Күндү форум олохтоохторо!
Бу форум Дьоһун саас форуму кытта холбонно, саҥа холбоһуктаах форум Сахалыы диэн ааттаах.
Бу сирэйгэ саҥа теманы эбэтэр комментарийы суруйуу кыаллыбат, ол гынан баран холбоһуу иннигэр суруллубуту ааҕар кыах хаалар.
Саҥа Сахалыы холбоһуктаах форумҥа киириҥ, кэпсэтиҥ!
6 месяцев на форуме Топ пользователь 5000 просмотров Все
Награды
6 месяцев на форуме
6 месяцев на форуме
Топ пользователь
Топ пользователь
5000 просмотров
5000 просмотров
Саас туһунан ханнык ырыалар баалларый?
  6412
Ответов 51
  • ЫМЫЫ
    28 февраля 2014
     

    Аатын өйдөөбөппүн:)

    Сааскы күммүт килбик-килбик
    Кыыһын кытта көрүстэ.
    Көрүүй үөһээ, күөх да халлаан
    Ыллыах эрэ айхаллаан.
    Көрүүй үөһээ, күөх да халлаан
    Ыллыах эрэ айхаллаан.

    Маҥан хопто былыттарбыт
    Оргууй аҕай усталлар.
    Туру-туру туруйалар
    Далбааттаһан ааһаллар.
    Туру-туру туруйалар
    Далбааттаһан ааһаллар.

    Сааскы таммах лабаалартан
    Топ-топ гына түспүтэ.
    Таптыыр кыыһым харахтара
    Мичилийэ үөрбүтэ.
    Таптыыр кыыһым харахтара
    Мичилийэ үөрбүтэ.

    Таптал тыла сүрэхпиттэн
    Сип-сип гына эппитэ:
    ”Эн миэхэҕэ соҕотоххун,
    Тапталлааҕым”, - диэбитэ.
    ”Эн миэхэҕэ соҕотоххун,
    Тапталлааҕым”, - диэбитэ.

    0
    • Мичийээнэ_Куо
      28 февраля 2014
       

      үчүгэй тыллардаах:)))

      өссө маннык ырыа баар дии: таммах таммах таммалыыр, сардаңалаах саас иһэр:)))

      0
  • ЫМЫЫ
    28 февраля 2014
     

    Мичийээнэ ити ырыаны толору билбэт эбиппин:)

    Таммахтар,таммахтар,таммахтар,
    Чурулуур,чурулуур таммахтар.
    Күн модун күүһүттэн тиллэннэр,
    Көйгүөрэн,көйгүөрэн эрэллэр.

    Саас кэллэ,саас кэллэ дэһэллэр,
    Сырдыктар,сырдыктар сэргэхтэр,
    Кырыыһам үрдүттэн кылыйсан,
    Кылыкын,кылыкын таммахтар.

    Турабын аһаҕас түннүккэ,
    Турабын көрөбүн эйиигин.
    Таммахтар үөрэллэр,көтөллөр,
    Мин эмиэ,мин эмиэ үөрэбин.

    Саас кэллэ,саас кэллэ дэһэллэр,
    Сырдыктар,сырдыктар сэргэхтэр,
    Кырыыһам үрдүттэн кылыйсан,
    Кылыкын,кылыкын таммахтар.

    0
    • Мичийээнэ_Куо
      28 февраля 2014
       

      бэһиэлэй ырыа дии, ийэм ыллааччы:))))

      0
      • Vetana
        28 февраля 2014
         

        Сааскы кыталык ункулуур кырдалынан хаамтарбын,Саатар биирдэ кыталык ункуулурун к8рд8рбун.)))

        0
      • Vetana
        28 февраля 2014
         

        Сааскы кыталык ункулуур кырдалынан хаамтарбын,Саатар биирдэ кыталык ункуулурун к8рд8рбун.)))

        0
        • Мичийээнэ_Куо
          1 марта 2014
           

          бэртээхэй ырыа дии:)))

          кыра эрдэхпинэ дьоннор сыбаайба5а ыллааччылар ити ырыаны:)))

          0
  • Сахастрелец
    1 марта 2014
     

    ))))))))))))))))))))))


    Ыраас кырдал кытылыгар,
    Ыркый ойуур саҕатыгар,
    Чагда дьэҥкэ тыатыгар.
    Чараҥ хатыҥ быыһыгар.

