Чингу бу сырыыга турунан ахан кэллэ куоракка,арыгы иһиэм суоҕа диэн бэйэтэ бэйэтигэр кытаанах тыллары этиммитэ.
Чингу ис санаатыгар куораттан кэрэ кыыһы булан,ойох оҥостон төрөөбүт аулугар аҕалыахтааҕа.Ол санаатын ситиһээри арыгы испэт.

Чингуу!,Чингуу! диэн хатан куолаһынан дьахтар хаһытыыра иһилиннэ суол нөҥүө өттүттэн.Чингуу ону эрэ көһүппэтэҕэ.Чингуу үлэтин кэннэ автобус тохтобулугар ону-маны санаатыгар сыымайдыы олорбута.

Кэтэспит автобуһа кэллэ да,тоҕо эрэ онно киирбэтэ,Аатынан ыҥырбыт дьахтара суолу туоруу охсон бу иһэр эбит.Арааһа ону кэтэстэҕэ буолуо.Дьахтар көрдө көрбүтүнэн киниэхэ иһэр,Чингу дьахтары көрбөтөх-истибэтэх буолуон баҕарда,хаҥас диэкки хайыһан суолу одуулаабыта буолла.

Дьахтар кэлэн сөрүөстэ түстэ Чингуга,сыта сымара диэн киһи киһиэхэ кэпсээбэт.
Чингу дьахтары икки харыларыттан бобо тутан киэр садьыйда.Мин эйигин билбэппин диэн итэҕэтиилээхтик ,сиргэ тааһы бырахпыттыы быһаччы эттэ.Дьахтар ону эрэ көһүппэтэх буолан уолуйан хаалла.
Чингу мин дии,билбэккин дуо миигин диэтэ.
- Билбэппин.

Аҕыйах түгэн ааһа быһыытыйбытын кэннэ,дьахтар суумкатыттан көрүнэр тааһын таһааран бэйэтин көрүммүтэ буолла баттаҕын көннөрүммэхтээтэ уонна Чингуулуун сэргэстэһэ ыскамыайкаҕа лах гына олорунан кэбистэ.

Табахтааххын дуо?
-баар .
Чингу табаҕын ороору бүгүн өлөрбүт хамнаһын табаҕын кытары бииргэ ороото,ону дьахтар көрбөтөх буолла.
Аны харчыта да баар ээ,табаҕын пачкатыгар сыстан хаалбыт курдуктар,биир биир сыыйыллан кэлэллэр уонна сиэбигэр уктарыгар хачыгыраһан ахан биэрэллэр.Дьахтары соруйан көөчүктүүр курдук.

Балачча олорбохтоотулар,буолары буолбаты кэпсэппитэ буоллулар,дьахтар табаҕын улахан аҥарыгар диэри тардан баран силин сыыйылыннаран таһааран табах уоттаах төбөтүгэр түһэрэн ылла уонна төттөрү таары эргиттэн табаҕын уотун умулларда уонна сиргэ түһэрдэ,ол кэннэ түүпүлэтин төбөтүнэн сиргэ хам баттаата.
Ол кэннэ,"дьэ ноко" диэтэ.
Чингу баччаҕа диэри аат эрэ харата дьахтарга хардара олорбута."Дьэ ноко" диэн саҥаттан дьэ сэргэхсийбит курдук дьахтар диэки хайыста.

Дьэ ноко,ааспыкка сураспыккын буллубут.
-Тугу ол?
Кыраһыабай кыыс диэн тыллааҕыҥ дии,оннук кыыс баар.Баҕарар буоллаххына билигин даҕаны билиһиннэриэхпин сөп,диэтэ дьахтар.
-Ол ханна?

Чэ барыах,миигин батыс диэтэ дьахтар уонна олоҕуттан туран хааммытынан барда.Чингу саараамахтаатар да дьахтары батыһан истэ.Балачча барбахтаан баран биир өтөхсүйэн эрэр,иҥнэри барбыт,сиргэ түннүктэригэр диэри тимирбит хаарбах дьиэҕэ тиийэн кэллилэр.

Дьиэни таһыттан көрөн баран ,испэр ытырыктата санаатым.Эргэ да дьиэ эбит үйэ аҥарыттан ордук саастаах дьиэ диэтэхпинэ улаханнык сыыстарбатах буолуохтаахпын.Барыта былыргы тутуу дьиэ эбит,хаһан да саҥардыллыбатах.Бэйэм мас ууһа буоламмын буолуо,барытын харахтарбынан чинчийэн,үөрэтэн көрөбүн уонна испэр сөҕөбүн эрэ,аҥардас халҕаннара да модьута таҕата тугун бэрдэй.Дьиэҕэ киирэрбитигэр иһирдьэттэн аан хатыырын төлөрүтэр тыас иһилиннэ.Иһирдьэ киирдибит да утары ким да биһигини көрсүбэтэ.Муннубар никсик сыта саба биэрдэ.

Салгыыта