2019 сыл - араҕас сибиинньэ сыла
Саргыда  -    1859
Олох традицияҕа кубулуйан эрэр топпун таһаарыым. Хас да сыл буолла, сорохтортон үөҕүллэн, сорохтортон хайҕанан, кэлиэхтээх сылга анаан туспа топ таһаарбытым. Бу сырыыга, дьэ, соспоппун. Ханна туох киһи сэргиирин оҥорбуттарын бэйэҕит киллэриҥ. Суох буоллаҕына ссуох буоллун.
Кэлэр сылы көрсөргө өҥҥө, аһылыкка улахан талымастаныы суох диэн буолла. Бэрт эйэлээх сыл үүнүөҕэ дииллэр.
Ответов 146 Написать ответ
  • рядовой
    22 декабря 2018  

    АРАҤАС диэн ини...

    ЖЁЛТЫЙ
    Бу төрдө СЫА (ЖЕлтый)диэн
    АРЫЫга чугас

    СЫА-АРЫЫ

    0
  • сахалыытыллаах
    22 декабря 2018  

    Сибинньэ курдук бор дьоннор сыллара буоллаҕа...

    0
  • Саргыда
    22 декабря 2018  

    Сибиинньэ барахсан, дьэ, үчүгэй. Этэ минньигэһэ, аһы талымастаабата, улаатара түргэнэ, оҕото элбэҕэ. Хаһыҥырайан түһэн киһи эрэ таптыах барахсана.

    1
  • Хотой 1
    22 декабря 2018  

    Таптыыр ээ өссө ))))

    0
    • рядовой
      22 декабря 2018  

      СЫА ТЫЛлаах дьоннорго бэртээхэй сыл үүнмүтэ буолуо...

      сибиинньэ хаһыҥырыйан сатаан санаатын этпэтэҕин иһин
      кини оннугар дьоннор этиэхтэрэ
      тиэрдиэхтэрэ
      СЫАЧАЙ СЫЛА үчүгэй өрүтүн көрдөрдүн
      кини даҕаны тыынар тыыннаах

      0
    • Саргыда
      22 декабря 2018  

      Хотой 1, дьэ, сибиинньэни олус сөбүлүүбүт. Иитэр этибит. Бэйэ ииппит сибиинньэтин этигэр тэҥнэһэр суох эбит. Сыата киһи айаҕар ууллар. Билигин сыаны сиир кыах суоҕун иһин, бэрт ас этэ.

      0
  • Хотой 1
    22 декабря 2018  

    Мин да иитэн буо . Өссө төрөтөн атыылыы сылдьыбытым. Кэлин саас ылан күһүн сиир этим. Билигин суох.

    0
  • Көр
    22 декабря 2018  

    АраҔас сибиинньэ сыла дииллэр,аны уоникки сылынан хайдах өҥнөнөрүн маһы да быраҕан билбэппин.Сибиинньэ сыата үчүгэйдик тууһаммыта ас буоллаҕа.
    Араҥас-атах мас үрдүгэр оҕҥоһуллубут холбо.былыр өлбүт киһини харайаллар үһү,билигин сорох сиргэ булду кыыл тыыппатын диэн оннук дьаһаналоарын соһуйуох иһин АраҤас дииллэр эбит.биһиги-холбо,лаабыс.АраҤас сулус диэн баар уонна ханна эрэ дэриэбинэ.

    0
  • Көр
    22 декабря 2018  

    Ээ сөп,төрүттэрбит син маарыннатан ааттаатахтара.Былыр оҕо сылдьан халлаан сулустарын сэрии кэмигэр сир хаппаҕын тэһитэ ытыалаан кэьиспиттэр дии саныырым ыйы аракыата тахсар хайаҕаһа.бу таах олоруохтааҕар суруйдум,баалаамаҥ

    0
    • рядовой
      22 декабря 2018  

      Тугу-тугу суруйаахтаатыҥ...

      ...
      ханнык эрэ ЭМОЦИОНАЛЬНАЙ ТЫЛынан эттиҥ?
      Дьэ
      МУОДА санаалардаах киһигин ээ
      Арааһа
      муодаттан МУУДАРАЙ диэн үөскээбит эбит
      ...

      0
  • Көр
    22 декабря 2018  

    Эн оҕо буола сылдьыбатаҕыҥ дуо,төрүөххүттэн муударайгын дуу?

    0
  • Саргыда
    22 декабря 2018  

    Сордонноох олохтооҕо Заболоцкай Михаил Михайлович хаарынан оҥоһуга "Баай Байанай".

    0
  • Саргыда
    22 декабря 2018  

    Всё про 2019 год по восточному календарю Животное Свинья (кабан), цвет Желтый, стихия Земля, начало: 5 февраля 2019, конец: 24 января 2020.

    0
  • 03
    22 декабря 2018  

    Биһиги тоҕо кытайдар гороскоптарынан олоруохтаахпытый? Сибиинньэ сыла буолан... Сахалыы гороскоп суох дуо?

    0
    • Саргыда
      22 декабря 2018  

      03, олорбот бөҕө буоллахпыт. Ол эрээри бырааһынньыгы киэргэтэр. Остуоруйа тыынныыр дии. Мин сөбүлүүбүн. Сыл сылтан уратылаах

      0
  • Саргыда
    22 декабря 2018  

    Шадрин оҥоһуктара наһаа да кэрэлэр.

    0
  • рядовой
    23 декабря 2018  

    Киһи сүрэҕин сылаанньытар муус-оҥоһуктар эбит...

    ...
    дьэ
    бэрткэ
    сыа-сым курдук тутан оҥорбут

    СЫАЧАЙ СЫЛА сылаас-сымнаҕас хараҕынан көрүүһү
    ...
    Саҥа Дьылынан !!!
    ...

    0
  • Саргыда
    23 декабря 2018  

    Ытык күөлгэ наһаа да үчүгэйдик оҥорбуттар. Олох кириэппэс иһигэр Саҥа дьыллааҕы остуоруйа дойдута. Үчүгэй фантазиялаах эбиттэр.

    0
  • Коля
    23 декабря 2018  

    Сыллары кыыллар ааттарынан ааттааһын былыр былыргаттан баар.
    Былыргы түүрдэр Бильгэ Хаҕаннарын похороната сибиинньэ сылыгар буолбута диэн мэҥэ тааска суруйан хаалларбыттара баар.Сахалар өбүгэлэрэ курыканнар эмиэ 12 цикллаах кыыллар халандаардарын туһаналлара.
    Сибиинньэ сылын был.түүрдэр Тоҥуз йылы диэн ааттыыллара.Монголлар Гахай жил дииллэр.Өбүгэлэрбит былыр Хахай сыла диэн ааттыыллара буолуо диэн сабаҕалыыбын.

    0
  • Кочай
    24 декабря 2018  

    саха сиригэр

    байанай сыла иһэр, сибиинньэҕит кытайга олунньу ыйга кэлэр

    0
  • BorNEo
    BorNEo
    Ветеран
    24 декабря 2018  

    image

    0
    • Саргыда
      24 декабря 2018  

      BorNEo, биһиэхэ кэлэн Айыыбыт сылы бэлиэтиир буолан хаалара хайдах эрэ дии. Тоҕо эрэ атын омуктарга кыыллар, дьиэ сүөһүлэрэ дии. Ураты майгылаахтар, бэйэ бэлэригэр майгыннаспаттар. Өҥнөрө кытта оруолу оонньуур. Биһиэнин киһи ылыммат. Оҥоро сатааһын курдук дии. Соччото суох.

      0
  • Хотой 1
    25 декабря 2018  

    Саргыда. Бэйэ киэнэ соччото суох буолбакка. )))
    Атыттар бары үчүгэйдэр диэ.

    0
    • BorNEo
      BorNEo
      Ветеран
      25 декабря 2018  

      Хотой 1,

      Цитата:
      Бу үүнэр, кэлэр 2019 сыл сибиинньэ сыла буолбатах. *БАЙАНАЙ СЫЛА*. Онон сибиинньэлэнэн бүтүҥ, кытай итэҕэлин умнуҥ. Бэйэбит САХАБЫТ итэҕэлин өрө тутуоҕуҥ.

      Уйулҕан✊🏼✊🏼✊🏼

      0
    • Саргыда
      25 декабря 2018  

      Хотой, Восточный гороскоп ордоробун.

      0
      • BorNEo
        BorNEo
        Ветеран
        25 декабря 2018  

        Саргыда, өскөтө "убайыҥ" кытыы бүндүөстэргэ атыыламмыт эбит буоллаҕына, эн кытайдарга атыыланарыҥ итэгэс буолбут!

        0
        • Саргыда
          25 декабря 2018  

          BorNEo, мин курдук сахатын өрө тутар киһи аҕыйах ини. Ол эрээри тугу эттилэр да, ураа диир сыыһа диибин. Сылынан кыыллары киллэриэххэ баара айыылары буолбакка.
          Кытайдары олох абааһы көрөбүн.

          0
          • BorNEo
            BorNEo
            Ветеран
            25 декабря 2018  

            Саргыда, туох барыта, кыра да буоллар, ымсыыттан - үтүктээйиттэн саҕаланар.

            0
  • рядовой
    25 декабря 2018  

    Саҥа Дьылынан!!!

    ...




    СЫАЧАЙ СЫЛА дьонҥо сыа-сым курдук дьаһанарыгар сөптөөх өйү-санааны иҥэрдин, сыыһа-халты туттууттан абыраатын.


    ...

    0
  • Саргыда
    25 декабря 2018  

    Байанай сыла дуу, Сибиинньэ сыла дуу?

    Батсаапка соторутааҕыта: “Саха омуга бэйэбит түҥ былыргы итэҕэллээх омуктарбыт. Аныгы кэмҥэ атын омук итэҕэлинэн салаллан олорон эрэбит: Сибиинньэ сылын кытай итэҕэлинэн көрсөр сыыһа. Быйыл биһиэхэ Баай Барыылаах Байанай сыла кэлээри турар”, — диэн суруйуу тарҕаммыта.

    Салгыы сылларынан, ыйдарынан сахалыы ааттара суруллубут.

    Холобур:

    Тохсунньу – Таҥха ыйа,

    Олунньу – Одун Хаан ыйа,

    Кулун тутар — Дьөһөгөй ыйа,

    Муус устар – Иэйиэхсит ыйа,

    Ыам ыйа – Айыыһыт ыйа,

    От ыйа – Сир иччитин ыйа,

    Бэс ыйа - Аан Алахчын ыйа,

    Атырдьах ыйа – Сүҥ Дьааһын ыйа,

    Балаҕан ыйа – Улуу Суорун ыйа,

    Алтынньы – Хотой Айыы ыйа,

    Сэтинньи – Байанай ыйа,

    Ахсынньы – Билгэ ыйа.

    Сыллары эмиэ ити бэрээдэгинэн араарбыттар:

    Таҥха – 1913, 1925, 1937, 1949, 1961, 1973, 1985, 1997, 2009.

    Одун Хаан – 1914,1926,1938, 1950, 1962, 1974, 1986, 1998, 2010.

    Дьөһөгөй – 1915, 1927, 1939, 1951, 1963, 1975, 1987, 1999, 2011.

    Айыыһыт – 1916, 1928, 1940, 1952, 1964, 1976, 1988, 2000, 2012.

    Иэйиэхсит – 1917, 1929, 1941, 1953, 1965, 1977, 1989, 2001, 2013.

    Үрүҥ Айыы – 1918, 1930, 1942, 1954, 1966, 1978, 1990, 2002, 2014.

    Аан Алахчын – 1919, 1931, 1943, 1955, 1967, 1979, 1991, 2003, 2015.

    Сүҥ Дьааһын – 1920, 1932, 1944, 1956, 1968, 1980, 1992, 2004, 2016

    Улуу Суорун – 1921, 1933, 1945, 1957, 1969, 1981, 1993, 2005, 2017.

    Хотой Айыы – 1922, 1934, 1946, 1958, 1970, 1982, 1994, 2006, 2018.

    Байанай – 1923, 1935, 1947, 1959, 1971, 1983, 1995, 2007, 2019.

    Билгэ – 1924, 1936, 1948, 1948, 1960, 1972, 1984, 1996, 2008, 2020.
    Ый майгыта: Байанай – бүтэй, булугас-талыгас, мындыр.

    Ол гынан баран, бу сылларынан араарыыны ким оҥорбута, туохха олоҕурбута биллибэт. Баҕар, “тарбаҕыттан эмэн” таһаарбыта буолуо? Сылларынан араарарга айыылар эрэ киириэхтээхтэр дуу, иччилэр эмиэ дуу?

    Ыйытыы элбэх. Интэриниэккэ хасыһан көрдүм да, күттүөннээҕи булбатым. Онон чуолкайдаары, саха төрүт култууратын чинчийээччи, “Кут-сүр” үөрэх түсчүтэ, бөлүһүөк Анатолий Павлов-Дабылтан ыйыталастым:

    — Ити биһиги, “Кут-сүр” кыһата, урут, сүүрбэччэ сыллааҕыта оҥорбут таблицабыт сылдьар. Быйыл иччилэргэ хайыһан, 4 улуу эйгэҕэ: ууга, уокка, буорга, салгыҥҥа сыһыаннаах, сүрү көтөҕөр, дабатыылаах ыһыахтар буолуохтаахтар.

    Барыылаах баай хара тыа иччитэ Байанай сылыгар тыынар тыыннааҕы, тулалыыр эйгэни, айылҕаны харыстааһын өрө тутуллар. Дьолуо (удача) сыла буолар, — диэн кини быһааран биэрдэ.

    Ангелина Васильева, «Саха сирэ» хаһыат, edersaas.ru

    http://www.edersaas.ru/bajanaj-syla-duu/

    0
    • рядовой
      25 декабря 2018  

      ДЬЫЛ (ый) уонна СЫЛ кэмнэринэн ааҕыллара интэриэһинэй эбит...

      ...
      син биир

      ити
      ЗОДИАК курдук

      уратыта диэн САХАлыы өйгө-санааҕа тирэҕирбит

      Ол суолтата тугуй?

      Киһини сахалыы толкуйдатар,
      саха эргииригэр киллэрэр.
      Итиннэ туох да куһаҕан баара көстүбэт.

      ...

      Сулустары кытта СУЛУС буолбатпыт биллэр
      Биһиги күн эргиириттэн тахсыбатпыт
      ...

      КҮН (кэм) биир сиргэ турар
      оттон
      БИҺИГИ БАРЫ ол тула мөхсөбүт

      ...

      0
  • Саргыда
    26 декабря 2018  

    *Кэлэр сылы сылыктыаҕыҥ..*


    Бу сылбыт улахан айдаана-куйдаана, түһүүтэ-тахсыыта суох этэҥҥэ ааһан эрэр диэххэ сөп. Оттон кэлэр сылбыт, дьэ, хайдах буолар?! Маннык санаа, бука, үгүспүтүн долгутар буолуохтаах. Онон таайа сатыы олорбокко, көрбүөччүлэртэн ыйыталаһан көрүөҕүҥ.

    *Юлия Николаевна Николаева-Намылҕа, өбүгэ үгэһин үйэтитэр “Сандаар” тэрилтэ салайааччыта:*


    – Дойду үрдүнэн кириисис тыына биллэн, бары билэргит курдук, араас хабааннаах уураахтар тахсаннар, дьон-сэргэ күүскэ айманыа. Ас-үөл хаачыстыбата да мөлтүүр туруктаах. Уопсай аймалҕаҥҥа кыттыспакка, аттыгытыгар баар итэҕэстэри кыайа тутан, бэйэ-бэйэҕэ болҕомтолоох буоллаххытына, күчүмэҕэйдэри этэҥҥэ туоруоххут. Сахалар омук быһыытынан тулуурдаахпыт, кыра аайы санааларын түһэрбэппит, оннооҕор буолуох ыарахаттары ааспыппыт. Дойду салалтата биһиги эрэгийиэммитин өйдүө, өйүө. Оҕолорбут үөрэххэ киириилэрэ ыарахан буолуон сөп.

    Айылҕабыт алдьаныыта салҕамматар ханнык. Хоту улуустарга, сааһыары элбэх хаар түһэн, халаан буолуон сөп. Сөбүгэр ардахтаах буолан, от, бурдук өлгөмнүк үүнүө, сир аһа, оҕуруот аһа да хаалсыа суоҕа. Ол эрээри эрдэ хаһыҥныыһы.

    *Дьяконова Күннэй Петровна, Кэбээйиттэн сыдьааннаах көрбүөччү:*


    – Кэлэр сылга ууга барыы элбэх буолсу, үксүн намыһах сиргэ турар дэриэбинэлэр барыахтара. Хаар түһүүтэ аҕыйах эрээри, муус халыҥ буолан, халаанныыһы. Ордук Таатта, Өлүөхүмэ уонна хоту улуустар эмсэҕэлиэхтэрэ. Сайынын куйаас уонна ардахтаах буолуо, онон үүнүү үчүгэй. Бырамыысыланнаска сири алдьатыы наһаа элбэх. Инньэ гынан ол сирдэргэ айылҕабытыгар эмиэ уларыйыы бөҕөтө тахсар, киһи билбэт үөнэ-көйүүрэ да баар буолсу. Онтон сиэттэрэн килиимэт уларыйыыта, ириэрии да барыыһы. Дьон-сэргэ Ийэ айылҕатыгар, Эбэлэргэ ытыктабыллаахтык сыһыаннаһыан, харыстыы, көрдөһө сылдьыан наада.

    Үрдүкү салалтаҕа, дуоһунастаах дьоҥҥо силиһиттэн түөрүллэн уларыйыы-тэлэрийии бөҕөтө тахсыыһы. Ыччат дьон тыа сирдэригэр баһылыктан саҕалаан араас тэрилтэҕэ ананыыһылар. Ыччаппыт өйө-санаата, көрөрө-истэрэ, олоҕу көрүүтэ, уопсайынан, уларыйбыт. Уруккулара буолбатах. Ол үчүгэй. Ыччаппытын өйүөхпүтүн, үөһэ таһаарыахпытын наада. Успуорка, аныгы технологияҕа элбэх ситиһии кэлииһи.

    Күргэ тутуута саҕаланыа. Бырамыысыланнаска элбэх омук кэлииһи. Сахалар онно бэлэм буолуохтаахпыт.

    Дьон-сэргэ өйө-санаата, сиэрэ-майгыта арыый бэттэх кэлбит. Сахалыы иитиибитин дьиэ кэргэнтэн саҕалаан, таска таһааран өрө тута сылдьыахтаахпыт. Өбүгэлэрбититтэн, Ийэ айылҕабытыттан мэлдьи көрдөһө-ааттаһа сылдьарбытын умнуо суохтаахпыт, кинилэргэ мэлдьи махталлаах буолуохтаахпыт. Эдэр алгысчыттар тахсан эрэллэрэ үөрдэр, кинилэри сүөргүлүө суохтаахпыт. Кэм-кэрдии ирдэбилэ оннук.

    *Максим Дуранов, көрбүөччү:*


    – Кэлэр сылга сир иһинээҕи уута олус элбэх буолан, ууга барыы, халаан баар буолсу. Муустаах уу көстүбэт, күһүөрү сир уута тоҕо барыыһы курдук. Сайын кураан буолсу эрээри, от кэмигэр тохтоло суох ардыыһы.

    90-с сыллар курдук олус улахан кириисис буолбат. Баар да буоллаҕына – кыра, биллибэт. Дьон-сэргэ харчыта суох буолан хаалыа диир табыллыбат, ким үлэлиир – мэлдьи харчылаах. Туох да улахан суох, олорбуппут курдук олорууһубут.

    *Варвара Николаевна Федорова, Мэҥэ Хаҥалас Бүтэйдээҕин айылҕалааҕа:*


    – Кэлэр сылбыт – ортоһуор сыл. Сайын куйаас уонна ардахтаах буолуоҕа. Хаар өлгөмнүк түспүт сиринэн сир аһа, от-мас үүнүүтэ үчүгэй. Онон сылгыга, сүөһүгэ үтүө сыл буолуо диэн түстүүбүт. Халаан наһаа хоромньута суох буолуо.

    Кириисиспит кэлэн барда, 2017-18 сс. үпкэ-харчыга арыычча уустук соҕус сыл этэ. Кэлэр сылтан сыыйа-баайа көнөр өттүгэр барыахпыт. Үөһээ салалтаҕа, былааска, тэрилтэлэргэ улахан уларыйыы буолаары турар. Элбэх киһи уурайыа, олор оннуларыгар эдэр дьон кэлиэхтэрэ. Бу кэлии-барыы балаһыанньата сыл ортотуттан тохтуо, онтон оннубутун-тойбутун булунуохпут, уоскуйуу барыа.

    Дьон-сэргэ аска-үөлгэ сыһыана тупсуо, төрүт аспытыгар улам киирэн иһиэхпит. Муоста тутуута уустук.

    *Роман, Сунтаартан төрүттээх эдэр көрбүөччү:*


    – Мин көрүүбүнэн, кэлэр сыл сытыары сымнаҕас буолсу. Араас үчүгэй сабыытыйа тахса туруо. Дьон-сэргэ олоҕор үксүгэр табыллыы, баарт тосхойууһу. Туох да улахан айдаан-куйдаан, ыгыллыы-түүрүллүү, тыас-уус, алдьархай суох. Кыра халаан баарын баар, ол эрээри хоромньута кыра буолуо. Бырамыысыланнаска АЛРОСА тэрилтэтэ Мэҥэ Хаҥалас сиригэр хаһыы бөҕөтүн ыытыыһы. Аатын уларытан туран.

    Биэс-алта сылынан, уопсайынан, уон сылтан бэттэх, дьэ, айылҕабыт утаран, алдьархай ааҥныыһы. Айылҕабытыгар хайдах сыһыаннаһабыт да, оннук хоруйдуһуу. Муоста тутуутун Өлүөнэ эбэбит бэйэтэ отой сөбүлээбэт, ылыммат. Элбэх мэһэйи үөскэтиэҕэ, онон табыллыбат курдук.

    *Ольга Захарова, Ленскэй улууһун айдарыылааҕа:*


    – Кэлэн иһэр 2019 сылынан! Дьэ, Сибиинньэ сыла аҥаар атаҕынан атыллаан, Ыт сылын атаарар. Сибиинньэ сыла бэрт табыгастаах, эрэллээх буолуо, дьон бэйэтигэр итэҕэлэ үрдүөҕэ, үөрэххэ тардыһыыта күүһүрүө, бэрээдэк олохтонуо, дьон-сэргэ чөл олоҕу батыһыа.

    Манан сиэттэрэн этиэм этэ: Сахабыт сирин саҥа салайааччытыгар, Айыы сиэнигэр дойдубут сайдарын туһугар үлэлиэ диэн улахан эрэллээхпин. Нолуоктары аҕыйатыыга ылсара буоллар. Өлүөнэ өрүһү туоруур муоста 2021 сылга тутуллуо. Ньиэп, гаас хостонон, онно тиийэр суол оҥоһуллуо, кыра муосталар тутуллуохтара. Кытай норуота кэлэн, иккис дойду оҥостууһу. Оннук көрөбүн.

    Үрдүк үөрэххэ үөрэнии төлөбүрэ үрдээн, боростуой дьон ол төлөбүрдэрин, ороскуоттарын кыайан саппат кэмнэрэ кэлииһи. Маны көрүүһүлэр. Судаарыстыба өттүттэн ийэ хапытаалынан маачыктаан эрэ оҕо төрүүр кэмэ буолбут. Бу бырайыак уурайдаҕына, хайдах-туох буолар?!

    *Татьяна Захарова-Татыйык, эдэр көрбүөччү, психолог:*


    – Кэлэр сылга, мин көрүүбүнэн, уларыйыы бөҕө тахсаары турар. Барыта төттөрү-таары миэстэлэрин атастаһыннарбыт курдук буолуо. Дуоһунастаахтар туораан биэриэхтэрэ, аллараттан дьон тахсан биэриэ. Ол курдук, урут дьадаҥытык олорбут дьон-сэргэ байыа-тайыа, үрүҥ хараҕын өрө көрүө. Баайдык-тоттук, кыахтаахтык олорбут дьон сорохторо ытыс соттуохтарын сөп.

    *Лариса Алексеевна Неустроева-Сарыада, Амма Алтаныттан төрүттээх:*


    –Тохсунньу, олунньу тымныы буолуо. Саас кэмигэр кэлиэ. Халаан туһунан этэр буоллахха, Амма, Уус Алдан диэки кыра соҕус хоромньулаах уу кэлиитэ баар. Сайыммыт куйаас, кыра ардахтаах буолуо. Онон үүнүү да өлгөм буолсу. Уларыйыы бөҕөтө. Дуоһунастан барыы, тэрилтэлэргэ эмиэ сарбыллыы баар. Наһаа оннук улахан кириисис буолбат. Барыта этэҥҥэ, айманыы да, алдьархай да көстүбэт.  



    Бэлэмнээтэ Туйаара СИККИЭР.

    0
    • рядовой
      26 декабря 2018  

      Мусульманнарга ЫАРАХАН СЫЛ кэлэн эрэр быһыылаах...

      ...



      сибиинньэ этин амсайбат дьоннор
      онон
      ол
      кинилэргэ охсуулаах буолара саарбахтанмат

      ...

      Сибиинньэ төһө даҕаны сыа буоллар
      дьэ
      кытаанах майгылаах кыыл быһыылаах

      ...

      0
  • рядовой
    26 декабря 2018  

    Саҥа Дьыллааҕы остуолга...

    ..
    СИБИИННЬЭ СЫАта ууруллара булгуччулаах атрибут буолар ини???
    ...
    онон СИБИЭҺЭЙ СИБИИННЬЭ СЫАТЫН атыылаһыы түбүгэ баар
    ...
    сибиэһэйэ үчүгэй буолуо
    ...

    0
  • Хотой 1
    26 декабря 2018  

    Мусульманнар онно эрэ наадыйбаттар буо. Кытайдары ылымматтар олоруҥ.

    0
    • рядовой
      26 декабря 2018  

      ШАШЛЫКтарын СИБИИННЬЭттэн ДЬААБЫлыыллар буолбатах дуо???

      ...
      дьэ

      МУОДАРАЙ ДЬОННОР

      туох да диэбит иһин

      ...

      0
  • Ити
    26 декабря 2018  

    мин санаабар кытайдар Аан дойдуну биир гына ыһылыннылар,тоҕо диэтэргин Саҥа дьылларын ,онтон да атыны барытын илиҥҥи стильгэ киллэрдилэр ,барыта кинилэр эрэ киэннэринэн буоллаҕына табыллыы ,ыал буолуу.дьоллонуу баар буоларын курдук оҥордулар,биһиги онно бастакыннан оҕустардыбыт,бэйэбит туохпут да суох курдукпут,ити сытар дии саныыбын биһигини ким баҕарар,хайдах баҕарар салайар кыахтааҕа.Мин санаабар биһиги бэйэбит түмсүүлээх,олохпут таһымын бэйэбит стильбитинэн күүскэ ыыттахпытына биһигини убаастыыр,сыаналыыр буолуохтара.Онон ыччаппытыгар улахан болҕомтону ууруохтаахпыт,сүөһү иитиитэ ,промышленноска үлэҕэ муҥутуурдук кытыннарыахтаахпыт,киһи тоҥон -хатан,сүүрэн-көтөн эр бэрдэ буолар,тараҥ оҕону иитэн төрөппүт бэйэтэ эрэйдэнэр,билиҥҥи олоххо ол олус ыараханнык биллиэҕэ.

    0
  • Коля
    26 декабря 2018  

    Кытайдар хууннартан ылыммыт халандаардара.Хууннар тюрк- монгол норуоттарын өбүгэлэрэ.Бэйэлээх бэйэбит киэнэ ,..!(ситэрбэтим масс.ыытан иһэбин...

    0
  • Коля
    26 декабря 2018  

    Былыргы түрдэргэ:
    Тавышҕан йыл(ы) - год зайца.
    Ыт йыл - год собаки.
    Хой йыл(ы) -год овцы.
    Луу йыл - год дракона..
    Казахтарга:
    Жылкы жылы - год лошади.
    Доҥыз жылы - год свиньи.
    Монголларга:
    Могой жил -год змеи.
    Былыргы сахалар да маннык ааттыыллар ини.Онон ,сымыйаны,саҥаны айа сатыыр наадата суоҕунан ааҕабын.

    0
    • Саргыда
      26 декабря 2018  

      Коля, этиигин кытта сөпсөһөбүн. Хаһыакка эҥин этиниэххин. Ити кыылларынан уратылара дьиҥ олоххо да сөп түбэһэр курдук. Огненный петух сылыгар баһаар бөҕө буолбута, дьон сиэртибэлээх.

      0
    • рядовой
      28 декабря 2018  

      Туроктар Сибиинньэни ДУМУЗ дииллэр эбит...

      ол ТУМУС диэнмит сылдьара буолаарай?

      0
  • Коля
    28 декабря 2018  

    Тумус уонна думуз туспа тыллар.
    Сахалар тумус диэннэрэ Тумсух -клюв диэн былыргы түүр тылыттан буолар.
    Туроктар думуз диэннэрэ Тоҥуз -свинья диэн былыргы түүр тылыттан буллар.Турок тылыгар Ҥ дорҕоон суох буолан тоҤуз = дуМуз буолбут.
    Үксүгэр Ҥ дорҕоон турок тылыгар Н -ҥа кубулуйар.

    0
  • Коля
    28 декабря 2018  

    Былыргы сахаларга 12 сылылаах кыыллар халандаардара баар быһыылаах,кэлин нуучча халандаара киирбитин кэннэ умнуллубут буолуон сөп.Тоҕо диэтэргит тылбытыгар ол халандаар аата ордон хаалбыт эбит.
    Түүр-монгол омуктара билигин даҕаны ити халандаардарын умна иликтэр уонна Мүшел,мүчэл,мөчлөг,мүчэлгэ,мөчүл игин диэн ааттыыллар.
    "Математические знания и представления якутов"Т.П.Аммосова кинигэтигэр маннык диэн суруллубут.
    (..Якуты тоже вели счет времени по двенадцатилетиям.Известен "двенадцатилетний животный цикл (срок)",который называется "Мүһэлгэ"."...
    Говорят: Мүһэлгэ - 12 месяцев;
    Кыра мөһүлгэ - 12 лет.
    Улахан мөһүлгэ - 60 лет.
    Казахтар киһи олоҕун 5 мүшелгэ араараллар.Бастакы мүшел оҕо саас 1-12саас.Иккис мүшел эдэр саас 13-24 саас.Үһүс мүшел орто саас...и.т.д.

    0
    • рядовой
      28 декабря 2018  

      Итинтиҥ МИҺИЛГЭ диэн буолуон сөп эбит...

      ...
      мискиллэр-мускуллар, биркиллэр-булкуллар.....
      ...
      Ону

      СУОРУНА ЭРИИЙИИТИГЭР тэҥнииллэр
      ...

      0
  • Коля
    28 декабря 2018  

    Мүһэлгэ диэн тылы тылдьыкка маннык диэбиттэр.
    Мүһэлгэ - дьахтарга төрүүр сааһа ааһар кэмэ,түөрт уон саас.(ТСЯЯ VI).
    Манна 40 саас диэбиттэрин ылынымыах курдукпун.Бэйэм ааҕан көрүүбүнэн ,дьахтарга мүһэлгэтэ 48 сааһыгар кэлэр диэн.

    0
  • Коля
    28 декабря 2018  

    Мүһэлгэни тыл үөрэхтээхтэрэ этэллэринэн Мүһэ диэн тылтан үһү.
    Казахтар суруйалларынан,мүшел ,мүше(киһи мүһэтин ахсаанынан )үһү.
    Онно атах,илии мүһэлэрэ уонна моой ,бас игин киирсэллэр быһыылаах.

    0
    • рядовой
      28 декабря 2018  

      МУСКУЛ диэн нуучча тылын төрдө ити курдук эбит...

      оттон
      МУСКУЛ диэн сахалыы толкуйдаан көрдөххө МУСКУЛҔА (эрийэр-мускуйар диэнтэн)
      МҮҺҮЛГЭ-МИҺИЛГЭ

      0
  • рядовой
    28 декабря 2018  

    Дьыл Оҕуһа диэн баарын билэҕит...

    ...
    итинтэн көрдөххө
    Зодиак, Гороскоп диэннэрэ ДЬЫЛЫНАН, СЫЛЫНАН ааҕыллар курдук эбит
    Ол ааҕыы дьылыттан көрөн КЫЫЛ ИМНЭЭХ буолара, сахаҕа ДЬЫЛ ОҔУҺА диэн баарыгар көстөр.
    Онно
    ханнык даҕаны МҮҺЭЛ-МОҺОЛ диэн баара көстүбэт.

    Ити биһиэхэ ДЬЫЛҔА диэнинэн сылдьар
    ...

    0
    • рядовой
      28 декабря 2018  

      Аны...

      ИЙЭ КЫЫЛ диэн баар

      0
      • рядовой
        28 декабря 2018  

        Бу маны ТОТЕМ диэххэ сөп...

        ...
        ол гынан баран
        бу сүрүннээн ойууттарга баар буолар
        Ол, ОЙУУН ханнык кэмҥэ (дьылга) төрөөбүтүнэн ааҕыллыан сөп.

        Былыргы ойууттар, бэйэлэрэ туспа кистэлэҥнээх буолаллар.
        ...

        0
        • рядовой
          28 декабря 2018  

          Дьэ...

          ...
          бу КИСТЭЛЭҤнэрин кинилэр хантан ылалларый???
          Ойуун - ТАҤАРА үлэһитэ
          Дьэ бу,,,
          били этэр ТЕНГРИАНСТВОларыттан ситимнээх быһыылаах.
          ...

          0
    • Саргыда
      30 декабря 2018  

      рядовой, "Дьылыттан көрөн кыыл имэҥнээх буолара" диэн наһаа да үчүгэйдик эппиккин.

      0
  • Саргыда
    29 декабря 2018  

    Ыйынан уонна сылынан уратылар тус - туспа буолуохтаахтар.

    0
  • Коля
    29 декабря 2018  

    Саха тылыгар Мүһэлгэ уонна Мөһүлгэ тус-туспа суолталаахтар эбит.
    Мүһэлгэ дьахтар төрүүр сааһын кытта сыһыаннаах,онтон Мөһүлгэ 12 уонна 60 сыл эргиирин кытта.Манна,мүһэлгэ диэн тыл ордук түүр тылларыгар чугас,мүшел,мүчел (каз.кыргыз) .Онтон Мөһүлгэ монгол тылларыгар чугас эбит,мөчүл,мөчлөг(монг.)

    0
    • Саргыда
      29 декабря 2018  

      Коля, олус сөпкө суруйаҕын. Киэҥ эйгэҕэ иһитиннэриэххин сөп эбит. Алҕас кэҥии, дириҥии илигинэ. Тарбахтан эмэн таһаарыы элбэх.

      0
  • Коля
    29 декабря 2018  

    Уонна ,бу омуктар сиэрдэринэн мөһүлгэлээх саастарыгар 12,.,..60 сэрэнэн сылдьаллар эбит,ыарыыттан,оһолтон.60 саастарын туоллахтарына аньыырҕаан бэлиэтээбэттэр эбит.Сахаларга эмиэ итинник курдук баар быһыылааҕа.

    1
    • рядовой
      29 декабря 2018  

      Ол тоҕо 12 буолуохтааҕый???

      арай
      бу 12-гэ туох эрэ сакральнай өйдөбүл баар буолуон сөп
      ыллылар даҕаны тоҕо 12 (уон икки) гыныахтарай?

      0
      • Саргыда
        30 декабря 2018  

        рядовой, Саха былыргы халандаарын билэр дьон тугу эмэ этэр кыахтаахтара буолуо. Халандаарга сыһыаннааҕы урут манна Амыдай суруйар этэ. Билигин быкпат да быһыылаах.

        0
        • рядовой
          30 декабря 2018  

          Чэ ону...

          РЕЛИГИЯ үлэһиттэриттэн көрдөө, ЛЕТОПИСЕЦтар суруйан хаалларбыттара буолуо.
          КИНИГЭ, ЛИТЭРЭТИЭРЭ бөҕөтүн бэрилээбит дьоннор олор бааллар.
          Төһөтүн уоттаабыттара,
          төһөтүн сымыйаннан суруйбуттара биллибэт.

          0
    • рядовой
      29 декабря 2018  

      Ити МҮҺЭЛГЭҥ, МӨҺҮЛГЭҥ 12-гэ туох сыһыаннааҕый?

      0
    • рядовой
      29 декабря 2018  

      Ити тылларгар биир дьиктитэ

      мҮһэлгэ (мҮһӨл)
      мӨһүлгэ (мӨһҮл)
      диэнҥэр ити Ү уонна Ө хардарыта түспүттэрэ көстөр

      0
  • Саргыда
    29 декабря 2018  

    Быйыл киин куораппыт киэргэтиитэ санньы курус. Хас да млн. экономиялаабыт мэрбит онтуттан да туттуо эбит. Урут эрдэттэн куораппыт килэйэн - халайан, мичилийэн киһи сүргэтин көтөҕөр буолара. Тэрилтэлэр да иннилэрин киэргэппэтэхтэр эбит дии. Оҕолуун улаханныын биир саамай сөбүлүүр бырааһынньыкпыт буолара.

    0
    • рядовой
      30 декабря 2018  

      САННЬЫАР-КУРУС диэ.

      0
    • рядовой
      30 декабря 2018  

      Дьиэҕэр, бэйэҥ дьуолкаҕар киэргэтии...

      уот-күөс баар буолла даҕаны бүттэҕэ ди.
      Куоратка ол-бу киэргэтии, мероприятие, дед мороз, снегурочка дии-дии төһөлөөх үб-харчы кутуллара-тохторо буолуой?
      Аны олор хамнастар-тойдоро, бөхтөрө эҥинэ элбэх.

      0
  • Уол
    29 декабря 2018  

    Ити рядовой диэн туох идиотуй,төттөрүтүн суруйар?

    0
  • рядовой
    30 декабря 2018  

    ...

    Предсказания на 2019 год для России от Ванги, вот что говорила ясновидящая: «Грянут погодные аномалии. В 2019 году ожидается резкое ухудшение урожайности на полях страны. Напряженные отношения со странами-соседями скажутся на уверенности людей в завтрашнем дне. Россия пройдет проверку на прочность, но выживет и расцветёт».

    0
    • рядовой
      30 декабря 2018  

      УРОЖАЙНОСТЬ НА ПОЛЯХ СТРАНЫ диэн...

      РОЖДАЕМОСТЬ диэнэ буолуон сөп

      0
      • рядовой
        30 декабря 2018  

        НО ВЫЖИВЕТ и РАСЦВЕТЕТ диэбитэ...

        ...
        ырааҕа-чугаһа биллибэт

        Биллэн турар
        бачча киэҥ дойду хаһан баҕар ЦВЕТИ гыныан сөп

        баҕар аны саас, баҕар 300 сылынан.
        ...

        0
  • Соргу
    30 декабря 2018  

    Ванга-миф.
    Иэҕэр диэн дьикти тыл баар. Сахсырҕаттан слону оҥоруохтарын сөп. Саҥа сылы көрсөргө Москуба бэрткэ тэриммит.

    0
    • рядовой
      30 декабря 2018  

      ВАНГА диэн сүрдээх эмээхсин...

      кини курдук сахаҕа СЫППАХА диэн баар этэ
      кини курдук диэн буолуо дуо?
      Ванга Сыппаха курдук эмиэ икки хараҕа суох.

      Миф буолбатах

      Айылҕа бэйэтэ этиттэрэр күүстээх буолар

      0
      • Соргу
        30 декабря 2018  

        Сүрдээхтэригэр эбии кинилэр этиилэрин тула аһара эбии -сабыы, искусственно оҥоһуута (дарбатыыта) элбэх ини

        0
        • рядовой
          31 декабря 2018  

          ...

          ...
          Ванга очень часто упоминала, что сознание людей и духовная сфера их жизни будет постоянно меняться.
          Сначала кризис достигнет своего апогея.

          Дьэ бу
          АПОГЕЙ
          буола турар курдук
          ...
          Дьиктитэ диэн
          АЙЫЛҔА былааска кимнээх кэлэн олороллорун билэр курдук эбит.
          Халлаанмыт,
          күнмүт-дьылбыт САТАМДЬЫТА СУОХ буолла,
          утарсар курдук,
          кэнники сылларга.
          ...

          0
          • Соргу
            31 декабря 2018  

            Ванга эппитинэн аҕыс сыл анараа өттүгэр Европа кураанахтаммыт буолуохтаах диэн этэ. Кураанахсыйыах быһыыта суох. Апогей диир буоллахха ол туһунан этэр эрдэ буоллаҕа. Айылҕа былааһы утарсыа дуо, былаас айылҕаны утарар.

            0
            • рядовой
              31 декабря 2018  

              ЕВРОПА кураанахтанан олорор...

              кини этиитэ суолтата кыра (өссө, күлүү-элэк оҥостоллор)
              ону
              ГУМАНИТАРНЫЙ КРИЗИС диэбиттэрэ - АПОГЕЙ

              0
              • Соргу
                31 декабря 2018  

                Ким билэр, бырансуустар тойонноро устунара дуу, суоҕа дуу. Устумматаҕына салҕыы бараллар кризистэрин кытта.. Европата да суох Арассыыйаҕа "клоуннар" элбээн иһэллэр.
                3 тыһыынчаҕа ыйга олоруоҥ этэ дуо?

                0
  • Курулгэн.
    31 декабря 2018  

    Кэлэн иьэр БАЙАНАЙ сылынанvictory handraised handchristmas tree

    Баай талым байылыат ологу
    Быстыбат буппэт убу
    Бараммат кэхтибэт утуо санааны
    Бука барыгытыгар багарабынraised fistraised fistraised fistvictory hand

    0
  • сахалыытыллаах
    31 декабря 2018  

    image

    Бу сарсыарда кыраһалаабыт..Ааһан эрэр сыл суолун саппыт..Үүнэр сыл ҮТҮӨНҮ ЭРЭ ҮКСЭТТИН..!!!

    0
  • Саргыда
    31 декабря 2018  

    Кэлэн иһэр араҕас Сибиинньэ сылынан барыгытын эҕэрдэлиибин!

    Уйгугут улааттын
    Эрэлгит эбилиннин.
    Саргыгыт салалыннын
    Дьолгут тосхойдун!
    Сыа - сым олохтонуҥ!
    Үтүө санаа үксүү турдун
    Кэрэ кэпсээн элбээн истин
    Сылаас сыһыан сатыылаатын!

    0
    • Тускун
      31 декабря 2018  

      Саҥа сыл кэлэн иһэринэн дьоһун саастарга эҕэрдэ!
      Ол эрэн сахалар араҕас сибиинньэҕэ сыһыаммыт суох буолуо.Биһиэхэ Байанай сыла ордук чугас.

      0
  • рядовой
    31 декабря 2018  

    АраҤас диэтэххэ, АраҔас диигит...

    Чэ
    буоллун.....

    Кэлэн иһэр 2019 сылынан!!!
    Саҥа сылы үөрэ-көтө көрсүҥ!
    Дьоллоох буолуҥ!

    0
  • Саргыда
    1 января  

    Саҥа үүммүт сылынан! Сахам дьонун саргыта салалыннын, уйгута улааттын, кэскилэ кэҥээтин!

    0
  • Соргу
    1 января  

    Саҥа сылга үтүөнү, киэҥ көҕүһү, сырдык-ыраас санааны, нус-хас олоҕу! Этэҥҥэ буолуҥ.

    0
  • Коля
    3 января  

    Өбүгэлэрбит мөһүлгэ халандаарын туһана сылдьыбыт буолуохтарын сөп эбит.Тоҕо диэтэргит,маннык тыллардаахпыт ону кэрэһэлииллэр
    .Хахай,моҕой,табысхаан,хой,табык,бар,луо диэннэр.Бу тыллар былыргы түүрдэр уонна монголлар 12 сыллаах мөһүлгэ халандаардарыгар киирэ сылдьаллар.
    Урукку сахалар сыллары маннык ааттаталыы сылдьыбыттара буолуо диэн сабаҕалыыбын.
    1.Кутуйах сыла (год мыши).
    2.Ынах сыла (год коровы).
    3.Бар сыла (год тигра).
    4.Табысхаан сыла (год зайца).
    5.Луо сыла (год дракона).
    6.Моҕой сыла (год змеи).
    7.Сылгы сыла (год лошади).
    8.Хой сыла (год овцы).
    9.?
    10.Табык сыла (год петуха).
    11.Ыт сыла ( год собаки).
    12.Хахай сыла эбэтэр Чооску сыла (год свиньи).Бу бүтэһик аакка Гахай -свинья диэн монголлуу иккиһэ түүрдүү.Хакастар Чосха чылы диэн сибиинньэ сылын ааттыыллар.

    0
  • Коля
    3 января  

    Эбисийээнэ сылын хакастар Кiзi чылы (киһи сыла) диэн ааттыыллар эбит.Баҕар сахаларга эмиэ оннук ааттыыллара буолуо.

    0
    • Саргыда
      3 января  

      Коля, мин
      9 - хахай сыла
      12 - сибиинньэ
      сыла диэм этэ.
      Монголлуу гахай свинья диэбиккин дии. Оттон Хахай диэн син биир баар буоллаҕа.

      0
  • Саргыда
    3 января  

    Нууччалар халандаардарынан бу сыл - год парящего орла диэн. Эмиэ кытай халандаарын быраҕыаҕыҥ диэн эрэллэр.

    0
    • рядовой
      3 января  

      Ону СОБАКА ЛАЕТ, КАРАВАН ИДЕТ диэххэ сөп.

      Тоҕо?
      Кытай халандаара олоҕурдаҕа ди
      оттон
      УЛУУ РОССИЯ диэн ааттаах дойду куруук уларыйа турар.
      Билиҥҥи кэмҥэ биллэринэн 100 сыл иһигэр иккитэ уларыйда
      1. Революция
      2. Перестройка
      3. ...
      ...
      уонна
      нэһилиэнньэтэ даҕаны аҕыйах
      ...

      0
  • Коля
    3 января  

    Саргыда,9 сыл эбисийээнэ сыла.Эбисийээнэ сыла был.т.Бичин йыл диэн,монголларга эмиэ Бичин жил эбэтэр Мэчин жил диэн.Бичин диэҥҥэ чугас саха тылын була иликпин.Эрдэтээҥи тыл үөрэхтээхтэрэ Бүүчээн диэн тылбытын Бичин диэн тылы кытта холбууллар этэ да,ону мин ылыммаппын.Бүүчээн эбэҥки тыла.
    Массыына ыытан иһэн суруйарбар ыарахан .Ситэ суруйбатым.

    0
  • Коля
    3 января  

    Мин тылга анал үөрэҕим суох идэбинэн суопарбын.

    0
    • рядовой
      3 января  

      Түүрдэр Мэймуун, Мэймил дииллэр эбит...

      сахаҕа итиннэ чугас тылынан МЭЙИК диэн баар
      бу тыл
      суолтата туох диэний?

      0
    • Саргыда
      3 января  

      Коля, оттон тыл үөрэхтээхтэринээҕэр билииҥ, толкуйуҥ таһыччы дии. Үөрэнэ сылдьыбыккын быһыылаах. Биитэр дьонуҥ билии биэрбиттэр. Учуонайдар этэ дуо?

      0
  • Коля
    3 января  

    Рядовой ,Мэймин диэн арабтар тыллара.Хата Мэймин диэн топ баара,онно мин киһи диэн нигынан суруйбутум.

    0
    • рядовой
      3 января  

      БЭЧИН диэнҥэр чугас БЭДИК диэн баар...

      бу тыл төрдө БЭЙДИЭ
      Бэйдиэ барбыт - мээнэ, бырах барбыт
      диэн суолталаах.

      0
  • Саргыда
    3 января  

    Биһин, бичий

    0
  • Коля
    3 января  

    Билиэн баҕарбыт интернет көмөтүнэн булар,мин эмиэ.

    0
  • .Дьэ
    6 января  

    Бу Коля (Эр , Киhи) сымыйаннан үөрэҕим суох диир быhыылаах , эбэтэр аҕата учуонай буолуо.
    Онтон атын хантан итини барытын билэр?!!
    Аҕатын кинигэлэрин көрөн кэпсиир дуу??????

    0
    • Саргыда
      6 января  

      .Дьэ, мин эмиэ итинник диибин. Урут e диэнинэн киирэр бороҥ никка майгыннатабын. Буочара биир. Наһаа иһэр этэ дии. Барахсан хаарыан өйүн аһыы ууга сүүйтэрбит. Эр диэн ник атын ини. Ол ЭР испэт, дьоһун ыал аҕата. Билигин киирбэт быһыылаах, түбэһэн аахпаппын.
      Кытыы саха билиэн сөп этэ да, ол киһи атыны, хаалары соһооччу.

      0
  • Саха
    6 января  

    Саргыдалар оннуктар-манныктар гони гынан бутун эрэ. Ону-маны сымыйанан ырытан бутун билээттэр!

    0
    • Саргыда
      7 января  

      Саха, таах да сыыһа гыммыппын. Тугум да кыһалҕатыгар билэ сатаабытым буолла? Бырастыы гын. Этэҥҥэ буол.

      0
  • '
    6 января  

    Ты то кто которая чк?

    0
  • Чкабын мин
    6 января  

    Ьаргыда беа балта уьу

    0
  • Коля
    7 января  

    Саргыда мүөткүн дуо

    0
  • Коля
    7 января  

    Саргыда кэл миэхэ.

    0
  • Абама
    7 января  

    Бу киһи итирбит,Саргыданы кинигэ сурайыгар көрдүүр быһыылаах.

    0
Ответ на тему: 2019 сыл - араҕас сибиинньэ сыла
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания