕирэн физкультура уруоктарын саҥа таһымҥа таһаарар кэмэ кэллэ оҥоробун.

    1
    • Diylyskan67
      Diylyskan67
      Дьулусхан
      6 ноября 2021
       

      ылдьыыс, физкультура уруоктарын саҥа таһымҥа таһаарыыга бэйэҥ уоппуккуттан кэпсээбиккин сэргээтим. Уруок курдук буолбакка секция гынан ыытары боруобалыахха баара.

      1
  • ылдьыыс
    5 ноября 2021
     

    Республика нэһилиэктэригэр дьаһалта Баһылыктарынан физкультурниктар үлэлииллэр.
    Кинилэр хамсааһын таһаарыахтарын сөп.

    1
  • ылдьыыс
    6 ноября 2021
     

    Оскуоланы бүтэрэр оҕону ханнык эрэ мээчиктээх спорт көрүҥэр сыстаҕас гына ииттэххэ, бу оҕо олоҕун тухары ол сатыыр көрүҥүнэн туһанан дьарыктанарыгар чэпчэки буолар

    1
  • ылдьыыс
    9 ноября 2021
     

    Спортпут буоппуруоһа аныгы үйэҕэ хайдаҕый диэн боппуруоска биир маннык тэҥнэбил баар.
    Культура уонна спорт.
    Тыа сиригэр олорор киһи сиэринэн культура уонна спорт аныгы үйэҕэ хайдахтарый диэн тэҥнээн көрөбүн.
    Били этэр сэбиэтскэй былаастарын да кэмигэр культура олох инники сылдьара.
    Бөһүөлэк аайы кулуубтар бааллара.
    Ол кулуубтарга ханна эрэ штанга турара, остуол тенниһэ, ханна эрэ дуобаттыыллара.
    Хас да нэһилиэги хабар совхозтарга биирдии спортинструктор диэн көрүллэрэ.
    Оскуолалар спортивнай залларыгар, баҕалаах дьон улахан күрэхтэһии иннинэ түмсэллэрэ.

    Онтон билигин.
    Нэһилиэктэргэ спортивнай заллар тутулуннулар.
    Ол спортзалларга кыра хамнастаах үлэһиттэр баар буоллулар.
    Син хамсааһын баар диэххэ сөп.
    Дьэ ол гынан, ол кэмҥэ культуралар.
    Бэйэм бөһүөлэкпэр юрлицо буоллулар. Бухгалтерия. Үлэһит кырыы кырыытынан. Аудио, видео аппаратура толоруу.
    Үлэ да оннук.
    Бөһүөлэк актыыбынай араҥатын барытын хабар араас түмсүүлэр элбэхтэр.
    Быйыл өссө ол түмсүүлэр тус туспа дьиэлэннилэр.
    Үлэ күөстүү оргуйар.
    Кулуубка сылдьан баран, спортзалга кэллэххэ.
    Дьадаҥыбыт тута харахха быраҕыллар.

    Дьэ манна тугу гыныахха.
    Ааспыт үйэҕэ Төҥүлүгэ саҥа тутуллубут спортзалга базаланан Эрчим физкультурнай чэбдигирдэр кооператив үлэлэтэ сылдьыбытым. Баҕар санаабар үлэлээн көрдөрдөхпүтүнэ, баҕар туох эрэ үбүлээһин көстүө дуу диэн. Дьэ ол өртө кыаллыбатаҕа.
    Билигин нэһилиэк баһылыктарынан спортивнай үөрэхтээх уолаттар үлэлииллэр. Баҕар кинилэр тэрийиэхтэрэ дуу. Нэһилиэктэригэр нэһилиэк спортивнай кулууба дэнэрэ дуу. Сокуонунан туох табылларынан, туспа юртэрилтэ тэрийэн үлэлэтэллэрин күүтэбин.
    Ити үлүгэрдээх спортивнай базалаах олорон, аныгылыы тугу эрэ толкуйдаан

    1
  • ылдьыыс
    9 ноября 2021
     

    Өссө биир маннык, үбүлээһин өртүгэр, туох сыал сорук иннибитигэр турарый диэҥҥэ.

    Дьэ табаҕы ылыахха.
    Төһө эмэ аһары тардар буортулааҕын билэ билэ, дьон табах ылан тардаллар.
    Табаҕа суох сатаммат буоллаубут диэн
    Сыанатыгар таһаарыахха.
    Дьэ холобура.
    Төҥүлүгэ быһа холуйан 2500 киһи олорор.
    Онтон чэ 500 киһи табах тардар буоллун.
    Күҥҥэ 100 солкуобайы табахха биэрэллэр диэххэ.
    Ол эбэтэр күҥҥэ 50 000 солкуобайы олохтоохтор табахха барыыллар.
    Ыйга 1 500 000 солкуобай табахха барар
    Сылга 18 250 000 солкуобайы табахха кутабыт.
    Бу биир нэһилиэккэ.
    Саамай кырата.
    Тоҕото эмиэ өйдөнөр.Табаҕа суох сатаммаппыт диэн.

    Биһиги физкультураны уонна спорту, эмиэ физкультурата уонна спорта суох сатаммаппыт дэтэр үлэни тэрийиэхтээхпит.
    Онно сөптөөх араас оборудование, тренажердар, үлэһиттэр.
    Дьоҥҥо харчы баар.
    Сөптөөх, аныгылыы үлэ тэрийии наада.

    1
  • ылдьыыс
    13 ноября 2021
     

    Сыл түмүгүнэн улахан дуоһунастаах дьоннорбут сыллааҕы декларациялара дьон дьүүлүгэр тахсар.
    Төһө дохуоттаммыттара, баайдара барыта.

    Онтон сыллааҕы Спорт бюджета оннук тоҕо тахсыбатый.
    2022 сылга 3 миллиард диэн былааҥҥа баарын көрдүм. Алҕаһаабатах буоллахпына.
    Дьэ ол миллиард хайдах, туохтан үөскээтэ.
    Туохха, ханныкка төһө көрүлүннэ.

    Ааспыт сылбыт түмүгэ хайдаҕый.
    Республика иһигэр туох да ыытыллыбат буолан, выезд элбээтэ дуу.
    Биирдэ эмит кылап гынан көрдөрүө эбиттэр.

    Спортивнай обьектарга төлөбүрдээх өҥө элбэх.
    Биирдии обьектарынан төһө киирдэ.
    Ол харчы ханна ороскуоттанна.

    Бюджет харчыта арылхай буолуон сөп этэ.
    Оннооҕор чааһынай киһи үбэ харчыта арылхай буоллаҕына

    1
  • ылдьыыс
    21 ноября 2021
     

    Аныгы үйэҕэ Аан дойду улахан күрэхтэһиилэрин, хас да сиринэн, дойдунан ыытар буоллулар дии.
    Онтон биһиги эмиэ оннук тоҕо ыыппаппыт буолла.
    Боруобалыахха бо
    Летние Спортивные Игры народов Якутии диэн ааттаах күрэхтэһиигэ республика иһигэр сайдыыны ылбыт бары көрүҥнэри хабыахха бо.
    Барыларын Бороҕоҥҥо муспакка.
    Бу иннинэ ыытыллыбыт сирдэргэ, тутуллубут спортивнай объектары туһанан, Биирдии көрүҥнэринэн дьону түмэн ыытыахха сөп буолуо дии.
    Мас рестлинг ханна эрэ
    Хапсаҕай ханна эрэ.
    Атах оонньуутун ханна эрэ.
    ...........................................
    Бороҕоҥҥо киирбит көрүҥнэртэн атыттары.
    Хайдах да гыммытын иһин Бороҕон бары баҕалаахтары түмэр кыаҕа суох.
    Онтон сылтаан быһар- отор сайдыыны харгыыстыырын туоратан.
    Түөрт сыллаах үлэни түмүктүүр курдук.
    Хайдах туох сайдан иһэрбитин көрөр курдук.

    0
  • ылдьыыс
    22 ноября 2021
     

    Бу күннэргэ Сахабыт Чулуу уола Арсен Томскай футбол оонньуутун сайыннарарга көмөлөһөрүн туһунан баҕа санаатын иһитиннэрбитигэр дьэ ырытыы бөҕө буолла.
    Ээ. Онно харчы угуо этэ, ону туттарыа этэ, суол оҥотторуо этэ...........Быһатын эттэххэ наадата суохха харчытын барыыр диэбит курдук.
    Бэйэм тус санаабар, Өйдөөх уол, өйдөөхтүк толкуйдаабыт диэн олох өйүүбүн.
    Билигин киһи аймахха саамай кутталлааҕа, оҕо-уруу хамсаабат буолуута. Компьютер, телефон оннук маннык үйэтигэр оҕо эрэ буолуо дуо, бары да аһары ылларан эрэбит. Хамсаныы аччаата. Ол чуолкай. Онтон ол аччаата да, доруобуйаҕа охсоро чуолкай буоллаҕа.
    Аныгылыы толкуйдаах Компьютерщик , Аан дойдуну тилэйэ сүүрбүт киһи, киһи аймахха туох наадатын өйдөөтөҕө.