    Хос ырыата:

    Ньургуйаана ньургуһун
    Тупсубутун олуһун.

    Сааһын куруук эн тахсан
    Күнү көрсө күөгэйэҕин,
    Ньургуһунум барахсан
    Дойдум ньуурун симиигин.

    Хос ырыата.

    Сиккиэр тыалтан наскыйаи
    Сэгэлдьийэ тураҕын,
    Үөрүүгүттэн долгуйан
    Үҥкүүлүүргэ дылыгын.

    Хос ырыата.

    Сиэдэрэйкээн дьүһүнүҥ
    Сүрэҕи сымнатар
    Саҥа тыллар мөссүөнүҥ
    Саха кыыһын санатар.

    0
  • Сахастрелец
    1 марта 2014
     

    Протодьяконов Василий Иннокентий Дмитриев тыла


    Хара сир устун саас маҥнай
    Хааман иһэр кэрэтиэн!
    Сэрэммиттии аргыый аҕай
    Сири көрөн иһэбин.

    Халдьаайы устун тэтэрэннэр
    Ньургуһуннар үүммүттэр,
    Таптал курдук нарын, сэмэй,
    Тыыннаах буолар эбиттэр.

    Кэпсээҥҥэ киирбит кэрэтин
    Кэрэхсээтим, таптаатым,
    Ыраас, тырымныыр бэйэтин
    Ылан түөспэр анньынным.

    Номох буолбут саха кыыһын —
    Ньургуһуну санаатым
    Таптыыр кыыспар кини аатын
    Иҥэриэхпин баҕардым.

    0
  • Сахастрелец
    1 марта 2014
     

    А.Алексеев мелодията.


    Саас аайы хонууга тыллыахпын
    Ньургуһун буолбатах эбиппин,
    Оло5у саҥалыы таптыахпын
    Сааһыран хайы-сах сиппиппин.

    Биир кэрэ сибэкки кыыс баарын
    Мин билэр, сөбүлүүр эрээри,
    Уон а5ыс саастаахпар улдьааран
    Атыны аналым диэбитим.

    Хос ырыата:
    Оо, арай дууһабар билигин
    Маҥнайгы тапталым тилиннин,
    Ньургуһун, эн курдук симэнэн,
    Этиэхтэн кэрэтик симэннин.

    0
  • Сахастрелец
    1 марта 2014
     

    Д.Санников мелодията.


    Ыраас кырдал кытылыгар,
    Ыркый ойуур са5атыгар,
    Чагда дьэҥкэ тыатыгар,
    Хатыҥ чараҥ быыһыгар.

    Сааһын куруук эн тахсан
    Күнү көрсө куөгэйэ5ин,
    Ньургуһунум барахсан
    Дойдум ньуурун симиигин.

    Сиккиэр тыалтан наскыйан
    Сэгэлдьийэ тура5ын,
    Үөрүүгүттэн долгуйан
    Үҥкүүлүүргэ дылыгын.

    Сиэдэрэйкээн дьүһүнүҥ
    Сүрэ5и сымнатар,
    Саҥа тыллар мөссүөнүҥ
    Сахам кыыһын санатар.

    Хос ырыата:
    Ньургуйаана, ньургуһун,
    Тупсубутун олуһун

    0
    • ыпсарар
      1 марта 2014
       

      Для разнообразия нууччалыы...

      Когда весна придет, не знаю.
      Пройдут дожди... Сойдут снега...
      Но ты мне, улица родная,
      И в непогоду дорога.

      На этой улице подростком
      Гонял по крышам голубей.
      И здесь, на этом перекрестке,
      С любовью встретился своей.

      Теперь и сам не рад, что встретил,
      Моя душа полна тобой...
      Зачем, зачем на белом свете
      Есть безответная любовь...

      Когда на улице Заречной
      В домах погашены огни,
      Горят мартеновские печи,
      И день, и ночь горят они.

      Я не хочу судьбу иную.
      Мне ни на что не променять
      Ту заводскую проходную,
      Что в люди вывела меня.

      На свете много улиц славных,
      Но не сменяю адрес я.
      В моей судьбе ты стала главной,
      Родная улица моя!

      0
    • Мичийээнэ_Куо
      1 марта 2014
       

      ньургуһун туһунан ырыалар астыктар дии:)))

      өссө Сиэйэ уолун ырыата баар: олохтон булбут сибэккибэр, нарын-намчы ньургуһуммар тиийэн кэлиэм соһуччу, ахтар-саныыр аналлаа5ыам:))))

      0
  • Сахастрелец
    1 марта 2014
     

    Наталья Михалева-Сайа тыллара


    Мин таптыам ньургуһун кэриэтэ
    Күн курдук эйиэхэ тардыһа,
    Тулабын толорбут сырдыгым
    Алыптаах күүһүгэр эрэнэн.

    Хос ырыата:

    Эн эрэ аттыгар тэһийэр
    Мин санаам чарааһын эн сэрэй,
    Бу үүнэр сааскыга айыллар
    Мин ырыам тылларын итэҕэй.

    Эн миэхэ анаабыт күннэриҥ
    Күндэлэс халлаана - үрдүбэр,
    Эн миигин кэтэспит түгэниҥ
    Уйана - куруутун сүрэхпэр.

    Мин нарын тапталым эйиэхэ
    Ньургуһун тыллыытын санаттын.
    Мин чуумпу махталым эйиэхэ
    Мутукча дыргылын аҕаллын.

    0
    • Мичийээнэ_Куо
      1 марта 2014
       

      олус үчүгэй тыллардаах эбит:))

      ким ыллааччыный бу ырыаны?:))

      0
  • Сахастрелец
    1 марта 2014
     

    Чэ, кэрэчээнэлэргэ анаан сөптөөх ньургуһуну үүннэрдим быһыылаах.

    Ыарыыттан буолбатах, тапталтан
    Нүөлүйдэ, мөҕүстэ сүрэҕим,
    Соһуччу көрүстүм эйигин
    Күүппэтэх хойукку тапталбын.

    Сарсыҥҥы тапталбар эрэлим
    Кырата бэрдиттэн сөҕөбүн.
    Көмүлүөк оһоҕу күөдьүтэр
    Аналбыт албынын өйдүүбүн.

    Уматта, аймаата, долгутта
    Сааһырбыт тапталым иэйиитэ.
    Алыптаах үөрүүнэн нүөлүйэн
    Эдэрбин иккистээн эргиттим.

    Хос ырыата:
    Ньургуһун иккистээн тылынна,
    Саһархай өҥүнэн оонньоото,
    Күөрэгэй дьырылыы ыллаата,
    Кэнчээри алааспар чэлгийдэ.

    0
  • Мичийээнэ_Куо
    1 марта 2014
     

    саас туһунан ырыалар элбэхтэр да эбит:))))

    0
  • Стрелец этим.
    1 марта 2014
     

    Саас Муома5а Т.Апросимова тыллара


    Кэрэ-кэрэ күннээх саас кэллэ
    Көрсүө-сэмэй дьонноох Муомабар,
    Кэллэ күүстээх таптал бу киэһэ
    Иккис сүрэх доҕор буолара.

    Ньургуһун сибэкки курдук,
    Доҕоруом эн куруук,
    Чаҕылхай күннээх саас курдук,
    Үөрдэҕин эн куруук.

    Көрө-көрө олус үөрэбин
    Кыра оҕо мэник оонньуутун,
    Сандаарыччы тыгар күн уотун,
    Сааскы чэбдик ыраас халлааны.

    Ньургуһун сибэкки курдук,
    Доҕоруом эн куруук,
    Чаҕылхай күннээх саас курдук,
    Үөрдэҕин эн куруук.

    0
  • Стрелец этим
    1 марта 2014
     

    Васильев Степан Толомон тыллара


    Оо, тоҕо, оо, тоҕо
    Сүрэҕим эппэйдэ?
    Күн маннык сырдыктык
    Сыдьаайда, сыдьаайда?
    Оо, тоҕо, тоҕо, тоҕо
    Күөрэгэй ыллаата,
    Күөх сааһы истиҥник
    Алҕаата, алҕаата?

    Хос ырыата

    Эйиэхэ, эйиэхэ
    Кэрэни этээри.
    Эйигин, сэгэрбин:
    "Таптыыбын", — дэтээри!

    Оо, тоҕо, оо, тоҕо
    Ньургуһун тылынна,
    Күн диэки килбиктик
    Күөгэйдэ, күөгэйдэ?
    Оо, тоҕо, оо, тоҕо
    Ол сулус имнэннэ,
    Дьиктитик, дьиибэтик
    Мичээрдэ, мичээрдэ?

    0
    • Курулгэн
      1 марта 2014
       

      ......

      Ньургуьуннар Ньургуьуннар
      Тулам манан Ньургуьуннар
      Сахам кыыьа саха дьоло
      Сандал манан Ньургуьуннар

      0
    • Курулгэн
      1 марта 2014
       

      ......

      Ньургуьуннар Ньургуьуннар
      Тулам манан Ньургуьуннар
      Сахам кыыьа саха дьоло
      Сандал манан Ньургуьуннар

      0
      • Курулгэн
        1 марта 2014
         

        ......

        Ньургуьун курдук эн кэрэгин
        Туун аайы мин туулбэр киирэгин

        0
        • Курулгэн
          1 марта 2014
           

          ......

          Ол эрээри сэрэнэннин
          Оргууй агай уктэнэннин
          Чуумпу хоспун сэгэтэн
          Ньургуьунна бэлэхтээ

          0
          • миннарыйа
            1 марта 2014
             

            Кырдьагас алгаьаабыккын:-) Андрей Старков ырыата

            Апросимова атын ырыалаах
            Саас кэллэ муомага
            индигир уьунна муорага:-)

            0
            • миннарыйа
              1 марта 2014
               

              Стрелецкэ эттим

              0
              • миннарыйа
                1 марта 2014
                 

                бу санаатахха ити Толомон Старков Мулло Меркулов Васильев Степан Апросимова. уо. а бары Муомага олорон тахсыбыттар эбит :-) эдэрдэри киьи этэ да барбат элбэхтэр Слепцов Николай эн миэхэ костон аас хайыан этэй уо,а:-)

                0
          • Мичийээнэ_Куо
            1 марта 2014
             

            ньургуһун туһунан ырыа бөђө баар эбит дии:)))

            сахалар кэрэ сибэккилэрэ ньургуһун дуу, сардаана дуу, эһи санаа5ытыгар?:))

            0
            • Леяна
              1 марта 2014
               

              Тэки туки чолк-чолк таммах-таммах таммалыыр...)))

              Сайыына ырыата. Саас туьунан ини?))))

              0
              • -Мила
                1 марта 2014
                 

                Саас кэллэ,саас кэллэ дэьэллэр...:)))))

                0
  • Мичийээнэ_Куо
    1 марта 2014
     

    ээ оччо5о атын ырыаны санаабыт эбиппин:))

    ол Н Слепцов ырыата хайдах тыллардаах этэй, ба5ар билэрим буолуо:))

    0
  • ЫМЫЫ
    1 марта 2014
     

    Маннык быһыылаах этэ биир ырыа.Тоҕо именно Чурапчыга дэммитэ буолла))))

    Саас буолан Чурапчыга,
    Харалдьыт таҕыста.
    Мин күндү сэгэрим,
    Кэлэрин күүтэбин.

    0
  • ЫМЫЫ
    1 марта 2014
     

    Билбэт эбиппин:)

    Тэки,тэки чолк,чолк
    Таммах,таммах таммалыыр,
    Тэки,тэки чолк,чолк
    Сылбай ууну хаар иһэр.
    Тэки,тэки чолк,чолк
    Сардаҥалаах саас иһэр.

    0
    • Ладушка
      1 марта 2014
       

      Весна, весна пора любви. Прошла весна и нет любви

      0
      • Ладушка
        1 марта 2014
         

        Мичийээнэ подснежники украшают весну,

        а сардана лето

        0
        • миннарыйа
          1 марта 2014
           

          Лейка билэр быьылаах тэки туки чолк чолк диэн эрэрэ:-)

          0
  • Туртас_
    1 марта 2014
     

    ***

    СААСКЫ ЫРЫА (Анастасия Готовцева)

    Куhунну тымныыбыт кыйданан
    Кун уhаан, халлааммыт сылыйда
    Хаар урдэ сахсайан, харааран
    Бастакы харалдьык та5ыста
    Куутуулээх маннайгы ньургуhун
    Хорсуннук тон кырсы тобулар
    Сылыйбыт сымнаабыт сир ньуурун
    Киэргэттэ аранас енунэн

    ПРИПЕВ:
    Таптыыбын айыл5ам сааскытын
    Чурапчым чаранар керсербун
    Кун тахсар бастакы сарыалын
    Айхаллаан ырыанан туойарбын

    Кыыдааннаах кыhынтан уhуктан
    Айыл5а суhуо5ун тараанна
    Сайыны керсееру оностон
    Куеллэргэ кулугун керуннэ
    Кырдалга куерэгэй ыллаата
    Сааскы кун тахсарын уруйдаан
    Ол онно кэ5эбит чоргуйда
    Ырыаны-тойугу ситэрэн

    0
  • Туртас_
    1 марта 2014
     

    Байбал... ;))

    Ырыанан уhунна кэрэ саас,
    Ырыанан айманна эдэр саас,
    Ал5аата айаммын дьикти саас,
    Сандаарда, саймаарда аптаах саас!


    Мин ырыа сиккиэрин ситтэрбин,
    Мин ырыа кууhунэн кеттербун!
    Кун аннын, сир урдун кэрэтин
    Бу сааскы ырыабар эттэрбин!


    Муус чопчу лынкыныы тоhунна,
    Муус чопчу кулумнуу умайда,
    Санаабар сардана са5ыллар,
    Сурэхпэр сана кун тилиннэ

    0
  • Стрелец этим
    1 марта 2014
     

    Александр Дмитриев - Чумэчи.


    Күөх сэбирдэх саһаран
    То5о сиргэ туһэрий?
    Хагдарыйбыт ньургуһунум
    Силис тардан үүммэккиний?

    То5о эмиэ, эн иккиһин
    Мин сүрэхпэр тыллыбаккын,
    Хагдарыйбыт ньургуһунум,
    Силис тардан үүммэккиний?

    Күнүм тахсан күлүмүрдүо,
    Ньургуһуну тылыннарыа,
    Ол ньургуһун мин сүрэхпэр
    Таптал кыымын тилиннэриэ.

    Хос ырыата:
    Этиий миэхэ, нарын ырыа
    Хагдарыйбыт ньургуһунум,
    Ааспыт сыллар кэрэлэрэ
    Мин маҥнайгы тапталым.

    0
  • саарын
    25 января 2018
     

    ол да кыыьы таптыыбыт
    бу да кыыьы таптыыбыт
    диэн ырыа аатын билэҕит дуо.....

    0
  • Туртас_
    10 марта 2018
     

    ***
    Баҕана үрдүгэр кыстаабыт
    Бэргэһэ хаар биллэ кыччаабыт,
    Мэниктээн киэпкэтэ кыҥнайбыт
    Обургу уолчааны санаппыт.

    Кыыспынаан оҥорбут хаар киһим
    Күн өттө кэлтэччи ууллубут,
    Сирэйэ-хараҕа суураллан
    Ырбаччы үөрбүтэ мэлийбит.

    Кырыыһа анныттан таммахтар
    Тоһуйбут ытыспар тохтоллор,
    "Махталым!" - диэбиттии имнэнээт
    Уон аҥы ыстанан хаалаллар.

    Саас кэлбит, доҕоттоор, саас кэлбит,
    Сахабыт сиригэр саас кэлбит.
    Ол аата этэҥҥэ кыстааммыт
    Тымныыттан сылааска тиийбиппит.

    Колодезникова Ирина-Ымыы.
    Таатта. 10.03.2017 с.

    0
  • Бостуук уол
    11 марта 2018
     

    Хайыьардьыт туьунан ырыа баар буолуохтаах да тылларын ейдеебеппvн. smiling face with open mouth and smiling eyes

    0
  • Бостуук уол
    11 марта 2018
     

    Хайыьардьыт туьунан ырыа баар буолуохтаах да тылларын ейдеебеппvн. smiling face with open mouth and smiling eyes

    0
    • Туртас_
      11 марта 2018
       

      Бостуук уол, былыргы ырыа дуо?
      Ким ыллааччыный?

      0
  • Василий
    9 мая 2019
     

    Тус арҕаа барыахха
    Онно сылаас
    Онтон дальше
    Билбэппин
    Ким ырыатай?
    Ким ыллыырый?

    0
Обратная связь