Сахалыы кинигэ аахпыт киһи ,саҥа ханнык сэргэх кинигэ баарый ,ханнык саҥа суруйааччы ?
кинигэ  -    3148
Төлкө, Сааскы кэм уубун умнан туран аахпытым ,үлэлээн бүтэ охсон ааҕарбын күүтэрим ,геройдары кытта тэнҥэ сылдьарым ,оннук күүстээх айамньылар этэ,кэлинҥи соҕустан Чыҥыс хаан ыйааҕынан син бэт этэ.Ол эрэн ити Төлкө ,Сааскы кэм ураты айамньылар этэ,бастаан ааҕарга эчи таттарыылааҕын.Хаста да аахтым ,билигин эмиэ итилэргэ тэҥнэһэр ыарахан да буоллар Саҥа Ураты таттарыылаах ханнык эмэ айамньы баар да? Ааҕааччылар сүбэлээн
Ответов 41 Написать ответ
  • ааҕааччы
    5 июля 2014  

    Долун Хопто Хаһыыта диэн

    хомуруунньук кинигэтин булан аах. куһаҕана диэн кылгас кэпсээннэр. ити уол роман ду, сэһэн ду суруйара буоллар үчүгэй боло этэ.. сорох ааҕааччылар иккис Амма Аччыгыйа курдук кэпсээнньит киһи тахсан эрэр дииллэр. оттон миэхэ билиҥҥилэри кытары тэҥ курдук

    0
    • кинигэ
      5 июля 2014  

      махтал ааҕааччы

      ол эрэн киинэтин көрөн биспитим.

      0
      • Катя
        5 июля 2014  

        Мин"Бичик" ма5аһыынарыттан атыылаһан аа5абын уонна библиотекаларга

        туттарабын.Кэнники сахалыы кэпсээннэрдээх кинигэлэр,ырыанньыктар элбээбиттэрэ олус бэрт.Сорох кинигэ,харчыга тахсыбыта биллэр,уус-уран тылын баайа суох,киһини тарпаттар онон үчүгэйдик көрөн ылыахха наада.Кэнники сылларга сахалыы кинигэ элбээбитэ олус үчүгэй,өссө да элбии турдуннар.

        0
        • атын аа5ааччы
          6 июля 2014  

          сахалыы кинигэ

          аа5абын диигин да ити ,, Хопто хаьыытын '' керен биспитим диэбиккин. ол ханна керен биьэн кэбистиц? керен кэбиспитим диэри гыммытыц дуо? Степан Марков, Сиккиэр кэпсээннэрэ учугэйдэр.

          0
  • Суоьалдьыйа
    6 июля 2014  

    Куорсуннаагы

    аа5ыаххын сеп. Тыла-еье учугэй. Ол эрэн Куорсуннаах суруйан, бэчээттэтэн испэт. Бытаан. Даана сард тыла мелтеьуер да, аа5арга умсугутуулаах.
    Мин эмиэ аагарга кердуубун. Урукку классиктарга тиийэр айымньы суо5а биллэр эрээри суруйааччыларбытын мегуттэн, самнарбакка сайдалларыгар багарыам этэ.

    0
  • -Эркин-
    6 июля 2014  

    Сэһэннэр, романнар суохтар. Кыра баҕайы кэпсээннэрдээх кинигэлэри ааҕа да барбаппын.

    Арай ол бу булт-алт, былыргы номохтор, күүстээхтэр-быһыйдар, историяҕа, айылҕаҕа сыһыаннаах, ол-бу ахтыылар, холобур тулаайах Геннадий Атласов кинигэтин курдуктар баар буоллаҕына ылан ааҕабын да оннук кинигэ аҕыйах. Үксэ быыкаа кэпссээннэрдээх чараас кинигэлэр буолаллар, олору ылан да туһа суох.

    0
  • -Эркин-
    6 июля 2014  

    ити Хопто хаһыыта диэн кыра баҕайы кинигэни ылбытым

    бастакы кэпсээнин автор Егор Федоров-Долун эдэркээн сааһыгар хайдах мотоцикл иэдэннээх авариятыгар түбэһэн өлө сыспытын суруйбутун аахпытым, тыла-өһө олус үчүгэй кырдьык да улахан суруйааччы тахсыах киһи быһыылаах.
    Субу аҕай Егор Картузов Адьырҕалыын хапсыһыы диэн дьоҕус кинигэтин аахтым. Үчүгэй интэриэһинэй кинигэ, аатырбыт булчут Семен Евсеев туһунан өссө да элбэҕи бүтүн романы да суруйуохха сөп эбит. Кинигэ кырата дьоҕуһа, үрдүнэн-аннынан суруллубута мыыннарар киһи биир күн ааҕан бүтэрэр кинигэтэ.
    Петр Одорусов Баалыкай оҕолоро диэн ахтыы кинигэтэ эмиэ ааҕарга интэриэһинэй, судургу.

    0
    • ася
      6 июля 2014  

      бу саас

      Манчаары ТЦ кинигэ атыылыыр киоскага "куьунну ньургуьун"диэн хоьоон кинигэтин ылан аахпытым.в.саввинов сунтар.бэрт хоьооннор.киьини толкуйдатар.хайдах эрэ сонун образтардаах.филосовскай хабааннаах.халын кинигэ

      0
      • Альбина
        6 июля 2014  

        Сахалыы кэнники романнартан

        Айысхаана Үргүөрдээх кэм үнүгэстэрэ диэн роман бастакы чааһын сөбүлээн аахпытым.

        0
        • МариАнна
          6 июля 2014  

          Маайыьап

          Ийэм кэпсиир кинигэтэ бэрт сэргэх

          0
          • Аппанаас
            7 июля 2014  

            Билинни суруйааччылар

            Билигин баар суруйааччылартан дмитрий наумов кэпсээннэриттэн ордук учугэй суох дии саныыбын. Е. Неймохов олох учугэй айымньылары суруйан хаалларбыта. Кэлиннилэртэн диэн этэбин. Мигалкин хайдах норуодунай ьуолтуй. Ханнык биллэр хоьооннопдоо5уй ? Мин билбэт эбиппин. Хоьоонньуттартан Сайа5а эр да дьонтон дьахталлартан да билинни бириэмэ5э ким да тиийбэт.

            0
  • доодор
    7 июля 2014  

    Далан

    кинигэлэрин ааҕан көр

    0
  • Геракл1
    7 июля 2014  

    ЭдьиийДуора, кинигэтин аах, элбэх сиэри туому билиэн. :))

    0
  • кинигэ
    7 июля 2014  

    Даланы аах

    Тыгын Дархана оһуобай.

    0
    • талбаана
      7 июля 2014  

      кинигэ

      Аныгы кэм суруйааччыларыттан С.Марков,С.Маисов айымньылара кэрэхсэбиллээхтэр,ол эрээри С.Маисов "Ийэм кэпсиир"кинигэтэ диалектизмнара элбэх,ону быһаарар сыһыарыыта суох. Дьахталлартан Куорсуннаах,Т.Находкина,Айысхаана,Огдо,Лоһуура кинигэлэрин сөбүлээн аахпытым. Д.Макеев бэркэ суруйуох эбит,кэнники биллибэт дии...

      0
  • Ох
    7 июля 2014  

    Маисов " Ийэм кэпсиир" бастакы кинигэтэ билиҥҥи кэмҥэ тэҥнээҕэ суох.

    Е. Неймохов "Алампа" романа элбэҕи биллэрэр.толкуйдатар бэрт айымньы.

    0
  • tae1007
    7 июля 2014  

    кинигэ

    миитээ наумов хомуурунньуга учугэй багайы этэ.

    0
    • сахалыы кинигэ маньяга
      8 июля 2014  

      билиҥҥи кинигэ(дьахталлар суруйуулара отой мөлтөх

      бары диэхпин баҕарабын. мин холобура автор дьахтар ьоллаҕына ааҕа да ьарбаппын. уолаттарга син биир тиийбэттэр. лучше суруйуо суохтар этэ. ити Нельбисова, Айысхааналар иҥин. өссө атыттары этэ да барбаппын. быстар мөлтөхтөр. урут биир Сыромятникова баар этэ..

      0
  • Суоьалдьыйа
    8 июля 2014  

    Дьахтар-суруйааччы бугун суруйар

    буолан бугунну литературабыт онуоха-маныаха диэри баар ини. Эр киьи суруйуута ордук куустээ5э мэлдьэх буолбатах. Ол эрэн эр киьи-суруйааччы быстар а5ыйах. Кинилэри манаатахха олохпутугар аахпакка да хаалыыьыбыт. Онон суруйдуннар, хайалара да5аны. Онтон кэм-кэрдии бэйэтэ быьаарыа буоллага, кини ордук, кини ордуга суох диэн.
    Уопсайынан, суруйааччыларга махтаныах санаам кэлэр. Уеьээттэн туох да ейебулэ суох, бэйэлэригэр, материальнай да еттунэн, халтай бириэмэ ааьан хаалла, диэн куттаммакка, сиэртибэгэ киирэн кинигэ таьаартаралларын. Бэчээттэнэр диэн бугунну куннэ манан дьыала буолбатах.
    Онон суруйдуннар. Бэчээттэнниннэр. Аа5ааччы бэйэтэ сыаналыа.

    0
  • хабала
    8 июля 2014  

    аржан

    Историческай хабааннаах суруйуулартан
    Аржаков Боло былыргы боотурдар тусунан суруйбут.
    Сомоготто Николаев Якуты Пища якутов диэн юлэлэрэ
    сири кюрбют. Юссю кыра брошюркалара интириэсинэйдэр
    Кый тусунан эсэни бултаасын энин архыып источниктарыгар
    ологуран суруйуулара сири кюрбют.
    Байкальское перекрестье историко культурный дискурс
    диэн хомуруунньукка бюрээт, курыкан, хоро, саха, тумат
    омуктар тусунан ыстатыйалар киирбиттэр.
    Якуты диэн серия народов России диэн кинигэгэ саха этнографията
    аса юэлэ, итэгэлэ энин тусунан ыстатыйалар хомуллубуттар.
    Левин Герасим руническай сурук тусунан кинигэтигэр саха сиригэр
    кюстюбют суруктар, былыргы руника билинни саха тылыгар кюстюютэ
    сырдатыллар.
    Ушницкий Население Байкальского региона в эпоху средневековья кинигэтигэр канглылар, туматтар, борогоннор, хоролор, ураанхайдар,
    татаардар, алааттар тусунан подробно сэсэргэнэр. Бары суоллар бары ааттар саха ураанхай мэнэ кангалас тюмюгэр аатырбыт татаар омукка
    тириэрдэр.
    Уонна биир архыып юлэситэ дьахтар Манчаары, Павлов бандьыыт
    дьыалалара архыып харагынан саналыы сырдатар.
    Биир тюмээччи Кююстээх Уйбаан, Боссоойко тусунан сэсэннэри хомуйан
    тасаарбыт.
    Аны туран Манчаары юрист харагынан диэн сахалыы тылынан бэртээхэй
    кинигэ тахсыбыт ыраатта да атыыга баар.
    Ушницкий. Вопросы этнической истории и родового состава народов Якутии
    диэн юлэтигэр саха тюрдюн чинчийии тусунан, саха уонна якут диэн ааттар юэрэтииллиилэрэ, саха ага уустара тарганыылара улуустарынан,
    Дыгын уобараса энин сырдатыылар. Мин лично тонус уустарын уонна
    тюрюттэрин тусунан умсуйгуйан аахтым.

    0
  • Суоьалдьыйа
    8 июля 2014  

    Хабала,

    ити ааттаталаабыт улэрэри - кинигэлэри ханна атыылыылларый?

    0
  • Араас
    9 июля 2014  

    Энин

    Бизнес центр исигэр баар магасыынна
    Знание книжнайыгар напротив туймаады
    От а до я. На площади Ленина.
    Энин.

    0
    • Bichikk
      10 июля 2014  

      Маннык кинигэлэр бааллар

      Бичик долбуура
      Айымньы абылаҥнаах долгунугар уйдаран…
      Сорох кэмҥэ киһи күннээҕи түбүктэн тэйэн, интэриэһинэй кинигэни тутан олорон, дьон араас эридьиэстээх дьылҕатын, таайтарыылаах тапталын ааҕан, аралдьыйыан баҕарар. Кинигэ эйгэтигэр кэрэхсэбиллээҕи, умсугутуулааҕы элбэхтэн биири буларга, үгүстэн аҕыйаҕы таларга көмө буоллун диэн бу ыйынньык курдук сирдэтэн суруйдубут.

      Евдокия Васильева «Сэгэлдьин Хотун» кинигэтигэр ураты айылҕалаах Эдьээнэ диэн эдэр кыыс эбээ буолуор диэри олоҕун кэрчиктэрэ көстүбэт эйгэни кытта дьүөрэлэһэн, кини сиэнигэр Үргэл Сулус кыыһа Сэгэлдьин Удаҕан кута-сүрэ бэриллибитэ кэпсэнэр. Үөһээҥҥилэр сэрэнэҥҥин Сэгэлдьинэ Куо диэн ыҥыраар дииллэр…

      Георгий Федоров-Сэһэн Дьөгүөр «Өбүгэлэрбит өлбөт-сүппэт үйэлээх үгэстэрэ» кинигэтигэр фольклорист үйэлээх сааһыгар хомуйбут фольклорнай, этнографическай суруйуулара түмүллэн киирдилэр. Сунтаар сахаларын көһөн кэлэн олохсуйуулара, былыргы олохторо, үтүө үгэстэрэ, сиэрдэрэ-туомнара сэһэн-кэпсээн быһыытынан суруллубуттар.

      Семен Маисов «Ийэм кэпсиир» роман 4 чааһыгар ааптар киһи уонна ийэ айылҕа быстыспат ситимнэрин, киһи ис эйгэтэ, санаатын кэрэтэ туохтааҕар да үрдүктүк тутулларын ойуулуур.

      Миитэрэй Наумов «Чомойор кыыһа» кэпсээннэр, пьесалар кинигэтигэр тыа дьоно барахсан, ынах-сүөһү, сылгы, ыт-кус эрэ ииттэн киһи-хара буоларын кэпсиир. Ол эрэн, аҥаардастыы ынах кутуругун эрийэ олорон, олох кэрэтиттэн маппыт курдук ыар-баттык санаа кинигэ геройдарын иилии эргийэр. Хороҕор муостаахтан эт-үүт ылан эмиэ да үөрэҕин, эмиэ да ынахпыттан ырааппатым диэн хомойоҕун. Оттон ынаҕа-сүөһүтэ суох дьон кураанах өтөх иччитигэр кубулуйуохтарын сөп диэн сэрэтэр ааптар.

      Үгүс үтүмэн ааҕааччы интэриэһин тардыбыт Леди Муус аҕыйах сыллааҕыта тахсыбыт «Ахтылҕан» романа билигин даҕаны саамай атыыланар кинигэлэр ахсааннарыгар киирэн, ахтылҕана уҕарыйбат, хата өссө күүркэйэн иһэр. Тоҕо? Дьиҥ олоххо дьол уонна сор иккиэн бииргэ сылдьаллар: тапталтан үөрүү өспөт өрөгөйө, тыыннаахтыы тутан сиир күнүү дьааттаах дьэбинэ уонна таҥнарыы хобдох хомолтото. Бүгүн булаҕын, сарсын сүтэрэҕин. Күнтэн күн солбуллан, төлкөҕөр түстэммит, дьылҕаҕар дьаптайыллыбыт арылыннар арыллан иһэр.

      Даана Сард «Ааспыт ааспат амтана» кинигэтэ бэрт судургутук биир тыынынан ааҕыллар курдук суруллубут эрээри, бастакы илииһиттэн ааҕааччыны умсугутар, интэриэһиргэтэр. Манна дьахтар дьылҕата, олоҕор күлүк курдук көстөн ааһар таптала аһаҕастык, уйаннык, истиҥник кэпсэнэр.

      Ыар ыарыыга ылларбыт эдэркээн Татыйык олох олорор туһугар туруулаһыахтааҕа. Тоҕо кини оҕочоос дууһата дьылҕа охсуутун ылыммата, уйан сүрэҕэ эрдэ бэриннэ? Тымныы тыал? Хаҕыс сыһыан? Табыллыбатах таптал? Бу барыта Василий Нехоруков Дылбаны «Тоҥмут чооруос» кинигэтигэр ойууланар.

      Урут уус-уран литератураҕа эротическэй хабааннаах тиэмэ барыта бобуулаах, сабыылаах этэ. Билигин олох ити көстүүтүн кыбыстыбакка-сааппакка сырдатар ааптардар баар буолан, хараҥаҕа сырдык тыган эрэр… Николай Сафонов-Дьырылы «Хайдах-хайдаҕый?» кинигэтигэр таптал имэҥин, дьон майгытын-сигилитин, аныгы олох эгэлгэ көстүүлэрин эридьиэстээн тэттик хоһоонноругар хоһуйар. Холобур,
      Буутун кылбаҥар абылатан,
      Булсубут кыыһын аҕылатан
      Билсибит уол төһө таптыаҕай?
      Биилин үрдүн төһө хайгыаҕай?

      Иннокентий Попов «Олох талкыта» кинигэтигэр сыаҥкалар, пьесалар, монологтар киирдилэр. Дьон өйүгэр-санаатыгар тиийимтиэ, сэргэх, дириҥ ис хоһоонноох драматическай айымньылар геройдара – биһиги күннэтэ көрсөр, алтыһар дьоммут. Ааптар хас биирдии персонаж тылын-өһүн бэркэ чочуйан, ис сигилилэрин, майгыларын таба арыйар.


      Маҕаһыыннарбыт аадырыстара:
      Дьокуускай: Орджоникидзе уул.31, «Бэчээт дьиэтэ»;
      Ленин просп. 9; ТРК "Туймаада", 3 этээс;
      ХИФУ Киин куорпуһа;

      Ньурба «Бизнес-инкубатор» дьиэтэ, Сунтаар «Лена», Аллараа Бэстээххэ «Сиибиктэ», Майа «Максим» атыы-эргиэн киинэ, Ытык-Күөл Ойуунускай аатынан уул. 8, Чурапчы Ленин уул. 22/1, Бороҕон Ленин уул. 42, Үөһээ Бүлүү Ленин уул. 20, «Бүлүү» ырыынак.
      Интэрниэккэ сайтпыт: bichik.ru

      -1
      • Bichikk
        10 июля 2014  

        Оссо маннык

        Саха норуодунай поэта Леонид Попов айымньыларын бастакы томугар 1938-1961 сылларга айар үлэтин саҕаланыытыгар суруйбут хоһоонноро уонна поэмалара киирдилэр. Төрөөбүт дойдутугар уонна эдэр сааһын уйаҕас таптала истиҥ иэйиилээхтик этиллэр хомоҕой хоһоонуттан сороеҕо күн бүгүҥҥэ диэри үгүспүт сүрэҕэр ырыа буолан иҥэн сылдьар. Бу кинигэҕэ кыргыс хонуутугар саха саллааттарын хорсун быһыыларын хоһуйар, Улуу Кыайыыны уруйдуур хоһооннор ол ааспыт кэмнэри санаталлар.

        «Саха народнай суруйааччылара» сериянан Савва Тарасов төрөөбүтэ 80 сылын көрсө айымньыларын 1 тома «Эйэттэн күндү суох бу сиргэ» диэн хоһооннорун хомуурунньуга таҕыста. Бу кинигэҕэ поэт киһи, дьылҕа туһунан олохтон мутук-силис тарпыт санааларын уустаан-ураннаан хоһуйбут хоһооннорун ааҕыаххыт. Савва Тарасов поэзията саха киһитин дууһатын киэҥник арыйбыта, кини тугу сөбүлүүрэ, кими таптыыра, туохха сүгүрүйэрэ, кимтэн кэлэйэрэ, туохтан сүөм түһэрэ барыта кини хоһоонноругар ырылхайдык көстө сылдьар.

        Өксөкүлээх Өлөксөй оҕолоруттан соҕотоҕун ордон хаалан удьуору салҕыыр төлкөлөммүт уола Реас Кулаковскай төрөөбүтэ 100 сылын көрсө «Бойуот» диэн айымньыларын хомуурунньуга таҕыста. Кинигэҕэ киирбит сэһэннэр, кэпсээннэр суруйааччы тыла-өһө байҕал курдук баайын, дириҥин кэрэһилииллэр. Кини төһө да уустук олоҕу олорбутун иһин, онтон сүрэ тостубакка, кини айымньылара, төттөрүтүн, дьоҥҥо-сэргэҕэ, оҕолорго, кыылга-сүөлгэ, айылҕаҕа муҥура суох тапталынан толорулар. Кини хабар тиэмэтэ киэҥ – былыргы олохтон детективкэ тиийэ.
        Литературовед, филологическай наука доктора, РФ уонна СР культуратын үтүөлээх үлэһитэ Дора Васильева «Суруйааччыларбыт алгыстаах айар аартыктарынан» диэн ыстатыйаларын кинигэтигэр араас кэмҥэ суруйбут литературнай ырытыылара киирдилэр.

        Сэмэн Тумат «Хотугу дойдум хонноҕуттан» диэн кинигэтигэр ааптар оҕо сааһа уһук хоту, Лаптевтар муораларын кытылыгар ааспытын кэпсиир. Кини геройдара санааларын күүһүнэн, ыраас майгыларынан-сигилилэринэн, бэйэ-бэйэлэригэр харыстабыллаах сыһыаннарынан, доҕордуу бэриниилээхтэринэн хайдахтаах да ыарахаттары этэҥҥэ туорууллар. «Мууска быстарыы» диэн мүччүргэннээх сэһэҥҥэ арҕааттан эмискэ түспүт улуу буурҕа балыксыттары быстах мууска кум-хам тутан, Хотугу муустаах байҕал тоҥ болгуо бэлэһигэр кудулуччу илдьэн иһэрэ киһи уйулҕата хамсыах сиһилии сэһэргэнэр. Оттон «Улуу кыыл тыына» айымньыга икки Ийэ – уончалаах уолун иннигэр уктубут дьарамай саха дьахтара уонна хаар арҕаҕыттан саҥа түөһүллэн тахсыбыт быыкаайык оҕолоох үрүҥ эһэ утары көрсөн баран, бэйэ-бэйэлэрин өйдөспүттэрэ айылҕа оҕолоро биир ситимнээхтэрин өссө төгүл сиэрдээхтик итэҕэтэр.

        Тумарча «Өрүһүнүү» ромаҥҥа геологтар олохторо-дьаһахтара, үлэлэрэ-хамнастара көстөр. Ааптар туруу үлэһиттэр холобурдарынан геройдар киһи быһыытынан үүнүүлэрин, сиэрдээх, дойдуга бэриниилээх буолууларын мындырдаан ойуулуур. Сүрүн герой олох очурдарын эрдээхтик туораан, эриирдээх-мускуурдаах тургутуутун тулуйан сырдыкка тардыһар, үтүө дьон ыллыктаах санаатынан, киһи киһиэхэ итэҕэйиитинэн, ыраас тапталынан кынаттанан өрүһүнүү суолугар турунар.

        Василий Тарабукин төрөөбүтэ 80 сылын көрсө «Олох угуйар суһума» кинигэтэ таҕыста. Бу хомуурунньукка аар тайҕа чэбдик тыына, суугунас салгына, от-мас күҥҥэ тардыһан ыллаһардыы көҕөрөр өҥө-дьүһүнэ, сүрэҕи-быары сымнатар сыта-сымара, көтөр күүстээх кынатын сапсынар, кыыл-сүөл сүүрэн сабыгырайар тыаһа бу тиийэн кэлэр курдук. Булт хатыламмат мүччүргэннээх сырыылара, устар олох умсулҕаннаах көстүүлэрэ, киһи барахсан айгыр-силик ийэ айылҕаҕа сиэрдээх сыһыана, түбүктээх үлэ ситиһиититтэн дьоллоноро суруйааччы кыраҕы хараҕынан, уйан сүрэҕинэн, сирдээҕи олоххо муҥура суох тапталынан мындырдык көрдөрүллүбүт.

        0
        • Bichikk
          10 июля 2014  

          бу

          Оҕолорго планшеттаах кинигэ
          «Бичик» кыһа оҕолорго аан бастаан кыра планшет компьютердаах «Көрдөөх зоопарк» кинигэни таһаарда. Кырачааннар кыыллар саҥаларын, 10 көрдөөх ырыаны истиэхтэрэ, оонньуохтара, билиини тургутар ыйытыктарга хоруйдуохтара.

          Тыыннаах курдук көрдөрөр 3D чаҕылхай ойуулаах “Көтөр-сүүрэр саҥата» кырачааннарга бэртээхэй бэлэх буолуо. Бу кинигэни тутан олорон, ойуур саҕатыгар чыычаах ырыатын, кэҕэ этэрин, күөлгэ кус-хаас саҥатын истиэххит, ойуур кыылларын сайын уонна кыһын илэ көрбүт кэриэтэ сананыаххыт.

          Николай Аржаков «Былыргы былдьаһыктаах дьыллартан… Саха боотурун сэбэ-сэбиргэлэ» кинигэтэ таҕыста. Ааптар уруккута Боотуруускай улууска Болугур аҕа ууһа олохсуйбут Биттики алааһын түҥ былыргытыттан саҕалаан билиҥҥээҥҥэ диэри историятын чинчийэн үөрэппитин суруйар. Саха боотура кыргыс үйэтин саҕана көмүскэнэр уонна сэриилэһэр сэбин-сэбиргэлин дьиҥ-чахчы булуллубут артефактарга уонна научнай үлэлэргэ олоҕуран кэпсиир.

          Иван Каженкин – Уйбаан Хааһах «Түүл үөһээ дойду өйө-санаата». Саха ойууннара былыр-былыргыттан өй-санаа мунньустар араҥатын Үөһээ дойду диэн ааттаабыттара. Бу дойдуга киһи түһээтэҕинэ киирэн тахсар, мунньуллубут муударас саппааһын кытта кыра-кыралаан билсиһэр. Түүл көстүүтэ үксэ киһи бэйэтин санаата, кута хайдах сылдьарыттан тутулуктаах. Үтүө санаалаах, үчүгэй майгылаах киһи түүлэ эмиэ үчүгэй, сырдык буолар. Кинигэҕэ түүлү тойоннооһун инникини сылыктыырга көмө буолуоҕа.

          Аҕа дойдуну көмүскүүр Улуу сэрии кыттыылааҕа, сахалартан бастакы Россия геройа Михаил Михайлович Стрекаловскай уустук эрээри дьоллоох, чахчы холобур буолар олоҕун туһунан кинигэ эбиллэн хаттаан бэчээттэннэ. «Кырдьыгынан олорортон ордук суох» диэн өбүгэлэрин муудараһын фроҥҥа да, дойдутугар да халбаҥнаабакка тутуспут киһи Михаил Михайлович бэйэтин, аймахтарын, доҕотторун, биир дойдулаахтарын уонна оҕолорун иһирэх ахтыылара киирдилэр. Кинигэ М.М. Стрекаловскай төрөөбүтэ 100 сылын көрсө таҕыста.

          Үрүҥ Тунах ыһыахтары көрсө Сахабыт сирин кэрэ айылҕатын, дьоллоох Дьокуускай куораты, остуоруйалары арыйар кубиктар атыыга таҕыстылар. Бу сувенирнай кубиктары эргитэ олорон, киин куораппыт көрүөхтэн кэрэ көстүүлэрин, оҕолорго остуоруйа дьоруойдарын хомуйуоххут, харалдьыкка саҥа тыллыбыт ньургуһуннары, күөх окко кытархай сардаана сибэккилэри көрүөххүт. Кубиктары хомуйуҥ, кэрэни кэрэхсээҥ, дьоҥҥутугар бэлэх оҥоруҥ!

          0
          • Bichikk
            10 июля 2014  

            Маннык кинигэлэр бааллар

            «Билиҥҥи кэм прозата» сериянан Данил Макеев, Саха Республикатын бэчээтин уонна ыччакка политикатын туйгуна, билигин «Чолбон» сурунаал прозаҕа отедлын редактора «Атырдьах сэргэ» диэн кинигэтэ «Бичик» кыһаҕа таҕыста. Биллэр суруналыыс, суруйааччы Данил Николаевич «Таҥнарыахсыт» диэн сэһэнигэр аҕа дойдуну көмүскүүр Улуу сэрии кэмигэр буруйа суоҕар сэмэлэнэн, штрафной ротаҕа түбэспит саха саллаатын туһунан умсугутуулаахтык кэпсэнэр. Оттон «Ини-биилэр» диэн айымньыга үс бырааттыылар сэрии эрэйин-муҥун ааһан, саха киһитигэр үтүө аата, чиэһэ туохтааҕар да күндүтүн туһунан суруллар. Ону таһынан, ааптар ааҕааччыны толкуйдатар кэрэхсэбиллээх кэпсээннэрэ киирдилэр.

            Россия Суруналыыстарын сойууһун, Россия суруйааччыларын сойууһун чилиэнэ, «Дьокуускай аэропорт» пресс-сэкиритээрэ, эдэр поэт Яна Байгожаева бу соторутааҕыта «Таптал арыыта» диэн хоһооннорун хомуурунньуга таҕыста. Кини хоһооннорун сүрүн тиэмэтэ – таптал. Яна Байгожаева олоҕу анаарыыта, омос крдөххө, олус судургу, күннээҕи кыһалҕалартан, үөрүүлэртэн тиһиллэн тахсар курдук. Дьэрэкээн ойуулааһын, тылынан оонньооһун, албастаах уобарастар кини поэзиятыгар суохтар, ол оннугар кини күннээҕи өйдөбүллэри поэзия үрдүк таһымыгар тардан таһаарар диэн сыаналыыр саха норуодунай поэта Наталья Харлампьева. Чараас уонна хорсун поэзия диэн этэр кини. Яна хоһоонноругар поэт аналын, ийэ буолуу үрдүк дьолун, төрүт буор уонна оҕо саас ахтылҕанын, олоххо дьулуур туһунан санааларын ааҕааччытын кытта иһирэхтик үллэстэр. Яна хоһооннорун ааҕа олорон, үгүс ааҕааччы мин эмиэ ити курдук саныыр этим, олохпор итинник түгэн көстөн ааспыта диэн чугастык, истиҥник ылынар.

            Иван Мигалкин «Оһуор ойуу оҥоойук» кинигэтигэр алын кылаас оскуола оҕолоругар элбэх дьэрэкээн ойуулаах сахалыы-нууччалыы тылынан хоһооннор киирдилэр. Кинигэ үгүс-үтүмэн чаҕылхай ойуулара хайа баҕарар оҕо болҕомтотун тардыахтара, тулалыыр айылҕа, хамсыыр харамайдар, күннээҕи олох туһунан билиитин байытыахтара.
            «Бичик» саҥа кинигэлэрин ааҕыҥ, сэргээҥ, доҕор оҥостуҥ!

            0
            • Bichikk
              10 июля 2014  

              Маннык кинигэлэр бааллар

              Дмитрий Таас «Кыһыл көмүс хоруоп» кинигэтэ илиигэ тутар дьоҕус кээмэйдээх, быйыл саҥа олохтоммут «Быһылаан» сериянан таҕыста. Манна бандьыыттартан куотан иһэр Кириһээн уол «тыла суох» оҕонньору көрсөр. Ньыыкан кистэлэҥин киниэхэ арыйыа дуо? Тоҕо, туох аньыытыгар кини «дэриэтинньик» буолар дьылҕаламмытый? Бу ыйытыктарга хоруйдары «Кыһыл көмүс хоруоп» диэн кинигэни аахтаххытына билиэххит.

              Талааннаах прозаик Айталина Никифорова «Эргиллиэм мохсоҕол буолан» диэн кинигэтигэр репрессия сиэртибэтин оҕолорун ыар дьылҕата, атаҕастабыл аһыы амтана, сирэй көрбөх буолуу, олох ханнык да батталыгар бэриммэт улахан таптал, кырдьык өрөгөйө, удьуор тыыннаах утума сытыытык кэпсэнэр.

              «Бүдүрүйбүт да көнөр» сериянан Вячеслав Карпов «Очурга оҕустарыы кыайыыга кынаттаныы» кинигэтигэр көҥүл тустууга саха уолаттарыттан бастакы ССРС чемпиона, Дмитрий Коркин биир чаҕылхай талааннаах үөрэнээччитэ бэйэтин очурдаах, өрө тахсыылаах олоҕун, улуу тренерин, бииргэ алтыспыт доҕотторун туһунан кэпсиир.
              Олоҥхоҕо хоһуйулларын курдук былыр былыргыттан саха дьонугар кус быһый, ат бөҕө, кэтит сарыннаах, быыппастар былчыҥнаах, халыҥ харылаах, суон сотолоох баараҕай бухатыыр көрүҥнээх эр бэртэрэ бааллара, билигин да бааллар.

              Саха биллиилээх прозаига Василий Скрябин – Идэлги архивтарга хараллан сытар докумуоннары, фольклор хомуурдарын чинчийбитэ. Ол түмүгэр «Мэҥэ бэртэрэ» диэн Саха сирин историятын интэриэһиргээччилэргэ бэртээхэй кинигэ таҕыста. Бу кинигэҕэ саха аатырбыт күүстээх, кыахтаах, быһый дьонун туһунан элбэҕи билиэххит.

              0
              • Bichikk
                10 июля 2014  

                Маннык кинигэлэр бааллар

                Куорсуннаах «Түҥкэтэх ырай» диэн бу сайын тахсыбыт кинигэтигэр Дьокуускайга Сэбиэскэй сойуус ыһыллан, уларыта тутуу киэҥник хардыылаан киирбит дьикти кэмэ ойууланар. Ол сылларга кыракый куорат олохтоохторо туохтан үөрэн-хомойон олорбуттара кэпсэнэр. Бу кинигэни ааҕа олорон, ийэҕит кассетанан тыаһыыр магнитофоннаах 90-ус сылларга умсан ылан, эдэр сааһын саныа, сэмээр ахтан ылыа.

                Ийэ оҕото ыарыйдаҕына утуйар уута көтөр, аһыыр аһа амтанын сүтэрэр. Маннык ыксаллаах түгэҥҥэ оҕо үксэ ыалдьар ыарыытын дьиэҕэ хайдах эмтиир, суһал көмө оҥорорго сүбэ быһыытынан үрдүк категориялаах оҕо быраастара «Когда болеет ребенок» диэн кинигэлэрэ төрөппүттэргэ туһалаах буолуо.

                Айсана «Аанньаллар» кэпсээннэрин кинигэтигэр аныгы олоххо кэргэнниилэр сыһыаннара, күннээҕи олох үөрүүтэ-хомойуута, дьахтар дьылҕатын ыарахан оҥоһуута, арыгыһыт эрдээх дьахтар ардаҕы кытта тэҥҥэ кутуллар хараҕын уута, төрүүр дьиэҕэ киирэн, анараа дойдуга аҥаар атаҕынан үктэнэн, аанньаллар көмөлөрүнэн киһи буолбут ийэ олоҕо ойууланар.

                Үөрэ-көтө сылдьар киһи ыарыыга бэриммэт, олоҕо да уһуур дииллэр. «Көрүдьүөстэр» кинигэҕэ киирбит көрдөөх кэпсээннэри ааҕан, күннээҕи түбүктэн аралдьыйыаххыт, доҕотторгутугар кэпсээн, дэлби күллэртээн, сүргэлэрин көтөҕүөххүт.

                Огдо «Буолар да эбит» кинигэтигэр дьон араас дьылҕатын оҕуруо курдук тиһэр, куруһуба оһуорун курдук ойуулуур. Олох оонньуута, оттомо, оҥкула, охсуута, оломо, оҥоһуута, олоруута, ойуута, оһуора, омуна барыта – Огдо айымньытыгар. Кинигэ төһө да халыҥ соҕус буоллар, биир тыынынан чэпчэкитик ааҕыллар, дьахтар дьоло, кини сүрэҕин туох үөрдэрэ, хомоторо кэпсэнэр.

                Степан Марков «Ийээ, бырастыы гын…» кинигэтигэр сэрии саҕана тыа сиригэр олорор дьиэ кэргэн күннээҕи үөрүүтэ-хомолтото, сүрэх истиҥ иэйиититтэн илгийэн тахсар таптала, күннээҕи олох бытархай түгэннэриттэн тиһиллэн тахсар дьол кыырпаҕа кэпсэнэр.

                Үгүс ааҕааччы кутун туппут Галина Нельбисова «Эн уонна мин. Эн кэргэниҥ…» сэһэнигэр Катя эбэтэ хаһан эрэ тапталга ылларан, сүрэҕэр сөҥө сылдьар кистэлэҥин эдэр сылдьан дневниккэ тиспитин сиэнэ булан ылан ааҕан, ол кэмнээҕи геройдар тиллэн кэлэн, бу кинигэ ааҕааччы киэҥ араҥатыгар таҕыста.

                Кэпсээтэххэ, суруйдахха, хас биирдии киһи туспа айымньы буолуох ураты умсугутуулаах олохтоох. Намылы «Дьахтар абылыыр айылгыта» кэпсээннэрин хомуурунньугар дьон дьылҕатын оҕуруолуу тиһэн, сирдээҕи олох дьикти оһуорун таһаарар.

                Олоҕу таптал тутан олорор. Дьахтардаах эр киһи истиҥ иэйиилэрин имэҥинэн олох салҕанар. Урукку кэмҥэ төһө да бобуу-хааччах баарын иһин, киһи дууһатын уйгуурдар долгутуулаах түгэни саха суруйааччылара айар дьоҕурдарын сатабылынан тиэрдэллэрэ.И. Гурьев хомуйан оҥорбут «Таптала суох – олох суох» кинигэтигэр тапталы хоһуйбут саха литературатын классиктарын айымньыларыттан быһа тардыылар киирдилэр.

                0
                • Bichikk
                  10 июля 2014  

                  Оссо маннык

                  Урукку Сэбиэскэй тутул эмискэ ыһыллан, үйэлэр кирбиилэригэр быыһык кэм бүрүүкээн, ол кэмнээҕи көлүөнэ оҕолоро туохтан үөрэн-хомойон, хайдах айан-тутан олорбуттарын туһунан Айталина Никифорова «Сырдык курус» кинигэтигэр билсиэххит. Үс кыыс ол уустук кэмҥэ олох киэҥ аартыгар үктэнэн, тус суолларын-иистэрин булуналлар, сиргэ кэлбит аналларын, тапталларын көрдүүллэр, дьоллоох олоҕу сырсаллар.

                  Эдэр ааптар Ульяна Захарова «Эн суоххуна» кинигэтигэр төрөппүт, оҕо икки ардыгар уустук сыһыан, эриирдээх таптал, бүгүҥҥү олох кыһалҕата кэпсэнэр.

                  Уран тыл уустара сериянан бэчээттэнэн тахсыбыт Николай Габышев «Анфиса» кинигэтигэр киһи уустук уйулҕатын кистэлэҥэ, эриэккэс дьылҕатын эридьиэһэ, дьону кытта сыһыана тиһиллэр. Суруйааччы уратыны, кэрэни болҕойон көрөр уус-уран дьоҕура ааҕааччыны умсугутуо, кэрэхсэтиэ.

                  0
  • Кимэрэ
    10 июля 2014  

    Хас да сыллаагыта балыыhага сытан гражданскай сэрии туhунан

    Идэлги уонна Неймохов бэртээхэй кинигэлэр этэ

    0
  • Паша
    9 октября  

    Кэьэх кинигэ ааптарын ким билэр?

    Тулаайах о5о романа Ньырбачааны хоргуйууттан, елууттэн быыьаабыт огонордоох эмээхсин ааттара ким диэн этэй?

    0
Ответ на тему: Сахалыы кинигэ аахпыт киһи ,саҥа ханнык сэргэх кинигэ баарый ,ханнык саҥа суруйааччы ?
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Предложения и замечания