| 26 |
ӨЙдөөбөтүм, бэҕэһээ Байбал Михаил Ноговицыны. Сахаачаны догордоругар кыргыттарга
насаа аралдьыйаллар этэ диэтэ. Ол исин кыахтарын ситэ тусамматахтара диэтэ.
Байбал да. Арамаан да биир үрүүмкэни испэтэх дьон. Тренердарын кыысын. Биллиилээх
сүүрүк кыысы ылан саха кыргыттарыгар наадыйбат этилэр. Атын тустууктапбыт хас куорат
дэриэбинэ аайы земляктара көрсөн ысыахтаан аралдьыталлара элбэх этэ.
Дагестаннар эмиэ отой арыгы испэттэрэ. Ол исин тазсыбыттара.
Аба, П. Пинигин Киевкэ үөрэнэ тиийбитигэр "Сыалыҥ-соругуҥ, баҕа санааҥ тугуй?" диэн ыйыппыттарыгар "Олимпийскай чемпион буолуохпун баҕарабын", - диэн хоруйдаабытын биир дойдулаахтара күлүү-элэк гыммыттар диэн кэпсээн баар. Эн оннукка хантан тиийиэххиний диэннэр. Киһилэрэ дьаныардаах, бэриниилээх дьарыгынан, бэрээдэги, режими кытаанахтык тутуһан, бэйэтин тулуурунан, дьулуурунан аан дойду үрдүк чыпчаалыгар таҕыстаҕа.
Урукку тустууктар кыра эрдэхтэриттэн Хара улэлэргэ эриллибит буолан сылайар диэни билбэттэрэ, уонна урут вhын быдан ицэмтэлээх барыта ГОСТ, билицци курдук химдобавка красителлар буолбатахтар. Билигин Пинигин урукку форматыгар сылдьан киирэрэ буоллар холобур ити Рассадины таах тутар буо. Сидаковтаа5ы да кэhэтэлиэ этэ.
Илин Эҥээргэ биир улууска олохтоохтор кумирдарын, талааннаах, аан дойдуга тахсыа диэн эрэммит бөҕөстөрүн кытта тустубут. Дьиэлээхтэр бэйэлэрин уолларыгар ыалдьан ыһыы-хаһыы сүрдэммит. Г. Дмитриев киирээт прием оҥорбут - балл биэрбэтэхтэр. Өссө биирдэ бырахпыт - арбитр балл суох диэн көрдөрөр. Гавриил кыһыытыгар хахай курдук ыстанан киирэн киһитин ахтатыттан ылан өрө баһан таһааран дьиэ үрдүттэн буор саккырыар дылы эрчимнээхтик бырахпыт уонна хам баттаан кэбиспит.
Cаха былыргы тустууктара Өлүөнэ арыытыгар киирэн кустаабыттарыттан биир түбэлтэни Саха АССР үтүөлээх тренердэрэ Владимир Корякин уонна Калин Сидоров ахтыыларыттан билиһиннэрэбин.
***
Биир күн арыыга кыһын кэлэн хорҕойбут куобахтары бултастыбыт. Биир куобах биһиэхэ олох ылларбат: наар туора-маары ойуоккалаан баран от-мас быыһыгар киирэн саһан хаалар. Киэһэ аһыы олорон көҥүл тустууга Советскай Союз икки төгүллээх чемпиона, аан дойдутааҕы кылаастаах маастар, Эдьигээнтэн төрүттээх Ганя Дмитриев (олимпийскай чемпион бииргэ төрөөбүт убайа) саҥа аллайда: «Ити куобаҕы сырсыах кэриэтэ бу күөлбүт андаатардарын буһаран сиэбиппит буоллар ордук буолуо этэ». Итинник этиини истэн баран эмиэ Советскай Союз чемпиона, аан дойдутааҕы кылаастаах маастар, Абыйтан төрүттээх тустуук Коля Неустроев: «Пахай даҕаны, эдьигээннэр күтэри кытта сииллэр эбит дуу? Мин бэйэм чааһым ити күтэр курдук мордьойбут андаатары туох да иһин астынан сиэ суох киһибин», – диэтэ. Аһаан-сиэн баран кустарбытын кэтии бардыбыт. Сарсыарда эрдэ үлэбитин баттаһа куораттаатыбыт. Отуубутугар Ганя Дмитриев, Өлөксөй Местников уонна өссө ким эрэ хааллылар. Киэһэ арыыбытыгар төннөн кэллибит. Дьоммут итии аһы бэлэмнээбиттэр уонна эттилэр: «Бу били бэҕэһээ куоппут куобаҕы буламмыт хортуоскаҕа соркуойдаатыбыт». Биһиги аспытын түргэн соҕустук сиэн кэбистибит, оттон Коля Неустроевпыт: «Үчүгэй да аһы бэлэмнээбиккит. Өссө баар дуо?» – диэн көрдөстө. Ону истэн баран ас астаан аһаппыт дьоммут күл да күл буоллулар. Онтон уоскуйан баран туохтан күлбүттэрин быһааран биэрдилэр. Кинилэр бэҕэһээ киэһэ Коля Неустроев Ганяны андаатар этин сиирин иһин күлүү гынан сиилээбитин иһин иэстэһэргэ санаммыттар. Ол иһин хас да андаатары өлөрөн, этин кып-кыра гына кырбастаан баран, хортуоскаҕа соркуойдаабыттар. Ас киэнэ бэрдэ буола буспут. Колялара ол курдук бэҕэһээ киэһэ хаһан даҕаны сиэм суоҕа диэн сирбит аһын бүгүн кэлэн былдьаһа-тараһа сиэбит уонна хайҕаабыт. Онон хотторуулаах буолла диэн күлсүбүттэр. Бу курдук булка араас көрдөөх түбэлтэлэр буолааччылар.
+79141017942
