8 лет на форуме Автор 3 уровня Топ пользователь Все
Награды
8 лет на форуме
8 лет на форуме
Автор 3 уровня
Автор 3 уровня
Топ пользователь
Топ пользователь
кэпсээн. Аа5ын, сыаналаан.
  642
Костя.
Кыараҕас хос иһигэр биир уол ороҥҥо уруһуйдуу олорор. Кини аата Костя. Оҕо-оҕо курдук билигин доҕотторун кытта ханна эрэ оонньуу, сүүрэ-көтө сылдьыа эбитэ буолуо да кинини улахан эчэйии бу кыараҕас хос биир эркинигэр ыга анньыллан турар ороҥҥо аҕалан сытыарбыта. Урут эмиэ оҕоттон итэҕэһэ суох этэ. Өссө сүүрэн сорох-сорохторун кыайара. Ол хаһан эрэ, урут, ыраатта. 10 сыл аннараа өттүгэр.
5 саастааҕар ийэтэ, аҕата буолан сайын дэриэбинэҕэ ыһыахха барбыттара. Ол баран иһэн аварияҕа түбэспиттэрэ. Аҕата суох буолбута онтон ийэтэ дьиктитик улахан эчэйиини ылбатаҕа. Ити күн Костя олоҕун икки аҥы араарбыта. Уол онтон ыла хаампат. Манна эмтэнэн көрбүтэ да улахан туһаны ылбата. Эмтэниэн сөп дииллэр да ол ханна эрэ ыраах, омук сиригэр киһи санаата тиийбэт дойдутугар. Өссө эбиитин кинилэр санааларыгар киһи өйүгэр баппат элбэх харчыны ууран биэрдэххинэ эрэ баҕар хаамар оҥоруохтарын сөп үһү. Онон Костя ийэтинээн ол туһунан аҕыйах күн кэпсэтэ түһэн баран умнубуттара. Билигин иккиэн олороллор. Костя уруһуйдуур идэлээх. Ону сүрүн сыаналааччылар ийэтэ уонна ийэтин быраата. Кини сөп буола-буола кэлэн барар. Таайа Костяттан баара суоҕа 11 эрэ сыл аҕа. Ол аата билигин уол 26 саастаах. Көрүҥүнэн убай диир сөп буоло эбитэ буолуо да таайа буоларыгар тиийэр. Кини аата Алексей. Ийэтэ ааттыырынан- Өлүөскэ, Өлүөсүк эбэтэр Алеш. Эдьиийэ үлэтигэр хонор буоллаҕына арыт кэлэн Костялыын хонор. Оччоҕо кини Костяны саатар дьиэтин иһигэр сырыттын диэн баттыгынан хаамарга үөрэтэр. Костя ол күн сэргэхсийэр. Таайынаан ону-маны кэпсэтэллэр, хаартылыыллар, дуоматтыыллар. Ийэтэ өрүү бобор колатын аҕалан иһэллэр. Ону биирдии ыстакааны иһэн бара ким улаханнык кэҕэрдэригэр күрэхтэһэллэр. Уолаттар тугу сатыылларынан бэйэлэрэ көрүлүүллэр. Онон иккиэн бириэмэлэрин билбэккэ атаараллар. Костя ийэтэ уолун ыарыылыыр бириэмэтигэр ол балыыһаҕа санитарканан киирбитэ. Устунан үөрэнэн билигин сиэстэрэлиир. Онон үлэтигэр хоноро элбэх. Биир күн ийэтэ үлэтиттэн кэлэн баран сонун устубакка киирэр аан аттыгар турар олоппоско өр олорбута. Онтон туран уола сытар оронун кытыытыгар олорбута. Костя ийэтин кэтэһэн саҥата суох көрөн олорбута.
-Костя, балыыһаҕа биир эн саастыыта кыыс сытар. Кэлэр нэдиэлэҕэ таһаараллар үһү.
-Бэрт дии, дьиэтигэ тахсар буоллаҕына. Онтон санаарҕаатын да?
- Суох, онтон буолбатах. Үтүөрбэт диэн быраастар этэллэр. Киһини киһи оҥорбот ыарыыга ыалдьыбыт. Ол иһин аккаастаммыттар.
-Оо.
Костя итинтэн ордук этэрэ суох буолла. Кыыһы наһаа аһынна. Быраастар аккаастаммыттар ол аата бу сир үрдүгэр олох олороро бүтэн эрэр. Баара суоҕа 15-16 сааһыгар. Санаан көрдөххө ыарахан. Хайдах санаатын көтөҕүөххэ сөп буолуой диэн уол санаатын ыга баттыыр.
Биир күн ийэтэ үлэтигэр бараары турдаҕына Костя ыҥыран ылан кумааҕы сууну туттарда уонна кыыска илдьэн биэриэн дуо диэн көрдөстө. Ийэтэ ылан ону суумкатыгар угунна. Ити кунтэн ыла Костя ийэтэ кэллэҕинэ ээр-сэмээр кыыстан сонун күүтэр. Ити курдук хас да күн ааста. Сотору-сотору Өлүөскэ кэлэн сэргэхситэн барар. Ону-маны кэпсэтэллэр эбэтэр хаартылаан айдаараллар. Биир күн кини Костяны таһырдьа таһаара сырытта. Онно кэлээскэҕэ олордон чугас эргин күүлэйдээтилэр. Номнуо күһүн кэлбитэ биллэн эрэр. Тымныы, тыаллаах күн буолбут. Дьиэлэрин аттыгар кэлэн саҥата суох олордулар. Костя таһырдьа тахсара ахсааннаах. Хам-түм маннык таайа кэллэҕинэ таһааран дьаарбатар. Оччоҕуна Костя салгын сиэн чэпчиир. Киниэхэ таһырдьа тахсар күнэ улахан үөрүүлээх күн. Ол олорон Костя Өлүөскэттэн ыйытта
-Киһи быраастар үтүөрбэт диир ыарыыларыттан хайдах эмэ эмтэнэрэ буолуо дуо?
- Ким билэр, билиҥҥи кэмҥэ син биир манна эмтэммэт ыарыыны ханна эмэ атын сиргэ эмтииллрэ буолуо ээ.
- Оччоҕо тоҕо дьон өлөрүй? Ханна эмэ да буоллар эмтэнэр буоллаҕына.
-Харчыта суох дьон сатаан эмтэммэттэр буоллаҕа. Эн кыахтааҕын буоллар билигин хаама сылдьар буолуон этэ.
-Арай туох баар ыарыыны барытын эмтиир биир эмп баар буоллун.
- Баар буолуо эн айдаххына.
- Арай айан кэбиһиим.
- Ону-маны мечтайдаама. Хата киириэх, мин тоҥоору гынным.
Өлүөскэ Костя коляскатын тутааҕын ылан дьиэ диэки хаамта. Дьиэҕэ киирэн Костяны остуолга чугаһата аста, бэйэтэ чэй оргута уурда. Костя килиэп кырбаан чэйдииргэ оҥоһуннулар.
Чэйдэрэ оргуйарын кэтэһэ таарыйа Өлүөскэ Костяҕа кэпсиир:
-Самовнушение диэн баар эбит. Ол аата киһи туохха эмит олус күүскэ итэҕэйэн ол итэҕэйиитининэн бэйэтин оганизмыгар уларыйыы таһаарыыта.
-Ол аата?
-Ол аата холобур мин бу саахары сиэн баран бу киһини өлөрөр дьаат диэн бэйэбэр самовнушения оҥорон дьааты сиэбит курдук өлөн хаалабын. Типа итинник.
- Ээ. Интириэһинэй эбит. Ол аата санаа күүһэ диэн буоллаҕа?
- Билбэтим. Оннук буолуо. Короче гугллаар.
Ити кини ыарахан боппуруостан куотар албаһа.
Ити бириэмэҕэ чэйдэрэ оргуйан Өлүөскэ чэй кутуталаан чэйдээбитинэн бардылар.
Сарсыарда эрдэ ийэтэ кэлэ илигинэ таайа үлэтигэр барда. Ийэтин кэтэһэ таарыйа Костя интернеты хаһан Өлүөскэ эппитин булан элбэҕи аахта. Сотору ийэтэ кэллэ. Кэлэн уолугар кумааҕы аҕалан биэрдэ. Арыйан көрбүтэ телефон номера уонна “Айыына” диэн аат сурулла сылдьар.
-Бүгүн дьиэтигэр таҕыста. Ханна баран эмтэнэн киһи буолар.
Ийэтэ үөһээ тыынар. Костя саҥата суох ытыс саҕа кумааҕыны көрөн сытта. Кини тугу гыныан билбэт. Арааһа эрийэ сырыт эбэтэр телефон нөҥүө суруй диэтэҕэ буолуо. Эрийэн тугу этэрин ду , туох диэн суруйарын ду эмиэ билбэт. Киэһээ хойутуу Костя суруйда. Дьиҥинэн саҕалыан эрэ наада этэ. “Дорообо, Костябын. Миэхэ эн ийэбинэн телефонун номерын ыыппыт этин.” Ити аҕыйах тылтан сиэттэрэн кинилэр күнү күннээн кэпсэтэр буоллулар. Уол киниэхэ бэйэтин олоҕун, улахан эчэйии кэнниттэн хаампат буолбутун, эмигэр элбэх харчы наадатын кэпсиир. Кыыс эмиэ элбэх кэпсээннээх киһи буолан биэрдэ. Ол эрээри тоҕо эрэ эрийэн кыыс куолаһын истэ илик. Онтон биир күн тоҕо эрэ кыыс ньүөмэриттэн сурук кэлбэтэ. Уол кэтэһэр. Ити курдук биир нэдиэлэ ааста. Онтон арай биир киэһээ кыыс эрийдэ.
Бастаан муҥкук соҕустук кэпсэтэн баран улам-улам арыллан, кэпсээннэрэ кэҥээн уруккуттан билсэр дьон курдук иҥнигэһэ суох кэпсэтэн бардылар. Хас да күн телефоннаһан баран биир күн кыыс эттэ:
-    Мин түннүгүм анныгар хатыҥ турар. Ити хатыҥ сэбирдэҕэ барыта түстэҕинэ мин бу сиртэн барабын. Тоҕо эрэ итинник санаа арахпат. Арааһа кырдьык быһылаах. Бэйэм да онно итэҕэйдим.
Ити этии кэнниттэн кэпсэтиилэрэ аанньа тахсыбата. Хайдах эрэ Костя саҥарар кыаҕа суох. Күөмэйигэр кытаанах хомуох кэлэн туора туран кэбиспитин курдук. Санаата түстэ. Тугу да оҥорон көмөлөһөр кыаҕа суоҕуттан ытыах санаата кэлэр. Ол эрэн кини биири санаата. Ол санаатыттан кыратык санаата көтөҕүллэн уруһуйдуур кумааҕытын ылан уруһуйдаабытынан барда. Күн аайы Айыына суруйара сэдэхсийэн, арыт күн олох да суруйбакка уолу ыксатар.
Күһүн кэлэн бастакы хаар түһэн баран ууллубата. Тыалырдаҕын аайы чугас турар мастар сэбирдэхтэрэ уол сытар хоһун түннүгэр кэлэн түһэллэр. Сарсыарда туран телефонун көрбүтэ Айыынаттан сурук кэлбит ”Миигин кэлэн көрсөн бараар” уонна аадырыс суруллубут. Чугас эбит. Киэһээ ийэтэ маҕаһыынтан кэлбитэ уола суох. Арааһа таайын кытта дьаарбайа сырыттахтара диэн кыһаммакка дьиэ иһинээҕи үлэтин үмүрүтэн чэйин оргутан, остуолун тардан дьонун күүтэр. Онтон өр буолбуттарын иһин уолугар эрийдэ. Телефона хоһугар тыаһыыр. Быраатыгар эрийбитэ быраата киинэҕэ олоробун. Бүгүн эһиги диэки бара сылдьыбатаҕым диэн эттэ. Ийэтэ ыксаата. Таһырдьа тахсаары сонун кэтэ турдаҕына уола киирэн кэллэ. Ханна сылдьыбытын эппэт. Илистибит көрүҥнээх. Дьиэтигэр да сылдьарын ыарырҕатара, соҕотоҕун ханна баран кэллэҕэй дии санаата да ону уолуттан ыйыппата. Баттыгынан да буоллар хаамар буолан эрэр эбит диэн иһигэр үөрэр. Онтон ыла улам-улам эрэллээхтик чугас эргин бэйэтэ сылдьар буолан барда. Санаата күүһүрдэ. Онтон кыыһа суруйбат да эрийбэт да буолла. Бэйэтэ суруйуон да эрийиэн да санаата буолбат. Иһигэр куттана саныыр. Ити итинэн ааһан күһүн кэннэ айылҕа сокуонунан саха сирин үрдүнэн кыһын кэллэ. Тула маҥан хаар бүрүйэн дьиэлэр, уулуссалар кинигэҕэ сурулларынан кырса соннорун кэттилэр. Ол сиэринэн сотору саҥа дьыл кэллэ. Уоллаах ийэ олохторугар улахан уларыйыы суох. Арай Костя быраастар эппиттэрин туора сотон холкутук аҥаар баттыгар тирэнэн хаамар буолан ийэлээх таайа үөрүүлэрэ улахан. Саҥа дьыл кэлбитин курдук саҥа сылга саҥа эрэлллэри үөскэтэн ааста. Биир киэһэ ийэтэ үлэтиттэн биир кыыс уонна сааһыран эрэр дьахтары кытта кэллэ. Костя туран кинилэргэ барда. Үөрүөн иһин биирдэрэ Айыына уонна кини ийэтэ буоллулар. Остуолга олорон Айыына бу курдук кэпсиир
-Ороммор сытан хатыммын кэтиибин. Күн-түүн сэбирдэҕэ түһэн, аҕыйаан иһэр. Ол аайы мин бу дойдуттан барарым чугаһаата диэн саныыбын. Биир сарсыарда көрбүтүм- хатыҥым сэбирдэҕэ барыта түспүт. Арай биир сэбирдэх түһүөхчэ түспэт. Тыал түһэр, сэбирдэҕим хамсыыр, субу көтөн хаалыах курдук. Итинник туран түспэтэ. Сарсыарда көрдөҕүм аайы баар. Ол курдук сытан санаатым- хатыҥым сэбирдэҕэ барыта түстэҕинэ диэн этэ, онтон бу сэбирдэх тоҕо эрэ түспэтэ. Ол аата айыыларым миигин араҥаччылыыллар эбит. Ити аата мин атахпар туруохтааахпын диэн кытаанах санааны ылыннным. Хайдах эрэ наһаа чэпчээтим. Бастаан ороммор олорор буолллум онтон дьиэм иһигэр онтон мантан тутуһан син кухняҕа игин тиийдим. Хаар түстэ. Сэбирдэҕим өһөспүт курдук тэлибирии турар. Хатыҥыттан барыан баҕарбат. Ыарыым улам ыбылы ылбыта мөлтөөн хаамар буолан бардым. Быраас кэлэн көрөн бара соһуйар. Эбии атын эми суруйан барда. Эмим да көмөлөһөн санаам да көтөҕүллэн эрэллээхтик хаамар буолан баран, мин тыыммын өрүһүйбүт сэбирдэхпин көрө таҕыстым. Тиийэн тутан көрбүтүм кумааҕы сэбирдэх. Ким эрэ кэлэн сыһыаран баран сабынан ыга тардыбыт. Онтон өйдөөтүм-Костя буолуон сөп диэн.
Итинтэн ыла иккки ыал чугастык доҕордоспуттара. Дьылҕалара да биир буолан бэйэ бэйэлэрин кытта сүрдээҕн тапсыбыттара. Костя уруккутунааҕар хаамара эбиллибитигэр Айыына эмиэ өҥөтө улахана биллэр.
Ответов 7 Написать ответ
  • Дьор5оот
    21 марта  

    Хараастан ыллым кэпсээнниттэн..тумугэр дьоллоннум кэпсээнин дьонун кытта,маладьыас,дууьан ырааьын биэрэ сатаабыккар,кытаат суруйууьуккун.

    0
  • Нам
    22 марта  

    Олус үчүгэй кэпсээн. Эрэлгитин хаһан да сүтэримэн, күүстээх санаалаах буолун Сахам дьоно!

    1
  • Оксан
    22 марта  

    Наьаа учугэй кэпсээн

    0
  • Кэпсээн аахпыт
    12 июня  

    Наьаа учугэй кэпсээн. Мэктитиэтигэр хара5ым ууланна. Айтал маладьыаскын! Ессе да кэпсээнэрдэ суруйан дьону уердэ тур

    0
  • Николай
    12 июня  

    Мин саастаах киһи эрээрибин бу кэпсээни ааҕан баран , хайдах эрэ санаан көтөҕүллүннэ авторга махтал этэҥҥэ сырыт

    0
  • Иван
    12 июня  

    Дьогурдаах эбиккин. Кэпсээн сюжета куустээх, тыла-еье лоп-бааччы. Суруйууьуккун. Дьарыктан.

    0
Ответ на тему: кэпсээн. Аа5ын, сыаналаан.
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Предложения и замечания