    0
  • ылдьыыс
    6 декабря 2021
     

    image

    Быйылгы сыл Чулууларын ортотугар Егор Филиппов баарыттан соһуйдум.
    Манчаары Спартакиадатыгар Спортсменнар ааттарыттан Андаҕар биэрэн баран Саха Сирэ бүтүннүү көрөн олордоҕуна куруубайдык быраабыланы кэһиитэ болҕомтоҕо ылыллыбатаҕа сөхтөрдө.
    Ол аата тугуй.
    Андаҕар этии таах мээнэҕэ дуо?
    Таах суолтатыгар эрэ дуо?
    Чулуу диэн Чулуу буолуохтаах бо.
    Биллэн туран улахан спортсмен түмүк оҥостубата буолуо.
    Дьэ ол гыннар быйылгы сыл Чулуута буолбатах.
    Ол чуолкай.

    0
  • ылдьыыс
    6 декабря 2021
     

    оҥостубута буолуо диэн көннөрөн ааҕаргытыгар көрдөһөбүн

    0
  • ылдьыыс
    7 декабря 2021
     

    Урожай общество эстэн баран тиллиитигэр Тыа Хаһаайыстыбатын оччотооҕу Министрэ Айал Иванович Степанов уонна Спорт Министрэ договор түһэрсэн Урожай обществобыт тиллибитэ.
    Ол эбэтэр Тыа Хаһаайыстыбатын Министерствотыгар спортка харчы көрүллэр эбит буоллаҕа.
    Билигин баар дуо, ол харчы?
    Баар ини дии.
    Ханна ороскуоттанарый?

    0
  • ылдьыыс
    9 декабря 2021
     

    Ньурбаҕа аныгыскы Спортивнай Оонньуу буолар диэн буолла.
    Ньурбаҕа тутуулар ыытыллар буолбуттар.
    Тоҕо итинник саныыгын диир буоллаххытына.
    Ханнык баҕарар спортивнай күрэхтэһии, кыра буоллун, улахан буоллун ыытыллар, өскөтүн ол күрэхтэһии илии баттаммыт балаһыанньалаах буоллаҕына.
    Өйдөнөр дии.

    Онтон, бэйэбит Олимпиадабыт оннук буолбатах.
    Балаһыанньа суох, ол үрдүнэн ханна ыытыллара билиннэ.
    Балаһыанньа суруйарга туох уустук баарын сатаан өйдөөбөппүн.
    Спортивнай Оонньуу балаһыанньата диэн, биэс сылга балаһыанньаҕа киирбит көрүҥнэр сайдыыларын программата буоллаҕа дии.
    Биэс сылы быһа үлэ ыытыллан, ол түмүгүн Ньурбаҕа көрүө этибит бо.

    Олимпийскай хамсааһынтан холобур ылыахха бо.
    Парижка туох хайдах буолуохтааҕа барыта биллэр дии.

    0
  • ылдьыыс
    11 декабря 2021
     

    Биири кэпсиэххэ дуу.

    Дьэ арай Күүстээх Дэһээккин бирииһигэр сахалыы биэс көрүҥҥэ күрэхтэһии ыытаары гынныбыт.
    Икки ыйааһыҥҥа.
    Күүстээх Дэһээккин сиэннэрэ ыарахан ыйааһыҥҥа дьоһун бириис, минитрактор бириис туруордулар.
    Кыра да ыйааһыҥҥа бириис кырата суох.
    Бары ааттаахтар бары кэлэр буоллулар.
    Биллэн туран эрдэ күрэхтэһии туһунан улуустааҕы Ис Дьыала салаттатыгар тиэртибит.
    Арай буолар күнэ чугаһаабытыгар, илдьит кэллэ.
    Оччотооҕуга Ис дьыала Министерствотын Салайааччыта Виктор Кошелев.
    Киниэхэ буолаары турар күрэхтэһии туһунан иһиттэрбиттэр
    Ону Министр "Бара сылдьыам" диэн эппитин иһитиннэрдилэр.
    Салайааччылар кэлэр буоллахтарына, эрдэлээтэхтэринэ эбиэт кэнниттэн тутатына буолара.
    Хайдах эрэ оннук буолуо диэн санаалаах, өрөбүл сарсыарда күрэхтэһии буолуо чаас аҥаарын иннинэ спортзалга таҕыстым. Суббота киэһээ барыта бэлэмнэммит буолан, холкутук.
    Спортзалга тиийэн, ону маны бэлэмнэнэн, күрэхтэһии ыытарга оҥосто олордохпуна "Министр кэллээ" диэн ыксаабыт үлэһит саҥата иһилиннэ. "Бай" диэн соһуйуу буолла. Утары баран көрсөн, анал сиргэ олоттубут, күрэхтэһиибит буолуохтаах бириэмэтэ кэлбитигэр, саҕалаабытынан бардыбыт. Күнү быһа олорон көрдө. Дьону кытта кэпсэттэ. Спортка сыстаҕас буолан сэргэх бөҕө.
    Ол кэннэ Министерство бирииһигэр хапсаҕай абытайдаах турнира үөскээн тахсыбыта.

    Дьэ тоҕо маны кэпсээтин диэтэххэ.
    Кэлиҥҥи бириэмэҕэ, спортпут кыра улахан Тойотторо аһары буолуох курдук буоллулар.
    Ыллын да кабинетка көтөн түспэккин.
    Сорохторбут өссө, "эрдэ суруттарбыта дуо" диэн соһуталлар.
    Күрэхтэһиигэ олох финал чугаһыгар кэлэллэр.
    Остуолга сурук ууруллар буолла. Бу остуолга олорор киһи аата уонна дуоһунаһа.
    Наҕараадалааһыҥҥа эрэ кэлээччилэр бааллар өссө.
    Наҕараада туттараат, хаартыскаҕа түһээт сус гынан хаалаллар.
    Сороҕор финалга дылы, улуустартан судьуйалыы кэлбиттэр эрэ баар буолааччылар.
    Аһары дьонтон тиэйии буолаары гынна.
    Холобура Модуҥҥа, Модун буолуоҕуттан ону бэлиэтии көрөбүн.
    Тустаах үлэлэрэ бо.
    Өскөтүн ол күн куоракка баар буоллаххына, күрэхтэһиини көрүөхтээх, кэлбит дьону кытта кэпсэтиэхтээх буоллаҕын дии. Көрүҥ сайдыытын туһунан дьон быыһыгар олорон сэлэһэн. Били этэргэ дылы ""Без галстука" форматынан аһаҕастык. Хамнастаах үлэн бо.
    Биһиги буоллаҕына олох, охрана эрэ суох диэбит курдук буолааччы. Үлэһиттэрэ иннигэр кэннигэр сүүрэкэлээтэхтэринэ ол да баар курдук буолааччы.

    Дьэ холобура бэҕэһээ, "Мадьынылар ыллыыллар" диэн бэртээхэй концерткэ, кыс гына кылгастык са5аланыытыгар Министр сылдьаат, элэс гынан хааллыбыт.
    Биллэн туран Министр үлэтэ киэҥ. Ол кэмҥэ ханна эрэ сылдьыахтааҕа буолуо. Баалаамыахха.
    Эрдэ былааннаан арай толору концеры көрбүт буоллун.
    Бу ыйга буолаары турар Сыл Чулууларын быһаарар киэһэҕэ, спортсменнар да музыкальнай эҕэрдэ биэриэхтэрин сөп эбит ээ диэн санаа киириэ эбитэ буолуо дуу.
    Ыллыыллар дии, Россия да, Саха Сирэ телевидениеларыгар конкурска араас үлэлээхтэр.
    Бэҕэһээҥҥи киэһээ кыттыылаахтарын саастылаахтара.
    Чемпионнар баалларыгар чемпионнар эрэ ыллаатыннар.
    Араас спорт көрүҥэр араас талааннаахтар бааллар бөҕө буоллаҕа.
    Онтон быһа тардыыны бэҕэһээ киэһээ көрдөхпүт.
    Биир көрүҥ сорох талааннаахтарын.
    Урут да ыллыылларын истибит да буолларбыт.
    Олох бэртээхэй толоруулар

    Күрэхтэһиини толору көрөллөрө буоллар, кэлбит дьон санаатын толору истэллэрэ буоллар.
    Спорт сайдыытын тэтимэ түргэтиэ этэ.
    Маннык суруйуулар суох буолуо этилэр.
    Биһиги да дьону кытта кэпсэппит, онтон үөскээбит санааларбытын суруйбуппут уонна суруйабыт да.

    0
  • ылдьыыс
    16 декабря 2021
     

    Спортивнай Оонньуу
    Дети Азии
    Мас рестлинг
    Быйылгы сыл соруктара диэн өйдүөххэ сөп дуу.
    Бу спорт хайысхатыгар этилиннэ.

    Спорт уонна физкультура диэҥҥэ.
    Физкультурабыт билиҥҥи кэмҥэ кылаабынай сорук бо.
    Онтукабытыгар туох да этиллибэтэ.
    Туох да туруорсуу суох бо.
    Оннук гыныахха, маннык гыныахха диэн.

    Спорт Министерствотыгар туох да идея суоҕун туоһута.

    0
Авторизуйтесь, чтобы комментировать
Ваши данные будут надежно защищены и не будут переданы третьим лицам
Обратная связь