Вниманию голосующих по Намскому избирательному участку №355 "Набережный*
Omo5oi_Baai  -    143
🔊🔊🔊Вниманию голосующих по Намскому избирательному участку №355 "Набережный", находящемуся по адресу ул. Ойунского, д. 5/1 в здании Центра занятости населения Намского улуса (УПК)🏛️контактный телефон: 8(411) 62 41-454, 8(914) 103-76-85 ☎️, в течение недели -с 2️⃣5️⃣.0️⃣6️⃣.2️⃣0️⃣2️⃣0️⃣г. по 0️⃣1️⃣.0️⃣7️⃣.2️⃣0️⃣2️⃣0️⃣г. пройдет 🇷🇺общероссийское голосование по вопросу одобрения изменений в Конституцию Российской Федерации.
👨🏻‍💻👩🏻‍💻Режим приема граждан с 1️⃣8️⃣-2️⃣4️⃣ июня: с 10-00 до 14-00 часов. С 2️⃣5️⃣-3️⃣0️⃣ июня с 10-00-18-00 часов и 0️⃣1️⃣.0️⃣7️⃣.2️⃣0️⃣2️⃣0️⃣ года с 08-00-20-00 часов
📌Граница избирательного округа по избирательному участку №355 "Набережный":
ул. Полевая, ул. Колмогорова, ул. Комсомольская, ул. Миниярова, ул. Ойунского, д. 1/5, 4-6, ул. Ленская, д. 1-65, 2-48, ул. Полевая, д. 1-31, ул. Чернышевского, д. 3,4,10, Аммосова, д. 1-13, 2-14/1
Мы ждем Вас по следующим датам: 2️⃣5️⃣.0️⃣6️⃣.2️⃣0️⃣2️⃣0️⃣г. - жители ул. Заложная, ул. Колмогорова, ул. Полевая, д. 1-31.
2️⃣6️⃣.0️⃣6️⃣.2️⃣0️⃣2️⃣0️⃣г. - жители ул. Комсомольская, ул. Миниярова,
2️⃣7️⃣.0️⃣6️⃣.2️⃣0️⃣2️⃣0️⃣г. - жители ул. Набережная, ул. Ойунского, д. 1-65, 2-48,
2️⃣8️⃣.0️⃣6️⃣.2️⃣0️⃣2️⃣0️⃣г. - жители ул. Ленская, д. 1-65, 2-48,
2️⃣9️⃣.0️⃣6️⃣.2️⃣0️⃣2️⃣0️⃣г. - жители ул. Чернышевского, д. 3,4,10,
3️⃣0️⃣.0️⃣6️⃣.2️⃣0️⃣2️⃣0️⃣г. - жители ул. Аммосова, д. 1-13, 2-14/1.

Гражданам прописанным в одном месте, а проживающим или временно оказавшимся в другом, поможет система "Мобильный избиратель". Она позволяет внести свое имя в списки на любом удобном участке в России. Прием заявлений начался 5 июня и продлится до 14.00 ч 21 июня. Подать их можно в МФЦ, на портале госуслуг и в территориальных избиркомах, а с 16 июня - еще в своих участковых комиссиях.
Кроме того, все желающие могут проголосовать дома с 25 июня по 1 июля. Для этого достаточно подать заявку на портале госуслуг или позвонить в участковую комиссию по телефонам: 📞8(411) 62 41-4-54, 📞8(914) 103-76-85 или передать пожелание через волонтеров, родственников. Никаких уважительных причин указывать не нужно.
⛺В июне есть шанс проголосовать не только в помещении, но и на свежем воздухе. Передвижной участок может появиться в любом дворе с 25 по 30 июня с 10-00-18-00 часов, если от жильцов поступит много заявок на надомное голосование. ✔️НЕ ЗАБУДЬТЕ ПАСПОРТ!!! 📕 😷😷😷😷 главный приоритет установленного порядка голосования- охрана Вашего здоровья и здоровья ваших близких!
Ответов 4 Написать ответ
  • Агент Навельного
    24 июня
     

    Не ходите дети граждане голосовать! Не дадим царьку испортить наше будущее!

    0
  • Omo5oi_Baai
    Omo5oi_Baai
    Ветеран
    24 июня
     

    *ИННИКИБИТИН БЫҺААРЫНАР КЭМ КЭЛЛЭ* ✅✅✅

    От ыйын 1 күнүгэр Россия үрдүнэн дойду Төрүт сокуонугар көннөрүүлэри киллэриигэ куоластааһын ыытыллаары турар. Бу туһунан улууспут баһылыга хайдах-туох санаалааҕын, көрүүлээҕин ыйыталастыбыт.
    -    *_Юрий Иннокентьевич, үтүө күнүнэн! Төрүт сокуону уларытыы тоҕо маннык быыһык кэмҥэ түбэстэ, куоластааһын бэс ыйын 1 күнүгэр буоларын төһө оруннаах дии саныыгын?_*
    -    Үтүө күнүнэн! Бары бэркэ билэбит, конституцияҕа көннөрүүлэри киллэриигэ куоластааһын муус устар 22 күнүгэр ыытыллыахтаах этэ. Онтон ыарыы баҕар тохтуо, уҕарыа диэн от ыйын 1 күнүгэр көһөрбүттэрэ. Билигин киин куораттарга дьаҥ биллэ аҕыйаата. Оттон биһиэхэ, Саха сиригэр, Дьокуускай куоракка, кэккэ улуустарга уонна Наммытыгар ыарыы бүтэ илик. Ол эрэн ыытыллыахтаах тэрээһин ыйыллыбыт кэмигэр буолар. Бу тэрээһини туох баар санитарнай-эпидемиологическай ирдэбиллэргэ барытыгар эппиэттиир гына тэрийдэхпитинэ, оҥордохпутуна этэҥҥэ ааһыаҕа дии саныыбын.
    Куоластыыр учаастактарбытыгар дьон кэлиитин графигынан оҥоруу, дьоҥҥо харыстанар көстүүм, мааска, бэрчээккэ, биирдэ туттуллар уруучука биэрии барыта хааччылынна. ЦИК, ТИК өттүттэн бу ирдэбиллэргэ эппиэттиир усулуобуйа барыта оҥоһулунна. Дьон куттаммакка кэлэн куоластыахтарын эрэ наада.
    -    *_Ыстатыйаларга тохтоон аастахха, конституцияҕа киирбит көннөрүүлэргэ муниципальнай былаас туһунан көннөрүү баар. Манна эн санааҥ, хайдах көрөҕүн?_*
    -    Конституцияҕа муниципальнай былаас уларыйыытыгар, мин көрүүбэр, улахан уларыйыы суох. Арай, биир көннөрүү, эбии баар. Төттөрүтүн муниципальнай былааска государственнай боломуочуйаны толорор буоллаҕына эбии компенсация төлөнүөхтээх диэн. Оннук төрүт сокуоммутугар киирэн хаалар. Ол аата биһиги государственнай боломуочуйаны толорор буоллахпытына, эбэһээт финансовай өйөбүллээх, үптээх-харчылаах буолуохтаахпыт диэн. Маны үчүгэйинэн сыаналыыбын.
    Билигин үгүстүк истэбит: «нэһилиэктэри холбооһун буолуоҕа», «баһылыктары анааһын буолуоҕа» диэни. Ити олохтоох бэйэни салайыныы төрүт сокуоммутугар 131 №-дээх Федеральнай сокуоҥҥа номнуо киирбитэ. Билигин регион салайааччыта муниципалитет дьоно-сэргэтэ сөбүлэһэр буоллахтарына эрэ анааһыны оҥоруон сөп. Представительнай уорган, депутаттар быһаарыыларынан ити олоххо киирэр механизма оҥоһуллан турар. Муниципальнай тэриллиилэри холбооһун эмиэ сокуоҥҥа киирэн турар. Онно саамай биир сүрүн ирдэбилэ уонна, мин көрүүбэр, саамай сөптөөх ирдэбилэ – ол муниципальнай тэриллиилэр дьоно-сэргэтэ, олохтоохторо сөбүлэһэр буоллахтарына. Утарар буоллахтарына холбооһун буолбат. Онон, төрүт сокуоҥҥа муниципальнай былааһы суох оҥоруу буолан эрэр, онно көннөрүү киирэн эрэр диэн этиини олох сөпсөспөппүн.
    -    *_Сир боппуруоһа саамай дьону долгутар диэххэ сөп. Федеральнай территория диэн өйдөбүл киирбититтэн федеральнай былаас хайа баҕар территорияны, сири быһан ылыан сөп. Маны хайдах быһаарыаҥ этэй?_*
    -    Федеральнай сирдэри Федеральнай сокуонунан оҥоруу диэн киирэ сылдьар. Биһиги билэрбит курдук, төрүт сокуоммут – конституциябыт саамай үрдүк. Онно сурулла сылдьар: ханнык баҕарар субъект бэйэтэ сирдээх, субъектар холбоһоннор федеративнай государство буолан олоробут диэн. Ол аата билигин ханнык баҕарар субъекка кэлэн бу сири биһиги федеральнай оҥоробут диэн этэн кэбиһэр кыах суох, мин көрүүбэр. Тоҕо диэтэххэ, холобура, Саха сирэ Саха республикатын территорията буолан бигэргэтиллэн турар. Кэллиҥ даҕаны бу субъегы, ол эбэтэр Саха сирин суох оҥорор кыах конституциянан суох. Регионнар бары бэйэ-бэйэлэрин кытта холбоһор буоллахтарына, ол регион салалтата, дьоно-сэргэтэ сөбүлэһэр буоллаҕына биирдэ эрэ холбоһоллор. Холбостохторуна федеральнай сир буолбат, туспа субъект буолар.
    -    *_Саҥа төрүт сокуон үлэһит киһиэхэ, дьиэ кэргэҥҥэ, ыччакка, оҕоҕо үтүөнэн эрэ дьайыаҕа диэн этэллэр. Киирэр көннөрүүлэр туох сайдыыны түстүөхтэрэй?_*
    -    Билигин үлэлии турар конституциябыт ыһыллыы-тоҕуллуу кэмигэр, 90-с сылларга ылыллыбыта. Кистэл буолбатах, атын государстволар, чуолаан Америка курдук улахан дойдулар, конституциябыт ылыллыытыгар дьайыылара олох улахан, ол биллэр. Билигин Россияҕа баайбытын-дуолбутун бас билэн олорор улахан олигарх дьон бу конституция ылылларыгар оруоллара эмиэ улахан. Мин көрүүбэр, президеммит Владимир Путин биһигиттэн, дьонтон, нэһилиэнньэттэн, тирэх ылаары гынар.
    Билигин элбэх киһи социальнай ситимнэринэн да буоллун, тылларынан да буоллун куруук этэллэр: «дьэ, олигархтар былааһы ыллылар, Путин дьоно» эҥин диэн. Олох дьиҥнээхтии көрдөхпүнэ, оннук буолбатах. Төттөрүтүн Путин олигархтар былаастарын суох оҥоро сатыыр. Холобур, киин бааммыт валютнай фондата Америка бааннарыгар баар. Ол сыыһа. Сэрии буоллаҕына, сабан кэбистилэр да, баай-дуол суох курдук буолан хаалар, боростуойдук эттэххэ. Итини төттөрү бэйэбит государствобыт бас билиэхтээх. Ол аата биһиги государствобыт суверенитеттаах буолуохтаах.
    Билиҥҥи конституцияҕа 15-с ыстатыйа 4-с пуунугар ыйылла сылдьар: аан дойду, норуоттар икки ардыларынааҕы быраап Россия иһинээҕи сокуоннартан үрдүк диэн. Ол аата биһиги билигин үлэлии турар конституциябытынан атын дойдулар эппит сокуоннарын толорор эрэ эбээһинэстээхпит, ханнык баҕарар түгэҥҥэ. Оннук диэн конституциябытыгар ыйылла, сурулла сылдьар. Мин көрүүбэр, бастакынан ону суох оҥоруон баҕарар.
    Иккиһинэн, 13-с ыстатыйа 2-с пуунугар сурулла сылдьар: Российскай Федерацияҕа идеология суох буолуохтаах диэн. Бары этэбит дии: Сэбиэскэй былаас саҕана коммунистар, партия, идеология баар этэ, ыччаты иитэр этибит диэн. Биһиги билигин оннук иитэр кыахпыт суох, конституциянан бобуллан турар. Ити пууннар билигин улаханнык уларыйбаттар, итиниэхэ утарар күүс Россияҕа наһаа элбэх.
    Бюллетеҥҥа конституцияҕа уларытыылары киллэрэри сөбүлэһэҕин дуу, утараҕын дуу диэн суруллар. Бүттэ. Оннук уларытыы, маннык уларытыы диэн ханна да суох. Бу ис кистэлэҥэ онно сытар. Онтон ис дьиҥэ Российскай Федерация суверенитетын көмүскээһин. Суверенитетын баар оҥорооһун. Ону, хомойуох иһин, дьон үксэ өйдөөбөт. Кыра көннөрүүлэргэ киирэн мунан хаалар. Дьиҥэ 200-тэн тахса көннөрүү баар. Саамай сүрүнэ «сөпсөһөбүн» диэн куоластааммыт суверенитеппытын, Российскай Федерация туспа государство баар буоларын ситиһиэхтээхпит – бу көннөрүүлэргэ куоластааһын саамай сүрүнэ, сыала ити баар.
    От ыйын 1 күнүн кэнниттэн туох буолуон сөбүй? Президеммит Владимир Путин суверенитеты баар оҥороору куоластааһыны тэрийэр. Бу көннөрүүлэр олоххо киирэллэригэр утарабыт диэн кыайан кэбистэҕинэ, саамай куһаҕана – Россия государство быһыытынан эстиэн сөп. Куоластааһыны бары утарабыт диэтэхпитинэ, регионнар арахсыылара, туспа государство буола сатааһыннара тахсыаҕа. Оннук буолан хаалар түгэнигэр биһиги бүтэбит. Чуолаан саха норуота эстэр. Нуучча норуотун кытта 400-чэкэ сыл бииргэ олордубут. Үтүө да баар, мөкү да баар. Бары бииргэ буоламмыт Аҕа дойду сэриитин кыайбыппыт. Билигин 130-тан тахса араас омук олорор государствота инникитин баар буолуон баҕарар буоллахпытына бу куоластааһыны 100 бырыһыан өйүөхтээхпит. Туспа государство буолан хааллахпытына, сайыннахпытына хас биирдии ыалга, хас биирдии киһиэхэ туһалаах, үчүгэй буолуоҕа.
    -    *_Саха норуотугар дьиҥ чахчы туһалыыр, олоҕун чэпчэтэр көннөрүүлэр хайдахтарый?_*
    -    Социальнай хайысхаҕа элбэх көмө, көннөрүү баар. Ити барыта саха эрэ норуотугар буолбатах, бүтүн Россия дьонугар-сэргэтигэр уопсайынан туһалыахтара диэн көрөбүн. Саха сиригэр чуолаан бу көннөрүү үчүгэй, барсар диэн чопчу этиллибэт. Көннөрүү барыта бүтүн государствоҕа толкуйданан оҥоһуллар, үксүлэрэ, мин көрүүбэр, барыта суолталаах, дириҥ ис хоһоонноох. Олоххо киирдэхтэринэ Россия нэһилиэнньэтин олоҕо тупсуо диэн көрөбүн. Быдан көмүскэллээх, харысхаллаах буолуоҕа.
    -    *_РФ президенин дуоһунаһыгар олоруутун болдьоҕор уларытыы киирэрин туох дии саныыгын?_*
    -    Боростуойдук быһаардахха, президент бу иннинэ үлэлээбит болдьоҕо ааҕыллыбат буолар диэн. Ол аата 2024, 2030 сылларга буолар быыбардарга Владимир Путин туруон сөп. Мин санаабар, дьонун, государствотын сайдарын, кыахтаах буоларын, аан дойдуга билинэллэрин туһугар үчүгэйдик үлэлиир президент салгыы үлэлиэхтээх. Онно туох киһи сүөргүлүү көрөрө баарый? Конституция 10 эрэ сылга оҥоһуллубат, 20-30-50 сылга ананан оҥоһуллар. Кини үлэлии олорор кэмигэр быыбарга атын кандидат талыллан, ол киһи президент буолуон сөп буоллаҕа дии. Ону барытын быыбар, куолас, норуот быһаарар.
    -    *_Юрий Иннокентьевич, саҥа киирбит ыстатыйаларга саамай биһирээбитиҥ тугуй?_*
    -    Бу көннөрүүлэр бары бэйэ-бэйэлэрин кытта ыкса сибээстээхтэр. Пенсия, пособие, хамнас алын кээмэйдэрэ индексацияланаллара барыта дьоҥҥо-сэргэҕэ туһалаах, көдьүүстээх. Бу көннөрүүлэри үөрэтэн көрүүбэр, мантан аанньа үлэ киһитин өрө тутуу барыаҕа. Эбэһээт тыа киһитин буолбатах, уопсайынан үлэ киһитин.
    -    *_Коронавирус биһиги улууспутун улаханнык хаарыйда. Ол да буоллар, бары нуорманы тутуһан улууспут киинигэр уонна нэһилиэктэргэ тутуу үлэлэрэ бара тураллар. Биллэн турар, тутуу – сайдыы төрдө буоллаҕа дии. Ханнык саҥа объектар ааннарын арыйыахтарай?_*
    -    Улууспут соҕуруу өттүттэн саҕалаатахха, Үөдэйгэ 8 квартиралаах дьиэ тутуутун сыбаайатын түһэрии бу күннэргэ буолуоҕа. Бастакы Хомустаахха хаарбах дьиэттэн көһөрүү программанан дьиэлэр тутулла тураллар. Хамаҕаттаҕа 240 миэстэлээх оҕо уһуйаана, 220 миэстэлээх оскуола, Намҥа культура дыбарыаһа, хаарбах дьиэттэн көһөрүү программанан 3-түү этээстээх элбэх квартиралаах улахан дьиэлэр, Аппааныга культура киинэ тутулла тураллар.
    Уһулуччулаах биир дойдулаахтарбыт Максим Аммосов, Илья Винокуров үбүлүөйдээх сылларын чэрчитинэн эбии тутуулары туруорсаммыт олоххо киллэрээри сылдьабыт. Хатырыкка элбэх функциялаах киин, Намҥа бассейн, саҥа стационар тутууралын туруорса сылдьабыт. Уопсайынан, доруобуйа харыстабылын хайысхатынан билигин элбэх объект быһаарылла турар. Бүгүҥҥү күҥҥэ федеральнай программа ситэ оҥоһуллан бүтэ илик. ол иһин чопчу объект бу сылга тутуллуоҕа, ити сылга тутуллуоҕа диэн этэр билигин эрдэ.
    Суол үлэтигэр, Хатырыкпыт суола оҥоһулла турар. Мыраан үрдүгэр 5 км суол оҥоһулла турар, 2,5 км бүттэ. Нам сэлиэнньэтигэр 8 км уһуннаах өрөмүөн үлэтэ, ону сэргэ Илья Винокуров, Нина Корякина уулуссалара оҥоһуллуохтара. Аҕыйах хонуктааҕыта инстаграм ситиминэн тутуу үлэһиттэрин кытта быһа эфиргэ кыттыбыппыт, туох үлэ бара турарын кэпсээбиппит. Суоттаан көрүүбүтүнэн, быйыл уонна эһиил Нам улууһугар тутуу хайысхаларынан 3 млрд. курдук харчы кэлэр. Чопчу суолу этэр буоллахха, 2023 сылга диэри Дьокуускайтан Намҥа кэлэр суолу, салгыы Хатырыкка, Түбэҕэ диэри суолу, улуус иһигэр суоллары оҥорууга 3 млрд. 200 мөл. солк. харчы кэлиэхтээх. Былаан, программа барыта бигэргэтиллэн турар. Ол иһигэр куораттан тахсыыга Үс Хатыҥҥа диэри суол 4 балаһалаах, Жатай быһа охсуһуута круговой буолуохтаах, мыраан анныгар диэри саҥаттан асфальтаныахтаах, мыраан үрдүгэр өрөмүөн, саҥардыы Хатырыкка, Түбэҕэ диэри суол. Хатырыктан Түбэҕэ диэри капитальнай өрөмүөнэ оҥоһуллуохтаах.
    Төһө да ыарыы турдар, мэһэйдээтэр, суол, тутуу хайысхатын үлэлэрэ правительствобытын, Ил Дархаммытын, Российскай Федерация салалтатын, президеммитин, кытта биир ситимнээх үлэ барар.
    Биири өйдүөхпүтүн наада: Нам улууһа дотацияҕа олорор. Бэйэбит оҥорон таһаарарбыт олох кыра. Биһиги билигин национальнай бырайыактарга үлэлиэхпитин, федеральнай, республикатааҕы араас граннарга, куонкурустарга кыттыахпытын наада. Улууска үп-харчы кэлэр хайысхалара ити бааллар.
    -    *_Аны 10-20 сылынан улууспут сайдыытын хайдах көрөҕүн?_*
    -    10-20 сылы өтө көрөр буоллахха, Нам улууһугар, бастатан туран, туризм күүскэ сайдыахтаах. Ити сайдыытыгар билигин бастакы олуктар оҥоһулуннулар. Ол курдук, республика туризмын сайдыытын программатыгар улууспут туристическай кластерын бырайыага киирдэ. Билигин үбүлээһин уонна үлэни саҕалааһын барыахтаах. Туризм сайыннаҕына элбэх үлэ миэстэтэ тахсыаҕа, үгүс киһи кэлиэҕэ. Уопсайынан кэлэр сылларга Нам улууһугар элбэх киһи көһөн кэлиэҕэ. Атын улуус дьоно Эҥсиэлибит хочотун олус сөбүлүүр. Аҥардас дьоммут-сэргэбит сыһыаныттан олус астыналлар, үөрэллэр. Намҥа көһөн кэлии олус элбэх. Миграция өссө улаатыаҕа.
    Бу ый саҕаланыыта Эдьиий Дораны көрсөн турабын, балтараа чааһы быһа кэпсэппиппит. Кини этэринэн, сотору кэминэн мырааны таҕыстыҥ да барыта улахан таас түннүктэрдээх дьиэлэр буолуохтара, мыраантан көрдөххө аллараа барыта дьиэ буолуоҕа диир.
    Улуус инники сылларга күүскэ сайдар, кыах ылар бастакы хаамыылара бааллар. Балык иитэр улахан собуот тутары былаанныыбыт. Бырайыак, оҥоруон баҕалаах дьон баар. Онно, биллэн турар, эмиэ эбии үлэ миэстэтэ тахсыаҕа.
    Инникитин Намҥа улахан тэрилтэлэри аҕалан олохсутарга үлэ барар, эбии дохуоттуур чааспытын улаатыннарар сыаллаах. Былыр-былыргыттан көрдөххө, Нам улууһа республика сайдыытыгар бастакы хаамыылары оҥортуур. Нам улууһун чулуу дьоно республикаҕа улахан суолталаах үлэни ыыталлар, быһаарыныыны ылыналлар. Инникитин даҕаны Нам улууһа оннук дьону таһаара туруоҕа диэн көрөбүн. Улуу дьон тахсыбыт сирдэриттэн улуу дьон син биир тахса тураллар. Онон Нам улууһа инники күөҥҥэ сылдьыаҕа, сайдыаҕа диэн эрэнэбит.
    -    *_Конституциябытыгар төнүннэххэ, бу буолаары турар инникибитин түстүүр куоластааһыҥҥа бэлэмнэнии үлэтэ улууспутугар хайдах бара турарый?_*
    -    Тэрээһин үлэтэ күүскэ бара турар. 27 УИК барыта бэлэмнэр. Бу дьаҥы утары тэрээһиннэр, тоһоҕолоон этэбин, федеральнай үбүлээһининэн мааскалар, термометрдар, ирдэниллэр барыта атыылаһыллан турар. Оборудование барыта кэлэн турар. Улууска штаб тэриллибитэ. Штабы солбуйааччым Петр Абрамов салайар. Бары үлэлэрин саҕалаатылар. Хас биирдии нэһилиэккэ куоластааһыҥҥа элбэх киһи тоҕуоруспатын туһугар индивидуальнай график оҥоһуллубута.
    -    *_Бюллетеҥҥа «сөпсөһөбүн» эбэтэр «утарабын» диэн куоластыыбыт. Аһаҕастык эттэххэ, сорох дьон суолтаҕа уурбат курдук. Куоластааһыҥҥа барар тоҕо наадатын туһунан дьоҥҥор-сэргэҕэр санааҕын тириэрт эрэ._*
    -    Биһиги туспа государство буолан олоруохпутун баҕарар буоллахпытына, Япония, Кытай курдук улуу дойдулар анныларынан барыахпытын баҕарбат буоллахпытына, 400-чэкэ сылы быһа бииргэ олорбут Россияны кытта салгыы тэҥҥэ, тэҥ бырааптаах республика буоламмыт сайдыахпытын баҕарар буоллахпытына куоластааһыҥҥа кыттыахпытын наада. Куоластааһын саамай ис хоһооно маныаха сытар.
    Биһиги биир государствоҕа, биир республикаҕа баарбыт. Бары биир ситим буолан үлэлээтэхпитинэ, былаас араҥата барыта биир ситим буолан үлэлээтэҕинэ биирдэ эрэ ситиһии баар буолар. Соҕотох улуус баһылыга, регион салайааччыта эрэ барытын оҥорбот. Маныаха государство салалтаттыттан саҕалаан күүс-көмө буолан, бары биир санааҕа кэлэн үлэлээтэхтэринэ эрэ ситиһии баар буолар.
    Онон, биир дойдулаахтарбын, барыгытын, куоластааһыҥҥа кэлэн кыттыҥ диэн ыҥырабын.

    *«Нам улууһа» МТ пресс-сулууспата*

    0
Ответ на тему: Вниманию голосующих по Намскому избирательному участку №355 "Набережный*
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания