Коронавирус уулуссаҕа ааһан иһэр киһиттэн сыстыан сөп эбит
А  -    375
Өскөтун эн иннигэр баран иһэн сөтөлүннэ5инэ ытыртаҕынаconfounded face
Ответов 3 Написать ответ
  • А
    28 июня
     

    *⚡⚡⚡Ыарыы, вирус баар!*

    Мин бу дьыл бэс ыйын 2 күнүгэр температурам тахсан скорайга эрийбитим. Ону олорор аадырыскынан бэйэҥ поликлиникаҕар эрий диэбиттэрэ.
    Дьэ поликлиникабар хаһыс да эрийиибэр нэһиилэ тиийэн кыраадыһым үрдээбитин туһунан эппитим кэннэ, кэлэн анализ ылбыттара. Кэтэс эрийиэхтэрэ диэбиттэрэ. 

    Мин кэтэһэн 5 күн дьиэбэр сыттым. Санаабар "...чэ сарсын үлэбэр бара сылдьыам этэ даҕаны хайдах барарым буолла? 🤔 Төбөм наһаа ыалдьар..."- дии саныы сыттахпына, дьэ, эрийэн:
    - *У вас положительный анализ*- диэн соһуттулар.
    Уонна "кэтэс, эмп аҕалыахтара..." диэн эбэн эттэ.
    Сарсыныгар арбидол уонна гриппферон аҕалан биэрдилэр.
    "Олох ханнык даҕаны антибиотик испэккин"- диэн кытаанахтык быраас сэрэттэ.
    Онтон эбиэт кэннэ эмиэ кэллилэр: "Таҥын КТ-га түһэ бараҕын"- диэн буолла.
    Онно тураммын хомуна сырыттахпына, дьэ, тыыным хаайтарбыта, аҕылаан саҕалаабытым, аны өссө сөтөллөн барбытым.

    Онтон поликлиникаҕа илдьэн КТ түһэрдилэр. Ону көрөн баран тутатына балыыһаҕа илтилэр.

    Аны балыыһаҕа киллэрээт анализ бөҕө ылан, эмтээбитинэн бардылар. Медперсоналы хайдах таҥна сылдьалларын көрө-көрө эмиэ тыыным хаайтарар.
    "Бу үлэһиттэр хайдах сатаан тыына сылдьаллара буолла?..."- диэн санаабыттан кинилэри аһынаммын ытыах санаам кэлэр этэ.

    Маҥнайгы күннэргэ үстүү бутылка антибиотик системанан куталларын тулуйбакка хотуолуур этим.
    Онтон сыыйа дозатын куччаппыттара.
    Кэлин уколга көһөрбүттэрэ уонна таблеткаҕа.

    *Пульмонология отделениятын үрүҥ халааттаах, көстүүмнээх аанньалларыгар махталым муҥура суох* 🙏🙏🙏
    Төһөлөөх элбэх киһини өлөр өлүүттэн быыһаабыттара буолуой? 🤔

    Короновирус аан маҥнайгы сибикитинэн-симптомынан буолар - кирилиэһи тахсарга-түһэргэ сүһүөхтэрим ыалдьыбыттара эбит. Ону улахаҥҥа уурбатаҕым.
    Бэйэм даҕаны саастаах соҕус буоламмын кырдьааһын ыарыыта буолуо диэммин балыйтаран оҕустардым быһылаах этэ.

    Онтон күн аайы *төбөм ыалдьар буолбута. Температурам үрдүүрэ, көлөһүннэнэр этим*
    Сэниэтэ суох буолан наар утуйан тахсарым.
    Онтон атыным тугум даҕаны ыалдьыбат курдуга.
    Кэлин санаатахпына, оннук билбэккэ сытан хаалан ыарыыны дириҥэтэн кэбиһиэххэ сөп эбит.

    Бу тухары температурабын градуснигынан бэрибиэркэлиир диэн толкуй суох.
    Онтон, кэмнэммитим 37,6 буолбутун көрөн баран ыксаан паникалааммын скорайга эрийэммин, *бу быыһанаммын тыыннаах хааллаҕым*

    Сорох дьон интэриниэт ситимигэр "ыарыы суох, ити сымыйа вирус..."- дииллэрин ааҕан киһи кэлэйэр.
    Ама даҕаны буолбутун иһин, аан дойду үрдүнэн бары сүбэлэһэн баран дьону албынныахха дэспиттэрин курдук мээнэнэн тыллаһалларын ааҕан, мин бэйэм эппинэн-хааммынан бу ыарыны ааспыт киһи сонньуйабын.

    Ити *вирус баар*
    Барыта *кырдьыктаах ыарыы!*
    Өссө тоһоҕолоон эттэххэ, хроническай ыарыылаах, сахарнай диабеттаах дьоҥҥо ордук кутталлаах.

    Онон сэрэтиэхпин баҕарабын.
    Сааһыттан тутулуга суох,
    *бука бары харыстаныҥ!*
    Дьиэҕититтэн таҕыстаххытына маскаҕытын, перчатката
    кэтэ сылдьыҥ.
    Илиигитин суунаргытын умнумаҥ.
    Элбэх дьонноох сиргэ мээнэ сылдьымаҥ.

    Миигин ханна сыстыбыккыный диэн бары ыйыталлар.
    Онно чуолкай эппиэти биэрэр олус уустук.
    Автобуһунан сылдьар этим.
    Хозмаркетка сылдьар этим.
    Онно маска биэрэллэр эрээри дистанцияны тутуспаттар.

    Баҕар уулуссаҕа сыстыбыт буолуохпун сөп дии саныыбын.
    Биирдэ утары омук киһитэ иһэр этэ. Миигиттэн аҕыйах миэтэрэ чугаһаан баран элбэх баҕайытык ытырдыбытыттан куттанан куота  сатаабытым уонна зебранан суолу туораары түргэнник хааман барбытым, киһим бу ситэ баттаан кэлэн олох да аттыбар сылдьар эбит. Өссө илиитинэн санныбын таарыйбытыттан наһаа испэр куттаммытым.
    Ол киһиттэн сыстыбытым буолуо дии саныыбын.

    Онон олох *дистанцияны эмиэ тутуһуҥ!*

    Чэ ити курдук кылгастык.
    Куорат олохтооҕо Л.Акимова.

    PS. "Друзья познаются в беде" диэн мээнэҕэ этиллибэтэх. Мин ыарахан кэммэр санааны көтөҕөр тыллары суруйбут-эппит *доҕотторбор махталым 🙏🙏🙏 муҥура суох*

    Бу улуус ватсап коронавирус сонуннарыгар баарын уктум

    0
  • А
    29 июня
     

    Оннук, сэрэхтээх эбит. Билигин анализ онорботтор, сорох дьон бээтэ баран анализ туттарар эбит, балыыьа5а миэстэ суох диэн эмиэ ылбаттар эбит. Ити сыппыт 5 куннэр эми тутатына анаабыттара буоллар, ама буолуох этэ, вирусная пневмония сурдээх сэрэхтээх эбит. Онон мээнэ сылдьыман, автобуска олох олорсо сатааман, таьыттан а5албыт малларгытын учугэйдик сото сылдьын, тас танастары эмиэ учугэйдик дезинфекциялаан, атаххыт танаьын тилэ5эр тиийэ сото сылдьын. Киирээт муннугутун, куомэйгитин сай5анын, сирэйи, илиини куускэ сууна сылдьын. Кытаатын. Доруобай буолун.

    0
  • Абарбыт.
    29 июня
     
    0
Ответ на тему: Коронавирус уулуссаҕа ааһан иһэр киһиттэн сыстыан сөп эбит
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания