Ыаллар кыыстарын эргэ биэрэллэригэр үчүгэй төрүттээх эр киһини талан ылаллар.

АРХИВка баара буолуо

Дьон бары тус-туһунаннар. Эттэрэ-сииннэрэ уратылааҕын тэҥэ, өйдөрө-санаалара букатын уратылар. Бу уратылара кэлэр көлүөнэлэригэр бэриллэн иһэллэр.
Төрүччү үөрэҕэ диэн киһи төрүттэрин билэрэ ааттанар. Өй-санаа буор кукка, ол аата үөрүйэх буолууга кубулуйдаҕына эрэ кэлэр көлүөнэлэргэ бэриллэр кыахтанар.
Үчүгэй төрүттээх диэн этэ-сиинэ бөҕө уонна буор кута сайдыылаах буоллаҕына ааттанар.

Саҥа ыал буолааччылар төрүччү үөрэҕин туһанан төрөппүттэрин төрүттэрин туһунан билэллэрэ эрэйиллэр. Дьадаҥы диэн өй-санаа, буор кут ыарыыта, үлэни кыайбат буолуута ааттанар.
Дьадаҥыттан дьадаҥы оҕо төрүөн сөп.

Оччоҕо дьон аһылыгын үөрэтиилэрэ аһыччы үөрэҕэ,
дьон олохторун үөрэтиилэрэ олоччу үөрэҕэ,
дьон дууһаларын үөрэтиилэрэ дууһаччы үөрэҕэ ..
муҥура суох тыл оонньуута эрэ, бүтүҥ айыкка.

"Сүрэҕэ суох сүүс сүбэлээх" диэн өс хоһооно баар сахаларга. Мээнэ тылга тииһэн туох эмэ туһалааҕы туһата суохха кубулутуу ааттанар. Тылга тииһии диэн эмиэ баар. Тыл үөрэхтээхтэрэ омук сайдыытыгар туһата суохтарын биллэрэр.
Билигин ырыынак кэмэ. Ким кыахтаах үлэһит сайдан иһэрин биллэрэр. Үчүгэй үлэһит киһи сатабыллах үлэһит диэн ааттанар. Сатабыл диэн сайдыылаах буор куту биллэрэр, хас да көлүөнэлэр усталарыгар сайдар.

Оҕо аймахтар, омук сайдыытын үөскэтэр. Ол иһин оҕо төрүөн инниттэн ханнык хаачыстыбалардаах буоларын төрөппүттэр быһаарыахтара этэ.
- Удьуордааһын диэн киһи этэ-сиинэ кэлэр көлүөнэтигэр бэриллиитэ ааттанар.
- Утумнааһын диэн өй-санаа, буор кут бэриллиитэ ааттанар.
Киһи үс кутуттан буор кут эрэ кэлэр көлүөнэлэргэ бэриллэр. Атын өйө-санаата өллөҕүнэ көтөн ыһыллаллар, үгэс буолбуттара айыы буолан өр кэмҥэ сылдьаллар.

Эдэрдэр оҕо төрөтөөрү, кэлэр көлүөнэлэрин үөскэтээри ыал буолаллар. Ол иһин ыал буолууга төрүччү үөрэҕин туһаныы, ыал буолааччыга ханнык буор кут баарын быһаарыы хайаан да ирдэнэр көрдөбүл буолар.
Төрөппүттэр быһааран оҕолоругар этэн биэрэллэрэ ирдэнэр.