2 года на форуме Автор 3 уровня Топ пользователь Все
Награды
2 года на форуме
2 года на форуме
Автор 3 уровня
Автор 3 уровня
Топ пользователь
Топ пользователь
1000 просмотров
1000 просмотров
Кестубэт эйгэ ,кестубэт эттиктэр туhунан
  797
2006-ҕа игин быһылаах: Биир балай да саастаах соҕус эмээхсин, тыаҕа сир астыы тахсан баран төннүбэтэх. Дьэ аймах дьоно айдаан бөҕөнү тардан, сыалай дэриэбинэнэн поисковай группа тэринэн, тыалары барытын тараабыттар да булбатахтар... Ый курдук буолан баран ыксаан, көрбүөччүгэ тиийэн көрдөспүттэр: "Саатар өлбүт да буоллаҕына, ханна сытарый" - диэн. Ону көрбүөччү: "Маҥан аты көрдөөн" - диэбит.
Дьэ эмиэ этэрээт хомунан көрдүү барбыттар. Ол көрдүү сылдьан икки дэриэбинэ олохтоохторо, үөртэн хаалбыт соҕотох маҥан ат сылдьарын бэлиэтии көрбүттэр. Ол диэки кырдык, эмээхсиннэрэ эрэйдээх, кыра аппа курдукка сыыһа үктээн, атаҕын тоһутан, кыайан турбакка, ыалдьан аччыктаан, өлөөхтөөн сытар эбит. Ол курдук өлүгүн булбуттар. Дьиктитэ диэн, аймах дьоно бу сири хаста да тараабыттар эбит, ол эрээри эбэлэрэ тоҕо эрэ көстүбэтэх. Кырдьык этэллэр эбит: мунан эҥин, куһаҕаннык өлбүт киһи аймах дьонун аһара куттаамаары, харахтарын баайар эбит, булбатыннар диэн. Ол иһин сүрүннээн, өлүгү аймахтара буолбакка эрэ туора дьон булар... Уонна ити маҥан ат эмиэ, кырдьык, күүстээх көрбүөччү эбит дьэ... Хомойуох иһин кимин билбэппин.
Ответов 15 Написать ответ
  • Coffee_Zero
    15 августа  

    Манна кэпсээннэр атын ситимнэртэн internet

    0
  • Мирное_небо
    Мирное_небо
    Моника Владимировна
    15 августа  

    Дууһата маҥан ат буолбут да?

    0
    • Coffee_Zero
      15 августа  

      Мирное_небо, суох.Ясновидящай эттэгэ дии.
      Урут кыра сылдтан истжр этим оннук экстрасенс курдуктар баалларын.Киh и тимирбитэ сайын,кердуу сатаан булбатахтара, онтон ол ете керееччу киhиэхэ баран ,ыйыталаhан кердеhен,Ханна сытарын эппит уьу.Ол эппит сиригэр булбут этилэр тимирбит киhилэрин, оттон мастан иннэн сытар уьу.

      0
  • Coffee_Zero
    15 августа  

    Тиксигэ үлэлии сылдьан 2006 сыл январьга Хара Улах диэн сиргэ ананан бардым, 1 ый учууталынан-киһи суох диэн, сэлиэнньэтэ 40 киһи баар ду суоҕа ду. кэлбиппэр биир эргэ ба5айы мас дьиэ биэрдилэр маһынан оттуллар, дьоммут сэргэбит да хайдахтар эрэ.
    чэ оннук 4 күн олордум,бастаан как обычно дьиэбин аһаттым,уоппун аһаттым.
    6 түүн утуйа сытан арай тимир оронум хамсыырыттан уһугуннум. (тимир пружина орон) ким эрэ анныттан анньыалыы сытар курдук, эккирии а5ай сытабын, ойон туран уоту астым, орон анныгар ким да суох, так и өйдөөбөтүм, чэ ол онон ааста.
    8-9 күммэр, дьиэбэр киэһээ кэлэн, аһаан баран утуйардыы оҥостон сыттым, (телевизор энин суох ол дьиэ5э, сотовой связь тем более), сытан уу чуумпуга иһиттэхпинэ ким эрэ түннүк анныгар хаамар тыаһа иһилиннэ (хаарга атах тыаһа), онтон аан диэки барда, мин өссө санаатым "ёшка тоҥсуйара буолуо диэн" (итирик киһи сылдьар дии санаатым), суох тоҥсуйбата, хааман төттөрү түннүк диэки кэллэ, аны түннүгү тоҥсуйуо дии санаатым, суох эмиэ аан диэки барда, мин хос ортотугар ойон турдум, хаамар тыас түннүк аттыгар кэллэ, түннүгүм кырыа барыта туох да көстүбэт, ол туран чугаһаатым, млэээ ол кэлбиппэр икки күлүк уһун ба5айы илии түннүк курдары киирэн тымныы ба5айы илиинэн хабар5абар түстэ, уҥа сыстым ээ дыа! Наһаа манныкка түбэспэтэх этим, олоро түстүм уонна автоматически илиини тутаары кыммыппар сүтэн хаалла, оо дьэ истерикалыы сыстым,туох баҕайы кэллэ диэн.Саатар уот барда, туох ааттаах дыра5а тугу гына сылдьабын диэн санаан ыллым.Чэ ол түүн онон ааста син биир хоммутум,билбэт сирбэр ханна бараары.
    Ол кэннэ оскуола директорыгар баран эппиппэр-оттон хайыаххыный олорор буолла5ын диэтэ, эн эрэ буотаххын ээ диэтэ элбэх киһи ити алдьархайга тубэспитэ диэтэ.Хайыахпыный ханна барыамый, ол сылдьан икки сиэстэрэ кыргыттары кытта билистим ол же кун почти кууспунэн миэхэ до5ор буолун диэн хонноро илтим (кыргыттарым ол дьиэ туһунан билэллэрэ) чэ нэһиилэ буолуннулар, 2 хоннубут пока норма этэ,кыргыттарым оһох кэннигэр быыстаах хос курдукка бииргэ сыталлар, 3 түүн кыыс хаһыытыттан турдум, көрө баран истэхпинэ хара киһи силуэтэ түннүк диэки ыстанан баран сутэн хаалла, кыыс уоскуйан баран кэпсээтэ, утуйа сытта5ына ТЫБЫС ТЫМНЫЫ ИЛИИ КУРДУК САННЫБЫТТАН ТУТТА ДИЭТЭ, кербүтүм хара күлүк турар, диэбитэ, кыргыттарбын дэлби бырастыы гыннарбытым бэйэм бэйэбиттэн кэмсиммитим, дьону онно манна тубэһиннэрэн диэн, ол кэннэ сарсыныгар дьонум төттөрү көстүлэр, мин хааллым.
    Ол кэнниттэн дьиэбэр кэлэн аргы иһэн баран утуйар буолтум, киниэхэ диэн чааскыга кутан биэрээччим, уонна муннукка уурааччым, бэйэм итирэн баран утуйан хаалааччым, ол кэннэ туох да биллибэтэ5э, Тиксигэ төттөрү кэлтим уонна 3 ый буолан баран куоракка төннүбүтүм.

    0
  • Coffee_Zero
    15 августа  

    Куоракка маҥнай көһөн кэлиэхпиттэн дьиэ куортамнаан олоробун. Бу уон сыл иһигэр хас дьиэҕэ олорбуппун, куорат араас уһугуттан төттөрү-таары хаста көспүппүн ааҕа билбэппин. Умнубуппун. Арай ол хас сүүрбэ дьиэттэн ордорон биир «чыбы» кыбартыыраны умнубаттыы өйдөөн хаалбыппын.
    Ол олус тупсаҕайын, үчүгэйин дуу, олорорго уустугун, ыараханын иһин дуу буолбатах. Бэйэтэ дьикти кыбартыыра этэ. Атыттар курдук иччитэх буолбатаҕа. Ону тута көһөн киирээт да, эппинэн-тириибинэн курдат таайбытым. Хайдах эрэ киһи баар сибикитэ биллэргэ дылыта. Тута тыаһаан-ууһаан биллэрбэтэҕин да иһин, хайдах эрэ бэйэбиттэн ураты атын киһи тыына биллэр курдуга. Ону эдэр буолан соччо аахайбатаҕым, кут-сүр тохтуур сирэ эҥин диэҥҥэ соччо таласпат да быһыылааҕым. Сүрүнэ – сыаната чэпчэки, киинтэн чугас этэ. Кыбартыыра иһигэр урукку хаһаайыттартан хаалбыт дуу, олохтоох дьон киэнэ дуу, эргии-эргэ дьыбаан баара. Ол дьыбааны утуйар орон оҥостоору, хоско соһон тирилэтэн киллэрбитим. Ыскааптары, остуоллары бэйэм сөбүлүү көрбүт сирбэр сыҕарыппытым. Көһөн кэлбитим нэдиэлэ кэриҥэ этэҥҥэ ааспыта. Арай биир түүн хойутуу кэлэн, суунан-тараанан утуйардыы оҥостон сыппытым. Утуйуохча-утуйбакка арааһы эргитэ саныы сыттахпына, куукуна диэки киһи сөтөллөн тоҕо барбыта. Эбиитин иэрийэ-иэрийэ сөтөллүбүтэ. Мин соһуччута бэрдиттэн ороммор олоро түспүтүм. Ол да буоллар санаабын түмэн куукуна диэки барбатаҕым. Суорҕаммар сууланыахпынан-сууланан утуйбута буолбутум. Ол сытан куукунаттан мин сытар хоһум диэки атах тыаһа хааман кэлбитин истибитим. Санаабар, сүрэҕим айахпынан уһулу ойон тахсаары битигириирэ. Атах тыаһа түөспэр толугуруур сүрэҕим тыаһын лаппа баһыйан ыараханнык үктээн аттыбар кэлэн тохтообута. Мин сымыһахпын ытырыахпынан-ытыран, харахпын ыга симэн сыппытым. Санаабар, харахпын көрдүм эрэ, били абааһылаах киинэҕэ баар курдук харамай харбаан ылан тыыннаахтыы ыйыстан кэбиһиэх курдуга. Ол курдук биир түүнү утуйбакка эрэ сытар балаһыанньабын уларыппакка, харахпын аспакка хонон турбутум. Халлаан сырдаабытыгар көһүйбүт эппин-сииммин, дьэ көннөрөн хамсаабытым. Ити дьулаан түүн кэннэ дьиэбэр соҕотох хоммотоҕум. Доҕору-атаһы, устудьуон бырааты-балыһы ыҥыран хадаҕалаан аһата-аһата хоннорор үгэстэммитим. Хайыам баарай, төлөөбүт кэммин толору олоруохтаах буоллаҕым. Сатахха, көһөр да сирим суоҕа. Күнүһүн соҕотох буоллахпына күөмэйим муҥунан хаһыытыы-хаһыытыы билэр-билбэт ырыаларбын кутан кэбиһэрим. Оччоҕо куттаммытым син ааһар курдуга. Дьиэбэр баар «дьукааҕым» дөрүн-дөрүн иһити-хомуоһу тыаһатан баарын биллэрэн ааһара. Оччоҕо куйахам күүрүөр диэри ыга куттанарым. Хонукпар биирдэ дьиэбин буларга кыһалларым. Биир күн күнүс эрдэ кэлэн «Ой мороз…» диэн ыллыы-ыллыы хас эмэ күн мунньуллубут кирдээх иһиппин сууйдум. Киэһэ балтым кэлэн хонуста. Түүн ортото саҥардыы нухарыйан иһэн ким эрэ: «…моего коня!» – диэн ыыра барбытыттан уһуктан кэллим. Санаабар, олох кулгаахпын туһаайбытынан хаһыытыырга дылы гыммыта. Ол кэннэ утуйа сылдьыам дуо. Балтыбын уһугуннарыахпын турар санаа да, кыах да адьас суоҕа. Ити кэннэ икки хонон баран атын дьиэ булан көспүтүм. Атын сиргэ көһөөт, олус астыктык утуйбуппун билигин да умнубаппын. Дьэ, ити курдук абааһы баарын эт бэйэбинэн билэн турабын. Хата, туох да буолбатаҕым. Арай сүрэҕим кыралаан ыалдьар буолбута уонна күөмэйим нэдиэлэттэн ордук кэм бүтэ сылдьыбыта.

    0
  • Coffee_Zero
    15 августа  

    биир ыал олорбут, дэриэбинэлэрэ улуус кииниттэн ыраах, эбиитин суола-ииһэ куһаҕан буолан ас үөл ыла дэҥҥэ сылдьаллар эбит. Ол курдук биир күн дьэ сыантырга барбыттар, дьиэҕэ кыыстара соҕотоҕун хаалбыт.
    Кыыс киэһээ аймахтарыгар баран хонуохтаах эбит эрээри дэриэбинэ уһугар олорор буоланнар барбатах, ас астанан дьонун күүтэ дьиэтигэр соҕотугар хонорго санаммыт. Ас астанан аһаан, дьонун күүтэ сатаан баран утуйардыы оҥостон сыппыт. Арай ол утуйаары сыттаҕына ыалларын ыттара кыыс дьиэтин калиткатыгар сүүрэн кэлэн үр да үр буолбуттар, кыыс аахайбатах. Онтон аны тэрээһэтигэр кэлэн үрбүттэр, кыыс хайдах хайдаҕый диэн туран аанын аспыта сытыйбыт сыт кэлбит, "Ким баарый?" - диэн ыйыппытыгар ким да эппиэттээбэтэх, кыыс оронугар киирэн сыппыт. Аны ыттар дьиэни төгүрүйэ сылдьан үрбүттэр, иһиттэҕинэ дьиэ истиэнэтин туох эрэ хайа тардар, тырыыпайдыыр үһү, аны кыыспыт хоһугар оронугар утары үөһээ соҕус түннүктээх үһү,ол түннүгүн көрбүтэ хара киһи өҥөйөн турар үһү, өссө эбиитин түннүгүн хайа тардар эҥин үһү...
    Кыыс оронуттан ойон турбут, дьиэтин уотун барытын холбообут, ынырык өр оннук дьиэни төгүрүйэ сылдьан истиэнэни хайыта тыыппыт, ыттар уордаахтык үрбүттэр, хата кыыспыт өйүн булан аймахтарыгар телефоннабыт, эрийэн баран адьас сатаан саҥарбат буолуоҕар диэри куттаммыт буолан "ыт ыт ыт..." эрэ диэн саҥарбыт, дьоно туох эрэ буолбут быһылаах диэн, хата массыыналаах буолан тутатына айаннатан кэлэн баран ааны тоҕо тэбэн киирэн кутталыттан хамсаабат да буолаалбут кыыһы көтөҕөн таһаарбыттар, сарсыннытыгар истибиттэрэ соседка эмээхсин өлбүт диэн буолбут, арааскыта дьиэлэрин буккуйан кэлэ сылдьыбыттар быһылаах.

    0
  • Coffee_Zero
    15 августа  

    ыарахан случайга түбэһэн турардаахпын иччи эбитэ дуу? Абааһы эбитэ дуу? Үөрэхпин бүтэрэн дэриэбинэҕэ учууталынан ананан үлэлии тиийдим. Оҕом 2 саастаах оччолорго. Эргэ баайы дьиэ биэрдилэр. Киирдэ киирээт этим сааһа аһылла түстэ, (санаабар ким эрэ наар одуулаан көрөр курдук) кэннибинэн туран этим тардар этэ, сатаан утуйбат буолан хааллым, чэ оннук гынан сыл анаара олордум дуу суох дуу, биир сааскы киэһэ оҕобун кытта сытан утуйаары оноһуннубут, уум кэлбэт кинигэ ааҕар санаа киирдэ ылан ааҕа сыттым. Ыт оҕолоохпун, аан таһыгар бааллан сытар, түүн сүүрэн дьиэни биир гына туалеттыыр. Мас дьиэ, хоско киирэр аан таҥас сабыылаах. Арай ол сыттахпына ып ыараханнык атах тыаһа хааман кэлэн оронум аттыгар тохтоото (ол икки ардыгар бу ыт босхо сылдьар дуу диэн орон аннын өҥөйөн көрөөччү буоллум) кошкам фыркайдыыр тугу эрэ көрөр быһыылаах, ып ыарахан сыттаах ньиксик сыта дэлби кэллэ, сүүрэн тиийэн дьиэ уотун барытын холбоотум (сүрэҕим эп эппэннэс) ытым баайыллан сытарын көрөн өссө куһаҕан буоллум !!!
    Онтон дьэ дьиэбит тыаһаан ууһаан киирэн барбата ытым үрэр, куоскам ньааҕынааһын бөҕө оҕобун суорҕанна суулаан террасаҕа тахсан олордум, ааным лаппанныырга дылы, санаабар дьиэ иһэ иһит хомуос тыаһа, оҕом дэлби тонон аны соседтарга тахсыахпын бу кыыс бырахтарбыт диэхтэрэ диэммин куттанан олордум! Онтон таһырдьа сырдаан эрэр арыый тыас уус намыраата. Дьиэҕэ киирдибит уолбунаан. Онно тоҥон өлүөхпүт дуо? Дьэ сиир буоллаххына сиэ диэн хаһыытаатым бар мантан диэммин! Утуйбатыбыт сарсыарда эрдэ осуолаҕа бардым да кимиэхэ кэпсээбэтим ! Оннук курдук бииргэ улэлиир кыыспын хоно кэл диэн ыныран син доҕордоох курдук сананан, дьиэбитигэр кэллибит оҕобун соһо сылдьабын үлэбэр. Дьэ ол түүн эмиэ тыас уус саҕаланна истиэнэни тонсуйар тыас да үөһээ дьиэ үрдүгэр хаамар тыас да иһиллэр курдук кыыспыттан ыйытабын истэҕин дуо? Диэн кыыһым санарбат олох, дьэ оннук хоонньоһон үһүөн утуйан турдубут кыыһым улэлии баран иһэн этэр ити дьиэттэн көс. Олох! диир, ханна барабын диибин? Кимнээхэ эмит баран олор диэтэ... Инник дьиэҕэ олоруон дуо? Урут ити дьиэ хаһаайына ыарахан баҕайы киһи үһү, киһи кэлэрин игин сөбүлээбэт киһи эбит...

    0
  • Coffee_Zero
    15 августа  

    Запись на стене

    Игорь Луковцев
    30 апр 2016 в 9:27
    ИЛИИТИН УУНАР

    “Бүлүү өрүс уҥуор тэйиччи соҕус сиргэ доҕорум үүтээннээх. Биирдэ төрдүө буолан бултуу таҕыстыбыт. Суолбут былыргы өтөхтөр ортолорунан ааһар. Сир ортото буолан, биир өтөххө киирэн чэйдээри соруннубут. Доҕорбут биһигини көрө-көрө үөннээхтик мичиҥниир. “Тоҕо ырбаҥныыгын?” диэтэхпитинэ, “сирбэр-дойдубар тахсаммын көнньүөрдүм” диэн хардарар. Иҥнэччи барбыт эрээри, син сэнэх көрүҥнээх балаҕаҥҥа киирэн, остуол дуома баарыгар өйүөбүтүн тэлгэтэн кэбистибит. Балаҕан эргии да эргэ, сыбаҕа тохтубута быданнаабыт көмүлүөк элээмэтэ оһохтоох эбит. Наара оронноро эмэҕирэн, сири кытта сир буолбуттара ырааппыт. “Остуолбутугар” төрдүөн олорунан кэбистибит. Мин көмүлүөк оһоххо кэннибинэн олоробун. Арай күө-дьаа буолан өйүөбүтүн мотуйа олордохпутуна, биир аргыһым олбоҕуттан соһуйбуттуу ойон турда. Сирэйэ-хараҕа турбут аҕай. “Оол-ол, бу тугуй ээ?” диэн көмүлүөгү ыйар. Соһуйаммын, эргиллэн көрбүтүм, көмүлүөк оһох кэнниттэн туох эрэ быгыалыыр эбит. Өйдөөн-төйдөөн көрбүтүм, куп-кубархай дьүһүннээх илии ып-ырыган тарбахтарын сараҥнатан тугу эрэ көрдүүрдүү уунар. Бары даҕаны куттанан, мах баран хааллыбыт. Илиини одуулаан турдубут. Онуоха үүтээннээх доҕорбут ымыр да гыммата. Остуолтан туран, арыылаах алаадьыны ылан, көмүлүөк айаҕар илдьэн ууран кэбистэ. Итинник гынаатын кытта, илии сүтэн хаалла. “Өтөх иччитэ наар маннык көрдүүр идэлээх. Хаста да куттана сылдьыбыттааҕым. Ол гынан баран кэнники үөрэнэн хаалбыппын. Үүтээммэр айаннаан иһэн маннык тохтооччубун. Балаҕаным иччитэ хаһан да куһаҕаны оҥорбот ээ. Эһиги эмиэ көрөргүтүн-көрбөккүтүн билиэхпин баҕарбытым. Дьэ, сирэйгитин-хараххытын көрүөххүт этэ”, – диэн доҕорбут күлбүтэ. Оттон биһиги, бачча сааспытыгар диэри иччи-абааһы диэни көрбөтөх дьон, саҥата-иҥэтэ суох хомунан киирэн барбыппыт, – диэн Бүлүү кырдьаҕаһа кэпсээбиттээх.

    0
  • Мирное_небо
    Мирное_небо
    Моника Владимировна
    15 августа  

    Коммунизм саҕана атеистар "абааһы суох" диэн үөрэтэллэр этэ, ойууннары доруобуйаларын айгыраталлара уонна хаайыыга ыыталлара. Ол содула ити. Ыраас салгын саамай ыарахан сыаналаах баай. Ону эрдэ өйдөөбүттэрэ буоллар...баҕар эн итинник доруобуйаҕар, ниэрбэҕэр оҕустарыы ылбатах буолуон этэ.

    0
  • Coffee_Zero
    15 августа  

    Бу киэһэ кэпсээммит Чөчүөккэ туһунан буолла. Миитэрэй Баһылайа: “Олох кыра уол эрдэхпинэ Эбэ куулатынааҕы хааччах арҕаа баһыгар, киһи уҥуохтаах сыыр анныгар, Эһиэйэлэр өтөхтөрүгэр кыстаан олордохпутуна...” – диэн кэпсээнин саҕалаабыта.
    ... Эбэм Даарыйа эмээхсин уонна ийэм силбэһэ хотоҥҥо, сарсыардааҥҥы аһылык кэнниттэн сүөһүлэрин көрө, үлэлии киирэллэрэ, аҕам, эһэм таһырдьа үлэлии тахсаллара. Мин дьиэбэр оонньуу хааларым. Соҕотох эрэ буолларбын, көмүлүөк оһох кэннигэр баар хараҥа үгэххэ киирэрбин кытта, бурдук тардар даарда анныттан Чөчүөккэ тахсан кэлэрэ. Кини элбэх оонньуурдааҕа, астааҕа. Мэлдьи кирдээх таҥастааҕа уонна кугас чачархай сэрбэллибит баттахтааҕа, кубархай сирэйдээҕэ, миигиннээҕэр кыра эрээри мэлдьи кини дьаһайара, оонньоторо. Билигин санаатахпына, саһарчы буспут төгүрүк халаачыктааҕа уонна чохооҥҥо маарынныыр үрүҥ астааҕа. Миигин аһатара да аһыттан тоторбун, хайдах амтаннааҕын өйдөөбөппүн. Оччолорго таҥас-сап бэрт кэмчи кэмэ этэ. Биирдэ сарсыарда саҥа ырбаахы кэтэрпиттэригэр олус үөрбүтүм, ити киһини билэр буолуохпуттан ыла бастакы саҥа таҥаһы кэтиим этэ. Үөрүүбүттэн букатын хамсаабат да буола көрсүөрбүтүм, эбэм баттахпыттан имэрийэ-имэрийэ: “Оҕом дьэ мааны киһи буолбут, киртитимэ, харыстаа”, – диэмэхтээбитэ. Мин киэмсийэн бэрт симиктик төбөбүн тоҥхох гыннарарым быһыылааҕа.
    Дьонум куолуларынан эмиэ үлэлэригэр тарҕастылар, мин оһох кэннигэр үгэххэ оонньуу киирдим. Чөчүөккэм хайдах эрэ сөбүлээбэтэх көрүҥнэммит, сүгүн оонньоон испэт, ырбаахыбын уһултарда, “олус куһаҕан ырбаахыны кэтэрпиттэр” диэн аргыый ботугураата уонна ылан мин ытыспар сөп гына олус үчүгэйдик, дьоҕустук суулаан биэрдэ, эргэ ырбаахыбын көрдөөтө, ороммуттан илдьирийбит лаҕыыр курдук кирдээх ырбаахыбын аҕалбыппын кэтэрдэн баран, тойон эрбэҕин чочос гыннаран көрдөрдө. “Билигин дьонуҥ үлэлэриттэн кэлэн оһохторун оттуохтара, оһох үчүгэйдик умайбытын кэннэ ырбаахыгын кистии туппутунан үгэхтэн тахсан, оһох чанчыгар туран дьонуҥ көрбөттөрүгэр уокка анньаар, оччоҕо үчүгэй оҕо буолуоҥ... Ырбаахыгын уокка биэрбиккин көрөн дьонуҥ мөҕүөхтэрэ, таһыйаары гыныахтара, тоҕо уокка уктуҥ диэхтэрэ, онно миигин уокка биэр диэбитэ диэйэҕин, аҕаҥ миигин кыын быатынан таһыйыаҕа”, – диэтэ уонна даарда анныгар киирэн сүтэн хаалла.
    Күн аайы да буоларын курдук дьонум үлэлэриттэн киирэн, оһохторун оттон чаанньыктарын өрдүлэр. Үгэххэ оонньуу сырыттым, оһох үчүгэйдик умайда быһыылаах, Чөчүөккэм эппитин курдук үгэхтэн тахсан умайан тигинии турар хардаҕастар улаҕаларын диэки саҥа ырбаахыбын анньан кэбистим. Ийэм саҥата өрө хаһыыра түстэ: “Бу уол иирдэ дуу, ырбаахытын уокка биэрдэ”, — ырбаахым үрдүгэр түһэн хостоон ылбыта — хайыы-үйэҕэ туһата суох буолбут. Ийэм миигин илгиэлии-илгиэлии ыстааным дуомун сулбу баттаан, төрүкү да ыалдьыттыыр чыпчаххайынан иэммин сабырҕатта. Эбэм көмүскүүр саҥата иһилиннэ: “Оҕоҕун таһыйыма, тохтоо, мээнэҕэ укпатаҕа буолуо, ким эрэ уктардаҕа. Хайыахпытый, айдаарымаҥ, оҕобут эрэ этэҥҥэ буоллун”, – диэтэ.
    Дьонум өр саҥата суох чэйдээтилэр, мин оһох чанчыгар хараҕым уутун туора-маары сотто, муннубун өрө сыҥа турбутум.
    Итинтэн да кэлин Чөчүөккэбин кытта оонньуурбут диэн Миитэрэй Баһылайа кэпсээнин түмүктээбитэ.

    0
  • Кээтии
    16 августа  

    Дьааны хайаларынан урут дьаам суола сэттэ дабаанынан аа4ар эбит.Саамай ортоку дабаанна тохтообокко ,эбиитин халлаан сырдык эрдэгинэ аа4а сатыыллара.Абаа4ылаагынан аатырарын билэ билэ биир хомуньуус ки4и онно хонорго санаммыт.А4аан баран аанын хатанан утуйардыы сыттагына арай дьон саната хо4ооно биллибэттик дабаанна чуга4аабыттар да сурдээх куускэ ааны тардыалаан барбыттар.Аллараа баар дабаанна дьон и4иттэхтэринэ хаалбыт ки4и саатын тыа4а бир кэм тигинэс у4у.Сарсыарда халлаан сырдаабытыгар тиийбиттэрэ дьаам аана а4агас,кирис быанан бааллыбыта бысталаммыт,хомуньуустара уп урун баттахтаах ,харагын тиэрэ корон сытара.Истиэнэ тогуруччу буулдьа суола эбит.Агам кэпсээнин суруйдум.

    0
  • Coffee_Zero
    9 октября  

    Бу түбэлтэ 1974 с. Амма улууһун Эмис нэһилиэгин Дьараайы сайылыгар буолбута.
    Оччолорго биһиги тохсус кылааһы бүтэрэн, сайыҥҥы сынньалаҥҥа дойдубутугар дьоммутун кытта олорорбут.
    Эмис оскуолата аҕыс кылаастаах этэ,
    Ол иһин Алтаҥҥа тахсан үөрэнэр этибит Эмис оҕолоро. Түөлбэбитигэр Уруу буолбута. Биһигини ыанньыксыт кыргыттары солбуйтара ,,Дьараайы" - сайылыгар таһаарбыттара.
    Күһүөрү этэ, бостуук ынахтарын хойутуу борук-сорук буолуута хомуйталаан аҕалбыта. Хайыахпытый хараҥаҕа ыыр чиэскэ тиксибиппит. Ынахтары титииккэ киллэрбэккэ тиэргэҥҥэ ыы олорбуппут. Титииккэ хараҥа баҕайы этэ.
    Биир ынаҕы ыы олорон, арай эмискэччи хайдах эрэ этим тардан, куйахам бүүрэ тардан киирэн барда, ынаҕым нөҥүө өҥөйүү. Һуу арай доҕоор, көрбүппэр итэҕэйбэтим. Күрүө таһынан биир хап хара таҥастаах, хара былааттаах эмээхсин күрүө таһыгар төттөрү таары хаама сылдьара.
    Бастааҥҥы санаабар эс бу эмээхсин хантан кэлэн хаалла диэн мунаахсыйыы, хайа уонна сайылыкка биһиги кэннэ ким да суоҕа, эмискэ даҕаны барыларын билэттиир буоллаҕым, дьэ дьикти диэн саныы саныыбын ынахпын салгыы ыы олордум.
    Куттанарым да сүр. Эмиэ өҥөйөн көрдүм, арай доҕоор Эмээхсиним күрүө нөҥүө сыҥаах баттанан баран мин диэки көрөн аҕай турар эбит, хараҕын уота ынырык...

    Һуу атын күтүр-диэт оҕолорум диэки буут биэрдим, ол сүүрэн тиийиэм ыккардыгар тыал куус бөҕөтө түстэ.
    Сүүрэн тиийэн оҕолорбор эттим, бары көрдүбүт. Үүт туттарар дьиэҕэ
    буут быстарынан сүүрүү. Сиирэ хаалты үүппүтүн туттараат уопсай дьиэҕэ
    буут биэрии. Нэһиилэ куттана-куттана хонон турдубут.
    Сарсыҥҥытыгар ыанньыксыт кыргыттар урууттан кэллилэр. Биһиги туох буолбутун кэпсээтибит. Ону билэр эбиттэр. Биир кыыстарыгар көстүбүт.
    Күрүлүүр күнүс дьиэтигэр киирэн кэлбит, оронун аттыгар өҥөйөн баран, ынырык баҕайытык көрөн турар үһү. Кыыс онтон ыла уҥар буолбут. Биһиги дьиэбитигэр киирбиппит.
    Ийэбэр туох буолбутун сиһилии кэпсээтим, ийэм соһуйуу бөҕөтө. Ол хайдах эйиэхэ эдэр оҕоҕо көстүбүтэй-диэн.
    Дьараайы иччитэ диэбитэ.
    Оһоҕун иннигэр оллоонноон олорон
    Аал уотугар айах туппута уонна тугу эрэ ботугуруу-ботугуруу
    көрдөспүтэ, ааттаспыта: эдэр оҕолору аһын харыстаа диэн тыллар иһиллибиттэрэ, ону Ийэм саҥа таһааран эппитэ.
    Биһиги оччолорго оҕолор буоллахпыт,
    туох да айдаан куйдаан суоҕа. Ол кэнниттэн икки сылынан биир кыыспыт, истиҥ дьүөгэм суорума суолламмыта. Онтон уол эмиэ эдэр сааһыгар дьон илиититтэн куһаҕаннык барбыта. Сайылыкка тахсарбытыгар солбуйа да буоллар сиэр туом тутуспатахпыт. Оччотооҕу оҕотук санаабытыгар өйбүтүгэр да оҕустарбатахпыт хомолтолоох. Кэлин оскуоланы бүтэрэн баран ыанньыксыттыы сылдьыбытым, көстүбэтэҕэ.
    Көннөрү утуйа сытан баттатар этим.
    Арааһа биһиги сыыһабыт онно сытар, сиэр туом тутуспатахпытыгар. Эдэр дьоҥҥо тиэрдиэм этэ, айылҕаҕа, сиргэ, уокка, өтөхтөргө таҕыстаххытына
    өрүү сиэри туому тутуһа сылдьалларыгар сүбэлиэм этэ.

    0
  • ТУСКУН
    9 октября  

    Биирдэ күһүн балаҕан ыйыгар үүтээҥҥэ сытабыт.Кыраҕа бултуур кусчут уолаттарбыт, түөрпүт.Икки уол брага туруоран истилэр.Дьоммут харааччы итирэн баран уолуктаһан охсуһа сатаан бөҕө буоллулар.Суулла сылдьар итирик буолан сатаан да охсуспаттар,уолуктаһан баран үүтээни биир гына ыспыттарын иһин иккиэннэрин таһырдьа бырахтыбыт.Дьоммут тиэргэҥҥэ төкүнүһэ сытан маатыры куутуру буолан хаһыы ыһыы буолтарын иһин таххан эр биир сыҥаахха биэртэлээн,сыһытан баран соһон киллэрэн муостаҕа бырахтыбыт.Дьоммут кырдьык уоскуйбут курдук буолан утуйан хаһыҥыраатылар.Биһиги чүмэчи уотугар хаартылаан баран мас ороммутугар утуйардыы сыттыбыт.Мин саҥа нухарыйан иһэн таһырдьа үүтээн ыксатынан атахтар тыастарыттан уһуктан кэллим.Кырдьык таһырдьа сүүрэр тыас уонна хоһооно биллибэт сөҥүдүйэр саҥа иһиллэриттэн этим сааһа аһылынна.Харахпар үүтээнтэн чугас турар өтөхтөр уонна киһи уҥуохтара көстөн аастылар.Уолум эмиэ истэ сытар эбит.Ойон тураммыт чүмэчи уматааппытын тыас уус сүтэн хаалла.Оттон таһырдьа таххан иһиллээтибит да уу чуумпу.Арай күөлгэ кустар саҥалара иһиллэр.Син ол бу сиэри туому билэр буолан уот оттон уоту аһаттым. Итирик уолаттар уонна айдаарыахтара суоҕа диэн испэр көрдөстүм.
    Уонна манна хас да хоннубут да тыас уус, саҥа иһиллибэтэҕэ.Арааһа көстүбэт күүстэр бэйэлэрин, итирик уолаттарбыт хаһыыларын сөбүлээбэккэ биллэрэн ааспыт буолуохтарын сөп.

    0
  • .......
    10 октября  

    Арыгынан уоту дьиэни аьатан дьиэ иччитин итирдэр арыгыьыт оцорор диэн эмиэ баар буолуохтаах. Кестубэт эйгэ баар кербут киьи куттамсах ыарыьах да буолара буолуо.
    Ол иьин Вера диэн баар. Всевышний Всемогущий Царь Земли и Небес Отец наш Небесный Кини ити земной абааьылартан киьини харыстыыр

    0
  • Кээтии
    10 октября  

    Ку4ун эбитэ дуу булчуттар ха4ыа да буолан уутээн тутта тахсыбыттар.Барар сирдэрэ ыккый ойуур буолан эдэр кэлии уолларын аттарын кордоро эргэ отоххо олохтообуттар,агыйах хонугунан эргиллиэхпит диэбиттэр.Уол а4аан баран аттарын тахсан корбут,киирэн утуйаары нухарыйан истэгинэ арай дьахтар киирэн кэлбит.Уол со4уйан олоро биэрбитэ ким да суох эбит.Ити курдук хаста да костубут,ардыгар кы4ыл ойуун буолан отох ортотугар илгистэ олорор буолар эбит.Эдэр ки4и ыалдьан нэ4иилэ турар-олорор буолбутун кэннэ кэмниэ кэнэгэс дьонноро тиийэн кэлбиттэр,су4аллык дойдуларыгар тоннубуттэр.Уол утуорэн баран кэпсээбит:кимтэн кииннээгин,туохтан торуттээгин билбэккэбин сиэбэтим диэбит сиэмэх ойуун.Тонустар ким эрэ кы4ын оллогунэ уутээн ортотугар комон баран ко4он хаалаллар эбит.Агам кэпсээнэ.

    0
Ответ на тему: Кестубэт эйгэ ,кестубэт эттиктэр туhунан
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания