Үс үөстээх Элиэнэ Эбэм этитиитэ.
харатаала  -    293
Үс үрдүк үөрэхтээх үтүгэмсийбит үлүгэр ыччат үргүөр үтэйэр үрдүккэ үөһээ үөһэ үөлэһинэн үмүөрүһэн үлэ көрдүүр үлүгэрэ...

Үс үөстээх Элиэнэ Эбэм үрдүк таас очуостара одуулуу көрөр.Олуус олус хараастар,харыһыйар.
Тыыммын иһиллээри,илдьи тэпсээри, ил эйэ диэни умнаннар, илэ бэйэбин, ис турукпун, ис үөс күүспүн өһүлээри туруннулар. Өрөһүлтэ буолар дьонум сэргэм мустуҥ даа, мунньахтааҥ. Мучумаан буолумаҥ. Муста муста муус күрүөбүн, мас баайбын ыһан эрэллэр. Бур бур буруолаах сахам дьоно сэргэтэ сэгэйэн сэрэнэн көрүҥ даа, көҕүлүм киртийиэ, кирээһи кирдээҕи киллэриэн баҕарбат. Быарбынан сүрэхпинэн сүбэбин сүргэбин көтөҕүҥ даа. Көмүскээҥ даа, киэҥ дуолбун тэбистэримэҥ даа. Тиистэрэ килэһэн, кирдээҕи киллэрэн ньир бааччы олоруох олоҕу дьэ бүтэрэллэр. Букатын ылыммаппын. Баай бардам дьон буоллаҕа. Бас быстар сыанаҕа солуута суох сыалга сугулаан дьиэҕэ суруйдулар уурааҕы ыйааҕы. Суон сурахпын, халыҥ дурда хахха туйахпын, куолайбын быттыкпын куду астарымаҥ даа. Көр күлүү олоҕу, көөчөөн көрүн көрүлээн бүтүҥ. Көҕүлүүр күүһүм күөмчүлэнээри, кэрдиллээри турар. Киэҥ эбэ ытааһын ыҥырыытын ылыныҥ даа, д,онум сэргэм. Киэҥ сиртэн өйдөөх ыччаты ыҥырыҥ. Ыспыты ыһыллыбыты ыпсарыҥ, ыйаах быһыытынан олоруҥ, оломун көрүҥ. Көр күлүү олоҕу көҕүлүүр эбиккит. Элиэнэ эбэҥ эймэнэр этиитин эн этэн ис. Истиҥ илдьит буол. Элиэнэ Эбэни уҥуордаан уоруйах урдустар уу нуурал олоҕу умуруоруохтара. Уруучука сыыһынан сылаас дьиэҕэ сыалыһар быарыныы сылаанньыйан сылаас тылынан саҥаран, сахсырга тэҥэ сааҕынаан сакалаат манньаҕа манньыаты ыһан. Ыртайан олорон, ыйааҕы ылынан ыстыыр ыас оҥостуохтара. Ыһан тоҕон ыччаты ыһыахтара. Ыччат дьон ытаһан бүтэн, ыксары ылсыһыҥ ыстыыктаах дьыалаҕа. Ыһымаҥ ытык сирдэргитин, ырыынак ыар тыынын таһырдьа көрсүҥ. Кэһиэхтээх кэрэ куолар, куоталаһа куоталаһа ыллаан ыыра баралларыттан баттаҕым да турда. Баар суох эрэнэр эрчимнээх бааллары эрдэр эдэр ыччат дьон бааргыт дуо? Баһынан баайсар диэмэҥ, бар дьонум. "Баһыыба" - дэһимэҥ баартыйаҕа. Бутугас сыыһыгар сыбааммын сыал сорук туруордум. Турунуҥ, туруулаһыҥ, тумарык кэтэҕэр саһымаҥ, тумаҥҥа мунуоххут.
Элиэнэ Эбэ этиитин эртэ Эдьиий Элииһэ!

тарҕатыҥwhite up pointing backhand index
Ответов 9 Написать ответ
  • суек
    18 мая  

    ноо! Элиэнэ эбэбит быйылгы халаан уутунан сэрэтэр - сэрэнэ-сэрбэнэ сылдьын диир курдук. Саха дьоно бэйэ бодогутун тардынын эрэ Эбэбитин киртиттэримиэгин куемчулэтимиэгин - кемускуегун! Дьаат-сулуьун дьалты буолуохтун! Дьай-дьан дьалбарыйдын саргы-талаан салалыннын! Дьэ билигин син дологойгутугар туох эмэ тутулунна эни химсобуот сулуьунэ-дьаата дьаалата суох тарганар кыахтаагын илэ хараххытынан кердеххут эккитинэн-хааннытынан биллэххит ити дии
    !

    0
  • рядовой
    рядовой
    Ветеран
    18 мая  

    Күргэ тутулуннаҕына илин эҥээрдэр абыраныа этилэр...

    суол-иис олохпут хорук тымыра
    ону харгыстыыр сатанмата буолаарай?
    күргэ турдаҕына бары даҕаны абыраныахпыт
    Киин сирбит сайдыахтаах.

    0
  • Кээтии
    18 мая  

    Элиэнэ эбэ- хорук тымырбыт уута су4урдэгинэ дьэ обугэлэрбит эппиттэрэ кэлэр:мо4ооччугунэн кому4у сугэ сылдьан хоргуйан олорбут,эт хаан су4урэн иринэ буолан тохторбут,кэскилбит кэхтэр,ки4и барахсан кун сириттэн эстэр.

    0
    • рядовой
      рядовой
      Ветеран
      18 мая  

      Күргэ тутулуннаҕына...

      эбэ уутугар харгыс буолбат
      төртөрүтүн
      сүрүннээн биэрэр төһүү буолар
      билигин хайдаҕый?
      Илин эҥэр кытыла суурайылла турар
      сириҥ көҕүрээн иһэр

      0
      • северина_
        18 мая  

        ....

        Эдэр ыччат, куулэй ологу барсымаҥ, чэгиэн дьарыктаах ологу ылсыҥ, Өлүөнэ эбэҕит ыраас уутун харыстаан, инники кэскилгитин тутуһун, ыал буолан, сурэххитин холбоон дьоллоох ологу ылсыҥ. Инники кэскилгитин тэбистэримэн, айылгагытын харыстаан.

        0
  • 😎
    14:22  

    Туох ааттаах ,,эбэ киьитэбин, Елуенэ ерус аатыттан этэбин," дииллэрий да бу кэлинни кэмнэ. 3кг. Арыыттан, алаадьыттан са5алаан да, ерус Ханна ба5арар баар америка5а африка5а. Дьон санаатын буккуйан дьону салайа сатыыллар.

    0
    • рядовой
      рядовой
      Ветеран
      19:04  

      Сир-дойду ауралаах (иччилээх) буолар...

      биһиги хоту дойдубут барыларынааҕар чараас
      онон
      сир-дойду туһунан киһи мээнэ саҥарара куһаҕан
      бу өйдөбүлү саха дьоно үксэ тутуһар
      Сири-дойдуну аһатан айылҕаҕын кытта биир ситимҥэ, эргииргэ киирэҕин.
      Бу сиэри
      ЧАРААС ЭЙГЭҕэ үлэлиир дьоннор биһигиннээҕэр ордук өйдүүллэр
      ол иһин
      ити ойуун-удаҕан курдук дьоннорбутун быһа-хото саҥарар сэттээх-сэмэлээх буолар
      өйдөө
      аньыыны саҥарыма

      0
  • АлбанТатай
    18:58  

    Кыһыл ойуун истиилинэн үтүгүннэрэн суруллубут курдук санаа тоҕо эрэ ис-испиттэн баһыйан ылла.

    0
Ответ на тему: Үс үөстээх Элиэнэ Эбэм этитиитэ.
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Предложения и замечания