1 месяц на форуме Автор 1000 просмотров Все
Награды
1 месяц на форуме
1 месяц на форуме
Автор
Автор
1000 просмотров
1000 просмотров
Былыргы ыарахан олох
  1977
Былыр ыарахан да олох кэлэн ааспыт эбит дии... сосед эмээхсин кэпсиир этэ:
— Эдэр сылдьан ыанньыксыттыыр эрдэхпитинэ, күһүн уу тоҥор буолбутун кэннэ ходуһа нөҥүө сылдьар ынахтары хомуйан аҕаларбытыгар этэрбэспитин илитимээри устан, кыбынан баран сыгынньах атахпытынан муустаах ууну кэһэрбит. Күнү быһа тоҥ мууһу тосту үктүү2 ынаҕы эккирэтэн атахпыт тоҥон дулҕа үрдүгэр үктэнэн олорон ииктээн баран онно атахпытын ириэрэ сатыыр этибит...
Билигин муустаах ууну кэһэн хааман иһэн ону санаатахпына — хдх муустаах ууну атах сыгынньах кэһэрбин санаатахпына этим тардар. Барахсаттар эрэйдээх да олоххо олорбуттар эбит.
Биир эмээхсин:
— дьадаҥы дьон оҕолоро буоламмыт биһигини бырааппын кытта дьоҥҥо окко көмөлөһүннэрэ ыыталлар этэ. Арааһа туох эрэ иэстэригэр үлэлэтэ ыыталлара буолуо. Онно туох да аһа суох бараахтыыр этибит. Сороҕор куобах буута өйүөлээх буолар этибит. Ону күнү быһа сылдьар өйүөбүтүн сахсырга ыспыт буолар. Ол чиэрбэтин ыраастаары гыннахпына быраатым ,,ыраастаама да... тотоойу буолуо'' диэхтиир этэ... ол үлэлиир дьоммут кыахтаах дьон арыылаах лэппиэскэ сии олорон — ,,оҕолор, аһаан иһиҥ'' дии2 күлсэллэр этэ. Биһиэхэ астарыттан бэрсибэттэр этэ...
Билигин биһиги ас үчүгэйин аһыы2 оттуубут. Ону санаатахпына сүрдээх да олох эбит дии саныыбын...
Өссө биир кэпсээни аахпытым. Дьиҥнээх олохтон. Сэрии саҕана уол оҕо быраата аччыктаан ытыырын уоскута сатаахтыыр... ,,ытаама да... билигин ийэбит кэлиэ... үүт аҕалыа... (аҕалбатын билэр этим) эйиэхэ бу чаачар саабын бэлэхтиибин. Манан аны саас кустаар'' быраатым ытыы2 чаачар саатын кууһан утуйан хаалаахтыыра... төһөлөөх аччыктыыллара буолуой... оҕолор барахсаттар...
Ынырык олох дии...
Ответов 53 Написать ответ
  • Эркинхан
    Эркинхан
    вольдемар
    7 октября  

    Тымныы доруобуйага туьалаах.

    0
  • Р
    7 октября  

    ,,Тымныы доруобуйага туьалаах" дии2 кыр-кыһын таһырдьа тахсан деткалаа да деткалаа... түмүгэр элбэх тётя циститтаабыта, хаанынан ииктии сылдьар буолбута

    0
  • Быйанг
    7 октября  

    М. Горькай "На дне" диэн кэпсээнин аахпытын? Оннук олорбуттара нучча дьонноро... Бэттэх, дьоннор син киһилии олордохторо дии.. Былыр, ол кэмнэргэ, нучча дьахталлара, саха киһитигэр ойох булан олорбут киһи диэн баҕа санаалааъ сылдьар кэмнэрэ

    0
  • Цин
    8 октября  

    Олох уларыйар. БиЬиги бу кырдьа5ас дьоннор ону ейдуубут, бу улугэр учугэй олоххо олорон куЬа5аны сацарбат буола сатыыбыт. Оттон ити эдэр келуенэ былааЬы уе5эн, олох отой ыараата диирэ элбэх. Асфальт алдьаммытын кере2 уе5уу бе5ете, биир еттунэн кердеххе эмиэ даа сеп, атын еттунэн кердеххе эмиэ даа сыыЬа, бадарааны кэЬэ сылдьыбыппыт, а5ыйах сыллаахха.

    0
  • Р
    8 октября  

    Ханна баҕар, хаһан баҕар прогресс барар буоллаҕа... олох сайдан иһэр.

    1
  • .......
    8 октября  

    Автор, сепке кэпсиигин. Мин эмиэ итинник кэпсээни кырдьа5ас киьиттэн истибитим. Биьиги ыарахан олох бириэмэтигэр тубэьэр гына тереебетехпутуттэн уеруех махтаныах эрэ тустаахпыт.

    0
  • -кытыыСаха-
    8 октября  

    Ок сиэ! Эбиллэн сабыллан кэпсээн буолан истэҕэ.

    дьадаҥы атах сыгынньах хамначчыт оҕо саха кылаассыгын кэпсээнигэр ынах саҥа саахтаабытыгар атаҕын үктээн ириэринэ туран дулҕалары ааҕа үөрэнэр курдук этэ.Ол дулҕа быыһын мууһугар ииктээн сырылыппыта халыйан баран төһө сылаас сытта үһүө.
    Өйүө куобах буутун аччык барахсан хайдах сахсырга ыһан кыймыыта тахсыар дылы хас да хонук сүгэ сылдьыай?Күн аҥарыгар кыймыыт тахсыбата биллэр.

    0
  • Р
    8 октября  

    К.с, этиспит-мөккүспүт киһи диэн санаалаах придурочнай киһигин. Сахсырга аҕыйах мүнүүтэ иһигэр ыһааччы. Дулҕаҕа ииктээн атахпытын ириэрээччибит диэн кэпсээбитэ. Итэҕэйбэт буоллаххына саҥата суох олор. Долбаеб сраный...

    0
  • саркози
    8 октября  

    Сахсырха куйааска дьэ бэт тургэнник ыhар онноогор ыам балыгын сагана агыйах чаас харайыма эрэ хончоннос буолбут буолааччы

    0
  • Цин
    8 октября  

    О5онньор хара5а мелтеебут буо, личинка улахана 1 мм, биир сахсыр5а 80-120 устууканы ыЬар

    0
  • Цин
    8 октября  

    Что будет, если съесть личинку мухи
    Опарыши появляются на свет совсем маленькими – не более 1 мм. Они интенсивно питаются, быстро растут и уже через 2-3 дня становятся заметными. Ситуация, когда человек съел опарышей, происходит в быту довольно часто. Никто об этом особо не задумывается, но если начать разбираться, ничего страшного не случится.
    Личинка мухи, несмотря на непривлекательный вид, приносит своим присутствием пользу. Опарыши выделяют вещества, которые по действию превосходят мощный антибиотик. Пребывая в неблагоприятной среде, они не подвергаются воздействию болезнетворных микроорганизмов, способствуют их уничтожению.

    0
    • -кытыыСаха-
      8 октября  

      Оҕонньор билигин да кыраҕы.

      Цитата:
      уже через 2-3 дня становятся заметными.

      Аччык киһи өйүөтүн 2-3 хоннорон үөн хончоҥнуурун күүппэт ини.

      0
  • Р
    8 октября  

    К.с, Ол сахсырга ыстаҕына киһи хараҕар көстүөр дылы 3 хонук наада дии саныыгын дуо? Хаһан да сахсырга ыспытын көрө иликкин бһх.

    0
    • -кытыыСаха-
      8 октября  

      Хм... Ити Цин хантан хостоон ылан суруйбутун сурас ээ.Билэр дьон кэпсээтилэр ини.Нууччалыы билбэт

      буоллаххына тылбаастыам: "сахсырга ыамата түргэнник улааталлар,2-3 хонугунан киһи хара5ар көстөр буолаллар"-диэн.
      Мин күнү күннээн саахпын сахсырга ыһарын манаан өҥөйө сытар кыдьыгым суох ээ.

      0
  • Цин
    8 октября  

    На заметку!
    Домашние привычные мухи откладывают яйца в фекалиях, гниющих растениях, овощах, чтобы сразу обеспечить личинок питанием после появления на свет. Падальная муха, она же мясная, является живородящей. Воспроизводит в таком же большом количестве личинок первого возраста, размером около 1 мм. Среда для развития детенышей мясной мухи – мертвые ткани животных, человека. Некоторые личинки являются хищниками, поедают себе подобных, кузнечиков, улиток, либо живут под кожей человека, животного, вызывая страшные заболевания – миазыapest.ru/muhi/o-muhah/yajca-i-lichinki-muh/

    1
  • Р
    8 октября  

    К.с хаһан да кустуу, куобахтыы, балыктыы сылдьыбатах киһигин бһх. Сахсырга ити аска ыамалаан кэбиспитин көрбөтөх бэйэҥ дуу... сибилигин хаптарбыт балыкка ыамалыырын көрбөтөххүн бһх. Этиһэ сатыыр куһаҕан адьынаттаах киһигин ээ.

    0
    • -кытыыСаха-
      8 октября  

      Кэбис до5оор бултаан балыктаан баран булкун харайбакка,

      айыы да5аны, үөҥҥэ ыстара сылдьыбат буоллаҕыҥ дии

      2
  • Р
    8 октября  

    К.с, Оҕо буола сылдьыбатаҕыҥ дуо? Хдх эрэ кыра оҕо курдук толкуйдаах бэдиккин ээ. Аахсан да диэн...

    0
    • -кытыыСаха-
      8 октября  

      Хайа до5оор,хайдах о5о буолбакка о5онньор буолан хаалыахпыный.

      Онноо5ор саллаҕар бастаах ыама буолан,былыр икки ый устата а5ам тээһэҥкэйигэр биэтэҥэлии сылдьыбытым,онтон тоҕус ый ийэм түһэҕэр токуруйан сыта сатаан баран,уол оҕото бэйэлээх бэрдэ буолан, бэттэх мэлэс гыммытым.
      Эн ити туохтаа.., кырдьыгынан сымыйаннан кэпсээн ис,син сэҥээрээччи көстүө.

      0
  • Курулгэн
    8 октября  

    face with tears of joyface with tears of joyface with tears of joy
    Кытыы эмискэ, биирдэ ойдообутун, огонньор буолан хаалбыккын диэ?smiling face with open mouth
    Моккуьэргитин аага-аага хата дэлби куллумface with tears of joy

    0
  • Курулгэн
    8 октября  

    Придурочнай киьи..долбаеб онорбуттар аныsmiling face with open mouth
    Санардыы санаатын суруйуохча буолан иьэн...)))
    Уонна бутэьигэр- Кытыыттан олбут хаалбыт того эрэ элбии турара дьикти?...
    Ким сагалыыра дьэнкэтик костор да буоллар...

    0
  • Чыбылла
    Чыбылла
    Ветеран
    8 октября  

    Сэбиэскэй былаас кэлэн сэрии бө5өтө буолбут, үрүңнэри ол аата саамай өйдөөх дьоммутун кырган кэбиспиттэр, онтон репрессия са5аламмыт, сүөһүлэрин былдьаталаан колхозка симпиттэр, чааһынай хаһаайыстыба көңүллэммэт буолбут. Өссө иккис а5а дойду сэриитэ са5аланар, СУТ ДЬЫЛЛАРА буолбут.
    Эбэм кэпсиир, тоң хаарга аччыктаан өлөн сытар өлүк элбэх үһү, ким да кыһын көмөр кыах суох буолан, саас көмөөрү өлүктэри саһааннаан сытыараллар үһү. Бүгүн уу иһэ олорбут о5онньор, сарсыныгар хоргуйан өлөн хаалар буолар үһү. О5олор да аччыктаан, ыалдьан, тоңон өлөллөрө элбэх диир.

    Ол иннигэр киһилии олорбуттар эбит. Былыргы Баайдар, Баһылыктар, дьоннорун көрөн истэн хоргуппакка үлэлэтэн хамнатан, өйөөн олордохторо ди.

    0
    • -кытыыСаха-
      8 октября  

      Эбэм кэпсиир,-диэ... Эһиэхэ эбэҕит эрэ бэтэрээ киһи буоллаҕа.

      Онтон миэхэ ийэм барахсан итинниги кэпсииригэр хара5ын уута тамалыы олорооччу.Ол кэмҥэ өлбүт ийэтин бырааттарын ахтан ааһара.
      Онтон эбэм,аҕам ийэтэ, олох да Үрүҥ ыраахтаа5ы ньармаан сэриитин тарпытын, кэлин кыһыл-үрүҥ өрбөҕү бэргэһэлэригэр кэлтэччи тиктибит тэлгэһэ таһынааҕы сэрииһиттэр аймалҕаннарын,Кыраап кытылыгар борокуоттан сүөкэммит,түөстэрин туора кыһыл суккуна сурааһыннаах,хороҕор бэргэһээх нуучча сэрииһиттэрин туһунан уустаан ураннаан кэпсиирэ.

      0
  • Р
    8 октября  

    Ээ, оттон наһаа оннук-маннык кытыыттан-обочинаттан өлбөт инибин. Киһи аахсыбат чиччигэ бһх ээ

    0
  • .......
    8 октября  

    Манна былыргы ыарахан олох туьунан кэпсэтии сахсыр5а туьунан буолбатах

    0
    • -кытыыСаха-
      8 октября  

      Былыргыны да быктарар кыахтаах чиччикпин

      Улуу Сэрии Улуу кыайыыннан түмүктэммитэ,хас биирдиибит дьыл5атын
      таарыйан ааспыта. Өскөтүн ити ыар сыллар,кырыктаах сэрии биһиги дойдубутун, норуоппутун тумнан ааспыт буоллар, хайдахтаах чулуу дьоммут
      дьыл5алара атыннык салаллыа этэй! Саха норуотун алта уонча тыһыынча
      киил дьоно тыыннаах хаалан о5о-уруу төрөтөн оло5у сал5аабыттара буоллар.
      А5ардас мин а5ам дьиэ кэргэниттэн, уон биир о5олоох ыалтан, ыам ыйын9 күнүн 1945 сыллаахха ийэтинээн иккиэйэх тыыннаах ордон куустуһан туран
      Тиксии муоратын кытыытыгар ытаспыттарын кэпсиирэ...

      Уһук хоту кыраайбар
      Улуу сэрии дуораана
      Уот буолан уһуурбатаҕа
      Ытык кыргыс ыар тыына
      Буорах буруотунан бүрүйбэтэҕэ
      Кытыы кыраай кыра норуоттарын
      Уоһук оҕонньор уурааҕынан
      Уоттаах сэриигэ уһаарбакка
      Боруоҥҥ балык бултуурга,
      Бууска –буулдьа буолар
      Сибиньиэс-хорҕолдьун буларга,
      Тааҥка ,сөмөлүөт ыларга,
      Кыһыл көмүскэ тэҥнээх,
      Түүлээх булдун тэнитэргэ,
      Үлэ боруонун тэрийэргэ
      Кытаанах дьаһал кэлбитэ
      Хаарыаннаахай Ийэ дойдубутун
      Хабарҕатыттан хаппыт
      Хаанымсах өстөөх кырыыһа
      Хоту сиргэ хоргуйуу буолан
      Хойуу туман курдук
      Сыыйа-баайы сыылбыта
      Суостаах сэрии сыдьаайа
      Сутааһын сордоох суолунан
      Сиэтэ сылдьан, дьоммун сиэбитэ
      Кыамматы кыайбыта,тулаайаҕы тонообута,
      Кыраны,кырдьаҕаһы кыдыйбыта,ыарыһаҕы ылгаабыта
      Байыаннай бириэмэ буолан
      Бобуу-хайыы,ыгыы-түрүү кытаанаҕа
      Бүтэн биэрбэт байыаннай үөрэх
      Бииртэн биир нолуок,сайыам
      Сылаас таҥас хомуура
      Ыраах ындыы тардыыта,борукуот саһаанын туруоруу
      Улуу сэрии кырыыстаах сылларарыгар
      Быстах-остох санааттан,сыыһа-халты саҥаттан
      Элбэх киһи сор-суолланан
      Эһэ-Хайаны булбута,лааҕыр быыла буолбута.
      Муустаах муора тоҥ кумаҕар
      Фиин,латыыс өлүгүттэн ынырык саһаан субурҕатын
      Аҕам курустук кэпсиир буолара
      Тиксиигэ тиийбит тимир ааллар түрүүмнэриттэн
      Түөрэккэй тимир тыраабынан түүннэри-күнүстэри
      Эмиэрикэ бурдугун эбэм эрэйдээх
      Эт саннынан элбэҕи таспытын эбэн этэр этэ.
      Уон биир о5олоох улахан ыалтан
      Со5отох уолун тутан хаалбытыттан
      Хараастан, умса туттан олороохтуура.
      Улуу Кыайыы буолбута, улахан толук кэнниттэн.
      Өһүөннээх өстөөҕү өһөрөн, өрөгөй ырыатын толорон,
      Дойду дьорҕоот уолаттара дьоруой буолан кэлбиттэрэ.
      Килбиэннээх кыайыыга кыра норуот кылаата
      Кырата суоҕун туоһулаан
      Уоһук оҕонньор одуулуур
      Аҕам,эбэм мэтээлиттэн.

      0
  • herculay1
    8 октября  

    Билигин да оннук суох у,у дуо. Ханнык ба5ар олохтор бы,а тардан тугу ба5ыра булуохха сэп.

    0
  • Тыа уола
    8 октября  

    Билигин уоруйах былааһа. Дьиэҕин боруобалаан хатаабакка бар эрэ...Былыр минньигинэн баттатан кэбиһэллэр эбит. Ким да киирбэт. Киирэн да, тугу ылыа эбитэ буолла. Ол саҕана ким үлэлиир, ол аһыыр этэ буоллаҕа. Билигин ким уһун, минньигэс тыллаах баай дьон элбээтэ, дьадаҥы уонна баай диэн икки кылаас дьоно үөскээтилэр. Ааннар уон араас күлүүһүнэн хатаналлар, баайдарын хатыыллар буоллаҕа. Былааска, дуоһунаска олорон дьон туһугар үлэлиир, бэйэтэ олорор да дьиэтэ суох киһини мөлтөҕүнэн сыаналыыллар. Онтон оннук дуоһунаска олорон сэттэ ордугуна уон мас, таас дьиэни, лодка, катер атыыласпыт, хас аймаҕын аайы биирдии массыынаны анаабыт, норуотун туһугар төбөтө ыалдьыбат киһини, киһи бастыҥынан, өйдөөҕүнэн ааҕар кэм кэлэн турар. Онон олох олох бэйэтэ туһугар үчүгэйдээх да, куһаҕаннаах да буоллаҕа...Онон ону маны сүөргүлээбэккэ, кыһыл үьүн диэн арахсыбакка иллээхтик олорор тоҕо табыллыбатый?

    0
  • 555
    9 октября  

    Туо. сеп со5устук этэ5ин. Бэйэц бэйэ5ин кытта эмиэ иллээхтик олоро сатыыр ордук. Ханнык эрэ кс тикси муоратын таьыгар баран ытаабытын саныы саныы баччаацца дылы дьоннору уе5этэлии сылдьара туохха нааданый. Дьоннору аьара уе5этэлээн уурулуннэ ини

    0
  • -Мила
    9 октября  

    Дьэ сөп,ас-таҥас тутаҕар ким хайдах сатыырынан олорон кэлбитэ биллэ,чахчы ыарахан,выживание.
    Онтон мин оччотооҕу кэмҥэ оскуола оҕотугар учуутал кырыктааҕын аҕам кэпсээниттэн күлэ да,сонньуйа да саныыбын.Ити чахчы билиини биэрэ сатаан муҥнууллара эбитэ дуу эбэтэр учуутал диэнтэн толлуохтаахтара эбитэ дуу.
    Кырыылаах хардаҕаска тобуктатан туруораллар,илиилэрин чыпчахайынан быһыта сынньаллар,аҕам тулуйа сатаан ытаабат этибит диир(43с төрүөх).Бу дьонноро тоҕо көрөн үҥсүбэттэрэ эбэтэр буойбаттара буолуой,дьэ туһунан "бэрээдэк"ди.
    Билигин учуутал инцидент да баар буоллаҕына 1м чугаһыа суохтаах))).

    0
    • Үһүйээн номох
      13 октября  

      -Мыыла, кырыылаах хардаҕаска тобуктаталлар, чыпчаххайынан тарбахтарын быһыта сынньаллар үһү диэ... кэпсээнтэн кэпсээн диэ. Эбиллэн-сабыллан, туустанан-тумаланан, тупсарыллан кэпсээн буолан таҕыстаҕа... былыр Улуу Өктөөп өрөбөлүүссүйэтин иннинэ баачыска барахсан таҥара үөрэҕин туора урдустарга иҥэрэригэр кырыылаах хардаҕаска тобуктатыы, чыпчаххайынан эти аһытыы курдук оччотооҕу олох "аныгы инновационнай үөрэхтээһин" ньымаларын хото туһаналларын кылаассык суруйааччыларбыт кумааҕыга тиһэн хаалларбыттара номох буола сырыттаҕа. Ити кытыысаха этэрин курдук. Аны туран. Аныгы сахсырҕабыт кыыл-сүөл, киһи курдук тыыннаах ыаманнан төрүүр-ууһуур буолбут эбит дуу, урут сымыыттыыр (личииҥкэ) буолар этэ, ону саахтыыр диир буоларбыт, киһи хараҕар быраҕыллар 2-3мм буолааччылар. Олор биир күн иһигэр хончоҥнос, кыймаҥас ыама буолуохтарын өйүм хоппото.

      0
      • -Мила
        13 октября  

        Үһүйээн номох, дьэ дьиктитик эриэхэбэйдик ыйытааччы буоллуҥ ол гынан баран сахсырҕаҕын миэхэ тоҕо кэпсээтиҥ?мин суруйбуппар туох уопсайа баарый,санат эрэ.
        Ити хардаҕас,чыпчахай туһунан аҕабыттан,сылын ыйан туран истибитим,ол аата былыргы "метод" сорох учууталларга иҥиэн иҥпит эбит.
        Аһары баран никпын тупсара сатаама,хайдах суруллубутунан суруй,не фамильярничай,в садике в олном горшке не сидели.

        0
        • Номох үһүйээн
          13 октября  

          -Мыыла, эйигиттэн тугу да ыйыппатым кукаам, киһи ону-маны туоһулаһыах бытааһаҕа буолбатахха дылыгын. Ити сахсырҕа туһунан эйиэхэ туһулаан эппэтим, уоскуй. Күн аҥарыгар сахсырҕа сааҕа хончоҥнос үөн буолар диэччилэргэ анаан бичийдим. Оттон ити аҕаҥ кэм бэтэрээҥҥи киһи эбит, 43 с.т. буоллаҕына. Начаалынай оскуолаҕа 50-с сыллар саҕаланыыларыгар үөрэннэҕэ. Ол сахха учууталлар чыпчаххайынан быһыта сынньалларын, кырыылаах хардаҕаска тобуктаталларын туһунан бачча сааспар диэри истэ да ааҕа да илигим. Оннук буоларын олус улаханнык саарбахтыырбын ааһан итэҕэйбэппин. Ол иһин этэбин, аҕаҥ өрөбөлүүссүйэ иннинээҕи баачыска үөрэҕин үөтэрэ буолуо диэн.

          0
          • -Мила
            13 октября  

            Номох үһүйээн, түөһэйбэтэх буоллаххына санааҕын уопсай суруй,мин никпар туһулаан буолбатах,хааһылаама.
            Оччо айылаах бытааһахтаммыт төһө саастаах киһи үһүйээн номох буолан айгыстан мин ааппын ааттаабытынан киирдиҥ?
            Итэҕэй итэҕэйимэ ол бэйэҥ дьыалаҥ,мин аҕам кэпсээбитин истэн киллэрдим.Эмиэ биир улуу өйдөөх киирбиккин,ээ?

            0
  • Р
    9 октября  

    Ол саҕана учуутал диэн боростуой киһиэхэ ,,сир уонна халлаан'' курдук буоллаҕа буолуо. Учуутал ,,барытын билэр, барытын сөпкө оҥорор'' диэхтииллэрэ буолуо... безнаказанностан оннукка тиийэллэр ини.

    0
  • Р
    9 октября  

    Мин кэргэним кэпсиир дии... д.с саастааҕар ийэтэ өлбүт тулаайах. Аҕатыгар иитиллибит. Онно 5-ис кл үөрэнэ сырыттаҕына учуутала (эр киһи) ,,концерга кыттыбатыҥ'' диэн ,,баттахпын илиитигэр эрийэн тутан туран кэннигэ тэбиэлээбитэ'' диэхтиир... линейка иннигэр... бу сүрдээх дии... ол учуутала өлбүтүн истэн ,,хаарыан учууталым барбыт'' диэбэтэҕэ...

    0
  • Курулгэн
    9 октября  

    Ханнык багарар кэмнэ учууталын убаастаныахтаах ини?..
    СОЮЗ сагана хайдагын бэккэ билэгит..
    Билигин учуутал оголору могуон даганы куттанар улугэрэ...
    Права ребенка дии-дии аьары тараннатыы ким билэр....
    Учуутал аата учуутал- дьарыйыахтаах буоллага....

    0
  • Р
    9 октября  

    Миигин үөрэппит А.П. нааһа строгай учуутал этэ. Боруоба уруокпутун билбэккэ кэл эрэ. Мөҕөн, кымаахтаан сэттэбитин ылар этэ. Кытаанах дисциплина этэ. Кинилэр курдук требовательнай учууталлар баар буолан үөрэхтээх дьон буоллубут дии саныыбын. Иначе орой мэниги хдх үөрэтиэххиний. Учууталларбын убаастыыбын. Кырдьан буорайаахтаабыттар.

    0
  • Курулгэн
    9 октября  

    Оннук....
    СОЮЗ саганаагы учууталлар уксулэрэ требовательнай этилэр..
    Билигин билбит суох..
    ЕГЭ урдук балл сырсыыта..
    Аны оскуолага учуутал хамнаьа кыра дииллэр.. оннук-маннык стимул тайма..
    Уорэтэр огон ахсааныттан хамнас тутулуктаах
    Тыага кылааскар- 8-10 ого баар буоллагына мэлийэллэр хамнастан..
    Куоракка ол оннугар 25-30 оголоохтор кылаас аайы.
    ТЫА учуутала уонна того кыьанан уорэтиэй?..наадалаах этэ..
    Ол иьин тыага учууталлыы барыахтарын соччо багарбаттар ини?.
    ХАМНАЬЫ тэнниэх баар этэ..киьини ХАРЧЫ хамсатар...

    0
  • 123321
    12 октября  

    Разумная требовательность нвада. Маннык буолуохтаах эрэ диэн, требовательнай эрэ аатыраары таьынан барыы ол Союз да са5ана туохха туьалаах этэй? Туох эрэ сыаллаах-соруктаах о5ону уерэтэллэр бо, ол соруктары ситиьэргэ арыый бэтэрэнэн, киьилии ньыма туттуллуохтаах. Кымаахтаан да, оройун да хаьан тугу туьаныаный? Ол аайы билии дозанан киирэрэ буоллар ама дуу?
    Ол эрэн уерэнээччи уонна учуутал икки ардыгар кытаанахтык тутуьуллар дистанция баар буолуохтаах, ол кэьилллэр тугэнигэр кытаанах миэрэ ылыллыахтаах, уонна хас биирдии оннук случай киьи доло5ойугар тохтуур курдук быраабыла быьыытынан суруллуохтаах: о5о учууталын кытары тэбис-тэн бырааптаах бизнеспартнер буолбатахтар: панибратство туох да учугэйгэ тиэрпэт. Ити дистанция кытаанахтые тутуьуллар буолла5ына учуутал о5о5о илиитин кете5уен иннинэ сэттэтэ толкуйдуо, о5он учууталга киэбирбитэ бэйэтигэр 7 тегул ыараханнык эргийэн кэлэрин биллэ5инэ толкуйдуу-толкуйдуу санарыа....
    20-с да сылларга, на заре Советской власти, энин араас уларытыы ыыта сатаан баран то5о эрэ тохтообуттара ди. И, наверняка, не по личной прихоти Сталина?

    0
  • -Мила
    12 октября  

    Сааскы кэм ромаҥҥа кэлин киинэтэ эмиэ баар,Микиитэ Лэглээрин үөрэнэ кэлэригэр нуучча тылын учуутала баар этэ ди ити 2017-18 сс буолуо кылааска теманы кэпсиирэ үчүгэйин,хайа да бэйэлээх орой мэник чуумпуран истэр,маннык учууталлар билии бөҕөтүн биэрбит буолуохтаахтар.Таҥара үөрэҕин ыытааччы баачыканы санааҥ,үөрэҕи соҥооһун,атын итэҕэллээх киһини саатырда сатаан,маннык учууталлар оҕолору кырбыыллара,туораталлара чуолкай.
    Маннык көстүү буолунай буолуохтаах,былыргы олоххо диэххэ.

    0
  • Тускун
    13 октября  

    Былыыр былыр аҕабынан хос эһээм аах син кыанар соҕус ыал эбиттэр.Революция кэннэ ыаллар ынах,сылгы сүөһүлэрин колхозка холбоон тутан ылбыттар.Хос эһээм кэргэнин,тоҕус оҕолорун уонна ийэлээх аҕатын кытта холкуос кииниттэн ыраах, кытыы сиргэ олорбуттар.Төһө эмэ холкуос киинигэр көһөн кэлиҥ диэн ыгыы баарын үрдүнэн эһээм булчут буолан кэлбэтэхтэр.Сорох ынах,сылгы сүөһүлэрин ыраах үрэх баһыгар илдьэн хотон,дал туттан онно көрөн харайан сэрии сут сылларыгар аччыктаабатахтар.Боломуочунай кэлэн дьиэ сыһыары тутуллубут туруорбах хотоҥҥо биир ынах,биир ньирэй,биир тыһаҕас,көлүүр оҕус,далга биир ат баалларын аах оҥорон барар эбит.Өскөтүн хос эһээм сорох сүөһүлэрин кистээн ииппэтэҕэ буоллар уон үс киһи хайдах буолуохтара биллибэт этэ.
    Онон билигин кини оҕуруктаах өйүгэр кини сиэннэрэ,хос,хос өссө хос сиэннэрэ махтана саныыбыт.

    0
  • Мария
    13 октября  

    Сэрии са5ана аччыктааьын да баар бе5е буо. Ол да буоллар ебугэлэрбит син киьилии олорон кэлэннэр баччаанна диэри саха дэнэ сырыттахпыт дии. Олох арааьынай,учугэйдээх да куьа5аннаах да буолар. Аныгы олоххо этэннэ барсан иьиэххэ наада буо, бары ейеьен-убаьан. Билигин да сэнэьии, улахамсыйыы,киэбирии элбэх дии саныыбын. Дьон тойон буолла да дьону сэнии туьэр,уеьээннэн керер. Оьуоба сахалар бэйэ сыьыаныгар ити наьаа элбэх.

    0
  • Быйанг
    13 октября  

    Былыргыны саныыр суруйар дьоннор суруйбутттарын ааҕан, саха эрэ сиригэр, сахалар эрэ итинник - кинилэр кэпсииллэрин курдук олорбуттар - диэн сурах тарҕатар курдук суруйаллар.
    Кинилр суруйар кэмнэригэр СССР устун барытгар бары народтар итинник олордохоторо, билинҥи сайдыы кэлэ илик кэмнэрэ буоллаҕа дии..

    0
  • 3
    14 октября  

    Бу быйанг курдук ньүдьү балай үөрэҕэ суох киһи 10сыл буолла форумҥа киирэн кэлиилии кэбэ турар, эбэҥки диэн омук суох 1931сыллаахха айбыттара диир, бэйэтэ да ханнык омуга биллибэт сахалыы сатаан суруйбат эрэт. Хас улуус аайы хантан хааннаахтарын номохтор сэһэннэр сурукка тиһиллэн кэлэр көлүөнэҕэ суруллан хаалар, ону баара бу быйанг курдук халы мааргылар форумҥа киирэн билээҕимсийбитэ буолан уларытан суруйаллар.оннук суох буолуохтаах.

    0
    • Быйанг
      17 октября  

      3,
      1931сыллаххатан эбэнки диэн баар, олох суох диэн эппэтэҕим. 1931 сыл иннинэ эбэнкилэр диэн суох этилэр диибин. араас омуктар тоҥустарын холбоон баран биир - Эбэнки (Эвенки) диэн народ оҥорбуттара. Элбэх саха дьонноро саҥа тэриллибит народтарга кинилэр аатттарынан, льгота туһугар, уонна үрдүк үөрэх ылар туһугар суруттарбыттара


      Былыргы саха тоҥустара син биир сахалар буоллахтара дии, сахалыы тыллаах, улууска киинигэр, эбэтэр куоракка киирэн олохсуйдатарына саха диэн ааттаналлар, онтон тыаҕа олоро баран хааллахтарына тонус диэн ааттаналлар. Былыр сахалар хоту сирдэргэ оннук олордохторо дии..
      Билигин, Саха сирин эбэнкилэрэ үксүлэрин өбүгэлэрэ саха буоланнар, барытын үлтү буккуйан баран сылдьаллар..

      0
    • Быйанг
      17 октября  

      3,
      1931 сыл иннинээҕи суруктарга, кинигэлэргэ, метрическай кинигэлэргэ, этнограф ученайдар, первопроходец тар суруктарыгар, маҥнайгы казактар суруктарыгар - эбэнки (эвенки) диэн ааттаах народ тыһунан туох даҕаны суох.

      0
  • .......
    17 октября  

    Мария, 3, сепке этэ5ит.......

    0
  • .......
    17 октября  

    Мацнайгы казактар суруктарыгар суо5а биллэр буолла5а дии. Саца кэлээт тугу билиэхтэрэй, онноо5ор уйэ саас тухары олорбут дьоннор кытта билбэттэр элбэ5и...

    0
  • .......
    17 октября  

    Быйац дуу, казактар дуу сымыйалыыр быьылаахтар

    0
  • 3
    18 октября  

    Быйангы историческай форумҥа сурулла сылдьар, быйаҥҥа өйдүүрүн иһин сүүскэр күүстэринэн суруйбуттар,эбэҥкилэр былыргыттан бааллар,ээбэҥкилии саҥалаахтар диэн. Тти друганнарыҥ крио,сак игин суруйдахтара.

    0
Ответ на тему: Былыргы ыарахан олох
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания