хоһуйуулар салгыыта
А.Хампа  -    391
Ответов 101 Написать ответ
  • А.Хампа
    15 мая
     

    Сахам кыыһа Сахачаана

    Сахам кыыһа Сахачаана,
    Сааскы чыычаах туллукчаана,
    Сайа тыалым чэлгийээнэ,
    Сылаас салгын кэрэчээнэ!

    Сыдьаай миэхэ мичийэ,
    Сүрэх кыымын тыргыта,
    Сүүрэн киирээр чэмэйэ,
    Сүрдээх үөрэ ымсыырда.

    Саалы тула эргийэ,
    Сэгэлдьийэ үктэнэ,
    Сүрбүн-куппун тутаҥҥын,
    Сулустардыы чаҕыллан!

    0
  • А.Хампа
    15 мая
     

    Бу дьоро киэһэҕэ

    Бу дьоро киэһэҕэ, доҕоттоор!
    Бу дьоллоох түгэҥҥэ, киэһэбэр!
    Бэлиэтээн көрсүһэн ааһыаҕыҥ
    Долгуйа эргиллэ ахтыаҕыҥ,
    .
    Хос ырыата:
    Чэй эрэ, чэй эрэ истиэҕиҥ,
    Дууһабыт үөрүүтүн иэйиэҕиҥ.
    Үҥкүүлээн, тырымнаан ааһыаҕыҥ,
    Дьоһуннаах сыллары ахтыаҕыҥ.

    Үлэлээн тириппит күннэри,
    Олоххо көрсүбүт түбүгү.
    Күн көмүс саастары саныаҕыҥ,
    Кэпсэтэн, сэһэргээн ылыаҕыҥ.

    Хос ырыата:
    Чэй эрэ, чэй эрэ истиэҕиҥ,
    Дууһабыт үөрүүтүн иэйиэҕиҥ.
    Үҥкүүлээн, тырымнаан ааһыаҕыҥ,
    Дьоһуннаах сыллары ахтыаҕыҥ.

    Эбэбит дьирэҥкэй дьиримэ,
    Будулҕан ол устар долгуна.
    Эдэркээн күннэрбит эргиллэ,
    Биһиэхэ сыдьаайа тыгыаҕа.

    Хос ырыата:
    Чэй эрэ, чэй эрэ истиэҕиҥ,
    Дууһабыт үөрүүтүн иэйиэҕиҥ.
    Үҥкүүлээн, тырымнаан ааһыаҕыҥ,
    Дьоһуннаах сыллары ахтыаҕыҥ.

    Оҕо саас барахсан салгына,
    Халлааммыт сырдыгын сарыала.
    Оҥоро кэскили түстүүрэ,
    Хайҕаллаах инники эрэлэ.

    Хос ырыата:
    Чэй эрэ, чэй эрэ истиэҕиҥ,
    Дууһабыт үөрүүтүн иэйиэҕиҥ.
    Үҥкүүлээн, тырымнаан ааһыаҕыҥ,
    Дьоһуннаах сыллары ахтыаҕыҥ.

    Алааска сибэкки мичээрэ,
    Быйаҥнаах сиэдэрэй суугуна.
    Айылҕа эгэлгэ дьиктитэ,
    Барыта олуһун кэрэтиэн.

    Хос ырыата:

    Чэй эрэ, чэй эрэ истиэҕиҥ,
    Дууһабыт үөрүүтүн иэйиэҕиҥ.
    Үҥкүүлээн, тырымнаан ааһыаҕыҥ,
    Дьоһуннаах сыллары ахтыаҕыҥ.

    Оҕо саас барахсан салгына,
    Бу күндү түгэммэр, дьонноруом,
    Үөрүүгүт, көтүүгүт чыпчаала.
    Сүрэххит алгыһын сылааһа,
    Үйэлээх буолуохтун, махталым!

    Хос ырыата:
    Чэй эрэ, чэй эрэ истиэҕиҥ,
    Дууһабыт үөрүүтүн иэйиэҕиҥ.
    Үҥкүүлээн, тырымнаан ааһыаҕыҥ,
    Дьоһуннаах сыллары ахтыаҕыҥ

    0
  • А.Хампа
    15 мая
     

    Сайыммыт салаллыа

    Көмүөлүн ууллартаан,
    Өрүтэ түллээхтээн,
    Өрүспүт эстээхтээн,
    Көҥүтэ анньыалаан.

    Лиҥкинии тыаһаахтыыр,
    Ленабыт устаахтыыр.
    Балкыыра бутуллар,
    Байҕалга талаһар.

    Ичигэс буолуоҕа,
    Сир дойду көҕөрүө,
    Илгийэ далбаатыа,
    Сибэкки тыргыллыа.

    Сайыммыт салаллыа,
    Симэнэ киэргэйиэ,
    Чараҥмыт ыҥырыа,
    Чыычааҕа чуопчаарыа!

    0
  • А.Хампа
    16 мая
     

    Эр бэрдэ кикинини талыаҕын

    Эр бэрдэ кинини талыаҕын

    Эр бэрдэ    аттынан ааһаатын,
    Кыыс Куобут сайыһа көрөөхтүүр.
    Кыбыста имнэрэ кытаран,
    Эргиллэ өрүтэ тыынааахтыыр.

    Күүтэхтиир иһигэр баҕаран,
    Үҥкүүгэ ыҥырыан кэтэһэ,
    Куустуһан, аргыыйдык биилиттэн,
    Устуоҕун салгыҥҥа уйдара.

    Дьоллонон өрүтэ тыыныаҕын,
    Сүрдээҕин имнэрэ кытарыан.
    Күүлэйдии дьаарбайа хаамсыаҕын,
    Сиэттиһэ мичээрдии үөрүөҕүн.

    Кинини соҕотох талыаҕын,
    Киэмсийэ өттөйө хамсаныан,
    Кыһалла кылайан ылыаҕын,
    Кэпсэнэ, ымсыырда сипсийиэн.

    0
  • А.Хампа
    16 мая
     

    Ыйсахтаан ылларбыан

    Эн, ааспыт салгыҥҥын,
    Ыймахтаан ылларбыан,
    Эн кэрэ күлүккүн,
    Кэрэхсээн көрдөбүөн.

    Эн, хаампыт ыллыккар,
    Дьаарбайа турдарбыан.
    Эн, таптыыр кырдалгар,
    Үҥкүүлээн ойдорбуон.

    Эн, туппут сибэккиҥ,
    Мин түөспэр умайыан.
    Эн, кэрэ куоласкын,
    Дуоһуйа истэрбиэн.

    Эн, кыыһар имнэргин,
    Хоһуйан туойдарбыан,
    Сардаанаҥ устунан,
    Куустуһан хаамтарбыан.

    0
    • Lublutichinu
      Lublutichinu
      San
      Профи
      20 мая
       

      А.Хампа, оо, дьэ, кырдалга ҮҤкҮҮлээн ойо сылдьары Ханна көрбүккүтүй?
      Ити "эн туппут сибэккиҤ мин тҮӨспэр умайыан. Эн кэрэ куоласкын дуоһуйа истэрбиэн"диэн логиката суох.

      0
  • А.Хампа
    16 мая
     

    Эн, уоскар

    Эн, уоскар мин уосһум даҕайда,
    Эмискэ имнэрим кытарда,
    Сүрэҕим туллуктуу мөҕүстэ,
    Сүһүөҕүм титирии долгуйда.

    Харахпын сабаммын, тааламмын,
    Минььигэс амтаҥҥын амсайан,
    Бу кэми умнубат туһуттан,
    Астына турбутум уҥаммын.

    Өссө да анытын уурааҥҥын,
    Дууһабын эймэтэ оонньотоор,
    Иккистээн үөрүүнэн тиллэрээр,
    Ахтылҕаҥ тойугун ыллатаар.

    0
  • А.Хампа
    16 мая
     

    Саас кэллэ дэһэллэр

    Саас кэллэ дэһэллэр,айаннаан
    Саҥалыы олоҕу салҕаары,
    Сырдыкпыт сылааһа тыргыллан,
    Сыа хаарбыт ууллуоҕа, устуоҕа.

    Харалдьык тахсыаҕа кырдалга,
    Хаһыыбыт харааран туруоҕа.
    Кулунчук мэниктии ойуоҕа,
    Кыталык кыыларбыт кэлиэҕэ.

    Мырааҥҥа ньургуһун тыллыаҕа,
    Мичээрдээн симэнэ далбаатыа.
    Эбэбит ырбыыта дьиримниэ,
    Уутугар кус кэлэн түһүөҕэ.

    Салгыммыт чэлгийэ тыалырыа,
    Санаабын тиэтэтэн абылыа.
    Саппыкы атахпар кэтэрдиэ,
    Сиэйпэттэн сааларбын ылларыа.

    Сүрэҕим тигинии тэбиэлиэ,
    Сэһээккэ туттара киллэриэ.
    Мончуукпун иннибэр уурталыа,
    Муҥунан халлааны манатыа.

    Кэннибэр күрэгэй дьырылыа,
    Кэҕэбит ойуубар чоргуйуо,
    Сайыыга андатар устуоҕа,
    Соһутан харахпын кэҥэтиэ.

    Оонньуоҕа чалбахха сиэннэрим,
    Оҕобун илииттэн сиэтиэҕим.
    Ойор күн сүүрүүнэн түргэтиэ,
    Онтон дьэ сандаара тыргыллыа!

    -1
  • А.Хампа
    16 мая
     

    Сэгэриэ, эн кэлиий

    Махтана эрдэлээн, доҕоччуох,
    Маанылаах эҕэрдэ ыытыһыах.
    Сарсыарда тураатын ахтыһыах,
    Ол күндү тыллары бэрсиһиэх.

    Биир тэҥник алааска киирэммит,
    Барҕара кэрэтик эргийиэх.
    Бу күҥҥэ аргыыйдык хааммаммыт,
    Бииргэтик куустуһан хамсаныах.

    Сэгэриэм, эн кэлиий түргэтээн,
    Сүрэҕи долгуйа эйээрдэн.
    Сарсыада сарыаллыы сыдьаайан,
    Сандаара мичийэ үҥкүүлээн.

    -1
  • А.Хампа
    16 мая
     

    Бу форумҥа хоһоонньуттар киириҥ

    0
  • А.Хампа
    16 мая
     

    Сунтаар кыыһа сэгэриэм

    Сунтаар кыыһа сэгэриэм,
    Сахам кыыһа кыысчыыныам,
    Сэгэлдьийэ үктэнэн,
    Сүүрэн кэлиий сыдьаайан.

    Дьоһун дьуохар үҥкүүгэ,
    Дьоннуун бииргэ хаамсыһа,
    Илиилэртэн ылсыһа,
    Илин арҕаа халыйса.

    Тоҥолохтон өйөһүөх,
    Талыы талба хоһуйсуох,
    Айылҕалыын алтыһыах,
    Айхалбатын тиэрдиһиэх.

    Сылаас санааҥ илгийдин,
    Сырдык сарыал мичээрэн,
    Сүрэх тэҥҥэ тиҥийсэн,
    Сиэтэ дьолу аҕалсан.

    Сайдам ыраас ыранан,
    Сайын тунал ыһыахха,
    Симэниэхэ киэргэнэн,
    Сайа тыалга үөрүөххэ!

    0
    • Lublutichinu
      Lublutichinu
      San
      Профи
      20 мая
       

      А.Хампа, этиилэргэ , уопсайынан, тылы бэрээдэгэ суох туттуу көмөтүнэн рифмалаан хоһооннуур эбиккин.

      0
  • А.Хампа
    16 мая
     

    Оҕолор ааҕалларыгар

    Сарсыардаттан туруортуур,
    Саҥа күммүт үүннэ диэн.
    Күүскэ олус хаһыытыырыыр,
    Кыһыл көмүс тараахчаан.

    Ону тэҥҥэ үтүктэн,
    Эдэр бөтүүк хөөҕүнүүр.
    Кынаттарын сапсынан,
    Улахан буола сатаахтыыр.

    Аргыый аҕай хамсанан,
    Тойон аргыый дьаһайан,
    Дьүөгэлэрин дьарыйар,
    Баттахтарын тардыалыыр.

    Туора-маары соттунар,
    Атахтарын сытыылыыр.
    Охсуһарга бэлэмниир,
    Оройунан көрүөлүүр.

    0
  • А.Хампа
    16 мая
     

    Ийэбин ойуулуом

    Харандаас тутаммын,
    Кумааҕы ыламмын,
    Олуһун кыһаллан,
    Ойуулуом ийэбин.

    Сибэкким кэрэтин,
    Сандаара кыыһарын,
    Сиэдэрэй дьүһүннээн,
    Симэхтээн түһэрэн.

    Холуубу үтүктэн,
    Халлааҥҥа көтүөҕүм,
    Былааҕы тутаммын,
    Барааттаан хаамыаҕым.

    0
  • А.Хампа
    16 мая
     

    Кырачаан кыргыттар

    Кырачаан кыргыттар,
    Сибэкки быыһынан,
    Көтөллөр дайаннар
    Лыах буолан сапсынан.

    Үҥкүүлээн ойоллор,
    Сырсаллар, үөрэллэр,
    Көрүлээн тэллээрэн,
    Салгыҥҥа уйдаран.

    Оҕо саас кэрэтин,
    Уруйдуу туойаллар,
    Ырыаҕа холбоһон,
    Чуопчааран ылаллар.

    0
  • А.Хампа
    16 мая
     

    Кууруссабыт айманар

    Сымыыттарын сүтэрэн,
    Кууруссабыт айманар,
    Бөтүүк кыылбыт сапсынан,
    Битийэрин ордорор.

    Эбээ Тааньа барахсан,
    Илдьэ барта хомуйан,
    Билиитэни таһаара,
    Билинини буһарта.

    Омлеты оҥорто,
    Оҕолорун аһатта,
    Бурдуктарын мэһийэ.
    Колобогу астаата.

    Түннүктэрин аттыгар,
    Сойутаары уурбута,
    Онто туран эмискэ,
    Куотан саһан ойбута.

    -1
  • А.Хампа
    16 мая
     

    Толлойон тураммын

    Толлойон тураммын,
    Терканы ылабын,
    Астыыбын элбэҕи,
    Арааһы үгүһү.

    Төгүрүк лууктарбын,
    Быһабын, кырбыыбын.
    Хараҕым ууларын,
    Таһааран ылабын.

    Тортары таптааммын,
    Остуолбар уурабын.
    Күөрчэҕи ытыйан,
    Күндүлүү уунабын.

    Мичийэ үөрэбин,
    Ийэбин үтүктэн.
    Алаадьы буһарыам,
    Салааты оҥоруом.

    -1
  • А.Хампа
    16 мая
     

    Эбэм астыыр астара

    Сарсыардаттан тураатын,
    Дьэдьэннэрдээх күөрчэхпин,
    Алаадьынан оймуурбун,
    Алыс мэлдьи таптыыбын.

    Эбэм астыыр астара,
    Миэхэ олус минньигэс,
    Ыһаарылаах собото,
    Үүттээх, сүөгэй чэйдэрэ.

    Үчүгэйдик таҥныаҕым,
    Детсад дьиэҕэ тиийиэҕим,
    Оҕолордуун оонньуоҕум,
    Улаатыаҕым күн ахсын.

    -1
  • А.Хампа
    16 мая
     

    Дьээдьэ Стёпа буолуоҕум

    Улаатаммын ситэммин,
    Дьээдэ Степа буолуоҕум.
    Манабылга туруоҕум,
    Мэлдьи бэлэм буолуоҕум.

    Харабыллыы тахсыаҕым,
    Бэрээдэги көрүөҕүм.
    Оҕолордуун сиэтиһиэм,
    Уулуссаны туоратыам.

    Кырдьаҕаһы ытыктыам,
    Кыамматтарга кыһаллыам,
    Күрэхтэргэ кыттыһыам,
    Кыайыылары ситиһиэм!

    0
  • А.Хампа
    16 мая
     

    Иннэлэрбит тигэллэр

    Тигээйилэр

    Уйабытын тыытымаҥ,
    Олохпутун аймаамаҥ.
    Бары көтөн тахсыахпыт,
    Бары саба түһүөхпүт.

    Иннэлэрбит тигэллэр,
    Үҥүү курдук сытыылар.
    Олус күүстээх буойуммут,
    Охсуһары сатыыбыт.

    Эккирэтэн тутуохпут,
    Элбэх буолан кыайыахпыт.
    Суоһурҕана дайыахпыт,
    Сапсынаммыт ситиэхпит.

    0
  • А.Хампа
    16 мая
     

    Ийэм курдук иистэниэм

    Оонньуурдарбын сааһылаан,
    Оннуларын булларан,
    Бэрээдэктээх аатыран,
    Бастыҥ оҕо буолабын.

    Куукулабын көтөҕөн,
    Оронугар илдьэбин.
    Биһик ырыа таһааран,
    Аргыый ырыа ыллыыбын.

    Ийэм курдук хамсанан,
    Иистэниэҕим иннэнэн,
    Былааччыйа тигиэҕим,
    Барыгытын үөрдүөҕүм.

    0
  • А.Хампа
    16 мая
     

    Улахан киһи буолабын

    Мантан саҕалаан

    Уһуктаммын таҥнабын,
    Улахан киһи буоламмын,
    Ытаабаппын адьаһын,
    Атаахтаммын турбаппын.

    Детсад дьиэҕэ тиийэммин,
    Доҕотторбун көрсөбүн.
    Дьоһун оҕо буоламмын,
    Дьоммун мэлдьи үөрдэбин.

    Олус бииргэ тутуһан,
    Онньоон-ыллаан ылабын.
    Үөрэ-көтө сылдьабын,
    Үҥкүүлээммин тэйэбин.

    0
  • А.Хампа
    16 мая
     

    Үлэни таптыыбын

    Аһылык кэнниттэн,
    Сэрэнэн тутаммын,
    Сууйабын иһиппин,
    Остуолбун сотобун.

    Муостаны харбыыбын,
    Таҥаспын ыйыыбын,
    Улахан буоламмын,
    Үлэни таптыыбын.

    Күн күбэй ийэбэр,
    Көмөлөөх киһибин.
    Мэлдьитин хайҕанан,
    Махталга сылдьабын.

    0
  • А.Хампа
    17 мая
     

    Былыргыны түөрдэххэ

    Кыра сылдьан кыһалла,
    Туһа киһитэ буоларбыт.
    Төрөппүккэ өйөһө,
    Көмө оҕо буоларбыт.

    Ылбай киһи аатыра,
    Ынах ыаһар этибит.
    Торбостору аһата,
    Титииктэргэ сүүрэрбит.

    Тиритэ-хорута үлэлии
    Муостабытын соторбут,
    Ыраастыырбыт иһити,
    Ыпкааптарга уурарбыт.

    Дьиэбит иһин хомуйан,
    Дьогдьоһуйа сиэлэрбит,
    Маһы мастаан кэллэрэн,
    Мэлдьи куруук таһарбыт.

    Оһох оттор буоларбыт,
    Оҕуруокка сүүрэрбит,
    Ойой-соҥой көрөрбүт,
    Мэлдьди сыыһын ылгыырбыт.

    Күөлтэн ууну баһаары,
    Күнүн ахсын тиэстэрбит.
    Эбэбитин батыһа,
    Эбэ күөлгэ оттуурбут.

    Аҕабытын үтүктэн,
    Айылаҕа сылдьарбыт,
    Куобахтарга туһахтаан,
    Куруҥ тыаны кэтэрбит.

    Маҕаһыыҥҥа биэрээри,
    Моҕотойдоон кэлэрбит.
    Күтэрдэри туттара,
    Капкааннары иитэрбит.

    Оскуолаҕа киирээри,
    Оҥоойугу тутарбыт,
    Отоннору хомуйа,
    Ойуур тыаҕа сыылларбыт.

    Күммүт оннук бүтэрэ,
    Кэлин санаан көрдүбүт,
    Бэркэ тохтоон ахтыһа.
    Былыргыны түөрдүбүт.

    0
    • Lublutichinu
      Lublutichinu
      San
      Профи
      20 мая
       

      А.Хампа, орфография тобук

      0
      • Alekkskonst1962
        Alekkskonst1962
        Александр
        22 мая
         

        Lublutichinu, хас форум аайы баар уонна барыта хатыһыы хас биирдии тыл аайы күрүчүөк чуумпуну сөбүлүүр буолбакка айдааны сөбүлүүр дэниэххин форум аайы бииргэ да кыратык син сөп эбит дииргин көрө иликпин барытын сиилээһин хомпуустааһын көннөрү бириэмэ эрэ атааран кыһыл тылынан кыырааһын

        0
        • Lublutichinu
          Lublutichinu
          San
          Профи
          22 мая
           

          Alekkskonst1962, хоҺооннору ааҔарбын сӨбҮлҮҮбҮн. Соччо табыллыбатах хоһооннор тахса тураллар, ессе сыыҺа бӨҔӨ. Кырдьык, бу Хампа редакциялатан баран таҺаарыа эбит. Дьон чуумпутун аймыа суох этэ.

          0
  • А.Хампа
    17 мая
     

    Кубалар субуһан аастылар

    Дойдубут үрдүнэн кубалар,
    Дайбана субуһан аастылар,
    Төрөөбүт сирдэрин ахтаннар,
    Тапталга билинэ көттүлэр.

    Халлаантан үөрүннэн субуһа,
    Хаһыыра эҕэрдэ ыытыһа,
    Кылбаара астына айхаллыы,
    Кэрэхсии Ийэ Сир уруйдуу.

    Кырдалбар күүлэйдии тахсыахха,
    Кыһымыт ааспытын бэлиэтии,
    Көй салгын ырааһын тыыныахха,
    Кылыйа эдэрдии, мэниктии!

    0
  • А.Хампа
    17 мая
     

    Былаачыйамкэрэтиэн

    Былааччыйам кэрэтиэн,
    Ойуулара арааһыан,
    Тэлэрийэн олуһуон,
    Киэргэллэрэ элбэҕиэн.

    Ийэм тигэн биэрбитэ,
    Эбэм эбэн тупсарта,
    Ойуу-бичик түһэртэ,
    Иистэммитэ түүннэри.

    Оҕолорго көрдөрүөм,
    Үҥкүүлээммин ойуолуом,
    Муода курдук хамсаныам,
    Мичилийэ туттунуом.

    0
  • А.Хампа
    17 мая
     

    Үрдүк үрдэл ситиһиэм

    Биири бииргэ эптэххэ,
    Икки буолар дэһэллэр.
    Онтон икки илии барыта,
    Уонум буолар, оҕолор.

    Тарбахтарбын чоротон,
    Хаһын таайа сатыыбын,
    Төбөм иһин сынньабын,
    Ботугураан ылабын.

    Буукубаны сирдэтэн,
    Букубаары ааҕабын.
    Билиилэргэ тардыһан,
    Бастыҥ буола сатыыбын.

    Учууталбын истэммин,
    Улаатыаҕым сыл ахсын.
    Үлэ, үөрэх батыһыам,
    Үрдүк үрдэл ситиһиэм.

    0
  • А.Хампа
    17 мая
     

    Утуйа сытабын

    Күһүнүм кэлиитэ,
    Көтөрбүт барыыта,
    Арҕахпар киирэбин,
    Утуйа сытабын.

    Тымныыны билбэппин,
    Түүллэри түһүүбүн,
    Таһырдьа быкпаппын,
    Туманы көрбөппүн.

    Саас сылаас буолуута,
    Салгыҥҥа тахсабын.
    Сыһыыга сылдьабын,
    Сэрэнэн хаамабын..

    0
  • А.Хампа
    17 мая
     

    Сайыны көрсүөххэ

    Сайыны көрсүөххэ

    Сааскыбыт сандаара,
    Сылааһа илгийдэ.
    Аан бастаан ардаҕа
    Астыктык ибиирдэ.

    Сүрэҕи угуттаан,
    Сарыала айхаллыыр,
    Тапталы уруйдаан,
    Таммалыы мөлбөҥнүүр.

    Чараҥым көҕөрөр,
    Чэбдик тыал илгийэр,
    Сиэттиһэн тахсыахха,
    Сайыны көрсүөххэ.

    Сибэкки тылларын,
    Сэрэнэ көрүөххэ.
    Кэҕэбит этэрин,
    Кэтэһэ истиэххэ.

    0
  • А.Хампа
    17 мая
     

    Айан ыллыам эйигин

    Айан ыллыам эйигин.
    (Эдэрдэргэ анаан)

    Умсулҕаннаах уостаргын,
    Ууруом олус астыктык.
    Талыы талба таһааҕын,
    Таптыы туойуом кэрэтик.

    Чаҕылыйар хараххын,
    Чэмэлийэр мичээргин,
    Чочуонайдыыр үктэлгин.
    Чочуйаммын ыллыаҕым.

    Толбонурар суһуоххун,
    Тэлээрийэр үҥкүүгүн,
    Кынталдьыйа хаамаргын,
    Кыталыкпар тэҥниэҕим.

    Илин-кэлин киэргэлгин,
    Иилэ-көрө кэрэхсиэм.
    Ахта, санаан тураммын,
    Айыам кэрэ бэйэҕин!

    0
  • А.Хампа
    17 мая
     

    Сыллыы, ууруу туруоҕум

    Сыллыы, ууруу туруоҕум

    Сэбирдэх курдук сэлибирээн,
    Салгын курдук салыбыраан,
    Титирик курдук титирээн,
    Тэтиҥ курдук тэлибирээн.

    Тапталаахпар киийиэҕим,
    Татыйааспын булуоҕум,
    Толлон умса көрүөҕүм,
    Тутан туран кууһуоҕуом.

    Чараҥ тыабар хаамыаҕым,
    Санаан, ахтан сиэтиэҕим,
    Чэбдик салгын тыыныаҕым,
    Сыллыы, ууруу туруоҕум.

    0
  • А.Хампа
    18 мая
     

    Туман буолан сүтэҕин

    Туман буолан сүтэҕин

    Сэгэттэйим кэлиэ диэн,
    Сулустарбын ааҕабын,
    Сэмээр аргыый тыынабын,
    Суолуҥ диэкки маныыбын.

    Олус күүтэ кэтэһэн,
    Олоотуубун хайыһан.
    Отой чаһыым бытаанын,
    Омонура үөхсэбин.

    Ойуулааммын оҥорон,
    Харахтарбар көрөбүн.
    Онтон туман буолаҥҥын,
    Халлаан устун сүтэҕин.

    -1
  • А.Хампа
    18 мая
     

    Олоҕу саҥалыы саҕалыах

    Олоҕу саҥалыы саҕалыах

    Эйиэхэ айаннаан тиийиэҕим,
    Буурҕаны, силлиэни силэйэн.
    Буккуллан, саҥалыы өйдөннүм,
    Элбэх сыл кэнниттэн бу бүгүн.

    Сылдьыбыт эбиппин дьэлликтии,
    Саастарбын куоттара сыыспыппын.
    Олохпун саҕалыам саҥалыы,
    Отойун күүстээхтик ылынан.

    Барыта кэлбэттии ааспыта,
    Буорайбыт кэмнэрим сүппүтэ.
    Билигин киһилии көммүтүм,
    Букатын андаҕар биэрбитим.

    Итэҕэй нөргүйэн этэрбин,
    Истиҥниир санаабын тиэрдэрбин,
    Сүүс сүүстэн дьыллары өйөһүөх,
    Сүрэҕи бииргэтик тиҥитиэх!

    0
  • А.Хампа
    18 мая
     

    Эбисээнэ буоламмын

    Эбисийээнэ буоламмын,
    Элбэхтик да сүүрэбин,
    Мастан маска ыттабын,
    Күлэ-үөрэ куотабын.

    Кутурукпун хамсата,
    Кэлэр, барар дьоннору,
    Кэтээбитэ буолабын,
    Күлүү элэк туттабын.

    Банан булан аһыыбын,
    Бөҕү, сыыһы ыһабын.
    Үтүктэбин дьээбэлээн,
    Үрдүк сиргэ олорон.

    0
  • А.Хампа
    18 мая
     

    Петачок

    Петачок, петачок,
    Биэс тарбах атаһа,
    Винни Пух доҕоро,
    Бэһиэлэй чооскута.

    Баҕатын толорон,
    Бээтинсэ киэһэҕэ,
    Бэлэҕин өсүөлгэ,
    Биэрээри гыммыта.

    Аһара тиэтэйэн,
    Сарайа сүүрэлээн,
    Саарыгын алдьаппыт,
    Хараҕа ууламмыт.

