Саха тылын харыстааһын
Хааһах  -    1318
Сайдыы кэмигэр киирэммит сахабыт тылын харыстыыр санаабыт күүһүрдэ.
Ответов 33 Написать ответ
  • 😂
    11 февраля
     

    Дьэ
    ЭН
    харыстыыргар:

    АЙЫЫ уонна АНЬЫЫ диэни
    биир суолталаан
    кэбистэҕиҥ буолуо

    Арааһа
    бэйэҕэр сурунмуткун -
    САМОЗВАНЕЦ

    0
  • Хааһах
    11 февраля
     

    Биһиги атын сайдыылаах омуктары үтүгүннэхпитинэ эрэ сайдыыны ситиһэр кыахтаахпыт. Ол иһин омуктар икки ардыларыгар сыһыаҥҥа бэйэбит миэстэбитин булуннахпытына табыллар.

    0
  • Хааһах
    12 февраля
     

    Омуктар икки ардыларыгар ылар миэстэбититтэн сахабыт тылын хайдах харыстыырбыт быһаарыллан тахсар:
    1. Төрүт баар, туттулла сылдьар тылларбытын букатын уларыппакка эрэ харыстыырбыт эрэйиллэр.
    2. Үөрэх-билии саҥа киирэр тылларын бэйэлэринэн туһаныы.
    3. Үлэ үөскэтэр тылларын сахатыта сатааһын.
    Төрүт тылларбытын уларыппатахпытына саха омук эстиэ, симэлийиэ суоҕа.

    0
  • Apet54
    Apet54
    Анатолий Петров
    13 февраля
     

    Төрөөбүт тыл

    Этэргэ кэрэтин,
    Биһиктээн саҕалаан,
    Эйээрэ туойарын,
    Баҕара арыаллаан.

    Ийэбит куолаһа,
    Сылааһын таптала,
    Сүрэҕин ымыыта,
    Истиҥин иэйиитэ.

    Төрөөбүт тыл анала,
    Алгыһын кэрэтэ,
    Төрүппүт илдьитэ,
    Ылбаҕай ырыата.

    Оһуохай оонньуута,
    Олоҥхом тойуга,
    Сэһэҥҥэ иһиллэ,
    Саҥаҕа этиллэ.

    Үүт сүөгэй сүмэтэ,
    Уус уран номоҕо,
    Оһуора, мандара,
    Уруйа, айхала.

    Олохпор иҥэрэн,
    Хоһуйуом мэлдьитин,
    Кэпсээммэр киллэриэм,
    Үйэбэр уһатыам!

    0
  • Хааһах
    13 февраля
     

    Саха буолуу ийэ, аҕа, эһэ уонна эбэ диэн тыллартан саҕаланар. Төрөппүттэрин араас ол-бу "маа", "па-па" диэччилэр саха буолбатахтар, буккуллубут, нууччатымсыйбыт дьоннор.
    Тыл үөрэхтээхтэрэ ийэ диэн төрүт тылбытын "иньэ" диэн ньаамырҕаан саҥарыыга уларыта сатаан сахаларга ордук улахан куһаҕаны оҥороллор.
    Сайдан иһэр саха омукка тыл үөрэхтээхтэрэ туһата суохтар. Аһара олоҥхо диэки халыйаннар сайдыыттан хаалларан эрэллэр.

    0
  • Күрүлгэн
    13 февраля
     

    Оннук
    Тылбыт эһиннэ да, эстиигэ барабыт.
    Бассаап үөдүйэн ыччат дьэ тылы араастаан ханарытан буоратан эрэллэр
    Баи
    Буо
    бо, сурьярга, утьярга ))))

    0
  • Курултай
    13 февраля
     

    Тыл анала
    Тылтан тылы төрөтөн,
    Этиилэргэ сөрөтөн,
    Саха тыла дьикти баай,
    Сыыһа туттуон быраһаай.

    "Ынырыктаах" диэн тылтан
    Улаханы да эттэр
    Хайгыы талан ылартан
    Туттунабын букатын.

    "Алдьархайдаах" диэн ааттан
    Үчүгэйи да туойдар
    Күнүн аайы туттартан
    Тохтуох курдук буолабын.

    Дьиктилэрдээх көстүүнү
    Омуннура сөгүүнү
    Ынырыкка холоомуох,
    Алдьархайга туттумуох.

    Ынырыктаах улахан
    Аны кыччаан хаалаарай?
    Алдьархайдаах үчүгэй
    Бороҥ өҥү ылаарай?

    Сэрэнэммит саҥарыах
    Мөкү тылы туттумуох,
    Алдьархайы туоратыах
    Ынырыгы бырагыах.


    "Дьиктилээхэй" үһүйээн
    Ынырыгы солбуйдун,
    "Кэрэхсэллээх" кэрэчээн
    Алдьархайы алдьаттын.

    1
  • 💀
    13 февраля
     

    Аар Айыы итэҕэлэ Айыы киһитигэр этэр:

    “Эн биир да күнү көтүппэккэ үҥэн-сүгүрүйэн,
    үтүөнү ыҥыран
    уонна
    куһаҕаны утары охсуһан
    Айыы киһитэ буоларгын умнума."

    0
  • Кырдьаҕас
    13 февраля
     

    *Федот Тумусов:*

    *Төрөөбүт төрүт тыл, сурук- бичик күнүнэн күндү Сахам дьонугар эҕэрдэ!*

    Хатааһыннаах ааны аһарга күлүүс наада.
    Тулалыыр эйгэни билэргэ, үөрэтэргэ, чинчийэргэ, туһанарга, баһылыырга күлүүс наада.
    Ол күлүүһүнэн тыл буолар.
    Генетическэй таһымҥа информационнай эйгэ кодтара ураты бэрээдэктэнэн, ньымаҕа кубулуйан, хас биирдии омукка туспа тыл буолан туһаныллар.
    Айбыт Таҥара бэлэҕин быһыытынан, сахабыт тылыгар- өһүгэр ураты күүс угулла сылдьар.
    Сорох сүҥкэн күүстээх, олоҕу- дьаһаҕы да тосту уларытар кыахтаах тыллары ураты айдарыылаах эрэ дьон билэллэр, туттар кыахтаахтар.
    Хас биирдии саха төрөөбүт тылын төһөнөн баһылыыр да, соччонон күүспүт- уохпут барҕаран иһиэҕэ!
    Өбүгэҥ илдьитин иһит, төрөөбүт тылгын бил, туһан, баһылаа уонна туругур!

    Федот Тумусов. 13.02.2021. Москва к.

    0
  • Хааһах
    14 февраля
     

    Саха тыла иччилээх. Ол аата хас биирдии тылбытыгар өй-санаа, үгэс иҥэн сылдьар. Саамай иччилээх тылынын айыы диэн тыл буолар. Бу тыл икки киһи оҥорор быһыыларын быһаарар, ол иһин икки өрүттээх өйдөбүллээх. Киһи оҥорор быһыыта икки аҥы арахсан, үчүгэй эбэтэр куһаҕан буолан тахсалларын быһаарар.
    Айыы диэн тылы табан туһаннахха эрэ омук сайдыыны ситиһэрэ кыаллар. Ол курдук киһи "үчүгэйи" оҥоробун диэн сыыһа санаатыттан куһаҕаны оҥорон кэбиһэрэ ордук элбэх.

    0
  • Ами2110
    14 февраля
     

    Сахаларга угэс инмэт дьонобут, сибилигин Сири аьатан баран агыйах хардыы онорон баран бех тогор Ол кимнээхтэрий? Сахалар.

    0
  • Ами2110
    14 февраля
     

    Кэннэ кээнчэ да буоллун, Ким да улаханна уурбат.
    Сахаларбыт уруй-айхал дии дии туестэрин тонсунуохтара да буоллар еруьу киртитиэхтэрэ, мунхага утуруйсуехтэрэ буоллага.

    0
  • Хааһах
    15 февраля
     

    Сахалыы таҥара үөрэҕэ оҕону улаатан истэҕинэ үрүҥү, үчүгэйи уонна хараны, куһаҕаны арааран туһанарга үөрэтэр. Оҕо үчүгэйи уонна куһаҕаны бэйэтэ арааран билэригэр төрөппүттэр үөрэтэллэрэ эрэйиллэр.
    Аҕыйах ахсааннаах куһаҕан быһыылары оҕо билэн оҥорбот буолууга үөрэннэҕинэ элбэх үчүгэйи оҥорор кыахтанар.

    0
  • Apet54
    Apet54
    Анатолий Петров
    15 февраля
     

    Үс саха төрүөҕүн тэнитэн,
    Үрүҥ күҥҥэ тардыһан.
    Ийэ тылын иҥэрэн,
    Иһирэхтик хоһуйан.

    Саҥарыаҕыҥ, иэйиэҕиҥ
    Сайаҕастай тылынан.
    Төрдүбүтүн ытыктаан,
    Тапталбытын тиэрдиэҕиҥ!

    0
  • Apet54
    Apet54
    Анатолий Петров
    15 февраля
     

    Оҕо саас саҕаттан биһиги,
    Оонньуохха, сүүрүөххэ, сырсыахха.
    Ийэни, аҕаны таптыахха,
    Эбээни, эһээни сыллыахха.

    Оҕо саас саҕаттан биһиги,
    Сарсыарда күлүм күн тыгыыта,
    Түргэнник уһуктан туруохха,
    Детсадка сиэттиһэн барыахха.

    Оҕо саас эрдэхтэн биһиги,
    Оһуохай таһааран тардыахха,
    Үҥкүүлээн, ойуолаан ылыахха,
    Үөрүүнэн ырыата ыллыахха.

    Оҕо саас саҕаттан биһиги,
    Олоххо доҕордуу буолуохха,
    Үөрэнэн, улаатан иһиэххэ,
    Үгүһү, элбэҕи билиэххэ.
    Анатолий Хампа, 2014 сыл.

    Куобах маҕан кырачаан,
    Куотар, сүүрэр мэникчээн,
    Кулгаахтара чороҥнуур,
    Кутуруга маҥхаҥныыр.

    Бөрө, бөрө бөрөчөөн,
    Ситиэҥ суоҕа эн миигин,
    Атахтарым быһыйдар,
    Харахтарым сытыылар.

    Эккирэтэн сүүрүмэ,
    Эрэйдэнэ барыма.
    Хаһан миигин ситээри,
    Харбаан тутан ылаары.

    Онон-манан ойуолуом.
    Ойуур иһигэр муннарыам.
    Ыраах баран ыстаныам,
    Ыырбын, суолбун сүтэриэм.
    Анатолий Хампа, 2015 сыл.

    Уулуссаны туоруурбар,
    Икки өттүн көрөбүн.
    Кыһыл уокка тохтуубун,
    Күөхтүүр уокка ааһабын.

    Араас өҥнөөх көлөлөр,
    Массыыналар сырсаллар,
    Аара суолга сэрэнэн,
    Алдьархайга киирбэппин.

    Улахан киһи кэриэтэ,
    Быраабыла тутуһуом,
    Мэлдьи чиҥник үөрэтэ,
    Куруук билэн туоруоҕум.
    А.Хампа, 2016 сыл.

    Былааччыйам кэрэтиэн,
    Ойуулара арааһыан,
    Тэлэрийэн олуһуон,
    Киэргэллэрэ элбэҕиэн.

    Ийэм тигэн биэрбитэ,
    Эбэм эбэн тупсарта,
    Ойуу-бичик түһэртэ,
    Иистэммитэ түүннэри.

    Оҕолорго көрдөрүөм,
    Үҥкүүлээммин ойуолуом,
    Муода курдук хамсаныам,
    Мичилийэ туттунуом.
    А.Хампа, 2016 сыл.

    Чэйиҥ эрэ!

    Оҕо аймах мустаммыт,
    Үөрэ-көтө дайабыт,
    Дьиэрэҥкэй тэбэбит,
    Дьоһун ырыа ылыыбыт.

    Чэпчэкитит ойобут,
    Сүүрэн, сырсан ылабыт.
    Онньуурбутун таптыыбыт,
    Дьоннорбутун истэбит.

    Чэйиҥ эрэ доҕоттоор,
    Күндү кэрэ кыргыттаар,
    Хорсун хоодуот уолаттаар,
    Төгүрүччү туруоҕуҥ.

    Кэккэлэһэн хаамсыаҕыҥ,
    Илиилэртэн ылсыһан,
    Тоҥолохтон тутуһан,
    Оһуохайы тардыаҕыҥ!
    Анатолий Хампа, 2016 сыл.

    Хаппыыстата аҕалыам,
    Кэһиилэрбин кыбыныам,
    Киирэр ааны хатаарыҥ,
    Күүскэ олус тыаһаамаҥ.

    Бөрө истэн кэлиэҕэ,
    Албыннаһа этиэҕэ,
    Алҕас олох аһымаҥ,
    Булан киирэн тутуоҕа.

    Амсайыаҕа астына,
    Аргыый аҕай хаамыаҕа,
    Этэр тылбын истээриҥ,
    Оҕолорум барахсан.
    Анатолий Хампа, 2017 сыл.

    Сарсыардаттан тураатын,
    Дьэдьэннэрдээх күөрчэхпин,
    Алаадьынан оймуурбун,
    Алыс мэлдьи таптыыбын.

    Эбэм астыыр астара,
    Миэхэ олус минньигэс,
    Ыһаарылаах собото,
    Үүттээх, сүөгэй чэйдэрэ.

    Үчүгэйдик таҥныаҕым,
    Детсад дьиэҕэ тиийиэҕим,
    Оҕолордуун оонньуоҕум,
    Улаатыаҕым күн ахсын.
    Анатолий Хампа, 2017 сыл

    Аһынабын олустук,
    Куобахтарбын, тииҥнэрбин.
    Айболиты үтүктэн,
    Айанныыбын суһаллык.

    Маҕан халаат кэтэбин,
    Быраас буола түһэбин,
    Ыарыылартан харыстаан,
    Эми-тому ылабын.

    Африкаҕа тиийэммин,
    Бегомоту көрөбүн,
    Эбисийээнэ мэникпин,
    Ыалдьар тииһин эмтиибин.
    Анатолий Хампа, 2017 сыл.

    Улаатаммын ситэммин,
    Дьээдэ Степа буолуоҕум.
    Манабылга туруоҕум,
    Мэлдьи бэлэм буолуоҕум.

    Харабыллыы тахсыаҕым,
    Бэрээдэги көрүөҕүм.
    Оҕолору сиэтэммин,
    Уулуссаны туоратыам.

    Кырдьаҕаһы ытыктыам,
    Кыамматтарга кыһаллыам,
    Күрэхтэргэ кыттыһан,
    Кыайыылары ситиһиэм!
    Анатолий Хампа, 2017 сыл.

    Доктор Лиза, Доктор Лиза,
    Дьоҥҥо олус чугаскын,
    Суһал көмө оҥорон,
    Сыһыаннарыҥ сылаастар.

    Дьону куруук быыһыыгын,
    Дьону күүскэ таптыыгын.
    Олус түргэн буолаҥҥын,
    Оҕолору эмтиигин.

    Махтал буоллун, эйиэхэ,
    Мэлдьи санаан ахтыахпыт.
    Уруй, айхал, эйиэхэ,
    Үөрүүбүтүн аныахпыт!
    Анатолий Хампа, 2017 сыл.

    Улаатаммын ситиэҕим,
    Ытык иэспин толоруом,
    Буойун аатын сүгүөҕүм,
    Барааттаммын хаамыаҕым.

    Ийэ сирбин көмүскээн,
    Харбылга туруоҕум.
    Эһэм курдук харыстаан,
    Ыстыык сааны тутуоҕум.

    Дьоллоох олох туһугар,
    Мэлдьи бэлэм буолуоҕум,
    Дьоһун киһи аатыран,
    Эйэ иһин киирсиэҕим!
    А.Хампа. 2017 сыл.

    Кымырдыҕастар

    Үгүс элбэх буоламмыт,
    Үмүөрүһэ сырсабыт,
    Үлэлиири таптыыбыт,
    Уйабытын туттабыт.

    Олус иллээх буоламмыт,
    Олоробут, мустабыт.
    Сылаас сиргэ кистээммит,
    Сымыыппытын таһабыт.

    Атахтарбыт түргэттэр,
    Алыс олус күүстээхтэр.
    Оҕус курдук муостаахпыт,
    Отой бары бииргэбит.
    А.Хампа, 2018 сыл.


    Оонньуурдарбын сааһылаан,
    Оннуларын булларан,
    Бэрээдэктээх аатыран,
    Бастыҥ оҕо буолабын.

    Куукулабын көтөҕөн,
    Оронугар илдьэбин.
    Биһик ырыа таһааран,
    Аргыый ырыа ыллыыбын.

    Ийэм курдук хамсанан,
    Иистэниэҕим иннэнэн,
    Былааччыйа тигиэҕим,
    Барыгытын үөрдүөҕүм.
    А.Хампа, 2018 сыл.

    Доҕотторум элбэҕиэн,
    Дьүөгэлэрим үгүһүөн,
    Тула бииргэ мустаттыт,
    Туран ырыа ыллыыбыт.

    Дьэрэкээнник таҥнабыт,
    Үкүүлүүбүт, оонньуубыт.
    Детсад дьиэни таптыыбыт,
    Үөрэ-көтө кэлэбит.
    А.Хампа, 2018 сыл.

    Былаачыйам кэрэтиэн,
    Тэлээрийэн олуһуон.
    Ийэм тигэн биэрбитэ,
    Эбэм ойуу түһэртэ.

    Оҕолорго көрдөрүөм,
    Ойон тэбэн үҥкүүлүөм,
    Муода курдук хамыаҕым,
    Мичилийэ хамсаныам.
    А.Хампа,2018 сыл.
    Уһуктаммын таҥнабын,
    Улахан киһи буоламмын,
    Ытаабаппын адьаһын,
    Атаахтаммын турбаппын.

    Детсад дьиэҕэ тиийэммин,
    Доҕотторбун көрсөбүн.
    Дьоһун оҕо буоламмын,
    Дьоммун мэлдьи үөрдэбин.

    Олус бииргэ тутуһан,
    Онньоон-ыллаан ылабын.
    Үөрэ-көтө сылдьабын,
    Үҥкүүлээммин тэйэбин.
    Анатолий Хампа, 2016 сыл

    0
  • Сурук_Сорук
    15 февраля
     

    Саха тылын харыстыыр киһи
    хас биир лыҥкыбаны (букваны) чопчу суруйуохатаах
    Айыы диэни АЙЫЫ
    Аньыы диэни АНЬЫЫ
    Биир дорҕоону ИККИ гынан көрүө суохтааз

    0
  • Apet54
    Apet54
    Анатолий Петров
    16 февраля
     

    Сахабын ээ, сахабын!
    Сахалыы тыллаахпын,
    Сахалыы саныыбын,
    Сахалыы өйдүүбүн.

    Сүрэхпэр иҥэрэн,
    Сүрдээҕин бүөбэйдээн,
    Сылдьыаҕым мэлдьитин.
    Сылларга куруутун.

    Ыраастык этиэҕим,
    Хоһуйан туойуоҕум,
    Ырыата ыллыаҕым,
    Хоһооммор холбуоҕум.

    Өркөн өй тутуһуом,
    Өрөйөн иһиэҕим,
    Төрүппүн салгыаҕым,
    Тапталбын тиэрдиэҕим!

    Ыймахтыы тыыныһыам,
    Ыччаты уһуйуом,
    Бүөбэйдээн, ытыктыам,
    Баҕабын толоруом!

    0
  • Хааһах
    16 февраля
     

    Айыы диэн тылы харыстааһынтан сахалыы өйү-санааны харыстааһын саҕаланар. Сахалар "Туох барыта икки өрүттээх" диэн айылҕа тутулугун туһана сылдьаллар. Ол иһин айыы диэн тыл икки өрүттээх өйдөбүллээх:
    1. Үчүгэйи оҥоруу. Киһи хаһан баҕарар бэйэтигэр үчүгэйи оҥосто сатыыр.
    2. Куһаҕаны оҥоруу. Киһи оҥорор быһыыта табыллыбакка, сатаммакка хааллаҕына куһаҕан буолан тахсар. Ону тэҥэ анаан-минээн куһаҕаны оҥорооччулар бааллар.
    Киһи баарын тухары айыы диэн тыл икки өрүттээҕэ суох буолбат.
    Тыл үөрэхтээхтэрэ булан туһаннара сатыыр "аньыы" диэн тыллара туох да туһата суох тыл. Сахаларга бу тыл суох. Тыл үөрэхтээхтэрин албыннарыттан босхолонуу ирдэнэр.

    0
  • Анаар
    16 февраля
     

    Тоҕо саха оҕолоругар омук тыла нуучча тылын нөҥүө эрэ үөрэтиллэрий? Хаһааҥҥа дылы? Билиини оскуолаҕа нуучча тылын нөҥүө иҥэрэргэ дьаһал биэрбит Сталин өлбүтэ ыраатта ээ. Туох да бобуу суоҕун үрдүнэн омук тыла, история, география, биология, о.д.а. син биир нуучча тылынан үөрэтиллэллэр? Ама да учууталларга табыгастааҕын иһин төрөөбүт тылынан үөрэтии тоҕо тэриллибэтий?

    1
  • Анаар
    16 февраля
     

    ***
    Хаһан эрэ киинэ баара,
    Үөрэтэри көрдөрөрө,
    Кырааны арыйан эбисийээнэ
    Уу иһэргэ үөрэнэрэ.

    Сүүрүктээх үрүйэ кытылыгар
    Ол кыраана турар этэ,
    Онтон уу баһан иһиэн сөбүн
    Ол муҥнаах билбэт этэ...

    Хаһан эрэ киинэ баара
    Күлүүлээх курдук этэ,
    Бэйэбитин күлүү гыналларын
    Сүрэхпит таайбат этэ...

    Омук тыла - ол уубут,
    Нуучча тыла - кырааммыт.
    Аттыбытыгар сытартан
    Аны баһан аһаабаппыт...

    Тоҕо туора тыл нөҥүө
    Омук тылын үөрэтэбит,
    Ол билиини ийэ тылынан
    Тоҕо биһиги иҥэрбэппит?

    1
  • Хааһах
    17 февраля
     

    Сахалыы өй-санаа үөрэҕэ олус дириҥ уонна киэҥ. Ол курдук сахалар өйдөрө-санаалара олус былыргы кэмнэргэ, дьон бултаан аһыыр кэмнэригэр сайдыбыт. Ону хотой, суор, бөрө таҥаралар бааллара биллэрэр. Онтон салгыы дьон өйдөрө-санаалара сайдыытын биллэрэр таҥаралар сахаларга билигин да бааллар:
    - Байанай таҥара.
    - Таба таҥара.
    - Ынахсыт таҥара.
    - Дьөһөгөй таҥара.
    - Күн таҥара.
    - "Сах" таҥара, онтон киһи таҥаралар сайдыбыттар.

    0
  • Хааһах
    18 февраля
     

    Биһиги атын сайдыылаах омуктары үтүктэр, батыһар балаһыанньаҕа сылдьабыт. Ол иһин саха тылын харыстааһын биллэр уратылардаах буолан тахсар:
    1. Төрүт тылларбыт. Бу билигин баар туттулла сылдьар тылларбыт. Бу тыллары букатын уларыппакка эрэ харыстааһын эрэйиллэр.
    2. Үөрэх тыллара. Бу тыллары бэйэлэринэн туһаннахха түргэнник киирэн иһэр сайдыыттан хаалан хаалбакка, тэҥҥэ барсан иһии ситиһиллэр. Саҥа тыллары була сатаан оҥоруу сайдыыттан хаалыыга тириэрдэр.
    3. Үлэ тыллара. Үлэни баһылааһын саҥа тыллары иҥэриниигэ тириэрдэр. Атыттартан хаалбат туһугар саҥа үлэлэри баһылааһын эрэйиллэр.
    Төрүт тыллары уларыппакка эрэ харыстаатахха омук уларыйан хааларын тохтотуохха сөп.

    0
  • Хааһах
    19 февраля
     

    Тыл үөрэхтээхтэрэ саха тылын харыстыылларын оннугар алдьата сатыыллара элбээтэ:
    - ийэ диэн төрүт тылбытын "иньэ" диэн ньаамыргаан саҥарыыга уларыта сатыыллар.
    - бөлөлүөгүйэ, номука, бэсэстибэ диэн саҥа тыллары оҥороннор эдэрдэри саха тылыттан тэйиттилэр.
    - эйэ-нэм диэн эйэни харыстыыр тылбытын эйэ-"дэм" диэҥҥэ уларытаннар эйэбитин алдьаталлар.
    - солун диэн тыл оннугар "сонун" диэн киллэрэннэр дьон солумсах буолууларын улаатыннардылар.

    0
  • Анаар
    20 февраля
     

    Саха тылын мөлтөөһүнүн сүрүн төрүөтэ - сиртэн тэйим, төрүт дьарыкка сыһыаннаах тылы сүтэрии. От оттообот, мас мастаабат, сүөһү ииттибэт, бултка сылдьыбат, айылҕалыын алтыспат буолан иһэбит. От аатын бэл биология учууталлара билбэттэр, оҕолорбут хардаҕас диэн тылы тылдьыттан көрөн билэллэр, эгэ сүөһү өҥүн араарыахтара дуо, мэлигир... Идэ тыла сүтүүтэ тылбытын дьадатар, буомурдар

    0
  • Хааһах
    21 февраля
     

    Омук баһылаабыт үлэтин тыллара төрүт тылларга киирсэллэр. Саҥа үлэни баһылааһын саҥа тыллары омук тылыгар киллэрэр. Төһө сайдыыны ситиһэн иһэбит да саҥа тыллар эбиллэн иһэллэр.
    Манна кэлэн "Туох барыта икки өрүттээх" диэн үөрэхпитин туһаннахпытына табыллар. Ол курдук саха омуга сайдыан баҕарар. Сэбиэскэй кэмнээҕи курдук киирии тыллары бүтүүлэрин эрэ уларытан туһаныы ордук табыллыах этэ. Саҥа тыллар да киирэллэр, сайдыыттан хаалан хаалыы үөскээбэт.

    0
  • Хааһах
    22 февраля
     

    Саха тылын харыстааһын диэн төрүт, баар тыллары уларыта сатаабат буолуу ааттанар. Тыл үөрэхтээхтэрэ саҥа тыллары оҥорбута буолан, киллэрэ сатаан саха тылын харыстааһыҥҥа ордук улахан буортуну оҥороллор.

    0
  • Хааһах
    23 февраля
     

    Буорту диэн куһаҕан оҥорор диэн тыл. Нууччалартан киирэн сахатыйбыт тыл.
    Киирии тыл аан маҥнай бэйэтинэн сырыттаҕына кэлин сыыйа сахатыйыан сөп.

    0
  • Хааһах
    24 февраля
     

    Саха тылын харыстааһын оҕону үөрэтиитэн саҕаланар диэни бары билэр курдукпут. Ийэ, аҕа, эбэ, эһэ диэн тыллартан саха буолуу саҕаланар.
    Эһэ диэн тыа улахан кыыла ааттанар. Саха дьоно эһэ оҕотун хайдах үөрэтэрин билэллэр. Батыһыннара сылдьан үөрэтэрин булчуттар көрөллөр. Аны батыспатын диэн маһынан баттатан кэбиһэр үһү.
    Эһэ оҕону иитиигэ, үөрэтиигэ кытаанах көрдөбүллээх буолара аатыгар иҥэн сылдьар.

    0
  • Хааһах
    26 февраля
     

    Былыргы хаалбыт тыллары сөхсүтэ, саҥалыы киллэрэ сатааһын эдэрдэри саха тылыттан тэйитэр. Оҕо тылы боростуойуттан, кылгаһыттан саҕалаан саҥарар.

    0
Ответ на тему: Саха тылын харыстааһын
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания