Уважаемые пользователи, форум с 11 мая 2020 года объединился с другими республиканскими форумами под новым названием "Республика".
По этой ссылке добавлять новые сообщения невозможно. Все прежние темы с обсуждениями останутся доступными для чтения.
Добро пожаловать на объединенный форум "Республика"!
1 месяц на форуме Топ пользователь Все
Награды
1 месяц на форуме
1 месяц на форуме
Топ пользователь
Топ пользователь
Чурапчыга анаабыт хоһооннорум
  877
Зоя ИМ

ДОРООБО, ЧУРАПЧЫ!

Дорообо, чугдаарар Чурапчы!,
Кэлбэтэх ырааппыт даа эбит,
Тупсубут эбиккин, эн чахчы,
Саҥалыы тутууҥ дьэ, элбээбит.

Сибэкки дьэрэкээн көбүөрэ
Тэлгэммит, хараҕы саатата,
Үүммүттэр тиэргэни киэргэтэ
Чэчиктэр санааны көнньүөрдэ.

Ырыаҕа ылланар чараҥыҥ
Суугунуу туруохтун өрүүтүн,
Сырдыкка, кыайыыга дьулууруҥ
Сирдээтин сайдыыга кынаттаан.

Ахтылҕан иэйиитин күөдьүтэн,
Ыҥыра, угуйа тураҕын,
Айылҕаҥ эриэккэс кэрэтин
Көрөөрү, өссө да кэлиэҕим.

2016 с.,атырдьах ыйа. Чурапчы с.

Зоя ИМ

АХТАН КЭЛЛИМ ЧУРАПЧЫНЫ...

Ахтан кэллим эмискэччи
Чулуу дойду
Чурапчыны —
Нууралдьыйар чараҥнарын,
Айгыр-силик хатыҥнарын,
Ача оттоох алаастарын.

Үтүө дьоно үгүстэрэ —
Көмөлөһөн үөрдэллэрэ.
Ыгылыйбат майгылара,
Сүрэхтэрэ- бэлэстэрэ,
Тулуурдара сөхтөрөрө.

Олох араас ыараханын,
Алдьархайын ааспыт буолан,
Кыһарҕанын билбит буолан,
Кииллийбиттэр кинилэр,
Тургутууну тулуйаллар.

Онно бааллар талааннаахтар —
Тулхадыйбат тустуук дьоннор,
Үрүмэччи үҥкүүһүттэр,
Ылбаҕайкаан ырыаһыттар,
Имигэстэй иистэнньэҥнэр.

Саргылардаах сарсыннарга,
Үтүмэннээх үйэлэргэ
Үүнэ-сайда, силигилии,
Туругура, тупса тураар! —
Алгыс, баҕа санааларбын
Ыыттым ыраах Чурапчыга.

2019 с., балаҕан ыйа. Дьокуускай к.
Ответов 6
  • Боотур
    27 декабря 2019
     

    Наһаа үчүгэй хоһооннор, өссө да айылла турдунар ДОМ))) дойдубут ЧУРАПЧЫ барахсан, үтүө дьоннун саньыһа, ахта ыҥыра тураахтыыр))) Махтал буолуохтун.

    0
    • ZOYAIM
      27 декабря 2019
       

      Сэҥээрбиккэр, сэргээбиккэр махтанабын!

      0
  • Чк
    27 декабря 2019
     

    Ситим магазин Зоятын хоьоонноро дууthumbs up sign

    0
    • ZOYAIM
      27 декабря 2019
       

      Ээ суох, атын киһибин

      Дьокуускайга олоробун, Сунтаартан төрүттээхпин. Чурапчыга өрдөөҕүтэ олоро сылдьыбытым

      0
  • ext_phone_ioUKSQ459s
    Nikita2005
    Валерий
    28 декабря 2019
     

    Үчүгэй хоһооннор thumbs up sign Дойдубун санатта, сылдьыбатах ырааппыт.........

    0
    • ZOYAIM
      28 декабря 2019
       

      Nikita2005, махтал!

      0
Обратная связь