Көмнүө сайылыгын
222  -    831
туһунан ким билэрий? Кэпсээҥ эрэ, баһаалыста!
Ответов 23 Написать ответ
  • 123
    8 января  

    1977 с. 12 киьи, олор истэригэр оголор, биир ый иьигэр елен тураллар. Туохтан елбуттэрэ билиццэ диэри биллибэт.

    0
  • 1
    8 января  

    Чкалары дьаьайбыттара дии кгблар, боруобалааьынна.

    0
  • ext_fb_210606689483676Ft3pL
    9 января  

    Биир туох эрэ киһи следак бьлаах ылса сырытта этэ, били нууччалар дятлов перевалыгар тахсыбыт быһылааны билиҥҥэ дылы силиэстийэ оҥороллор дии, сахалар да ылсыахтар этэ.

    0
  • Xabyryyc
    9 января  

    Дьон бөҕө өлбүтэ да туох да быһаарыыта суох хаалла быһылаах. Байыаннайдар тугу эрэ гынан баран барытын кистээтилэр ини.

    0
  • змееносец
    9 января  

    Сэрийээл кэллэ дьоьуннаар..,"Еллеех" диэн сайылык эбит кинога

    0
  • Саха
    9 января  

    НВК "Саха" сана киинэ кэлэ турар.Дана Сард суруйуутунан.

    0
  • Эркинхан
    Эркинхан
    вольдемар
    9 января  

    Кердум, бастакы серията учугэй.

    0
  • Марика2016
    10 января  

    Олох дьиҥнээхтии көстөр сайылыкка олорбут киһи көрдөхпүнэ.
    Салгыы туох буолар.

    1
  • Ззз
    13 января  

    Кемнуе сайылыгые того чурапчылар сырдаппаккыт.суруйун эрэ билэргит боло дии отьон.туохтан елбуттер.неужели не итнтересно

    0
  • Ьб
    13 января  

    Ити киинэни любитель режиссер устубут дуу или идэлээх режиссер устубут дуу? Чурапчыттан теруттээх режиссер дуу? Мин дойдубар инник киинэни устуом суога этэ. Дойдубун харыстыам этэ.

    0
  • 123
    14 января  

    КӨМНЬҮӨ САЙЫЛЫК ДЬУЛААН КИСТЭЛЭҤЭ

    1977 сыл от — атырдьах ыйдарыгар Чурапчы оройуонун уонна Дьокуускай балыыһаларыгар 12 киһи, ол иһигэр сэттэ оҕо биллибэт ыарыыттан өллүлэр. (Холуобунай дьыаланы тэрийии туһунан уураахтан) 1977 сыл сайыныгар Чурапчы оройуонун түгэх нэһилиэгэр Арыылаахха, үгүс киһини аймаабыт түбэлтэ буолбута. Ити дьыл ыам ыйын 31 күнүгэр Арыылаахтан Аянитовтар уонна Сивцевтэр дьиэ кэргэттэрэ, холбоон 16 киһи буолан, сүөһүлэрин үүрэн Көмньүө диэн ааттаах сайылыкка көспүттэрэ. Кинилэр ортолоругар сайылыы барсыбыт, Аянитовтар аймахтара дьахтар Т.С. Винокурова эмиэ баара. Бу дьон сайылыкка бары биир дьиэҕэ үөрүүлэрин-хомолтолорун тэҥҥэ үллэстэн, биир оcтуолга аһаан-сиэн иллээхтик олорбуттара. Киэһэтин эр дьон уонна обургу уолаттар ампаарга тахсан утуйаллара, дьахталлар кыра оҕолору кытары дьиэҕэ хоноллоро. От үлэтэ саҕаламмытын кэннэ эр дьон уонна улаата барбыт уолаттар, сорох түүн отууга хаалаллара. Күөх сайын барахсан үтүөкэн күннэрэ ити курдук утум-ситим устан испиттэрэ. Үүт-тураан олохторугар соһуччу уларыйыы от ыйын 23 күнүттэн саҕаламмыта. Бу күн Алеша Аянитов иһинэн улаханнык ыалдьан, учаастак балыыһатыгар Килэҥкигэ барарга күһэллибитэ. Манна кинини олохтоох быраас көрөн-истэн баран, муҥурдааҕар уорбалаан оройуон киинигэр ыыппыта. Чурапчы балыыһатыгар уол туруга лаппа мөлтөөн тиийбитэ. Эпэрээссийэ оҥорон баран, уорбаламмыт ыарыыта атынын билбиттэрэ. Быраастар Алеша сэниэтэ суоҕун, наар утуйар баҕалааҕын уонна утаҕа хамматын бэлиэтээбиттэрэ. Кинилэр араас ньымалары, күүстээх эми- тому тутта сатаабыттара даҕаны, үс хонон баран сүрэҕэ сыыйа аккаастаан уол өлөөхтөөбүтэ. Итинтэн ыла кылгас кэм устата (от ыйын 30 күнүттэн — атырдьах ыйын 6 күнүгэр диэри) Аянитовтар, кинилэр аймахтара Винокурова уонна Сивцевтэр бары ыалдьан, бастаан учаастак балыыһатыгар, салгыы оройуон киинигэр киллэриллибиттэрэ. Оройуон быраастара, Дьокуускайтан сүбэ ыла-ыла, бэйэлэрин күүстэринэн эмтии сатаабыттара даҕаны, ыалдьыбыт дьоҥҥо туһалаабатахтара. Атырдьах ыйын 7 күнүгэр 11 саастаах Вася Сивцев тыына быстаахтаабыта. Хаалбыт 14 киһини бэрт суһаллык Дьокуускайга утаарбыттара. Дьокуускай куораттааҕы балыыһа реанимационнай отделениетыгар сытан атырдьах ыйын 7 — 10 күннэригэр утуу-субуу өссө уон киһи өлбүтэ. Хаалбыт түөрт киһини — 53 саастаах С.Е. Аянитовы, кини уолаттарын: 12 саастаах Сеняны, 17 саастаах Романы уонна 21 саастаах Ньукулайы Москва куораттааҕы Склифосовскай аатынан медицинскэй институкка ыыппыттара. Кинилэр бары онно тиийэн өлөр өлүү дэгиэ тыҥыраҕыттан кыл-мүччү быыһаммыттара. Элбэх киһи өлүүтэ тахсыбыт биричиинэтин чуолкайдыыр соруктан, холуобунай дьыала тэриллэн силиэстийэ саҕаламмыта. Дьыаланы бастаан Чурапчы оройуонун прокуратурата ыыппыта. Онтон силиэстийэни бэйэтин дьаһалыгар республикатааҕы прокуратура ылбыта. Тэриллибит суһал силиэстийэлиир бөлөх үлэһиттэрэ быһылаан буолбут сиригэр тиийэн дьиэни-уоту, чугастааҕы тутуулары, сайылык тулатын сирийэн көрбүттэрэ. Араас муннуктартан сир-буор, дьон туттубут ууларын, астарын-үөллэрин, оччолорго туттуллар бытовой химия (мыыла, суода, таҥас сууйар бороһуок), сүөһү сиир комбикормун өлүүлэрин ылан бэрэбиэркэҕэ ыыппыттара. Урутаан эттэххэ, ити бэрэбиэркэ түмүгэр киһи доруобуйатыгар кутталлаах эттик көстүбэтэҕэ. Силиэстийэ кэмигэр элбэх киһи, ол иһигэр Көмньүө сайылыкка сайын устата сылдьыбыт, олорбут ыалга киирэн тахсыбыт дьон ыйытыллыбыттара. Өлүөхсүттэр уонна кинилэри кытары ыаллыы олорбут, алтыспыт дьон сыһыаннара үөрэтиллибитэ. Араас, ол иһигэр соруйан сүһүрдэн өлөрүүнү кытары уорбалыыр, үөрэтэр хайысхалаах чинчийиилэр ыытыллыбыттара даҕаны, дьыалаҕа сыһыаннаах, дьон өлүүтүн быһаарар түмүк булуллубатаҕа. Айаҕалыы сатаан, оннооҕор олоххо соччо сыһыана суох түбэлтэлэр кытары бэрэбиэркэлэммиттэрэ. Ол курдук, тыыннаах хаалбыт С.Е. Аянитов кэпсээнинэн, сайылыкка биир киэһэ муода сыттаах туман түспүт, ол кэннэ сүөһү аймаммыт, маҥыраабыт. Бэрэбиэркэ түмүгүнэн, ити этии бигэргэтиллибэккэ хаалбыта, ол кэмҥэ сүөһү өлбөтөх, дьоҥҥо эмиэ туох даҕаны сабыдыал оҥоһуллубатаҕа ыйыллыбыта. Силиэстийэ арай биир ураты суолталаах түгэни бэлиэтээбитэ — эмиэ ити сайылыкка , быһылаан тахсыбыт дьиэтиттэн 70-ча эрэ миэтэрэлээх сиргэ турар иккис дьиэҕэ олорбут дьон (холобура Е.А. Аянитов, Кэнчээри Борисов) туох даҕаны буолбатахтар эбит. Силиэстийэ кэмигэр аналлаах медицинскэй, токсикологическай чинчийиилэр, экспертизалар оҥоһуллубуттара. Араас үрдүк таһымнаах, киэҥ билиилээх быраастар, учуонайдар дьон туох ыарыыттан өлбүт биричиинэлэрин үөрэтэ-быһаара сатаабыттара даҕаны, чопчу түмүккэ кэлбэтэхтэрэ. Медицинскэй докумуоннары, ыарыһахтар көрдөрүүлэрин үөрэтии түмүгэр, маннык клиническэй хартыына ойууламмыт: ыалдьыбыт дьон бары айахтарын иһэ куурар, утатар, наар утуйуохтарын баҕарар, сүрэхтэрэ көбөр эбит. Быраастар бэлиэтээһиннэринэн, дьон ис органнара (куртахтара, быардара, бүөрдэрэ) күүстээх дьаат быһа сиэбитинии ыалдьаллар эбит. Соҕурууттан ыҥырыллыбыт Сүһүрүү киинин (Центр отравлений) специалистара этиилэринэн, дьону буулаабыт ыарыы нейтроннай дьаат дьайыытын сабыдыалыгар майгынныыр эбит. Оттон лабораторнай чинчийиилэр түмүктэринэн, ханнык да бактерия, вирус, ас сытыйыытын токсиннара, наукаҕа биллэр химическэй дьааттар булуллубатахтар. Үрдүк таһымнаах медицинскэй комиссия Аянитовтар уонна Сивцевтэр ыарыылара биир төрүттээх, ол гынан баран чопчу туохтан өлбүттэрин этэр кыах суох диэн быһаарбыт. Ол курдук, өлүктэри чинчийии, үөрэтии түмүгэр бу дьон: 1) Аянитов Алексей Семенович, 12 саастаах, өлбүт күнэ — 26.07.77. 2) Сивцев Василий Васильевич, 11 саастаах, өлбүт күнэ — 06.08.77. 3) Сивцева Евдокия Васильевна, 9 саастаах, өлбүт күнэ — 06.08.77. 4) Аянитова Марфа Семеновна, 18 саастаах, өлбүт күнэ — 07.08.77. 5) Сивцева Прасковья Васильевна, 14 саастаах, өлбүт күнэ — 08.08.77. 6) Сивцева Марфа Федотовна, 46 саастаах, өлбүт күнэ — 09.08.77. 7) Аянитова Дарья Гавриловна, 45 саастаах, өлбүт күнэ — 09.08.77. 8) Аянитов Иван Семенович, 6 саастаах, өлбүт күнэ — 12.08.77. 9) Аянитов Егор Семенович, 13 саастаах, өлбүт күнэ — 12.08.77. 10) Винокурова Татьяна Семеновна, 58 саастаах, өлбүт күнэ — 15.08.77. 11) Сивцев Василий Николаевич, 48 саастаах, өлбүт күнэ — 18.08.77. 12) Сивцева Ирина Васильевна, 15 саастаах, өлбүт күнэ — 23.08.77. Бары биир биричиинэнэн өлбүттэрэ быһаарыллыбыт. Ол туһунан судебнай медицинскэй түмүккэ нууччалыы маннык суруллубут: «Отравление неизвестным ядом? Пластинчатое субдуральное кровоизлияние. Полнокровие внутренних органов. Дистрофия сердца, печени, почек, селезенки. Отек головного мозга. Отек легких…». 1978 сыл ыам ыйын 25 күнүгэр анал хамыыһыйанан ыытыллыбыт экспертиза, Аянитовтар уонна Сивцевтэр өлүүлэрэ, кинилэр куртахтарыгар аһылыгы кытары киирбит биллибэт дьаат дьайыытыттан төрүттээх диэн быһаарыыны ылыммыт. Бу докумуоҥҥа илии баттаабыттар: хамыыһыйа председателэ, Россия кылаабынай судебнай эксперта В.К. Дербоглав, ССРС судебнай медицинаҕа салаатын сэбиэдиссэйэ А.В. Рубцов, Москватааҕы Склифосовскай аатынан НЧИ патологоанатомическай салаатын салайааччыта Н.К. Пермяков, Сүһүрүү киинин салайааччыта Е.А. Лужников уонна да атыттар. Ити курдук, дойду саамай үрдүк таһымнаах научнай үлэһиттэрэ биһиги биир дойдулаахтарбыт туох дьайыытыттан суорума суолламмыттарын кыайан быһаарбатахтара. Туох даҕаны аньыыта-харата суох дьон уонна оҕолор туох биричиинэттэн өлбүттэрэ күн бүгүнүгэр диэри биллибэт. Ол кэмтэн ыла отут сыл ааста. Оттон биллэрин курдук, киһи өйүнэн быһаарбат дьулаан кистэлэҥэ инникигэ да кутталы үөскэтэр… Түмүк оннугар Уруккута, дойдуга үгүс өлүүлээх- сүтүүлээх быһылааннары нэһилиэнньэттэн «чып» курдук кистииллэрэ. Ол курдук, ханна, дьиҥ туох быһылаан буолбутун дойду нэһилиэнньэтин баһыйар өттө билбэккэ да хаалара. Олортон биирдэстэринэн Арыылаах нэһилиэгэр төрөөбүт-үөскээбит, орто дойдуга анаммыт олохторун ситэ олорбокко эрдэ туораабыт дьон дьылҕалара буолар. Ааспыт үйэ 90-с сылларын бүтүүтэ, аныгы токсикология күүскэ сайдыбытын учуоттаан, Москва куоракка саҥалыы медицинскэй экспертизаны ыыттара сатаабыттаахпын. Оннооҕу специалистар, аҥардас холуобунай дьыала матырыйаалларыгар олоҕуран түмүк оҥорор кыаллыбат диэн хоруйдаабыттара. Кинилэр, туруоруллубут ыйытыыларга чопчу хоруй биэриэхпитин, өлүктэртэн гистологическай матырыйаал, ол эбэтэр ис органнарын кырамталара наадалар диэн хардарбыттара. Мантан көстөрүнэн, Көмньүө сайылык дьулаан кистэлэҥин арыйыахпытын баҕарар буоллахпытына, өлүктэри барыларын даҕаны буолбакка, биири-иккини хостоон эксгумация оҥорорбут наада. Бу уустук боппуруоһу быһаарарга өлүөхсүттэр аймахтарын тус сөбүлэҥнэрэ ирдэнэр. Кинилэри сэргэ, нэһилиэк, ону ааһан улуус уонна республика салалтатын көмөтө, өйөбүлэ эмиэ эрэйиллэр. Бары биир санааҕа кэллэхпитинэ эрэ, отут сыллааҕыта Көмньүө сайылыкка тахсыбыт быһылаан төрүөтүн билиэхпитин сөп.

    0
    • Саргыда
      14 января  

      123, ынырык да быһылаан. 4 киһи ордубут эбит дии. Мин биир эрэ киһи ордубут диэн өйдүүрүм. Аймахтара, биир дойдулаахтара туруорсан быһаартарыахтарын сөп эбит. Ынах сиир тууһун туттубатахтара буолуо дуо? Урут фермаҕа ол тууһунан тутталлар этэ. Туус туус курдук, кууллаах буолара. Кэлин боппуттара.

      0
    • -Мила
      14 января  

      Маны ааҕан баран Дятлов группата өлбүт сылын көрдүм 59с эбит.Эмиэ туох да биллибэт,дакаастана илик.Ити сылларга ол аата тугу эрэ боруобалаан көрбүттэр буолуохтарын сөп.Түбэлтэ майгыннаһар курдук...

      0
  • Вася
    14 января  

    123 тоҕо кэпсиигин кистэлэҥ аата кистэлэҥ буолуохтаах ити киинэ ону, толкуйдатыахтаах этэ

    0
  • -Мила
    14 января  

    Ити киинэбит чуолкай ол быһылаан туһунан дуо?

    0
  • -Мила
    14 января  

    Чахчыга олоҕуран уһуллубут киинэ буоллаҕына дьиҥ ис хоһоонун артыыстар тоҕо кистииллэрий?
    Дьиктитин.

    0
  • билэр
    14 января  

    Кемньуе сайылык ити сериалга сыьыана суох.Ол ордубут 4 киьиттэн,билигин 1 киьи баар.Ити Ар5аа Кемньуе диэн сиргэ буолбут.Чурапчы,Таатта ыпсыыта.Ити Кемньуе алаас,ар5аа етте Чурапчы,илин етте Таатта сирэ.Сура5а биир Таатта киьитэ,ол кун сылдьан ааспыт уьу.

    0
  • -Мила
    14 января  

    хата инньэ диэ

    0
  • 123
    14 января  

    Көмньүө сайылыгын трагедията, дьэ, итинник. Киһи ол-бу тапталга, абааһыга сыһыаран киинэ-той оҥорбот дьыалата. Ону бэйэҕит сыаналааҥ!

    1
    • билэр
      14 января  

      123, тугу туойа5ын? Олох да атын дьону кердереллер.Кемньуе сайылык буолбатах.Ону-маны айыма.Бу киинэ5э,ити дьон атын сайылыкка кэлэллэр.Бэстэрикиэптэр олорбут сайылыктарыгар.Онно биир ыал,кыстаан олорор.Кемньуе сайылыкка-Аянитовтар,Сивцетар 2 ыал,бэйэлэрин сайылыктарыгар олороллор.

      0
  • -Мила
    14 января  

    Киинэ ис хоһооно олох атын,ити кэпсээбитиҥ эмиэ

    0
  • 222
    14 января  

    Мин киинэҕэ сыһыаран ыйыппатаҕым. Дэҥ киинэ көстөр кэмин кытта сөп түбэспит. Борис Павлов матырыйаалын көрдөөн булбакка ыйыппытым.
    123 хоруйуҥ иһин махтанабын! Оҕо сылдьан истибит сэһэммин санаан кэлэн ыйыппытым. Күнүс биир киһи уу иһэн ааспыт диэбиттэрэ, олохтоох эбит дии. Ол киэһэттэн ыалдьыбыттар дииллэрэ.
    Өссө ол кэмнэргэ (70-с сылларга) туус ылбыт оҕолор тустарынан үһүйээн баара. Истибит дьон баара эрэ

    0
Ответ на тему: Көмнүө сайылыгын
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания