Күндү форум олохтоохторо!
Бу форум Дьоһун саас форуму кытта холбонно, саҥа холбоһуктаах форум Сахалыы диэн ааттаах.
Бу сирэйгэ саҥа теманы эбэтэр комментарийы суруйуу кыаллыбат, ол гынан баран холбоһуу иннигэр суруллубуту ааҕар кыах хаалар.
Саҥа Сахалыы холбоһуктаах форумҥа киириҥ, кэпсэтиҥ!
сана дьыл туьунан хоьоон
...  -    12335
срочно сана дьыл туьунан оголор хоьоонноро наада буолла. Детскакка утренник ыытыытыгар.
Ответов 26
  • 123
    19 декабря 2013
     

    иитээччигин ду тороппуккун ду?

    хоьоон буолнай буолла5а дии. араас хрестоматияларга, кинигэлэргэ

    0
  • Александра
    9 декабря 2017
     

    Биһиги елкабыт. М.Клокова
    бу биһиги елкабыт сиэнэ турар.
    елкабыт бүтүннүү күлүмнээн көстөр.
    Күөх елкаттан көмүс ардах түһэр.
    оо, олус үчүгэй елкаҕа сылдьар.
    ытыспытын таһынабыт, ырыа ыллыыбыт
    үҥкүүлээн сайбайа тула сырсабыт.

    0
  • А.Хампа
    11 декабря 2017
     

    Саҥа Дьылга

    Саҥа дьыл киэһэтэ
    (Оҕолор ааҕалларыгар)

    Кэрии хара тыабытттан,
    Киллэрбиттэр харыйаны.
    Кэрэчээн да гына,
    Киэргэппиттэр кинини.

    Оҕо аймах мустаннар,
    Оонньуу көрүн тарпыттар.
    Араас мааска кэтэннэр,
    Маскараадтаан сүүрбүттэр.

    Тымныы кыһын оҕонньор,
    Торуоската тоһурҕаан,
    Хаарчааналыын кытары
    Тиийэн кэлбит ол онно.
    .
    Харыйа тула хааманнар,
    Оҕолордуун сиэттиһэн,
    Үгүс элбэх ырыаны,
    Ыллаабыттар арааһы.

    Ыраах сиртэн аҕалбыт,
    Бэлэхтэрин түҥэтэн,
    Барыларын аатыттан,
    Барҕа махтал ылбыттар.

    Саҥа дьылы уруйдаан,
    Алгыс тылын түһэрэн,
    Эһиэкэйдээн үҥкүүлээн,
    Эҕэрдэлээн турбуттар.

    Айаннаары сылдьаннар,
    Кэскил тылы эппиттэр.
    Эһиил кыһын бу кэмҥэ,
    Эргиллиэхпит диэбиттэр.

    Кэлэр сылга баччаҕа,
    Күүстэ уохта эбиниҥ.
    Үөрэххитин кытаатыҥ,
    Үүнүҥ,сайдыҥ дэспиттэр.

    Онтон олус үөрэннэр,
    Ойуокалаан ыстанан,
    Харахтарын сыысчаана,
    Чоҕулуҥнуу умайбыт.

    Саҥа Дьылбыт уолчааммыт,
    Сүүрэн киирбит саалаҕа,
    Уруй, айхал элбээбит
    Үөрүү – көтүү үксээбит!
    А.Хампа

    0
    • lubovnezemnaya
      14 декабря 2017
       

      А.Хампа, аата уьунун)) кыра огого кылгаьа ордук.

      0
  • А.Хампа
    11 декабря 2017
     

    Оҕолорго аналлаах хоһооннор

    Мин оҕолор ааҕалларыгар кылгас строкалардаах 70-ча хоһоонноохпун. Ол хоһооннорбун элбэх детсад ылан турар. "Чуораанчык" да сурунаалга тахсар. Тыа (Бөрө, эһэ, саһыл), дьиэ кыыллара(ыт, куоска), сүөһүлэр, балыктар тустарынан уонна ньууччалыы эттиэхпинэ ис хоһооно познавальнай курдук, оҕо тыла сайдарыгар диэн анаан уонна уулуссаҕа сэрэхтээх буоларыгар сыһыаннаах. Ааҕа, ааҕа маскараадтаан сценка быһыытынан көрдөрүөххэ да сөп.

    0
  • Елена
    11 декабря 2017
     

    Ырыабын-хоьооммун
    Кыьанан уерэттим,
    Сана дьыл уунэрин
    Олустук кэтэстим.
    Дьэ кэллэ,дьэ үүннэ
    Алыптаах киэьэбит!
    Көр -оонньуу аргыстаах
    Саҥа дьыл киэһэтэ

    0
    • lubovnezemnaya
      14 декабря 2017
       

      Елена, сана дьыл туьунан буотах дии))

      0
  • А.Хампа
    16 декабря 2017
     

    Харыйабын киэргэтиэм

    Саҥа Дьылбыт чугаһаан,
    Харыйаны туруоруом.
    Сулустары ыйааммын,
    Киэргэтэммин симиэҕим.

    Тымныы кыһын оҕонньор,
    Тиийэн кэлиэ детсаппар.
    Тутуһаммыт хаамыахпыт,
    Тула бары ыллыахпыт.

    Кэһиилэрин түҥэтиэ,
    Биһигинниин оонньоһуо.
    Торуоската тоһурҕуо,
    Бытыктара эйэҥниэ.

    0
  • А.Хампа
    18 декабря 2017
     

    Оҕолорго

    Саҥа хаарым устунан,
    Сыарҕа диэҥҥэ олорон,
    Эһигини үөрдээри,
    Эҕэрдэбин илдьээри!

    Хаарчааналыын сиэттиһэн,
    Оҕолорбун ахтаммын,
    Харыйа тула хаамаары,
    Оонньоон көрү тардаары.

    Хоһооннорун истиэҕим,
    Үҥкүүлэрин көрүөҕүм,
    Ырыаларын сөҕүөҕүм.
    Маскараадка үөрүөҕүм.

    Ыраах сиртэн аҕалбыт,
    Бэлэхтэрбин түҥэтиэм,
    Баҕарыаҕым элбэҕи,
    Күндү кэрэ халлааны!

    0
  • А.Хампа
    18 декабря 2017
     

    Ытым, ытым оҕото

    Ытым оҕото

    Сүүрэр, көтөр доҕорум,
    Кыракыйчаан атаһым,
    Көрөн-истэн кылаҥныыр,
    Эйэргэһэ эккэлиир.
    Ытым, ытым оҕото,
    Ытым, ытым оҕото.

    Кутуруга эйэҥнээн,
    Кулгаахтара чөрөйөр.
    Албыннаһа ойуолаан,
    Ахтыбытын санатар.
    Ытым, ытым оҕото,
    Ытым, ытым оҕото.

    Дьиэтин манаан абырыыр,
    Хаһаайынын батыһар,
    Хара тыаны кэрийэр,
    Булан, талан бултуйар,
    Ытым, ытым оҕото,
    Ытым, ытым оҕото.

    0
  • А.Хампа
    18 декабря 2017
     

    Тииҥ,тииҥ

    Тииҥ, тииҥ,
    Куһугуруу сүүрэбин,
    Мастан маска ыттабын,
    Лабааларга ойобун,
    Эриэхэни көрдүүбүн.

    Көҥдөй маска киирэммин,
    Кутурукпун кууһаммын,
    Тымныы күнтэн саһаммын,
    Сууланаммын сытабын.

    Хаһаас тэллэй аҕалан,
    Хачыгырыы ыстыыбын,
    Хаһан сайын кэлэрин,
    Хонуктарын ааҕабын.

    0
  • А.Хампа
    18 декабря 2017
     

    Күүтэбит

    Эһээ Мииисэ, Маша кыыспыт,
    Эриэн Куоска, бөрө кыылбыт,
    Саһылчааннар, куобахтар,
    Саҥа Дьылы көрсөллөр.

    Сүүрэн киирэн оонньуулар,
    Сиэттиһэллэр хаамаллар,
    Елка тула ыллыылар,
    Сырсыалаһа сүүрэллэр.

    Бэлэхтэри күүтэллэр,
    Кэһиилэрин кэтииллэр,
    Чоҕулуҥнуу тураннар,
    Таһырдьаны маныыллар.

    Тымныы кыһын оҕонньор,
    Хоту сиртэн кэлэрин,
    Сыарҕа тыаһа хаачырҕаан,
    Атах хаарга хоочурҕаан.

    0
  • А.Хампа
    18 декабря 2017
     

    Куобах

    Куобах маҕан кырачаан,
    Куотар, сүүрэр мэникчээн,
    Кулгаахтара чороҥнуур,
    Кутуруга маҥхаҥныыр.

    Бөрө, бөрө бөрөчөөн,
    Ситиэҥ суоҕа эн миигин,
    Атахтарым быһыйдар,
    Харахтарым сытыылар.

    Эккирэтэн сүүрүмэ,
    Эрэйдэнэ барыма.
    Хаһан миигин ситээри,
    Харбаан тутан ылаары.

    Онон-манан ойуолуом.
    Ойуур иһигэр муннарыам.
    Ыраах баран ыстаныам,
    Ыырбын, суолбун сүтэриэм.

    0
  • А.Хампа
    18 декабря 2017
     

    Маскарад тигиэҕим

    Ийэбин үтүктэн,
    Иннэни ыламмын,
    Илиибэр тутаммын,
    Иистэнэн ылыаҕым.

    Куукулам таҥаһын,
    Киэргэтэ ойуулаан,
    Күннэри түһэрэн,
    Көрдөрүөм күлүмүн.

    Иистэнньэҥ аатыран,
    Көмөҕө тиийиэммин,
    Маскарад тигэммин,
    Мичийэ үөрүөҕүм.

    0
  • А.Хампа
    18 декабря 2017
     

    Чэйиҥ эрэ

    Чэйиҥ эрэ, оҕолоор!
    Илиилэртэн тутуһан,
    Харыйа тула туруоҕуҥ,
    Ырыабытын ыллыаҕыҥ!

    Ытыспытын таһынан,
    Оонньуу көрүн тардыаҕыҥ,
    Үҥкүүлээммит тэбиэҕиҥ,
    Мичилиһэ үөрүөҕүҥ!

    Баҕабытын толоро,
    Тымныы кыһын оҕонньор,
    Эҕэрдэтин анаары,
    Тиийэ кэлиэ бу манна.

    0
  • А.Хампа
    18 декабря 2017
     

    Кэтэһиҥ

    Маҥан бытык буоламмын,
    Тымныы кыһын аатыран,
    Туман буруо быыһынан.
    Киирэн кэлиэм сиэннэрбэр.

    Хаатыҥкалаах тураммын,
    Харыйа тула хаамыаҕым.
    Хаарчааналыын сиэтиһэн,
    Хоробуоттаан ылыаҕым.

    Кэһиилэрбин түҥэтиэм,
    Кэлэр сылбар баҕарыам,
    Дьонноргутун үөрдээриҥ,
    Дьоһун киһи буолаарыҥ!

    0
  • А.Хампа
    18 декабря 2017
     

    Былааччыйам

    Былааччыйам кэрэтиэн,
    Ойуулара арааһыан,
    Тэлэрийэн олуһуон,
    Киэргэллэрэ элбэҕиэн.

    Ийэм тигэн биэрбитэ,
    Эбэм эбэн тупсарта,
    Ойуу-бичик түһэртэ,
    Иистэммитэ түүннэри.

    Оҕолорго көрдөрүөм,
    Үҥкүүлээммин ойуолуом,
    Муода курдук хамсаныам,
    Мичилийэ туттунуом.

    0
  • А.Хампа
    18 декабря 2017
     

    Кэллэ Саҥа сыл!

    Тиийэн кэллэ Саҥа Дьыл!
    Киирэн кэллэ Саҥа сыл,
    Курааннарбыт ньиргийдэ,
    Кэрэ кэми биллэрдэ!

    Бары этэн айхалаан,
    Баҕабытын тиэрдиэҕиҥ!
    Бүттүүн үөрэн туруоҕуҥ,
    Уруйбутун аныаҕыҥ!

    Ёлка тула хаамыаҕыҥ,
    Ырыабытын ыллыаҕыҥ,
    Саргыбытын уунуоҕуҥ,
    Ситиһиини түстүөҕүҥ!

    0
  • А.Хампа
    21 декабря 2017
     

    Иһээр!

    Саҥа Дьылбыт кэллэр дуу,
    Саҥа Сылбыт үүннэр дуу,
    Саҥа олох дьиэрэйиэ,
    Саҥа сүүрээн айыллыа.

    Үлэ-хамнас тутуохпут,
    Үөрэх-билии ситиэхпит,
    Үөрүү-көтүү буолуохпут,
    Үүнэн-сайдан иһиэхпит!

    Оппут-маспыт көҕөрүө,
    Ойуу-бичик салҕаныа,
    Көтөр-сүүрэр көччүйүө,
    Кыыл-сүөлбүт дьаарбайыа.

    Кыра оҕо чаҕаарыа,
    Күммүт сырдаан сыдьаайыа,
    Дьолбут уота дьиримниэ.
    Дьоһун түгэн бэлэхтиэ!

    0
  • А.Хампа
    23 декабря 2017
     

    Аптаах хайыһар

    Аптаах хайыһар кэтиэҕим,
    Айаннааммын тиийиэҕим.
    Аҕалыаҕым Хотуттан,
    Айхаллааммын уруйдаан.

    Оҕолору үөрдээри,
    Харыйа тула хаамаары,
    Оонньуу, көрүн тардаары,
    Хоһооннору истээри.

    Харса суохпун киллэрэн,
    Саҥа Дьылы сиэтиэҕим,
    Хаарчааналыын хаамсыаҕым,
    Силлиэ, буурҕа быыһынан!

    0
  • А.Хампа
    23 ноября 2019
     

    Саҥа Дьылга оҕолорго

    Оҕолор ааҕалларыгар

    Саҥа дьыл киэһэтэ

    Кэрии хара тыабытттан,
    Киллэрбиттэр харыйаны.
    Кэрэчээн да гына,
    Киэргэппиттэр кинини.

    Оҕо аймах мустаннар,
    Оонньуу көрүн тарпыттар.
    Араас мааска кэтэннэр,
    Маскараадтаан сүүрбүттэр.

    Тымныы кыһын оҕонньор,
    Торуоската тоһурҕаан,
    Хаарчааналыын кытары
    Тиийэн кэлбит бу манна.
    .
    Харыйа тула хаамсаннар,
    Оҕолордуун сиэттиһэн,
    Үгүс элбэх ырыаны,
    Ыллаабыттар арааһы.

    Ыраах сиртэн аҕалбыт,
    Бэлэхтэрин түҥэтэн,
    Барыларын үөрпүттэр,
    Барҕа махтал ылбыттар.

    Саҥа дьылы уруйдаан,
    Алгыс тылын түһэрэн,
    Эһиэкэйдээн хампыттар,
    Эҕэрдэлээн туойбуттар.

    Айаннаары сылдьаннар,
    Кэскил тылы эппиттэр.
    Эһиил кыһын бу кэмҥэ,
    Эргиллиэхпит диэбиттэр.

    Кэлэр сылга күүтээриҥ,
    Күүстэ уохта эбиниҥ.
    Үөрэххитин кытаатыҥ,
    Үүнүҥ,сайан улаатыҥ.

    Онтон олус үөрэннэр,
    Ойуокалаан тэйбиттэр,
    Чаҕылыһа ойоннор,
    Чоҕулуҥнуу көрбүттэр.

    Саҥа Дьылбыт уолчааммыт,
    Сүүрэн киирбит саалаҕа,
    Уруй, айхал үксээбит
    Үөрүү – көтүү элбээбит!
    (Бу хоһоону өссө урут 7 кылааска сылдьан суруйбутум, бирээмэ үйэ буолла)

    ***

    Эһээ Мииисэ, Маша кыыспыт,
    Эриэн Куоска, бөрө кыылбыт,
    Сибиинньэлэр, куобахтар,
    Саҥа Дьылы көрсөллөр.

    Сүүрэн киирэн оонньуулар,
    Сиэттиһэллэр хаамаллар,
    Сүрдээх бэркэ ыллыылар,
    Сырсыалаһа сүүрэллэр.

    Бэлэхтэри күүтэллэр,
    Кэһиилэрин кэтииллэр,
    Чоҕулуҥнуу тураннар,
    Таһырдьаны маныыллар.

    Сыарҕа тыаһа хаачырҕаан,
    Сындылҕаннаах айантан.
    Тымныы кыһын оҕонньор,
    Тиийэн кэлиэ үөрүүнэн.

    ***

    Болуоссат киинигэр харыйа,
    Дьэндэйэн, симэнэн турдаҕа,
    Дьиримниир уотунан чаҕылла,
    Дьоннорбун өрүүнэн куустаҕа.

    Тымныыбыт кыһына оҕонньор,
    Устюгтан көрсүһэ истэҕэ.
    Уруйдуу Саҥа Дьыл аһыаҕа,
    Тапталлаах Чысхааммыт көрсүөҕэ.

    Кырачаан ытыһын таһыныа,
    Хараҕа уотунан дьиримниэ,
    Хаарчаана кыысчаанныын сиэтиһиэ,
    Хоробуот онньууга киирсһиэ.

    ***

    Наһаа да кэтэстим, олуһун,
    Саҥа Дьыл үүнүөхтээх киэһэтин.
    Харыйам барахсан симэнэн,
    Дьиримнии, умайа турарын.

    Манньаны ылыахпын баҕардым,
    Маскарад буоламмын оонньуохпун.
    Ырыаны, тойугу туойуохпун,
    Сиэттиһэн үҥкүүлээн ылыахпын.

    Болуоссат киинигэр сандааран,
    Салютым ньиргийэ тыгарын.
    Сүрдээҕин айхалыы туруохпун,
    Баҕара халлаамын көрүөхпүн!

    ***

    Тымныы кыһын оҕонньор,
    Хоту сиртэн ыраахтан,
    Харчааналыын кытары,
    Тиийэн кэллэ бу манна.

    Харыйа тула туруоҕуҥ,
    Илиилэртэн ылсыаҕыҥ.
    Харыйа тула хаамсыаҕыҥ,
    Ырыабытын ыллыаҕыҥ.

    Араас мааска буоламмыт,
    Оонньоон –көтөн үөрүөҕүҥ,
    Сырсыалаһа сүүрүөҕүҥ,
    Мичилиһэ көрүөҕүҥ.

    Кэһиилэри үллэстэн,
    Барҕа махтал этиэҕиҥ,
    Саҥа Дьылы көрсүөҕүҥ,
    Уруй, айхал этиэҕиҥ!

    ***

    Чэйиҥ эрэ, оҕолоор!
    Илиилэртэн тутуһан,
    Харыйа тула туруоҕуҥ,
    Ырыабытын ыллыаҕыҥ!

    Ытыспытын таһынан,
    Оонньуу көрүн тардыаҕыҥ,
    Дьирэҥкэйдээн тэбиэҕиҥ,
    Мичилиһэ үөрүөҕүҥ!

    Баҕабытын толоро,
    Тымныы кыһын оҕонньор,
    Эҕэрдэтин анаары,
    Тиийэн кэлиэ бу манна.

    Сандаарыйа сыдьаайа,
    Саҥа Дьылы көрсүөҕүҥ,
    Саҥа мааска кэтэммит,
    Сырсыалаһа ойуоҕуҥ!

    ***

    Тула өттүм маҕан хаар,
    Аллаах атым айанныыр.
    Оҕолорбор тиэтэйэр,
    Туйах атах тоһургуур.

    Оҥой-соҥой көрүмэҥ,
    Оонньуугутун саҕалааҥ.
    Хайыһаҥҥыт күүтүмэҥ,
    Хаһан тиийэн кэлэрбин.

    Харчааналыын кытары,
    Кэлиэм үөрдэ сотору,
    Кэһиилэри биэриэхпит,
    Харыйа тула хаамсыахпыт.

    ***

    Маҥан бытык иилинэн,
    Тымныы кыһын аатыран,
    Туман буруо быыһынан.
    Киирэн кэлиэм сиэннэрбэр.

    Хаатыҥкалаах тураммын,
    Харыйа тула хаамыаҕым.
    Хаарчааналыын сиэтиһэн,
    Хоробуоттаан ылыаҕым.

    Кэһиилэрбин түҥэтиэм,
    Кэлэр сылбар баҕарыам,
    Дьонноргутун үөрдээриҥ,
    Дьоһун киһи буолаарыҥ!

    ***


    Сүүрэ-көтө оонньуубут,
    Сиэттиһэммит ыллыыбыт,
    Сүрдээх үөрэн тураммыт,
    Саҥа Дьылы көрсөбүт.

    ***

    Бүгүн турда харыйа,
    Бука бары мустуоҕуҥ.
    Сиэттиһэммит ыҥыра,
    Саҥа Дьылы көрсүөҕүҥ!

    0
  • А.Хампа
    12 декабря 2019
     

    Детсадпар көрүстэ

    Сандаара мичиҥниир харыйа,
    Саҥа Дьыл кэлэрин туоһулаан,
    Диримнээн урууйдуу айхалаан,
    Дьэндэйэн детсадпар көрүстэ.

    Оҕолоор үөрүүнү үрдэтэ,
    Илииттэн тутуһа хаамыаҕыҥ
    Ырыаны ыраахха дьиэрэтэ.
    Оонньооммут дьиэрэҥкэй тэбиэҕиҥ!.

    1
  • А.Хампа
    17 декабря 2019
     

    Саҥа Дьыл көрсүөҕүҥ!

    Саҥа Дьыл бу киэһэ,
    Сүүрүүнэн кэлиэҕэ,
    Саргыбыт биһиэхэ,
    Салаллан үүнүөҕэ!
    Саҥа Дьыл, Саҥа Дьыл көрсүөҕүҥ!

    Харыйа кууһуоҕа,
    Барҕара үҥкүүлүө,
    Барыта дьиримниэ,
    Халлаамыт мичиҥниэ!
    Саҥа Дьыл, Саҥа Дьыл көрсүөҕүҥ!

    Үөрүүбүт үксүөҕэ,
    Дьолунан бэлэхтиэ.
    Үрдүккэ дьулуһуо,
    Дьоннорбор күндүлүө!
    Саҥа Дьыл, Саҥа Дьыл көрсүөҕүҥ!

    Үөрүүнү үрдэтэн,
    Уруйдаан айхаллаан,
    Сүргэни көтөҕөн,
    Сыдьаайа тыгыаҕыҥ!
    Саҥа Дьыл, Саҥа Дьыл көрсүөҕүҥ!

    0
  • А.Хампа
    17 декабря 2019
     

    Саҥа Дьылы көрсөбүн!

    Харыйабын туруоран,
    Онньуурдарбын ыйыыбын.
    Хоробуоттаан хаамабын,
    Оҕолордуун оонньуубун.

    Детсад дьиэбин таптыыбын,
    Дьоммор хоһоон ааҕабын,
    Дьоллоох курдук сананан,
    Дьиэрэҥкэйдии тэбэбин!

    Сиэттиһэммин ыллыыбын,
    Сүрдээх үөрэ үҥкүүлээн.
    Сандаарыйа сыдьаайан,
    Саҥа Дьылы көрсөбүн!

    0
  • А.Хампа
    18 декабря 2019
     

    Хаарчаана

    Тымныы кыһын сиэн кыыһа,
    Турку сыарҕа олорсон,
    Түргэн туман быыһынан,
    Тиийэн кэлиэҥ бу киэһэ.
    Хаарчаана, Хаарчаана, Хаарчаана!

    Күндү ыалдьыт буолаҥҥын,
    Кэпсээр кэлэр сылбытын,
    Сэһэн курдук сэһэргээн,
    Саҥа Дьылбыт сонунун.
    Хаарчаана, Хаарчаана, Хаарчаана!

    0
  • А.Хампа
    19 декабря 2019
     

    Тиийэн кэллэ Саҥа Дьыл!

    Силлиэ буурҕа ытыйан,
    Салгын быыһын сэгэтэн,
    Сүргэбитин көтөҕөн,
    Саха сирин устунан.

    Кырыа хаарбыт үллүктээх,
    Хойуу үрүҥ туманнаах,
    Кыһын дьыбар тымныылаах,
    Харыйабыт киэргэлээх.

    Тиийэн кэллэ Саҥа Дьыл!
    Ураа! Ураа!
    Митээһэп Бүөккэ.

    0
Обратная связь