Уважаемые пользователи, форум с 11 мая 2020 года объединился с другими республиканскими форумами под новым названием "Республика".
По этой ссылке добавлять новые сообщения невозможно. Все прежние темы с обсуждениями останутся доступными для чтения.
Добро пожаловать на объединенный форум "Республика"!
5 лет на форуме Автор Топ пользователь Все
Награды
5 лет на форуме
5 лет на форуме
Автор
Автор
Топ пользователь
Топ пользователь
1000 просмотров
1000 просмотров
Хоту дойду хонноҕуттан хоһооннору хостотолооҥ...
  1929
Хоту дойду холооноҕо

Дьааҥы таастаах хайатынан
Дьөһөгөй атын мэҥэстиэҕэ,
Дьоһун мааны тылларынан
Дьикти хоһоон кутуллуоҕа.

Саха тылын сааһылааҥҥыт
Сайа охсор салгыҥҥытын
Сырдык ыраас ыралааҥҥыт
Сыыйа тупсар кыахха тиэрдиҥ.



Дьэ эрэ, салгыытын саайан иһиҥ эрэ..
Ответов 36
  • Чаачар
    Чаачар
    Анатолий Бояркин
    22 августа 2012
     

    Саҥа суруйдум(экспромт)

    Көмүс күһүн күлбүтүнэн
    Күлүмүрдээн тиийэн кэллэ
    Күммүт күөнүн былытынан
    Күлүгүрдэн бүөлээн кээстэ.

    Оту маһы саһардартан
    Ончу билбэт атын суолу
    От күөх өҥү харыйаттан
    Олох кыайан уларыппат.

    Ардах диэни харыһыйбат
    Антах диэкки үтэйбэт,
    Аара суолга тохтоппокко
    Атаарыаҕа кыһыҥҥа.

    0
    • Чаачар
      Чаачар
      Анатолий Бояркин
      24 августа 2012
       

      Эмиэ саҥа

      Чуть наклонно смотрит ива
      Как же все кругом красиво
      Осень дал желтеть на ниве
      Очень даже всё правдиво.

      Листья вянут неспеша
      Вид такой неровно жёлтый
      Видно всем же хороша
      Тот пейзаж ничуть не пёстрый.

      0
      • Чаачар
        Чаачар
        Анатолий Бояркин
        25 августа 2012
         

        Салгыы барабыт

        Тахсыый дуу эн үрдүк халлааҥҥа
        Мин этэр тылларбын тириэрдээр
        Ол онтон эн миэхэ тиксэрээр
        Ийэ кут иэйиини ыытарын..

        Истиий дуу эн куйаар суугунун
        Итинник чуп-чуумпу курдугун
        Эн баҕар кулгааҕыҥ бүтэйэн
        Тыал тыаһын кэриэтэ истиэҕиҥ.

        Суох, ити тыал тыаһа буолатах
        Ити диэн үөһэттэн ийэ кут
        Илдьитин миэхэҕэ ыытарын
        Иэйэхсит аҕалыа манна күүт.

        0
        • Чаачар
          Чаачар
          Анатолий Бояркин
          26 августа 2012
           

          =

          Эһигини көҕүтүөҕүм


          Бу хоһоону ааҕан иһэн
          Тохтуур санааҥ кэлиэ суоҕа,
          Төһө даҕаны уһун тылбын
          Тулуйаҥҥын аахпатаргын.

          Бу хоһооҥҥо иэйии киирэн,
          Эйиэхэҕэ эмиэ тиийэн,
          Куйаар тыынын илдьит гынан
          Этэр тылбын хостоон иһиэм...

          Эһигини көҕүтээри,
          Хоһоон тылын хостотоору,
          Иэйии кыымын арыйаары,
          Илдьит этэ олордоҕум.

          "Иэйии киирбэт"-иҥин диэмэҥ!
          Иэйии дьиҥэр талан ылбат,
          Барыбытын тэҥҥэ булар,
          Барыбытын тэҥҥэ табар.

          Бастатаммыт ону биһи
          Бэлиэтээммит махтаныахха,
          Үрдүк айыы таҥарабыт
          Маннык дьолу биэртин билэн.

          Оччоҕоно алып аартык
          Арыллыаҕа куруук тэҥҥэ,
          Ханна да киирбиккиттэн,
          Иҥниэ суоҕа киирэриттэн.

          0
          • Чаачар
            Чаачар
            Анатолий Бояркин
            3 сентября 2012
             

            .

            Самаан сайын саараан турда
            Солбуттарар санаата суох,
            Көмүс күһүн кэтэһээхтиир
            Кэмэ кэлэн дьэ күүтээхтиир.

            Күммүт бүгүн чаҕылыйан
            Күлүмүрдүү күүскэ тыган,
            Сайыҥҥылыы сылааһынан
            Сирбит иэнин сылаанньытта.

            Күһүн уһуох да чинчилээх
            Күүттүн кэлэр солбук кэмин,
            Сылаас сайын сылдьа түстүн
            Сир аһыттан биэрэр тустан.

            0
            • Чаачар
              Чаачар
              Анатолий Бояркин
              3 сентября 2012
               

              .

              Кистэлэҥмин этэбин


              Эн куйааргын таптаа,
              Күн тыгарын кэрэхсээ,
              Сир ийэҕин ытыктаа,
              Айылҕаны харыстаа.

              Оччоҕоно эйиэхэ
              Бэлэҕиҥ кэлиэҕэ
              Күүппэккэ сылдьаҥҥын
              Эмискэ үөрүөҕүҥ...

              Эн үчүгэйи үксэт,
              Кэрэ тылы кэккэлэт,
              Санааҕын сааһылан
              Этэр тылгын иччилээ.

              Оччо5оно эйиэхэ
              Олохторуҥ отуора
              Оонньууга-күлүүгэ
              Оргууйдук көһүөҕэ...

              Харчыны, хаартыны
              Хараххар хатаама,
              Чэпчэки олоҕу
              Көхсүттэн тутума.

              Оччоҕоно эйиэхэ
              Бэйэтэ кэлиэҕэ
              Күннээҕи олоххор
              Истинник дьуоьуйуу...

              0
              • Чаачар
                Чаачар
                Анатолий Бояркин
                3 сентября 2012
                 

                Ссссссыыгынатыахха

                Санаабын салайар сахалыы саҥабын
                Сааһылаан саҥаран сайдарбын сититиһиэм
                Сиккиэргэ-самыырга сайҕана сылдьаммыт
                Сибэккии симэхтии ситиэҕэ силикпит

                Сорохтор сылааска симиллэ сытаннар,
                Салгыммыт сайаҕас суугунун сирэллэр,
                Сарсыҥҥы саардарын сарбына сылдьаннар,
                Сабыллан сириллэн саастарын ситэллэр.

                Сайдыыбыт силлиэтэ сиринэн сыыйыллар
                Салгыны саайталаан ситиммит салҕанар,
                Сырдыкпыт сааскыннан саҕахтыы сандааран.
                Сайыммыт сылааһын санатар сарсыарда.

                0
                • Чаачар
                  Чаачар
                  Анатолий Бояркин
                  4 сентября 2012
                   

                  .

                  Күлүмүрдүү күлэр күһүн
                  Көмүс суутун таҥыннарда
                  Күөх от өҥүн уларытта
                  Күһүҥҥүлүү киэбин кэттэ.

                  Эриэ дэхси өҥүн биэрэн
                  Хатыламмат көстүү буолан,
                  Куруук маннык турдар ханнык...
                  Курутуйбут курдук буоллум.

                  Санньыар санаам саппаҕыран
                  Саста былыт быыһыгар
                  Самнан түһүө ол дойдуттан
                  Самыыр буолан саккыраан...

                  0
  • Силиьэ Суох Хатынчаан
    24 октября 2012
     

    чаачарга

    то5о сутэн хааллын
    сэмэй саха бэйээтэ,
    сана санаа ситимин
    ситии сапка тиспэккэ.

    0
    • Чаачар
      Чаачар
      Анатолий Бояркин
      30 октября 2012
       

      .

          
      Дьааҥы таастаах хайаларын
      Дьаарыстаммыт айылҕатын
      Дьаамсык атын уорҕатыттан
      Дьааһыйбакка көрүөм этэ.

      Хос ырыата:

      Уруйдуубут-айхаллыыбыт
      Уран тылы уурталааммыт
      Улуу Дьааҥы куораппытын
      Уостан түспэт тылларынан.

      Ытык мааны дьоннордооҕо
      Ыллык тэбэн ырааттыллар
      Ырыа-тойук аргыстанан
      Ытыс үөһэ сырыттылар.

      Хос ырыата:



      Үйэлэртэн үйэлэргэ
      Үгүс үтүө ааты сүгэн
      Үчүгэйи үксэтэргэ
      Үтүмэннээх өҥөлөрдөөх

      Хос ырыата:

      0
  • Сулди
    12 сентября 2012
     

    Чаачарга эппиэт

    Ытык мааны дойдубут
    Ыныр ымыы ырыатынан
    Ылаан санаабын уордэннин
    Ыраас куппар инэрэннин
    Ыллат ахтар мин сурэхпин
    Ытат мууммут мин дууьабын
    Ыксаан тиийиэм мин дойдубар
    Ыраах суолу быьа тутан

    0
  • Силиьэ Суох Хатынчаан
    19 октября 2012
     

    сэмэй Саха бэйээтигэр этэбин...

    Хоьоонун алыптаах тыллара,
    Кырдьык да киьини ке5утуех,
    Санаам ута5ын аргыый сыыйан,
    Ыраахха, сырдыкка кетутуех...

    Утуену-мекуну таллара
    Олорон ааспыты санатыах,
    Очуру-таалары аттара
    Оло5ум оьуорун ойуулуох...

    Айа тур, бу курдук ырааьы,
    Угус саха сурэ5ин уердэ
    Аман тыл уранын таланнын
    Сургэни - санааны кете5е...

    0
    • Чаачар
      Чаачар
      Анатолий Бояркин
      28 октября 2012
       

      .

      Тугу да толкуйдуур турук суох,
      Туойар тыл бэйэтэ киирииһи.
      Тохтооммут уоспутун оҥостуох,
      Төрүт тыл туойуллан хаалыыһы.

      Биһиги билэммит ол ону,
      Бастатан этиллэр тылбытын,
      Бэрсиэхпит таһаарар тымтыгын.
      Буойбакка, тыырынан солону.

      Туох да диэҥ, мин тылым торумун,
      Тахсыахтаах иэйиибит долгунун,
      Таарыйар ис кэрэ дьиктитин,
      Таптала кэрэхсиир сонунун.

      Ааспытын да кэннэ билигин
      Алгыспыт дьайыытын ис дьиҥин,
      Айаммыт аартыгын дьиримин
      Ааҕыахпыт дьүкээбил суһумун.

      Ханныгын да иһин биһиги
      Хааттарбыт тылбытын таһаарыах,
      Хааччахтаах оҕочоон биһигэр,
      Хааларбат туһуттан саҥарыах.

      0
      • Чаачар
        Чаачар
        Анатолий Бояркин
        28 октября 2012
         

        .

        Айар аартык алыбар
        Айаннаатым оргууйдук
        Айаан күөлүн үрдүнэн
        Айбыт айыым атаарар.

        Айдарыылаах куйаартан
        Айдаан курдук иһиллэр
        Айаас аттыы сыыйыллан
        Айыы тыла субуллар.

        Алҕас тахсыа дии санаан
        Алҕаһаабат баҕаттан
        Алгыс тылын чопчулаан
        Аргыый туттуом саҥаттан.

        Айбыт айыым арчылыа
        Айыы тылын бэлэхтиэ
        Аргыстаһан арыаллыа
        Айар аартык арыллыа.

        0
        • Чаачар
          Чаачар
          Анатолий Бояркин
          29 октября 2012
           

          .

          Бастыҥ тылы буламмын
          Бастыҥалыы иилэммин
          Бастаккыттан саҕалаан
          Баспын күүскэ имитиэм.

          Балысханнаах байҕалы
          Балкыыр ытык долгунун
          Балык ыамныыр дойтутун
          Балай эрэ баһыаҕым.

          Баллыгырыыр дэппэккэ
          Балкыыр тылы эппэккэ
          Балыс-убай диэбэккэ
          Байым тылы этиэҕим.

          Билим тылын биһирээн
          Билиҥҥитэн үөрэтэн
          Билиибитин үрдэтэн
          Билгэбитин арыйыах.

          Бар дьоммуттан ыйытыам:
          Барсыыһы дуо бастатан,
          Бараммат баай тылбытын
          Барыыстаахтык хостуурум

          0
          • Чаачар
            Чаачар
            Анатолий Бояркин
            29 октября 2012
             

            .

            Дойдум ыраас салгынын
            Добуоччутук тыынаммын,
            Дорҕоон тыаһын таһааран
            Доргутаммын соһутуом.

            Доҕотторбун кытары
            Дохсун ытыс тыаһынан
            Домох сонун тылларын
            Доҕуһуоллаан көрсүөхпүт.

            Дуйдаах тылбыт туоһутун
            Дуорааныттан билэммит
            Дугуруҥнаан көрбөккө
            Дуоһуйууну ылыахпыт.

            Дабыдалбыт салҕанан
            Дайар сирбит ыраатыа
            Далбар хотун ийэбит
            Далааһыннаан салайыа.

            Дириҥ тылбыт суолтатын
            Дириҥэтэн көрдөххө
            Дьикти дьиибэ күүстэрин
            Дьиктиргээммит сөҕөбүт.

            Дьоһун тылбыт дорҕооно
            Дьону үөрдэ сылдьыахтын
            Дьоро киэһэни тупсаран
            Дьолу биэрэн тосхотуо.

            0
            • Чаачар
              Чаачар
              Анатолий Бояркин
              30 октября 2012
               

              .

              Илбистээх тыл иэйиитэ
              Илдьэн иһиэ инники
              Илдьиритэн тобулуу
              Илдьи тыытыа төбөнү.

              Илин эҥэр өттүттэн
              Илдьит кэлэн этиэҕэ
              Илим үтэр кэриэтэ
              Иилэн биэриэ тыллары.

              Илин кэлин түсүһэн
              Илии-илии ылсыһан
              Иилии көтө эргийэн
              Иллээх тылы этиэҕиҥ.

              0
              • Чаачар
                Чаачар
                Анатолий Бояркин
                31 октября 2012
                 

                иэ

                Иэйии киирдэҕинэ
                Иэдэс биэрбэккэ
                Иэмин-дьаамын булан
                Иэйдэххэ-туойдахха

                Иэн кэдэриҥнээбэт
                Иэс баайыллыбат,
                Иэримэ дьиэбит
                Иэрчэҕэ элэйбэт.

                0
                • Чаачар
                  Чаачар
                  Анатолий Бояркин
                  31 октября 2012
                   

                  к

                  Кыратык да буоллар
                  Кыһалҕаны умнан
                  Кыһыылаах тыллары
                  Кырыы кырыытынан
                  Кыбытан истэххэ
                  Кыһыҥҥы тымныыга
                  Кыһыл илииннэн
                  Кырыа хаары хаһардааҕар,
                  Кытыйаннан-хамыйаҕынан
                  Кырбаһа олорордооҕор,
                  Кыһыл тылынан кыырардааҕар
                  Кырдьык даҕаны,
                  Кыра да буоллар туһалааҕа дуу?
                  Кылаан да кылбарыйбат ини...

                  0
  • Чаачар
    Чаачар
    Анатолий Бояркин
    31 октября 2012
     

    м

    Муҥура суох тылбытын
    Муҥур уһукка тиэрдимэҥ
    Муҥу-сөру көрдөрүмэҥ
    Муҥ кыраайынан саҥардыҥ.

    Мух-мах буолбакка
    Муннугу кэйбэккэ
    Мурун быатын соспокко
    Муус сүрэхтэнимэҥ.

    Мэйиини имитэн
    Мээнэннэн көрбөккө
    Мааһын табан этии
    Манан аҕай буолбатах.

    0
  • Чаачар
    Чаачар
    Анатолий Бояркин
    3 ноября 2012
     

    .

    Халлааны ыспыттар сулустар
    Хайаан да дьэ көстөр буолбуттар,
    Тыйыстык дьиппиэрбит урдустар
    Тыыннарын санатар курдуктар.

    Халлааммыт түгэҕэ биллибэт
    Хаарыаннаах салгыны ириэрбэт,
    Тымныыннан тырымнаан тыгаллар
    Тууйуллар санаабын тыыталлар.

    Туох,хаһан буоларын түстүүллэр
    Таарыйа дьылҕаны кэпсииллэр,
    Көрдөххө нимийбит курдуктар
    Ол эрэн бэлиэни биэрэллэр.

    0
    • Чаачар
      Чаачар
      Анатолий Бояркин
      5 ноября 2012
       

      .

      Уйулҕам хамсаата тыллартан
      Уйугас сүрэҕим тэбиэлиир,
      Уйабын саҥаттаан оҥорон
      Уйаммын -хатаммын билгэлиир.

      Уус-уран ураты тылбытын
      Уу ылбат, уот сиэбэт буоллаҕа,
      Уола-хаан уот сытыы этиитин
      Уолуктан таһааран эрдэҕэ.

      Уоспутун утары тутаммыт
      Уостубат тыллары таһаарыах,
      Уоскуйа быһыыннан туттаммыт
      Уон араас этиини быктарыах.

      0
  • Чаран
    1 февраля 2013
     

    Хоьоон

    Чаачар, дорообо! Выйди на связь пожалуйста. Как тя найти?

    0
    • Чаачар
      Чаачар
      Анатолий Бояркин
      3 февраля 2013
       

      Пагердаа номергын

      эрийиэм

      0
  • S.W.A.T.
    3 февраля 2013
     

    Нахх!!!

    Бла бла бла
    *** *** Джигурда .))

    0
  • Чаачар
    Чаачар
    Анатолий Бояркин
    16 октября 2013
     

    хоһоон киирбэтэҕэ ыраатта

    0
    • Ддд
      16 октября 2013
       

      ...

      Хо4ооннор - И4ирэх тыллар, кистэл санаалар, Иэйиигэ уйдарар дор5оонор, Хатыламмат дьикти майгылар - Баар эбиттэр сурэ5им далыгар!

      0
      • кэрэхсээбит
        19 октября 2013
         

        маладьыас

        Бу киммит кэлэн кэрэ бэйэлээхтик этэн-тыынан эрдэ5эй диэн соьуйан, со5он ,махтайан суруйдум маннык талаан аатын суолун ким буолла?!

        0
        • ыраахтан
          10 ноября 2013
           

          син дуу

          мин кэллим тереебут дойдубар
          ыраахтан эйиэхэ айаннаан
          уьун суол тердугэр тураммын
          керебун эн кэрэ кестуугун

          дорообо дойдум дорообо
          кэрэ5ин эн миэхэ еруутун
          угуйар сырдыгынан кини
          тииттэрдээх ойуура, алыыта

          0
          • Северняя сияние
            10 ноября 2013
             

            Олус бэртээхэй.

            0
  • 222
    11 ноября 2013
     

    Холонон көрүөм, баалаабат инигит

    Тулабын барыкка тумнарда
    Өстүйбүт күһүҥҥү хараҥа,
    Суоһурда хара түүн куттала
    Тыҥаата күлүктүү манаһа.

    Көрдүүбүн мин доҕор гынаары
    Биир кылам сырдыгы-сылааһы,
    Туох кэлиэй!
    Арай ол сулустар
    Бааллар да, олус да ыраахтар!

    Соҕотох, тулаайах буолан дуу
    Баар эрэ барыта тоҥкуруун,
    Көмүллүүр санааттан салҕан дуу
    Көҥүлбүн суохтаатым олуһун!

    Күнүһүн сай күөҕүн батыһа
    Мин үөрүм соҕуруу көппүтэ,
    Биир бэдик буруйа барыта -
    Хааллым дии, биир эрэ күннүккэ.

    Төһө да уһаатын хараҥа
    Мин бу түүн бүтэрин кэтэһиэм,
    Көтөрү сатыыбын, хайаан да
    Саҥаттан хотоҕой үүннэриэм!

    Сарсыарда, хатан тыҥ хатыыта
    Мин үөрүм ыҥыран хаһыытыа,
    Оччоҕо,
    Мин дьулуур муҥунан,
    Муҥутуур быыппастар уоҕунан
    Көтүөҕүм,
    Хайаан да көтүөҕүм!
    Көтүөҕүм!
    Мин көҥүл көтөрбүн!

    Уолуйуу, тууйуллуу уһугар
    Ардыгар биир санаа тыын угар,
    Күүтэбин,
    Сүрэҕим ньүөлүйэр,
    Оо, хаһан эрэ бу түүн бүтэр!

    0
  • батагаец
    13 ноября 2013
     

    М да

    Ущейдык суруйар эбиккит

    0
  • Аа5ан баран
    15 ноября 2013
     

    Аахтым

    Бэт бэт сруйаан иьин

    0
    • Читатель
      11 июня 2019
       

      Аа5ан баран, чётко

      0
  • хоьооннору бугун аахпатым, Потом аагыам
    15 июня 2019
     

    Сана топ дии санаатым, онтугут 2012 сыллаах топ эбит. Ити эргэ топ сэттис сыла.

    0
Обратная связь