7 лет на форуме Автор 5 уровня Топ пользователь Все
Награды
7 лет на форуме
7 лет на форуме
Автор 5 уровня
Автор 5 уровня
Топ пользователь
Топ пользователь
5000 просмотров
5000 просмотров
Итэҕэл туһунан
  1062
мөккүөргэ, былыргы сахалар үҥэр - сүктэр хараамнара суох этэ эҥин диэн этиилэр кэлин элбэхтик иһиллэр буоллулар.. Манан сиэттэрэн, ыйытыаҕы баҕарыллар: саха Ыһыахтыыр сиригэр Тэрис этэр Моҕол Ураһалара туох сыаллаах - соруктаах тутуллан турбуттара буолуой?
Ответов 52 Написать ответ
  • -кытыыСаха-
    10 февраля  

    Бу убуорунай тугу да билбэт эрээри,тоҕо моҕул ураһаны итэҕэли кытта сыбаатыҥ?

    0
  • BorNEo
    12 февраля  

    кытыыттан быгыалыыр торуол

    Цитата:
    Хоруй дөбөҥ курдук ээ; ыһыах дьоно, дьоһун ыалдьыттар хайдах аһаҕас халлаан анныгар олорон аһыахтарай сиэхтэрэй?
    Күнтэн күлүктэнэр,куйаастан куотар,хаҕыс харахтан хорҕойор,сылайбыт сынньанар сирэ буоллаҕа.
    Ама Аар Айыыларга анаммыт аатырдахтарай,Үрүҥ Айыыларга үҥэргэ үүйүллэн турдахтарай,Сырдык Күүстэргэ сүгүрүйүүнү сөргүтэргэ сыалланнахтарай.

    диэнигэр сөбүлэһэр дьон бааргыт дуо?

    0
  • Ыал аҕата
    12 февраля  

    Сахалар итэҕэллэрэ суох омукпут.Барыта хааһы да саламаат да, салаат.винегрет.Холобура мин аал уоппун айах тутарбын эрэ билэбин.Уонна туох да суох.Хомунньуус саҕанааҕы аҕабыттан хаалбыта ол.Эгэ абыычай кэлиэ дуо суох.Норуоппут инники туһугар кэлэр көлүөнэҕэ диэн итэҕэл ончу суох.Урукку төрүттэрбит олох билээхтээбэттэр, тугу да хаалларбатахтар.Былыр да туох да оннук омукпут туһугар диэн итэҕэл олоччу суох эбит.Ити ислам итэҕэлэ дьэ сүрдээх улахан итэҕэл эбит.Барыта норуотун сайдарын туһугар эбит.Арыгылаата да бар эр дьон,уол оҕо көрөн турдаҕына үнтү таһыйаллар эбит.Абыычайдара элбэҕин.Барыта бэйэлэрин норуота элбиирин сайдарын туһугар этиллэр эбит.Кинилэр ислам улуу омуктара итэҕэлэ, абыычайа суох норуоту, олох хараҕа суох киһи курдук тэҥнииллэрэ саарбаҕа суох.Онон биһиги инникитэ суох, хараҕа суох ырааҕы көрбөт муммут, буккуллубут омуктар эбитпит.Холобура детсад, оскуола оҕотугар туох итэҕэллээххиний диэтэххэ, эппиэт биэрбэт буолла да эстибитинэн ааҕынар эбитпит.Омук салҕанан барыытыгар итэҕэл суох эбит.Итэҕэлэ суох омук эстэр.Эстэрбит да сөп эбит.

    0
  • ext_fb_210606689483676Ft3pL
    12 февраля  

    Итэҕэл баар да сүтэн эрдэҕэ,нуучча кэлэн православияны соҥноон саха барыта нуучча итэҕэлин ылыммыта, хас дэриэбинэ аайы таҥара дьиэлэрин тутан үлэлэппитэ,олох аҕыйах дьиэлээх бөһүэлэктээргэ чачыабына туппуттара,хоту сылдьан көрөр этим. Онтон хомуньуустар итиҕэллэрэ кэлэр,бэл биһи саастаах дьон уоппутун эрэ айах тутабыт.

    0
    • BorNEo
      14 февраля  

      Афанахий Корякин,
      нуучча кэлэн православияны соҥноон саха барыта нуучча итэҕэлин ылыммыта диэҥҥин, уонна кытыыттан быгыалааччы торуол

      Цитата:
      таҥара үөрэҕэ этэринэн,киһи өлөн баран таҥара илиитигэр киирэн, кини үрдүкү суутунан сууттанан,сорох ырайга,сорох аадка утаарыллан үйэлэр тухары оннун булар эбит
      диирин ааҕа олорон, иккиэҥҥититтэн, киһи күлүөх санаата киирэр))

      0
  • alamaykunsilama.ru
    13 февраля  

    Итэҕэли билээччилэр, Саха өйүгэр санаатыгар Итэҕэл баар онон ол бу дьиэлэри тутары наадата суох диэн саныыр буоллахтарына, мин хайдах эрэ табыгаһа суох дьии саныыбын! Ылыныылаахтык Итэҕэл боппуруоһугар киирсэн иһиэххэ наада оччоҕо эрэ Итэҕэл сөргүллүөҕэ тарҕаныаҕа Сахаларга! Онтон бүөмнээн Итэҕэлгэ сүгүрүйдэххэ Итэҕэл сүтэр туруктаныан син! Онон Итэҕэл киэҥ араҥаҕа тарҕанара кэрэх! Итэҕэли үөрэтээччи тарҕатааччы дьон ирдэнэрэ кэрэх! Итэҕэл олоччу сүтэ илигинэ! Саха конгреһыгар ити ыйыытыгы туруорарга кэрэх!

    0
    • BorNEo
      13 февраля  

      alamaykunsilama.ru, оннук.

      Цитата:
      Үйэлэри уҥуордаабыт мэҥэ бэлиэбит
      Хас да сыллааҕыттан бэттэх «Туоһунан ураһа оҥоһуллухтаах үһү, республика улуустарынан иистэҥньэҥнэрэ бары кыттыһан тигиэхтээхтэр» диэн кэпсэтиини истэр буолбуппут. Иискэ ууска сыһыана суох, борустуой дьон өйдүүрбутунэн, улуустар улахан Моҕол Ураһаны лоскуй-лоскуйунан уллэстэн тигэн баран, холбуу тутан оҥорон таһаарыахтаахтар.

      Туос ураһаны — саха культуратын биир чыпчаал айымньытын билиҥҥи кэмҥэ туруоран, кэлэр көлүөнэлэргэ хаалларыыны саха народнай суруйааччыта Дмитрий Кононович Сивцев — Суорун Омоллоон өр сылларга ыра санаа ымыыта оҥосто сылдьыбыта биллэр. Дьэ онтон ытык киһибит тимир ууһун, норуот маастырын, саха дьоно — сэргэтэ улаханнык ытыктаан, ылынан, сэргээн истэр бөһүлүөгүн, СРП. А. Ойуунускай аатынан Государственнай бириэмийэ лауреатын Борис Федорович Неустроевы — Мандар Ууһу кытта көрсүһэн ирэ — хоро сэһэргэһиитэ бу кэскиллээх дьыалаҕа хамсааһын саҕаланыытыгар төрүөт буолбута.

      Борис Феедорович Суорун Омоллооннуун, кыраайы үөрэтээччи Егор Дмитриевич Андросовтыын Моҕол Ураһаны тутуу туһунан кэпсэтиилэр кэннилэриттэн Таатта Чөркөөҕөр турбут туос ураһа туһунан маннык бэлиэтээн суруйар: "Үһүөн, төбөбүтүн холбуурдуу төҥкөһөн, чочумча саҥата суох сөҥүөрэн олрбуппут, үһүөн тус — туһунан тугу эрэ санаатахпыт. Оттон үлэбит күөстүү оргуйбута: Егор Дмитриевич маастардаан, Егор Кузьмич Щукин — Бурҕаат Уус (сааһын тухары тимир, мас ууһа) уонна Михаил Леонтьиевич Алексеев — Туһалыыр Мэхээлэ (сааһын тухары мас ууһа) туппуттара 1978 сыллаахха тутуллан бүппүтэ. Алта испэ туоһун мин манна дьиэбэр оҥорбутум, тигэр кыаҕа суох буолан, силиминэн туттаран аттарбытым. Оччотооһу куйаха силим сииги тулуйбат буолан, кэлин ойуулара хоннон түспүттэрэ. Билигин икки эрэ испэ туос элэмтэлэрэ ордон тураахтыыллар. Өбүгэлэрбит ситииннэн тигиилэрэ эбитэ буоллар, билигин да сабыс саҥатынан дьэрэлийэн турар буолуох этэ.

      Дьэ ити кэнниттэн Мандар Уус Суорун Омоллооннуун үһүс сэһэргэһиитин кэмигэр «ити туос Моҕол Ураһа курдук улуу айымньы сиик — симэһин буолан симэлийэ суохтаах этэ, кинилэр үйэлэрэ хаһан да ааһыа суохтаах… Итинник кэрэ тутуу чугаһынан хайа да омукка суоҕун билэбин, онон хайаан да сөргүтүөххэ баара. Эн, Барыыс, хайыаҥ этэй, ылсан күрүөҥ буолаарай?» диэн эппитэ Борис Федоровичка ытык киһибит кэриэһин курдук иһиллибитэ. Мандар Уус республикатын улуустарынан уһаты — туора айаннаан, туос ураһалар турбут сирдэрин көрөн — истэн, чинчийэн, мындырдаан үөрэтиитэ саҕаламмыта. Ол түмүгэр 2015 сыллаахха «Бичик» кинигэ национальнай кыһатыгар «Моҕол Ураһа» диэн кинигэ бэчээттэнэн тахсыбыттара.

      Бу таһаарылар билиэн — көрүөн баҕалаах киэҥ ааҕааччыга уонна саамай суолталааҕа, республикаҕа Моҕол Ураһаны тутууга кыттар иистэнньэҥнэрбитигэр үөрэх пособиетын курдук ананаллар. Ханнык баҕар улаха дьыаланы, буолаары буолан Моҕол Ураһаны оҥорон тһаарыы иилиир — саҕалыыр киһилээх буоллаҕына сатанара чуолкай. Биһиги бу күннэргэ республикатын киинигэр Дьокуускай куоракка туруохтаах туос ураһаны тигиини салайан эрэр норуот маастарын Варвара Тихоновна Васильеваны көрүстүбүт.

      Уус — Алдан Бээрийэтигэр олорор, 77 саастаах Варвара Тихоновна көрө түстэххэ аҕыйах санаалаах, аргыый аҕай сылдьар курдук көстөр эрээри, кэпсэтэн — ипстэн билистэххэ, туох баар өйө — санаата, толкуйа бу уустук, уһун — киэҥ, унньуктаах, мындыр үлэни хайдах тэрийэн, аттаран, атаҕар туруорбут киһи диэн дириҥ санааҕа түмүллэр. Кини Мандар Ууһу кытта билсибитэ уонча сыл буолбут, бу бырайыагы иилээн — саҕалаан үлэлэтэргэ киниттэн алгыс ылбыта эмиэ мээнэҕэ буолбатах.

      0
      • BorNEo
        13 февраля  

        Цитата:
        Варвара Тихоновна идэтинэн учуутал. Герцен аатынан Ленинградтааҕы педагогическай институуту бүтэрэн баран, дойдутугар Бээрийэ орто оскуолатыгар 40 — ча сыл нуучча тылын уонна литературатын учууталынан бэриниилээхтик үлэлээбит. Дьону эмтииргэ айылҕыттан бэриллибит дьоҕурдаах буолан олохтоох балыыһаҕа үс сыл сиэстэрэлээбит. СР үөрэҕириитин туйгуна, «За вклад в развитие прикладного искусства» бэлиэ хаһаайката.

        Варвара Тихиновна сэрии тулаайаҕа буолан олох ыараххаттарын этинэн — хаанынан билбитин долгуйа ахтар. Аҕата Тихон Павлович Васильев сэриигэ ыҥырыллан айаннаан иһэн аара Читаҕа ыалдьан олохтон барбыт. Ийэтэ Өймөкөөнтөн төрүттээх Анна Кононовна Атласова үс оҕолоох огдообо хаалан эрэйи, кыһалҕаны эҥэриттэн тэлбит. Варавара Тихоновна иккис кылааска үөрэниэҕиттэн холкуос үлэтигэр кыттан барбыт. «Бэһис кылаастан саҕалаан оҕус сиэтэр, от охсор, мунньар буолбутум. Аҕата суох буолан, эрдэттэн үлэ бөҕөҕө эриллэн улааппытым» диэн кэпсиир. Хата, тулаайах оҕолору түмэн, Ленинградка педагогическай институтка үөрэттэрэ ыыппыттарыгар махтанар.

        Варвара Тихоновна уоллаах кыыһа Дьокуускай куоракка олороллор, улэлииллэр. Ким «Сахафильм» звукорежиссера Анна Иван Шамаев салайааччылаах республикатааҕы лицейгэ «Дьоҕур» түмсүү салаайааччыта. Түөрт сиэн эбээтэ.

        Варвара Тихоновна тиийиммэт — түгэммэт услуобуйаҕа улаатан эдэр эрдэҕиттэн иискэ сыстаҕас буолан улааппыт. 1995 сылтан саҕалаан оскуола оҕолорун иис — уус кистэлэҥнэригэр уһуйуута үлэлэһэн барбыт. Элбэхтик дьарыктанан, тигэн элбэх быыстапкаларга кыттар дьон буолбуттар. 2000 сыллаахха Бээрийэҕэ «Арчы» иистэнньэҥнэр түмсүүлэрин тэрийбит. Бу түмсүү тэриллиэҕиттэн, Бээрийэ далбар хотуттара бары баайар, тигэр буолбуттар.

        — Баҕарар буоллаҕына, киһи барахсан сатаабата диэн суох. Матрена Петровна, Евдокия Васильевна көх — нэм буолан 1995 — 96 сс. ат киэргэлин оҥорбуппут. 2000 сылтан саҕалаан туоһунан үлэни саҕалаабыппыт. Бастаан кыраттан, ыаҕайаны тигииттэн саҕалаан баран, улахан үлэлэри ылсыбыппыт. Сүктэр кыыс маллаах иһитин оҥорбуппутун Иннокентий Тарбаахап, Августина Филиппова быыстапкаларга илдьэ сылдьыбыттара. Оруос Баай кыыһыгар тиктэрбит маллаах иһитин үтүгүннэрэн хаһы да оҥорбуппут. Онтон бииргэ «Симэх» галереяҕа турар, биир маллаах иһит Евдокия Васильевна Васильеваҕа дьиэтигэр баар, — диэн кэпсиир Варвара Тихоновна.

        0
        • BorNEo
          13 февраля  

          Цитата:

          «Арчы» түмсүүгэ дьарыктаммыттар үлэлэрин үтүө түмүгэ көстөн, элбэх республикатааҕы, Россиятааҕы таһымнаах быыстапкаларга ситиһиилээхтик кыттар буолбуттар. Түмсүү чилиэннэриттэн түөрт норуот маастара, сэттэ уус — уран оҥоһуктар маастара үүммүтэ элбэҕи этэр. Екатерина Васильева, Ольга Томская, Прасковья Васильева кылынан таһаарыылаахтык үлэлииллэр. Елизавета Семенева эмиэ туоһунан үлэлээн норуот маастара буолбут. Билигин бэйэлэрэ маастар кылаастары биэрэр иистэнньэҥнэр.

          — Дьокуускайга туруохтаах Моҕол Ураһабыт бырайыагын быһыытынан 9 миэтэрэ үрдүктээх, 12 миэтэрэ ис иэннээх буолуохтаах. 2014 сылтан саҕалаан үлэлэһэн эрэбит. Билиҥҥи туругунан миигин кытта дьиэбэр кийииттэрим Елизавета Семенова, Екатерина Васильева үлэлэһэллэр. Туох да сылаалаах, түбүктээх үлэ буоларын туһунан этэ да барыллыбат. Туоскун хастыыргыттан, ыраастыыргыттан, таҥастыыргыттан саҕалаан ымпыктаах — чымпыктаах үлэ. Сарсыарда 7-тэн киэһэ 9 чааска диэри ииспитигэр олоробут. Бастаан наһаа элбэхтик сыыһар курдук этибит, сатаммата элбэх этэ. Онтон ыла үлэлиирбитигэр салама ыйыыбыт. Ситиинэн анньан тигэрбитигэр иннэ бөҕө тостор, алдьанар, туос хайдар этэ.

          11 испэ туос (иһинээҕи көбүөрдэрэ) тигиллиэхтээҕиттэн 4 тиктибит. Барыта былыргылыы туос ураһаны оҥоруу төрүт бэрээдэгин тутуһан оҥорорго соруктанабыт. Килиэйи туттубаппыт, барыта тигиинэн барыахтаах биир да тоһоҕо туттуллуо суохтаах, барыта сылгы сиэлинэн хатан туттарыллыахтаах. 100 миэтэрэ сылгы сиэлэ өрүллэн маһын тутулуга буолуо.

          Туос ураһаны тутууга Мандар Уус бырайыагын быһыытынан республика улуустара бары кыттыахтарын наада. Өбүгэлэрбититтэн кэлбит кутунан — сүрүнэн, сылааһынан илгийэр бу дьиэбит улахан суолтата ноуроту сомоҕолуур күүһүгэр сытар.

          Үлэлэһиэн баҕалаах 200 — тэн тахса киһэхэ маастар кылаас биэрдибит. Билигиҥҥи туругунан Сунтаар, Бүлүү, Горнай, Уус — Алдан, Чурапчы, Таатта, Амма улуустара үлэлэһэллэр. Кыыс хаппахчытын Бороҕоҥҥо Екатерина Колодезникова, Варвара Горохова, Татьяна Дегтярева хас да бөлөҕү салайан тиктэриэхтээхтэр. 11 наара орон баар буолуохтаах. Олорго сөрүөнэн тэлгэтиллиэхтээхтэр. Сөрүөнү Чурапчыга Валентина Кириллина салайааччылаах биригээдэ тигэр. Сунтаар Кутанатыгар Валентина Дьячковская салайааччылаах бөлөх 100 миэтэрэ быаны хатыынан дьарыктанар.

          Кыыс утуйар таҥаһа тэриллиэхтээх. Ороно анал суҥ сөрүөнэн сабыллыахтаах. Сарыы сыттык, кырса суорҕан оҥоһуллуохтаах. Манна хоту оройуоннары кыттыннарбыт киһи диэн баҕалаахпыт, — Варвара Тихоновна, чуумпу, намыын куолаһынан кэпсиир.

          Бу күннэргэ Варвара Тихоновна Моҕол Ураһаны тутуу боппуруостарын быһаарсаары Дьокуускайга өр буолла. Бу сүүнэ үлэни үбүлээһин дьоһуннаахтык быһаарылла илигэ бырайыак сэниэлээхтик хамсыырын мэһэйдиир эбит. "Үбүлээһинэ быһаарылла илик буолан, дьону босхо кэриэтэ үлэлэтэ сылдьабын. Сахалыы эмтиибин. Холобур, сылгы сиэлин сылгыһыттартан «эмтиэм» диэн кэпсэтиинэн ыла сылдьабын. Варвара Тихоновна ол быыһыгар Өлөөҥҥө көппүтэ. «Онно туос суох, тоҕо бараҕын диэччилэр бааллар. Үлэ баһаам буоллаҕа, холобур хаппахчыны тэриийигэ кыттыахтарын сөп. Бэйэлэрэ кыттыахтарын баҕаралларын биллэрбиттэригэр баран эрэбин» диэбитэ.

          Моҕол Ураһа туутун республикабыт салалтата, Ил Дархаммыт биһирии, өйүү ылыммыта. Мандар Уус альбомугар киирии тылы Ил Дархаммыт Егор Борисов сурайарыгар, «Онон бу саха дьонун материальнай культуратын биир чыпчаал айымньыта буолуохтаах улуу тутуубутун көмөлөөн ылсаммыт сүһүөҕэр туруорарбыт атын омук дьонун материальнай культураларын чулуу ыйымньыктарын биир тэҥ таһымҥа турар сүдү тутуулаах этибит» диэн бэлиэтээн эппитэ. Варвара Тихоновна саха дьоно истиилэригэр сырдык санааларын тумэ тутан олорбут Моҕол Ураһалара куту — сүрү ыраастанар, үрдүк айыыларга сүгүрүйэр, күүһү — уоҕу иҥэринэр ытык сирдэринэн буолуо этэ диэн ыратын кынат оҥостон этэр.
          https://sah.m.wikipedia.org/wiki/Үйэлэри_уҥуордаабыт_мэҥэ_бэлиэбит

          0
  • alamaykunsilama.ru
    13 февраля  

    Дьэ бэрд итинник буолуохтаах, Саха культуратын, тылын, итэҕэлин, үгэстэрин эбии сайыннаран иһиэххэ наада уонна билигин эдэр көлүөнэ итиннэ күүстээхтик чугаһаан ылсара кэрэх!

    0
  • Айыл5а5а сугуруйээччи
    13 февраля  

    Саха айыл5а5а сугуруйэр, кини тан,арата-айыл5а, туох баар сир-дойду, уу, тыа иччилээхтэр дии саныыр, абааhыны-сибиэни итэ5эйэр , ойууннарга, уда5аттарга сугуруйэр.Ити барыта биhиги итэ5элбит буолар, хааммытыгар баар. Онон ону-маны айа сатаабакка, итилэри холбоон айыл5а5а ун,уеххэ наада, норуоту тумэр ритуаллары ессе толкуйдаан, сайыннаран, Айыы дьиэлэрин тутан, урукку еттугэр суох да буоллаллар, айыл5а салгыытын, муннугун курдук.Саха5а тан,ара киhи уобараhынан суох дии саныыбын (Yрун, Аар Тойон диэн хайдах эбитэ буолла). Айыл5аны уобарастаан онно ун,уеххэйин. Язычествоны уе5уу курдук санаабакка эрэ.Кэлин сайдан иhиэ.

    0
  • Соргу
    13 февраля  

    Айылҕа барахсан аһатар-сиэтэр. Былыр былыргаттан сирдэригэр-уоттарыгар, эбэлэригэр сүгүрүйэллэрэ, уокка ас кутан айылҕаларын аһаталлара, махталларын сибигинэйэн этэллэрэ. Онон саха киһитэ айылҕа оҕото.
    Итэҕэл хайдыспакка биир буолуохтаах.

    0
  • Айыл5а5а сугуруйээччи
    14 февраля  

    Соргу оннук, сахалар уеhээ халлаан,н,а ким эрэ- Тан,ара диэн баар дии саныыллар. Барытын кини дьаhайар, бэйэтэ, эбэтэр айыылар, иччилэр, абааhылар кемелерунэн дьаhайар, айыл5аны эмиэ.

    0
    • alamaykunsilama.ru
      14 февраля  

      Айыл5а5а сугуруйээччи, Айыылар иччи буолбатахтар кинилэр Үрүҥ Аар Тойон көмөлөһөөччүлэрэ буолаллар онон ону маны сымыйаннан туойуман!

      0
  • BorNEo
    14 февраля  

    кытыыттан быгыалыыр торуол этэринэн

    Цитата:
    -кытыыСаха- Ветеран 10:59
    Хм...

    Дьыала ким кимиэхэ,ханна үҥэригэр буолбатах.
    Моҕол ураһа диэн,убуорунай этэрин курдук, ханнык да итэҕэл "хаараама" буолбатах!
    Моҕол ураһа диэн саха ыала сайылыгар туруорунар туос ураһалара, биллэн турар сайылыкка тахсан баран ыһыах ыһыллара, онон туох баар ыһыах сиэрэ туома моҕол ураһа иннигэр толоруллара биллэр ээ, онон ити этэллэрин курдук , "моҕол ураһаны итэҕэлгэ анаан туруоруллара" диэн,өй тиийбэтиттэн оҥорон этии.

    — диэн буолбут. Сөпсөһөөччүлэр бааргыт дуо?

    0
    • Быйанг
      14 февраля  

      BorNEo,

      Моҕол (Моҥол) ураһа итэҕэлэгэ олуччу сыһыаннаах. Ыһыах күн Моҕол ураһаҕа кыыстарын аҕалаллара. Алгытсаммытын үрүҥ Ойуун көрөр. Ойуун диэн тыл урут олох атын өйдөбүлээх, билинҥи этэр шаманара буолбатах. Ойууннар - уһуйааччылар этилэр, билигин - учуутал диэххэ син.

      Ити европеецтар кэлэннэр биһиэхэ бэйэбитигэр Ойуун = шаман, диэн өйдүбүлү киллэрэн кээспиттэр. Холобура билигин сорохторбут эмиэ нуччалар уонна европеецттар баҕаларынан, Айыыларбытын Боги диэн аатттаан Таҥараларбыт диэн саҥарар буолан эрэллэр. Оччоҕо тоҕо бэйэлэрин тоҕус халаан 12 олохтоохторун боги диэбэттэрий, биһиги Айыыларбытын Юогидиллэрий. Киилэргэ итэҕэллэринэн эмиэ 9 халлаан онно 12 араас олохтоох баарый?

      0
    • alamaykunsilama.ru
      18 февраля  

      BorNEo, дьэ манна сыыһаҕын Ыһыах Саҥа дьыл буолбатах! Ыһыах Итэҕэл бырааһынньыга! Аан маҥнай Ыһыаҕы ыспыт киһинэн Эллэй буолар! Кини Омоҕой кыыһын ойох ыларыгар манна маҥнайгы ыһыаҕы ыспыта уонна Үрдүк Айыыларга Алгыстары этэн таһаарбыта! Онон эн сыыһаҕын бу боппуруоска! Буолааччы! Дьэ уонна мээнэ өй тиийбэтитэн иҥин диэн тыллары туттаргыттан туттунуо этин!

      0
  • Быйанг
    14 февраля  

    Моҕол (Моҥол) ураһаҕа алгыстатар кымыстарын аҕалаллара. Ыаһах эрэ буолар күннэригэр кымыс Үрүҥ Айыылартан алгыстанар. Ыһахха эрэ дьоннор Айыылартан алгыстаммыт кымыһы иһэр.
    Ыаһахха костер оттон баран уот аһатаары Ыһыах ыһьар буолбатах этилэр. Костер уматан баран уот аһатары соторутааҕыта киллэрбиттэрэ, итинник туом урут суох этэ. Ыһыахха дьоонор Үрүҥ айыылары туойаары, Үрүҥ аййылатан арчы ылаары, Айыылартан алгыстаммыт кымыһы иһээри мунньустар этилэр. Дьэ онтон оһуохай, күүлэй, ыарыа тойук, тойоттор тыл этээһинэрэ, күүс, сымса, оҥоһук, ат сүрдүү күрэхтэһиилэрэ буолар эттилэр..
    Ыһыах сүрүнэ - Үрүҥ Айыылары алгыстыыр, Үрүҥ Айыылары туойар күн. Уонна Айыылартан алгыстаммыт кымыһы иһэр күн.

    0
    • BorNEo
      14 февраля  

      Быйанг, оннук курдук.

      Цитата:
      Ыhыах диэн Саха Саҥа дьылын күнэ уонна сайын, айылҕа тыллыытын бэлиэ күнэ. Ыһыах ыйа — бэс ыйа. Биэлэри тутан, кымыс көөнньөрөллөр. Ыһыах туһүлгэтигэр ыраахтан, чугастан кэлбит ыалдьыттар уохтаах кымыһы иһэллэр, үтэһэлээх этинэн күндүлэнэллэр. Илии-атах оонньуутугар күрэхтэһэллэр, оhуохай дьиэрэйэр, ырыа дэлэйэр. Ат сүүрдүүлэрэ ыытыллаллар.

      Былыр былыргыттан ыhыах төрүкү күн сайыҥҥы туруутугар буолара, ол эбэтэр бэс ыйын 21—22 күннэригэр. Билигин араас улуустарга, нэhилиэктэргэ уонна сирдэргэ бэс ыйын 10 — 25 күннэригэр ыытыллар.

      Сорох чинчийээччилэр[1] этэллэринэн ыһыах Саҥа сылы көрсүү бырааһынньыга буолбатах — күнү көрсүү, Үөһээҥҥ[и] Үрүҥ Айыылар сиргэ саамай чугаһаан турар кэмнэригэр түбэһиннэрэн, Үөһээҥҥи Айыыларга сүгүрүйүү итэҕэл күнэ дииллэр.
      https://sah.m.wikipedia.org/wiki/Ыһыах

      0
    • alamaykunsilama.ru
      18 февраля  

      Быйанг, оннук!

      0
  • BorNEo
    14 февраля  

    Бээ эрэ, кытыыттан быгыалааччыбыт аны

    Цитата:
    Айылҕа диэн Үрүҥ Аар Тойон айбыт материята буолар!
    Манна мөккүөр суох. Ол иһин этэбин таҥара ыраах диэн.
    Саха оччо ыраахха,күннээҕи кыһалҕатын быһааттарар санаата суох. Кини кыһалҕата бэтэрэннэн. таҥара айбыт айылҕатын иһинэн буоллаҕа.Ол иһин биһиэхэ анал таҥара дьиэтэ да муннуга да суох.Бэркэ буоллаҕына кэрэх мас эрэ баара буолуо.Ол даҕаны таҥараҕа буолбакка,олохтоох иччигэ ананар

    — диэн субуруппут.

    Ол аата, биһиги өбүгэлэрбит Бэркэ буоллаҕына кэрэх маска үҥэ - сүктэ сылдьыбыт курдук этэн таһаарбытeyes

    0
  • Саргыда
    14 февраля  

    Киһи барыта мин эрэ билэбин диэбит курдук саҥарар. Биир бэйэм аныгы үйэ ирдэбилигэр эппиэттиир ТАҤАРА ДЬИЭЛЭЭХПИТ буоллар СИРИЭ СУОХ этим. Таҥараттан көрдөһөр, чүмэчи уурар ( син биир уот буоллаҕа дии...) Чэ, оннук курдук...
    Итэҕэл эмиэ сайдыахтаах, биир кэм турбат. Туох барыта уларыйар. Ону кэм ирдиир. Олус нэһирдэхпитинэ омук итэҕэлин ылынар буоллахпыт. Билиҥҥи кырдьаҕастар сыыйа тононон барыахтара. Олох сокуона оннук. Билиҥҥи кэмҥэ сөп түбэһиннэрэн хамсамматаххына, хардыылаабатаххына сыыйа кэхтэҕин. Ханнык баҕарар омугу тутан турар күүстэр: омук ахсаана, тыла, итэҕэлэ.
    Толкуйдааҥ. Түмүк оҥоруҥ. Ол барыта ыччаппыт туһугар буолуохтаах.

    0
    • BorNEo
      14 февраля  

      Саргыда, саһа сытан таҥара ыраах, ону тэҥэ Бэркэ буоллаҕына кэрэх маска үҥүн, сорохтор ырайга — сорохтор аадка тиксиэххит диэн халлааны эрдээччилэр баалларын кэннэ, кырдьык да — толкуйданар, түмүк оҥостор оруннаах эбит диэн санааҕа кэлэҕин.

      0
    • BorNEo
      15 февраля  

      Аны туран Киһи барыта мин эрэ билэбин диэбит курдук саҥарар диэҥҥэр: бу аныгы технология муҥутаан сайдыбыт, киһи - аймах өйө - санаата эмиэ муҥутаан уларыйбыт кэмигэр — итэҕэлгэ сыһыан, кинини көрүү биир халыып буолбата чахчы.
      Эн таҥара ыраах дии2, аадка түспэт инниттэн ырайга тиксээри — Бэркэ буоллаҕына кэрэх маска үҥүө - сүктүө этиҥ дуо?

      0
      • Саргыда
        15 февраля  

        BorNEo, саха итэҕэлигэр ырай да, аат да суох. Ийэ кутуҥ өлбөт. Саҥа төрүүр оҕоҕо киирэр. Онон иккиһин төрүүр. Сорохтор үстэ төрүүр дииллэр. Баҕар, оннук салҕанан бара турара буолуо. Ол эрээри саха сахаҕа төрүүр.
        Мин итэҕэлим бу олохпор күүс - көмө буолуон сөп. Ол өлөн баран ханна барарым оруола суох. Арай иккиһин төрүүр диэҥҥэ итэҕэйиэхпин баҕарабын.

        0
        • BorNEo
          15 февраля  

          Саргыда, төрөөбүт тылгын табатык суруйарыҥ хайҕаныан эрэ сөп: нууччалыы "ад" кытыычааналыы аад буолбакка, сахалыы -- аат дэнэр:)
          image

          0
    • BorNEo
      16 февраля  

      Саргыда, Биир бэйэм аныгы үйэ ирдэбилигэр эппиэттиир ТАҤАРА ДЬИЭЛЭЭХПИТ буоллар СИРИЭ СУОХ этим диэҥҥэр, КЫЫМҥа тахсыбыт саха итэҕэлин үөрэхтээхтэрин этиилэриттэн быһа тутан аҕалабын.

      Цитата:
      бу ый 20 күнүгэр итэҕэл 14-с сугулаана ыытыллыахтаах. Урукку сылларга итэҕэл үөскээһинигэр болҕомто уурар буоллахпытына, билигин ис-иһигэр киириэхпит.

      Инники сүрүн соруктарбыт:

      – итэҕэл киинин тутуу;

      –алгыс балаҕанын оҥоруу;

      –сайын Хаҥаласка ытык сырыыны тэрийии;

      –итэҕэлгэ аналлаах ааҕыылары тэрийии

      –Айыы итэҕэлигэр улуустартан итэҕэл тэрилтэлэрин кытта бииргэ үлэ.

      Онон итэҕэлгэ үлэлиэн баҕалаах дьону бу тэрээһиҥҥэ күүтэбит!

      0
  • Быйанг
    15 февраля  

    Цитата:
    BorNEo Ветеран Вчера, 13:04
    Быйанг, оннук курдук.

    Цитата:
    Ыhыах диэн Саха Саҥа дьылын күнэ уонна сайын, айылҕа тыллыытын бэлиэ күнэ. Ыһыах ыйа — бэс ыйа. Биэлэри тутан, кымыс көөнньөрөллөр. Ыһыах туһүлгэтигэр ыраахтан, чугастан кэлбит ыалдьыттар уохтаах кымыһы иһэллэр, үтэһэлээх этинэн күндүлэнэллэр. Илии-атах оонньуутугар күрэхтэһэллэр, оhуохай дьиэрэйэр, ырыа дэлэйэр. Ат сүүрдүүлэрэ ыытыллаллар.

    Былыр былыргыттан ыhыах төрүкү күн сайыҥҥы туруутугар буолара, ол эбэтэр бэс ыйын 21—22 күннэригэр. Билигин араас улуустарга, нэhилиэктэргэ уонна сирдэргэ бэс ыйын 10 — 25 күннэригэр ыытыллар.

    Сорох чинчийээччилэр[1] этэллэринэн ыһыах Саҥа сылы көрсүү бырааһынньыга буолбатах — күнү көрсүү, Үөһээҥҥ[и] Үрүҥ Айыылар сиргэ саамай чугаһаан турар кэмнэригэр түбэһиннэрэн, Үөһээҥҥи Айыыларга сүгүрүйүү итэҕэл күнэ дииллэр.


    Ону маны албынаан лахсыйыма!

    Ыһыах диэн Ыһыах. Ыһыах Үрүҥ Айыылары алгыстыыр, Үрүҥ Айыылары туойар күн, Уонна үрүҥ Айыылалртан алгыстаммыт кымыһы иһэр күн. Ыаһыаҕы Күн уонна сир чугасаһар күннэригэр ыытыллар Бэс ыйын 22 хонугар оҥороллор.

    Ыам ыйыгар - Саҥа дьыл күнэ. Ыам ыйын 22 хонугуттан сыл маҥнайгы күнэ саҕаланар. Саҥа дьыл Ыһыах буолбатах.

    0
    • BorNEo
      15 февраля  

      Быйанг, болҕойон ааҕыый)

      Цитата:
      Ыам ыйыгар - Саҥа дьыл күнэ. Ыам ыйын 22 хонугуттан сыл маҥнайгы күнэ саҕаланар. Саҥа дьыл Ыһыах буолбатах
      диэҥҥэр, "Сорох чинчийээччилэри" кытта сөпсөһүөх санаа киирэр: ыйдарынан сирдэттэххэ, Саха Саҥа сыла ыам ыйыгар түбэһэр диэн эрдэ хоруй биэрбиппин дии..

      0
  • ыьыах биьиги сурун итэгэлбит.
    18 февраля  

    Итэгэлбитин бэйэбитигэр эрэ илдьэ сылдьабыт. Ыьыах кунэ биьиги айыы танараларга унэр, сугуруйэр, иччилэрбитин аьатар, кордоьор, ыллыыр-туойар кэрэ бырааьынньыкпыт. Итэгэлбит ити буолар. Уонна олохпут устата сахалыы аньыы даганы энин диэн тутуьан иччилэртэн кордоьон-ааттаьар угэстээхпит. Онтон атын омуктар приметаларын энин саха дьоно угус ылына-итэгэйэ сылдьаллар. Того атын омуктар приметаларын ылыналларый?

    0
  • independent14
    independent14
    independent
    Ветеран
    18 февраля  

    Ыьыах кырдьык биьигини тумэр куустээх, Ол аата сылга бары биирдэ мустан Урдуку Айыыларга сугуруйэбит, кердеьебут уонна унэбит.

    0
    • .
      20 февраля  

      .

      Оннук. Ыьыах биьиги итэгэлбит. Сахалыы танастаах онно мустабыт.

      0
  • ext_fb_210606689483676Ft3pL
    20 февраля  

    Итэҕэли сөргүтэргэ, ойууттары үөрэтэр үөрэх кыһатын арыйыахтар этэ, былыр кыахтаах улуу ойууттар эдэрдэри үөрэтэллэр диэн сурукка тиспиттэр.ойуун диэн итэҕэлбит буоллаҕа,ойууна суох сатаммаппыт,илэ барбыт абааһыларбытын куһаҕан тыыннаахтары үтэйэр ойууттар наадалар. Уонна нэһилиэк аайы, куораттарга кыбартаалларынан ойуун баар буолуохтаах,итэҕэли сүрүннүүр.абааһылары уодьуганныыр.

    0
Ответ на тему: Итэҕэл туһунан
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания