Хоьооннор
Omo5oi_Baai  -    10852
image
Ответов 59
  • Omo5oi_Baai
    Omo5oi_Baai
    Ветеран
    15 мая 2020
     

    Сынньалаҥы билиммэт
    Сиксийэн түһэн,
    Сүрдээх да тыал
    Сирилэччи үрэн!
    Саҥа күммүт саҕаланна
    Сандаарыччы күммүт тыкта,
    Ыам ыйын ортото
    Ыксаан бөҕө үүннэ!
    Мутукча көҕөрөн
    Күөх от бытыгыраан,
    Тулабыт тупсар
    Самаан сайын иһэр!
    Бэйэбит бэһиэлэй
    Турукпут туйгун,
    Бэркэ табыллан
    Бээтиниссэни атаарыаҕын!
    Дорооболоруҥ!
    black sun with raysherbblack sun with raysherbblack sun with raysherb
    Хотуйа сиэнэ

    2
  • Omo5oi_Baai
    Omo5oi_Baai
    Ветеран
    22 мая 2020
     

    Саҕаланна сарсыардам
    Кэҕэ этэр чоргуорунан,
    Самаан сайын кэлбитин
    Туойар дьикти тойугунан!
    Чээлэй күөх халлааммар
    Күнүм бэрдэ күөрэйдэ
    Уйгу сайын унаарыйан
    Тиийэн кэллэ чэмэлийэн!
    Отум ,маһым
    Чэчир күөҕүнэн
    Симэнэн киэркэйэн
    Тупсан турда,
    Самаан сайыны
    Уруйдуу туойда!
    Көтөр сүүрэр
    Күүскэ үөрэн,
    Көтө,көтө
    Кэллэ,барда
    Араас сиэдэрэй тойугунан
    Айылҕам ситэрин
    Ситэрэн биэрдэ!
    Маннык кэмҥэ
    Айылҕа оҕото
    Алгыста ылан
    Көҥүл салгыны
    Түөс муҥунан тыына
    Көҥүллүк сырыт
    Күн оҕото
    Киһи кэрэтэ буол!
    Дорооболоруҥ!
    black sun with raysbouquetblack sun with raysherbblack sun with raysbouquet
    Хотуйа сиэнэ

    2
  • Omo5oi_Baai
    Omo5oi_Baai
    Ветеран
    25 мая 2020
     

    herbrainbowopen bookblack nib
    deciduous treeХатыцчааным
    Аан бастаан
    Арахсан,
    Аттанар
    Айаммар
    Алааьым
    Аартыгар
    Сыгынньах
    Санныгар
    Былаатын
    Быра5ан,
    Сайыьа -
    Санньыйа
    Хатыцым
    Хаалбыта.
    Хайа
    Халлааным
    Аатырар
    Ааныгар
    Ахтарым
    Алааспын.
    Хаарыаннаах
    Хатыцмын,
    Саныырым
    Сайылык
    Саргылаах
    Сайынын.
    Оччо5о
    Ол кэмцэ
    Харахпар
    Хатылаан
    Кундутук
    Кестере
    Сайылык
    Симэммит
    Унаар куех
    Урсуна.
    Ол онно
    Хатыцым -
    Куба кыыл
    Куорсуна,
    Быстах тыал
    Баалыгар
    Туртацныы
    Турара.
    Ол кэрэ
    Ойуулуу
    Кестууттэн
    Кенньуерэн,
    Саппахтаах
    Санньыарым
    Былыта
    Быьыттан,
    Дууьабар
    Дуоьуйа
    Кулум кун
    Кулэрэ.
    Санааттан
    Санаа5а
    Ситимнии
    Сиэттэрэн,
    Умнарым
    Улдьаа уол
    Саарбахтыыр
    Санаабын,
    Умнарым
    Уьун суол
    Сылаалаах
    Сырыытын.
    Эмиэ, дьэ,
    Эрэлим
    Кынаттыыр
    Кыымыттан
    Куурэр куус
    Кутаата
    Сурэхпэр,
    Суьуехпэр
    Куедьуйэн
    Кэлэрэ,
    Эмиэ, дьэ,
    Эрдийэн
    Эрэллик
    Кенетук
    Кетерум
    Куба кыыл
    Кыната
    Суруйбут
    Суолунан.
    1978 с.
    Кэбээйи-Сииттэ
    Григорий Кобяков.

    2
  • Omo5oi_Baai
    Omo5oi_Baai
    Ветеран
    1 июня 2020
     

    ОҔОЛОРБУТ,СИЭННЭРБИТ

    Оҕолорбут,сиэннэрбит
    Күҥҥэ көрбүт көмүстэрбит,
    Сүрэхтэрбит чопчулара
    Олохпутун салгыыр дьоммут.

    Ийэ,аҕа,эбээ,эһээ
    Дьоһун мааны дьонноро.
    Минньигэстэй чыычаахтара,
    Инникигэ эрэллэрэ.

    Сиэн оҕоттон күммүт тахсар,
    Сүрэх үөрэ эппэйэр,
    Сырдык санаа,үөрүү кыыма
    Кинилэрдиин кыттыһар.

    Чаҕыл күннээх халлаан өрүү
    Кинилэргэ баар буоллун.
    Дьоллоох олох,уһун суола,
    Куруук,мэлдьи арыаллаатын.
    Туйгууна,Таатта
    1.6.2020.

    2
  • Omo5oi_Baai
    Omo5oi_Baai
    Ветеран
    1 июня 2020
     

    Төрөппүт сүрэҕэ-оҕотугар,
    Оҕо санаата -тааска диэн
    Өбүгэлэрбит эппиттэр,
    Тааһы кытары ситимнээбиттэр...

    Арай имири сотуллуу буоллун,
    Олохпут огдолуйдун,
    Эйгэ уларыйар туруга буоллун,
    Кэм кэрдиис атыннык эргийдин?

    Киһи аймах эстэр түгэнигэр,
    Айыы Аймаҕа айгырыыр кэмигэр,
    Хаалыаҕа таас,
    Үйэлэри уҥуордаан...

    Уурунуу битиктээх таас
    Кэлэр кэм биттээх,
    Абын-хомуһунун хоһуйа,
    Саҥа кэми ыҥыра...

    Тааска эрэ битиллэр эбит,
    Тааска эрэ хаалар суругу
    Оҕонон солбуйбуттар,
    Аҕа саастаах Айыыларбыт...

    Таайтарыылаах суруктаах таас,
    Үйэлэри уҥуордуо,
    Оҕо ымыытын туппутунан
    Сиргэ саҥа олоҕу оҥоруо...

    Оҕоттон уот үөрэр,
    Оҕоттон холумтан тардыстар,
    Оҕо дьиэҕэ иччи буолан
    Олох дьолун олохтуо...

    Оҕоттон олох салҕанар,
    Олох олугун күлүүһүн туттарар,
    Оһох буруота унаарыйарыгар
    Огдолуйбат тирэх буолар.

    Оҕо аҕа суолталааҕынан үрдүк,
    Айыы хаанын харайар аналынан,
    Айылҕатын олоччу,
    Олордон ылар аналлааҕынан...

    Ийэ куту харыстаан кэлбиттэр,
    Аҕа ууһун ууһатаары,
    Оҕону өрө туппуттар,
    Олохторун устатын тухары...

    Салгын куттуун бииргэлэспиттэр,
    Сата тааһын битигин бигээн,
    Үйэлэри уҥуордаары,
    Үллэ турар Үйэлэрдиин сиэттиһэн...

    Бө Туома

    2
  • Omo5oi_Baai
    Omo5oi_Baai
    Ветеран
    2 июня 2020
     

    Сиэн кыыспар
    Остуоруйа кыыһыныы
    Былаат баанан тураҕын,
    Хап - харанан көрөҕүн
    Тэрбэччи ийэҕинии.

    Кып - кырачаан ытыскын
    Сибэккини ылаары,
    Сэрэнэҥҥин саратан
    Сонурҕаан одуулуугун.

    Эмискэ тыал чэчиккин
    Хамсаппытын көрөҥҥүн,
    Олуһун диэн соһуйдуҥ
    Хараххын өссө кэҥэттиҥ.

    Сүүрэн кэллиҥ куотардыы
    Кутталгыттан ытаатыҥ,
    Ийэҥ кууста нарыннык
    Истиҥник уоскутардыы.

    Саҥа хаамар киһиэхэ
    Сонун буолар эйиэхэ,
    Остуоруйа кыыһыгар
    Алисаҕа сиэнчээммэр.
    Эбээтэ Дайыына.
    02.06.2020с.

    image

    2
  • Omo5oi_Baai
    Omo5oi_Baai
    Ветеран
    6 июня 2020
     

    Олохпут да араас
    Түһүүлээх ,тахсыылаах,
    Таабырын буолаҕын
    Олуһун уустуккун.
    Соҕотох олорон
    Сыыһабын көрдүүбүн,
    Сылларым ааһаллар
    Саныыбын куруутун.

    Кылгас да олоххо
    Киһиэхэ кып -кыра,
    Эйэҕэс мичээри
    Бэлэхтии үөрэниэх.
    Үтүөнү баҕаран,
    Үөрүүнү үксэтэн,
    Олоххо дьулуһуу
    Суолтатын өйдүөҕүҥ.

    Дайыына - Наталья Ушницкая.

    2
  • Omo5oi_Baai
    Omo5oi_Baai
    Ветеран
    6 июня 2020
     

    Ньээм - ньээм кыптыый буута
    Оҕо сааһым сибэккитэ,
    Үүммүт бүгүн хонуубар
    Ойор күнүм үөрүүтэ.

    Сырса оонньуур күннэрбин
    Лыахтыын дайар кэмнэрбин,
    Санаан кэллим эмискэ
    Сайыҥҥы сарсыардабар.

    Тэбэнэттээх оҕо саас
    Тиийэн кэлбэт буоллаҕыҥ?
    Ахтылҕан буолаҥҥын эн
    Аймаатын уйан куппун.

    Ньээм -ньээм кыптыый буута
    Өлгөмнук үүнэ турууй,
    Сайын кэлбит үөрүүтүн
    Оҕолорго туоһулаан.

    Наталья Ушницкая - Дайыына.
    18.05. 2020 с.

    2
  • Omo5oi_Baai
    Omo5oi_Baai
    Ветеран
    6 июня 2020
     

    Хатыҥым барахсан

    Хатыҥым барахсан
    Сайбайан тураҕын,
    Сайыҥҥын көрсөҕүн
    Симэнэн тупсаҥҥын.

    Иилиммит ытарҕаҥ
    Иэҕэҥнэс эйэҥниир,
    Сэбирдэх бастыҥаҥ
    Сиккиэргэ тэлимниир.

    Оһуохай үҥкүүтүн
    Оргууйдук үктээҥҥин,
    Ыраахтан дугуйа
    Ыҥырдыҥ угуйа.
    Сотору тиийиэҕим
    Салама иилиэҕим,
    Кууһаммын туруоҕум
    Күүтээр дуу ,эн миигин.

    Наталья Ушницкая - Дайыына
    30.05.2020 с.

    2
  • Omo5oi_Baai
    Omo5oi_Baai
    Ветеран
    6 июня 2020
     

    Маҥнайгы хаар
    Оҕо сааспын санааммын,
    Оһуор ойуу оҥороммун,
    Маҥан хаарга үктэнэн
    Хааман иһэбин оргууйдук.
    Уһун суолу оймооммут
    Салааскабытын соһоммут,
    Мэниктээн эйээрэрбит
    Сыыртан сырылыы сүүрэрбит.
    Саҥа хаары тутаммыт
    Хаар киһибитин оҥорон,
    Тамнааттаһа оонньуурбут
    Таалалаан сытан үөрэрбит.
    Сааһырдарбын даҕаны
    Сыыртан түһэ сырылаатым,
    Мэник - тэник санаабар
    Саһыгыраччы күлэммин.
    Наталья Ушницкая - Дайыына
    10.10 .2019 с.

    2
  • Omo5oi_Baai
    Omo5oi_Baai
    Ветеран
    6 июня 2020
     

    Бары ханна састылар?
    Бииргэ аһыы сүүрдүлэр,
    Үөрэ -көтө сэлэһээри,
    Үүттээх чээйи иһээри.

    Арай мин соҕотоҕун
    Олоробун үлэбэр,
    Одуулуубун оһохпун,
    Күөх төлөнүн астына.

    Аныгылыы оһохтор,
    Аарыма кыыл курдуктар,
    Тыаһа ууһа сүрдээхтэр,
    Күлүбүрүү умайар.
    Кулгаах олох буорайда
    Кыра саҥаны истибэт,
    Оһох маныыр үлэбит
    Буортулаах буолар эбит.

    Ол да буоллар үлэбин
    Олуһун мин таптыыбын,
    Сырыы аайы ыксааммын
    Үөрүүнэн мин кэлэбин.

    Дайыына - Наталья Ушницкая
    02.12.2015 с.

    2
  • Omo5oi_Baai
    Omo5oi_Baai
    Ветеран
    6 июня 2020
     

    Киповецтарга анаан

    Айылҕабыт сатыылатан,
    Аҕалыаҕа тымныытын,
    Улуу Суорун ыйыттан
    Саҕаланна үлэбит.

    Олох - дьаһах хаһаайыстыба
    Ититиини биэрэргэ,
    Кэмигэр тахсар уурааҕын,
    Суругунан таһаарда.

    Бөҕөргөтүү, иҥиннэрии
    Саамай кылгас болдьоххо ,
    Онно сүүрүү, манна сүүрүү
    Үлэ күөстүү оргуйар.

    Автоматика туруоруута,
    Прибордары ыйааһын,
    Валера уолаттарынаан
    Олохтоох үлэлэрэ.

    Барыта бэлэм буолуута,
    Бэрилиннэ күөх төлөн,
    Оһохторбут буруолара
    Тохтообокко унаарда.

    Дайыына - Наталья Ушницкая.
    06.09.2019 с.

    2
  • Omo5oi_Baai
    Omo5oi_Baai
    Ветеран
    6 июня 2020
     

    image

    2
  • Omo5oi_Baai
    Omo5oi_Baai
    Ветеран
    12 июня 2020
     

    Сайылыкка биирдэ сайын
    Сүрдээх боччумнаах "киһи"
    Толкуй бөҕөтө буолбут
    Бөтүөн иһигэр туох баарын
    Билэ охсуон баҕарбыт.

    Санаайа

    Дьонноро үүт туттара
    Бараары сылдьалларын
    Көрөн барсыан баҕаран
    Бөтүөн таһыгар турар

    Хаачылаана Уоһа толлойон
    Чоҕулуччу көрөн
    Көмө киһи кини эбит
    Бөтүөн үүтү илдьиһээри
    Манаан аҕай турар дии.... Натаалдьыйа

    Кып -кыра кыысчаан
    Көмөлөһөөччү бэрдэ ,
    Эбээтин туйаҕын баһыйан
    Үлэһит бэрдэ буолуоҕа

    Сулустаана Сайылыкка биһиэхэ,
    Түптэ буруо унаарбыт,
    Кыысчаан эмиэ кыттыспыт,
    Үүттээх бөтүөн соһуспут.
    Улаатыаҕа сотору,
    Солбуйуоҕа ийэтин,
    Ыанньык бэрдэ аатыран,
    Уордьан, мэтээл ылыаҕа.

    Саһарҕа Туһа киһитэ буоламмын
    Бөтүөн үүт харабыллыыбын,
    Тыраахтары кэтэһэбин
    Бириэмэни таах ыыпаппын.

    Арылы Сарсыардааҥҥы ыам бүттэ
    Үүт туттара барыахпыт,
    Мин эбээбин күүтэбин
    Үүппүн маныы турабын.

    Сэгэйэ Сарсыарда тураат сиэн кыыс
    Үүттээх бөтүөн турарын көрдө
    Эчи элбэҕин диэн сөхтө
    Онтон миэхэ ордорун диэн
    Оҥой-соҥой көрдө

    Степанида Тыа оҕото барахсан
    Ынаҕын үүтүн маныыр
    Күнүн аайы дьонугар
    Көмөлөһөн үлэлиир

    Кини эмиэ сотору
    Улаатыаҕа, тупсуоҕа
    Күндү дьонун сүөһүтүн
    Салгыы иитэн барыаҕа

    Олохпут да тупсуоҕа
    Үрүҥ илгэ устуоҕа
    Ынах сүөһү элбиэҕэ
    Сайылыкпыт сайдыаҕа

    Ыаммыт үүтү иһиэххэ
    Сайылыкка улаатыахха
    Ыраас салгынынан тыынан
    Киһи хара буолуохха... Сэгэйэ Кыра да буолларбын
    Туһа киһи буолабын
    Эбээҕэ ынах үүрсэбин
    Үүт сиидэтин тутабын
    Эһээҕэ эмиэ көмөлөһөн
    Бөтүөн үүтү бэрийсэн
    Үүт дьиэтигэр барсыаҕым
    Уочараты кэтэһэ
    Эһэм табаах тардыаҕа
    Атас дьоннуун кэпсэтиэ
    Бөтүөн үүппүн манааммын
    Харабыллыы туруоҕум.. Натаалдьыйа. Тыраахтары күүтэбин
    Тирилэтэн кэлэн ылыый,
    Үптэ-харчыта эбиий
    Эбээм ыабыт үүтэ дэлэгэй,
    Эбэм үүттээх ынаҕа элбэх
    Бөтүөн үүт толору
    Барыстарбын даа,собуокка .

    Степанида Бөтүөн саҕа да буолларбын
    Туһа киһитэбин, харабыллыыбын
    Бүгүҥҥү үүппүтүн туттараары
    Тыраахтар кэлэрин кэтиибин Куочун Былааппын баанным
    Эбээ курдук буоллум,
    Бөтүөммүн эһээҕэ уурдардым
    Эрэллээх тыраахтары кэтэһиэм.

    Эбээҕэ маарыннаатым дуу
    Эһээҕэ тыраахтары ыҥыр диэтим,
    Үүтү үрүлэччи куттубут
    Үгүөрү ас буолла.

    Тойтоллон турар сиэнчээнэ
    Толлубут уоһа,
    Сыыр диэки көрөр
    Сүөгэй,үүт иһиэн баҕаран.

    Степанида Тоҕо кэлэн быстыбат

    image

    2
  • Omo5oi_Baai
    Omo5oi_Baai
    Ветеран
    16 июня 2020
     

    Сааһырбыт саас

    Сэрбэйбит баттахтаах
    Кыыс оҕо этим мин,
    Сибэккилээх хонууга
    Лыаҕы тута сырсарым.

    Ийэбэр көмөлөһөн,
    Сүүрэр көтөр оҕо сааһым.
    Отонноон оҥоойуктаах,
    Тыаҕа ыстанар буоларым.

    Дьэдьэни,отону
    Ыаҕайа толору үргээммин,
    Элбэхтэ хайҕанан
    Үөрэммин оҥоччу көрөрүм.

    Өтөхпөр тиийэммин
    Ытыахча турабын, саныыбын
    Оҕо сааһым сыһыытын
    Орох тэппит ыллык суолбун.

    Үрэҕим уутугар,
    Күлүкпүн көрүнэн
    Сэрбэйбит кыысчааны көрбөтүм,
    Далаһа да туораан булбатым.

    Арай уу күлүгэр,
    Сааһырбыт харахтар
    Соһуйа көрөллөр
    Санаарҕаан санньыардар.

    Оҕо сааспар сырсыбыт,
    Атаҕым суолуттан,
    Ньээм от сандааран
    Хойуутук үүммүттэр.

    Оҕо сааспын санатан
    Үрүмэччи, тоноҕоччу
    Аттыбынан элиэтээн,
    Көтө дайа үөртүлэр.

    Оҕо сааһым сыһыыта,
    Сасыһа оонньуур
    Чөҥөчөҕүм, тиит маһым
    Чуҥкуйбуттар чуумпура.

    Сэрбэйбит баттахтаах
    Кыыс оҕо ,этим мин
    Сааһырбыт саас,
    Санньыардык санатар.

    * ДОЙДУУНА *

    Байаҕантай кыыһа Балантыына.

    2
  • Omo5oi_Baai
    Omo5oi_Baai
    Ветеран
    21 июня 2020
     

    Саха туохтан үөрэрий?

    Үөрэр эбээт кыраттан
    Бүгүн күнү көрсөрүттэн..
    Сарсын эмиэ күн үүнүөҕүттэн
    Этэҥҥэ бу сиргэ сылдьарыттан..
    .
    Үөрэр оҕо күлэриттэн
    Дьиэ уот сылааһыттан
    Эйэлээх ыал буоларыттан
    Дьолу көрдьүү барбатыттан..
    .
    Үөрэр оһох тыаһыттан
    Саас үрүйэ сүүрэриттэн
    Балыктыы кустуу барартан
    Айылҕа күндү бэлэҕиттэн..
    .
    Үөрэр кыстыга дьаһаллан
    Этэҥҥэ кыһыны туоруоҕуттан..
    Сааска этэҥҥэ үктэнэн..
    Сотору окко киириэҕиттэн..
    .
    Үөрэр төрүөх кэлэриттэн
    Кулунчук алааска элбиириттэн
    Быйаҥнаах сайын кэлэриттэн
    Сымнаҕас кыһын буолуоҕуттан..
    .
    Үөрэр Ыһыах ыһарыттан
    Саламаат алаадьы сиириттэн
    Сахалыы тыллаах буоларыттан
    Оһуокай тойук туойарыттан..
    .
    Е.Васильева.

    2
  • Omo5oi_Baai
    Omo5oi_Baai
    Ветеран
    25 июня 2020
     

    image

    2
  • Omo5oi_Baai
    Omo5oi_Baai
    Ветеран
    27 июня 2020
     

    image

    2
  • Omo5oi_Baai
    Omo5oi_Baai
    Ветеран
    4 июля 2020
     

    Улицы, дома, кварталы.
    Вот пишу рэпчик о маме.
    Кстати, никогда не пишу о прошлом
    В этом псевдо мире Инстаграмма
    Потому что не знаю, чтоб не пошло
    И чтобы не звучало как фонограмма.
    Мама,
    Помнишь, мы вместе играли,
    На сожженых бумагах гадали.
    Я понимаю, ты стала рано вдовой.
    Но, для тебя моя жизнь стала тупо игрой.
    Ты винила меня во всех своих проблемах,
    И считала, что я твоя вечная дилемма.
    Ты заменила кровь терпким ядом.
    А, я всего лишь хотела быть рядом.
    Да, я прощала тебе все побои
    И все эти мерзкие, словесные помои.

    Потому что мамы разные нужны,
    мамы разные важны!
    И кто-то скажет мне - ты не права!
    Нельзя писать такие песни!
    Ведь, это моя боль, как отрава...
    Простите, что нет слов для лести...

    Соль. Вода. Макары.
    Я пишу песню о маме.
    Слезы о муже, которого ты потеряла
    Может в других мужиках его ты искала?
    Клубящийся дым и море бутылок
    Карты, наколки и песни отрывок
    орали бухие твои кореша
    А, на столе лежала их анаша.
    Пьянки, гулянки, стоны и крики.
    В голодных глазах отражаются блики
    Да, я прощала тебе все побои
    Все эти мерзкие, словесные помои

    Ты не звонишь мне каждый день
    чтобы спросить
    «Эй, дочурка, как дела?»
    Мама, а вдруг я умерла?
    А вдруг на меня свалился кирпич
    Или напал на улице бич
    Хотя это для тебя неважно...
    Ты всегда кидаешь трубку отважно...

    2
  • Omo5oi_Baai
    Omo5oi_Baai
    Ветеран
    5 июля 2020
     

    Эьээ диэн двигатель
    эһээ диэн голова
    эһээ диэн тутаах киһи
    Эһээ - сүбэ ама,
    эһээ бүппэт гөрүүчэйдээх,
    эһээ хармаана да суох сүүрэр,
    эһээ муударай өйдөөх,
    эһээтэ суох туох да табыллыбат
    эһээ сүҥкэн хапытаал,
    эһээ модьу акылаат,
    убаастаан эһээни
    эһээ доруобай буоллун!
    эҕэрдэ эһээлэргэ
    Онтон Эбээ диэн сбербанк,
    Эбээ төннүбэт кредит биэрээччи,
    Эбээ диэн остолобуой,
    Эбээ босхо аһатар повар,
    Эбээ диэн маҕаһыын,
    Эбээ барахсаҥҥа тиийиэххэ наада
    Холодильникка толору ас,
    Ыскаапка таҥас-сап.
    Талбыккын таҥнаҕын,
    Сөбүлээбиккин сиигин
    Кэлтэҕэй кэппиэйкэтэ суох.
    Эбээҕэ тиийиэххэ эрэ наада ...
    Эбээ диэн скорай помощь
    Эбээ диэн халын хармаан,
    Эбээ диэн босхо ньээнкэ,
    Эбээ диэн аьылык арааьа.
    Эбээттэн уут суегэй аллар,
    Эбээттэн субэ ама кэлэр,
    Эбээттэн тонмот танас,
    Кээнчэ, утулук тохтор.
    Учугэй да ааттаах киьи,
    Эбээ диэн котоку,
    Ыалдьыбакка суппэккэ,
    Уьуннук эрэ олордор.

    2
  • Omo5oi_Baai
    Omo5oi_Baai
    Ветеран
    10 июля 2020
     

    Сүүрэн көтөн элэстэнэн,
    Сиэнчээннэр сүүрэллэр.
    Көҥүл лыахтыы тэлээрэн
    Көтөн хаалыах курдуктар.

    Чуораанчыктыы чугдааран,
    Чуопчаараллар оонньуулар
    Сиртэн үүммүт сибэккилии
    Сиэдэрэй да симэхтэр.

    Сиэнчээннэрбит баар буолан,
    Сайаҕастай санаалар
    Сылаанньытар эбиттэр
    Сүрэхпитин сылытан.

    Сүүрүҥ,көтүҥ
    Үөрүҥ көтүҥ,
    Чыычааахтарбыт сиэнчээннэрбит
    Кэлэр кэммит кэнчээрилэрэ.

    Айталыына Куо

    2
  • Omo5oi_Baai
    Omo5oi_Baai
    Ветеран
    21 июля 2020
     

    Дуоһуй дуу олохтон

    Тоҕо ыксыыгын олоххор
    Дуоһуйан ылбакка,
    Үлэни үмүрүтээри
    Күнү быһа мөхсөҕүн?

    Бүппэт дьиэ үлэтэ
    Эккирэтэҕин бүтэрээри,
    Сынньанары билбэккэ
    Ыксыыгын харбаһа

    Сыл хонук барар
    Тоҕо уоскуйа түспэккин,
    Сылаас чээй иһэн
    Истиҥник кэпсэтэн

    Дьүөгэ кэллэҕинэ
    Үлэн элбэҕин кэпсээмэ,
    Куруук баар буолбапыт
    Соһуччу суох буолуохпут

    Үөрэ көтө эн дуоһуй
    Олус наһаа түбүгүрүмэ,
    Сэмэй остуол тарданҥын
    Көрүс истиҥ майгыгынан

    Тоҕо куруук тиэтэйэҕин
    Үлэн эрэ туһунан кэпсиигин?
    Олоро түс,сэһэргээ
    Үллэстэ түс үөрүүгүн

    Олох биирдэ кэлэр
    Кэпсэтэ түһүөххэ,
    Эдэр сааһы санаһан
    Дьоллонуохха даа, дьүөгээ

    Татыйык.
    Нуораҕана.

    2
  • Omo5oi_Baai
    Omo5oi_Baai
    Ветеран
    23 июля 2020
     

    Эттээх дьахтар минньигэс
    Эттээх дьахтар киэҥ көҕүстээх
    Эттээх дьахтар аһа амтаннаах
    Эттээх дьахтар киэҥ холку майгылаах
    Эттээх дьахтар Эр киһи эркинэ😃
    Эттээх дьахтары көрөргө астыга,
    Барыны бары кыайымтыа
    Эттээх дьахтар хахха- дурда,
    Эттээх дьахтар түөһэ сыттык☺
    Эттээх дьахтар самыытынан оонньоотоҕуна, Эр киһи барыта үөрэр, көтөр.
    Ымсыырыма киниэхэ,
    Эттээх дьахтар бэйэтэ эрдээх, саһан турар кэннигэр🤣
    Эттээх дьахтар таптал уйата☺

    2
    • Уот_уьутаакы
      28 января
       

      Omo5oi_Baai,

      Ырыган дьахтар үчүгэй
      Ымсыырыахха эрэ сөптөөх
      Ылбаҕай ыраас дьүһүнэ
      Ылбычча киһиэхэ тиксибэт

      1
  • Omo5oi_Baai
    Omo5oi_Baai
    Ветеран
    9 октября 2020
     

    КҮҺҮҤҤҮ АЙЫЛҔА.
    Наталья Ушницкая - Дайыына тыллара
    Татьяна Кириллина матыыба,толоруута.

    Намыын тыал тыаһын иһиллээн,
    Нуоҕайа тураҕыт сиэттиһэн,
    Нарыннык үҥкүүгэ киирэрдии
    Наҕыллык кубалыы дайардыы.
    ХОС ЫРЫАТА :
    Кийиит кыыс кэриэтэ симэнэн,
    Күһүҥҥү айылҕа кэрэтиэн,
    Көмүстүүр симэххин иилинэн,
    Күлүмнүү кыыһаҕын ыраахтан.

    Сэгэйэ хаамабын чараҥмар,
    Сэбирдэх көбүөргэ үктэнэн,
    Сэрэнэн кууһабын хатыҥмын,
    Сэҥээрэн байбаҕар бэйэтин.
    ХОС ЫРЫАТА.
    Айаным суолун тэлэммин,
    Алгыстаах айаммар туруннум,
    Айылҕам дьиктитин иҥэрэн,
    Айар алгыс иэйиилэнэн.
    ХОС ЫРЫАТА.

    1
  • Omo5oi_Baai
    Omo5oi_Baai
    Ветеран
    21 октября 2020
     

    Берегите своих пап,
    Уважайте, цените, лелейте,
    Окружайте любовью своей,
    И душою, и сердцем болейте.
    Мы богаты, пока рядом папа,
    К нему приходим, когда все постыло,
    Ему достаточно просто обнять,
    Прошептать:«Я с тобою!»
    Нет честней, бескорыстней любви
    И теплее лучистого взгляда,
    Забывая обиды свои,
    Нас в беде поддержать они рады.
    Не забудьте, что где-то вас ждут.
    Приезжайте, почаще звоните,
    Даже несколько скромных минут,
    Не жалея в душе, подарите.
    Берегите своих отцов,
    Успевайте, пока они рядом,
    Относитесь, как можно теплей-
    Ничего им другого не надо.

    2
  • Omo5oi_Baai
    Omo5oi_Baai
    Ветеран
    7 ноября 2020
     

    *Умнуом суоҕа*
    Саастыы дьоннорбор
    Эҕэрдэ ыытабын –
    Сэтинньи сэттистиир
    Күүрээннээх күнүнэн!

    Кылбаарар кып кыһыл
    Былаахпыт тэлээрэрэ,
    Оҕолуун уруулуун бары
    Барааттаан хаамарбыт!

    Өрөгөй тыллара
    Этиллэр этилэр –
    Бар дьону түмэргэ,
    Сомоҕо буоларга!

    Үлэҕэ - хамнаска
    Көхтөөх да буоларбыт,
    Ырыаоаах сылдьарбыт,
    Барыны да кыайарбыт!

    Хомуньуус баартыйа
    Ыччата буоламмын –
    Билигин даҕаны
    Бу күнү үөрэ ылабын!

    Санаабар бу күнүм
    Эдэрбэр эргитэр –
    Эрчимнээх саастарбын
    Олуһун да санатар.

    Урукку кэмнэрбин
    Өйдүүрүм тухары –
    Бу күммүн ытыктаан
    Хайаан да бэлиэтиэм!

    Е. Васильева.

    2
  • Omo5oi_Baai
    Omo5oi_Baai
    Ветеран
    24 декабря 2020
     

    Хаатыҥка барахсан

    Хаатыҥка барахсан, оҕо саас аргыһа,
    Саҥаны кэттэххэ, түөрэккэй үктэлэ,
    Кытаанах оһунан атахха анньыһа,
    Хаар устун сүүрэргэ, үөрүүбүт үрдэлэ.

    Хаатыҥка суолунан салааска сырсыһар,
    Ой- бото оһугар кэтиллэр хайыһар,
    Элбэхтик кэһиллэн мэппэйэ элэйэр,
    Сойуус диэн " сүбэни" сүрдээҕин эрэйэр.

    Хамыһаар дьахталлар түөсэҥкэ кэтэллэр,
    Мааҥка диэн куруппа туртата киэргэтэр.
    Ол түөтэ ааһарын батыһа көрөҕүн,
    Оҕолуу хараххар ымсыыра сөҕөҕүн.

    Ол ааспыт үйэҕэ хаатыҥка баар буолан,
    Этэрбэс, олооччу төрдүттэн умнуллан,
    Бэл диэтэр учуутал атаҕар анньынан,
    Кылааска киирэрэ бэрт сэргэх хаамыынан.

    Билигин оҕо да кэппэт ээ, хаатыҥка,
    Этэрбэс оннугар умнууга хааллаҕа.
    Ол кэмнээх өйдөбүл баар эбит хаартыска -
    Оччугуй оҕо саас күндү ээ, санааҕа...

    Марта- Мария.

    10.10.18.

    2
  • Omo5oi_Baai
    Omo5oi_Baai
    Ветеран
    18 января
     

    1. Сири иһит сиксиктээх, аҕыс курдуулаах, ньаалбаан хаппахтаах, алтан айахтаах, бар чуоҕур үрүттээх үһү.
    2. Үөскээбитин төрүт өйдүөбэт, сыттым диэн сынньаммат, утуйдум диэн уутун хаммат Сүҥ Хаантан төрүттээх баар үһү.
    3. Сүһүөҕэ суох ди сүүрүк, санныта суох да,сүгэһэрдьит.
    4.Саһыл кыыһа саһарчы көрбүт, Уодай кыыһа оҥоччу көрбүт, Күндэ кыыһа күлтэччи көрбүт үһү.
    5. Бэкирииһэ кинээс Чаҕылыыһа кулубаны сирэйгэ тыаһаталаабыт, онтон кыыһыран Чаҕылыыһа кулуба Бэкирииһэ кинээс баттаҕын кырган кэбиспит.
    6. Оҕотооҕор кыра, оҕустааҕар күүстээх баар үһү.
    7. Икки киһи Таҥараҕа үҥэр, биир суол харбыыр.
    8. Бандьыыттар кэлбиттэр, туппуттар, онуоха дьиэлэрэ түннүгүнэн тахсан баран хаалбыт.
    9. Хаана суох да харахтаах, сыата суох да сырайдаах баар үһү.
    10. Хатыҥтан хааннаах, сылгыттан сыһыаннаах, талахтан таайдаах баар үһү.

    2
  • Omo5oi_Baai
    Omo5oi_Baai
    Ветеран
    24 января
     

    Бүгүн мин наадыйбаппын,
    Доҕорго, аймахха, урууга
    Тоҕо диэтэххэ бассааптаахпын,
    Уһун күнү барыыбын бассаапка

    Эгэ хаһаайыстаба үлэтэ,
    Күүтэ түстүн кыратык
    Оҕолор бааллар эрэ суохтар
    Бэйэлэрэ бассаап оҕолоро.

    Таһардьа аччык ыт улуйар,
    Иччитэ тахсарын кэтэһэр
    Тахсан бэрт киниэхэ,
    Ыт дии,бултаан аһаатын

    Оо, бу сэптэрэ аны
    Ииттэриитэ бүттэ, оо өлүү...
    Ханна баарый ииттэрэрим?
    Ким ылбытай саамай наадалаахпын!?

    Саатар үөһээттэн ыйаах,
    Дьиэҕэ олор да сабаас
    Таһырдьа тахсыан да,
    Отут тыыһынча ыстараап.

    Ону хантан ылан төлүөмүй,
    Үлэлээбэккэ хааттаран олорор киһи,
    Сокуоммут да муода
    Көннөрү киһи өйдөөбөт.

    Дьэ ити курдук дьаһанан,
    Күлүүһэ суох хаайыллыы
    Ханна барыахпыный...
    Эрэнэрим эрэ бассаабым.

    Өлөксөөн
    16.11.2020.

    2
  • Omo5oi_Baai
    Omo5oi_Baai
    Ветеран
    4 февраля
     

    *65-тэн үөһэлэр ...*
    Алта уон биэстэн ылата
    Сааһырбыттар дииллэр,
    Туора тута сатыыллар –
    Дьиэҕэ олоруҥ дэһэллэр.

    Онтон эдэр ыаллыылар
    Хамсаналлар, хаамаллар,
    Муста түһэн ыллыыллар,
    Үҥкүүлээн да ылаллар.

    Алта уон биэс - орто саас,
    Ойуоккалыыр - оҕонньор,
    Атах тэпсиһии кэнниттэн
    Эмээхсинэ да хаалсыбат.

    Санатымаҥ ээ - саастары,
    Сырыттынар барахсаттар,
    Олохторун кэрэ кэмнэрин
    Атаардынар дьоллоохтук.

    Хаайа, бобо, хааччахтаан
    Буоратыаххыт - өйдөөҥ,
    Соҕотохсуйуу, муунтуйуу
    Олус дьааттаах сүлүһүн.

    Үөлээннээхтэр сытымаҥ,
    Айылҕалыын алтыһыҥ,
    Хааны-сиини эргитиҥ,
    Эрчими ыһыктымаҥ.

    Үтүө түгэн көстүөҕэ,
    Кэрэ кэммит кэлиэҕэ,
    Эмиэ муста түһэммит
    Дьээбэлэһэн күлсүөхпүт.

    Саһарҕа

    2
  • Omo5oi_Baai
    Omo5oi_Baai
    Ветеран
    11 февраля
     

    Эн миэхэ бааргыттан үөрэбин
    Кэлэргин олус диэн күүтэбин,
    Күн курдук,эн миэхэ күндүгүн
    Санаабын уоскутар эрэлим.

    Олоххо тиксибит биир үөрүүм,
    Ый ахсын кэтэһэр кэтэһиим.
    Кыра да буолларгын хайыамый
    Бааргыттан дьоллонон эрдэҕим.

    Ааҕарым,суоттуурум күүһүнэн
    Кыралаан баҕабын толоро
    Ый ахсын кэлэҕин абырыы
    Күүтүүлээх мин күндү биэнсийэм.

    К.Маркова

    2
  • Omo5oi_Baai
    Omo5oi_Baai
    Ветеран
    13 февраля
     

    Саҥа үүммүт сарсыардабыт
    Саха тыла үүммүт күнүнэн!
    Сурук - бичик күнүнэн!

    Ийэбит сылаас үүтүнүү
    Илдьэ сылдьан иитиллэр
    Ийэ тылбыт күнүнэн!

    Төргөс төлкөбүт түстээбит
    Төрөөбүт төрүт тылбыт
    Төрөөбүт күнүнэн!

    Кэскилээнэ. Нам

    2
  • Omo5oi_Baai
    Omo5oi_Baai
    Ветеран
    6 марта
     

    Ардыгар түүн уһуктан кэлэн
    Олоххун ырытан көрдөххө-
    Кэннигэр хаалларбыт сылларгар
    Ким аата эйиэхэ күндүнүй?
    Түүн эйиигин кэтэһэртэн
    Утуйбакка эрэйдэнэр,
    Ким Эн тускар өйүн сыспытай?
    Ким сарсыарда сарсыарда Эн тураргар
    Сылаас чэйи кутар этэй?
    Биллэн туран ийэлээх аҕаҥ!

    Ардыгар түүн уһуктан кэлэн
    Олоххун ырытан көрдөххө-
    Дууһатын толору Эн тускар
    Кэрэйбэккэ ким толук ууртай?
    Ыарыйдаргын тэҥҥэ ыалдьар,
    Үөрдэххинэ тэҥҥэ үөрсэр,
    Эн сүрэххин сүрэх оҥостор,
    Буруйданар сэмэлэнэр
    Түгэннэргэр ким өйүүрүй?
    Биллэн туран ийэлээх аҕан!

    Аан бастаан күн сирин көрөргөр
    Ким таптыыр хараҕа баар этэй?
    Аан бастаан Эн күлэр куоласкар
    Ким истэн үөрбүтэй көппүтэй?
    Ким Эн ааккын ааттаабытай,
    Ким эйиигин таптаабытай,
    Ким эйиигин киһи оҥортой?
    Сиргэ бастаан үктэнэргэр
    Ким эйиигин өйөөбүтэй?
    Биллэн туран ийэлээх аҕан!

    Любомир Кондаков 👍🏼

    2
  • GrandDad
    4 апреля
     

    Эр киһи барахсан үтүөтэ-
    Көстөр дьүһүнэ буолбатах.
    Кини дууһата баайынан:
    Ис кыаҕа, санаата,сурэҕэ.

    Эр киһи барахсан кэрэтэ-
    Ырааһа, суобаһа,чиэһэ.
    Дьаныардаах тулуура, дьулуура,
    Улэһит сурэхтээх буолара.

    Эр киһи барахсан туйгуна-
    Чол олох туругун тутуута.
    Булара-талара,сүүрэрэ-көтөрө,
    Киирэрэ-тахсара,кэпсэтэрэ.

    Эр киьи барахсан чулуута-
    Кэрэ аӈаарга сыһыана.
    Сүрэгин сылааһа,нарына,
    Сайаҕас майгыта,дууһата.

    Эр киьиэхэ кыахта биэриҥ.
    Эрэли эстибэт эрчими
    Үлэтин, үөрүүтүн сыаналаан
    Үгүстүк хайгыыры умнуман.

    Харыстааҥ эр киһи барахсаны,
    Таһаарын эр бэрдин үтүөтүн,
    Таптаан эрэллээх киһини,
    Айхаллаан ааттаах аҕаны.

    Эр киьи айылҕа оҕото
    Эриллэр мускуллар ол онно
    Этинэн-хаанынан эрчиллэн
    Эр бэрдэ эрдиитин ылынар.

    Олоҕор көрсүһэр боллурун
    Уҥуордаан көннөрөн ааһыа
    Күүстээх да сүүрүктээх өрүһү
    Кыахтаахтык эрдинэн туоруоҕа

    Аҕалар ааттарын үрдүктүк
    Астыктык айхаллаан биэриэҕин
    Кинилэр түбүктээх улэлэрин
    Уруйдаан үрдүккэ көтүтүөҕүҥ.

    Аҕалар амарах санаалара
    Күүстээх чэгиэн дьайыылара
    Сиртэн кыахтаах тирэх кэриэтэ
    Олоххо холобур буолуоҕа.

    Бастыҥ аҕа үтүө аата
    Өрөгөйдүү уһаатын
    Итии таптал суоһун ылан
    Уйэлэргэ үрдээтин!

    1
  • Omo5oi_Baai
    Omo5oi_Baai
    Ветеран
    26 апреля
     

    КЫМЫСТААХ ЧОРООНУ КӨТӨХТҮМ
    В.Зырянов музыката Г.Комраков тупсарыыта
    Кымыстаах чороону көтөхтүм
    Үгүс сыл кэнниттэн бу бүгүн,
    Дьоннорбун үөрүүнэн көрсөммүн,
    Кымыстаах чороону көтөхтүм.
    Кымыстаах чороону көтөхтүм
    Быыл буолбут синиэлбин устаммын,
    Хоту сир халлаанын ахтаммын,
    Кымыстаах чороону көтөхтүм.
    Кымыстаах чороону көтөхтүм
    Сүөгэйи ыймахтыыр кэриэтэ,
    Сахалыы ырыаны дьиэрэтэ,
    Кымыстаах чороону көтөхтүм.
    Кымыстаах чороону көтөхтүм
    Дьүкээбил уоттарын анныгар,
    Мин Сахам дойдутун аатыгар,
    Кымыстаах чороону көтөхтүм.

    2
  • Omo5oi_Baai
    Omo5oi_Baai
    Ветеран
    27 апреля
     

    *Гимн Саха Диаспоры за рубежом*

    "Саха Сирэ Тас Дойдуга"

    Мира Максимова

    1) Саха Сирэ
    Yйэлэргэ
    өрүү бааргын!
    Мэлдьи бааргын!

    Саха дьоно
    Аан Дойдуга
    Модун күүскүн
    Ааттаталлар!

    Хос ырыата:
    Саха тыла
    Иhиллэ тур Куйаарга!
    Хомус тыаhа
    Дуорайар киэҥ сиргэ!

    Оhуокайбыт
    Аан Дойдуга ылланар!
    Саха Сирэ
    өрүүтүн эн баар буол!

    2) Саха Сирин
    Чулуу дьоно
    Элбии турун
    Киэҥ Куйаарга!

    Саха дьоно
    Биир ыралаах-
    Эйэ буоллун!
    Дьол тосхойдун!

    Хос ырыата:
    Саха тыла
    Иhиллэ тур Куйаарга!
    Хомус тыаhа
    Дуорайар киэҥ сиргэ!

    Оhуокайбыт
    Аан Дойдуга дьиэрэйдин!
    Саха Сирэ
    Аар Саарга аатырдын!

    3) We're from Sakha -
    Yakutia!
    We are "Sakha
    Diaspora"!

    We play Khomus!
    We speak Sakha!
    We sing Toyuk
    And Ohuokay!

    Припев:
    Крепок Союз
    Всемирный якутян!
    Вместе всегда!
    Саха Диаспора!

    Вместе всегда!
    В единстве наша сила!
    Все мы - семья!
    Единая семья!

    4) Sakha Sire
    Our Motherland
    Always with us
    In our hearts

    Sakha Sire
    Olonkholand
    With Ohuokay
    And Ehiekey

    Хос ырыата:
    Саха тыла
    Иhиллэ тур Куйаарга!
    Хомус тыаhа
    Дуорайар киэҥ сиргэ!

    Оhуокайбыт
    Аан Дойдуга дьиэрэйдин!
    Саха Сирэ
    Аар Саарга аатырдын!

    2021

    2
  • NAMULUS.HUNTER
    1 мая
     

    Маайы көрсүү-оҕо сааска.

    Кэмпиэт суутун мунньарбыт,
    Онон сибэкки оҥорорбут,
    Сабынан бобо эрийэрбит,
    Талахха баайан киэргэтэрбит.

    Уһун ньолбоҕор, төгүрук,
    Кыһыл саарыгы үрэммит,
    Кумааҕынан холууп оҥорон,
    Маска баайан тутарбыт.

    Оскуолаҕа мустаммыт,
    Элбэх буолан кэккэнэн,
    Горн, барабаан тыаһынан,
    Доҕуһуоллатан хаамарбыт.

    Колоннабыт иннигэр,
    Кыһыл былаах тэлээрэр,
    Күөрэччи өрө тутуллан,
    Кыһыл лозунг дьэргэйэр.

    Уулуссанан парааттаан,
    Бөһүөлэк дьоно холбоһон,
    Уһун субурҕа буоланнар,
    Көхтөөх ырыа ньиргийэр.

    Бөһүөлэги эргийэн,
    Трибунаҕа тиийэрбит,
    Дакылааты истэммит,
    Ураатыырбыт, салюттуурбут.

    Оннук өрө күүрүулээх,
    Параат, миитин кэнниттэн,
    Кулууп дьиэҕэ бараммыт,
    Кэнсиэр бэрдин көрөрбүт.

    Үчүгэй да буолара,
    Оҕо сааска маай күнэ,
    Өйтөн сүппэт үйэҕэ,
    Өйдөбүлэ сүрэххэ.

    Анастасия-Мичээрэ.
    Усуйаана Хаһааччыйа.
    30.04.2021с

    1
  • NAMULUS.HUNTER
    3 мая
     

    Көһүппэппин мин ончу Кыайыы күнүн,
    Күүппэппин дирбиэнин - дарбыанын,
    Курус санаам ол күн,
    Кууһар кураанахсыйбыт дууһабын...

    Кэтэспэппин кэтэҕэриин ороҥҥо,
    Кэтэх тардыстан сытыахтаах,
    Маҥнайгы уолбутун Кириһээни,
    Күүппэппин күндү күлүүк Кустукпун.

    Эргиллибэтэх эрэллэрбин күүппүт,
    Эрэҥкэдийэр санаабын имири эспит,
    Кэлбэттэрин биллэрэр курус илдьиттэри,
    Кистээбитим килийээҥки котуомкабар.

    Арай кинилэрэ суох олох баарын,
    Сэһэргиир чүмэчи имик -самык уота,
    Курус тыынтан умуллабакка,
    Эрэл санаанан сэргэхситиэ сэбэрэбин.


    Руфова Н.И.

    1
  • Omo5oi_Baai
    Omo5oi_Baai
    Ветеран
    21 июня
     

    Ыһыах

    Кэлиий ,сэгээр,бүгүн ыһыах
    Көрү көҕүлүттэн ылыах,
    Кылыһах ырыатын ыллыах,
    Үөрүү кыымын ыһыах.

    Алгыс тылын истиэх
    Арчыланан дьылы туоруох ,
    Эргиччи көрөн үөрүөх
    Барыта эдэр сүһүөх .

    Кыынньар кымыска тиксиэх
    Саар ыаҕастан иһиэх,
    Оонньуу буоллун барсан иһиэх ,
    Мадьынаҕа да киирсиэх.

    Оту - маһы тута оонньуох,
    Тэҥнээх дьоннуун тустан көрүөх,
    Оһуокайга дьону түмүөх,
    Саргы күнүн салайсыах.

    Кулуһун уотун оттуох,
    Собо үөлэн дьону үөрдүөх,
    Киһи эрэ көрө сөҕүөх
    Тиксэр гына өлүүлүөх.

    Түһүлгэлээн олоруох,
    Саха аһынан толоруох,
    Анды астан тото уобуох,
    Уос - тиис астына соттуох .

    Марыына Комарова

    2
  • Omo5oi_Baai
    Omo5oi_Baai
    Ветеран
    7 июля
     

    Нереально классный стих про наше время!

    musical scoremusical scoremusical score
    *Ты помнишь* , мы раньше
    друг другу писали,
    и в ящик почтовый
    конверты бросали,
    неделями ждали
    ответ рукописный,
    и вновь отправляли
    бумажные письма.

    *Ты помнишь* , мы раньше
    друг другу звонили,
    и на телеграф
    в выходные ходили,
    болтали в кабинках
    стеклянных и тесных,
    делились горой
    новостей интересных.

    *Ты помнишь* ,
    как числились мы
    в картотеке
    читального зала,
    библиотеки.
    Ходили в музеи,
    театры, кино,
    с азартом играли
    в лото, домино.

    *Ты помнишь* ,
    мы раньше
    сверялись часами,
    в назначеном месте
    встречались с друзьями,
    из местных газет
    вырезали заметки,
    давали рецепты
    подруге соседке.

    В больших словарях
    мы искали ответы,
    в смешных бигудях
    заполняли анкеты,
    с морей привозили
    в подарок ракушки,
    и спали валетом
    на раскладушке.

    Всегда до зарплаты
    рублем выручали,
    проблемы легко
    и совместно решали,
    смеялись, общались
    и даже ругались,
    но снова за общим
    столом собирались.

    *Всë было так просто* ,
    всë было так важно,
    куда же всë это
    исчезло однажды?!
    Ведь дело не в старых,
    отживших вещах,
    и не в ностальгических
    тех временах.

    Мы все изменились,
    *чужими вдруг стали* ,
    общаться с друг с другом
    совсем перестали,
    зависли в аккаунтах
    разных сетей,
    и служим примером
    для наших детей.

    Крутые айфоны
    себе покупаем,
    а близким при этом звонить забываем.
    Совсем перестали
    писать и читать,
    и смайлики стали
    слова заменять.

    Живëм и не знаем
    кто наши соседи,
    знакомимся чаще
    всего в интернете,
    не чувствуем меру
    кредитным деньгам,
    становимся жертвами
    разных реклам.

    Быть может пора
    это всë прекратить?!
    *Самим измениться*
    и мир изменить.
    *Открыть в себе то,*
    *что не знает цены,*
    *не просто ведь души*
    *нам Богом даны!!!*
    musical scoremusical scoremusical score
    Р. S. Вспомни о своих близких, поделись этим стихом, ощути тепло в душе! Не стесняйся, сделай мир лучше, и жизнь вознаградит тебя бесценным ощущением...
    musical scoremusical scoremusical score

    2
  • Omo5oi_Baai
    Omo5oi_Baai
    Ветеран
    30 июля
     

    *_..........Доҕор.........._*

    Доҕору көрдөөн булбаккын
    Дьиэҕэр киирэн кэлбэт,
    Билсэр киһиҥ элбэҕинэн
    Доҕор буолара быһаарыллыбат.

    Илэ-сала көтөөччү,
    Барытыгар бэрт буолааччы,
    Бэлэх-туһах биэрээччи
    Доҕор аатын сүкпэт.

    Олох ыарахан кэмигэр,
    Очурга оҕустарар түгэҥҥэр,
    Дууһа мунчааран айманарыгар
    Доҕор чуолкайдык биллэр.

    Оннук доҕордоох буоллаххына
    Эн дьоллоох эбиккин,
    Олох киэҥ суолунан
    Эрэллээхтик бараҕыҥ.

    *_...Оҕуруоттаах...Суотту..._*

    2
  • Omo5oi_Baai
    Omo5oi_Baai
    Ветеран
    1 сентября
     

    ОЛОХ САРСЫҤҤЫТА

    Ыраахтан үөрэтэр көдьүүһүн
    Биллилэр туһата мөлтөҕүн.
    Ыарыыбыт намтаабат бу күүһүн
    Утарсан турдулар бу күһүн!

    Чуумпурбут оскуола ааннарын,
    Астылар үөрэнэр кылааһын.
    Оҕо- сиэн чуопчаарар саҥата
    Урукку кэмнэри санатта.

    Оскуола чугдаарар чуораана,
    Олохпут үөрүүлээх аймаана
    Дууһабыт түгэҕэр аймана
    Көмүскэ уутугар тоҕунна...

    Учуутал үөрүүтэ үрдээтэ,
    Ситимҥэ үөрэтэр эгэтин,
    Билиини тиэрдэргэ эрэйин
    Этинэн- хаанынан билбитэ.

    Бииртэн биир моһолу туорааммыт,
    Хорсуннук дьиэлэртэн тахсаммыт,
    Томторук даҕаны баанаммыт
    Олохпут устунан хаамтарбыт...

    Марта- Мария.

    31.08.21.

    2
  • Omo5oi_Baai
    Omo5oi_Baai
    Ветеран
    16 сентября
     

    Мин Намым

    Санаабар буолан дуу, мин Намым
    Эҥсиэли хочотун бу налыы
    Бырааннаах сыһыытын биһигэр
    Тэҥнэммэт кэрэнэн тэлгэнэр.

    Эҥсиэлим усталаах киэлитэ
    Эҥсиллэр Элиэнэ өрүстүүн
    Хардары алтыһан өрүүтүн,
    Үйэлэр тухары бииргэлэр.

    Киэҥ сиргэ тайаабыт алаастар-
    Тыргыллар суоллара угуйар.
    Өрүскэ киирдэххэ арыылар-
    Өҥ - быйаҥ ходуһа долгуйар.

    Нам сирэ- мин төлкөм түөрэҕэ
    Олордо үөрүүнэн түстэҕэ,
    Дьылҕабар анаабыт бэлэҕэ-
    Төрөөбүт буор кутум миэхэҕэ.

    Нам сирэ- Эҥсиэли хочото-
    Дойду сир муҥутуур ортото,
    Айана- сырыыта сэргэҕэ-
    Аартыкка арыаллаан үөртэҕэ.

    Марта- Мария.

    04.04.18. Нам.

    2
  • Omo5oi_Baai
    Omo5oi_Baai
    Ветеран
    17 сентября
     

    Из лесу вышла медведица
    И шерсть опалена видна
    И молоко с сосков сочится
    Не видно где то малыша.

    На трассу вышла и присела
    От дыма слезы на глазах
    Никто не знал, она рыдала
    И от чего, никто не знал.

    Все думали что обгорела
    Смотрели в окна из машин
    И была трасса перекрыта
    Из МЧС - крутых машин.

    Она немного отдышалась
    И снова юркнула в кювет
    Из кобуры достал инспектор
    Свой черный новый пистолет.

    И вот она вновь появилась
    Держа на лапах малыша
    А того сердце уж не билось
    На лапах мертвого несла.

    Его положила легонько
    Прям на обочине в траву
    И снова юркнула обратно
    И скрылась снова в том дыму.

    И вот она, вновь показалась
    Держа второго малыша
    И с первым рядом положила
    Из пасти капала слюна.

    Она обоих их пихала
    Лизала мертвым им глаза
    А молоко с груди стекало
    На шерсть паленую тогда.

    И люди плакали в машинах
    И на душе была тоска
    Стояли головы склоняя
    Там МЧС инспектора.

    Горит тайга, горят медведи
    Нам символ русский бы спасти
    Они о помощи не просят
    Горит их дом и лес тайги.

    2
  • Omo5oi_Baai
    Omo5oi_Baai
    Ветеран
    17 сентября
     

    ТААЙАБЫН,БИЛЭБИН

    Эн миигин ахтаргын билэбин,
    Аймана күүтэргин таайабын.
    Эн биһи адьас биир
    курдукпут,
    Ахтыһар,суохтаһар эбиппит.

    Суруйар хоһооҥҥун ааҕабын,
    Ол онтон билэбин туруккун.
    Санааргыыр кэмнэргин таайабын,
    Үөрбүккүн мин эмиэ билэбин.

    Төһө да эн ыраах буолларгын,
    Бу баардыы көрөбүн санаабар.
    Киэһээтин сылайан кэлэргин,
    Кураанах эн дьиэҕэр киирэргин.

    Ол оннук санааттан аймана,
    Аттыгар буолуохпун баҕардым.
    Минньигэс ас
    астаан тоһуйа.
    Эн үөрбүт мичээргин көрүөхпүн.
    Туйгууна,Таатта.
    16.9.2021.

    2
  • Omo5oi_Baai
    Omo5oi_Baai
    Ветеран
    12 ноября
     

    Олоххо дьулуһуу

    Санаабыт хоту барыта
    Сатамматын сэрэйэбит,
    Олох буомнарын туорааммыт
    Оҥкуллааммыт дьулуһабыт.

    Олоххо тардыһыы күүһэ,
    Саха буоларбыт үгэһэ,
    Аартыктаах саҥалыы өрүтүн
    Арыаллыы сырыттын өрүүтүн.

    Өргөс кылаан өйбүтүнэн
    Өрүһү харбаан туорурдуу,
    Үтүө ыччакка эрэнэн,
    Уйгу олоҕу уруйдуу.

    Ааһаллар симик күннэрбит
    Кэлиэҕэ кэрэ кэмнэрбит,
    Сирдээҕи олохпут суоһа
    Сыдьаайа сулуспут тыгыа.

    Наталья Ушницкая - Дайыына
    Бөтүҥ, Нам улууһа.
    09.11.2021 с.

    2
  • Omo5oi_Baai
    Omo5oi_Baai
    Ветеран
    12 ноября
     

    Мин Намым

    Санаабар буолан дуу, мин Намым
    Эҥсиэли хочотун бу налыы
    Бырааннаах сыһыытын биһигэр
    Тэҥнэммэт кэрэнэн тэлгэнэр.

    Эҥсиэлим усталаах киэлитэ
    Эҥсиллэр Элиэнэ өрүстүүн
    Хардары алтыһан өрүүтүн,
    Үйэлэр тухары бииргэлэр.

    Киэҥ сиргэ тайаабыт алаастар-
    Тыргыллар суоллара угуйар.
    Өрүскэ киирдэххэ арыылар-
    Өҥ - быйаҥ ходуһа долгуйар.

    Нам сирэ- мин төлкөм түөрэҕэ
    Олордо үөрүүнэн түстэҕэ,
    Дьылҕабар анаабыт бэлэҕэ-
    Төрөөбүт буор кутум миэхэҕэ.

    Нам сирэ- Эҥсиэли хочото-
    Дойду сир муҥутуур ортото,
    Айана- сырыыта сэргэҕэ-
    Аартыкка арыаллаан үөртэҕэ.

    Марта- Мария.

    04.04.18. Нам.

    2
  • Omo5oi_Baai
    Omo5oi_Baai
    Ветеран
    13 ноября
     

    бастакы топ хоьооннор


    https://forum.ykt.ru/viewmsg.jsp?id=41625642

    2
  • Omo5oi_Baai
    Omo5oi_Baai
    Ветеран
    18 ноября
     

    ТАПТАЛ ДИЭН
    ( Баҕа санаа)

    Биир билбэт сааһырбыт уоланым
    Бу миэхэ сибэкки бэлэхтиир,
    Тыый, тоҕо кэрэтэй! Махтанным.
    Оо, өссө билсиһиэх эрэ диир!

    Бай, тугун түргэнэй, соһуйдум,
    Мах баран тааламмын мин турдум.
    Туох диэммин этиэхпин билбэтим,
    Түгэҥҥэ "эдэрбин эргиттим".

    Ээ, онтон санаатым, туох буолуой,
    Сааһырбыт саҕахпын ким дьоллуой?!-
    Күн аайы билсиһиэх диэбэттэр,
    Сибэкки дьөрбөтүн биэрбэттэр.

    Элэккэй бэйэлээх эр бэрдэ,
    Ис киирбэх эйэҕэс мичээрэ,
    Көрсүөтүк көстөр тас көрүҥэ
    Дьиибэтик сүрэхпэр бу сөҥнө.

    Сааһырбыт да кэмҥэ таптал диэн
    Бу баарын сүрэхпэр биллэрэн,
    Сэмэйдик утары көрсүһэн,
    Турабыт илииттэн сиэттиһэн.

    Марта- Мария.

    18.11.21.

    2
  • Omo5oi_Baai
    Omo5oi_Baai
    Ветеран
    19 ноября
     

    Олорор олоҕум очура
    Омнуолуур сааһырбыт кэмнэрбин,
    Одуруннаах орто дойдубар
    Одун күөх халлааным анныгар.

    Санньылхай санаалар күннэтэ
    Сатыылаан ис куппун аймыыллар,
    Сүлүһүннээх тыллар эмискэ
    Сүрэхпин тоҕо ытаталлар?

    Хараастан турабын чуумпуран
    Халыан тымныылыын аргыстаһан,
    Хаамтым олоҕум ыллыгынан
    Хаарга оһуор суолбун хаалларан.

    Эргиччи хараҥа тулалыыр,
    Эдьэн Иэйиэхситим элиэтиир,
    Эрэлим эстиитин үтэйэн
    Элиэнэм биэрэгин нөҥүөлээн.

    Саргылаах санаабын таайаммын
    Суолбуттан тэйиччи туорааммын,
    Ситиһии арыаллаах кэскилбин
    Салгыыбын төлөркөй төлкөбүн

    Наталья Ушницкая - Дайыына.
    Бөтүҥ, Нам улууһа.

    2
  • Omo5oi_Baai
    Omo5oi_Baai
    Ветеран
    19 ноября
     

    Бастакы таптал

    Күн тахсар кистэлэҥ иэйиитин
    Кэтээммин турабын иһийэн,
    Айылҕа уһуктар матыыбын
    Алыптаах күөрэгэй ырыатын.

    Санаатым мин эдэр кэмнэрбин
    Сайыммыт биир кэрэ түгэнин,
    Кэрэчээн хатыҥмыт анныгар,
    Куустуһан турарбыт чуумпуран.

    Сардаана дьөрбөтүҥ ууммутуҥ
    Симиттэн илиибин туппутуҥ,
    Сэгэрим таптыыбын диэбитиҥ
    Сэмэйдик мичээрдээн ылбытыҥ.

    Ол онно тэппитэ сүрэхпит
    Олустук долгуйан сүр күүскэ,
    Тэбэнэт эдэр саас эрчимэ
    Тапталбыт кутаатын күөдьүтэн.

    Саныыбын билигин сааһыран
    Сүрэхпэр иҥэрбит иэйиибин,
    Бастакы оҕотук тапталбын
    Байбаҕар хатыҥмар өйөнөн.

    Дайыына - Наталья Ушницкая.

    2
  • Omo5oi_Baai
    Omo5oi_Baai
    Ветеран
    19 ноября
     

    Учим песню для хорового пения в новогоднюю ночь🎄🌟

    В лесу родилась ёлочка,
    В лесу она росла,
    Но в самоизоляцию
    Она сейчас ушла.

    Ковидный зайка серенький
    Под ёлочкой скакал.
    Порою волк, контактный волк,
    Чихая, пробегал.

    Метель ей пела песенку:
    «Смотри, не захворай
    И лапы санитайзером
    Почаще протирай».

    Пришёл однажды к ёлочке
    Без маски Дед Мороз,
    Она его иголочкой
    Кольнула в красный нос.

    Чу, снег по лесу частому
    Под полозом скрипит,
    Везут для нашей ёлочки
    Вакцину от КОВИД.

    И вот она, нарядная,
    Hа праздник к нам пришла
    И дарит всем полезные
    Эфирные масла.
    😆😆😆: 🤣🤣🤣

    2
  • Omo5oi_Baai
    Omo5oi_Baai
    Ветеран
    19 ноября
     

    image

    2
  • Omo5oi_Baai
    Omo5oi_Baai
    Ветеран
    22 ноября
     

    Уол оҕо барахсан дьылҕата
    Биһиктэн көтүөҕүн иннигэр
    Уһаарыы,хатарыы кэнниттэн
    Бу сиргэ олоҕун булуохтаах.

    Уол оҕо күн сирин анныгар
    Моһолу,мэһэйи кыайыахтаах,
    Саадаҕын үс төгүл курданан
    Уйана,хатана биллиэхтээх.

    Уол оҕо олоҕун устата
    Аарыктаах аартыгы арыйан,
    Күлүмэх айаны айанныыр
    Соноҕос миҥэни мииниэхтээх.

    Уол оҕо бу орто дойдуга
    Алаһа тиэргэни тутуохтаах,
    Өбүгэ үгэһин тутуһан
    Сэргэҕэ тыын биэрэн үөрдүөхтээх.

    Уол оҕо Айыыттан анаммыт
    Долгуйар суһуоҕу тарыахтаах,
    Эр бэрдин үтүөтүн төрөтөн
    Удьуорун утумун салгыахтаах.

    Куола Уола.

    1
  • Omo5oi_Baai
    Omo5oi_Baai
    Ветеран
    26 ноября
     

    Бассаап сонуна.
    Дьикти кэмҥэ олоробут,
    Дьиэҕэ хааллан олоробут.
    Ыалга сылдьар бобуулаах,
    Ыалгар киирэр сэрэхтээх,
    Ыалыҥ ыалдьан хааллаҕына,
    Ыарыы таспыт аатырыаҥ.
    Эрдэ туран сарсыарда,
    Эргэ - урба буоллар да,
    Эдэрдэртэн тиксибит,
    Сэлэспэбин көрөбүн,
    Эҕэрдэбин ыытабын.
    Хартыыҥканы таламмын,
    Атастарбар ыытабын,
    Аймахтарбар, үлэбэр,
    Оскуолаҕа, универга
    Бииргэ үөрэммиттэрбэр,
    Умнубатахха сатанар
    Улаатымсык аатырыаҥ,
    Уруулартан үүрүллүөҥ.
    Сылаас хоско хатанан,
    Тахсан киирэ олорон,
    Саҥа сонун ааҕамын
    Соһуйаммын суулла сыстым,
    (Олорботоҕум буоллар,
    Чахчы сууллуох эбиппин).
    Сүгдьээр күөлүн аттыттан,
    Судьуйаны туппуттар,
    Саарба тириитин булбуттар.
    Сабыылаах сирдэртэн
    Бэһиэ буолан сылдьаннар,
    Уон үс кыыл табаны
    Саанан ытан ылбыттар.
    Сарсыардаттан саҕаланна,
    Сокуон ыйар хараҕа,
    Күһүн этэ дии ол онно,
    Киэһэ күөһэ суох балыксыт,
    Оҕолорун аһатаары
    Муҥхалаабыт кэмигэр,
    Тутан ылан сууттаабыттара.
    Тугуногун ааҕаннар,
    Сүүс тоҕус уон тыһыынча,
    Ыстараабы анаабыттара.
    Атын киһи суруйар,
    Хаалыаҕа умнуллан,
    Суор суорун хараҕын оҥпот,
    Тойон тойонун түһэн биэрбэт,
    Көтөр аалтан тайаҕы,
    Бултаатылар этэ дии
    Дьокуускайбыт аттыгар,
    Судьуйаны кытары
    Саалаах миэбэл Болуодьа.
    Атын киһи эпсиһэр,
    Онтон били биһиги
    Быраканьыар кулубабыт,
    Бөрө үөрүн көрдөөбүтэ,
    Буулдьа саатын көҥүлэ суох
    Бултаабыта таах хаалта.
    Ким эрэ санатта,
    Валуевы бултаспыт
    Буобураны, эбэтэр
    Валуев бултаабыт
    Бобуулаах буобурата.
    Эһэни өлөрбүт депутат,
    Тайаҕы булбут Ракшин,
    Ааспыта барыта умнуллан.
    Сассын сассын сарсыарда,
    Саха ыала туруута,
    Аламай күнүм тахсыыта,
    Саҥа сонун кэлиэҕэ,
    Умнуллуоҕа бүгүн күн
    Сарсыардаттан аймаабыт,
    Быраканьыар судьуйа
    Бириистэбин кытары,
    Пысыбытын уолунаан,
    Аата ааттаммат чаҕардар,
    Айылҕа бэйэтэ билиэҕэ,
    Байанайы хомоппут,
    Уһун соннонуон билбэтим.
    Өбүгэ үгэһэ ыҥырар,
    Олорор мутуккун кэрдимэ,
    Сааттааҕы оҥорума,
    Саргыгын самнарыма.
    Суобас диэн сур соноҕос
    Буолбатах,
    Уларсыкка сылдьыбат.
    Һассын Һассын Һарсыарда,
    Һаадьаҕай ынах маҥырыыта,
    Һаҥа күнүм тахсыыта,
    Һаҥа Һонун күүтэбит.
    Үтүө сонун элбээтин,
    Үчүгэй үлэ үксээтин,
    Ыарыы төрдө кыйданнын,
    Ыалдьар дьонум үтүөрдүн,
    Сассын сассын сарсыарда!

    1
  • Omo5oi_Baai
    Omo5oi_Baai
    Ветеран
    28 ноября
     

    Ийэлэргэ анабыл

    Үтүө мааны ийэлэрбит
    Арчылыыгыт тулабытын,
    Эйэҕэс мичээргитинэн
    Олохпутун киэргэтэҕит.

    Бүппэт түбүккүт быыһыгар
    Бүөмнээн олорон таптыыгыт,
    Сылааскытынан угуттаан
    Сүрэхпитин ууллараҕыт.

    Ийэлэрбит ,баар буолаҥҥыт
    Алаһа дьиэбит иһигэр,
    Истиҥ сыһыан олохсуйар
    Ил -эйэ эҥэрдэһэллэр.

    Ыраата да сырыттарбыт
    Долгуйа өрүү ахтабыт ,
    Минньигэс алаадьыгытын
    Күөрчэх ытыйар тыаскытын.



    Арылыччы харахтаргыт
    Сыдьаайаллар сулустардыы,
    Нарын кэрэ мөссүөннэргит
    Санаталлар хатыҥ маспын.

    Махтал тылларын аныыбыт
    Күбэй хотун Ийэлэргэ,
    Этэҥҥэ буолуҥ үйэлэргэ,
    Сүгүрүйэммит алҕыыбыт.


    Наталья Ушницкая - Дайыына.
    Нам улууһа.Бөтүҥ нэһилиэгэ.

    1
  • Omo5oi_Baai
    Omo5oi_Baai
    Ветеран
    28 ноября
     

    Наһаа истиҥ хоһоон баар эбит, автора ким эбитэ буолла, бүгүҥҥү күҥҥэ олус тоҕоостоох, Ийэ күнүнэн ,ийэлэрбитин санаан ааһабытperson with folded hands

    Хайдах да дойдуга тиийдэрбин
    Халтархай суолунан хаамтарбын
    Харгыска хаайтаран хаалларбын
    Харыстыыр аанньаллаах буолабын.

    Ол аанньал- мин ийэм барахсан
    Төһө да суох буоллар билигин
    Олохпун арчылаан-маанылаан
    Төлкөбүн түстээбит күн киһим.

    Киҥкиниир киэҥ дуоллаах халлаантан
    Күөх куйаар кыраман үрдүктэн
    Ийэкэм мин хайдах сылдьарбын
    Истэрэ-көрөрө буолуохтаах.

    Ардыгар ситиһии сиэттистин
    Аттыбар дьол-үөрүү үөрдүстүн
    Үөрсэрэ буолуоҕа миигинниин
    Үөһэттэн ээр-сэмээр мичээрдии.

    Сыыһаары гыннахха саныыбын
    Син эмиэ туттуна сатыыбын.
    Хомойон-хоргутан ийэкэм
    Хараҕын ууларын тоҕуо диэн.

    Ол иһин ис санаам ичигэс
    Мин дууһам иэйиитэ иһирэх
    Оһоҕум сылааһа сымнаҕас
    Аал уотум иччитэ амарах

    Чанчыгым астара кырыарбыт
    Ийэм да барбыта ырааппыт.
    Чахчыта таптала ааспатах
    Илгийэр итиитэ сойботох.

    1
Авторизуйтесь, чтобы комментировать
Ваши данные будут надежно защищены и не будут переданы третьим лицам
Обратная связь