1 год на форуме Топ пользователь 5000 просмотров Все
Награды
1 год на форуме
1 год на форуме
Топ пользователь
Топ пользователь
5000 просмотров
5000 просмотров
"Чыбыыда" диэн туох ис хоһоонноох тылый?
  1543
Ответов 48 Написать ответ
  • бигэ52
    13 июня 2013
     

    Чыбыыда Күбэйиҥдэ Күндээдэ Чаппанда Дьөҥкүүдэ Дьэлиҥдэ Бакамда онтон да

    салгыы элбэх сир ааттара барыта тоҥустуу. Көрөргүт курдук бары -ДА, ДЭ диэннэринэн бүтэр.

    0
    • Никон2
      13 июня 2013
       

      Чыбыыда = чыыбыы ыытыы диэн былыргы сиэр баара. Ол аата

      Сылгыһыттар ньымалара.
      Былыр сылгылаах эрэ этилэр сахалар.
      Хоро хороох (корога) сүөһү суоҕа.
      Саҥа сылгы аһатан олохсуйар сири көрдүүргэ сылгы үөрүн чыбыыга ыыталлара, чыыбаайы көрдөтө.
      Үрэхтэр, маардар устун.
      Онтон өр буолан баран сылгыларын суоллаан тиийэн булаллара.
      Сылгы ханна аһаан, тотон-ханан тохтообут сиригэр
      саҥа олох тэринэн таабырданан түһэллэрэ, олохсуйаллара.
      Чыбыыда үрэх былыр сылгы чыбыыдалаан ыытар үрэхтэрэ.
      Холобур.
      Намнар Наманаҕа олорбуттар.
      Онтон сылгыларын Чыбыыдаҕа ыыппыттар.
      Онтулара биир үрэҕи батан аллараа барбыттар.
      Ону батыһан чыыбаайылаан сии-сии Бүлүүнү булбуттар.
      Ону көрдөөн бэрт уһуннук эриһэн Дьоло алааска туралларын булан олохсуйбуттар.
      Бу алааска Дьолбут түспүт диэн.
      Онтон бэттэх ити үрэх Чыбыыда диэн ааттаммыт.
      Сылгы Чыбыыдатын сиэриттэн.
      Оннук.

      Күбэйиҥдэ = Оҕо Ийэтин иһигэр ийэтин кытта киининэн ситимнээх. Онон-аһаан таҥнан улаатар.
      Оҕо киинин утаҕа Күбэй диэн ааттанар. Төрөөтөҕүнэ киинин быһаллар. Күбэй Ийэ диэн иһигэр киимминэн аһаппыт төрөппүт Ийэ диэн суолталаах.
      Ол сиэринэн иитэ-аһатан, балыктатан, бултатан, оттотон-мастатан олорор Эбэлэрин былыргы сахалар Күн күбэй ийэлэригэр холуллара = Күбэйиҥдэ диэн ааттыыллара.

      Күндээдэ, Күндэ, Күндэйэ, Күндэкээн диэн Эбэлэр хас сир аайы ньаҕара (сыа балык кырата) курдук элбэхтэр.
      Ортотугар күн түһэн сөтүөлээн көмүс мөһүүрэннэн оонньоон күлүмүрдүү сытар Эбэтэ көрүөххэ саха киһи сүрэҕэр күндү буолар.
      Оннук таптаан күннэрэ ити Эбэттэн тахсарын иһин итинник таптаан күндүргэтэн ааттыыллара.
      Ол туох да мөккүөрэ суох.

      Чаппаҥда диэн киһи аата дуу туох этэ дуу...
      Умнан кэбиспиппин.
      Былыргы дьиҥнээх төрүт сахалыы аата Маайка диэн үһү.

      Дьөҥкүүдэ = маны истибитим кэпсээнин.
      Аатырар Саталар сураҕа ааттаабыттар. Бастаан кэлэн олохсуйалларыгар. Кырдьаҕастара көрөн-истэн баран
      - Дьон күүтэн бөҕө турар эбэ барахсан эбит. Кэнэҕэс бу Эбэни тула дьон-сэргэ бөҕө олосуйуоҕа. Дьону күүтэн турар Эбэ эбит Дьөҥкүүдэ диэн буоллун. Биһиги манна олохсуйабыт диэн олохсуйбуттар.
      Кырдьык ити Дьон-күүтэр Эбэ тула билигин хас да нэһилиэк киһи олорор.
      Ньурбалар баҕас итини ахсыы билэллэр ини.

      Дьэлиҥдэ диэн хайа хаспах дьэллэҕэһин аата.
      Ол устун айанныыллар, айан суоллаах буолар.
      Дьэлиҥдэ устун айанныыр хайа оройунан айанныыртан ордук.

      Бакамда = подков курдук бакыйар иэҕиилээх Эбэлэри ааттыыллар.

      Тиһэҥдэ диэн хам да күөл тиһиллэн бэйэ-бэйэлэрин кытта сибээстээх күөллэри ааттыыллар.

      Кырамда диэн киһи, кыыл кырамталаах сири ааттыыллар. Холобур ойуун уҥуоҕа баар эҥин сири.
      Ити курдук.
      Төрүт сахалыы ааттар.
      Саха сирэ сахалыы ааттаах.
      Кытай сирэ кытайдыы.

      0
      • Табыс
        13 июня 2013
         

        Ити -ДА, -ДЭ туох суолталаах сыьыарыыларый?

        Ким билэрий?

        0
        • мин
          14 июня 2013
           

          -та, -тэ

          диэн сыьыарыылар сылдьаллар буолбатах дуо? Саҥарыллара - кырамта, Чыбыыта, Дьөҥкүүтэ буолуо. Саха тылын орфографията уларыйыытагар суруллуута уларыйар быһыылаах буолбатах дуо? -Да, -дэ, -каан, -чаан, -ман сыһыарыылаах тыллар барыта маньчжур-тоҥус төрүттээхтэр диэн аһары буолбатах дуо?

          0
          • Никон2
            14 июня 2013
             

            Маннык

            Ыҥда, иҥдэ = иҥ диэни этэр сыһыарыылар. Иҥдэ = иҥтэ.

            Чээн, чаан = Чыыны этэллэр.
            Ини-чыыны ааттыыр сыһыарыылар.
            Чыын аччааһынын.
            Үрүйэ = үрүйэчээн.
            Үрүйэчээн үрүйэттэн чыынынан кыра.
            Оннук хайа баҕарар быһыыга инитин этэргэ туттуллар сыһыарыы.

            Каан = хааны ыйар сыһыарыы.
            Эмиэ хаан утумнаан кыратыйыытын этэр.
            Ини хааны бэлиэтиир. Бии хааны буолбатах.

            Даан, Таан, дээн - дааны этэллэр.
            Туох баҕарар бу дойдуга таҥараттан дааннаах төрүүр.
            Ранг диэн нууччалыыта.
            Холобур, куоталаһыыга былыр дааны ылсар-бэрсэр этилэр.
            Даанын биэрдэ, Даанын ылла диэн буолара.

            Туох да кытай, тоҥус киэнэ суох.
            Саха тыла барыта сахалыы.

            0
    • К-2
      14 июня 2013
       

      туойу кытары сибээстээх диэн истибитим, ол төһө кырдьыгын билээри гынабын

      0
      • Тыа атта
        4 июля 2013
         

        К-2 сөпкө эппиккин.

        Чыбыыда,чабыыда,чабыыта диэн тоҥус тылыттан төруттээх,чавида-туой диэн суолталаах.Таатта Боробулугар киирсэр,Ворошилов учаастак анараа өттүгэр ааттаах үчүөй туой хостонор көлэ баар.Урут хостууллар этэ.Туойдаах сирдэргэ сыһыаннаах күөллэр эбэтэр үрэхтэр ааттара.

        0
        • К-2
          4 июля 2013
           

          Тыа атта олус үчүгэйдик быьааран биэрбиккит.

          Саарба5алаабыт санааларбын самтытан сааьылаан биэрбиккитигэр махтал буолуохтун

          0
        • Никон2
          4 июля 2013
           

          Тыа атта сыыһа эппиккин Чыбыыдалааһын диэн тоҥус кытай тыла диэн.

          Онтон чыбыыда диэн сахаҕа маннык.
          Былыр Кээрэкээн-ойуун диэн киһи баара үһү.
          Ол Боробулу Чыбыыдалаан булбутун кэпсиир этилэр.
          Сылгыларын чыбыыдаҕа ыытан баран кэлин суоллаан улахан алааска чыбыыдалаабыт сылгылара хаһа туралларын булбуттар.
          Ол алааһы Тохтобул диэн ааттаабыттара үһү.
          Ол алаас билигин да баар дииллэр.
          Кэлин ити эҥээргэ Бар-бул = Боробул диэн нэһилиэк олоҕурбута биллэр.
          Баран иһэн боотурдар булбут сирдэрэ.
          Ити Чыбыыдалааһын ньыматынан булуллан үөскээбит Боробулу чопчу эттиҥ.
          Боробулу олохтообут Кээрэкээн боотурдарын Таатталар тоҥустар этэ диэн кэлин туруорсар буоллулар.
          Ол сыыһа.
          Кээрэкээн боотурдара Арҕаа Хаҥаластар.
          Тыгын Байаҕантайдары Саха тыгынаатыгар холбоору ыыппыт боотурдара.
          Кээрэкээн Арҕаа хаҥалас Тыайаларыттан ойохтоох үһү.
          Ол Тыайалар сорохторо дьабыл баран Тааттаҕа тиийэн Тыараһа диэн буолан олороллор.
          Олорго бастаан тиийэн Кээрэкээн боотурдара салгыы тарҕаммыттар.
          Боотур улууһа диэни олохтообуттара биллэр.
          Онон Боотур ууһун тоҥустар диириҥ олуона.
          Чыбыыданы сылгыта суох киһи курдук кытайдар аҕалан сахаларга тарҕаппыттара диир сиикэй буо.
          Көстөн турар.
          Боробуллар тоҥустарбыт диэн туруорсар буоллахтарына Дьохсоҕон боотурдара буолбатахтарын бигэргэттиннэр.
          Боробулу Чыбыыдалаан (сылгыларын бастаан ыытан) иһэн булбут кэпсээннэрин тоҥус табалаахтар этэ диэн, кытайтан хайдах айаннаан кэлбиттэрин утары кэпсээни ууран биэрдиннэр.
          Оннук.
          Талыҥ тоус боотурдар дуу, саха чыбыыда дуу.

          0
          • К-2
            5 июля 2013
             

            туойдаах сиргэ үүнэр от буота5а буолуо да?

            Боробул анна барыта туой буолла5ына ол үрдүгэр үүммүт от буолуон сөп

            0
          • Тыа атта
            13 июля 2013
             

            Никон2 уонна атыттарга дорҕоонноох дорооболорун.

            Чэ Кээрэкээни таарыйбычча киниттэн саҕалыахха.Дьэ кини киһи хантан кэлбитэ,кимтэн кииннээҕэ биллэр.Таатталар Кээрэкээн Боотурдарын тоҥустар диэбиттэрин саҥа эйиигиттэн иьиттим.Боробул диэн күөл аата.Билигин урукку киэбиттэн улаатан турар.Урут ити сиргэ Миндилики,Мыраман,Уураах уонна Боробул диэн күөллэр бааллар эбит.Олору холбооннор билигин биир аатынан Боробул күөлэ дэнэр.Ону олохтоохтор бэккэ билэллэр.Боробул диэни олохтоохтортон ыйыппытым даҕаны ким да бу диэн чопчу быһааран биэрбэтэҕэ.Ол иһин Багдарыын Сүлбэттэн быьааттарбытым.Боро-борон уонна бул диэнтэн тахсыбыт диэбитэ.Туох эрэ борон өҥнөөҕү булбуттар диэн буолбута.Урут түөрт Дьохсоҕон баара биллэр 1,2,3 ,4.Онтон билигин биирэ ордон турар.Боробуллар Дьохсоҕон уола Сиэллээх Сэппэртэн төрүттээхтэр.Уруккута аатырбыт Сиэллээх нэһилиэгэ дэнэрэ.Онон Никон2 тоҥус хоһууттарыгар сыста да,тоҥус буола да сатаабаппын.

            0
            • Никон
              13 июля 2013
               

              Эн Боробуллары тоҥус төрүттээхтэр диэн туруорсаҕын

              Цитата:
              Чыбыыда,чабыыда,чабыыта диэн тоҥус тылыттан төруттээх,чавида-туой диэн суолталаах.Таатта Боробулугар киирсэр


              Боробуллар төрүттэрэ Чавида диэн тоҥустар диэн суруйбуккун.
              Ити сиикэй.
              Боробуллар Дьохсоҕоттор.
              Төрдүлэрэ Арҕаа Хаҥалас Чыната.
              Онтон кэлбиттэрэ.
              Ити остуоруйата биллэр.
              Ханнык да Чавида тоҥустара кыттыгастаах буолбатахтар.
              Эйигиттэн саҥа иһиттим.
              Боробул диэн эмиэ тоҥус тыла диэххит.
              Оннук буолбатах.
              Боотурдар сылгыларын чыбыыдалаан баран олору батыһан айаннаан иһэн
              булбут сирдэрэ. Тохтобул, Боробул эҥин диэн.
              Тохтобул диэн эмиэ тоҥустан тахсар дии-дии мөккүһэр дьон бааллара.
              Эн курдук.
              Уонна күөллэриҥ ааттарын эмиэ тоҥус киэнэ гына сатаабыккын.
              Мэндэлики = Мэндэйэр диэнтэн.
              Мыраман = Быраман диэнтэн
              Уураах = уурар диэнтэн
              Боробул = Бар-бул диэннэр.
              Ханнык да чавида тоҥустара ааттаабыт буолбатахтар.

              0
              • Тыа атта
                13 июля 2013
                 

                Дьэ эрэ,Чыбыыда диэн куол Боробул сиригэр киирсэр буолла5ына

                кинилэри тон,устар дии иликпин.Куоллэр ааттара хайдах баарынан суруйдум.Ити Чыбыыда диэн туойга сыьыаннаах,тон,ус тылыттан диэбитим.Ону эн олох Боробуллары тон,устар диэбит курдук ойдообуккун.Ким кинилэри тон,устар диирий?Чыбыыда диэн гидроним Сахабыт Сиригэр,таьыгар да дэлэй эбит.Уксэ туойга сыьыаннаах.

                0
                • Никон
                  14 июля 2013
                   

                  Чыбыыда диэн чавида тоҥуһа Боробулга киирсэр диэн суруйбуккун.

                  Ону мин эйиэхэ этэбин.
                  Боробулга чавида тоҥустара суохтар.
                  Чыбыыда диэн сылгыһыттар өйдөбүллэрэ.
                  Сылгы үөрү инни хоту мээнэ үүрүү.
                  Сылгы хаһаары чыыбаайылаах сири көрдүүр.
                  Булар.
                  Онно хаһан аһыыр, тохтуур.
                  Ону сылгы хаһаайыннара суоллаан тиийэн булан ылаллара.
                  Уонна чыбыыдалаабыт сылгы булбут сиригэр олохсуйаллара.
                  Оннук чыбыыда ньыматынан баран булбут сирдэрэ Тохтобул, Боробул диэннэр бааллар.
                  Дьохсоҕоттор төрдүлэрэ Арҕаа Хаҥаластар.
                  Тыгын сэрииһит боотурдара.
                  Ханнык да тоҥус суох.
                  Уонна бар-бул = боробул, тохтобул эҥин диэн тоҥус тыллара буолбатах.

                  0
  • Таҥха
    14 июня 2013
     

    Дьэ, салыннардыҥ дии Ньыыкан

    Отой сөбүлэһэн олоробун уонна сүрэҕим ортотунан эттиҥ. Тоҕо бэрдэй ити, ээ-э.

    0
    • Сах
      14 июня 2013
       

      Бирээмэ Сээркээн Сэьэн, остуоруйаьыт бэрдэ диэх курдук.

      ***мин үчүгэйбин***

      [Сообщение редактировалось]
      0
      • даҕаны
        14 июня 2013
         

        Өйбүн туппут киһибин

        Омсону кыайан булбатым диэххэ наада. Дьэ, кытаанахтык быһаарбыт Ньыыкан. Таах, ити манна утарылаһа сатаахтыыгыт, хата, ыйытыы биэрэн элбэҕи билэн хаалыахха баар эбит, дии санаатым. Туттан-хаптан көрдүм да утары этэрим суйуку суох эбит.

        0
  • кылбар
    14 июня 2013
     

    Саха тыла форум

    хайысхатын дьэ тутуох буолбут. Си дьүгээр кэпсэтии аҕыйаан саха тылын ис өйдөбүллэрин, кистэлэҥнэрин ырытыы үөскүөх курдук буолбут. Манна араас көрүүлэр, көннөрү да дьон, анал үөрэхтээхтэр да ырытыһаллара буоллар улахан көдьүүстээх буолуох эбит. Модератор бу маны тутуһан баран истин. Аһары дьаабыланар дьон баар буолуохтара. Оннуктары уодьуганнаан иһиэххэ, куттаммакка. Форум онтон иинэн-кэхтэн хаалыа суоҕа. Итинник үөхсүүнү, этиһиини тэрийээччиллэр баар буолан дьон хото киирбэт дии саныыбын. Сахараалдьыттары туората сатааһын баар дьыала. Ол гынан баран Никон Чыбыыда диэн тылы ырытыытын илэ өйүнэн сылдьан дьүүллэһэн көрөр кыахтаах саха тыллаах көстүө дуо?

    0
  • ыллык
    15 июня 2013
     

    .

    Дьэ эрэ оччоҕо Чачахаан, Бэйбэрикээн, Киҥкинээн диэн уо.да.а Эрэрэмээн(Казарян саҥарар) тылыттан үөскээтэхтэрэ дьэ буолар да эбит.

    0
  • ыллык
    15 июня 2013
     

    .

    Ньыыкан аһара баран иилиир-саҕалыыр киһи суох буолла диэн аны "ДААНЫН ылларда" - диир буолбуккун дуу, саха киһитэ "ДААМЫН ылларда" - диир буолара. ***Мин үчүгэйбин*** (били кээнчэ ьыта баска ыттыбыта) итинтэн атын буолуо дуо ээ.

    0
    • Никон2
      15 июня 2013
       

      Кээнчэ быта кэтэххэ ыттар, баккы быта баска ыттар диэн дьиҥэ.

      Толкуйдаан баран суруйуоххун.
      Сыыөаннан киһини хомуруйар оччото суох.
      Сөбүнэн хомуруйар ордук.

      0
  • ыллык
    15 июня 2013
     

    .

    Аһаа хата ити курдук кыннахха син дьон сыыһатын сөпкө көннөрөр эбиккин дуу***мин үчүгэйбин***. Дьэ хайдах эбитий бэйэҕэр трээн кэллэҕинэ эппиккин барытын төттөрү этэ турдахха***мин үчүгэйбин***. Дэҥ үктэттим ээ. Эн да киирэн биэрэр эбиккин. ***мин үчүгэйбин***

    0
    • Никон2
      15 июня 2013
       

      Тоом, этиһимэ.

      Эн суруйдуҥ - мин аахтым.
      Бүттэ.
      Амыдай быраабылата.

      0
      • К-2
        17 июня 2013
         

        "Былыргы дьиҥнээх төрүт сахалыы аата Маайка диэн үһү." бэт интириэһинэйи эппиккит

        Онтон "кулун атахтаахтар" диэн кимнээ5ий?

        0
        • Никон2
          17 июня 2013
           

          кулун атах, ханча атах, илин атах эҥин диэн сир ааттара.

          Кулун атахтар диэн оннук сир олохтоохторун ааттыыллар.
          Ханча атахтар диэн эмиэ.
          Атыны билбэппин.

          0
          • К-2
            17 июня 2013
             

            Омо5одоох Эллэй кэлэн кулун атахтаахтары Сахалар диэн аатаабыттар диэн истэн ааспытым

            ол иһин ити интириэьиргиибин

            0
            • Никон2
              17 июня 2013
               

              Аа, сөп оччоҕо.

              Сахалар ол сахтарга сылгы эрэ баайдаахтара үһү.
              Онон сылгы-кулун атаҕын батыһа сылдьар дьоннор.
              Сылгыларын көрбөккө ханна барыахтарай?
              Хороҕор муостаах хороох сүөһү суоҕа.
              Ол иһин "кулун атахтаахтар" дииллэрэ буолуо.
              Сылгы ханна барар да ону батыһа сылдьар сылгыһыттар буо.
              Атын быһаарыы суох.

              0
  • К-2
    18 июня 2013
     

    Кулун атахтаах омуктарбыт дии сылдьыбыт норуоту Омо5ойуҥ уонна Эллэйиг

    Аны туран биһиги биис уус Сахалар диэн ааттанабыт диэбиттэр ди. Оччотугар туохха оло5уран ити Саха диэн ааты сүҥтүлэр? Омо5ойуҥ да Эллэйиҥ да уу саха омуктара буотах диэн биэлэбит, бааһынайдар диэххэ дуу

    0
    • ыпсарар
      18 июня 2013
       

      Багдарыын Сүлбэ кинигэлэрин ааҕарбыт буоллар сир,күөл ааттарыгар арыый атын соҕус көрүүлээх

      буолуо этибит.Маарынныыр буолла да саха тыла диэн иһэр соччото суох ини,аһары баран күлүүгэ барыахпыт.Мин да баһым мэйиитигэр баһаам дьүөрэ тылы буһаран суруйуохпун сөп.Ааспыт күһүн суруйбутум.

      0
      • К-2
        18 июня 2013
         

        Олус сөпкө этэ5ит, толору сөбүлэһэбин.

        Чахчыта баар күлүүгэ барыах кутталлаахпыт. Сорох сорох кэмҥэ барабыт да5аны. Дьоһуннарга ити соруйан көмүскэнниннэр диэн топтары быра5аттыыбын да суох олох саханы өрө тутар эппиэт биэрбэттэр эбиитин сахалары утары топтары таһаартыыгын диэн сырай анньаллар. Манна олорон баһаалыста ким эрэ дьиг эппиэт биэрдин ээ аттыттар ону билэн истэн атын сиргэ сылдьан кэм билбиппитин көмүскэнэ үөрэниэ этибит. Манна бу мин ыйытабын атын сиргэ сырыттахтарына омуктар ыйытыахтара ди, оччо5уна олоро биэрэллэр билбэттэриттэн, ол баар күлүүгэ киирии мин санаабар.

        0
      • Никон2
        18 июня 2013
         

        Саха сирэ сахалыы ааттаах.

        Тоҥустуйа сатыыр оччото суох.
        Күөллэр ааттара хайдах баарынан суруллубута.
        Олох да тоҥус суох сиригэр тоҥустуу аат хантан кэлиэй.
        Тоҥустары кытта сэрии субу соторутааҕыта буолбута дии.

        0
    • Никон2
      18 июня 2013
       

      Эллэй - саха. Омоҕой - боотулуу.

      Эллэй Тайма Татаар тохсус уола.

      0
  • Kilbar
    19 июня 2013
     

    Мин иьиттэХпинэ

    Ньыыкан быьаарара ордук чугас, иьирэх. Хас биирдии киьи кенулэ - тугу себулуурэ, тугу себулээбэтэ. Ол да гыннар саха сирин топонимнарын бэрт элбэх елуукэтэ тонус-маньчурдуу буолара меккуергэ турара сеп. Сурун уонна олох боппуруос. Ким кимэ быьаарыллар дьыалата. Ньыыкан этэрин оруннаан быьаарара кэрэхсэтэр. Сап-сахалыы. Наука аффикстарга, суффикстарга эрэ оло5урара астыннарбат. -ман, -каан, -кээн баар буолла да тонус маньчуур тыла буолан барар.

    0
    • К-2
      19 июня 2013
       

      Оннук уустуктарын чахчыта баар билинэбин олох билбэппин суффикстары -ман, -каан, -кээн

      Хата олус билиилээх кэпсэтээччи буолбуккут мин ити биир кырдьа5ас "Чыбыыда" диэни туой буору кытры сибээстээбитин чахчыты билээри. кырдьыгы эппит дуу арыый сыыспыт дуу диэн.

      0
      • Никон2
        19 июня 2013
         

        Сөпкө эппит ол кырдьаҕас.

        Чыыбаайы кыр-кумахха үүммэт.
        Туой буор кырыһыгар үүнэр.
        Туойдаах сири бата чыбыыга ыыталллар сүөһүнү да сылгыны да. Ол биллэр.

        0
        • К-2
          19 июня 2013
           

          ЭЭ оччо5о чыыбаайы диэн от буолла5а ду.

          туох хайдах отуй ити?.

          0
          • Никон2
            19 июня 2013
             

            От.

            Бастаан от үүнэн тахсар майгыта:
            Чым диэн от сиэмэтэ, силиһэ.
            Чымый = үүнээри уоһурбут чым аата.
            Оһорсун = саҥа ууга үүнэн тахсар салаа.
            Чыыбах, чыыбаайы - оһорсунтан өрө үүммүт ньаалаҕай ньирээйи от.
            Онтон салгыы Ачарар ача диэн буолар салааларга арахсан аччайар, аҕыс салааҕа дылы ача күөҕэ буолар.
            Онтон от буола мастыйар, ситэр-хотор.
            От үүнүүтүн сиэрэ оннук.
            Күһүҥҥү кэнчээри от чыыбаайыта эһиилги от үүнүүтүн кэрэһэтэ.
            Ону батар кыһыннары сылгы.
            Дьынды чыыбаҕар тиийэ.
            Ол аата Чыбыыда диэн.

            0
            • Никон2
              19 июня 2013
               

              Ситэри суруйабын.

              Чымый = от чыма үүнэргэ ыйаахтаммытын кэннэ
              Чымнаайы = чымтан салаа уоһуран айгыстан тахсар кэмэ
              Ону көтүппүппүн.
              Онтон оһорор салгыы Оһорсуннуур.

              0
              • Толомон
                19 июня 2013
                 

                Саха тыла, бараххан...

                ***мин үчүгэйбин***

                [Сообщение редактировалось]
                0
            • К-2
              19 июня 2013
               

              Олус үчүгэйдик суруйбуккут. сахалыы билбэтим олус элбэх эбит.

              Эппиэтиҥ иһин бр5а махтал буолуохтун

              0
  • ыллык
    19 июня 2013
     

    .

    Килбэр сүнньүҥ ханньары тардыбатаҕына арыт син киһилии соҕус көрүүлэнэр эбиккин дии. Итиннэ баҕас мин сөпсөһөр эбиппин. Ол иһин мэлдьи этэбин саха тылын нуучча тылын быраабылатын үтүгүннэрэн үөрэтиллибэт диэн. Саха тылын "грамматикатын" таба суруллуутун атыннык үөрэтэр кэм кэллэҕэ. Атын бырагыраамма суруллуохтаах. Сахалыы истииллээх. Ханнык да "падежка" араарбакка, тыл олоҕун ырыппакка(корень, суффикс, окончание уо.ла.а.). Сүһүөҕүнэн араарар арыый ордук буолуо, атын да "варианы" көрдүххэ сөп этэ. Ноҕуруодап да киэнин саҥардан арыый көннөрөн биэрдэххэ куһаҕана суох буолуо. "Шириибин" кириллицэннэн эрэ уларытыахха сөп.

    0
    • К-2
      19 июня 2013
       

      :) сэгэр ханна ханньары тардыаласпыккын эттэҥий.

      Ылбычча уу сахалыы уймаан барар ыарахан буолуо биһигинньиктэрэ. Тыл үөрэ5э суох буолан бу диэн этэр кыа5ым суох, сөпсүһэр дуу хардарар дуу эбиим суох :).А так оскуола5а анал праграммалар баар буолуохтаахтар уу сахалыы саҥарар о5олор бааллар ээ.

      0
Ответ на тему: "Чыбыыда" диэн туох ис хоһоонноох тылый?
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания