4 года на форуме Автор 3 уровня Топ пользователь Все
Награды
4 года на форуме
4 года на форуме
Автор 3 уровня
Автор 3 уровня
Топ пользователь
Топ пользователь
1000 просмотров
1000 просмотров
Дьыл уонна сыл
  2038
тус туһунан өйдөбүллээх тыллар дуо?
Ответов 34 Написать ответ
  • Никон2
    1 января 2014
     

    Туһунан бөҕө.

    Сыл = 365 хонук.
    Дьыл = 219 хонук.

    0
    • Тайыл
      2 января 2014
       

      ...

      Дьыл хонугунан кыратын хантан ыллын? Саҥа дьыл. Саҥа сыл туох атыннаахтарый?

      0
      • Василыч
        2 января 2014
         

        Дьыл сыл буолбатах.

        Былыргы сахалар кыстыгы туораан хара сиргэ үктэннэхтэринэ дьылы туораатыбыт дииллэрэ.
        Саас хайдах кэлэриттэн хайдах дьыл буолуоҕун сылыктыыллара.

        Сыл халандаар, билигин саҥа сыл саҕаланна. Дьылбыт оройо эрэ буолла.

        0
        • Василыч
          2 января 2014
           

          Саас хойутаатаҕына дьылбыт хойутаата дииллэр.

          Саас эрдэлээтэҕинэ дьыл эрдэлээтэ дииллэр.

          Ыһыах сахаларга саҥа дьыл бырааһынньыга. Билигин ыһыах дьиҥнээх суолтата сүтэн турар.
          Былыргы сахалар дьылы туораабыт үөрүүлэригэр, саҥа дьылга айыыларын алҕааннар ыһыах ыһаллар, сир-дойду иччитин аһаталлар. Үүммүт дьылы этэҥҥэ туораары.

          0
          • Никон2
            2 января 2014
             

            Дьаабы дии. Саха халандаарынан сылы дьылтан араарбат.

            Саха буолан уурайарбыт бэлиэтэ буолуо дуо?

            0
            • Марина
              7 декабря 2019
               

              Никон2, уерэт ээ, кэпсээн,, инньэ гымматахха ким билиэй.

              0
  • бигэ52
    2 января 2014
     

    дьиҥнээх сахаларга-эҕэрдэ! Саҥа үүммүт европалыы Сылынан!-диэҕиҥ.

    Айылааҕын. Петр 1 1700 сыллаахха Россияҕа киллэрбит үһү. Урут нууччалар балаҕан ыйын 1 күнүгэр бэлиэтииллэр үһү (баҕар сыыспытым буолуо- күһүн бэлиэтииллэр эбит) Сайын ааспытын кэннэ. Ол иһин саастарын -хас сайыны олордуҥ?-дииллэр эбит. Ньыыкан улахан махтал. Бу сырыыга эйигин өйүүбүн. Мин 220 хонугу ааҕабын-дьылга. Аҥаардыырга ордук-Дьыл оройун бэлиэтииргэ. 50-ча сыл анараа өттүгэр -мин 10чалаах суругу сатаан ааҕар киһи көрбүппүн барытын ааҕабын. Онно маннык суруктар үөһэ ыйанан турар буолааччылар-Саҥа 1961 сылынан-иҥин диэн. Кэлин ити уларыйан хаалбыт этэ 1965-70 сылларга эбитэ дуу? Дьыл диэн биһиги Ө Б Ү Г Э Л Э Р Б И Т кыһыны (кыстыгы) ааттаабыттар эбит. Сыл кытаанах ыарахан кэмин. Былыргы сахаҕа кыһыны туорааһын дьылҕаны быһаарар тутаах кыһалҕа буолуо. Чахчы сыра сылба быстар сэниэ бүтэр ырар-быстар кэм. Онон күөххэ үктэнии бэйэтэ туспа дьол чэпчээһин буолуохтаах. Билиҥҥи кэмҥэ буккуллан бөҕө олоробут. Сахалыы Бикипиэдьийэ диэҥҥэ эбиитин маннык суруйбуттар үһү-кыһыҥҥы дьыл сааскы дьыл сайыҥҥы дьыл күһүҥҥү дьыл. Дьаабы диэтэҕиҥ. Ханнык эрэ чолоҕор билээҕимсийбитэ дуу анал үөрэхтээх тарбаҕыттан эмэн айбыта дуу?. Били мэҥэлэр-дьол-соргу диэн куһаҕан. Дьол-саргы буолуохтаах-дииллэригэр дылы буолан эрэр. Соргу диэн кинилэргэ сор диэн тылтан тахсыбыт үһү. Иэдээн. Саат

    0
    • Тайыл
      3 января 2014
       

      Оччоҕо

      Сыл- Тохсунньу 1 күнүттэн ахсынньы 31 күнүгэр дылы.
      Дьыл- Алтынньы 14 күнүттэн ыам ыйын 22 күнүгэр дылы, дьыл оройо тохсунньу 21 күнэ.
      Саҥа Дьыл, Саҥа сыл тус туһунан өйдөбүлү этэллэр.

      0
      • бигэ52
        3 января 2014
         

        оннук курдук эрээри эн этиигэр мин санаабар 1 сыыһа баар-ол Дьыл оройо

        тохсунньу 21 күнүгэр буолбакка-тохсунньу 31 күнүгэр буолар.Дьыл саҕаланыытын уонна бүтүүтүн уот харахха сруйбуккун. Биһиги диэки (ньурбаҕа) саастаах кырдьаҕас сэһэнньиттэртэн бу күннэргэ ыйыталаһа сүбэлэһэ олоробун. Үксүлэрэ ити мин этэрим курдук бигэргэтэллэр. Сыл ааҕыыта (европалыы)-сөп. Саҥа Дьыл -диэн сахаларга эрэ баар өйдөбүл. Ону түмсэн баран чопчулуохха баар этэ. Ньыыкан туох диирэ буолла? Оттон Саҥа СЫЛы эмиэ чопчулуур сөп этэ-европалыы, кытайдыы, сахалыы. Аны саха Саҥа Сыла эмиэ чопчулана илик. Ону эмиэ мустан баран дьүүллэһэн ырытыһан бары 1 санааҕа кэлэрбит буоллар дьоһун буолуо этэ. Олунньуга мустуу буолар. Онно туспа чөкө мустан кэпсэтиэххэ баар этэ.

        0
        • Василыч
          3 января 2014
           

          Дьыл чопчу кээмэйэ суох. Хайдах дьыл кэлбититтэн тутулуктаах.

          Сорох сыл дьыла кылгас буолуон сөп, сорох сыл дьыла уһун.
          Аны туран дьыл оройо саамай тымныы күннэрбит. Оччоҕо дьыл оройо тохсунньу ыйга буолар. Эмиэ чопчу кээмэйэ суох, дьылыттан тутулуктаах.

          Аны саас тиийэн саҥа дьылынан эҕэрдэлэһиэхтээхпит)))))

          0
          • Василыч
            3 января 2014
             

            Инеттэн манныгы буллум

            Юлианский календарь на Руси

            На Руси существовало несколько разных календарных стилей, связанных с тем, что византийский календарь отсчитывал год с 1 сентября, а восточные славяне при принятии христианства сохранили древнее начало года в марте.
            Древнерусское летоисчисление, использовавшее мартовский год, начинающийся на полгода позже византийского года, называемого также сентябрьским стилем, также называется мартовским стилем. Летоисчисление же, использовавшее мартовский год, начинающийся на полгода раньше византийского, называется ультрамартовским. До начала XII века на Руси преобладал мартовский стиль, а в XII—XIII веках стал широко использоваться ультрамартовский стиль. С 1492 года преобладающим стал сентябрьский год, вытеснивший оба мартовских.
            Переписчики некоторых летописей могли учитывать переходы на новые стили летоисчисления и вносить поправки в летописи. Этим объясняют то, что хронология в разных летописях может отличаться на один-два года.

            0
          • бигэ52
            3 января 2014
             

            Сөбүлэһэбин-Василыч. Ол эрэн ити Ньыыкан биһикки этэр 220-чэ күммүт

            улаханнык халбаҥнаабата буолуо. Билиҥҥи өйдөөх чолоҕордор ону-маны бары буккуйаллар-тымныы оройо иҥин диэн айа2. Соруйан буккуйаллар дуу хайдаҕа эбитэ дуу. Манна эбиитин Дьыл оҕуһун хаамыытын эптэххэ отой да иириэхтэригэр дылы буккуллуохтара. Дьыл оройо-оттон КЫҺЫН ортото-ол тымныыны кытта туох да ситимэ суох. Тымныы хаһан баҕарар түһэр-уларыйар. Өбүгэлэрбит айбыт өйдөбүллэрэ халбаҥныа суохтаах-үйэлээх үгэс буоллаҕа. Мэҥэлэр курдук-Дьол-соргу куһаҕан тыл. Тоҕо диэтэххэ-СОРГУ диэн тыл СОР-диэнтэн тахсыбыт дии2 Дьол-САРГЫ дэһэ сырыттахпытына ыһыллар буоллахпыт. Туохпутун уонна абааһы көрөллөрө буолла-ИЙЭ, АҔА -диэн тыл хаалынньаҥ тыллар. Билигин аан дойду дьоно бары МААМА ПААПА диэн саҥараллар. Онон биһиги эмиэ онно көһүөҕүҥ-диэхтэрэ суоҕа дуо-аны аҕыйах сылынан?

            0
            • 999
              3 января 2014
               

              :)дорообо кырдьа5ас, наьаа да ейдеехпун дэммэтэрбин да

              чолоорон киирэн ыйытарбын кенуллээ:былырыын эмиэ ыйыппыттаа5ым, быйыл да ыйытыым уларыйбат - оччотугар то5о урут дьыл ханнык кэмигэр дииллэрэй? инньэ диир буоллулар да дьылын 365 хонук тана туьэр, то5о диэтэр дьылын туерт кэмнээх - кыьынын, сааьын,сайынын, куьунун.оччотугар?

              0
              • бигэ52
                3 января 2014
                 

                Сыл оннугар дьыл диир майгы (быһыы) кэлин 1965-70 сыллар диэкиттэн үөдүйбүтэ быһыылааҕа.

                Ол саҕана ким да күттүөннээх утарылаһыы оҥорбокко хаалбыттар быһыылаах. Дьиҥэ сыл кэмнэрэ буоллаҕа. Нууччалыы да толкуйдаатахха-год имеет 4 сезона-зима весна лето осень-диэбит курдук. Биһиэнигэр буоллаҕына СЫЛ дииллэрин оннугар наар ДЬЫЛ диир буолбуттар. Ол көнүө эбитэ дуу-диэн толкуйдуу сатыыбын. Ону билээччи араарааччы аҕыйахпыт бэрт дуу-диэн саныыбын.Айылааҕын Саҥа Сылы-европалыы Саҥа Сыл-диэн ааттаабыт киһи -диэн баҕа баар.

                0
                • 999
                  3 января 2014
                   

                  эбэм куруук дьыл диирэ, киьи мыыммат сааьыгар тиийэн баран ийэлээх-а5атыгар

                  тапталлаах эбэтигэр теннубутэ, биьиги эбэбит барахсан.

                  0
  • бигэ52
    3 января 2014
     

    уолум тугу кистиэмий-мин да соччо эрэммэппин-мин этиим сөптөөҕөр.

    Буккуллуу барбыта ырааппыта бэрт. Уонна аһара дириҥээбит.Билигин киһи барыта кэриэтэ ДЬЫЛ диир. Ону утары барар ыарахан. Арай холонон көрүөххэ эрэ сөп.

    0
  • Тайыл
    3 января 2014
     

    Кыһынҥы Ньукуолун

    тохсунньу 21 күнэ түбэһэрэ буолуо диэн суруйбутум. Бокуруоп уонна Сайынҥы ньукуолун ортотун буллахха дьыл оройо дэнэрэ сөп буолуо. Аҕам 1912с. төрүөх, оннук быһаарар этэ.

    0
    • бигэ52
      3 января 2014
       

      син сөпкө этэҕин эрээри мин анаан туран кыс(ууллубат)хаар түһэр күнүттэн саас уонна сайын кэлэр быыс

      күнүгэр (ыам ыйын 22күнэ) дьээбэбэр ынахтыы ааҕан турабын. Онтум тохсунньу 31 күнүгэр түбэһэр этэ. Ити 365 хонуктаах сылга. Оттон 366 хонуктаах сылга -олунньу 1 күнэ түбэһэр . манннаҕы сир түннүктэрэ итиннэ бары сөбүлэһэллэр.

      0
      • Тайыл
        3 января 2014
         

        Cөпсөһөбүн.

        Дьыл оройо тохсунньу 31 күнэ. Дьэ аны сай ортото ханнык күнүй?

        0
        • бигэ52
          3 января 2014
           

          сай ортото -диэ!? Сайын тугунан биллэрий-сахаҕа? Оттооһунунан.

          Онно хотуур ортото -диэн өйдөбүл баар. былыргыттан. Эмиэ үйэлээх үгэс-Дапсы этэринии. Ол хаһан буоларын умнубуппун-оттооботох да ыраатта.

          0
          • Тайыл
            3 января 2014
             

            ...

            Сай сайынҥа сыһыаннаах буолуо. Сайыммыт хонуга ыам ыйын 22 күнүттэн саҕаланар. Күһүммүт холобура атырдьах ыйын 2 күнүттэн. Саха дьылын-хонугун быһаарар биир эмэ кинигэ бэчээттэммитэ дуу, суоҕа дуу? Аны саха 13 ыйдаах дииллэр, саҥа ый тахсыбыт диэн 10-12 чыыһылалар диэки этээччилэр. Төһөнөн билбит курдук буолаҕын да, билбэтин өссө элбээн иһэр.

            0
            • бигэ52
              3 января 2014
               

              ээ оннук уолум. Билээччилэр элбэхпит бэт))))). Дьиҥнээх ый хаамыытынан былыргылыы ааҕар буоллар

              хайыа эбитэ буолла?. Андрей Кривошапкин итннэ эмиэ атын көрүүлээх. Сахаҕа 13 ый баарын билэбин. Бигэргэтэбин.Ханна эрэ түмсэн ити туһунан дьоһуннук кэпсэппит ырыппыт дьүүллэспит киһи баар ини-диэн баҕа эмиэ баар.

              0
  • Василыч
    4 января 2014
     

    Дьыл уһуна ортотунан эрэ сылга тэҥнэһэр.

    Саас, сайын, күһүн, кыһын дьыл кээмэйдэрэ. Хантан ылан дьыл 219 хонук диэбиттэрин өйдөөбөтүм.
    Угут дьыл кэллэ диэччилэр. Сааһа халаан, сайына ардахтаах буоллаҕына инньэ дииллэр.

    0
    • Василыч
      4 января 2014
       

      Дьыл чопчу кээмэйэ суох.

      Саҥа дьыл кэлиитин саас хаар ууллан бүтэриттэн ааҕар буоллахпытына, аны саас оруобуна бу кэмҥэ хаар ууллан бүтүө суоҕун сөп, эбэтэр былырыыҥҥы кэмиттэн эрдэ ууллан бүтүөн сөп.
      Ол аата үүммүт дьылбыт ааспыт дьыллааҕар уһун эбэтэр кылгас буолуон сөп.

      0
      • Василыч
        4 января 2014
         

        Пекарскай тылдьытыттан

        image image

        0
        • Василыч
          4 января 2014
           

          Сыл халандаар, Дьыл айыл5а кэмнэрэ.

          Сааспытын сылынан аа5абыт, дьылынан буолбатах.
          Дьыл айылҕаҕа сыһыаннаах, халандаар чопчу күннэрэ буолбатах.
          Пекарскай сахаларга саҥа дьыл саас кэлэр диэбит.
          Былыр нууччаларга саҥа дьыллара эмиэ саас эбит. Онтон күһүн буолбут. Онтон дьэ христианство баһыйан тохсунньу 1-кы күнүгэр саҥа дьыллыыллар.

          0
          • Василыч
            4 января 2014
             

            Саҥа дьыл айылҕа кэмин уларыйыытыгар буолуохтаах.

            Ол аата саас эбэтэр күһүн. Кыһын ортото эбэтэр сайын ортото саҥа дьыл буолуо суохтаах.

            0
          • Тайыл
            4 января 2014
             

            ...

            Дьылҕа Хаан, Дьылҕа ыйааҕа, Дьыл оҕуһа, Дьыл...
            -итэҕэли кытта алтыһар курдук?
            Ыйытыыбыт Саҥа Дьыл дэнэр дуу, Саҥа сыл дуу диэн этэ.

            0
            • Василыч
              4 января 2014
               

              Саҥа сыл тохсунньу 1 күнүгэр үүнэр.

              Саҥа дьыл саас кэлэр.
              Кытайдар курдук иккитэ ыларбыт дуу, Саҥа сылы уонна Саҥа дьылы)))))

              0
              • Тайыл
                4 января 2014
                 

                ...

                Бокуруоптан дьыл күнэ ааҕыллар диэн буолбута дии, саас кэнниттэн сайын кэлэр, ыһыах буолар. Бигэ быһаара сатаабыта аҕай. Василыч сахалар сылларын сааһынан ааҕаллар диэн баран тоҕо дьылга көһөрдүҥ?

                0
                • Василыч
                  4 января 2014
                   

                  тугу дьылга көһөрбүппүн эттим.

                  Саҥа сылы тохсунньу 1-кы күнүгэр, саҥа дьылы саас көрсөбүт дии сатаабытым дии, өйдөөбөтөххүн быһылаах)))))

                  Онтон дьыл күнүн ахсаанын этэр буоллахха, күнэ ортотунан сылга тэҥнэһэр.

                  Пекарскай тылдьытыттан сыл, дьыл өйдөбүллэрин таһаарбытым дии.
                  Дьыл син биир год диэбит дии. Сыл эмиэ год, ол эрээри киһи сааһын ааҕарга туттуллар диэбит, оннооҕор дьылы икки сылга араараллар диэн суруйбут. Сыл кээмэйин туһунан суруйбатах.
                  Дьыл кээмэйин туһунан суруйбут. Дьыл кээмэйэ саас, сайын, күһүн, кыһын.

                  0
    • Амыдай
      4 января 2014
       

      Билигин кэлэн дьылы сылтан араарар уустук соҕус буолуо ээ

      Умнуллубута бэрдиттэн ким да эппитэ сөп курдук буола туруоҕа.
      Саха кыһыны оҕуһунан, сайыны сылгынан бэлиэтиир. Оннооҕор кыһыҥҥы кэм хайдах уһаабытын туһунан остуоруйа баар. Оҕус сылгыны кэйсэн-тэбиэлэһэн кыайбытын иһин диэн буолар. Онон этэргэ дылы «тарбахтан да эмэн» сыл «сылгыттан» тахсар, онтон дьыл Дьыл Оҕуһун кытта сибээстээҕинэн кыһыҥҥы кэмҥэ сөп түбэсиһэр диэн сымыйанан-кырдьыгынан куолулуохха сөп. Ону чопчулуур кыахтаах «судьуйаны» билигин булбаккын.
      Баай культуралаах омук халандаара булгу кини Итэҕэлин кытта ситимнээх буолар. Онтон сахаларга оннук суох диибит. Оннук буолбатаҕын итэҕэтэ сатаан ол-бу Байанай, Олоҥхо, Таҥха эҥин ыйа диэннэри «тарбахтан эмэн» айа сатыыллар.
      Ол биһиги культурабыын байыппат. Олох да суоҕу итэҕэлгэ сыһыары туппуттан туох тахсыбыт үһү?. Ол гынан баран саха баай культуралаах омук. Онон халандаар Итэҕэлбит номохторунан күн бүгүнүгэр диэри салайтарар. Ол курдук кыһын кэлиитэ Ый бэлиэлээх Дьыл Оҕуһун кырыалаах муостарын хаайыытыгар киирэн кулут буолабыт. Бу кэмҥэ Дьөһөҕой Айыыбыт бэлиэтэ Үрүҥ Күммүт суох буолан күн-дьыл хаамыытын Ыйынан эрэ сирдэтэбит. Күммүт уһаан барда да Дьөһөгөйбүт үнөхтээбитинэн барар. Ол түмүгэр бастаан Оҕус биир муоһа онтон иккис муоһа тостуталаан кыаҕа-кылына мөлтөөн барар. Бу кэмҥэ саха Оҕус таҥаратыгар кулуттууруттан босхолонуон баҕатыттан Дьөһөгөйүгэр үҥэн-сүктэн барар. Саха дьиҥ урукку таҥарата кини. Халандаарбытыгар бу кэмнэр былыр бэрт чуолкай кэмнээхтэрэ билигин умнуллан эрэр. Урут син биир таҥара бырааһынньыктарын курдук бэлиэтэнэ сылдьыбыттар.
      Сайылыкка көһүү, Оҕустан куотуу сүпсүлгэнэ кэлэр. Бу икки тымныы уонна итии кэмнэри ханна да буоларын курдук, уу араартыыр. Дьыл өрүһэ диэххэ сөбө дуу. Оҕустан букатыннаахтык куотар туһуттан бу өрүһү тоҥ эрдэҕинэ туоруу охсуохтааххын. Онтон номох быһыытынан Дьыл оҕуһа сайылыктаан эрэр кулуттарын сырсаары мууска киирээтин кытта өрүс эстэн Оҕуһу Муустаах Байҕал диэки илдьэ бара турар. Номоххо сөп түбэһиннэрэн бу ыйы билигин Муус устар ый диибит.
      Манна таарыйа эттэххэ, былыргы саха үгэстэрин, итэҕэлин тилиннэрэбит диэн ааттаан саҥаны айа сатыыр куһаҕан содуллаах буолар. Сыыйа саха буолан бүтүөхпүтүн сөп. Холобур чорооммутун эбэтэр быһахпытын тутарга-хабарга бэрт буоллун дии-дии кыралаан тупсаран испит буоллуннар? Билигин итинник малларбыт суох буолбут буолуо этилэр. Ити курдук олоҥхобут уонна тылбыт-өспүт туһунан эмиэ этиэххэ сөп. Өбүгэлэрбитигэр махтаныах тустаахпыт. Кинилэр культураларын таҥнаран биэрбиттэрэ буоллар билигин Ыам ыйын Муус устар ый диэн ааттыы сылдьыах этибит. Ити кинилэр күннээҕи олохторун баай Итэҕэллэригэр (номохторугар) сөп түбэһиннэрэн испит үгэстэриттэн уларыйбатах. Итэҕэл күүстээх буоллаҕына халандаар климат да уларыйыытыгар, улахан көһүү да содулугар бас бэриммэтэ Египет историятыттан биллэр.
      Онон сахаларга канон диэни тылбытыгар-өспүтүгэр, үгэс буолбут малларбытыгар, халандаарбытыгар туттуохтаах этибит. Дьэ оччоҕо билиҥҥи бэлиэ кэмнэри уруккулары кытары биир хааһы гына булкуйуо суох этибит.
      Сахаларга халандаар реформата нуучча халандаарыгар көһөр кэмҥэ барбыт. Ол кэмҥэ оннооҕор ыйдарбыт аатын саҥалыы көннөрбөтөхтөр. Арай кыайан уларыйбат өрүтүн 13-с ыйы суох гыммыттар. Бу ый ханна баар этэй?
      Халандаар дьыл уларыйыытын кытта тэҥҥэ барыахтаах. Оннук буолбата да халандаарбыт кыралаан куотан дуу куоттаран дуу, хообур муус устар ыйбыт сай ортото түбэһэн хаалыан сөп. онон 13-с ыйы ыллыҥ да үлүбээй киллэрэн кэбиспэккин. Ыйынан аахтахха биир сылга 12 ыйтан ый үс кыммыт биирин курдук кэм баар. Онон сылыктаатахха бу ордук ый үс сылга биирдэ кыбыллан ааһар. Халандаарбытын астрономическай кэмҥэ «баайар» тирэх ый буолар аналлааҕын иһин бу ыйы «Тиргэ ыйа» диэн ааттаабыттар. Кус курдук ааһа көтө турбатын диэн күнү-дьылы «тиргэлиирин» иһин.
      Онон сайылыкка тиийии, Дьөһөгөй илиитигэр киирии Муус устар ый эбэтэр Тиргэ ыйын бүтүүтэ кэлэн ааһар. Бу кэм хаһан кэлэрин Дьыл Оҕуһун муостара тостубут күннэриттэн ааҕан эмиэ эрдэттэн билэллэрэ. Ол туһунан дириҥии барбаппын.
      Айылҕа өттүттэн бу ханнык да хаайыы суоҕун быһыытынан бу кэми Айыы кэмэ дэнэр. Ону сайын диибит. Бу ырай олоҕор тэҥнэнэр. Манна халандаары Ыйынан буолбакка Күнүнэн сирдэтэн ааҕан бараллар. Ол иһин бу кэм таҥарата сылгы.

      0
      • Тайыл
        4 января 2014
         

        Амыдай

        УЛАХАН МАХТАЛ.

        0
        • Амыдай
          5 января 2014
           

          Тыл Итэҕэли кытта ыкса ситимнээх буолар

          Холобур Дьыл Оҕуһа баар. Кини дьылҕата быһаарыллар кэмэ муус устар ый, Дьыл (дьылҕа) өрүһүн туораан иһэн дьылҕата быһаарыллар. Бу түгэн сылтан сыл аайы уларыйбатын быһыытынан «дьылҕа» диэн өйдөбүл баар. Аны туран сахалар Дьыл оҕуһуттан босхолоннулар, Дьыл өрүһүн туораатылар да, «дьылы этэҥнэ туораатыбыт» дииллэр.
          Оитон бу түгэн кэнниттэн саҥа дьыл саҕаланар дуо? Суох саҕаламммат. Тоҕо диэтэххэ, Дьыл оҕуһун дьылҕата быһаарыллыбыта. Кини Муустаах Байҕалыгар мууһу кытта уста турбута. Онон киниэхэ үҥэн-сүктэн, кулутуран бүтэн аны сылгыбытын таҥара оҥостобут. Сылгы кэмигэр сылаас тыынынан илгийэн сыл саҕаланар.
          Онтон бу Саҥа Дьыл бырааһынньыга диэн ааттыырбыт курдук бэлиэ кэм былыр сахаларга олох да суох этэ. Сахалыы каноҥна аатынан да өйдөбүлүнэн да сөпсөспөт бэлиэ кэм. Саҥа Дьылы «саҥа сыл» диэн ааттыахха диирбит, син биир «веществоны» «бэссэстибэ» диэн ааттыахха диэбит кэриэтэ.

          0
Ответ на тему: Дьыл уонна сыл
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания