Күндү форум олохтоохторо!
Бу форум Дьоһун саас форуму кытта холбонно, саҥа холбоһуктаах форум Сахалыы диэн ааттаах.
Бу сирэйгэ саҥа теманы эбэтэр комментарийы суруйуу кыаллыбат, ол гынан баран холбоһуу иннигэр суруллубуту ааҕар кыах хаалар.
Саҥа Сахалыы холбоһуктаах форумҥа киириҥ, кэпсэтиҥ!
Уус-Алдан. Танда дьонугар
Дойдулаах  -    5258
3 Геройдаах дойдубар анал статус көрдөөммүн форумнарг суруйа сатаатым да биир эмэ дойдулааҕым сэҥээрбэтигит, эгэ поддержкалыаххыт баара дуу? Суругум бу баар:
Бэҕэһээҥҥи 18.03.2015 с.Туймаада хаһыакка Нам киһитэ Уйбаан уола Хотуоһап саамай сөпкө Уус-Алдан Танда бөһүөлэгэ турар Байаҕантай нэһилиэгэр ураты статуста биэриэххэйиҥ диэн бэрт дьоһун ыстатыйаны таһааттарбыт. Кырдьык 1000 иһинэн киһилээх бөһүөлэктэн, дьоҕус нэһилиэктэн саамай олохпут биллэр этаптарынан үс герой тахсыыта арааһа Россияҕа да сэдэх түбэлтэ буолуо. Ол туһунан улуус салалтата анал программа барылын оҥорон киллэрэн Ил Түмэҥҥэ анньыһара наада. Биир программа аатын этэн биэрэбин "Хаайтарыыта суох сырыылаах нэһилиэк". Ол аата-суолларын-иистэрин республика анал программатынан 3 сыл иһинэн тутан бүтэриллиэхтээх уонна эксплуатациятын хонтуруолга ылыллыахтаах диэн буолуо этэ. Бороҕонтон Тандаҕа диэри 45 км., онтон В.Д.Лонгинов олоҕун кэрчигин күлэн-оонньоон атаарбыт Бээрийэтин бөһүөлэгэ баара-суоҕа көс аҥаара, онон Бээрийэҕэ диэри суол оҥоһуллуута баара суоҕа 75 км.
Танда геройдара кимнээхтэрий:
Сахалартан бастакынан ССРС старостатын М.И.Калинины икки төгүл сирэй көрсөн Саха сиригэр хас да оскуоланы туттарары ситиспит бастакы культармеец, Гражданскай сэрии Геройа Г.В.Егоров – легендарнай Дьоруой Дьөгүөрэп. Кини бастакы баҕата Тандаҕа диэри үчүгэй суол наада диэн этэ.
Днепр өрүһү туорааһыҥҥа баһырхай героизмы көдөрбүт, сахалартан аан бастакынан Советскай Союз Геройун аата иҥэриллибит В.Д.Лонгинов.
ССРС саҕана Үлэ Албан Аатын орденын толору кавалера – Геройга тэҥнээх, кэлин сахалартан аан бастаан Россия Үлэтин Геройа буолбут М.Н.Готовцев – ол аата икки төгүл Герой.
Россияҕа герой куораттар, кириэппэс, геройдар төрөөбүт сирдэрэ төһө чиэскэ-бочуокка сылдьалларын хас биирдии киһи оскуола программатынан да сирдэтэн үчүгэйдик билэр. Маннык тэрээһин Саха сиригэр, чахчы история кэрдиистэригэр сүгүрүйэр, үөрэтэр, угуйар бастакы бачыым буолуо этэ. Сурукка эрэ киирэн хаалбакка дьыаланан ситэриллибит улуу дьыала буолуо этэ. История инники хардыыны ирдиир.
Ответов 2
  • Яриксон
    19 августа 2015
     

    Сөптөөх этии

    0
  • Баһылай
    1 марта 2020
     

    хомойума онно интернет ,быйыл эрэ киирбит буолуохтаах,уонна аһары мөлтөх быһыылаах.

    0
Обратная связь