Уважаемые пользователи,
теперь, чтобы создать тему или оставить комментарий, необходимо авторизоваться и подтвердить номер телефона.
Это позволит сделать атмосферу на форуме более дружелюбной.
" Санаа" быраас.
Omo5oi_Baai  -    750
Үтүө күнүнэн !

Бу күннэргэ миэхэ араас ыарыһахтар төлөпүөннүүллэр, суруйаллар...Биир биир эппиэттииргэ соло суох, онон батсаабынан эппиэттииргэ быһаарынным.
Инсультаабыт дьоннорго сүбэ- ама көрдөһөллөр.
Балыыһаҕа өр сытыарбакка дьиэлэригэр таһаараллар, ким эрэ көрөр киһи баар буоллаҕына, ыалдьар киһи найыланан, төһө баҕарар уһуннук сытыан сөп. Үчүгэйэ бэрт буоллаҕа -- ким эрэ кэлэн массаастыыр, тугу баҕарарынан аһатар, таҥаһын уларытар, ииктэтэр...
Инбэлиит буоллаҕына харчы төлөнөр, " онон олоруом" дии саныыр...
Бензин, эмт - том, ас - үөл
ыарыы турдахтарына, инбэлиит биэнсийэтэ биир
нэдиэлэ устата аһыыр аска эрэ тиийиэн сөп. Оннук кыра.
Мин элбэх киһини билэбин, инсультаан баран, бэйэлэрин үлэлэринэн буолбакка - сынньана - сынньана атын үлэнэн дьарыктаммыт дьону.
Холобура, Покровскайга быраас идэлээх Гермагенов П.П.аҥаар атаҕын соһо сылдьан, оскуола оҕолорун
туоһунан араас киэргэллэри үөрэтэн, сахалыы тыыннаан, кинигэ суруйан, бэйэтин олоҕун балачча
уһаппыта...👏🏻👏🏻👏🏻
Намҥа олорор учуутал идэлээх - Светлана сибэкки, оҕуруот, виноград, вишня олордуутунан дьарыктанан, уопсастыбабытыгар эмиэ улахан туһаны аҕала, үтүө холобур буола сылдьарын билэҕит.🌹🌹🌹👍🏼
Мэҥэ - Хаҥалас улууһугар олорор "N" инсультаан баран, бэйэтин бэйэтэ дьарыктаан,
үтүөрэн инсульт ыарыы туһунан, элбэх туһалаах сүбэлэрдээх хас да кинигэлэри суруйан, биһигини, быраастары соһуппуттаах.😳👏🏻👏🏻👏🏻
Ити дьоннор билигин инсультаан сытар дьоҥҥо холобур
буолан, үтүөрэргэ эрэл кыымын саҕыахтаахтар.
Сытар киһи быччыҥнара түргэнник куураллар - хаталлар (атрофия), ол иһин хамсыыр быччыҥнаргын дьарыктыы сытыахтааххын, "үтүктэн" диэх курдук үлэлээбэт быччыҥнарын үлэлээн кэлиэхтэрин сөп. Күн аайы тугу оҥоруохтааххын, оҥорбуккун суруйан иһэр ордук, хаанын баттааһынын, сүрэҕин тэбиитин учуоттаан, араас хамсаныылары доруобай илиигинэн, атаххынан
оҥоруохха сөп.
Ким оҕолорун, кэргэнин аһынар, таптыыр, ол түргэнник үтүөрүөн сөп. Онон таах сытымаҥ, хайдах сатыыргынан хамсаныҥ,
хамсаныҥ!
Атахтарын тоһутан баран сытар дьоҥҥо эмиэ итинник курдук сүбэлиибин.
Бэйэн олус кыһаллар буоллаххына -- мэйии нейроннара, уҥуох эттиктэрэ хамсаныыга хаан эргиирэ тупсан, түргэнник оннуларыгар түһүөхтэрин сөп.
Кургааҥҥа олорбут Илизаров диэн быраас тыа сиригэр үлэлии тиийэн баран, төрүүр ынахтар ойоҕос уҥуохтара уһуурун өйдөөн көрбүт... Устунан тостубут атахтары төһө баҕарар уһатар, токуруйан хаалбыт систэри көннөрөр аппарааттары айан, Аан дойдуга аатырбыта. Москва учуонайдара ынаҕы чугастан көрбөтөхтөр. 😀
Онон тостубут уҥуохтары бэйэ - бэйэлэригэр гиипсэнэн дуу, чаттаан дуу, аппараатынан дуу чугаһатан биэрдэххэ уҥуохтар бэйэлэрэ үүнэн, уһаан холбоһоллор. Биллэн туран, ньиэрбэлэрэ кыбыллыбыт, ыга баттанар буоллахтарына ыалдьар, иһэр...
Ону морскуой туустаах ууга атаҕы уган, эбэтэр кэмпириэс оҥостон, иһиини тартарыахха сөп.
Билигин хамсык айдаана эрэ бара турар буолан, "быраастар атын ыарыыга кыһаллыбат буоллулар" диэн хомуруйуу, үҥсүү бөҕө бара турар кэмэ. Биир балыыһа хамсык ыарыыга ананна да оннук буоларыгар тиийэр буоллаҕа. 😞
Салайар былааспыт Аан дойду таһымыгар ыытыллар бырааһынньыктары оҥортолуур, онон вирус кэлэ турар... Сөмөлүөттэринэн киһи бөҕө кэлии - барыы...
Вирустар урут да бааллара, кэлин да баар буолуохтара...
Онон иммуннай систиэмэбитин бөҕөрҕөтө сатыахтаахпыт. Ол эмиэ туһунан уһун - киэн тиэмэ.
Доруобуйаҕыт үксүгэр бэйэҕититтэн тутулуктааҕын кытаатан умнумаҥ диэн суруйдум.

" Санаа" быраас.
12.05.2021.
✊🏼✊🏽✊🏾🌹🌹🌹🌍🥰
Ответов 0
Авторизуйтесь, чтобы комментировать
Ваши данные будут надежно защищены и не будут переданы третьим лицам
Обратная связь