Сахалыы хоьооннор
Мутукча  -    14097
Олохпор туора турума
Чараас сурэхпин аймаама
Таптал тылларын этимэ
Эппиэттиэ диэн эрэнимэ.
Эрэн арай эдэргэр
Эрэллээх до5ор булуоххар
Эрийсэн кэргэн ылыаххар
Эйэлээх ыал буолуоххар.
Оччо5о мин санаам сай5аныа
Ыраа5ы чугаьы ыралыа
Дьоллоох эбит дии саныа
Сопко гыммытын билиниэ.
Ол эрэн сурэхпэр эрэл суох
Кун аайы чарааьаан иьээхтиэ
До5орун сутэрэн ытаахтыа
Билэр суох хаьыгар тиийээхтиэн
Ответов 36 Написать ответ
  • Tuskul
    5 июля 2009  

    Туймаада(отрывок)



    Саха Сирин мааны хочото
    Олонхо дойдутун сурун сор5ото
    8бугэм булбут-талбыт кытыла
    Ураанхайдар олохсуйбуттара ол онтон ыла...
    Эйиэхэ кэлэммин буллум бэйэбин
    Ал5ыыр тылларбыттан бэйэ5эр куус-к8м8 эбин...
    Эйиэхэ олороллор дьон арааhа
    Интин дьон санаатын ырааhа
    Тэйдиннэр киттитэр кирдээх дьон тыллара
    Олохсуйдуннар саха дьоhун-мааны ыаллара...
    Кэлэр-барар дьону мичээрдии к8рус
    Эн аттыгар баар дии улуу 8рус...

    0
    • Ийэ
      6 июля 2009  

      стихи

      Эпическай хабааннаах хоьооннор. Дор5оон дьуорэлэьиитин тутуьа сатаабыккыт. Ол эрээри, хоьооннор логическай ситимнэрэ ситэ оноьуллубатах, уобарастааьыннара тутах со5ус. Интэриэьиргиир буоллаххытына, салгыы ырытыам.

      0
    • Ийэ
      6 июля 2009  

      стихи

      Эпическай хабааннаах хоьооннор. Дор5оон дьуорэлэьиитин тутуьа сатаабыккыт. Ол эрээри, хоьооннор логическай ситимнэрэ ситэ оноьуллубатах, уобарастааьыннара тутах со5ус. Интэриэьиргиир буоллаххытына, салгыы ырытыам.

      0
      • Tuskul
        7 июля 2009  

        Ийэ

        Дьэ эрэ, олус да сэhэргээн аа5ыам этэ.:) Олоххо билбэтим корботум олус элбэх, сана уон тохсус хаарбын уулларан, суурбэhиспин айыл5а уhуктарын кордум.:)

        0
        • Мутукча
          20 июля 2009  

          Ийэ


          Хонтуорабыт иьигэр
          Хобу-сиби тар5атар
          Хотуттарбыт элбэхтэр
          Хобулууллар сиилииллэр
          Холуннара эбэллэр.
          Толкуйдуу да барбакка
          То5о-хоро кэпсииллэр
          То5отун да билбэккэ
          Тойоннорун хотоллор
          Хайаларын ханна
          Хаьан хайдах хаайбытын
          Хаьаайкалар барахсаттар
          Хайаан да билэллэр
          Хай5ана саныыллар.
          Хосторун иьигэр
          Хомуллан олорон
          Хоьу хомуйааччыны
          Олуьун кэтэьэллэр.
          Онтубут барахсан
          Хос иьигэр холуруктанан
          Хорос гына тустэ да
          Хобугунаан барааччы.

          Хонон турбут
          Хомо5ой тыллаах
          Хомуйааччы сордоох
          Хойутуу кэллэ.
          Хонтуорабыт хотуттара
          Хомуйааччы диэки
          Хойуу хаастарын
          Хомуйдулар эрээри
          Хоморуйа барбатылар
          Хобу-сиби истээри
          Хотоллон олордулар
          Хомуйаачы котоку
          Хойутаан кэлбитин саптынаары
          Хоп-сип хоьоонун
          Хоьуйбутунан барар:
          «Хотуйдарыам, хотуттарыам
          Хомойуман, хоргутуман
          Хос турбут туруута
          Хойутуу да хомуллуо.
          Холлоохопппут хотуйдуор
          Холоонноох хотунунуун
          Хоонньоспот буолбуттар
          Хобороостуун ходуьа5а
          Хороьор эбиттэр.
          Холлоохоппут ойо5о
          Холоонноо5ун хоойуттан
          Хоборооьу хостообут
          Хобордоо5унан сойуппут
          Холун хоннорбут»
          Хонкулдьуспут хотуттарбыт
          Холоон да эбиттэр
          Хойуу со5устук
          Уокка тууьу эбэннэр
          Холуннаран биэрдилэр
          «Хоборооьо хотуйдуор
          Холуочук уьу» - дэстилэр

          Хомуйааччы сордоох
          Туга кэлиэй эрэйдээх
          Хойуу ууттэх чэйин
          Сыпсырыйа-сыпсырыйа
          Чумэчи тутан турбутттуу
          Хоп-сип хоьоонун
          Хойуннарбытынан барда:
          «Туулээхэппит ойо5о
          Тууннэри куулэйдээн
          Тугу эрэ булуммут
          Туура утуйбат буолбут»
          Ону истээт хотуттарбыт
          Буолан-хаалан турдулар
          Киьитэ кимин билээри
          Киьиргэьэ-киьиргэьэ
          Кэбилэнэн да биэрдилэр
          Кимниин кэпсэппитин
          Кими хайдах корбутун
          Тууйэ таайа сатаатылар
          Туулэхэбэ эрэйдээ5и
          Туутун ургээн бутэрдилэр
          Хара сыстылар
          Унуо5ун ылан бырахтылар
          Этин сиинин сиэтилэр
          Хата ха5ын хааллардылар

          Оот, татай!
          Таба тайаннылар!
          Таайан таьыйан ыллылар!
          Таарбаахаптар уоллара
          Тараас эбит дэстилэр.
          Чуочэлэрбит уордулэр
          Чумэчитэ да суох сэрэйэр
          Эрэттэр буолан биэрдилэр.
          Туостэрин охсуннулар
          Бэйэлэрин биьирээтилэр
          Хайаан да хайганнылар

          Хоьуун хоодуот хотойдуу
          Хонууну хоруппуттаа5ар
          Тииьигирэн туран
          Тирии имиппиттээ5эр
          Тириттилэр хоруттулар
          Орутэ тыыммахтаатылар
          Уьуутаан ыллылар
          Ьуу, гыннылар
          Уьулуччу буоллулар.

          Чэйдэрин истилэр.
          Сэниэ киллэрдилэр.
          Табах тартылар
          Тахсан киирдилэр
          Ыспараапка ылаары
          Ыстаппаан Ыстыырап
          Ыстаналаан киирбитин
          Ыксаан олорор
          Кинилэр эрэ буоллулар
          Бокуойа суохтарын
          Куолулаан биэрдилэр
          Киэр бар диэтилэр
          Ыстаппаан тахсаатын
          Ыыстаан саайдылар
          Ыстарааптыах буоллулар
          Ыстыырап ойо5ун
          Ырыа Ылдьаананы
          Ыстаан ыллылар
          Ылдьаана котоку
          Ыллыы сылдьан
          Ыксаллаахха ыктаран
          Ыстаппаанна тахсыбытын
          Билэллэрин дакаастаан
          Ыыра ыраах тиийдилэр.

          Дьэ уоскуйуохча буолан иьэн
          Туннуктэрин аннынан
          Сэрэх Сэмэн кыыьа
          Сэгэлдьийэн иьэрин
          Сэмэй Суокуччэни
          Сэмэлээн бардылар
          Силиэстийэ ыыттылар
          Сэттэ тыллаах буоллулар
          Сэмэйин аанньа
          Сиридэх кини буолла
          Энин араас эрэттэри
          Эрбэхтэрин иьигэр
          Эргитэр эбээт дэстилэр
          Эриэбэ5э биэрдилэр.
          Ор буолбатылар
          Остуьуннэртээн кээстилэр
          Уруо-тараа ыыттылар
          Оссо эбэн биэрдилэр
          Ол дьыала5а
          Олоксоон кутуотун
          Олоксойу состулар
          «Ойум-санаам Суокуччэ5э» диирин
          Ойдоон хаалбыт буолбуттар.

          Кырдьа барбыт кыыьы
          Суоппуйа дьахтары
          Соьуччу оронуттан
          Ойутан туруоран
          Со5ото5ун собулээбэккэ
          Ойох биэрэргэ
          Сыал-сорук туруоруннулар.
          Сорохторун сирдилэр
          Атыттарын атыныраатылар
          Суоппуйа сордоо5у
          Соьо сылдьан сордоотулар
          Бэйэлэрэ да эрэйдэннилэр
          Сэниэлэрэ эьиннэ
          Силгэлэрэ иилиьиннэ
          Синэ биир дэстилэр
          Суолтатыгар да буоллар
          Суоппар уолга ыланнар
          Суорумньулуур буоллулар.


          Хотуттарбыт барахсаттар
          Хойукка дылы олордулар
          Хосторун иьэ
          Кус-хаас санатыныы
          Хойдон олордо
          Хотон сыттанна.
          Хоп-сип хос сытыгар
          Хотуттарбыт барахсаттар
          Хотторон бардылар
          Холуочуйа сыстылар.


          Хонор хаастыы
          Хоноччу туттубут
          Хонтуорабыт хотуттара
          Хоьууннахай бэйэлээх
          Хоьу да хомуйааччылар
          Хобу-сиби хомуйан
          Хоту-илин тар5атан
          Хобугунуу сылдьыбыккыт
          Холлоохопкут хотуйдуор
          Холуобунай дьыала5а
          Хоруйдата сатаарай
          Туулээхэпкит ойо5о
          Турулуону тардаарай
          Тубугурдэ сылдьаарай!

          Тууйэ-таайа сылдьыбыккыт
          Туунну тулурбэххит
          Туулээхэбэ хотуннут
          Туулгутугэр киирээрэй.
          Холлоохобкут Хоборооьун
          Хото-оонньуу олорбуккут
          Хотуттарга бэйэ5итигэр
          Хонугунан тиийээрэй.
          Хомуйааччы курдук
          Хомуйан ылан хоьуйар
          Холбуйан ылан быра5ар
          Хобу-сиби са5алааччыга
          Хомойоргут тирээрэй
          Хоргутаргыт буолаарай!

          Ийэ, маны туох дии саныыгын?

          0
          • Сардаана
            5 июня 2011  

            хоһоон

            Сэргии көрөрбүн биллэрэн
            Таайтарардыы имнэниэм.
            Хайыаҥ этэй оччоҕо,
            Таптыы көрөр биэбэйим?

            Үөрэн сэгэйэ түһээт да
            Өрө сүүрэн кэллэргин
            Соһуйбуттуу туттуоҕум
            Тута куота көтүөҕүм.

            Тылгыттан матан турдаргын
            Хомойбуттуу туттуоҕум,
            Аттыгынан ааһан иһэн
            Өрө тыынан ылыаҕым.

            Соҕотохпор түбэһэн
            Күөйэ көтөн ылларгын
            Дьиибэлээхтик көрөөт да,
            Эмиэ куота көтүөҕүм.

            Сибэкки дьөрбөтө тутуурдаах
            Долгуйа, үөһэ тыына
            Дьиэбэр киирэн кэллэргин
            Хайыам этэй оччоҕо?

            0
          • .
            23 ноября 2012  

            .

            0
          • ссс
            9 апреля 2014  

            дорообо!

            хоьоонун уут маска эппит. михэ баьаалыста культурнай поведение культура туьунан а5ыйах тыллаах хоьоонно суруйан биэрэгин до

            0
  • Кэбуки
    5 июня 2011  

    хоһоонньуттар өссө суруйуҥ, ааҕабын.

    0
    • Люблю мамины пирожки
      7 июня 2011  

      Биир кэрэ кыыска "таптал" диэн тылы туттубакка эрэ хайдах таптыырбын туhунан хоhоон суруйуохха себуй

      Миэхэ "ба5арабын" диэн тылтан атын туох да киирбэт. Кылгас хоhоон, биир смс иhигэр батар.

      0
      • Shergylana
        Shergylana
        Саргылана Федорова
        7 июня 2011  

        .

        Туулбэр ду илэ ду костон аастын, сурэхпэр сурун миэстэтин ыллын, хас сана уунэр куннэ-тэннэ бииргэ уьуктан миигин дьоллоорууй.

        0
        • тимирхаан
          28 июня 2011  

          Аҕынным даҕаны

          Муораттан илгийэр сиккиэр тыаллыын
          Ахтылҕан ырыатын ыллаһан,
          Сир куйаас мэлдьи күѳх уһугуттан
          Эйиэхэ илдьиппин ыытабын.
          Халыҥ муус, маҥан хаар үллүктэнэн
          Иһийэн эн нуктаан эрдэҕиҥ –
          Сүрэхпэр сѳҥѳрбүт тапталгынан
          Кырыалаах кыстыкпар тардыстым.

          Күүскэ аҕынным эйигин –
          Тымныы хам кууспут дойдутун,
          Сылаас иэйиибин дайытан
          Аҕынным даҕаны, аҕынным даҕаны,
          Олус да аҕынным!

          Муораҕа умсаахтыыр даллан куоҕас
          Сахалыы кыланан ылбахтыыр,
          Санаабар иллэһэн бэйэбиттэн
          Дойдутун сааскытын сураһар.
          Түҥ Бүлүү кытыла сылаас тыыннаах -
          Ханнык да иэйииттэн сүр күүстээх,
          Хотугу дойдубут ахтылҕаннаах -
          Үѳскээбит тѳрүт буор тардыылаах.

          Күүскэ аҕынным эйигин –
          Тымныы хам кууспут дойдутун,
          Сылаас иэйиибин дайытан
          Аҕынным даҕаны, аҕынным даҕаны,
          Олус да аҕынным!

          0
          • Кэбуки
            29 июня 2011  

            :

            Туора сылдьан
            Тоҥуй саха
            Туохтааҕар да ахтар
            Түөлбэ тылын,
            Сахалыы саҥарар
            Саха аймаҕын.
            Эрэнэ маныыр
            Элэстэнэр сирэйдэри,
            Батыһа көрөр,
            Баҕар, дьолбор, саха
            Буолуо дуо диэн...

            0
  • Timirkhan
    2 июля 2011  

    Дойдубар

    ДОЙДУБАР

    Айан тыала
    Үѳрэ кѳрсѳр
    Ахтылҕаннаах ытык сирбэр,
    Куорсун аспыт
    Тѳрүт буорбар -
    Аргыс буолар алаас күѳлбэр.

    _Күндү сирим алаас күѳлүм –
    _Ахтылҕаннаах тѳрүт буорум,
    _Истиҥ иэйиим, ырыа кутум,
    _Үйэлэргэ сүппэт үѳрүүм))

    Күүстээх таптал
    Уйадыйа
    Ахтылҕанын аһарынар,
    Иэйиим киирэн –
    Кутум оонньоон
    Ааспыт дьоллоох кэмин туойар.

    Сайдыы суола
    Сэмээр тумна,
    Аргыый аастын таарыйбакка,
    Тѳрүт кэрэҥ –
    Аар айылҕаҥ
    Кэхтибэккэ тупса турдун))

    0
    • тимирхаан
      5 июля 2011  

      СИР ИЙЭ

      Олоҕум түстэммит алааһар
      Үгүс сыл кэнниттэн бу бүгүн,
      Оҕолуу курдаттыы тартаран,
      Айаҥҥа турунан кэллим мин.

      Оо, дойдуом!
      Сир ийэм,
      Кѳрсүһүү иэйиитэ истиҥиэн,
      Хараастыы кѳҕүһэ ыгымыан…
      Уйадыттаххыан,
      Оо, ахтыбыппыан -
      Тѳрүт буор иитиэхтиир сылааһын,
      Ийэ, аҕа иҥэрбит тапталын.

      Барыта быдан дьыл быылыгар
      Сүппүтэ, саспыта абатын.
      Өй - санаа сэгэппит быыһыгар
      Ааспыт дьол кѳстѳрѳ аһыытын.

      Оо, дойдуом!
      Сир ийэм,
      Кѳрсүһүү иэйиитэ истиҥиэн,
      Хараастыы кѳҕүһэ ыгымыан…
      Уйадыттаххыан,
      Оо, ахтыбыппыан -
      Тѳрүт буор иитиэхтиир сылааһын,
      Ийэ, аҕа иҥэрбит тапталын.

      0
      • timir
        13 июля 2011  

        Nbgf v.pbrk

        СИРДЭЭҔИ АНАЛ

        «Мин билбэппин эн ханна сылдьаргын,
        Кимниин сиэттиһэн күнү кѳрсѳргүн –
        Ахтылҕан аалар күүһэр ылларан,
        Дьолго тардыһан кѳрсѳбүт хаһан?!»

        «Умнубаппын мин сылаас мичээргин,
        Кэрэ мѳссүѳҥҥүн, киэргэтэр имҥин.
        Харахпын симэн ѳрүкүйэбин –
        Бу сааскы имэҥ кутаа уотуттан!»

        «Харах ууланар ааспыты саныы,
        Сүрэх айманар курустук ыллыы…
        Оо, дьэ эн тоҕо тиийэн кэлбэккин,
        Сааскы күѳх торҕо тыаҕа сиэппэккин?!»

        « Өр да күүттүм мин кѳрсүһүү күнүн,
        Сүрэҕи холбуур тапталбыт күүһүн…
        Мэлдьи харыстыам дьылҕам бэлэҕин,
        Күннэтэ үѳрдүѳм ѳрүү эйигин.»

        «Кѳрсүспүт күммүт» - «Чаҕылхай сырдык»…
        «Дьоллоох саас үүммүт» - «Анаабыт курдук»…
        «Ахтар Айыыһыт» - «Ыал кутун алҕаан»,
        «Сирдээҕи анал баарыгар махтал!»

        0
        • timir
          19 июля 2011  

          Ийээ

          ИЙЭЭ, АСТАА

          Ахтан кэллим, ийээ, астаа -
          Саламааттаах алаадьыта,
          Оҕо сааспын санатыахтыы,
          Дьоро кэмин эргитиэхтии.
          _ Ийээ, астаа – сииргэ астык,
          _ Уруккулуу минньигэстик.

          Тѳрүт сирим – сайылыгым
          Ойбут күнүн уотун кѳрсѳ,
          Саҥа буспут ас сытынан
          Тулаһам тулата туолла.
          _ Ийээ, астаа – сииргэ астык,
          _ Ахтылҕаммын минньигэстик.

          Оҕо сылдьан оонньоон-күлэн
          Тэҥҥэ турбут алаас уола,
          Сарсыардааҥы сииги кэһэн
          Кэлэн чэйдэс, ыалдьыт буола.
          _ Ийээ, астаа – сииргэ астык,
          _ Бары бииргэ минньигэстик.

          1
    • кыыс
      16 января 2015  

      привет

      бу маны ырыа гыныахпын автор конуллуугун?

      1
  • Тимирхаан
    23 июля 2011  

    Туойсуу

    Үрүҥ түүн үѳрүүтэ

    «Бүлүү эбэм кытыла,
    Сардааналаах кырдала –
    Силис тардар тѳрүт буор
    Сылаанньытар сылааһа.
    Сааһы кытта сиэттиһэн
    Күнү кытта күлсэбин,
    Ыйы кытта ыллаһан
    Симэх оттуу тыллабын.»

    «Бүлүү эбэм киэргэлэ,
    Садын сирин симэҕэ,
    Сүрэх кистэл иэйиитэ –
    Сүлдьүкээрим кыысчаана,
    Чуумпу киэһэ кытылга
    Кѳрѳн үѳрдүм эйигин,
    Кыымнаах мичээр бэлэхтээн
    Мин сурэхпин аймаатыҥ.»

    «Бүлүү эбэ кэрэтэ –
    Үрүҥ түүнүн үгэнэ…
    Сааскы кѳргѳ кыттыһа
    Сэргэстэһэ хаамсыахха.»
    «Саҥа тыллар сибэкки
    Кэрэ ньуурун кэриэтэ –
    Нарын – намчы бэйэҕин
    Оргууй уураан ылларбын…»

    «Бүлүү эбэ уһуннун
    Үйэлэргэ уһуннук –
    Таптал уоттаах кутаата
    Уостубат дьылҕаланнын.»

    0
    • timir
      31 июля 2011  

      Ытык Эбэ ыччата

      Сэргии кѳстѳр сэбэрэлээх
      Арыктаах сэргэх уолана
      Тойон муҥха туонатыгар
      Үтүмэх сүүрдэр үлэлээх.

      Саха тѳрүт үгэһин туомун салҕааччы,
      Кэскил тѳрдѳ буолааччы – Ытык Эбэ ыччата.

      Олох уораан дьыбарыгар
      Олох кыһарыйтарбакка
      Тѳрүт идэ чѳл утумун
      Кэнчээригэр тиэрдэн уһуй.

      Эмис собо, арыы – сыа, Байанай мааныта –
      Аргыстаннын олоххут Ытык Эбэ ыччата.

      Тиэтэл, туруу сырыылартан
      Сѳҥѳн хаалбыт ѳйдѳбүллэр
      Иэйиилээх айан аартыгар
      Салгыы ыҥырар курдуктар.

      Аҕа баһын тосту олор дойдум хоһууна,
      Алгыс баһын эн сыалаа, Ытык Эбэ ыччата.

      0
  • Сахайаана
    2 августа 2011  

    хоЬооннор тустарынан

    Олус мелтехтер, киЬи хомойуох, тыыппалаах хоЬоону кербетум. Тема5ыт, тылгыт-ескут санаа5ыт кылгаЬын ырылыччы кердере сытар. Кырдьык иЬин хоргутуман.

    0
    • HALAN
      29 августа 2011  

      ок-сиэ

      киһи да сонньуйуох...
      Кириитикэлиир, сиилиир чэпчэки. Үчүгэйин, сүмэтин булан хайҕыыр ыарахан.

      0
  • timir
    2 августа 2011  

    ОЛОХ МҮӨТЭ

    Имик – самык уот сырдыгар
    Хааным оонньоон тыыным кылгыыр,
    Эдэр сааска маннык түгэн
    «Олох мүөтэ», - диэн буоллаҕа.

    Сахайаана - түүҥҥү лыахчаан,
    Солко бүтэй таҕыл таһааҥ
    Таарыйбахтыыр уоттуу салаан.

    Эймэнитэр түүҥҥү баҕам
    Имэҥ куолуун эйэргэһэ,
    Бугуһуйбут хааным хамнаан,
    Хомуһунтан кыылым туран.

    Сахайаана – аптаах кыысчаан,
    Сүрэх күүрдэ, билиэн барда,
    Туйгун өйө туймаарыйда.

    Өссө, өссө, өссө эрдэ,
    Олох мүөтүн өссө биирдэ –
    Элэй – мэлэй сааты умна,
    Буолар буолбут суолу тумна.

    Сахайаана - түүҥҥү кыысчаан,
    Ааһар былыт, албын иэйии,
    Кыынньар көҕүс туохтан буолуой?

    0
    • Timirkhan
      6 августа 2011  

      Дьоллоох буолаар, эн олоххор

      Сайын үтүѳтүн атаарса
      Сонун үлэҕэ эриллэн,
      Саҥа түспүт кырдаайылыын
      Салгын кутум кѳтѳ дайар –

      _ Хатыҥ күлүгэр сѳрүүкүүр
      _ Ходуһам нарын симэҕэ,
      _ Харах харатын кэриэтэ
      _ Ханна саһан үүммүккүнүй?!

      Күн кѳмүс сардаҥатынан
      Эн тулаҕар сыдьаай ыһар,
      Сылаас иэйиим ымыы буолан
      Субууҥ тула эргичийэр.

      _ Куйаас күнүм сыдьаай куота
      _ Куурбут оттуун ѳрѳ тустан,
      _ Киппэ бугул түѳһүн ууран
      _ Кыраабыллыыр миигин куота…

      Айыы түспүт алааһыгар
      Күннүүн күлэр куйаас халлаан;
      Айаннатыах аргыый наллаан
      Омурҕанныыр от отуугар.

      _ Дьоһун дьоннуун эҥэрдэһэр
      _ Дуоһуйа кѳрбүт кыысчааным –
      _ Дойдум отчут кэрэ куота,
      _ Дьоллоох буолаар, эн олоххор.

      0
      • Timirkhan
        16 августа 2011  

        ОТУУ УОТА

        Сайыҥҥы киэһэ сѳрүүн түһүүтэ
        Отчут мустар киэһээ омурҕаҥҥа.
        Күлүү – үѳрүү кѳҕүлүн тутаннар
        Кѳйгүѳрэллэр отууга сынньана.
        _ Арай, биир кыыс баара
        Эмиэ хаалбыт аара.
        Хатыҥ чараҥ эмиэ
        Ыллаһар соҥуора
        Курус таптал тойугун. Тойугун.
        Ытыы хаалбыт сүрэх айманар иэйиитин –
        Мунчаарбыт кыыс ырыатын.
        _ Таптал үс муннуга муҥ аргыстаах,
        Соҕотох хаалыы мэлдьи аһыылаах.
        Ол эрээри олохпут салҕанар,
        Түһэр ардах барытын суурайар.
        _ Кыыс курус ырыата –
        Сүрэх оспот бааһа.
        Хардата суох таптал,
        Куурбат харах уута -
        Астар ардах таммаҕа. Таммаҕа.
        Сарсыҥҥыга эрэл, күнү кѳрсѳр түгэн -
        Угуйар отуу уота.
        _ Сайыҥҥы киэһэ от сиигин кэһэн
        Таптал чараҥар ыччат дьаарбайар -
        Сиргэ анал баарыгар эрэнэ,
        Сүрэҕи дьоллуур тапталы күүтэ.
        _ Арай, биир кыыс баара
        Эмиэ хаалбыт аара.
        Хатыҥ чараҥ эмиэ
        Ыллаһар суугунуу
        Уоттаах таптал тойугун. Тойугун.
        Сарсыҥҥыга эрэл, күнү кѳрсѳр түгэн -
        Утуйда отуу уота.

        0
        • Алгыстаана
          10 апреля 2014  

          Хоп-Сип

          Хааччахтаамаҥ баалаамаҥ,
          Хаадьылаамаҥ сиилээмэҥ,
          Хаалары-ааһары күөртээмэҥ,
          Хобу-сиби көбүтүмэҥ.

          Барар дьону сиилииллэр,
          Баһарҕатан күөртүүллэр,
          Батарбатылар уостарыгар,
          Баһаам элбэҕи туойдулар.

          Муннук аайы сэлэстилэр,
          Муҥура суох күлүстүлэр,
          Маанымсыйбыта буоллулар,
          Мөтөччү тутта хаамтылар.

          Чобугурас уостарыннан,
          Чобуотук ча5аардылар,
          Чуопчаара ытыйа сэлэһэн,
          Чуумпу олоҕу аймаатылар.

          Киһи аайы сэһэннээтилэр,
          Күөдьүтэ субуруттулар,
          Күлүү-элэк оҥоһуннулар,
          Күлүктэригэр имнэннилэр.

          Сурах күөдьүйэ улаатар,
          Суоҕу баар оҥодулар,
          Сыска-буорга түһэрдилэр,
          Сиэри-туому сүтэрдилэр.

          Тобулан кэпсээн оҥордулар,
          Тиэтэллээх сэһэҥэ кубулуттулар,
          Тиэрэ маары өс хоһуйдулар,
          Тиэрдэ охсоору чорбонноотулар.

          Араастаан хобу-сиби ыыттылар,
          Араарбакка сурах толордулар,
          Алдьархайга ааны арыйдылар,
          Араартыыр суолга тиэртилэр.

          Өһүргэнээччи баар буолла,
          Өстөһүу -үөхсүү күөдьүйдэ,
          Өс-саҕа буолан мөтөҥнөстүлэр,
          Өргө, хобу-сиби хобугунастылар.

          Үөҕээччи ыгылла ыксаата,
          Үҥсэргээчи саана уордайда,
          Үҥсүү бөҕөтүн түһэрдилэр,
          Үрдүкү былааска тиэртилэр.
          ©Алгыстаана.

          0
          • Чаачар
            16 января 2015  

            алгыс курдук этэбин

                
            Аара тохтоон турбакка
            Айар тылы таһаарыҥ,
            Сомоҕо домоҕу тумнубакка,
            Саха тылын этээриҥ.

            Кэрэ тылы кэккэлэтэн
            Кэпсиэххитин эрэ кэрэх,
            Үтүө тылы үксэтэртэн
            Үөһэттэн түһүө бэлэх.

            Хоһооҥҥо холонуугут
            Хонноххутун арыйыа,
            Хааһахтан хостооһуҥҥут
            Хаһааҥҥытааҕар да тупсуо.

            0
  • Valeri
    30 января 2015  

    '''

    ***
    Биьиги аргыый айанныахпыт
    Ол дойдуга...
    Чуумпу, уоскулан угуттур дойдуга.
    Ол дойдуга суох сирдээги айманыыбыт.
    Онно суох ааспыты аьыыбыт...

    Куннээги буппэт тубуктэн сынньаныы
    Онно баар.

    Чараас алаадьы сытынан тунуйар
    Ол дойду тугэгэ биллибэт ыырыгар
    Мин элбэх билэр киьим аттаммыта.
    Элбэх тэбэр сурэх кутургантан аймаммыта...

    Ол эрэн биьи бары аргыыйдык
    Ол дойдуга айанныахпыт...
    Корсуохпут дуо онно тиийэн
    Кун сиригэр сиппэтэх ырабытын?
    Чугас дьоммутун,тапталбытын?
    Эппиэтэ иннибитигэр сыттага,
    Барыбыт ыйаахпыт суруллан эрдэгэ...

    0
    • вован
      16 февраля 2015  

      кессуу

      Кеьээ харана буолуута
      сытан эрэ саныыбын
      кэрэ да бэйэзин таптыырбын
      сылаас илиин кэргэммин санатан
      кэрэтик да миигин кууьазын

      Эрдэ кэргэн ылыам иннинэ
      Эрэллээх буолуом диир этим
      кэлин кэлэн кэмсинэн
      кэлэппэппин диир этим

      Таптыыбын иккиэннитин
      хайдах гынабын эрэлбитин
      бырастыы ден суох бу манна
      бырахсыы арахсыы сууланна

      Кэргэниэм бырастыы
      эйиигин эмиэ таптыыбын
      кэргэниэм бырастыы
      кыайан эйиэхэ эппэппин
      Кэргэниэм маны аахтаххына
      ейдее миигин биллэххинэ туттаххына
      бу орто дойдуга олорбуппун кэмсиммэппин
      эйиигин уонна кинини таптыырбын
      эмиэ кэмсиммэппин
      бырастыы дьонум дойдум
      иэйэр иэйэхситим бырастыы гынын миигин
      Дом дом дом ((((

      0
  • Valeri
    30 января 2015  

    совсем скоро саас;)

    Саас - Саас
    Сырдык куннэр,Сылаас куннэр
    Сааьы кытта ууннулэр.
    Сурэх ыллыр,сурэх уорэр
    Сэргэх кэмнэрэ кэллилэр.
    Элбэх кэрэ ыранан
    Эдэр сурэх толору...
    Эгэлгэ дьикти ырыанан
    Эгэрдэлии корсоору
    Хаар ууллубут сууруктэрэ
    Халыгырыы суурдулэр.
    Таптал тэбэр суурууктэрэ
    Тымырдарга куурдулэр.

    0
    • vavan
      16 февраля 2015  

      мин туспунан

      Уерэ кете сылдьабын
      уунэ сайда турабын
      ол гынан дууьабын
      олус да аймаатын
      дьоннор керен этэллэр
      дьоллоох да киьи дииллэр
      олоххо барытын ситистэ
      олоххо кенетук эргийдэ
      суох ити сымыйа
      тегурук сирэйим иэьинэн
      хаччыга умса туспутэ
      кэлин дууьам ытыыра
      таптал сыыьа сэрэнэн
      эрэлэ суох буолбута
      кэлин кэлэн кэхтэн барбыта
      Арахсыы суола кэлбитэ
      дьол диэн таптал уотугар
      дьол ден озо сыыьыгар
      сыыьыма олоххор
      силлээмэ дууьазар
      кини чараас бэйэтэ
      сутэн кэхтэн халыаза
      ол курдук мин олохпор
      ити буолан эрдэзэ
      кэлэйии кэмсинии сутэрсии
      харана быыьыгар ытырсыы
      харазым уута буппэтин
      Онон дьоннорум
      дьоллоох буолун харыстаан
      олохххо биирдэ кэлэбит
      таптыыр киьи буоламмыт
      убаастаан таптаан харыстаан
      дом дом дом!!!!

      0
  • Наталья
    27 февраля 2015  

    Наьаа маладьыастар!!!

    Талаан бе5е. Мээнэ киьи хоьоон айбат. АА5ан баран сехтум. Маладьыастар!

    0
  • Иосиф
    2 ноября 2017  

    Ба5алыста кыра хоьоон аайын couple with heart тапталбар

    0
  • марианнп
    26 мая  

    Дорооболорун алаадьы туьунан хоьоон баар буолар дуо?

    0
  • марианна
    26 мая  

    Дорооболорун алаадьы туьунан хоьоон баар буолар дуо?

    0
Ответ на тему: Сахалыы хоьооннор
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Предложения и замечания