    0
  • А.Хампа
    18 мая
     

    Тииҥчээним барахсан

    Тииҥчээним барахсан,
    Тутаҥҥын үөһэттэн,
    Эриэхэ ылаҥҥын,
    Элитэ оонньоомо.

    Ыыстааҥҥын күлүмэ,
    Ыстана ойума,
    Куотума, саһыма,
    Киһиргии туттума.

    Хаарынан быраҕыам,
    Суулларан түһэриэм,
    Ситэммин тутуоҕум,
    Харбаамын илдьиэҕим.

    0
  • А.Хампа
    20 мая
     

    Ооҕус оҕус буолабын

    Ооҕуй оҕус ааттыран,
    Оҕуруктаах өйбүнэн,
    Илимнэрбин үтүөҕүм,
    Иҥиннэрэ тутуоҕум.

    Үгүс элбэх үөннэри,
    Үөрэн-көтөн аспыты,
    Хаптарамын харбыаҕым,
    Хаһаанаммын баайыаҕым.

    0
  • А.Хампа
    20 мая
     

    Чыычааҕым оҕото

    Чыычааҕым оҕото,
    Сымыыттан таҕыста.
    Салгыны ыймахтыы,
    Часкыйа саҥарда.

    Төбөтүн көтөхтө,
    Тулатын көрдөөтө.
    Ааттаһа ыҥырда,
    Айаҕын аппатта,

    Аҕалаах ийэтэ,
    Аһылык аҕала.
    Айхаллыы дайдылар,
    Аймана көттүлэр.

    0
  • А.Хампа
    20 мая
     

    Мин уйан сүрэхпин аймаама

    Мин уйан сүрэхпин аймаама

    Кэбиһиий, мин уйан сүрэхпин аймаама,
    Кэлимэ, эдэрбин эргитэ сатаама,
    Сыл хонук барбыта ыраатта,
    Сүппүтэ тумаҥҥа муннара.

    Ол кэммит сүүрбүтэ, сүппүтэ,
    Отойун кэлбэттии номоххо,
    Букатын күрэнэн хаалбыта,
    Былыты кытары ааспыта.

    Ол ону иккистээн күөдьүтэн,
    Омуннаах соҕустук көрүмэ,
    Билигин атыммын букатын,
    Булкуйан иирдимэ, күөртээмэ.

    0
  • А.Хампа
    20 мая
     

    Быраһаай оскуолам барахсан!

    Быраһаай оскуолам!

    Саныаҕым оскуолам сылларын,
    Суумкалаах күн ахсын сүүрбүппүн.
    Баартаҕа көнөтүк олорон,
    Билиини, үөрэҕи ылбыппын.

    Учуутал убайым кэпсиирин,
    Утары мэлдьитин истэрбин.
    Тахсаммын дуоскаҕа умнарым,
    Толлойон толкуйдуу турарым.

    Тэтэрээт лиистэрин арыйан,
    Тиэтэйэ суруйар буоларым.
    Кинигэм кэннитин арыйан,
    Кистээммин эппиэтин көрөрүм.

    Кылаастан кылааска тахсаммын,
    Кыһалла иҥэртим сыраҕын.
    Эргиллэн кэлиэҕим үөрүүнэн,
    Элбэх сыл кэнниттэн ахтаммын.

    Бараһаай оскуолам барахсан,
    Барҕара идэни ыламмын,
    Улахан ырабын толоро.
    Уйгулаах санаабын ситиһэ!

    0
  • А.Хампа
    20 мая
     

    Бүтэһик чуорааммыт чугдаарда!

    Барыбыт иннигэр бу бүгүн,
    Бүтэһик чуорааммыт чугдаарда.
    Бастакы кылаастан үөрэнэн,
    Билиини ыллыбыт кыһалла.

    Оскуолам сыдьаайар бэйэтин,
    Олоххо үөрэппит уйатын.
    Атаара сирдээбит биһигин,
    Ахтыахпыт учуутал сыратын.

    Барабыт идэни баһылыы,
    Баҕара көтөбүт айхаллыы,
    Мэлдьитин, өрүүтүн саныахпыт,
    Махталлаах тылбытын тиэрдэхпит!

    0
  • А.Хампа
    20 мая
     

    Билбэппин эн кими суохтуургун

    Билбэппин эн кими суохтуургун

    Билбэппин, эн кими суохтуургун,
    Суол диэкки кэтэһэ көрөргүн,
    Санааргыы хараҕыҥ уулантын,
    Былаатыҥ төбөтө илийтин.

    Билэбин, арай мин эйигин,
    Таптыыбын эдэр саас эрдэхтэн.
    Букатын сүрэхпэр иҥэрэн,
    Төһөлөөх кистээммин ахтарбын.

    Сылларбыт усталлар элэҥнээн,
    Олохпут сааһыра бараахтыыр.
    Сэгэрим ырааттар ыраатар,
    Отойун сэбэрэҥ мэлийэр.

    0
  • А.Хампа
    21 мая
     

    Олохпут түбүгүн салгыахха

    Олохпут түбүгүн салгыахха

    Саҕахха күн тыган кытарда,
    Саҥа күн үүммүтүн аҕалла.
    Сарсыарда кэлбитин биллэрдэ,
    Сүрдээҕин мичийэ тыргыйда.

    Олохпут түбүгүн салгыахха,
    Санааны көтөҕө туттуохха.
    Отойун үтүөнү саныахха,
    Салгыммыт чэбдигин тыыныахха.

    Сүргэни көтөҕөн туруохха,
    Сыдьаайа эҕэрдэ ыытыахха.
    Илиини уунаммыт көрсүөххэ,
    Иҥэрэ, үөрүүнэн ылыахха.

    Сөҥөрө, сүрэххэ иэйиэххэ,
    Саргыны аҕала этиэххэ,
    Махтана алгыһы тиэрдиэххэ,
    Мэлдьитин кэрэни туойуохха!

    0
  • А.Хампа
    21 мая
     

    Ветеран

    Дорообо! Ким мин хоһооннорбун хайдах ылынарынан. Эҕэрдэ тылларын да суруйталыыр этим.

    0
  • Lublutichinu
    Lublutichinu
    San
    Профи
    21 мая
     

    ТииҤчээни хата аҺынным. Илдьэ бардаххына сҮрэҔэ тохтуур буо)

    0
  • А.Хампа
    21 мая
     

    Кустаан-бултаан кэллибит

    Кустаан-бултаан кэллибит,
    Көхсүбүтүн кэҥэтээт,
    Ааны күүскэ тэбиэлээт,
    Айгыстаммыт киирдибит.

    Киһиргэнэ хаамтыбыт,
    Кэпсэл, сэһэн буоллубут.
    Отой артыыс курдукпут,
    Олус эбэ туойдубут.
    Олонхону санааммыт,
    Охсуннубут түөспүтүн.
    Ойой-соҥой көрдүбүт,
    Ойохпутун үөртүбүт.

    Сайыммытын аҕала,
    Өттүк харалаах буоллубут,
    Сыта-тура үргүөхпүт,
    Омунура буһара!

    0
    • Lublutichinu
      Lublutichinu
      San
      Профи
      21 мая
       

      А.Хампа, тыла- өһө дьадьаны. Ааны тэбиэлээбэтэр да.
      ОҤой- соҤой диэн хайдах эрэ, олоҤхону санааммыт игин диэн
      Омунура буҺара диэн не в тему.

      0
  • Марика2016
    Марика2016
    Ветеран
    21 мая
     

    КуЬа5ана суохтар хоЬооннор. Ордук о5олор киэннэрэ чочуйан, редакциялаан биэрдэххэ бэрт буолсулар, мин санаабар.

    0
    • Lublutichinu
      Lublutichinu
      San
      Профи
      22 мая
       

      Марика2016, ааттаах- суоллаах киьи редакцията суох тахсара туохха нааданый диэн боппуруос үөскүҮр.

      0
      • Марика2016
        Марика2016
        Ветеран
        22 мая
         

        Lublutichinu, Ааттаах -суоллаах ким, Хампа дуо? Редакция хайа ба5арар поэкка наада буолла5а дии. Экспромтом улуулар, т.е. одареннайдар эрэ суруйаллар.

        0
  • А.Хампа
    22 мая
     

    Ветераҥҥа

    Ким эппитэй дуу, суруйбутай дуу. Ким баҕалаах суруйуон, холонуон , манна хоһоонун суруйдун ээ. Сааһыттан тутулуга суох. Наһаа да ветераммын диэн түөскэ охсунарыҥ истэргэ олуона. Ол айылаах сэрии дуу, үлэ ветеранаҕын дуу?

    0
    • Lublutichinu
      Lublutichinu
      San
      Профи
      22 мая
       

      А.Хампа, начинающий буолан ити сыыҺаларгытын саатар кеннербеккут, барытын сеп дии саныыгыт?
      Хоьоонньут киьи тылын имитэн, эрчиллэн баран суруйар диэччилэр.Ол суруйан баран хаста да кеннерер хайыыр. Эьиэнэ черновик курдук. Кытаатан тылга болгомтото уурун. Ситиьиилэри баҕарабын.

      0
  • Холонооччу
    23 мая
     

    Кто держит боль внутри себя,
    Кто держит зло в душе своей.
    Тот кормит там своего дьявола Или поливает черную розу с щипами.
    Это как вулкан дымящий
    Или от него остывшая лава.
    Вот-вот взорвётся и разрушит,
    Иль накопит до неба пепель.
    Не держите люди зла
    Друг на друга.
    Расскажите про боль, что не дает покоя.
    Кормите ангелов вокруг себя
    И поливайте цветы в душе
    Своих близких.

    GS.
    Көннөрөрдөөх буоллаҕына көннөрүн. Нуучча тылыгар мөлтөхпүн,саха тылын үөрэппэтэҕим. Анаммыт киһитигэр тиийэ илик.

    0
  • Ветерааҥҥа
    23 мая
     

    Ким баҕарар киирдин

    Мин бу сайты аспытым диэн, ким хоһоон айыан, холонуон баҕалаах киирдин ээ. Сахалыы хоһоон сайыннын. Мин саҥа хоһоон айааччы буолбатахпын. Бу форум иннинэ Санаалар форумҥа Хоһуйуулар диэни көр. Быйыл муус устар ыйга элбэх хоһоон айааччылар күрэстэригэр бастаан турабын. Духовнай киин уонна биллэр суруйааччылар сыаналаабыттара. ОНтон мин хоһооммун ким хайдах ыланарынан, сыаналыырынан. Бүттүбүт.

    0
    • Lublutichinu
      Lublutichinu
      San
      Профи
      24 мая
       

      Ветерааҥҥа, оо. Ол аата хоҺооҤҤун биирда хоҺоонньут сэҤээрбэт буолан киирбэттэр.
      ХоҺооҤҤо бастааҤҤын киҺиргии охсоору киирбиккин дуу тугуй?

      0
  • А.Хампа
    24 мая
     

    Саха буолан сандаарыҥ!

    Эдэр оҕо эрдэхтэн,
    Эрдэ тура дьаһанан,
    Эрчиллэҥҥит кыһаллан,
    Эккит-сииҥҥит сайыннын.

    Мындыр албас туттаҥҥыт,
    Мэлдьи бэлэм буолаҥҥыт.
    Өркөн өйдөөх аатырыҥ,
    Өрүү үрдэл ситиһиҥ.

    Орто дойду сиригэр,
    Омуктардыын эрийсиҥ,
    Харса суохтук киирсиһэн,
    Хапсаҕайдаан кыайаарыҥ.

    Уҕарыйбат уотунан,
    Умсарыта быраҕыҥ.
    Үгэстэри иҥэрэн.
    Үүнэ, үөрдэ тураарыҥ.

    Саха буолан сандаарыҥ,
    Ситэн-тупсан улаатыҥ.
    Санааҕытын уураарыҥ,
    Сириэдийэ сайдаарыҥ!

    0
  • А.Хампа
    24 мая
     

    Эйигин олуһун суохтаатым

    Эйигин олуһун суохтаатым,
    Эйэҕэс мичээргин аҕынным.
    Эҥинэ ойуулуу оҥоро,
    Элбэхтик аҕала санаһа.

    Харахпар бу баардык көстөҕүн,
    Уостубат тапталым буолаҕын.
    Холонноох доҕорбор тэҥниибин,
    Үйэбэр абылыы сылдьаҕын.

    Сааһыра даҕаны бардарбын,
    Сылларым уһуннар сүүрэлээн.
    Сүрэхпэр долгута иҥэҥҥин,
    Сүрдээҕин мэлдьитин арыаллаан.

    0
  • А.Хампа
    24 мая
     

    Собом минэ барасан

    Собо минэ барахсан

    Собом минэ эриэккэс,
    Сүрдээх олус минньигэс,
    Эппэр-хааммар сүүрэлиир,
    Эрчимирэ угуттуур.

    Эбэм аһа күндүтүн,
    Эчикийэ олуһун,
    Өссө иһиэх курдукпун,
    Өлбөт-мэҥэ сананан.

    Аттаан-суоллаан тураммын,
    Айгыстаммын киирэммин,
    Айаннааммын тиийиэҕим,
    Ардьаах туубун көрүөҕүм.

    Балыктарбар үөрүөҕүм,
    Биллэр ырыа ыллыаҕым.
    Махтал тылбын этиэҕим,
    Мэлдьи кэлэ туруоҕум.

    0
  • А.Хампа
    24 мая
     

    Кыыс оҕо

    Кыыс оҕо элээрдэ,
    Үҥкүүлээн тэлээрдэ,
    Үөрэ-көтө мичээрдэ,
    Көрө-истэ сыдьаайда.

    Алааспын киэргэтэ,
    Абылыы диэрэйдэ,
    Санаабын көнньүөртэ,
    Алыһын көтөхтө.

    Кытылык кэриэтэ,
    Кынтайа үктэннэ,
    Кубабын саната,
    Кылбаара күөкэйдэ.

    Сайыммыт кэлиитин,
    Сирэм күөх тыллыытын,
    Симэнэн көрүстэ,
    Сэгэйэ хамсанна!

    0
  • Lublutichinu
    Lublutichinu
    San
    Профи
    24 мая
     

    Дэ, да.
    Чэ, эҤин араас хоҺоонньуттар элбээбиттэр. Тэллэй курдук үүммүттэр.

    0
  • Lublutichinu
    Lublutichinu
    San
    Профи
    24 мая
     

    Кыайбыт хоҺооҤҤун Ханна кистээтиҤ?

    0
  • А.Хампа
    26 мая
     

    Сайыным

    Сайыным салаллан,
    Сылааһым эргийэн,
    Салгыным чэлгийэн,
    Сибэкким мичээрэн.

    Чараҥым симэннэ,
    Чэбдик тыал оонньоото,
    Чыычааҕым ыллаата,
    Чугдаара дьиэрэйдэ.

    Аар тайҕам көҕөрдө,
    Айылҕам киэркэйдэ,
    Саҥалыы тилиннэ,
    Сарыалым тыргыйда.

    Санаабын көнньүөртэ,
    Сүрэхпин эппэттэ,
    Салгыным сипсийдэ,
    Сэрэнэ ыҥырда.

    0
    • ilincaxa
      27 мая
       

      А.Хампа, иккилии куплеты холбууруҥ буоллар ситимнэниэ эбит..,скриншоттаатымsmiling face with open mouthДэгэрэҥ матыып киириэх курдук.Иккис куплет ,бастакы строката,бастакы курдук окончаниелааҕа буоллар дии санаатым...ээ

      0
  • А.Хампа
    26 мая
     

    Саха ыалын олоҕо

    Саха ыалын олоҕо,
    Саргы биһик уйата.
    Оҕо ыччат саҥата,
    Олус күндү бэйэтэ.

    Дьоһун мааны анала,
    Дьоллоох олох мэктиэтэ.
    Холумтана сылааһа,
    Харыстабыл кыһата.

    Көччөх гынан көтүтэр,
    Кэлэр үйэ салҕанар,
    Таптал үүнэр бэлиэтэ,
    Төрөппүтүн тутула.

    Саргы кыыһар сарыала,
    Кэскил кэрэ ырата,
    Сандаарыйа тыргылла,
    Күүстээх бигэ үрдэлэ!

    0
  • Lublutichinu
    Lublutichinu
    San
    Профи
    26 мая
     

    Строфалар икки ардыларыгар логическай ситим суох. Этиилэр истэригэр эмиэ хааьы.
    Сурук бэлиэтэ беге кеппут.

    0
  • Хомустан
    26 мая
     

    Мин буолбатах, дьону сордоомо.

    0
  • А.Хампа
    27 мая
     

    Сэгэттэйим кэлиэ диэн

    Туман буолан сүтэҕин

    Сэгэттэйиэм кэлиэ диэн,
    Сулустарбын ааҕабын,
    Сэмээр аргыый тыынабын,
    Суолуҥ диэкки маныыбын.

    Олус тура кэтэһэн,
    Олоотуубун хайыһан.
    Отой чаһыым бытаанын,
    Омонура күүтэбин.

    Ойуулааммын оҥорон,
    Харахтарбар көрөбүн.
    Онтон туман буолаҥҥын,
    Халлаан устун сүтэҕин.

    -1
  • А.Хампа
    27 мая
     

    Эйигин олуһун суохтаатым

    Эйигин олуһун суохтаатым,
    Эйэҕэс мичээргин аҕынным.
    Эҥинэ ойуулуу оҥоро,
    Элбэхтик аҕала санаһа.

    Харахпар бу баардык көстөҕүн,
    Уостубат тапталым буолаҕын.
    Холонноох доҕорбор тэҥниибин,
    Үйэбэр абылыы сылдьаҕын.

    Сааһыра даҕаны бардарбын,
    Сылларым уһуннар сүүрэлээн.
    Сүрэхпэр долгута иҥэҥҥин,
    Сүрдээҕин мэлдьитин арыаллаан.

    -1
  • А.Хампа
    27 мая
     

    Көтөн киирдэ эмискэ

    Туналыйар ньуурдардаах,
    Туйаарыма Куолардыы,
    Соһулардыы суоһуохтаах,
    Суоһалдьыйа Толбоннуу.

    Сэгэлдьийэ үктэнэн,
    Сырдыгынан сыдьаайан,
    Сүрдээх үөрэ мичийэн,
    Сибэккилии симэнэн.

    Олус күүскэ долгуйан,
    Сүрэх кылын таарыйан,
    Сүһүөхтэрбин хамсатан,
    Отой олох соһутан.

    Көтөн киирдэ эмискэ,
    Көрө-үөрэ чаҕылла,
    Күннүү күлэ тыргылла,
    Куппут тута сөхтөрө!

    -1
  • А.Хампа
    29 мая
     

    Үбүлүөй ырыата

    Үбүлүөй ырыата
    (наҕыллык)

    Үөрүүлээх аанньалыҥ күнүгэр,
    Эҕэрдэ кэрэтин ыытабын,
    Олоҕуҥ биир кэрдиис туолбутун,
    Алҕааммын алгыс тыл этэбин!

    Дьонноруҥ иннигэр бэлиэтээн,
    Астына эргитэ аҕалан,
    Дьоһуннаах сылларыҥ түгэнин,
    Аттааммын киэн тутта турабын!

    Эдэр саас эрчимин тутаҥҥын,
    Дьиҥнээхтик бэринэн үлэлээн,
    Көлөһүн тоҕоҥҥун тиритэн,
    Дьылҕаҕын уһансан кэлбиккин!

    Төһөтүн даҕаны чаҥчыккар,
    Кыраһа бэлиэтээн хаарыйдар,
    Барыта туоһулуур олоҕуҥ,
    Барҕа баай байылыат дьылҕаҕын!

    Дьаҥ-дьаһах хаарыйан ааспатын,
    Дьол-соргу иннигэр мэлдьитин,
    Эйигин кытары сиэтистин,
    Дуоһуйуу, астыныы тосхойдун!

    Сүһүөҕүн үрдүгэр сылдьаҥҥын,
    Сиэдэрэй олоххун ыралан,
    Айыыһыт, Иэйиэхсит арчылаан,
    Айхалаан уруйдуу туруохтун!

    -1
  • А.Хампа
    29 мая
     

    Ийэкээм барахсан

    Ийэкээм, ийэкээм барахсан,
    Ахтаммын эйигин санааммын,
    Ыраахтан айаннаан тиийэммин,
    Киирэммин кууһаммын туруоҕум.

    Сэрэнэн, аргыыйдык тарыаҕым,
    Астыйа маҥхайбыт баттаххын,
    Уйгулаах, сымнаҕас ытыскын,
    Иэдэспэр уһуннук тутуоҕум.

    Ийэкээм, ийэкээм барахсан,
    Сүүскүттэн астына сыллыаҕым.
    Дуоһуйбут, кэтэспит хараххын,
    Үөрүүнэн долгуйа көрүөҕүм.

    Төһөлөөх сыл хонук уһуннар,
    Сүрэхпэр куруутун эн бааргын,
    Төрөтөн, таптааҥҥын, иитэҥҥин,
    Улахан киһини үүннэртиҥ.

    Олохпор мэлдьитин махтаныам,
    Ыраҕын, толоро иҥэриэм.
    Ыччаккар, сиэннэргэр тиэрдэҕим,
    Оллоонноон олорон сэһэргиэм.

    -1
  • А.Хампа
    30 мая
     

    Сүрэхпэр иҥэрэ угуоҕум

    Намчатык, наҕыллык көрөҥҥүн,
    Бэлэхтээ эн миэхэ тапталгын.
    Ньургуһун тыллыбыт мичээрин,
    Быйылгы тырымнаан тыгыытын.

    Салгыммын өрүтэ тыынаммын,
    Сайаҕас бэйэҕин санааммын.
    Сэрэнэн аргыыйдык ылыаҕым,
    Сүрэхпэр иҥэрэ угуоҕум.

    Элгээммит муустара ууллуоҕа,
    Урукку кэммитин саныаҕа,
    Үҥкүүлүү күлүкпүт түһүөҕэ,
    Үөрүүнэн диримнии оонньуоҕа.

    -1
  • А.Хампа
    Вчера, 19:48
     

    Үүнээйибит барахсан

    Үүнээйибит барахсан,
    Үрүҥ күҥҥэ тардыһаар,
    Күнүм ахсын тыллыһан,
    Күлэ-үөрэ улаатаар.

    Оҕо курдук бүөбэйдээн,
    Утаххытын ханнаран,
    Ууну мэлдьи кутуохпут,
    Олус диэммит таптыахпыт.

    Үлэ-хамнас ытыктааҥ,
    Үгүөрүтүк үүнэҥҥит,
    Баҕа санаа ситэҥҥит,
    Быйаҥҥытын бэлэхтээҥ!

    Ыччаттарым, сиэннэрим,
    Ытык мааны дьоннорум,
    Астынаммыт хомуйаат,
    Аскын астаан аһыахпыт!

    -1
  • А.Хампа
    Вчера, 19:52
     

    Билигин киэһэбит кэлбэтин

    Барытын кэлин диэн хаалларан иһэбит,
    Ханна эрэ тиэтэйэ сүүрэбит, сырсабыт.
    Хаһан да иллэҥ кэм отойун көстүбэт,
    Булаары, тутаары, ылаары ыксыыбыт.

    Сылларбыт ааһаллар, усталлар түргэтээн,
    Санаааны сиппэтэх курдуктук санаарҕаан.
    Оҕолор улаата көтөллөр, бараллар,
    Олоҕу билбэккэ хаалабыт үгүстэр.

    Отойун сааһыра барабыт, сыыллабыт,
    Кэлиммит кэлэрин, туоларын күүппэппит.
    Ол эрэн билигин киэһэбит кэлбэтин,
    Күлүмнүү түһүөҕүҥ доҕоттоор, кэтэстин!

    -1
  • А.Хампа
    02:49
     

    Учуутал убайбар

    Учуутал убайбар
    (Учууталбар Алексеев В.Г. аныыбын)

    Улахан киһибэр,
    Учуутал убайбар.
    Үрэҕиҥ кыһата,
    Үтүөкэҥ сырата.

    Кэлэргэ сирдэһэ,
    Куруутун батыһыа,
    Күлүмнүү сыдьаайа,
    Кэскилгэ ыҥырыа.

    Олохпор таһаарыа,
    Үрдүккэ талаһыа,
    Олуһун киэргэтиэ,
    Үөрүүбүн үксэтиэ.

    Идэни ыларбар,
    Ыраахха барарбар,
    Ырабын таларбын,
    Ыйыаҕа аартыкпын.

    Мичийэ саныаҕым,
    Маанылаан этиэҕим,
    Мэлдьитин ахтыаҕым,
    Махталбын тиэрдиэҕим!

    -1
  • А.Хампа
    02:56
     

    Алааска киириэххэ

    Сүрэхпит тэбэрин тухары,
    Сүһүөхпүт үрдүгэр сылдьыахха,
    Саргылаан көтөҕүөх санааны,
    Салгыны тыыраммыт хаамыахха.

    Ырабыт толкуйун ситиһэ,
    Ыттыахха дабааны дабайа,
    Арылы кустугу кэрэхсии,
    Алааска көрүөххэ, долгуйа.

    Дьэрэкээн сибэкки симэҕин,
    Хайҕааммыт одуулуу туруохха.
    Дьоннорбут үөрүүтүн үллэстэн,
    Хоһооҥҥо хоһуйан этиэххэ.

    Ырыата ыллыахха доргуччу,
    Ыймахтыы өрүтэ тыыныахха.
    Ып-ыраас уубутун сомсуохха,
    Ытыска күн уотун оонньото!

    -1
  • А.Хампа
    03:00
     

    Кумахтаах кытылбар күүтэбин

    Кумахтаах кытылбар киирэммин,
    Уҥуоргу саҕаҕы одуулаан,
    Уһуннук турабын күүтэммин,
    Кэтэһэн кэлэргин санаарҕаан.

    Долгуммут дьиримнии устаахтыыр,
    Хоптобут кылбаҥныы көтөөхтүүр,
    Доҕоруҥ кэлиэҕэ дэһээхтиир,
    Хаһыыран эҕэрдэ тиэрдээхтиир.

    Тэлимнээн ыраахтан көстөргүн,
    Түргэтээн тиэтэйэн иһэргин,
    Оҥорон харахпар көрөбүн,
    Ойуолаан, үҥкүүлээн кэлэргин.

    Сарыалга махтана уруйдаан,
    Сибэкким дьөбөтүн уунуоҕум.
    Тапталым эрэлин туоһулаан,
    Тутуһан аргыыйдык хамсыаҕым,

    -1
  • А.Хампа
    03:04
     

    Сэмэйдик киэн тутта хаамабын

    Үгүс сыл сүүрүгүн өксөйөн,
    Үрдүбэр биир хаары ууллардым.
    Үөрэнэн, үлэлээн тиритэн,
    Үйэбэр буолакпын хоруттум.

    Эҥинэ арааһы амсайдым,
    Эриллэн буһаммын таҕыстым.
    Салгыны тыыраммын хамсанан,
    Ситиһэ сатаатым, ырабын.

    Сирдээҕи олохпун киэргэтэ,
    Соҕуруу сырыттым, дуоһуйа.
    Сүһүөҕүм үрдүгэр сылдьаммын,
    Симиибин күн ахсын сарыалбын.

    Сиэннэрим мичээрин көрөммүн,
    Санныбын көтөҕө туттунан,
    Сүүрүктээх үрэҕи туорааммын,
    Сэмэйдик киэн тутта хаамабын.

    -1
  • А.Хампа
    08:07
     

    Учуутал убайбар

    Учуутал убайбар
    (Учууталбар Алексеев В.Г. аныыбын)

    Улахан киһибэр,
    Учуутал убайбар.
    Үөрэҕиҥ кыһата,
    Үтүөкэҥ сырата.

    Идэни ыларбар,
    Ыраахха барарбар,
    Ырабын таларбын,
    Ыйыаҕа аартыкпын.

    Олохпор арыаллыа,
    Үрдүккэ үүнэриэ,
    Олуһун киэргэтиэ,
    Үөрүүбүн үксэтиэ.

    Күн диэкки тардыһа,
    Куруутун батыһыа,
    Күлүмнүү сыдьаайа,
    Кэскилгэ ыҥырыа.

    Мичийэ саныаҕым,
    Маанылаан этиэҕим,
    Мэлдьитин ахтыаҕым,
    Махталбын тиэрдиэҕим!

    -1
Ответ на тему: хоһуйуулар салгыыта
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания