5 лет на форуме Автор 2 уровня Топ пользователь Все
Награды
5 лет на форуме
5 лет на форуме
Автор 2 уровня
Автор 2 уровня
Топ пользователь
Топ пользователь
5000 просмотров
5000 просмотров
Күн Мичээрэ хоһоонноро
  14419
01.08.2012

Ааттаах ый атырдьах
Алтан ецун ыьар,
Аалыы кемус меьуурэ
Ардах курдук саккырыыр.

Сыьыы, ходуьа аайы
Сырдаан сыламнатар
Кэбиьиилээх оттор
Кэчигирэспиттэр.

Саьархай сэбирдэх
Сардацалыын оонньуур,
Серуун салгын тыынар -
Кемус куьун иьэр.

02.08.2012.
Умна сатыыбын
Уруккуну -
Уоруйах тууллэри,
Уоттаах тууннэри.

Умна сатыыбын
Уруккуну -
Уолан бэртэри,
Уостар тапталы.

Умна сатыыбын
Уруккуну -
Уол5амдьы быьыыны,
Уордаах санааны.

Умна сатыыбын
Уруккуну -
Уохтаах киирсиини,
Уонна тэйиини.

Умна сатыыбын...
Умнубаппын...
Умайар туеспэр,
Устар сурэхпэр.

03.08.2012
Кимниин эрэ кэпсэтэрдии
Кинигэ аа5абын эрдэ.
Киирэр араас санаалар
Киэргэтэллэр олохпун.

Суруйааччы бэйэтэ
Субу олорор курдук -
Сылаас сыьыан илгийэн
Сыламнатар дууьабын.

Хайдах, ханнык киьигин
Харахпар кербетербун
Хараастабын эйигинниин,
Хайгыыбын сэмэй уоххун
Ответов 280 Написать ответ
  • соьуйбат
    24 апреля 2013  

    ***********

    Киинэ курдук дэьэллэр
    Кинигэ сэьэнин,аа5ар дьон
    Кэпсэтэ олорор буолаллар
    Кулэн эмискэ соьуталлар

    Олох мускуурун,к8рбуттэр
    Онно этэн эрдэхтэрэ
    О5о эрдэхтэн,адьас мин
    Омуннаабатах киьибин

    0
    • соьуйбат
      25 апреля 2013  

      Маайыстыыр наьаа учугэй хоьооннор,суруй дии? миэхэ соьуйума дуу?

      0
  • Маайыстыыр
    26 апреля 2013  

    Атырдьах ыйынааҕы хоһооннор

    04.08. 2012

    Тоҕо сулустар уосталлар,
    Сүдү халлаантан сүтэллэр?
    Суорба тааска ыттыбыттар
    Тоҕо суорума суолланаллар?

    Тоҕо истиҥ доҕоттор
    Биһигиттэн тэйэллэр?
    Бииргэ үөскээбит дьоннор
    Тоҕо өлөн хаалаллар?

    Сүтүк үөһэ сүтүктэнэн
    Сүүрэр олох сүүрүгэ,
    Соҕотох хаалыы суоһа
    Тууйар эмиэ биэтэккэ.

    05.08.2012.
    Сайыьыы
    Ньирэй мэҥириирин истэн,
    Санаатым оҕо сааспын,
    Ийэбиттэн арахсымаары
    Сайыһан сарылыырбын.

    Ийэм ханна эрэ бардаҕына
    Иччитэхсийэрэ дьиэм иһэ,
    Илэ абааһы хараҥаҕа тиллэрэ,
    Илиилэрин миэхэ уунара.

    Аралдьытар аймах дьоннору
    Атыҥырыы, аймана көрөрүм,
    Истиҥ тапталы суохтааммын
    Иэрийэ ытыырым тураммын.

    06.08.2012.
    Сайын туох соругар мин
    Сир астаан муҥнанабын?
    Кумаарга эҥин сиэтэн,
    Эрэй эҥэрдэнэбин?

    Сайыҥҥы күн күндү,
    Үүнүө суохтара күһүн
    Сугун, дьэдьэн, моонньо5он,
    Онтон да араас сир аһа.

    Сайыҥҥы үтүө күҥҥэ
    Сир быйаҥын сомсуохха,
    Чараҥынан хаамыахха,
    Ойуур иьин оймуохха!

    0
    • соьуйбат
      26 апреля 2013  

      ***********

      Кэлин кэлэн саныыбыт
      Кэлэйэбит,с858бут
      Кэмниэ кэнэ5эс,саас ылан
      Кэпсии олорон мунабыт

      Кырдьык олох у8рэтэр
      Кэмэ кэллэ5инэ кэнэтэр
      Куруук этэр этилэр
      Кыра сылдьан 8йд88б8т

      Куутэр этибит ийэни
      Кун курдук киьибитин
      Куруук маннык буолуо диэн
      Киирбэт этибит дьиэбитигэр

      Кэллэ эбээт,таптал олох
      Кэтилиннин эппиэт о5он
      Кунун аайы таьа5ын
      Кыьалла5ын,таптыыгын

      0
      • Маайыстыыр
        26 апреля 2013  

        Соһуйбат, хоһооҥҥун

        ырыттарыаххын баҕараҕын дуу, суох дуу? Куһаҕан да баар буолуо, кыра хайҕааһын даҕаны. Төһө өһүргэскиний? Миигин ииппэт-аһаппат киһи буоллаҕыҥ, онон тугу баҕарар этиэхпин сөп. Саатар хара никтана илик эбиккин дии. Киһи бөҕө көрүө дии.

        0
        • соьуйбат
          27 апреля 2013  

          С8п к8 этэ5ин сэгээр,сыыьа наьаа элбэх,онон кыттыьан эппиккэр махтал?

          Хоьоон иэйиитэ киирэрэ бытаан дииллэр,соро5ор кырдьык да а5ыйах хонон баран к8рд8хх8 бу тугуй диибин,мин бу черновик сох,олордумда баттыыбын,бэйэбэр ыраас лиис,соро5ор бара тураары кинэбин,ол кун кэллэ5инэ 50 да суруйуохха с8п,эн баьаалыста суруйар киьи буоллаххына сыыьабын этээр,о5олор тугу эрэ баттаабыттар хараарбат буолбут,суруй кэннигиттэн бутэьик тылтан са5алыам миэхэ дьарык,этэбин да тугу к8рдуурбун,этиллибэтэх тылы,айар киьи мин санаабар сана тылы чочуйуохтаах диибин,онтон эн?

          0
          • Маайыстыыр
            27 апреля 2013  

            Учууталлыы сылдьан

            Литературнай куруһуогу салайа сылдьыбытым. Онон дьон алҕаһын да, бэйэм да киэнин көрөбүн. Ол гынан баран, мин бэйэм санаабын этэргэ дьулуһабын. Онон форма, тыл өттүн алҕаһаабыт буоллахпына да хаалларар үгэстээхпин.Ол кэм, ол түгэн итинник хаалыахтаах диэн. Алҕаһаабыт да буоллахпына ол кэм алҕаһа буоллаҕа. Ити хоһооннор даталара суруллубутун өйдөөн көрбүтүҥ эбитэ дуу. Онон атын киһи көннөрөрүн сөбүлээбэппин. Эн тиэмэ булбакка эрэйдэнэр курдуккун. Мин былырыын ыалдьа сылдьан, олус элбэх эми иһэрдэннэр диэххэ дуу, өйбөр тутар дьоҕурум олус мөлтөөбүт этэ. Онон ону утары охсуһан Саҥа дьылтан сҕалаан күн аайы хоһоон суруйар былааннаммытым. Онтубун таах хаалыаҕынааҕар дьон көрүүтүгэр таһаарабын. Былырыын 100 экземпляр гына таһаартаран билэр дьоммор түҥэппиппин бэркэ аахпыттар этэ. Ону ол билэр эрэ буолан интэриэһиргииллэр дуу, кырдьык дьон ааҕарыгар наадалаах дуу диэн бу таһаарабын, ону баалаамаҥ дуу.

            0
            • соьуйбат
              27 апреля 2013  

              Маайыстыыр махтал,мин ити муна сылдьа5ын диирин оруннаах эбит)

              Мин ал5аспын буламмын
              Мугутуйан олорон,эмискэ
              Мантан ыла туруулаьан
              Маамам тылын истиэм

              Былыттаах халлаанна
              Бытааннык да буоллар,ал5ас
              Быгыалаьан к8руллу8
              Бу ыллык суолунан,быьа туьу8ххэ

              Баппатах,атах балай тыллар
              Булугас 8йг8 кубулуйдун
              Бу сир урдугэр туьалаах
              Баар буолуум,дьоммор сэргэбэр

              0
              • Маайыстыыр
                27 апреля 2013  

                Эн хоһооҥҥун редакциялаатахпына маннык

                Мин алҕаспын буламмын
                Муҥатыйа олорон санаатым;
                Мантан ыла өйдөнөн,
                Мин ийэ тылбын үөрэтиэм.

                Былыттаах халлааҥҥа
                Бытааннык да буоллар
                Быгыалаһан көрүллүө,
                Быһа ыллык суолунан.

                Баппатах, атах балай тыллар
                Булугас өйгө кубулуйдуннар,
                Бу сиргэ туһалыы кэлэммин,
                Баар буолуум дьоммор-сэргэбэр.
                Хайдах дии санаатыҥ?

                0
  • Маайыстыыр
    27 апреля 2013  

    Чэйдии олорон

    07.08.2012

    Чэйдии олорон отууга
    Оттуур сирбин одуулуубун,
    Оо,ол кэриигэ бугуллар
    Бачыгыраһан тураллар.

    Бэттэх күөлгэ тыыраахы
    Оҕотун батыьыннаран,
    Тоноҕосчуту ытыран
    Туора-маары элээрэр.

    Кус саҥата мээтиргиир,
    Бэйэтэ көстүбэт ууга,
    Булчут уол өндөҥелүүр,
    Билигин кустуу барыахтыы.

    Ыксаама, доҕор, ыксаама,
    Ытар чааскын тиэтэтимэ,
    Тыыннаах айылҕа кэрэтин
    Тыытыма, саатар, аҕыйах күн.

    08. 08. 2012.
    Оттоон бүттүбүт

    Бүгүн оттоон бүттүбүт
    Биэс оту кэбистибит.
    Ынахтарым кыһын сииллэрэ
    Ыраас сыһыыга дьэндэстилэр.

    Сайын ааһан эрдэҕэ,
    Хаалла күндү бэлэҕэ.
    Хаарыан үлэ куота күрэннэ,
    Сүттэ куйаас күнүм үтүөтэ.

    09.08.2012.
    Сыралҕаҥҥа, куйааска буһан
    Хараарда этим бүтүннүү,
    Ыраах Африка киһитинии
    Хап-хара буоллум ньиэгирдии.

    Сыралҕан баҕайы сыллаата
    Сырайбын, санныбын, көхсүбүн.
    Арай атахтарым сириллэн,
    Ала-чуо маҥаннар кылбаһан.

    0
  • Маайыстыыр
    28 апреля 2013  

    Сылгылар

    11.08.2012.

    Сылгылар
    Сылдьаллар
    Сыьыыга.
    Сыыдамнык
    Сыырдартан
    Сырсаллар.
    Сыспай сиэллээх,
    Сытыы туйах
    Сыныйа одуулуур,
    Сыаналыыр:
    "Сымыйа
    Сырайдаах,
    Сатала суох
    Салбахтаах
    Хаһаайыннаахпыт."

    12.08.2012.
    Эмиэ ардах буолан
    Эрэйдиирэ дуу бүгүн
    Бүтэһик от кээһиллэр,
    Бүтэр күммүтүгэр.

    Тиһэх күн ардахха
    Илийэ сытыйдахха,
    Буолуохпут дуу нус-хас,
    Тиийиэҕэ дуу от саас.

    13.08.2012.
    Таьырдьа
    Таммах
    Түһэр
    Тыаһыттан
    Түлүк уум
    Төлө көттө.
    Тутахсыйбыт
    Тиэргэҥҥэ
    Тилийэ
    Тэлгэннэ,
    Тириппит
    Тириим
    Таһынан
    Тэнийдэ.
    Топ-топ,топ...

    0
    • соьуйбат
      28 апреля 2013  

      Махтал эйиэхэ,хоьоонум олус табыллыбыт дии)

      Киьи сылайда5ына,олох киирбэт буолар эбит)хоьоон)

      А5ыбынаан оттуурбун
      Олус 8йдуубун,мэлдьи
      Отууга тиийээт да
      Таптайар хотуурун

      Олус кэрэтик иьиллэр
      От охсор тыаьа
      Сыр сыр кинэрэ
      Хойуу от бур5анныыр

      Быьыллыбыт от сыта
      Бытаан салгынна,тэнийэн
      Бэт ыраахтан кэллэ
      Бугун хойуут буттубут

      Сиикпит туман буолла
      Сылайбыт к8л8ьунун
      С8руургэтэн уоскутта
      Сып курдук хомунна

      Ыраах сиртэн айанныы
      Ат к8л8бутун,собуоттаан
      Хойуут дьиэбитин буллубут
      Сылайдым диэн сыппата,а5ам

      0
    • соьуйбат
      28 апреля 2013  

      Махтал эйиэхэ,хоьоонум олус табыллыбыт дии)

      Киьи сылайда5ына,олох киирбэт буолар эбит)хоьоон)

      А5ыбынаан оттуурбун
      Олус 8йдуубун,мэлдьи
      Отууга тиийээт да
      Таптайар хотуурун

      Олус кэрэтик иьиллэр
      От охсор тыаьа
      Сыр сыр кинэрэ
      Хойуу от бур5анныыр

      Быьыллыбыт от сыта
      Бытаан салгынна,тэнийэн
      Бэт ыраахтан кэллэ
      Бугун хойуут буттубут

      Сиикпит туман буолла
      Сылайбыт к8л8ьунун
      С8руургэтэн уоскутта
      Сып курдук хомунна

      Ыраах сиртэн айанныы
      Ат к8л8бутун,собуоттаан
      Хойуут дьиэбитин буллубут
      Сылайдым диэн сыппата,а5ам

      0
      • Маайыстыыр
        28 апреля 2013  

        Эйиэхэ санаа баар, ону сааһылыыргын сүрэҕэлдьиигин дуу, тугуй

        Аҕабынаан оттуурбун
        Олус суохтуубун мэлдьи:
        Отууга тиийээт да
        Хотуурун таптайарын.

        Олус кэрэтик иһиллэр
        Сыр-сыр сырдырҕыыр
        Хотуур охсор тыаһа:
        Хойуу от бурҕаҥныыр.

        Бүгүн эмиэ алааска оттоон
        Хойут бүттүбүт аҕабынаан,
        Быһыллыбыт от сыта ыраахтан
        Бытааннык салгыҥҥа тарҕанна.

        Сиикпит туман буолла,
        Сылаалаах көлөһүммүтүн
        Сөрүүркэтэн уоскутта,
        Сып-сап хомуйа тутта.

        Тимир көлөбүтүн собуоттаан,
        Ыраах сиртэн айаннаан,
        Хойут дьиэбитин буллубут да,
        Аҕам сылайдым диэн сыппата...

        0
  • Маайыстыыр
    29 апреля 2013  

    Күн тахсыыта

    14.08.2012.

    Халлаан улам-улам сыыйа арылла сырдыыр,
    Түүҥҥү ыас хараҥаны ыраах кыйдаан
    Күн тахсар сардаҥанан ыһыахтанан,
    Былыттарга саһара тыгыахтанан.

    Өрүс көбүөхтэс күллүргэс көхсүгэр
    Көмүс мөһүүрэнэн тырымныы оонньуур.
    Сыһыы сиигин кырачаан таммаҕар
    Алмаас таастыы кылбачыйа чаҕыллар.

    15.08.2012.
    Иннибэр туох буолуоҕун
    Билиэхпин баҕарарым,
    Хаартыны ырытарым,
    Бүлүүһэни сүүрдэрим.

    Барыны сымыйалаан
    Кэлэтэн кэбистилэр,
    Билигин мин кырдьаммын
    Итэҕэлбин биэрбэппин.

    Ол оннугар билэбин
    Олох тыйыс оҥкулун -
    Оҕото суох эмээхсин
    Соҕотохсуйар сорун.

    16.08.2012.
    Баай-дуол былдьаһыыта

    Баай-дуол үллэстиитин айдаана
    Барыбытын түөрэ хапта.
    Баайдыын-дьадаҥылыын бары
    Биэрэрбитин эрэ билбэппит.

    Ылар эрэ кытаанах санаалаах
    Ыар саҥнанныбыт быһыылаах:
    Ыттыы сиэһэрдии ырдьыгынаһан
    Ыыс-бурут тылынан ыһыахтаһан...

    Уруу-аймах олох умнулунна,
    Уоттуу кытарар киэҥ айахтар.
    Уураах-ыйаах таһаартаран,
    Үҥсүһэбит суукка күн аайы.

    0
    • соьуйбат
      30 апреля 2013  

      Маайыстыыр махтал эйиэхэ,бэткэ сааьылыыгын дии? Ити миэхэ у8рэх)

      Айыл5ам миигин кууьар
      Урэхтэрим,уруйэлэрим
      8руу кэтэьэр курдук
      8луулээн бэссэллэр

      Эмис собо,эмис эти
      Сиэтэн,тутан туруорар
      Бул бэссэрин билэммин
      Мэлдьи к8рд8ь8 сылдьабын

      Уол о5о сиэринэн
      Суорга 8луу биэрэ
      Ийэ сирим урдугэр
      Аьатарбын с8булуубун

      ***
      Кэтэьэбин,куутэбин
      Эбэб мууьун илдьэрин
      Мааны хочом урдунэн
      Уутун утэн таьаардын

      Балык мэликтии,ку8лэьийэ
      Бадараан буорга мунньустар
      Онно илим иитэммин
      Амсайабын майа5аспын

      Бытааннык устар муустарга
      Кус у8рунэн олорсор
      Ку8 дьаа оонньоьон
      К8рулээн бардылар

      0
      • Маайыстыыр
        1 мая 2013  

        Убайым, оҕолор

        хоһооннорун сааһылыыр үөрүйэҕим син баар буоллаҕа дии. Эр дьон грамматикаҕа мөлтөх соҕускут. Сахастрелец бэркэ суруйар эрээри арыт форма сырсыытыгар буолан хоһооно мээнэ буолан хаалар. Ол эйиэхэ суох курдук. Ол оннугар тугу этэргин сааһылыырыҥ, нарылыырыҥ наада. Хоһоонуҥ арыт түиүгэ суох. Онон сааһылыырга киһи мунаарар. Эйигин билбэт киһим буолан, эн ис туруккун өйдөөбөтүм да элбэх.

        0
        • соьуйбат
          1 мая 2013  

          Тугэнинэн туьанан,эйиигин 1 майынан э5эрдэ! Доруобуйаны,салгыы субэ кууту8м?

          Бу куну кэтэьэн
          Бары да у8рэ
          Биир киьи курдук
          Бэйэ бэйэни,э5эрдэлээьин

          Бастакы маай кунэ
          Бутуннуу аан дойдуга
          Баар буоллун эйэ
          Баар буоллун улэ

          0
          • Маайыстыыр
            1 мая 2013  

            Субуотунньуктаан дэлби

            сылайан саҥа кэллим. Сарсын, баҕар, ырытыам

            0
          • Маайыстыыр
            2 мая 2013  

            Кылгас хоһооҥҥун бу курдук гынным.

            Бу күнү кэтэһэ
            Бары үөрэ-көтө
            Биир киһилии тэҥҥэ
            Бэйэ-бэйэҕэ эҕэрдэ!

            Бастакы Маай күнүнэн
            Бүтүн аан дойдуга
            Баар буоллун эйэ,
            Баар буоллун үлэ!
            Туох алҕаскын көннөрбүппүн быһаарар инигин.

            0
      • Маайыстыыр
        2 мая 2013  

        Кэтэһэбин

        Кэтэһэбин, күүтэбин
        Эбэм мууһа эстэрин,
        Мааны хочом үрдүнэн
        Уутун үтэн таһаарарын.

        Балык мэниктии, күөлэһийэ
        Бадараан буорга мунньустар,
        Онно илим үтэммин
        Амсайабын майаҕаспын.

        Бытаан мууска олорсон,
        Кус үөрүнэн айанныыр,
        Көрүлээн барсаллар,
        Күө-дьаа оонньоһон.

        0
  • Маайыстыыр
    2 мая 2013  

    Күһүҥҥү хараҥа

    17.08.2012

    Халлааҥҥа тырымныыр сулустар
    Харахпын саатырдыбаттар,
    Хараҥаны сырдаппаттар,
    Хаһан да ыраахтар, тымныылар.

    Ый эрэ күн уотун тэйитэн
    Ыһар сырдыгын тэнитэ
    Ыраас хаардыын куоталаһа,
    Ымайар, былыттан былтайа.

    Киһини тымныыта манньыппат,
    Күн сылааһынан сырдаппат.
    Куппун кумутар,хам баттыыр
    Күһүҥҥү хараҥа сабардыыр.

    18.08. 2012
    Иэримэ дьиэм
    Иһиллэбиттии
    Иһийдэ,
    Иччитэхсийдэ.
    Ийэм эрэйдээх
    Ииннэнэн,
    Имэрийэр
    Илиитин сылааһа
    Илгийбэт...

    19.08.2012..
    Харыйа киэргэммит -
    Туорааҕын иилиммит.
    Хаһан эрэ тииҥ кэлэн
    Тиниктиэ, мэниктиэ.

    Билигин Саҥа дьыл
    Кэлэрин кэпсиирдии
    Барыйан турара,
    Киэмсийэ туттара...

    0
    • соьуйбат
      2 мая 2013  

      8йду8ххэ дьоммутун

      Силиспит тирэ5э,дьоммутугар
      Хоьуун улэьит,хорсуннартан
      Хотторботох сахалар буоламмыт
      Хотон,сууьу ииттэммит
      Дьон буолан кэллэхпит

      Хочо,урэх алаастары
      Хомуйан,оттоон бутэрэн
      Хол5ос ферма тэнийэн
      Аан дойдуга,иккис
      Хоро5ор муостаах эбиппит

      Бу улугэр,улэ5э
      Бары к8хт88х буоламмыт
      Саха сирин ааттата
      Сылдьыбыттар эбит,дьоммут
      К8л8ьун суппэт,сура5ар

      0
      • Маайыстыыр
        2 мая 2013  

        Cоһуйбат киһини күллэрдиҥ

        Аан дойдуга икиис хороҕор муостаах эбиппит. Сахалар ол ынах буоллубут дуу, хайдах дуу.

        0
        • соьуйбат
          3 мая 2013  

          Кырдьык да5аны,харахпын туох баайда) Ба5ар сайдан хоройуохпут дуо?

          Санаам у8рдэ,ньургуьунтан
          Сылаам суттэ киниттэн
          Сайын кэллэ,эмиэ улэ
          Са5аланыа этэ,от улэтэ

          ******
          Саас ылар дииллэрэ
          Саастаах дьоммут,этэллэрэ
          Сылаа киирэн дьэ соьутар
          Сылаас ас кэннэ,утутаары

          ****
          8руспэр киирэн,бэ5эьээ
          Балык туттардым кыратык
          Хамныыр эбэ муустарыттан
          Курэнэн тахсан бэристэ5э

          0
          • Маайыстыыр
            4 мая 2013  

            Соһуйбат, хоһоонноргун эмиэ көннөрдүм

            Санаам ньургуһунтан үөрдэ,
            Сылаам салгыҥҥа сүттэ.
            Сайын тиэтэйэн кэллэ,
            Саҕаланыа эмиэ от үлэтэ.

            Саастаах дьоммут, сэгээр,
            Саас ылар дииллэрэ:
            Сылаа киирэн, дьэ соһутар,
            Сылаас ас кэннэ утутаары.

            Үсүһүҥ сөп курдук. Кинигэ таһаартарар буоллаххына, үчүгэй корректорданнаргын ааҕыллар хоһооннордонор поэт буолсугун.

            0
  • Маайыстыыр
    3 мая 2013  

    Харыйа

    20.08.2012.

    Харыйа барахсан
    Саккырас ардахтан
    Хаххалыыр буоларын
    Саныыбын мэлдьитин.

    Сайыҥҥы куйааска
    Сөрүүнү бэлэхтиир,
    Сойутар күһүҥҥэ
    Сылааһы биэрээхтиир.

    Кыһыҥҥы тымныыга
    Кыыл, көтөр кирийэр,
    Мэлдьи күөх лабааҕа
    Маҥан хаар кылбайар.

    Харыйа барахсан -
    Хара тыа киэргэлэ,
    Таптыыбын кэрэтин -
    Талба, мааны бэйэтин.

    21.08.2012
    Айанныах иннинэ

    Айаннаары гыннахпына
    Алыс эрдэ уһуктабын.
    Аартык суола арыллара
    Аймыыр дуу куппун?

    Аара көрсүөхтээх дьоннорум
    Алгыстаах алаһалара
    Айхаллыыр дуу дууһабын
    Айаммар тоһуйан?

    Тоҕо олус долгуйаммын
    Турабын олус эрдэлээн?
    Тоҕойдоох айан суолугар
    Туох күүтэр миигин?

    0
    • соьуйбат
      4 мая 2013  

      айанныах иннинэ

      Ахтар курдук,айанна
      Айманар ордук кутум
      Аьыыр аста амсайбат
      Аьара долгуйар быьылаах

      Суолу быьа сордоото
      Соруннаахтык утуппат
      Тиийиэхтээх сирбитигэр
      Онно дьэ сымнатта

      Билэр дьоммор кэпсэтээри
      Биллэн туран ахтыбыттарын
      Бу да киьи утуйаары
      Буллум эрдэ ороммун

      0
  • Ньукуу
    6 мая 2013  

    Маайыстыыр,

    хара никтанар туох туһалаа5ый? Ону хайдах оностоллор?хоһооннору аа5арбын сөбүлүүбүн, суруйарга сана холонобун.Эн наһаа үчүгэйдик соһуйбат хоһооннорун ырытан, көннөрөн биэрбиккин.Өссө суруйаар,хоһоонноргун.

    0
    • Маайыстыыр
      6 мая 2013  

      Хара никтаах буоллаххына

      пагерданаҕын.Эбэтэр почталанаҕын. Ол биир-биир суруйсуу буолар. Атын дьон ону көрбөттөр, аахпаттар. Уонна форумҥа киирдиҥ да ким эйиэхэ туох диэн хардарбыта көстөр. Мээнэ хасыһа сатаабаккын. Солото суох кэмҥэ олус үчүгэй. Мин Интернеккэ аҕыйах мүнүүтэ киирэн тахсабын арыт. Биир сайтка өр буолабын. Манна кылгастык киирэн тахсабын. Билигин олох солом суох курдук буолла.

      0
  • Ньукуу
    6 мая 2013  

    МААЙЫСТЫЫР,

    МАХТАЛ!

    0
  • Маайыстыыр
    6 мая 2013  

    Биэнсийэҕэ тахсан баран санаалар

    22.08.2012

    Былыргы кэмнэргэ маанылыыр кэриэтэ
    Бүдүгүрэ кырдьыбыт сылгы баайдарын
    Босхолоон ыраах сыһыыга ыыталлара
    Уруккуларыныы сэргэҕэ кэлэллэрэ.

    Кымньыылаан нэһирбит аты сүүрдүбэккин,
    Уот-төлөн сүрэхтээбэккин төһө да кыһан.
    Син ол кэриэтэ буолан элэгэлдьийиэ
    Мин билиҥҥи көҥүл олоҕум-дьаһаҕым.

    Сорох сылгы сүрэх баҕатын толорон
    Төрөөбүт ыырыгар төннөрө,кэлэрэ.
    Уруккутун саныы алааһын таһыгар
    Утуйа-нуктуу сиэлэ намылыйара.

    Күнү быһа орон беҕе буолан сытыахпын
    Күннээҕи түбүк күлүгүрдэр, туруорар.
    Күнү быһа күүлэй тэбэ көрүлүөхпүн
    Күүһүм-уоҕум тиийбэт, сэниэ-эниэ киирбэт.

    Ыарахан үлэттэн босхо барбыт сылгы
    Ыраах тыаҕа баран уойар-тотор, тупсар.
    Эдэрдии эрчимирэн иҥэрсийэр дии
    Эт-хаан, сүр-кут көҥүл тыынын иҥэринэн.

    Үлэлээн бүттүм -аны көҥүл киһибин,
    Тойон тугу туойарыгар наадыйбаппын.
    Аны бэйэм туспар сүүрэбин-көтөбүн,
    Дьонум-сэргэм туһугар дьорҕоотурабын.

    23.08.2012.
    Санаа сүүрээнэ элбэх да,
    Хайата туолуо этиллибэт,
    Олохпут дохсун долгуна
    Ханна тиэрдиэ биллибэт.

    Куттанабын дьиэттэн тахсыахпын-
    Күүтэр курдук миигин куһаҕан:
    Тахсыбакка олордорбун
    Таарыйыа суох дуу кутурҕан.

    Дьиэбэр сыыйа бүктэхпинэ,
    Дьонтон олох тэйдэхпинэ,
    Буулуо суоҕа дуо хомолто,
    Булуо суоҕа дуу ол онно.

    Соҕотохтуу мин сорсуйар
    Суостаах күннэрим үүнэннэр
    Хампы үктүөхтэрэ санаабын,
    Хаайыахтара түөрт муннукка...

    Ол буолуо миэхэ амырыын суол,
    Онон бүгэртэн аккаастанан,
    Турунуохха ыраах айаҥҥа,
    Туруулаһыахха, кыайыахха.

    0
    • соьуйбат
      7 мая 2013  

      Миэхэ эдьиий эбиккин? учугэй хоьооннор) 8сс8 суруйаар?

      Бугун то5о эрэ эрдэлээтим
      Бэ5эьээ учугэй сурахтан
      Бадараан,уу мэьэйдээбэтэр
      Батыьыннарар сиэним кэлиэхтээх

      Быьыы таьаа,туттара
      Бэйэтин да кыанара
      Бэйэбэр маарыннатабын
      Бэт хаамардыын,ууччу

      ******
      Маайыстыыр

      Эн миэхэ туьалаатын
      Эйэлээх субэ5инэн
      Элбэх иннигэр,айдырыылаах
      Эн санаа5ынан,буоллун

      Улэн ситиьиилээх,буолбута
      Суруйбут хоьооннор к8ст8р
      Аттыгар баар до5отторун
      8руу 8йуур эбиттэр?

      0
      • Маайыстыыр
        7 мая 2013  

        Соһуйбат, сахалыы тылынан тахсар

        кинигэлэри, тылдьыттары элбэхтик ааҕа сатаа. Тылгар алҕаһыҥ элбэх, ол хоһооҥҥун сымсатар, ыксаама, хос бэрэбиэркэлээн көрө үөрэн. Эн, арааһа, түргэнник бэчээттииринэн үлүһүйэҕин быһыылаах. Мин арыт ыксаатахпына эмиэ сыыһа-халты бэчээттиибин. Эн хоһооҥҥун атын дьон ааҕарын умнума. Араас таһымнаах дьон ааҕар. Миэхэ хоһоон анаабыт бастакы эр киһи буоллуҥ быһыылаах. Оскуолаҕа сырыттахпына арай биир уол нууччалыы хоһоон суруйбут этэ.Кырдьык, оскуолам коллектива өйөөн, хоһооннорум презентацията буолбута.

        0
  • Маайыстыыр
    8 мая 2013  

    Сайыммыт аастаҕа түргэниэн

    30.08.2012
    Сайыммыт аастаҕа түргэниэн...
    Саһарда бэлиэр мутукча эҥин,
    Сардаҥа ардаҕа саккырыыр,
    Сайыны сайыһа маккырыыр.

    Сүүһүнэн чыычаах күйгүөрдэ,
    Сыһыыттан сырылыы дайда,
    Сүттэ эриэккэс ырыата
    Суугунас тыаттан, ойууртан.

    Сирилэс тыалтан нуоҕайа
    Сэбирдэҕин ыста хатыҥ.
    Саа тыаһа күөлгэ хойунна,
    Сылаас ийэ салгын күрэннэ.

    31.08.2012.
    Санаа уларыйыыта

    Саһархай хатыҥчаан
    Саһыгырас күлүүтэ,
    Сааһырбыт аар хатыҥ
    Сыыйыллаҕас ырыата
    Сыналыйан кэлиитэ
    Санаттылар миэхэҕэ
    Саас ыллаҕын аайытын
    Санаа уларыйыытын.

    Урут намчы хатыҥныы
    Уруйдуу-айхаллыы
    Көмүс кыымнаах күһүн
    Кэлэрин көрсөрүм.
    Билигин сааһыран
    Биллэҕим арааһы,
    Чыычааҕы сайыһа
    Чараас дууһам ытыыр.

    0
  • Маайыстыыр
    9 мая 2013  

    Балаҕан ыйынааҕы хоһооннор

    01.09.2012.
    Балаҕан ыйа, буолла күһүн .
    Билии-көрүү аана аһылынна.
    Бары оҕолор сибэккилэнэн
    Бараллар оскуолаҕа бүгүн.

    Баанчыктаахтар парадтаатылар,
    Баартыктаахтар паараластылар,
    Бинсээктээхтэр бииргэлэстилэр,
    Бачыыҥкалаахтар билистилэр.

    Баабыскалардыын барыстылар,
    Биэтэҥкэлээхтэр үтүстүлэр,
    Бирилэтээччилэрдиин аастылар,
    Барылатааччылар тиийдилэр.

    Эмсэхтээхтэрдиин элбээтилэр,
    Эбэлэрдиин эҥэрдэстилэр,
    Эр дьоннуун эйэҥкэлэстилэр,
    Эдэрдиин-эмэнниин кэллилэр.

    Оскуола аана тэлэлиннэ,
    Оҕо бөһө атаҕа тэбэннэ,
    Олох оҥкула уурулунна,
    Оһуор суола оҥоьулунна.

    02.09.2012
    Сайын аастаҕа түргэниэн,
    Хаалабын сылааһы сайыһан.
    Хаһыҥ түһэн хагдарытан,
    Хаарыан күөхпүт сүттэҕиэн.

    Ыйдаҥа да суолгун сырдаттар
    Ыраатыаххын баҕарбаккын,
    Хараҥа тула сабардыыр,
    Хайа да диэки бардаргын.

    Суохтуубун сайыҥҥы сырдыгы
    Суостаах күһүҥҥү хараҥаҕа,
    Суохтуубун сайыҥҥы сылааһы
    Соҕотохсуйар сарсыардаҕа.

    03.09.2012

    Көттүлэр кустар үөһэнэн
    Кынаттарын хомунан,
    Кытаанах айан суолунан
    Кыырайдылар үөрүнэн.

    Саа тыаһа күөлгэ сатарыыр,
    Доруоп үрэххэ доргуйар,
    Харабыын айаҕа кытарар,
    Туоһапка тыаҕа тоһургуур.

    Ити курдук көрсөллөр,
    Ити курдук атаараллар,
    Итини ким сааһылыай,
    Ирээккиттэн матарыай?!

    0
  • Маайыстыыр
    12 мая 2013  

    Көрсө түспүт киһибэр...

    04. 09.2012
    Тылбай-өспөй буолума,
    Тыыҥҥын таһаара сатаама,
    Тыытыма уйан дууһабын,
    Тыҥыраххынан тарбаама.

    Тылгынан оонньооҥҥун
    Тыалга-хаарга сиэлимэ,
    Тыыга олорбуттуу санаан,
    Тыыныма ыараханнык.

    07.09.2012
    Кууспут илиигин арааран,
    Куота көттүҥ эн билигин,
    Кэннигин эрэ биллэрэн,
    Кэтэххин өрө тараанан.

    Хомойбоппун мин онтон,
    Хоргута санаабаппын,
    Хойут да саныыр инигин
    Хоойум сылаас биир түгэнин.

    0
    • соьуйбат
      12 мая 2013  

      Махтал маайыска,кэрэ хоьоонноргор)

      Аа5абын,астына хоьооннун
      Аьыллар санаабар киирэ5ин
      Ахтыбыт куспар эйэлээх
      Амарах санаалаах киьибэр

      ****
      Кырдьыгы этэ5ин,кыыьыра
      Кыргыттары,8руутун таптыыбын
      Кыыс о5олордоох киьибин
      Кыьал5аны ба5арбаппын

      ****

      О5он о5отун а5алара
      О5онньор эьээ буолабын
      Ордук уол о5о буоланнар
      Олохпун уьатыах курдуктар

      0
  • Маайыстыыр
    13 мая 2013  

    Таатта5а сырыттым

    09.09.2012
    Дьүөгэм барахсан
    Дьиэлэнэн-уоттанан
    Дойду оҥостон
    Олорор сиригэр
    Талыы сыһыылаах
    Тааттаҕа сырыттым.

    Уолбат уйгулаах
    Уолбаны көрдүм,
    Ытык мэҥэлээх
    Ытык-Күөлугэр
    Таарыйан ааһан,
    Тааттаҕа сырыттым.

    Уһун-уһун үрэх
    Уста күлүмнүүр,
    Хатыҥ чараҥнар
    Хаамса ааһаллар.
    Талах таайыылаах
    Тааттаҕа сырыттым.

    10.09.2012
    Тапталыҥ тиһэх ырыата

    Иһиттим дьүөгэм тапталын
    Иһирэх тапталын ырыатын
    Иирэ үүммүт үрэҕэр
    Иккиэйэҕин сылдьаммыт.

    Ити иирэлэр тастарыгар
    Илии илииттэн ылсан
    Иккиэйэҕин турбуккут,
    Истиҥник кэпсэппиккит.

    Иэйэхсиккит имнэнэн
    Иһийэн туран ылбыккыт,
    Итинтэн атынын эппэппин
    Икки сүрэх кистэлин...

    0
    • соьуйбат
      13 мая 2013  

      Тааттаттан т8руттээх буоламмын,аа5абын,саныыбын ааспыты)

      8йдуубун,ч8рх885ум музейин
      оччолорго иччитэх 8т85у
      Танара дьиэтигэр оонньуурбут
      Урдугэр тахсаммыт к8р8рбут

      Ол бэйэтэ билигин
      Элбэ5и саната турда5а
      Ыалдьыты к85улээн кэпсээтэ
      Улуу дьон буолары туоьулаан


      ***
      Эдьиийим тыыннаа5ар тиийэрим
      Киниттэн элбэхтэ хай5анарым
      О5олоро улаатан ыьыллан
      Дьон курдук,ыал буолан эрэллэр

      0
  • Маайыстыыр
    14 мая 2013  

    Тааттаҕа

    12.09.2012
    Өксөкүлээх пааматынньыгар
    Ытык-Күөл үрдүгэр
    Ытык киһибит турар.
    Ыраах айантан кэлэн,
    Ыҥыырын тааска уурбут.

    Ыал буруотун көрөттүүр,
    Ыччат дьону одуулуур,
    Ыар санааттан быыһаары,
    Ынчыктарын ыһаары.

    Ыҥыырыгар тайаммыт -
    Ыҥырар эбит уһун суол.
    Ыга туппут кинигэтин -
    Ырыа-хоһоон үлэтин.

    Ытык-Күөл үрдүгэр
    Ытыктаан сүгүрүйдүм,
    Ыҥыырым иҥэһэтин
    Ыксары өрө тартым.

    14.09.2012
    Эйэҕэс да эмээхситтэр
    Элбэхтэр ээ биһиэхэ,
    Эҥинэ бэйэлээхтэр,
    Эриэккэс ыралаахтар.
    Эбээ буолан эһиги
    Эриллэҕит сиэннэргэ,
    Эрэйи эҥэрдэьэн
    Элбэҕи биллэххит
    Этиргэн түөстэнэн,
    Эбирдээх сирэйдэнэн,
    Эдэр сааскыт күрэнэн,
    Эргитин сүтэрэн...

    15.09.2012
    Олбуор таһыгар көрбүтүм -
    Обургу уол кыралары
    Оччугуйдар дии санаан,
    Орооһуннарбат ончу.

    Одуулаан тураахтыыллар,
    Оҥой-соҥой көрөөхтөөн,
    Оонньуу сылдьааччылары
    Ордугургуу санаахтаан.

    Убайын кытта балта
    Улахаттарга ымсыыран,
    Умсугуйа турдахтара
    Уруккуну саната.

    0
    • соьуйбат
      14 мая 2013  

      о5олор

      Биир дэлгэьэ5э у8скээммит
      Биир санаанан оонньуурбут
      Бары уолаттар буоламмыт
      Бугун эмиэ тумсэбит

      Кус тумсунан оонньоору
      Ким к8тутэн а5аларын
      Куру8луу таппыт уугар
      Кэчигирэтэн уутталыыр

      Ону эриьиинэ саабынан
      Ытыалыырбын с8булуубун
      Хас кус тумсун таппыты
      Аахсыы буоларын 8йдуубун

      Олус эйэлээхтик сыьыаннаьан
      Кими да хомоппокко
      Тумуктээхтик бутэрэбит
      Ким элбэ5ин,аахсабыт

      0
  • Маайыстыыр
    15 мая 2013  

    Түүн

    16.09.2012
    Тыраахтыр тыаһа
    Тыа иһин аймыыр,
    Хараҥа киэһэ
    Харса суох айанныыр.

    Паара уоттара
    Харах курдуктар,
    Иннин ыйаллар,
    Сырдата тыгаллар.

    Хойукку отчут
    Ходуһаттан тахсар,
    Хонук аһыгар
    Хоойго сытаары.
    17.09.2012
    Кыра оҕо ытыыр,
    Харах уута түһэр.
    Халлаан ардыыр,
    Тыыннаах бүгэр.

    Ийэ имэрийэр,
    Оҕо уоскуйар,
    Күн мичилийэр,
    Ардахпыт астар.

    18.09.2012.
    Ыйдаҥалаах түүн
    Түүҥҥү суолбар ый тыгар ,
    Халлааҥҥа солко былыттар
    Тунаара маҥхаьаллар,
    Хараҥаны сырдаталлар.

    Тулам дьэҥкэрэ устар
    Уу иһигэр турардыы,
    Курустаал иһинии
    Иһийэ дьигиҥнии.

    Истэбин чуумпуну,
    Лыҥкыныыр нарыны,
    Тыла суох ырыаны,
    Сымнаҕас суугуну.

    0
    • Сардаана сибэкки
      15 мая 2013  

      Маайыстыыр

      Хоьооннорун наьаа учугэйдэр дии. Мин бэйэм топпар киирэ таарыйа, эн хоьоонноргун постоянно киирэн аа5абын.Маладьыас,куруук итинник дьону у8рдэ-к8тутэ сырыт!

      0
  • Маайыстыыр
    16 мая 2013  

    Ол түүн

    19.09.2012.
    Туох эрэ дьиктини
    Күүппүтүм ол түүн -
    Ый оонньуохтааҕа
    Араас уот өҥүнэн.

    Тымныы силбиккэ
    Тоҥон тураммын
    Одуулаабытым -
    Уларыйбатаҕа.

    Санаабар онно
    Салют эстэрэ,
    Киһи үөрэрэ,
    Күлэрэ дьолтон.

    Ону мэлдьэһэн
    Ый мэлтэйэрэ,
    Миигиттэн кистээн
    Илпитэ дьолун.

    20.09.2012
    Эдэр эрдэҕинээҕилэрин
    Эмээхситтэр кэпсэтэллэр,
    Кыыс оҕолуу кычыгылана,
    Кыччыгынаһа күлсэллэр.

    Пионеркалар билигин аны -
    Пенсионеркалар буолбатах,
    Хаалтыстара тэтэрэн
    Хаамаллар эрдээхтик.

    Этэрээт хамандыыра
    Эмиэ дакылааттыыр,
    Соноотоллор даҕаны
    Сотолоро килбэҥниир.

    Эбээ буолбут дьон
    Эмиэ бииргэ түмсэн,
    Эдэрдэрин саныыллар,
    Эрчимирэн ылаллар.
    21.09.2012.
    Сэрии кэннинээҕи көлүөнэ

    Сэрии кэннинээҕи көлүөнэ
    Сэбиэскэй кэми ахтар-саныыр,
    Сэмээр үөрэ-көтө мичийэр,
    Сэмэйдик мустан сэһэргэһэ.

    Сэрии диэни билбэккэ
    Ситэн-хотон тахсаннар,
    Син бэркэ үөрэммиттэр -
    Салайар үлэлэммиттэр.

    Саха тылын кыраларыгар
    Сайылыктарга истэннэр,
    Саймаарыччы саҥараллар,
    Санааларын сааһылыыллар.

    Саас да ырааттар кинилэр
    Сылдьаллар улэлии-хамсыы,
    Сүһүөхтэрэ уйарынан,
    Сүрэхтэрэ тэбэринэн.

    0
  • Маайыстыыр
    17 мая 2013  

    Хаһыат ааҕа олорон

    22.09.2012
    Хаһыат ааҕа олорон,
    Хаймыылаах суруктарга
    Хараҕым хатанар -
    Хайалара эрэ суох буолла,
    Хара буорга харалынна?
    Хаһан эрэ мин
    Хаһыйарым ону туора,
    Хараастыыны тумнан,
    Харах уутун тэйитэн...
    23.09.2912
    Сыанаҕа аан бастаан
    Соҕотох тахсар ыарахан.
    Долгуйа титирээн,
    Буһа итииргээн,
    Сатаммат ырыаҥ,
    Салҕалыыр микрофон.
    24.09.2012
    Урумэччи оло5о.

    Сымыыт буолан
    Сыымайданар,
    Түүлээх үөн буолан
    Түүрүллэҥниир,
    Куукалка буолан
    Кубулуйар,
    Үрүмэччи буолан
    Үөһэ дайар,
    Күн көрүн
    Көччүйэр,
    "Сыбаайбалаат"
    Сымыыттыыр,
    Кырасыабай кынатын
    Кырааската сууйуллан,
    Кырамтата эрэ хаалар.
    Сорох дьон олоҕо
    Сити курдук эмиэ
    Соругун толорбуттуу
    Соҕотохто ньимис гынар.

    25.09.2012
    Түүҥҥү тоҥсуур

    Ким эрэ тоҥсуйар ааммын,
    Туруохпун сурэҕэлдьиибин,
    Ыйытыахпын куттанабын,
    Аһыахпын баҕарбаппын.

    Сылаас ороммор сытабын,
    Сыҥааҕырдыыбын сылайан,
    Ким эрэ түүн сыбдыйда,
    Туохха эрэ наадыйда?

    Түүннэри сылдьымаҥ,
    Түлүк уубун көтүтүмэҥ,
    Таһырдьа тахсыбаппын,
    Таабырыны таайбаппын.

    0
  • Маайыстыыр
    19 мая 2013  

    Кус маныыбын

    26.09.2012

    Кус кэтэһэн олоробун,
    Кыраҕытык маныыбын,
    Ханна эрэ уу чалымныыр,
    Хомус тыаһа суугунуур.

    Курумум кыычыргыыр,
    Таҥаьым сыыгыныыр,
    Кумаар дыыгыныыр,
    Туох барыта тыаһыыр.

    Кустар кынаттарын
    Куһугурас тыастара
    Кулгаахпар иһиллэр,
    Кулуһун таһыгар.

    Күөл диэки үөмэбин,
    Кустары көрөбүн.
    Саам маһа барахсан
    Санныбар тайанар.

    Уу тыаһа барылыыр,
    Түстүлэр кустарым.
    Уһуннулар аһаары,
    Түмүстүлэр утары.

    Саам чыыбыһын тартым,
    Салгын сатараата,
    Күөлгэ мөҕүстүлэр,
    Көппөккө хааллылар.
    27.09.2012
    Салгыммыт тымныйан,
    Саһарбыт сэбирдэх
    Салгыҥҥа тэлээрэн
    Саккырыы тохтор,
    Сиргэ тэлгэнэр.

    Сииктээх сиккиэр
    Ситэри тонуур,
    Саһархай өҥүнэн
    Саатыы оонньуур.

    Сымнаҕас көбүөр
    Сылааһы биэрэр,
    Силиһи бигиир,
    Сааһы бэлэмниир.

    28.09.2012.
    Ардах түһэр, саккырыыр,
    Тохтообокко маккырыыр,
    Ким эрэ миигин кырыыр,
    Дууһабын бэркэ маныыр:

    Халбас харатын курдук
    Халбархай олоҕунан,
    Харах уутунан суунар
    Хараҥа түүннэринэн...

    0
  • Маайыстыыр
    21 мая 2013  

    Тацас оруола

    29.09.2012

    Мааска кэппит кэриэтэ,
    Маанымсыйар сылаалаах,
    Атыннык туттаҕын таскар,
    Атын дьоннуун алтыһан.

    Мааны таҥаспын устаммын,
    Мара таҥаспын кэтэммин,
    Дьэ холкутуйдум хоспор,
    Дьиэбэр тиийэн кэлэммин.

    30.09.2012
    Күнү быһа күүтэн-күүтэн баран
    Күүппүтүҥ үөрдубэт буоллаҕына,
    Кураанахха таах эрэйдэммиккин,
    Кубулҕатын таайан билбэтэххин.

    0
    • соьуйбат
      21 мая 2013  

      Маайыстыыр махтал аа5абын) Мин улэ б858 сылаа баттыыр буолан,хоьоон киирбэт)

      Олоххо баары,хоьуйар
      Ордоробун эйиэнин
      Олус кичэйэн аа5абын
      Олус сынньанан турабын

      0
      • Маайыстыыр
        21 мая 2013  

        Дорообо, куска баттатта дуу дии саныыбын ээ

        Интернеттээбитиҥ ырааппыт киһи эбиккин дии, олох сулустары кытта тэҥҥэ эрийсэн батыгыратыһар эбиккин. Күлүүлээх баҕайы хоһоонноргутун ааҕан сынньанным.

        0
  • Маайыстыыр
    23 мая 2013  

    Маҥнайгы хаар

    01.10.2012

    Түүн хаар түспүт,
    Сири маҥхаппыт.
    Тымныы муспут
    Симэҕин ыспыт.

    Киэргэл буолан
    Килбэчийэр,
    Күөх өҥүнэн
    Күлүмүрдүүр.

    Күҥҥэ үөрдэ
    Көөчүктэнээт,
    Ууллан хаалта
    Уулуссаҕа.

    02.10.2012
    Сир симэҕэ

    Сир симэҕэ сибэкки
    Сириэдийэ үүммутэ.
    Көҕөрөр урсуммунуун
    Куоталаһа сиппитэ.

    Сир кырса көҕөрбүтэ,
    Оҕо бөҕө үөрбүтэ.
    Атах суола түспүтэ,
    Онтон олох сүппүтэ...

    03.10.2012
    Таатта үрэх үрдүгэр

    Таатта үрэх үрдүгэр
    Талба хатыҥ үүнэр,
    Таастаах үрэх уутугар
    Таһаатын көрүнэр.

    Туостара маҥхаһаннар,
    Туналыйа сырдыыллар,
    Тыалга ыһар баттаҕын-
    Тэлибирэс сэбирдэҕин.

    Тыынан устар уолу
    Тыыммакка одуулуур,
    Тыла суох таайтаран,
    Тапталга талбааран.

    0
    • соьуйбат
      23 мая 2013  

      Мин форуму булбутум 7 8 ый буолла буолуо) ААспыт сайынны бырааьынньыгынан)

      Таатта5а бааллар этэ
      Ийэлээх,А5ам дьоннорум
      Ол суох буоланнар
      8т8хсуйдэ5э тэлгэьэм

      Ким кууту8й онно аны
      Кэл сыллый диир,сана
      Иьиллибэтэ5э ыраатта
      А5ам мучук кинэрэ
      Кун курдук кэрэ этэ

      Ийэ,А5а орто дойдуга
      Онтон ордук кунду суо5а
      Ол бэйэтэ,бэйэм эьэ
      Буолла5ым аны кэлэн

      Ким кэпсиэй кинилэри
      Бэйэбэр эрэ инэн сылдьар
      Соро5ор со5отох кэммэр
      Учугэй санаа тыала буолар

      0
  • Маайыстыыр
    29 мая 2013  

    Туохтан?

    04.10.2012

    Туохтан санаам түһэр,
    Курус иэйии кууһар?
    Туохтан үүнэр күнүм
    Куппун-сүрбүн куттуур?

    Туохтан күлүү-үөрүү
    Күлүгүрэн ылар?
    Туохтан кэрэ көстүү
    Күрэнэ куотар?

    Туохтан килиэп сыта
    Курсуйан хомотор?
    Туохтан дьон сыһыана
    Кубулуйар сотору?


    06.10.2012
    Көмүс күһүн ааста

    Көмүс өҥүэн далбаатана
    Күлэ-үөрэ турбут айылҕа
    Күнэ-күнүскүтэ кылгаан,
    Күрэҥсийэн киирэн барда.

    Күйгүөрэ мустубут чыычаахтар
    Көтөн аастылар кый ыраахха,
    Кустар барбыттара ыраатта,
    Кыс хаар түһэрэ чугаһаата.

    07.10.2012
    Сирдээҕи олоххо
    Ситэри орооспокко
    Сүүрүк хоту устар
    Сүрэ бэрт буолаарай?
    08.10. 2012
    Син киһи этим диэн
    Сиилиигин атыттары.
    Сиикэй тылгынан
    Сиэх да курдуккун.

    0
  • Маайыстыыр
    29 мая 2013  

    Түүл

    09.10. 2012
    Улуу уҺун куйаартан,
    Унаар сыҺыылартан,
    Кутулунна дууһабар
    Кутурҕан ырыата.
    Кимнээх кими кытта
    Киксэ-киксэ киирдилэр:
    Кириэспитин килбэтээри,
    Киһи аатыттан аһараары?
    Халыҥ харчылаахтар
    Харахтара туолбакка,
    Үлүгэр үптээхтэр
    Үтэһэлэрэ туолбакка
    Үрүҥ, хара субалаахха,
    Үлэһиккэ, умнаһыкка,
    Хамначчыкка, тойоҥҥо
    Хайыттылар бар дьону.
    Хамначчыт буолумаары
    Харса суох хаамтылар,
    Умнаһыт буолумаары
    Умсараары турдулар.
    Халыҥ баайдаахтары
    Хаайар сахтаннылар,
    Хара сирэйдээх эрэйдээх
    Хаанын халыта тохтулар.
    Үлүгэр үп үрэлиннэ,
    Үлэһит үүрүлүннэ,
    Бааннар бараннылар,
    Бары халаннылар.
    Бу айдаан төрүөҕүттэн
    Буулаҕа сокуоннары
    Булгурута тэбиэлээтэ,
    Буруйу олус үксэттэ.
    Боростой дьон бука бары
    Босхолоноору тиистэ,
    Буолла улуу охсуһуу -
    Булгуччулаах турунуу...
    Сиэрэ уота сирдьигинээтэ,
    Сир ийэ дьигиҥнээтэ,
    Сэрии күүдэпчилэннэ,
    Ситэри сиэтэлээтэ...

    10.10.2012
    Саҥа хаар

    Тиэтэйбэккэ наҕыллык
    Тэлээрэ түһэр кыырпах.
    Түү ньуолаҕыныы үөһэ
    Тэйбэҥэлээн ылаттыыр.

    Сирим кырса бүрүллэр
    Сабыс-саҥа хаарынан,
    Сарсыҥҥылаах олоҕу
    Саҥаттан дьоҥҥо түстүү.

    11.10.2012.
    Түүҥҥү төлөпүөн

    Төлөпүөнүм тырылыыр,
    Тулуппакка дыыгыныыр,
    Тураҕын түүн кыыһыран,
    Туох айылаах буоллулар?

    Хочуолунай буолбатаҕын
    Хоруйдаат тута сытабын,
    Хото соҕус кыйыттан,
    Холлооох соҕустук үөхсэн.

    Тута эмиэ тыаһыыр,
    Турбакка сытабын,
    Туох да буоллуннар,
    Тугу гыныам баарай?

    Төлөпүөн оонньуурдаах
    Түүҥҥү түлүрбэхтэр
    Тулаайах дууһалара
    Тоҕо киһини аймыыр?

    0
  • Маайыстыыр
    2 июня 2013  

    Өрүс турда

    12.10. 2012

    Өрүспут турда -
    Өрөгөй буолла.
    Курустаал муоста
    Кутулунна манна.

    Сырыы-айан
    Сыыдамсыйыа,
    Барыы-кэлии
    Баһаамсыйыа.

    13. 10. 2012
    Ким эрэ ытырта.
    «Ким эрэ аҕынна,» -
    Киһи бары диир,
    Кимин сирэйдиир.

    Кириип баҕайы
    Кииртэ даҕаны
    Кыһытар ини,
    Кычыгылатар.

    14.10.2012
    Сир ийэ тоҥно,
    Сааска диэри утуйда.
    Салааска булунан,
    Сыыртан сырылыаҕы
    Сааһырбыт эбиппин.
    Сыспай сиэллээҕи
    Сыһыыттан сылгылаан
    Сыарҕа көлүнэн
    Сырыы-айан буолуоҕу
    Сатаабат эрэйдээхпин,
    Салаҥ муҥнаахпын.

    0
  • Маайыстыыр
    6 июня 2013  

    Муҥхаҕа

    16.10.2012

    Муҥхаһыттар бардылар,
    Муҥнарынан көтүттүлэр.
    Мунньустан күөлгэ баар дьон
    Мунньахтаан араарыстылар.

    Алгысчыт оҕонньорбут
    Аал уотунан алҕаата,
    Анньыы тыаһа сүрдэннэ,
    Аҕылаһыы да барда.

    Нырыыһыт кыргыттар
    Ньылбы сытыйдылар,
    Анньыыһыт уолаттар
    Аччаччы сылайдылар.

    Түргэн туттуу-хаптыы
    Түмүгэ тута көһүннэ –
    Чардаат уута үлүннэ
    Чарылыыр тыас түстэ.

    Тардыы-сосуһуу буолла,
    Таһаарар сах чугаһаата.
    Бэчимэһит уолаттар
    Бэттэх биэтэҥнэстилэр.

    Сүүрдээх эр бэртэрэ
    Сүүрэкэлэстилэр,
    Кууллаах дьахталлар
    Куучугурастылар.

    Ыраас килэҥ мууска
    Ыллар харыс собо
    Ийэттэн хостонон
    Иэнинэн таһыйда.

    17.10.2012
    Сир хайдыбыт,
    Сиритэ барбыт.
    Хаар суох дьыла.
    Хара буор сытар.

    Тугу тууйэр
    Ийэ айылҕа?
    Тугу туойар
    Итирик киһи?

    18.10.2012
    Эдэркээн билэр уолум
    Эмискэччи суох буолбут,
    Күн сириттэн күрэммит,
    Күн сүтүүтэ көмүллүбүт.

    Ойоҕо үс сылынан
    Ончу умнуо кинини,
    Оҕолор арай мэлдьи
    Суохтуохтара олуһун.

    Аҕата суох улаатар
    Атаҕастабыллаах ,
    Атын дьон санаата
    Амырыын аргыардаах.

    19.10.2012
    Күөрэгэй дьырылыыр ырыатын
    Истибэтэҕим ыраатта даҕаны.
    Тыраахтыр ньирилиир тыаһыттан,
    Араас муу*****ттан салҕабын.

    0
  • Маайыстыыр
    7 июня 2013  

    Кырачаан ыалдьыт

    22.10.2012

    Аан тыаһа кыыкынаата,
    Ким эрэ киирдэ, быһыыта,
    Атах тыаһа иһиллибэтэ.
    Ким да бэттэх кэлбэтэ.
    Аан дьиэни өҥөйөбүн –
    Аччыгый оҕону көрөбүн.
    Аан тутааҕын ыга тутан,
    Атыҥыраабыттыы турар.
    Кэмпиэти киниэхэ уунабын,
    Тоһуйар кырачаан ытыһын.
    Сиэбигэр уктан дьоллонор,
    Кимиэхэ эрэ кэһии гынар.
    Аан тыаһа кыратык хап гынар,
    Ыалдьытым эмискэ сүтэр,
    Түннүгү сэгэтэн көрбүтүм –
    Дьоһуннаахтык чуочарыйар.
    Балысхан үөрүүнэн туолан,
    Балтыларыгар, быраатыгар
    Баһаам кэһиилээх киһи истэҕэ,
    Ботуччу туппут илиитигэр.
    Ити мин кыра оҕо сааһым
    Иэримэ дьиэбэр киирдэҕэ,
    Илдьит буолан аастаҕа,
    Ийэбин эмиэ санаттаҕа…

    23.10.2012
    Минньигэстэн кэлэйии
    (норуот ырыатын матыыбынан)

    Хампы ыстыыр хампыатым,
    Кэрбиир кэрэ кэмпиэтим
    Кэбирэттилэр тиистэрбин,
    Кэлэттилэр эмиэ миигин.
    Саамай күндү астарым –
    Саахар, саахар барахсан
    Маҥан ,маҥан тиистэрбин
    Малыттылар, атастар.
    Минньигэһи сиэхтээммин
    Мэлитээхтээтим тиистэрбин,
    Мээнэ, мээнэ аһааммын
    Миилэм бары ыарыйда.
    Барыанньаны барааммын
    Бараннылар тиистэрим,
    Көрүҥ эрэ, сэгэрдэр,
    Көр гынан кэпсээбэтим.

    24.10.2012
    Ыт оҕото

    Түөһүгэр көтөрөөх,
    Тарбаҕа маҥаннаах,
    Түүтэ кырымахтаах,
    Төбөтө суурааьыннаах,
    Тумса бэлиэлээх,
    Таллаҕар кулгаахтаах,
    Тойтоҕор кутуруктаах,
    Тойон курдук туттан,
    Тооспоҥноон хаамар;
    Тыраҕаһа маҥхайар
    Тыҥырах диэн ааттаах.

    0
  • Маайыстыыр
    10 июня 2013  

    Тыыраахылар

    25.10.2012
    Тыраахтыр көлө кэнниттэн
    Тыыраахылар көтөллөр,
    Тумсуларынан тоҥсуйан,
    Тугу эрэ былдьаһа сииллэр.
    Үөр хаар түһэрин кэриэтэ
    Үмүөрүһэн кэлэллэр.
    Охсуллубут күөх окко
    Олорунан кэбиһэллэр.
    Ол да буоллар умнубаттар
    Олох охсуһуу буоларын –
    Өндөйөн эрэ ылларгын
    Өрө көтөн тахсаллар.

    26.10.2012
    Кыыс билгэтэ

    Биэчэрдэргэ кэлэргин
    Билэ-кере сатыыбын:
    Кэлэр…
    Кэлбэт…
    Таабырыҥҥын таайаары
    Тарбахтаргын ааҕабын:
    Дьол баар…
    Дьол суох…
    Сибэккини ыламмын
    Эминньэҕин үргүүбүн;
    Таптыыр…
    Таптаабат…

    27.10.2012.
    Халаабыстан саҕалаан

    Ханна да бардарбын
    Хармааным иьигэр
    Харчыбын уктабын,
    Халаабыска атыммын.
    Суумка диэн нууччалыы
    Сурукка тиһиллэр,
    Сокуоннай аат буолан,
    Солото арыый үрдүүр.
    Халаабыс эрэйдээх
    Хаалбыт мал буолла,
    Хам-хаадьа ким эрэ
    Хаадьылаан эрэ этэр.
    Ити курдук сүтээхтиир
    Ийэ тылбыт сүмэтэ,
    Дьахтарбыт уурайан,
    Чүөчэбит элбээтэ.
    Эр киьи элбиэҕин
    Дьээдьэлэр кэллилэр,
    Маама, паапа үөскээн,
    Малыйдыбыт дьонтон.
    Тылбыт дьадайара
    Саныахха кэрэгэй.
    Хаһааҥҥа диэри, эй,
    Хараҕы кистиибит?!


    0
  • Маайыстыыр
    12 июня 2013  

    Кун керде

    28.10.2012
    Былыт быыһыттан
    Бүгүн күммүт көрдө.
    Сииктээх сирбит
    Симириктээн ылла.
    Бугуллар эрэйдээхтэр
    Буруолаан бардылар.
    Баһаам от хаалла -
    Барыта сытыйда.
    Кураан күннэр кэлиэхтэрэ -
    Кууруо оччо5о күөх оппут.
    Куһуйуо эр киһи илиитэ
    Кубарыйа илик хонууну.
    Эмиэ окко турунуохпут,
    Эппит-сииммит эрчиллэ,
    Үтүө күннэр үүнүөхтэрэ
    Үлэһит дьону туругурда.

    29.10.2012
    Сиэйэ Уола ыллыыр

    Сиэйэ Уола ыллыыр,
    Сырдык санаа арыаллыыр,
    Симик таптал арыллар,
    Сиһик талах таарыллар.
    Саҥа иэйии саҕыллар,
    Сардаҥата сандаарар,
    Сардааналыы кыыһар,
    Саҕахтарга чаҕыллар.
    Сэмэй үөруу уһуктар,
    Сибэккилии тыллар.
    Сиэйэ уола ыллыыр –
    Сахам сирэ айхаллыыр.

    29.10.2012
    Кубулҕат дьахтар

    Кутуругун көрдөрөн,
    Куота көтө сырбайар.
    Куймараҥныы түһэн,
    Кубулҕатыран ылар.
    Куоска-мааска ньылбыйан,
    Куодарыһар оонньоһон.
    Кулгаах-харах чөрбөҥнөөн,
    Киһитиниин хоонньоһор.
    Кырааската таймата
    Кырата суох буолааччы,
    Кыыс оҕото кыймаҥнаан,
    Кыайан-хотон тахсааччы.
    Кыыһыран силбиэтэнэн,
    Кыыра турар кэмигэр
    Кэбис, дьиэҕэ киирбэппин,
    Кэлэйэммин ааһабын.

    30.10.2012
    Уор тыын.
    Улуу кыыл.
    Уолуйабын.
    Уһун түүн,
    Улук түүл.
    Уһуктабын…

    31.10.2012

    Култуурумсуйдаҕа буолан,
    Куппутун куудьуттарабыт.
    Ыалдьытымсах аатыраары,
    Ыһабыт баар-суох баайбытын.
    Бэрт буола сатаан дуу,
    Бэһирэбит атын омукка,
    Сыаналаабаппыт саханы,
    Сатаан эппэппит саҥаны.
    Иирбит итэҕэс киһилии
    Ийэ куппутун сүтэрэбит.
    Түөһэйэн эрэр киһилии
    Төрүт тылбытын эһэбит.
    Хаһан харахпыт аһыллан,
    Хараҥаны кыйдыыбыт?
    Хорсун-хоодуот дьоннонон,
    Хотоойутук олоробут?

    0
  • Маайыстыыр
    25 июня 2013  

    Бырааһынньык кэмигэр санаа

    01.11.2012

    «Сэтинньи сэттистиир
    Күүрээннээх кунугэр
    Сэриинэн сэтэрээн»,
    Кэптэрин туоммуттар.

    Аҕа уолун кытта,
    Ини биитин кытта
    Алдьархайы аҕалан,
    Ийэ сиртэн куоппуттэр.

    Кыа хаанныы устубут
    Кытарар былааҕы
    Кыайыы бэлиэтинэн
    Кэриэстээн кэллибит.

    Ким кими өһөрөн,
    Кэскили оҥоорто
    Кэлиҥҥи кэмнэргэ
    Кэпсэнэр буоллаҕа.

    Сэриитэ да суох
    Сир үрдүттэн олох
    Симэлийэрэ элбэх,
    Сиэспэккэ олоруох….

    02.11.2012
    Сириэк

    Холостуой, молодуой,
    Хорсун уолан дьоруой;
    Бар дьон сөбүлүүр,
    Быарынан таптыыр.
    Ол Сириэк, ол Сириэк.
    Өсүөл доҕоро Сириэк!

    Кыыһы быыһыы турунар,
    Кыһыл илиинэн киирсэр,
    Кыыһырбат майгылаах
    Көрсүө киһи быһыылаах.
    Ол Сириэк, ол Сириэк,
    Куоска доҕоро Сириэк!

    Баайга-дуолга наадыйбат,
    Бадараанын ордорор.
    Балҕайбыттыыын таптаһан,
    Баһаам элбэх оҕолонор.
    Ол Сириэк, ол Сириэк,
    Олус улахан Сириэк!

    03.11.2012
    Өсүөл

    Тиистэрэ килэҥниир,
    Туйахтара тоһургуур,
    Хаастара хамсыыр,
    Харахтара оонньуур

    Өсүөл, Өсүөл -
    Күлүүк Өсүөл!

    Кулгаахтара даллаҥныыр,
    Кутуруга субуллар,
    Саҥарарын сатыыр,
    Сыламалыы сыстаҥныыр
    Өсүөл,Өсүөл –
    Тыллаах Өсүөл!

    Күннээҕинэн олорор,
    Күлэ-үөрэ сылдьар,
    Албын диэни билиммэт
    Алыс көнө сүрүннээх
    Өсүөл, Өсүөл –
    Өчөс Өсүөл!

    Өлөөрү да турар кэмигэр
    Өйө атыҥҥа аралдьыйар,
    Дракон кыыстыын эрийсэн,
    Доҕорун быыһаан ылар.
    Өсүөл, Өсүөл –
    Өйдөөх Өсүөл!

    0
  • Маайыстыыр
    27 июня 2013  

    Маҥнайгы таптал

    04.11.2012

    Харахтар көрсүһэн,
    Харсыһа түһэллэр.
    Тарбахтар силлиһэн,
    Толору дьоллууллар.

    Уол кэрэ кыыһы сиэтэн
    Улуу дьолго куустарар,
    Олус, олус сэрэнэн
    Оргууй бигии даҕайар.

    Таайыллар таабырын
    Тарбахтан саҕалаан,
    Таптаһар сүрэхтэр
    Талбааран ылаллар.

    Эдэр саас таптала
    Эһиэхэ эрэ анаммыт -
    Эһиги саҕа дьоллоох
    Эмиэ ким баар үһүө?!

    05.11.2012
    Ийэ илиитэ

    Ытыһын сылааһыттан
    Ытыыр оҕо налыйар,
    Ийэ нарын илиитэ -
    Истиҥ иэйии биһигэ.

    06.11.2012
    Кытаанахтык куустуһан,
    Кыыстаах уол иһэллэр.
    Кыыс нарын санныгар -
    Күүстээх дьиппэ илиилэр.

    Уолу биилиттэн кууспут
    Уһун синньигэс илиилэр,
    Уураһыыны билбэтэх
    Уран силии уостар.

    Уйуоххут дуо эһиги,
    Уйан кэрэ дууһаҕыт,
    Уодаһыннаах суолу,
    Уоран таптыыр уолу?

    Атыҥҥа аралдьыйар
    Албын-көлдьүн уолуҥ,
    Арахсыы, харах уута
    Аймыа суоҕа дуо эйигин?

    0
  • Маайыстыыр
    29 июня 2013  

    Өктөөп саҕана, бадаҕа,

    07.11.2012
    Өктөөп саҕана, бадаҕа,
    Өктөбүрүөнэк буолан,
    Улуу Ленини уруйдуурбут.

    Сэтинньи сэттис кунугэр
    Сиэттиспитинэн тахсаммыт
    Сэлэлии-киэптии хаамсарбыт.

    Кыһыл былаа5ы тутаммыт,
    Кыһыл баанчык анньынан,
    Кытыаста-кыыһа иһэрбит.

    Киин трибуна үрдүнэн
    Кимнээх эрэ илиилэрин
    Күөрэччи көтөҕөллөрө.

    Кинилэргэ наадыйбакка
    Кэпсэтэ-кэпсэтэ иһэн,
    Кэлимник ураатыырбыт.

    Ким кимнээҕи көрбүтүн
    Кэлин хоско хостоһорбут,
    Кэпсээн-ипсээн буоларбыт.

    Сити курдук бүтэллэрэ
    Сэтинньи сэттис күннэрэ,
    Санаан-ахтан истэххэ.

    08.11.2012
    Седьмое ноября

    Вспоминаю седьмое ноября
    Красный день календаря,
    Как ходили на парад,
    Где каждый был рад.

    Везде красные флаги,
    Отчеканенные шаги,
    На груди у всех банты,
    Сердца - как куранты.

    «Интернационал» мы пели,
    И все дружно подпевали,
    А дома пирожки ели,
    Телевизор смотрели.

    Так праздник проходил,
    Торжественно и буднично,
    Как будто заходил
    Ленин в кепке и пальто.

    Ведь мы седьмого ноября
    Вступали в октябрята,
    В веселые октябрьские внучата
    Великого вождя пролетариата.

    09.11.2012
    «Балтыбар» Данилова Люда5а

    Сайыҥҥы күн сардаҥата
    Саҕахтарга тыгыыта
    Сарсыарда эрдэ туран,
    Сииги кэһэн барбытыҥ.

    Сир симэҕэ сибэккини,
    Сылгы ньургуһунунуун
    Сыымайдаан хомуйбутуҥ,
    Сэрэнэн суулаабытыҥ.

    Сиэдэрэй бэлэххин илдьэ
    Сэмэйдик киирэн кээлтиҥ дьэ -
    Сыһыы сибэккитин саҕа
    Сыаналаах бэлэх суоҕа.

    Сыттаах-сымардаах куоракка
    Сибиэһэй салгыны аҕаалта
    Сахам сылгытын ньургуһуна,
    Сир симэҕэ буолбут сибэкки.

    0
    • соьуйбат
      1 июля 2013  

      Дорообо маайыстыыр! Хоьоонноргун аа5ааччыбын,наьаа учугэй)

      Суруй,хоьуй маайыьым
      Сайынны ку8х кэрэттэн
      С8ту8луур уубут сылааьыттан
      Сир аспыт сытыттан

      0
  • Маайыстыыр
    4 июля 2013  

    Көмпүйүүтэр

    10.11.2012

    Билиҥҥи үйэҕэ
    Киһибит сүрэҕин
    Бүтүннүү сүүйдэҕэ
    Көмпүйүүтэр аймаҕа.

    Аралдьыйаллар,
    Күнү аһараллар,
    Арахпаттар
    Кып-кыралар.

    Кыргыттар
    Ыллараллар.
    Уолаттар
    Улдьаараллар.

    Орто саастаахтар
    Олороллор .
    Кырдьаҕастар
    Кыттыьаллар.

    Ким да орпото,
    Киинэ көрдө,
    Оонньоото,
    Олордо, олордо-оо!

    11.11.2012
    Сэрэн, сэрэн, тыый,
    Бу сытыы кыптыый,
    Кумааҕыны кырый,
    Иис идэтин арый.

    Килбэчигэс, сытыы
    Кылааннаах кыптыый.
    Таҥаста быһын,
    Кыра доҕор гын.

    Түргэнник хамсан,
    Тимэхтэри туур.
    Сапкын быһа оҕус,
    Саарбахтаама, тур.

    Иистэнньэҥ дьахтар
    Былыр да, аны да
    Бас кийиит, саҥас
    Бэрдэ буолара.

    Кыптыый, иҥнэ, сап
    Уонна туох кэлиэй,
    Барыны баар оҥор,
    Иис улэтэ дэлэй.

    12.11.2012
    Оҕуспут атыыта

    Оҕуспут барахсан,
    Оруобуна, до5ор,
    Алта уон тыьыынчаҕа
    Атыыга дьоҥҥо барда.

    Бэрт да эбит, сэгэр,
    Былырыын үс сүөһү
    Бачча эрэ буолбута
    Балыыҥка курдук.

    0
  • Маайыстыыр
    6 июля 2013  

    Кумааҕы оҕуруо

    13.11.2012
    Оонньуур оҕо саастарга
    Кумааҕыны кырыйан,
    Оҕуруо курдук тиһэн,
    Харыйаны симиирбит.

    Кумааҕы кэрчиктэрин
    Холботолуур сыалтан
    Ытыс бурдук ыламмыт,
    Ыргыччы оргутарбыт.

    Тарбахпытыгар бистэн,
    Талбаланан олорон,
    Киэһэ хойукка диэри,
    Килиэйдээн бүтэрэрбит.

    Кумааҕы оҕуруобут
    Киэргэтэрэ олуһун,
    Кыһыҥҥы харыйаны,
    Күндү оонньуур буолан.

    14.11.2012

    Хара бадараан атаххынан
    Хаамыталаан бардаххына,
    Хаһыытыы түһүө кыйыттан,
    Халааттаах хотун - хаьаайка.

    Атаххын сотун , атас, ааҥҥа -
    Ааранан миигин мөхтөрүмэ,
    Айдааннаах курдук дьахтарыҥ
    Аламаҕай буола түһээхтиэ.

    15.11.2012
    Күлүү

    Кыыс күлэр,
    Лыһыгыратар -
    Чуораан от
    Лыҥкыныыр.

    Уол күлэр,
    Алларастыыр –
    Аллаах ат
    Тыбыырар.

    Кыыс дьахтар
    Лаһыгыратар –
    Симэх от
    Сириэдийэр.

    Эр уолан
    Лэһигирэтэр -
    Ох сааттан
    Куһуурар.

    Бас дьахтар
    Саһыгырыыр –
    Хос аана
    Хап гынар.

    Эр киьи
    Күһүгүрүүр –
    Оһох уота
    Күлүбүрүүр.

    Эмээхсиммит
    Мытырыйар –
    Эмиэ сиэн
    Сүүрэкэлиир.

    О5онньорбут
    Мүчүҥнүүр –
    О5о аймах
    Ойуоккалыыр.

    0
  • Маайыстыыр
    12 июля 2013  

    Чэрэниилэ иьитэ

    16.11.2012
    Дьиэм сарайыгар тахсан,
    Малы бэрийэ сылдьан,
    Булан ыллым эйигин,
    Чэрэниилэм иһитин.

    Сэттискэ диэритин
    Күндү малым этиҥ.
    Тохтуо диэн сэрэнэн
    Суумкаҕа уктарым.

    Күн көтө-көтө биһиги
    Чэрэниилэ кутарбыт,
    Кылбачыгас гынаары
    Саахар эбэ түһэрбит.

    Чэрэниилэ буттэҕинэ
    Курунньук кутуллара,
    Хара өҥнөөх буукуба
    Харса суох субуллара.

    Бүтээри ыксаттаҕына,
    Түгэҕин дьалкытан,
    Бөрүөнэн тоҥсуйан,
    Дьөлө-тэһэ сыһарбыт.

    Билигин кэлэн миэхэ
    Туһата суох мал буолан,
    Бөххө быраҕыллаары
    Бөкүнүйэн сыттаҕыҥ.

    17.11.2012
    Халампаас
    Убайым Маппыай куораттан
    Улахан халампаас аҕаалтын,
    Улаатыннаран туһанаары
    Уларсан ылбытым биирдэ.

    Уулаах ынахпын көрдөөрү,
    Улуу сыһыыга киирбитим,
    Уҥуор аһыы сылдьар ынаҕы
    Уунан турардыы көрбүтүм.

    Уларсыбыт халампааһым
    Ураты дьоҕурун сыаналаан,
    Уолаттар илдьэ сылдьаннар,
    Уҥуоҕун туппут этилэр…

    18.11.2012
    Эҕэрдэҕит иьин махтал

    Үбүлүөй тэрийэн ыыттылар,
    Үөрүү-көтүү аргыстаатылар,
    Сыаналыыллар эбит миигин -
    Сыанаҕа үөһэ таһаардылар.
    Эҕэрдэҕит иһин махтал,
    Эһиэхэ эмиэ уруй-айхал!
    Убайым Тэрэппиин тахсан,
    Урукку хоһоонун аахта,
    Атаьым Мэхээлэ ыллаан,
    Артыыстаан аралдьытта.
    Эҕэрдэ5ит иһин махтал,
    Эһиэхэ эмиэ уруй-айхал!
    Кыргыттар хоһоон ааҕаннар,
    Кыратык долгуйан ыллым,
    Кырачааннар кэккэлэһэн,
    Кыбыста чуопчаардылар.
    Эҕэрдэҕит иьин махтал,
    Эһиэхэ эмиэ уруй-айхал!
    Дьаһалтам бэл ытыктаан,
    Дьааһыктааҕы бэлэхтээтэ.
    Аркадий оскуола аатыттан
    Аппараты анаан биэрдэ.
    Эҕэрдэҕит иьин махтал,
    Эһиэхэ эмиэ уруй-айхал!
    Кырдьаҕастар ааттарыттан
    Кинигэни туттардылар,
    Баайыы арааьын баһылаан,
    Бэйэҕэр туһан диэтилэр.
    Эҕэрдэҕит иһин махтал,
    Эһиэхэ эмиэ уруй-айхал!
    Кылыһахтаах куоластан диэн,
    Кыталыктаах ытарҕаны
    Кылааһым кыыһа Лариса
    Кылбачытан таһаарда.
    Эҕэрдэҕит иһин махтал,
    Эһиэхэ эмиэ уруй-айхал!
    Төрөппүттэрим санааннар
    Тыл этэн астыннардылар,
    Тастыҥ үс балтыларым
    Таас иһит талан ыыппыттар.
    Эҕэрдэ5ит иһин махтал,
    Эһиэхэ эмиэ уруй-айхал!
    Бар дьоммор барыларыгар
    Барҕа махтал буоллун дуу,
    Анабыл алгыс тылларгыт
    Аргыс буола сырыттыннар.
    Эҕэрдэҕит иһин махтал,
    Эһиэхэ эмиэ уруй-айхал!

    0
  • Маайыстыыр
    17 июля 2013  

    Сырсыы

    19.11.2012.
    Үөрэх сырсыыта,
    Үлэ сырсыыта,
    Кыыс-уол сырсыыта,
    Күн-дьыл сырсыыта
    Буолан олордоххут.

    Үтүө доҕоттор,
    Үөрүүлээх түгэннэр,
    Кыыһырсыы, хомолто,
    Кытыылаан ааһаннар
    Бүгүҥҥүгэ кэллэххит.

    Хаһан тохтоон,
    Хараххытын аһаҕыт,
    Хойуутаан хаалан,
    Соргутун туонаҕыт,
    Дьиэлээх хотуттар?
    20.11.2012
    Интернетим аккаас,
    Иитиллэрэ итэҕэс,
    Ииччэх-бааччах сибээс
    Иилистэрэ накаас.

    21.11.2012
    Куоракка баран,
    Куолубунан уерэниэм,
    Кууруска сылдьыам.

    Көҥдөй көхсүм
    Көкөллөн олоруо,
    Күнү-дьылы барыа.

    Көҥүл көттөрбүн -
    Көрү-нары батыһыам,
    Күлэ-үөрэ хаамыам.

    0
  • Маайыстыыр
    24 июля 2013  

    Чаһы

    22.11.2012.
    Чуумпуга
    Чаһы
    Чаллырдыыр.
    Чуор кулгаах
    Чугас
    Чуҥнуу истэр.
    Уу-чуумпу
    Уйгуурар,
    Уум көтөр…
    23.11.2012
    Кумааҕы араас

    Кумааҕы араас,
    Кыһыл эриэн өҥнеех
    Кыраамата биэрдилэр.
    Көмүс суруга миэхэ
    Көрүнньүк буолбатах.

    Кумааҕы араас,
    Куолу чычаас –
    Киипэнэн мунньуу,
    Кураанаҕы туойуу,
    Кумаланан быраҕыллыы.

    Кумааҕы араас,
    Кинигэ эмиэ
    Ким да аахпата5ына,
    Килбиэнэ сүтэр,
    Кырааската сотуллар.

    24.11.2012
    Ачыкы

    Ачыкы нөҥүө
    Аан дойдубун
    Анаарабын.

    Ачыкы курдат
    Ааҕабын мин
    Арааьы бары.

    Ачыкы кэтэн
    Аймахтарбын
    Атаарабын.

    Ачыкыланан
    Алаастарга
    Айанныыбын.

    Ачыкыланан,
    Арааьа, мин
    Атахтанабын.

    Аймах дьонум
    Астыммат
    Ачыкыттан…

    0
  • Маайыстыыр
    12 августа 2013  

    Күрүлгэн


    Уу ньирилиир тыаһа
    Уһугуннарар тыаны.
    Уу түһэр ньиргиэрэ
    Уйгуурдар эргиччи.

    Уу түһэр, курулуур,
    Уокка-күҥҥэ көрүлүүр.
    Умайар, тырымныыр,
    Умсар уонна умуллар.

    26.11.2012
    Уруучука
    Учууталым бэлэхтээбит
    Уруучукатын саныыбын,
    Уруок кэннэ мэниктээн,
    Сүтэрэн кэбиспиппин.

    Оччолорго суох этэ
    Саарыктаах уруучука.
    Саас буолан, хаар ириитэ
    Оймообутум сыа хаары.

    Булбата5ым оччолорго.
    Билигин да ол сири
    Сыныйан көрө сатыыбын -
    Сытара буолуо дии санаан.

    Туох эрэ сыаналааҕы
    Сүтэрбиппин көрдүүбүн,
    Туох буоларын билбэккэ
    Туоххаһыйа суохтуубун…

    27.11.2012.
    Кинигэ
    Утаппыттыы ааҕарым оҕо сылдьан
    Улуу, орто суруйааччылары ,
    Уруок –тайма тута умнуллара
    Умсулҕан уус тыл алыбыгар.

    Кинигэ биэрбитэ билиини,
    Киһиэхэ иһирэх сыһыаны,
    Кыыллыйбыкка дириҥ өһүөнү,
    Кэрэҕэ үрдүк кэрэхсэли.

    Тыл иччитин уоттаах төлөнүн
    Түөһүгэр толору көтөҕөн
    Туттаарта кинигэ күлүүһүн -
    Таптал кыымнаах утаҕын.

    0
  • Маайыстыыр
    21 августа 2013  

    Кукла

    28.11.2012.
    Заброшенная кукла.
    Забор глухой у угла.
    Открыт ротик небу,
    Обращен стон к нему.

    «Играли мной дети,
    И была я любима.
    Наряжали, холили,
    Надеждой звали.

    Укладывали спать,
    Утречком будили.
    Кормили, баюкали,
    Красавицей считали.

    И вот подарили новую,
    Интерес ко мне угас.
    Стала она красавица
    Совсем как царица.

    Неряшкой тогда меня
    Назвали небрежно,
    Не стали платья менять,
    Невзлюбили гадко.

    Потом вот забросили,
    Избавились от хлама.
    Помойка последний дом,
    И я покойник в нем.»

    Нахмурилось утро,
    Нагнало облако,
    Небо долго плакало,
    Надежду вновь хороня…

    29.11.2012
    Мобильник
    Подарили мобильник -
    Горит как кипятильник,
    Сразу мои подружки
    Стали звонить в ушки.

    Мегафон и МТС -
    Меняю часто симку.
    Отправляю СМС
    Одному дружку:

    «Люблю, Люблю
    Как фигуру твою,
    Мой начальник -
    Мой мобильник.»

    0
  • Маайыстыыр
    22 августа 2013  

    Хараҥа түүн

    01.12.2012
    Утуйа сытан
    Уһуктабын…
    Улуу кыыл
    Уоруйах хараҕа
    Уораан иһиттэн
    Умайан тахсан,
    Уулларыа,
    Уулуо дуо
    Умсугуйарбын,
    Уулла таптыырбын,
    Уйадыйарбын…

    02.12.2012
    Хараҥа түүн
    Хара кулута
    Хааман кэллэ,
    Хаайда муннукка,
    Хампарытта…
    Харыс сири да
    Халбарыппакка
    Харбаан ылла,
    Харааһыннарда,
    Халты тайаннарда…

    03.12.2012
    Ыйаах
    Кырачаан оҕочоос эрдэххэ
    Ууруллубут эбит биһиэхэ
    Уһун олохпут олуга,
    Кыһыл көмүс ыллыга.

    Хайдах киһи буоларыҥ,
    Ханна-туохха тиксэриҥ
    Түстэнэр эбит ол онно,
    Түмүк кэриэтэ ыйыллан.

    0
  • Маайыстыыр
    23 августа 2013  

    Ыалдьыт

    04.12.2012
    Түүн утуйбакка
    Төттөрү-таары хаамар,
    Тугу эрэ булбакка
    Тыаьыыр, хамсанар.

    Тоҕо уубун уйгуурдан
    Тохтообокко сылдьаҕын,
    Таабырыҥҥын тулуйан,
    Таайыахпын билбэппин.

    05.12.2012
    Араас дьахтарга
    Аралдьыйбакка,
    Атыыр буолан
    Айаатаабакка,
    Аа-дьуо сылдьар
    Айгыстыбакка,
    Алтахтаан хаамар
    Атааннаспакка.
    Арыгыны испэт,
    Айдаарбат, саҥарбат,
    Ааттаах киьи диэҕи
    Аптарытыата суох ситэри.

    06.12.2012
    Суолу силлиэ хаар тибэр,
    Суох оҥорор букатын.
    Сылдьыбыт сыта да суох
    Сыныйан да көрбүт иһин.

    Ол гынан баран чигдини
    Атаххынан бигээн булан,
    Олус эрдийэ түһэҕин,
    Аргыый сөпкө хаамаҕын.

    Туора хаамтаргын
    Тобуккунан хаар,
    Онон наар сэрэнэн
    Оргууй ааҕа бараҕын.

    0
  • Маайыстыыр
    25 августа 2013  

    Сылайабын үөрэнэртэн

    07.12.2012
    Сылайабын үөрэнэртэн,
    Сыҥааҕырдыыбын билбэккэ,
    Сааһырбытым оччо дуу,
    Симмэр түспүт бэйэм дуу?

    Сатаан кэпсээбэт ааталар
    Саҥараллара эчи элбэҕин,
    Саататан утутар курдуктар,
    Сааһырбыт мин дууһабын.

    Атыннык кэпсээн-ипсээн
    Аралдьытан истэллэр,
    Астыныа эбиппин араатары
    Арыт сэргэх олороммун.

    08.12.2012
    Талахтар
    Кырыа буолбут талахтар
    Кыһыны киэргэтэллэр,
    Куорат уулуссаларын
    Кэрэ да көстүүлүүллэр.

    Куораппыт эһигинэ суох
    Курус, чуҥкук тыыннанар.
    Кылбачыгас оһуордаах
    Талахтар тырымныыллар.

    09.12.2012
    Эриэн үөн сылынан!
    Уон икки сыл ааһан,
    Үөммүт сыылан кэллэ.
    Уот тыыннаах дракону
    Үтэйэн эриллэҥнээтэ.

    Улуу өйдөөх үөммүт
    Үтүөмсүйэ тутунна.
    Уу үөнэ буоларын
    Үөрэ-кете этиннэ.

    Уонна саха дьоҥҥо
    Үтүөнү баҕарда,
    Уохтаах кымыһы
    Үөһэ диэки көтөхтө.

    Уруй, Үөн сылыгар!
    Үөрүү аргыстаныҥ,
    Үгүс доҕордонуҥ,
    Уонна дьоллоох буолуҥ!!!

    0
    • Сымнађас
      10 сентября 2013  

      ,

      Себулээн хоьооннору аађабын.
      Саха тылын биллбэт да буолларбын,
      Суруйуохпун эмиэ бађарабын.
      Сыыьам элбэх буоларыттан,
      Саатабын,кыбыстабын,
      Суруйбуппун кистиибин.
      Сырдатан таьарбаппын,
      Себулуехтэрэ суођа диэммин.

      0
  • Лэкиэс
    17 сентября 2013  

    Уруй буоллун, Эйиэхэ, мин билбэт киьибэр!

    Маайыстыыр, дорообо! урут хоьоон хонуута диэн хоьоон суруйар сир баара. Биирдэ до5орум барбытыттан хомойон хоргус тыллар хорооннорун хаьа олорон бэйэм да ейдеебекке хоьоон суруйан кээспитим. Били Сайа барбыт киьи, суппут киьи диэбитин курдук, быстах санаа баьыйбыт хоьооно быьыылаа5а. Соьуйуом иьин арай миигин уоскута сатыыр тыллары, уйул5аларын таарыйтарбыт дьоннор санааларын билэммин кыра-кыралаан суруйан бартым. Хомойуох иьин этэллэрин курдук хоьоон тыллара куруук киирбэттэр, уонна били Кутур5ан Куо эдьиийбитигэр майгынныы балыын хоьооннорум соччо киьини кэрэ5э сирдээбэт курдуктара, ордук санаа туьуутэ хото кыаллар курдуга. Биир да хоьооммун лиискэ суруйан саатар бэйэбэр хааларымматахпын, тута хоьуйар курдугум. Эйигиттэн ыйытыахпын ба5арабын, арай нууччалыы хоьооннору сахалыы тылбааска холоннохпуна ол мин тылларым буолаллар дуу диэн? махтал.

    0
    • Маайыстыыр
      17 сентября 2013  

      Син биир тылбаас диэн суруйаҕын ээ.

      Көҥүл тылбаас эҥин диэн да буоллар. Ол гынан баран тылбаасчыт аата эмиэ булгуччу суруллар. Урут мин студенныы сылдьан тылбаастыыр этим да, ханна да бэчээттэммэккэ хаалбыттара. Аны сахалыыны нууччалыы тылбаастыырым.Тылбаас улахан үлэттэн тахсар. Айар киһитээҕэр ордук эрэйдэнэҕин. Билигин тылбааһынан дьарыктанарбын сүрэҕэлдьиибин. Ол кэриэтин куһаҕан да буоллар бэйэм санаабын суруйабын. Тылбаасчыттары анаан-минээн үөрэтэр буолбуттар дии. Олор тылбаастаатыннар, мин тыыннаах эрдэхпинэ бэйэм санаабын этэн хаалларыым диэн санаалаахпын. Былырыын күн аайы хоһоон суруйбутум,быйыл олохпуттан кэпсээннэри суруйабын.

      0
  • Лэкиэс
    17 сентября 2013  

    ***

    Саргыбын тоьуппут эн ха5ыс тылларын
    Санаабын кыыллаабыт эн тонуй сыьыанын
    Сурэхпэр суппэт баас диринин хаалларан
    Сутэллэр инники дьыл5абын баьаннар...

    Синим биир миэхэ5э билигин олохпор,
    суоххун эн аттыбар,хааллардын букатын.
    со5отох эбиппин курустук туоьулуу
    сонуйбут хаартыскан сэмэлии одуулуур...

    Сымыьах быьыта ыстанар ыарыытын
    Сыыьабын кеннербет чахчытын ейдееммун
    Ыгыллар хара5ым ууларын умнаммын
    Ынчыктыы хаалабын тапталбын аьыйан...

    Буттэ дуо,барыта, кетте дуо кудэннэ,
    Биьиги иринньэх тапталбыт уеруутэ...
    Бырастыы, до5оруом, эн сырыт этэннэ,
    Быьыннын арай мин устугас оло5ум...

    0
    • Маайыстыыр
      17 сентября 2013  

      Лэкиэс, сахалыы шриби булууй.

      Үчүгэй хоһоон. Таптал уотугар умайа сылдьаҕын, эдэргин. Мин хоһоонунан санаабын сааһылаан этэргэ дьулуһабын. Онтон атына миигин улаханнык долгуппат. Билигин харчылаах эрэ буолларгын хайдах баҕарар кинигэни бэчээттэтиэххин сөп. Мин аҕыйах кинигэ таһаартарбыппын бэл уоран ылбыттар. Онон син ааҕааччылаахпын дии саныыбын. Эн эмиэ хоһоонноргун харчылаах эрэ буолларгын мунньан таһаартар. Мин финансовай өттүн ыарырҕатан бу манна бэчээттиибин.

      0
  • Лэкиэс
    21 сентября 2013  

    Маайыыстыыр барахсан диэ... махтал.

    утуе киэьэ буолуохтун хомо5ой хоьоон хонуутун таптаан таалалыыр уйан дууьалаахтар. Маайыстыыр, мин этэргэ дылы бу тугэннэ хайдах туруктаахпын эрэ этэ сатыыр курдукпун. Ханна да бэчээттэммэтэ5им, оннук ей да киирбэт этэ. Кыьыйдахпына -туоллахпына ба5ыыр-ба5ар хаьан эмэ... толкуйдуо5ум. оттон билигин кеннеру кэм кэрэьитэбин, чуумпу олох долгуранын биир туоьута- ол мин буолабын...

    0
  • Hotyyna
    15 октября 2013  

    ийэ туьунан хоьоон

    утуе киэҺэ буолуохтун! ийэ туҺунан, ийэҔэ аналлаах хоһооннордо ыытыҥ эрэ, баьаалыста

    0
    • Странник
      3 ноября 2013  

      ыьыллан,то5уллан

      Билбэппин эн миигин саныыргын,
      Билбэппин эн миигин куутэргин.
      Билэ да сатаабаппын, ейдуургун!
      Барытын мин умнубуппун!

      Барбытын эн атынна,
      Быра5ан миигин манна.
      Бэримэппин аны албынна,
      Биэрэ сатаабыт аналга.

      Бу суруйарым куруук курус.
      Баарын хоьуйабын олоххо курус.
      Баар буоллар со5отох сулус,
      Биир эмит,чункуйбут сулус.

      0
      • Hotyyna
        15 декабря 2013  

        ийэ туьунан хоьоон

        Очень странный ответ на мою просьбу

        0
        • соьуйбат
          15 декабря 2013  

          ийэ

          Махтанабын ийэбэр
          Күн сирин к8рд8р8н
          О5о буолан таптатан
          Олус да,кэрэтик саныыбын

          Эн минньигэй аскыттан
          Эйэ5эс кэрэ майгы5ыттан
          Элбэх сүбэ5иттэн
          Бу мин дьон,убаастабылын ыллым

          Ийэбинэн киэн туттабын
          Эн тускар,тапталгар
          Инники кэскилим сырдыыр
          Ба5а санаам бар5арар

          0
          • Уьунча_уола
            5 января 2014  

            Сыаналаан эрэ

            ийэбэр
            Киьи бары ийэлээх
            Бэл кыыл котор-суурэр,
            Корор-истэр,буобэйдиир
            Кун кубэй ийэлээх
            Ийэм эн баар буоланнын
            Куну корбут дьоллоохпун
            Махталым эргийиэ эйиэхэ
            Ус тогул буктээн

            0
            • Маайыстыыр
              6 января 2014  

              Уһунча уола.

              Сурук бэлиэтин сөпкө туруорбатаххын. Сахалыы шриби туһан. 13-16 саастаах оҕоҕо үчүгэй хоһоон. Форма өттүнэн көрдөххө: 1 строка -7 сүһүөх, 2 строка - 6 сүһүөх, 3 -7, 4-6, 5-7, 6-7, 7-9,8-5. Бэркэ баран иһэн кэннин ыһан кэбиспиккин. Үс төгүл бүк эйиэхэ - 7 сүһүөх буолар.Эргийиэ мин махталым - 7 сүһүөх. Оччоҕо маннык буолар:
              Киһи бары ийэлээх,
              Бэл кыыл көтөр-сүүрэр.
              Көрөр-истэр, бүөбэйдиир
              Күн күбэй ийэлээх.

              Ийэм, эн баар буолаҥҥын
              Күнү көрбүт дьоллоохпун.
              Эргийиэ мин махталым
              Үс төгүл бүк эйиэхэ.Үрүҥ хоһоон диэххин сөбө буолуо эрээри, күүстээх уобарастардаах, иэйиилээх буоларыҥ ирдэнэр. Строкалар син дьүөрэлэһэр рифмалаах курдуктар.Чэ, бэйэҥ туох дии саныыгын?

              0
              • С.Т.Р.А.Н.Н.И.К.
                10 января 2014  

                Бастакыынан Маайыстыыр, дорообобун тут

                Бу хоһоон сороҕор ыыталыыбын,
                Баҕар өйдөөн көрүө диэммин.
                Биллибэт миэхэ сыыһаларбын,
                Булан эппиэтиэ диэммин.

                Эмиэ түүн хараҥаннан куста
                Эргитэн уруккуну аҕалла,
                Эмтирийбит тапталы санатта,
                Эрэннэрбит кэмнэри аҕыннарда.

                Эн ону олох да санаабаккын.
                Эппит тылларбын умнубуккун.
                Эриллэҥнээн атыттаргын
                Эккирэтэ сылдьаҕын, куруутун.

                Этэр этиҥ ди....таптыыбын
                Эйигин кытта буолабын
                Элбэх сылы туорааҥҥын
                Эрэннэрбитиҥ, дьоллообутун

                Эт эрэ миэхэ баһалыста,
                Эрдэ таптал баар этэ да
                Эйигин кытта көрсөрбөр,
                Эрэнэрбэр, дьоллонорбор???

                0
  • Маайыстыыр
    10 января 2014  

    Странник, үчүгэйдик суруйар эбиккин.

    Ыксааҥҥын дуу, тылы сыыһа суруйбуккар да киһи болҕомтотун уурбат. Ханна эрэ эмиэ эн хоһооҥҥун көрбүт курдукпун. Эмиэ санаам эрэ эбитэ дуу? Хоһоонньут уолаттар элбэх эбиккит да, биллибэккэ-көстүбэккэ сылдьаҕыт.Хоһооҥҥутун бэчээттэтэн таһааран иһиҥ. Поэт уолаттар тахсан иһиҥ, кыргыттарга баһыйтара сылдьымаҥ.

    0
    • С.Т.Р.А.Н.Н.И.К.
      11 января 2014  

      Маайыстыыр

      Махтал эппиэккэр
      Хоһуйбуппун сыаналаабыккар
      Суруйааччыгым ардыгар
      Манна киирэн,топтаргар.

      0
      • syrdana
        19 января 2014  

        Маайыстыыр, үчүгэй да хоһооннордооххун!

        Сахалыыларыҥ. Тема арааһа. Соҕотох эбит диэн аһынным. Тыл-өс мааныта, барыта миэстэтигэр. Дьону дьулаппат, харыстыыр өрүттээҕиҥ миэхэ сөбүлэттэ. Соһуйбат хоһоонноругар сыһыаҥҥыттан этэбин. Өссө хоһооннордо суруй. Бэчээттэнэрэ буоллар өссө бэрт буолуо эбит. Хаһыакка, сурунаалга таһааттарбатаҕыҥ дуо?

        0
        • Маайыстыыр
          19 января 2014  

          Бэчээттэтиэх буолан ылбыттара да,

          дьэ билбэтим. Аҕыйах онно-манна кыралаан бэчээттэнэр. Бэйэм 100 экз. бэчээттэппитим, 55 сааспын туоларбар, бэлэхтээн бүтэрдим. Киһи күлэр ээ, сороҕун уоран ылбыттар этэ. Онон билигин бэлэхтиирим суох.

          0
          • соьуйбат
            20 января 2014  

            Дорообо маайыстыыр! Кэлиэн дуо

            Хатаммыт сымна5ас хатыммар
            Хатылаан эн кэлиэн дуо,чыычаа5ым
            Хап хара харахтарын мичийэн
            Хам куустаран турдахпыан,аттыгар

            Куурбатах от үрдүнэн хаамарбыт
            Куустаран туманна саьарбыт
            Кэлээр диэн,этэрин кэрэтэ
            Күьүннү хараҥаҕа мууммута

            Ол олус да кэрэ кэмнэр
            От үүнэн,тиэриллэн хаалбыттар
            Ордоробун олохпуттан эйиигин
            Ол кылгас сайынны сэьэнтэн

            0
  • Аламаас
    20 января 2014  

    Маайыстыыр сахалыы сайаҕас эҕэрдэ буолуохтун!

    Кэргэммэр.
    Доҕоччугуом соhуйбучча,
    Хоhоон суруйан эрэбин,
    Эйиигин наhаа санаабычча,
    Эн имэҥҥэр ылларан,
    Тыллар бэйэлэрэ кэлэннэр,
    Кэчигирээн кэбистилэр.
    Бэйэҥ ааҕаар, сыаналаар
    Мин бастакы иэйиибин,
    Онтон кэлин сибис гынаар
    Туох-хайдах эбитин.

    28.11. 93.

    Маайыстыыр бырастыы уонна баалаабаккар көрдөһөбүн. Мин Эһиги кэпсээннэргитин (урут, эрдэ) уонна хоһоонноргутун (бөлүүн) болҕойон туран, төннө-төннө аахтым уонна сүүрбэччэ сыллааҕыта бооччойбут хоһооммут ырыттара ыытарга сананным. Тоҕо? 1. Эһиги миигин кытта барыллааҕыт. 2.Үөһээ уолаттары бэрткэ диэн бэрийбиккит(ш). 3. Бэйэҕит араас араҥаны сырдатан хоһоон бөҕө хоһуйбуккут. 4.Мин бэйэм технарьбын онон тылы холбууртан толлобун ээ.

    P.S. Көрдөһүүбүн толоруо диэн эрэнэ хаалабын. Ити аан бастакым, ол кэннэ син баар(ити кэмнээ5илэр).

    0
    • Маайыстыыр
      20 января 2014  

      Мин хоһооҥҥо ирдэбилим - бастаан иэйии дуу, санаа дуу

      баар буолуохтаах диэн. Ол эн хоһооҥҥор баар. Аны форматыгар киирэбит. Бу аллитерационнай хоһоон буолбатах, рифма баар. Строфаларга арахсыбатах, онон үрүҥ хоһоон буолара дуу.Аны строкалар сүһүөхтэрэ тэҥэ суохтар.8,8,9,7,9,8,7,7,8,6.Чэ, ити үрүҥ хоһооҥҥо барыстын.Мин сөбүлээбэтэх рифмам Соһуйбучча, Санаабычча. Күлүүлээх, хойохтоох эҥин хоһооҥҥо барсыа этэ, онтон таптал истиҥ иэйиитигэр ити чч дорҕооннор хайдах эрэ дьүөрэлэспэттэр, туох эрэ чаллырҕыыр тыаһын санаталлар.Кэнники рифмаларыҥ олус табыллыбыттар.

      0
      • Аламаас
        21 января 2014  

        Барҕа махтал Маайыстыыр көрдөһүүбүн толорбуккар.

        Рифма диэни кыратык удамаҕалатабын курдук, онтон строфалар,строкалар сүһүөхтэрэ уонна форма диэннэри отой билбэт эбиппин. Кырдьык ити эһиги сөбүлээбэтэх рифмаларгыт барсыбаттар эбит, сөбүлэһэбин, кырдьык уулаах бадарааны тэпсэри санатар.

        Тапталлааҕым, ахтылҕаным,
        Сэгэттэйим, доҕоччугуом,
        Күнүм-сирим алгыhа,
        Үрүҥ көмүс татыйыгым
        Махтанабын эйиэхэ
        Соhуччу биэрбит тапталгар,
        Сырдык ыраас санааҕар
        Истин сылаас сыhыанҥар.
        Баҕарабын өрүү эн
        Үөрэ-көтө сылдьаргар,
        Ырыа-хоhоон аргыстаах
        Ыллыы дайа сылдьаргар.
        28.11.93

        Соhуйума сэгэттэйиэм
        Соhоччу суруйбуппун.
        Сорох-сорох ардыгар
        Саныыр истиҥ санаабын
        Сатаан сирэй эппэппин,
        Саатар суруйан тиэртэрбин
        Сурэхтэн тахсар тылларбын.
        28.11.93


        Өрүү өйдүү сылдьабын
        Бастаан көрбүт түгэммин
        Аргыый сэрэнэн үктэнэн
        Үлэттэн дьиэбэр иhэргин.
        Соhуйбутум-өмүрбүтүм
        Өйүм-санаам барыта
        Эн диэкки хайыспытын
        Эн диэкки тардыспытын.
        Онтон сотору билбитим
        Дьылга-ыйаах баарын мин
        Онно истибитим мин
        Ыраас кэрэ күлүүгүн.
        Махтаммытым, имнэммитим
        Үрдүк сололоох таҥараҕа
        Маннык кэрэ кыысчааны
        Соhуччу булан биэрбитигэр
            28.11.93

        0
        • Маайыстыыр
          21 января 2014  

          Аламаас, бу хоһоонноргор

          Киһи улаханнык баайсара суох. Истиҥнэр, иһирэхтэр.Сорох сиргэ соппутуой туруораргын эрэ умнубуккун. Ханна баҕарар кыбыстыбакка ааҕыаххын сөп.

          0
          • Аламаас
            22 января 2014  

            Махтал Маайыстыыр истиҥ тылларгар, киһиэхэ кыра да сөп ээ.

            0
  • Маайыстыыр
    20 января 2014  

    Түүн көмтүбүт эйигин...

    Түүн көмнүбүт эйигин
    Өлбүттэр сирдэригэр
    Түлүк түүллэрин аймаан,
    Өһөхтөөх кылы тардан...

    Туох буруйуҥ иннигэр
    Өскө турдуҥ эр бэрдэ,
    Туох аньыыҥ-хараҥ биирдэ
    Өс-саас буорун үктээтэ?

    Төрүт сириҥ уйбата-
    Өстө уоттаах хараҕыҥ,
    Төлкөҥ киэр хайыстаҕа-
    Өлүү суолун ыйдаҕа...

    0
    • соьуйбат
      21 января 2014  

      Киирэн аа5ааччыбын ээ,баарбын,т8б8бүн мускуйабын да аьыллыбат)

      Сырдык халлаан,ба5а санаата
      Манна эрэ,к8ст8н кэлэр

      Миэхэ солунум диэн,этэннэбит тохсунньу бүттэр арыыйда сылыйыа этэ)

      0
  • Аламаас
    22 января 2014  

    уолаттарбар

    Оҕолорум-уолаттарым,
    Чыычаахтарым-көмүстэрим,
    Хаhан да, ханна да
    Өрүү үөрэ-көтө сылдьаарыҥ.

    Ыарыы эҥин арааhа
    Аастын тумна эhигини
    Туора-ланкы барбыт олох
    Аастар хаарыйбакка.

    Туора турдун эhигиттэн
    Ол-бу араас хоп -сип,
    Атын суолунан аастын
    Олохтон куhаҕан мөссүөн.

    Сэргэстиннэр эhигинниин
    Сырдык үтүө санаалар,
    Холбостуннар эhигинниин
    Кустуктуу дьоллоох өҥнөр.

    Дьоhун мааны дьон буолан
    Дьоҥҥут махталын ылаарыҥ,
    Элбэх оҕолоох аҕалар буолан
    Сахалары элбэтээриҥ.
    29.11.93


    Күнү күүстээх диэн ааттыыллар
    Кыhын кини мөлтөөн ылар.
    Миигин куустээх диириҥ
    Эмиэ да олуона курдук.

    Тапталыҥ санаабын кынаттаан
    Кырдьык, арыт күүhү биэрэн
    Кыаттарарбар да кыайабын,
    Сүтэрэрбин да булабын.

    Арыт сатаан өйдөөбөккүн
    Онтон дууhам кэлтэй баран
    Кыайарбын да кыайбаппын,
    Булбуппун да сутэрэбин.

    Арыт мээнэ саҥаран,
    Ону-маны тыллаhан,
    Онтон-мантан кыыhырдан
    Улаханнык да мөлтөтөҕүн.

    Өйдөө дуу холооннооҕум,
    Өрүү өйгөр хатаа дуу,
    Биир сиргэ түhэр таммах
    Тимири курдары түhэрин.
    29.11.93

    0
  • Маайыстыыр
    25 января 2014  

    Эр киһиэхэ

    Тас ааны хатаабыккар,
    Таҥаскын устубуккар,
    Таптыыбын диэбиккэр
    Таалан хааллым , дьиккэр...

    Тоҥ сүрэхпин уулларан,
    Тугу эрэ сипсийэн,
    Туттуҥ ытыскар куппун,
    Тойон киһим, эр киһим...

    Таҥаспын ньылбы тутан,
    Тас иэмминэн ыыттыҥ,
    Таптал уотугар уган,
    Талбабын таарыйдыҥ...

    Талыым киирэр түүнүгэр
    Таптал күнүн айхаллыам,
    Тахсар уол үөрүүтүгэр
    Таҥараҕа махтаныам...

    0
  • Маайыстыыр
    26 января 2014  

    Суруллубатах суруктар

    Суруллубатах суруктар -
    Ааҕыллыбатах таабырыннар,
    Суунабын харах уутунан,
    Ахтабын айыыһыппынан.

    Кумааҕы ыла-ылабын
    Тугу эрэ суруйаары,
    Кубарыччы мэлдьэһэбин,
    Туохтан эрэ саллабын.

    Эйигин хомотуом диэн,
    Эрэйбин эппэппин,
    Эйигин кэлэтиэм диэн,
    Эгэлгэлээбэппин...

    0
  • Аламаас
    27 января 2014  

    Дьылҕа

    Киhи-киhи дьылҕата
    Эҥин араас буолар эбит,
    Ону билбит ким баарый?
    Ону таайбыт ким баарый?

    Көбүс көнө суолга арыт
    Тыын быстар эбит.
    Санаабатах-түөйбэтэх
    Алдьархайыҥ буолар эбит.

    Өйдөөбөтүм-тобулбатым,
    Тоҕо миэхэ дьылҕа-хааным
    Ыар маннык баттыгы
    Сугэhэрдэтэн ыыппытын?

    Туох улахан буруйбар,
    Туох айыыбар-харабар,
    Киhи тыынын толутан
    Ыал аҕатын суох гынныҥ?

    Сүрэҕим-дууhам олус ыалдьар,
    Кутум-сүрүм хаайтарар
    Дьоллоох ыал аҕатыгар
    Буруйдаах хаалбыппар.

    Хайдах утары көрөбүн
    Тулаайах хаалбыт оҕолору,
    Эрдэ огдообо буолбут
    Эдэрси ийэни    ?

    Хайдах буолан, тугу гынан
    Ыарыыларын чэпчэтэбин.
    Оо, айыым таҥарам
    Сүтүктэрин көннөр эрэ!!!

    Бу баламат олоххо,
    Туора-лаҥкы барбыт кэмҥэ,
    Эрэнэр-өйөнөр киһитэ суох
    Хайдах-туох олороллор?

    Баҕар абааһы көрүөхтэрэ,
    Ылынабын ону мин.
    Баҕар үөҕүү оҥостуохтара
    Баалаабаппын ону мин.

    Ол да буоллар хаһан да,
    Сүрэх тэбэрин тухары
    Өйдүү-саныы сылдьыаҕым
    Алдьархайдаах бу түгэни.

    Сиртэн-ууттан күүс ылан,
    Бары күүспүн түмэммин,
    Сүрэҕим-дууһам ыарыытын
    Чэпчэтинэ сатыа этим.

    Дьонум-сэргэм,доҕотторуом,
    Күүспэр күүстэ эбиҥ дуу?
    Бу ыарахан батталы
    Сүгэрбэр, көмөлөһүҥ дуу?

    Хараҕым уутун тоҕоммун
    Арыый чэпчии түспүт киһи!
    Онно-манна баран-кэлэн
    Арыый сойо түспүт киһи!
    29.11.93






    Сэгэттэйиэм, оҕолоруом
    Олус наhаа айманымаҥ,
    Аҕаҕыт хоhоонуттан,
    Ыар санаатыттан.

    Өйдөөҥ биири сэгэрдээр,
    Киhи олоҕо быстарыгар,
    Онно эн сыhыаннаҕыҥ,
    Санааҕа ыараханын.

    Арыый буолан мин туруом,
    Үлэ-хамнас оргуйуо,
    Баҕар онно чэпчии түhүөм,
    Сүрэх бааhыттан аралдьыйыам.

    Өстөөхтөрүм үөрүмэҥ,
    Хабырына оонньоомоҥ.
    Охтуом суоҕа, сүтүөм суо5а,
    Күүспүн эмиэ ылыныам.

    Сырдык күүстээх санаалаах
    Доҕотторум абырыахтара.
    Суолбар-ииспэр киллэрэн
    Алҕаспын булларыахтара.
    29.11.93

    0
    • Маайыстыыр
      27 января 2014  

      Хоһоон суруйбутуҥ ырааппыт да эбит.

      Мин 2012 сылга диэри 40-50 хоһоонноох этим. Онтон ыалдьан өйбөр тутар дьоҕурум эмискэччи мөлтөөн, 2012 сыл тухары мэйиибин эрчийээри күн аайы хоһоон суруйар этим. Онтон 2013 сылга биир да хоһоону суруйбатаҕым. Быйыл тохсунньуга уонча хоһоону суруйдум.

      0
      • Аламаас
        27 января 2014  

        Ити кэмҥэ суруйбутум эрэ. Кэлин суруйбаппын, тоҕотун син удумаҕалатабын.

        Көрсүстүбүт алҕаска,
        Аасыhан хаалыа этибит.
        Дьылҕа тойон онтубут
        Көрсүhүүнү тосхойдо.
        Дорообо, күндү киhи,
        Нөргүй, кэрэ киhи.
        Көрсүсбэтэх ыраатта,
        Билсисбэтэх быданнаата.
        Эдэр сааспыт дьоллоох,
        Көрдөөх-нардаах кэмнэрин,
        Айманыhа аргыый ахтыах.
        Ыраах сылдьар атас-дьүөгэ
        Дьоннорбут дьылҕаларын
        Туоhулаhа кэпсэтиэх.
        Санаан ааhыах доҕоруом
        Интернат- оскуоланы
        Бөтүрүөбүс кыhатын.
        Санатыhан ааhыах
        Романовна туhунан
        Үөрэххэ-үрдүккэ угуйбут
        Дьоhун- мааны дьоммутун.
        Умнумуох дуу, күндү киhим,
        Куорсун анньан, кынат биэрэн
        Олох устун көтүппүт
        Оскуолабыт боруогун.
        Ис сурэхтэн санаhыах
        Сүппүт-барбыт дьоммутун,
        Аргыый аҕай чуумпуруох
        Биир мүнүүтэ до5оруом.
        Үөрүөххэ, астыныахха,
        Хайҕыахха-уруйдуохха
        Олох устун дьоллоохтук
        Устан иhэр дьоммутун.
        Ааспыт кэмнэр күрэннилэр
        Кый ыраах быдан сиргэ
        Ону ситэн эргитэрбит
        Доҕоор, дьэ, саарбах.
        Биhигини алгыы хаалбыт
        Интернат-оскуолабыт
        Чуҥкуйара буолуо дуо?
        Өссө көрсөр баҕалаах.

        0
        • АЛГЫСТААНА
          1 февраля 2014  

          Үтүө дьон,сэргэбин алгыстаан.

          Эҕрдэ буолун Майыыстарга
          Бу хоьооннорбун көннөртөрүөхпүн ,саһалатыахпын
          сүбэлэттэриэхпин, табыллар буолаҕынна.

          ¥туе сэмэй дьон,эрэллээх до5оттор,
          ¥ерунньэн элэккэй кулуу аргыстаах,
          ¥румэччи лыах курдук ере дайан,
          ¥ерунньэн сырдык арылхай дууьаллаах.

          ¥йэлэртэн чыпчаалга ,ере дабайан сайда,
          ¥уескуу турдун кэнчээри ыччаттаннын,
          ¥туе мааны ыал, сэргэ дэттэрин бигэтик,
          ¥ксуу турдун елгем байылыат олоххут.

          ¥рдук ситиьиилээх туруоруннулаах улэнньи,
          ¥ерэх уеьэ чыпчаалын ергейдеен ере тутан,
          ¥еруулээх оло5у эйэ дэмнньээхтик ылсыьан,
          ¥чугэйи эннээриттэн куруук алтаьа тутан.

          ¥еьэ айыылартан иэйэн туойан ааттаьан,
          ¥уммут кунтэн утуетун аранначчылаьан,
          ¥еруу сылаас тыына санаа5ытын кенньуертун,
          ¥с тегул арчылаан алгыстаан тиэрдэбин.

          0
          • АЛГЫСТААНА
            1 февраля 2014  

            Иэйии төрөөбут түөлбэҕэ

            Терут дойдубар, бар5а диэн махтанан,
            Тереебут уескээбит ытык сиригэр,
            Тебебун хонкутан иэйиибин этэбин,
            Тулалыыр эйгэттэн кердеьен ааттаьан.

            Тойук туойан алгыстаан билгэллээн,
            Тиэрдэбин ал5ааммын арчылаан ,
            Тахсар кун сарданатыттан кедеьен ,
            Тахсыыллаах оло5ум эриэкэс дьыл5абын.

            Телке хаан алгьыннан удьуорданнан,
            Теруттэрбин аат ааттатар чиэстэннэн,
            Теруех кэнчээри ыччат ууьуур уйгутун,
            Тийэн кэллим санаам кууьуннэн уйдаран.

            Талба талыы кыыс хотун буоламмын,
            Таьаардым барытын чиэстээхтик,
            Туохтан да ча5ыйбакка ылсыьан,
            Толубака инньикии дьулуьан алтыьан

            0
            • Маайыстыыр
              2 февраля 2014  

              Бу хоһооҥҥор өйдөөбөтөҕүм үгүс да буоллар,

              бу курдук гынным:
              Төрут дойдубар, барҕа диэн махтанан,
              Төрөөбүт үөскээбит ытык сирбэр мин
              Төбөбүн хоҥкутан иэйиибин этэбин,
              Тулалыыр эйгэттэн көрдөһөн, ааттаһан.

              Тахсыылаах олоҕум эриэккэс дьылҕатын
              Тахсар күнүм сардаҥатыттан көрдөһөн ,
              Тойук туойан, алгыстаан, билгэлэтэн,
              Тиэрдэбин мин алҕатан, арчылатан.

              Төлкө хаан алгыһынан удьуорданан,
              Төрүөх кэнчээри ууһуур уйгутунан,
              Төрүттэрбин аат ааттатар чиэстэнэн,
              Тиийэн кэллим санаам күүһүнэн уйдаран.

              Талба талыы кыыс хотун буолан,
              Таһаардым барытын чиэстээхтик,
              Туохтан да чаҕыйбакка ылсыһан,
              Толлубакка инники дьулуһан.

              0
          • Маайыстыыр
            2 февраля 2014  

            Бу хоһоону ырытабын.

            Үөрүнньэҥ диэни иккитэ хатылаабыккын. Үтүө сэмэй дьон, эрэллээх доҕор диэн тыллар строфа кэннигэр бардахтарына өйдөнүмтүө курдук.Уонна бэркэ тэҥ сүөһүөҕүнэн баран иһэн олус уһатан кэбиспиккин, сороҕор сааһылаабаккаҕын ис хоһоонун алдьатар курдуккун. Чэ, мин хоһооҥҥун бу курдук сааһылаатым:Үтүмэн элэккэй күлүү аргыстаах,
            Үрүмэччи ,лыах курдук өрө дайар
            Үөрүнньэҥ сырдык арылхай дууһалаах
            Үтүө сэмэй дьон,эрэллээх доҕоттор,

            Үйэттэн үйэлэргэ өрүү сайда,
            Үөскүү турар кэнчээри ыччаттаныҥ,
            Үтүө-мааны ыал, дьон-сэргэ дэттэриҥ,
            Үксүү турдун өлгөм байылыат олоххут.

            Үрдүк ситиһиилээхтик бары үлэлээҥ,
            Үөрэх үөһэ чыпчаалларын дабайыҥ,
            Үөрүүлээх олоҕу, эйэни айсыҥ,
            Үчүгэйи эҥээриттэн тутуһуҥ.

            Үөһээ айыылартан иэйэн-куойан ааттаһан,
            Үүммүт күнтэн үтүөнү араҥаччылаһан,
            Үөрүү сылаас тыына санааны көнньүөртүн,
            Үс төгүл арчылаан,алгыстаан тиэрдэбин!!!
            Кэнники строфа сүһүөҕэ кыайан тэҥнэммэтэ. Туох дии саныырыҥ буолла.

            0
            • АЛГЫСТААНА
              2 февраля 2014  

              Маайыстыыр сугуруйэр махтал.


              Махтал эйиэхэ тиэрдэбин,
              Мэннээх сылаабын аьырдына
              Маарыннатан хоьоон айарга
              Мин киирэн сайтарга аа5ан
              Маннык диэн хоьуйууларбын
              Миэстэ таьааран саьылаан
              Мэник тылларбын дьарыстаан
              Майах сурукпун оруннаан
              Муьа тарданнын субэлээн
              Мудрай субэ5эр э5эрдэ...

              0
              • MARYKA28
                2 февраля 2014  

                Дорооболорун!

                Маайыстыыр мин учууталым. Оскуола5а уерэнэ сылдьан хоьоон суруйарга холонор этибит , ону Маайыстыырга сыаналатарбыт.Киниттэн элбэ5и туьаммытым хоьоон суруйдахпына тематыгар ис хоьоонугар рифматыгар суьуе5эр аьара быыччык буолааччыбын. Хоьоон син кэпсээн кэриэтэ киирии орто уонна тумук чаастаах буолар.Оскуола5а хоьоон курэ5э сотору сотору буолара тиэмэлээх. Ийэ кунэ, куьунну бырааьынньыктар,кыьын,уо.д.а. Кылаабынай жюри Маайыстыыр. Син миэстэлэьэн уерэр кетер этим бир ис ылааччыбын. Уерэнэр тэтэрээттэрим кэннилэрэ барыта хоьоон буолара уруок истибэккэ хоьоон айа олоруллааччы. Биир уруокка Икки ус хоьоону субурччу суруйарым. Билигин санаан кулэбин ампаарбар сыталлара буолуо хайа э рэ муннукка быыллыйа.

                0
  • АЛГЫСТААНА
    3 февраля 2014  

    Дьэрэтэр тойугум


    Олбохпун ыллан дьоьуннаан
    Олорон, аал уоппун аьатан,
    Оргууйдук ааттаьан ал5аан,
    Оьуордаах чоороон тутаммын.

    Оруннаахтык иэйэ туойаммын,
    Орто дойду эриэккэс дьайыытын,
    Оннорон чочуйа симээмин тиьэммин,
    Остуоруйа, сэьэннэ хоьуйа таьааран.

    Олонхолуу дуорайар туойукпун,
    Ойуулаан айыл5а дьикти кэрэтин,
    Очуос таас хайаларын ,систэрин,
    Оргууй устар элиэнэ ерус долгунун.

    О5о сааьым ааспыт кэмнньэрин,
    Ойон тэбэн экирэспит сыьыылары,
    Отуу оттон, кытылга мустаммыт,
    Одулуу кутэрбит куегубут хабарын.

    Оьуокай, дьиктилээх тылларын,
    Оройуттан дьиэрэтэн таьааран,
    Оргууй иэйэ хоьуйа ыллааммын ,
    Ойон тэбэн эьиэкэйдээн эйээриим.

    0
    • АЛГЫСТААНА
      3 февраля 2014  

      Санаа кыната


      Куруук саныыр до5орбун,
      Кистии ахтар сэгэрбин,
      Куускэ тэбэр сурэ5им,
      Киирэн кэлиэ дии санаан.

      Кыбыстан ыллым сонньуйан,
      Килбигийэ дууьам аймыытын,
      Кытыаста уммайда сырайым,
      Кэмчирийэн уеьэ тыынабын.

      Кетуем ыраах уеьэ халлаанна,
      Кыраай иэйиибиннэн уйдаран,
      Кустук енун арааьын ыьаммын,
      Кистии саба эйиэхэ уунуо5ум.

      Кыталык буолан дайыа5ым,
      Кынталдьыйа тутта ункуулээн,
      Куоласпын онностон туойаммын,
      Кэрэ ырыаны эйиэхэ анныа5ым.

      0
      • АЛГЫСТААНА
        3 февраля 2014  

        Күндү Маайыстыыр,

        мин бу эйиэхэ көрдөрө аналистата
        диэххэ сөп, мин топ быраабылатын
        үчүгэйдик билбэппин,эьигиттэн
        эмиэ хооьмун дьарыстата аҕаллым .

        0
      • Маайыстыыр
        4 февраля 2014  

        Санаа кыната.

        Бастакы строфаҕа строкалар миэстэлэрин уларытыахха:
        Куруук саныыр доҕорбун,
        Кистии ахтар сэгэрбин,
        Киирэн кэлиэ дии санаан,
        Күүскэ тэбэр сүрэҕим.

        Иккискэ строфаҕа тылга алҕаһы кытта эмиэ рифмаҕа охтон этииҥ суолтатын ыспыккын:
        Кыбыстан ыллым сонньуйан,
        Кытыаста сирэйим умайар.
        Килбигийэ дууһам айманар,
        Кэмчиэрийэн үөһэ тыынабын.

        Үһүскэр туох да алҕас суох.
        Төрдүскэ: оҥостон, аныаҕым диэн көннөр. Үчүгэй хоһоон.ЖУ!

        0
    • Маайыстыыр
      4 февраля 2014  

      Дьиэрэтэр тойугум

      Олбохпун ылан дьоһуннаан
      Олорон, аал уоппун аһатан,
      Оргууйдук ааттаһан алҕаан
      Оһуордаах чороон тутабын.
      Бу строфаҕа тутаммын диэни суруйбутуҥ ис хоһоонун өйдөммөт оҥорор, онон тутабын диэтим.
      Оруннаахтык иэйэ туойабын
      Орто дойду эриэккэс дьайыытын,
      Оҥорон чочуйа симээммин тиһэбин
      Остуоруйа, сэһэн хоһуйан таһааран.

      Олоҥхолуу дуорайар тойукпар
      Ойуулуубун айылҕа дьикти кэрэтин,
      Очуос таас хайаларын, систэрин,
      Оргууй устар Элиэнэ өрүс долгунун,

      Оҕо сааһым ааспыт кэмнэрин,
      Ойон-тэбэн эккирэспит сыһыылары,
      Отуу туттан, кытылга мустууну,
      Одуулуу күүтүллэр күөгү хамсыырын.

      Оһуокай дьиктилээх тылларын
      Оройуттан дьиэрэтэн таһааран,
      Оргууй иэйэ-хоһуйа ыллааммын,
      Ойон-тэбэн эһиэкэйдээн эйээриим.
      Тылгар алҕастаргын көннөртөөтүм. Хоһоонуҥ үчүгэй ис хоһоонноох эрээри, тыллары этии иһигэр сибээстээһиниҥ сатамматах. Ол иһин киһи өйдөөбөт түгэннэрэ үөскүүллэр. Итиннэ болҕомтоҕун уур. Этиигин хос-хос ааҕан көрөр буол.

      0
      • Алгыстаана
        4 февраля 2014  

        МАХТАЛ

        0
        • С.Т.Р.А.Н.Н.И.К.
          4 февраля 2014  

          Дьээдьэ, дорҕоноох дорообото доргуйан дьоһун дьону дьолоотун:-)

          Мин уочаратым кэллэ быһылах сыаналатар:-)
          Бу көрдөрөөрү соһон, сүгэн үлтү сылайан аҕаллым
          хайдаҕый?
          Сарсын саҥа күн үүнүө,
          Сэгэрэ доҕорун саныа.
          Сүрэҕэ эмиэ күүтүө,
          Сүтэрэн атаһын ахтыа.

          Санаата уруккуга төннүө,
          Сырдык суола арыллыа.
          Сырса оонньуурун көрүө,
          Сирэйэ мичэрдээн ылыа.

          Сиэтиһэн хаамсарын өйдүө,
          Сипсийбит тылларын саныа,
          Сылаастык уураһара көстүө,
          Сүрэҕэ эмиэ таптыа.

          0
          • С.Т.Р.А.Н.Н.И.К.
            4 февраля 2014  

            Уой, атыны аҕалбыппын. Билигин сөппкө соһон аҕалыам

            Ытаатаххына-уоскутуом,
            Ытыспар тутан сааратыам.
            Ытыктыыр күндү доҕоруом,
            Ыар санааҕын умуннарыам.

            Кыһырдаххына-күллэриэм,
            Кэрэ санааннан толоруом.
            Киэргэтэн эйиэхэ бэлэхтиэм,
            Килбэчийэр сулуһу уунуом

            Хомойдоххуна-үөрдүөм,
            Хайаан да биир буолуом.
            Харыстыыр сыһыаны төрүттүөм,
            Ханна баҕар, эйиэхэ туойуом.

            Санарҕаатаххына-сааратыам,
            Сырдык санааҕа көтүтүөм.
            Сэгэрбэр, эйиэхэ ананыам,
            Сүрэххин дьолунан бүрүйүөм.
            ©Айанньыт©

            дьэ бу:-)

            0
            • Маайыстыыр
              5 февраля 2014  

              Хоһоон форматын баһылаабыккын.

              Ол гынан баран, наар туохтуурдары биир формаҕа(халыыпка) туттарыҥ сымсатар. Ааҕан көрөөр эрэ. Ол кэриэтин инники дорҕоонуҥ биир буоллаҕына, рифманы сырсыбатыҥ ордук.Үчүгэй хоһооннор.

              0
  • АЛГЫСТААНА
    7 февраля 2014  

    Түүл .


    Арай туран санаата5ына,
    Аар тай5атын са5атыгар,
    Аарыма улахан тыатаа5ы,
    Ар5аьын куурдэн турара.

    Аппаннас буолуор дылы
    Аьары кутанна, салыбыраан,
    Ата5ын суьуе5э салыбыраан
    Атылахча сэлибирээн ылла.

    Аадьуо дьэ ,тыын ылбытыы
    Араарбака ыксары туппут
    Аннар быьахтаах илиитин
    Адаарыпытынан далбааттана.

    Анарааныта елуу болдьохтоох
    Абыыр тииьин килэппитинньэн
    Атаралаан иьээхтиир эбит
    Абарбыт уолуйа ыксаабыт.

    Ар5гаьын туутуттэн харбаан
    Аллараа суллары сереен
    Адьас ыыппакка тутуспутунан
    Айманан хаьыытыгар уьугунна.

    Алдьархай кыылтан ,улту келеьун
    Аллан ,ыттын туутун сахсыйа
    Астаьа олорор эбит,ейдеебутэ
    Анаарыйа былаастаан уьугунна.

    0
    • АЛГЫСТААНА
      7 февраля 2014  

      Таптал түүлэ

      Истиий эн киирдин туулбэр,
      Илиибин сыьыары тутаннын,
      Имэннээхтик уураатын до5оруом,
      Итии сылаас уоскунан сигэллэн.

      Иэйиилээх тылары хатылаан
      Илибирэс уоскун да5айан,
      Иэдэспэр сыьыары тутаннын,
      "Мин эйигин а5ынным сэгэриэм".

      Иэйии кыыма кытыасттан,
      Икки сурэх ахтыьар туунун
      Имэннээх таптал суоьугар,
      Истин ахтыьыы теленнун

      0
      • АЛГЫСТААНА
        7 февраля 2014  

        Харысхал күлүүһэ


        Айыы куо ,тапталын иэйиитин,
        Аьыллар талаанын ,аан арыйан,
        Алыыптаах сэгэрин саныырын,
        Айар кутугар харысхал ситимин.

        Айыы сирин ,уеьээнги дьайыылара,
        Аан дайды мугуттуур алыыптаах
        Аналын , ыйылыбыт айыыьттара,
        Арчылыыр кемускэлин тустэннэ.

        Аараттан , кер онньуу оностон,
        Алгаска киирэннит былдьаныман,
        Айгыраайыкыт сыыьа уктэннэн,
        Аптаах тылга сереене уохтуман.

        0
        • АЛГЫСТААНА
          7 февраля 2014  

          89841146196

          хоьоонорбун көрдөрө аҕалым,
          баҕар маннык элбэхтик
          аҕалан көрдүөрөм табыллыбата дуу,
          бокуойданнахынна көрөргөр көрдөһөүн.

          0
          • АЛГЫСТААНА
            11 февраля 2014  

            .

            Кыалыбата да быһыыта,
            Махтал эһиэхэ син биир,
            миэхэ субэлээбикитинньэн
            ырытан суруйарбын саҕалаатым.

            0
  • Маайыстыыр
    17 марта 2014  

    Ардах билгэтэ.

    Итии да итии,
    Куйаас да куйаас.
    Сир ийэ барахсан
    Итиинэн илгийэр,
    Куйааһынан кутар.

    От ыйын ортото -
    От кэмин оройо.
    Охсон куһуйабын,
    Бугул туруорабын,
    Кээһэн дьэндэтэбин.

    От быыһыгар арай
    Ойуоккалыыр баҕа,
    Ардаҕы билгэлээн,
    Аа-дьуо алтахтыыр,
    Кыратык бааҕырҕыыр.

    Былыттар ааһаллар,
    Көлөһүн саккырыыр.
    Түргэнник хамсанан,
    Тураллар бугуллар,
    Туттуу -хаптыы ыксыыр.

    Арҕааттан тыал үрэр,
    Бугулларбын ыһар,
    Ыаҕастаах уу түһэр,
    Кээһиибин инчэтэр,
    Миигин дьиэбэр үүрэр.

    25.01.2012
    Баҕа кырыыһа

    Бааҕыргыы-бааҕыргыы биирдэ
    Быччаччы көрөн олорон,
    Баҕа күтүр кыраабыта,
    Алҕаска хотуурга киирэн,
    Иһэ-үөһэ тахса сытан.

    Ол тыллартан куттанаммын,
    Сүр күүскэ хаһыытаабытым.
    От кээһэ сылдьар убайым
    Сүүрэн кэлбитэ түргэнник
    Соҕотох балтын быыһаары.

    Баҕаны киэр илгибитэ,
    Ситэрилээн үктээбитэ,
    Баҕа тиһэх кырыыһын ылан,
    Бэйэтигэр түһэрбитэ –
    Мин сордоохтон тэйиппитэ.

    Онтон күһүн ыалдьыбыта,
    Сыппыта өр балыыһаҕа
    Оронтон өр турбакка,
    Инбэлиит буолан тахсыбыта,
    Үс сыл эрэйи көрбүтэ.

    Бэйэтин толук уурунан,
    Быыһаабыта ыар кырыыстан,
    Билигин да арыт истэбин,
    Тиһэх тыыннарын былдьатан,
    Бааҕыргыыр баҕа саҥатын...

    0
  • Маайыстыыр
    20 марта 2014  

    Быраҕыллыбыт дьиэ иһиттэн...

    Быраҕыллыбыт дьиэ иһиттэн
    Ким эрэ миигин одуулаһар,
    Кэдэҥэлиир иэним ол тымныы
    Быстах барбыт олох тыыныттан.

    Тоҕо миэхэ кини туһаайда
    Хараҕын тургутар көрүүтүн?
    Хараҥа таас түннүк нөҥүөттэн
    Тоҕо кэтээтэ мин көстүүбүн?

    Миигин бэркэ билэр буолан дуу
    Хас барар хардыыбын манаата.
    Хаһан эрэ таптаан санаарҕаан
    Миигин батыһа көрдөҕө дуу.

    Бырастыы, билбэппин эйигин -
    Атын эйгэ суоһар кулутун,
    Ааспыт олох хара күлүгүн-
    Буор кута кистэммит киһини...

    0
  • Маайыстыыр
    24 мая 2014  

    Дьоллоохпун дуу, дьоло суохпун дуу...

    Дьоло суохпун
    Күлүк курдук күлүгүлдьүйэрбэр,
    Күнү халтай ыытарбар.

    Дьоллоохпун мин
    Күннүү сыдьаайа дьоҥҥо тыгарбар,
    Күлүү-үөрүү аһарбар.

    Дьоло суохпун
    Кырыыс муҥун сүгэ сылдьарбынан,
    Кылгас санаа сииринэн.

    Дьоллоохпун мин
    Кынаттанан үөһэ көтөрбүнэн,
    Кыырайан тахсарбынан.

    Дьоло суохпун
    Кэтит кэнчээрилэммэтэхпинэн,
    Кыыһа-уола суохпунан.

    Дьоллоохпун
    Кэриэспин этэр кэккэ дьоммунан,
    Кэлэр кэмҥэ баарбынан.

    0
  • Маайыстыыр
    24 мая 2014  

    Дьоллоохпун дуу, дьоло суохпун дуу...

    Дьоло суохпун
    Күлүк курдук күлүгүлдьүйэрбэр,
    Күнү халтай ыытарбар.

    Дьоллоохпун мин
    Күннүү сыдьаайа дьоҥҥо тыгарбар,
    Күлүү-үөрүү аһарбар.

    Дьоло суохпун
    Кырыыс муҥун сүгэ сылдьарбынан,
    Кылгас санаа сииринэн.

    Дьоллоохпун мин
    Кынаттанан үөһэ көтөрбүнэн,
    Кыырайан тахсарбынан.

    Дьоло суохпун
    Кэтит кэнчээрилэммэтэхпинэн,
    Кыыһа-уола суохпунан.

    Дьоллоохпун
    Кэриэспин этэр кэккэ дьоммунан,
    Кэлэр кэмҥэ баарбынан.

    0
  • Маайыстыыр
    30 января 2015  

    Хабыс-хараҥаҕа

    Хабыс-хараҥаҕа
    Хаамабын сэрэнэ -
    Ханна туох күүтэр,
    Хайдах туох буолар?

    Харбаан ылыаҕа дуу,
    Хабарҕалыаҕа дуу -
    Халбарыс гыныым,
    Халтай харбатыым.

    Хаһан эмэ син биир
    Хараҥа сүтүөҕэ,
    Хааным оонньуоҕа,
    Халлаан сырдыаҕа.

    0
    • Маайыстыыр, дорообо
      3 февраля 2015  

      мариябын

      Тыл үөрэхтээҕэ буолбатахпын, санаабын суруйа сатыыбын, сыыһам элбэҕин өйдүүбүн, биир кыра хоһоону кыайбатым, примерно маннык:

      Кырдьык, сөпкө алҕас эттэҕиҥ-
      " Үөрэр күҥҥүн да бэлиэтииргэр
      Эйиэхэ кимин кэлиэҕэй"- диэн,
      Харахпын " астыҥ" ,сэрэммэккэ,

      Бэйэм сөҕүөм иһин дьэ, чахчы
      Миигин билэр киһим да кэмчи,
      Хайыам баарай, олоҕум оннук,
      Элбэх дьоннуун алтыспатым.

      Дьиэм түбүгүн өрө тутаммын
      Биир сиртэн- уоттан ырааппатым,
      Оҕом- уруум кутун иччилээн
      Ийэ буоламмын сирдэрбэтим,

      Күнүн ахсын чуҥкуйбутум суох-
      Дьиэм иһэ толору оҕо- сиэн,
      Дьонум- сэргэм миигин тумнубат-
      Дьиҥнээх дьол диэн- ол эбит диэтим.

      Итинник. Хайдаҕый, киһи уларытыан сөп дуо?)))

      0
      • Маайыстыыр
        4 февраля 2015  

        Киһи уларыта сатыыра туох да суох курдук.

        Санааҕын өйдөнөр гына эппиккин.

        0
        • Маайыстыыр, дорообо
          4 февраля 2015  

          мариябын

          Махтал.Өссө хоһоон ыытыым, иллэҥсийдэххинэ баһаалыста сыаналаар, өһүргэһим суохsmiling face with open mouth

          Илин эҥэртэн

          Истэҕиэн, илин эҥэр алаастан
          Саха " һайдыыр" саҥатын,
          Көрөҕүөн, ол алаас чараҥар
          Күммүт урут тыгарын?

          Манна айыы тыына түспүт сиригэр
          Алтан Сэргэ анньыллыбыт,
          Манна айыы кыһата тэнийбит буоругар
          Аан бастаан олоҥхо ылламмыт,

          Сах саҕаттан саҕылла умайан
          Саха итэҕэлэ манна төрүттэммит,
          Түҥ өбүгэ үгэһин тутуһан
          Үрүҥ тунах ыһыах манна ыһыллыбыт,

          Сахалыы анаарар салгын куттаах буоламмыт
          Атын итэҕэли иҥэринэ сатаабатыбыт,
          Ийэ куппутун илдьэ сылдьар буоламмыт
          Арҕаа омук таҥаратын ылымматыбыт,

          Истэҕиэн, илин алаас сыһыыттан
          Саха " һайдыыр" саҥатын,
          Билэҕиэн, саха буоларбыт саарбаҕа суоҕун
          Урааҥхай улуу тулуура туоһулуурун!

          0
          • Маайыстыыр
            5 февраля 2015  

            Үчүгэй хоһоон, рифмалаах, туруору, сытыары,

            дорҕоон дьүөрэлэһиилээх.Ис хоһооно бэркэ бэриллибит.Арай строкаҥ сүһүөхтэрин көрүнэ түс диэн этиэххэ сөбө буолуо эрээри, эйиэнэ хайдах эрэ бэйэтин иһигэр дорҕоон дьүөрэлэһиилэх буолан үчүгэй тэтимнээхтик иһиллэр.Мин санаабар, бэйэҥ сиппит-хоппут суруйуулаах киһигин, онон көннөртөрө хайыы сатаама.Ситиһиилэри баҕарабын!

            0
            • Маайыстыыр, дорообо
              5 февраля 2015  

              мариябын

              Улахан махтал, уруккуттан эһини булан сыаналатыахпын баҕарар этим, санаабын кынаттаабыккар махтанабын!

              0
  • Маайыстыыр
    28 февраля 2015  

    70 cыл

    Түөрт уон икки сыллаахха
    Түөрт эрэ саастаах уол этим,
    Аҕам баарта сэриигэ
    Аймана хаалбыппыт биһи.
    70 сыл – ийэккэм суох буолта,
    70 сыл – тулаайах хаалбытым.
    Сэттэ уон сыл ааста дии,
    Хаһан кэлэҕин, оо, аҕам,
    Кырдьан да олороммун
    Эйигин олус суохтуубун.
    70 сыл – күүттүм дии эйигин,
    70 сыл – аҕа, аҕа, аҕа.
    Сураҕа суох сүппүтүҥ,
    Сүрэххэ эрэли хаалларан,
    Билигин да суол устун
    Эн иһэргин кэтиибин мин.
    70 сыл – сэрии суох биһиэхэ,
    70 сыл – эйэ, эйэ,эйэ.

    0
    • Сан Саныч
      21 марта 2015  

      махтал эйиэхэ ветеранна

      Дойдутун дьонун хаалларан,
      Аттанна эдэр уол сэриигэ.
      Аймаммыт харахтар хааллылар,
      Кинини кэтэьэ долгуйа.

      Сэрии ыар тыыныгар ылларан,
      Корбутэ хара5ар элбэ5и
      Олуу тиллии суолтатын
      Ойдообутэ, билбитэ, этинэн.

      Дьоннорун туьугар охсуьан.
      Тиийбитэ кини Берлиннэ.
      Кыайыы орогойун уьансан
      Туруммута торообут алааьыгар.

      Сайынны нурал киэьэ5э,
      Тиийбитэ дьлнугар тоннон
      Аймаммыт долгуйбут харахтар.
      Туоллулар уорууннэн дьолунан

      Э5эрдэ буоллун эйиэхэ,
      Хорсун ходуот саллаака.
      Биьиги дьоллоох олохпут иьин,
      Тыыннын толук уурбуккар.

      @Сан Саныч.

      0
  • Маайыстыыр
    21 марта 2015  

    Сан Саныч, эҕэрдэ!

    Форумҥа киирбиккинэн!

    0
    • Дорообо Маайыстыыр.ъ
      21 марта 2015  

      Махтал

      0
      • Сан Саныч
        21 марта 2015  

        Маайыстыыр дорообо!

        Форум олохтоохторугэр эмиэ улахан э5эрдэ. Бугуннугэ ситиьиилээх куну. Сааскы халлаан сылыйбытынан!

        0
        • Сан Саныч
          21 марта 2015  

          эьиэхэ кэрэ анаардарга

          Эььиэхэ кэрэ анаардарга

          Кимнээх биьиэхэ астааннаар,
          Куутэллэр улэбиттиттэн.
          Кимнээх тотор аьынан,
          Кундулууллэр биьигини.

          Сылайан элэйэн кэллэххэ,
          Санаабытын кото5оллор.
          Сэьэргээн, кэпсээн биьиэхэ.
          Сурэхпитин долгуталлар.

          Бу буолаллар биьиги дьоммут,
          Бастын нарын анаардарбыт.
          Балты, ийэ, эбээ, кыыс.
          Биьиги таптыыр куоларбыт.

          Бугун кэлбит куннутунэн,
          Бастын тыллары аныыбын.
          Тобуктаан туран эьиэхэ5э,
          Таптал тылларын этэбин.

          Эьиги баар буолан тыыннаахпыт,
          Эйэ5эс мичээрдээх аналларбыт.
          Э5Эрдэ урдук чыпчаала,
          Эьиэхэ ананнын барыта.

          @Сан Саныч

          0
  • Маайыстыыр
    26 марта 2015  

    Туллук

    Туллук, туллук,
    Быыкаа туллук,
    Доҕуурдарга иҥнимэ,
    Дойдубуттан сүтүмэ.

    Туллук, туллук,
    Быыкаа туллук,
    Туундараҕа барыма,
    Тунал хаарга саһыма.

    Туллук, туллук,
    Быыкаа туллук,
    Соҕурууттан кэлэргин
    Соһуйакка күүтүөҕүм.

    Туллук, туллук,
    Быыкаа туллук,
    Хоту сиргэ бараргын
    Хоргутаммын ыллыыбын.

    Туллук, туллук,
    Быыкаа туллук,
    Мэлдьи баар буол дуу манна
    Миигин кытта кыра чыычаах.

    0
  • Маайыстыыр
    28 марта 2015  

    Саҥа күнү көрсүү

    Сааскы күн саҕахтан
    Сандааран тахсарын
    Саастарым баттааннар
    Санньыйа көрсөбүн.

    Саҥа күн үүнээхтээн
    Саастарбын эбээхтиир,
    Сарбыйар олохпун -
    Сүтэрэр биир күммүн.

    Күүппэппин олохтон
    Күндэлэс сааскыны -
    Күүтэ түс, күрээмэ,
    Күннээҕи түбүгүм!

    Күн тахсарын аны
    Күүппэппин эрэнэ,
    Кырдьыы бэлиэтэ дуу,
    Кырыыс муҥа дуу, ээ...

    0
  • Маайыстыыр
    28 марта 2015  

    Үтүөкэн да кэмнэр үүннүлэр

    0
    • Маайыстыыр
      28 марта 2015  

      Үтүөкэн да кэмнэр үүннүлэр

      Үрүмэ былыттар
      Үөһэнэн усталлар.
      Үрүмэччи сиккиэр
      Үрэйэр баттахпын.

      Үрдүк сиргэ тахсан,
      Үҥкүүлээн ылабын.
      Үүнээхтээн иһэллэр
      Үүт тураан киэһэлэр.

      Үүнээйи үөрүүтэ -
      Үнүгэс тыллыыта.
      Үөрүнэн көтөллөр
      Үөһэнэн көтөрдөр.

      Үрдүктэн үрдүккэ,
      Үөһэттэн үөһэҕэ
      Үүнэн-сайдан иһиҥ,
      Үөрэхтээх ыччатым!

      Үлүскэн үөрүүбүн
      Үллэстэн кэпсиибин -
      Үтүөкэн да кэмнэр
      Үүннүлэр иннибэр!

      0
      • Сан Саныч
        2 апреля 2015  

        Дойум ахтыл5ана.

        Сайынны куйаас киэьэ5э,
        Тахсабын оруьум биэрэгэр.
        Утаппыттыы э5ирийэбин,
        Дойдум ыраас салгынын.

        Ахтыбыт эбиппин эйигин,
        Торообут алааспын, сыьыыбын.
        Дойдум сылаас тыына,
        Долгутта мин эдэр сурэхпин.

        Саныыбын ааспыт мин сылларбын,
        О5о буолан сырсыьа оонньуурбутун.
        Сурэхпэр баар, мин комус до5отторбун.
        Кундуттэн кунду, уолээннээх дьоннорбун.

        Баар этэ манна дойдубар,
        Дьоллоох мин о5о сааьым сыллара.
        Баар этэ миэхэ барыта,
        Дьоннорум ииппит истин тапталара.

        Билигин тоьо да ыырааттарбыан,
        Ахтабын, суохтуубун олуьун.
        Хаьан да суппэттии барбаттыы,
        Кундутук сылдьа5ын сурзхпэр.

        Астынабын маннык сиргэ торообуппуттэн.
        Киэн туттабын торообут, Дойдубунан.
        Мин кимнээ5эр бугун дьоллоохпун,
        Эйигинниин корсуьэр тугэмминэн.

        @ Сан Саныч.

        0
        • Сан Саныч
          2 апреля 2015  

          Санаалар.

          Туун, эмиэ туун
          Тулабар чуумпу.
          Хоспор со5отох олорон,
          Хоьуйар тылларбын кордуубун.

          Санаалар, араас санаа
          Элэннээн оонньууллар тулабар.
          Ааспыт кэм ахтыл5аннара
          Бу баардыы костор ааьаллар.

          Утуйар уубун умуннаран.
          Урукку кэми санатан.
          Аал уот кыымыныы.
          Оонньууллар кытыаста умайа.

          Сурэ5им кистэлин соргутэн
          Санаабар санааны эбэн.
          Сырдыгынан угуттанан
          Элбэ5и этиэх курдуктар

          Бу маннык кэмнэргэ.
          Чуумпуга истэбин бэйэбин
          Сааьылаан коробун ааспыты
          Хас биирдии санаабыт санаабын

          @Сан Саныч.

          0
  • Маайыстыыр
    2 апреля 2015  

    Cуолтата суоҕу суруйан
    Саатыыбын суоҕу сулуйан.
    Соҕотох бөрө улуйар -
    Ситэри иһит тулуйан.

    Соҕотох аата соҕотох -
    Санаата олус муҥутах.
    Санньыйбыт былыргы өтөх,
    Сороломмут кирдээх атах.

    Сор уонна муҥ алтыһаннар
    Сордооҕу сул суоллаабыттар.
    Сулустар тымныытык тыган,
    Суох гыммыттар сылаас тыынын...

    0
    • Сан Саныч
      2 апреля 2015  

      Олххо буолар элбэх,
      Олоххо буолар араас.
      Ол курдук, олох суолунан.
      Охсуллан ааьабыт араастаан.

      Баар олоххо учугэй,
      Баар олоххо куьа5ан.
      Бу мантан талларар,
      Биьиэхэ барыахтаах суолбутун.

      Тапталы холбуур,
      Тапталы араарар.
      Таабырын таайтаран,
      Тулабытыгар оонньуур.

      Арыт туьуулээх,
      Арыт тахсыылаах.
      Арааьынайдаан мускуйар,
      Араастарынан киирэр.

      Тулуйааччы тулуйар.
      Тобуктааччы тобуктуур.
      Туорааччы туоруур.
      Тулуурдаах ордор.

      Ол курдук олох,
      Одун хаан суолунан.
      Ордон тыыннаах хаалан,
      Оргууй охсуллан иьэбит.

      @ Сан Саныч.

      0
  • Маайыстыыр
    17 апреля 2015  

    Таптаатым эйигин, таптаатым
    Таҥара бэлэҕэ бу дьолбун.
    Түүннэри эйигин санааммын
    Түлүк уум айманна, сайҕанна.

    Турабын эйигин көһүтэн,
    Туналы ыйдаҥа күөнүгэр
    Тумара хаардарым иэнигэр
    Тумаҥҥа муммут сүрэхпиниин.

    Таайбараҥ хараҕа дьиримниир,
    Талыы тарбахтара илимниир.
    Таайыаҥ дуо ис дьиҥмин, сэгэриэм,
    Талан ылыаҥ дуо куоттарбаттыы?

    0
    • Сан Саныч
      21 апреля 2015  

      боруоба

      Таптыыбын эйигин мин эрэ,
      Тапталлаах истин до5орбун.
      Эйиэхэ эрэ со5отох бу сиргэ,
      Этэбин мин таптал тылларын.

      Кыбыстан утары короргун,
      Коробун харахпар онорон.
      Килбик нарын бэйэ5эр,
      Кистээн сипсийиэм тапталы.

      Булуум эбэм биэрэгэр,
      Барыахпыт иккиэн сиэтиьэн.
      Булуохпут сибэккиилээх кырдалы,
      Билиниэм тапталга сэгэрбэр.

      @Сан Саныч

      0
  • Маайыстыыр
    21 апреля 2015  

    Сэрии уотугар өлбүттэр -
    Сэрииттэн төннүбэтэхтэр
    Сүрэхпититтэн сүппэттэр,
    Сүрү-куту долгуталлар.

    Соҕотох ийэҕит кэтэһэн
    Сылабаар өрөрө күн аайы,
    Сып-сырдыктык мичээрэн,
    Сып-сылаас лэппиэскэ астыыра.

    Сайыҥҥы сардаҥа санньыйан,
    Сылайбыт аҕаккаҥ санаарҕаан,
    Сөрүүҥҥэ таһырдьа тахсара,
    Саппыйатын аргыый хастара.

    Саҥастар, кийииттэр, ойохтор
    Саастара барарын билбэккэ
    Санньыар-курус оһохторго
    Саннылара бигэнэрэ.


    Суохтар билигин ийэлэргит,
    Сылаас хоойдоох ойохторгут,
    Сыһыы үрдүк кырдалыгар
    Сыталлар уһун ууларыгар...

    Суолга ким аны хаһыытыай:
    "Саллааттар иһэллэр, оо, аҕаа!"
    Сэттэ уончалаах оҕолорго
    Сэрии бүппүт эбит буоллаҕа...

    Синиэлгин сүгэн иһэргин
    Сыһыы уҥуортан кэтиибит,
    Сэмээр ким эрэ кэлиэ диэммит
    Саллааты аара күүтэбит.

    Сэттэ уонча сыл тухары
    Сылайбат санаа тулуһар,
    Сыгынньах, чэрдээх атахтар
    Суол устун сүүрэллэр утары.

    Сэрииттэн кэлбэтэх аҕалар,
    Сурдьулар, убайдар, таайдар,
    Сулустаах пилотка кэтэннэр
    Субу тиийэн кэлиэх курдуктар...

    Суостаах сыллар геройдара -
    Сураҕа суох сүппүт буойуннар,
    Син-биир биһиэхэ тыыннааххыт,
    Сиргит кэтэһэр барыгытын...

    0
  • Маайыстыыр
    27 апреля 2015  

    Алаас уолаттара
    Ходуһа отторо
    Хоҥкуйа хамсыыра,
    Хотуурдар тыастара
    Хоҥкунуу дайара.
    Алаас уолаттара -
    Албан аат саллааттара.

    Хотууру ыйааннар
    Ходуһаттан тахсан,
    Аттарын мииммиттэр,
    Алаастан арахпыттар
    Алаас уолаттара -
    Албан аат саллааттара.

    Ардах, хаар аннынан
    Арҕаа диэки айаннаан,
    Аптамаат тутаннар
    Атаакаҕа ааспыттар
    Алаас уолаттара -
    Албан аат саллааттара.

    Эдэркээн уолаттар
    Эйэ, дьол, олох иһин
    Хорсуннук сэриигэ
    Хотойдуу киирэллэр -
    Алаас уолаттара -
    Албан аат саллааттара.

    Кыа хаанынан устан,
    Кыайыы иһин охсуһан,
    Өлбүттэр геройдар,
    Өспүттэр харахтар:
    Алаас уолаттара -
    Албан аат саллааттара.

    Күөх томтор буоругар
    Көмүллэн сытаҕыт,
    Күөрэгэй дьырылыыр
    Күөх да күөх халлааҥҥа,
    Алаас уолаттара -
    Албан аат саллааттара...

    Аар хатыҥ суугунуур,
    Аргыый түптэ устар,
    Ааттаргыт ааттанар,
    Алааскытыгар хаалар,
    Алаас уолаттара -
    Албан аат саллааттара!

    0
    • Сан Саныч
      29 апреля 2015  

      Эьиэхэ бэтэрээннэр

      Эдэр сааьы билбэтэх,
      Эр бэртэр хоьууннар.
      Эйэ дьол иьин охсуспут,
      Эдэр буойун саллааттар.

      Барбыттара сэриигэ,
      Биьигини комускуу.
      Билбиттэрэ кинилэр,
      Бу сиргэ баар иэдээни.

      Туохтан да толлубакка,
      Турбатахтара куттанан.
      Тыын тыынна киирсэннэр,
      Турууласпыттара эйэни.

      Албан аат буоллун эьиэхэ,
      Аан ийэ дойдуну комускээбиттэргэ.
      Анда5Айабыт бииьиги,
      Ааккыт уйэлэргэ ааттаныа.

      @Сан Саныч

      0
      • Сан Саныч
        29 апреля 2015  

        Санаам миэнэ.
        Саныыбын до5оруом эйигин,
        Сэмээр кэтэьэр курдукпун.
        Саната суох сылдьартан сурэ5им.
        Сылайар, аймана харааста.

        Билигин миэхэ5э ыарахан.
        Бутуллар санаам миэхэ5э.
        Буруйум туохханый сэгэриэм?
        Булбатым, эппиэти мин бугун.

        Саныырым кууьурдэр кууьурэр.
        Сэгэриэм билбэккин эн ону.
        Сып сылаас сыьыаннар эрэнэ,
        Свныыбын кунтэн кун куускэ.

        Билбэппин эн тугу саныыргын?
        Билбэппин кими эн кутэргин?
        Билэ5ин, мин эйигин ТАПТЫЫРБЫН.
        Билэ5ин, оруу ЭЙИГИН куутэрбин

        Кунтэн кун ааьар кураанах.
        Курус кэм кууьар миигин.
        Кураанах мин дууьа буоламмын,
        Котобун халтайга эрэнэн.

        Кэм кэрдии кордоруо барытын.
        Кун туун быьаарыа иннибин.
        Кэтэьэбин ЭЙИГИН мин эрэ.
        Кунду ТАПТЫЫР киьибин.

        @Сан Саныч.

        0
  • Маайыстыыр
    15 июня 2015  

    Сиэйэ уолугар
    Күн сирин көрбүт күҥҥүн
    Хаайыы иһигэр көрүстүҥ,
    Хайдах да сырыттаргын
    Хаайыы аата хаайыы...

    Харах кыайтарбат уута,
    Хараастыы ыар кута
    Хаайаллар биһигини
    Кыах тиийбэт уоруттан...

    Ырыаһыт чыычаах
    Көҥүл сылдьан ыллыыр,
    Көхтөөх олоҕу туойар,
    Күөх сайыны уруйдуур...

    Тоҕо эрэ норуот баҕата
    Тууйуллар дии сокуонтан,
    Тоҕо эрэ көмүөл күүһэ
    Кэхтэр тымныы харгыстан...

    Ырыаһыт ымыы чыычаах
    Көҥүл дайа сылдьыахтаах,
    Олоҕу үөрэ туойуохтаах,
    Хаайыыттан босхолонуохтаах!..
    31.05.2015

    0
  • Маайыстыыр
    21 июня 2015  

    Сэргэ
    Томтор буолаҕа турар соҕотох сэргэ.
    Тымныы, тыйыс тыал кэтиллэр киниэхэ,
    Тумна ааһар сылаас иэниттэн торуллан -
    Тула сырдык, ыраас кутурҕан кутуллан.

    Харах уулаах оҕо саас мэҥэтэ - сэргэ
    Хараастыы кутун иҥэринэн бу сиргэ
    Хоройон турар томторго соҕотох -
    Хомолто, аһыы тулаайах оҕото.

    Сааһырдар да уол оҕото саныыра,
    Сайыһа хаалбыт ийэ кута ытыыра.
    Сир үрдүгэр сүппэтэх аҕа таптала,
    Соҕотох хаалбыт дууһа кыланыыта.

    0
  • андрей333
    31 июля 2015  

    Маайыстыыр дьексе биирдэ дорообо .хоьоонноргун сахалыыларгын дьэ кердум аахтым , олус учугэйдик суруйагын . эн этиий миэхэ ити кун мичээрэ хоьоонноро диигин эмиэ да маайыстыыр , суруйбутун олох ырааппыт , мин сана суруйан эрэбин. Ити курдук биирдэ эмит суруйдахпына тулам кытта сырдыырга дылы , хоьоон тылынан санаам кытта ардыгар уерэн ардыгар хараастан илгийэр , тулабар энин дьикти ырыа тойук серуун тыал сиккиэрэ буолан миигин эргичитэр урбачытар , ардыгар бере буолан улуйар туолбут ыйы ойуулаан, ардыгар этэ кыыл буолан хаьыытыы оту маьы ыскайдыыр , силбиэтэнэн илгистэн холорук да буолан керебун кетебун , хотой тойон да буолан кетебун уеьээ уеьээ куех кыырай Халлаанна ..

    0
  • Маайыстыыр
    27 августа 2015  

    Андрей, дорообо!Ээ, хос аатым элбэх. Пелагея Егорова, Мичээр, Күн Мичээрэ, Маайыстыыр, Сайыына...Туох өйбөр-санаабар киирбитин мин тус баайым буолбатах диэн суруйабын, хайдах тахсарынан. Тулам сырдаабат, хотой буолан да көппөтөрбүн син арыт санаам баран сүрэҕэлдьээбэтэхпинэ суруйабын. Бүгүн ардах түһэн, таах сытыахтааҕар ити нууччалыы ат туһунан хоһоон суруйдум, ырыа курдук тахса турар. Нэһиилэ бүтэрдим. Эмпин иһэн баран чаас аҥаара аһаабаппын, онтон сылтаан ватсаптыыбын да, арыт күнү быһа суох буолар.

    0
  • андрей333
    27 августа 2015  

    Эн хоьуйар алааьын тубустун,
    Хатыннаах тииттэрдээх эн тулан.
    Эйэгэс хоьоон тылын хобото ,
    Хомус ырыа дьуруьуйэ дуорайдын.

    Аптаах утумэн угус тылларын ,
    Имэн кунду уран иэйиилэрин.
    Абылыыр , уйаны долгутар долгуна,
    Ийэ ага санаатын уердэр кетегер.

    Манньытар сылааны киэр кыйдыыр,
    Ологу сырдатар сыламнатар омуна.
    Маннык утуе дьон бааллара учугэйиэн,
    Орто дойду киэн туонатын тупсара

    0
  • Маайыстыыр
    27 августа 2015  

    Махтал!

    0
  • андрей333
    7 сентября 2015  

    Маайыстыыр
    Аата, миэхэ анаммыт курдук буолан, Һа-һа, Һи-Һи.

    0
    • андрей333
      7 сентября 2015  

      андрей333, маайыстыыр туох буолан ити тылларгын мин айаным аартыгар ыстын , туохха еьургэнэн серуестэн тылынан ооеньоотун ! Оонньоспут диэги атын согус иэгиилээх , тардыылаах.
      Эн суолгар Кири хогу ыспатагым .! Итини мин да сатыыбын . ол эрэн атын киьи суолугар санаам буолбат холлуохпун!

      0
  • Маайыстыыр
    7 сентября 2015  

    Өһүргэнимэ, тылыҥ-өһүҥ тоҕо толооһой.

    0
  • кулумнуур
    кулумнуур
    Охотник Рыболов
    14 сентября 2015  

    8н8рук куйааска уна-тиллэ
    илии хотуурунан от охсубатах
    ийэ к8л8сунун то5он
    кыдаманан от туруорбатах
    тымныы ууну булкуйан
    илимтэн балык араарбатах
    Олорор дьиэтин масын
    саннынан сукпэтэх
    томороон тымныыга
    саасаан масы хайыппатах
    ынчыктыы-б8ту8хтуу батыллыбыт
    тараахтары тасаарсыбатах
    Сындыл5аннаах уулэни
    этинэн-хаанынан билбэтэх
    тыа киситин кысал5атын
    туулугэр да баттатан к8рб8т8х
    трибуна урдуттэн у8гулуур
    Кысыл тылынан эрэ кыырар
    Саха Сирин салайар
    бэйэлэрин иннин к8рунэр
    урдук сололоох тойоттор
    Букатын наада суохтар!

    0
  • Маайыстыыр
    14 сентября 2015  

    Күлүмнүүр, сөпкө этэҕин. Сахалыы шрифт киллэрэриҥ буоллар.

    0
  • Маайыстыыр
    14 сентября 2015  

    Киһи киһиэхэ сыһыана
    Арыт кэмнэнэр атынынан:
    Көмүллэр күҥҥэр атаарсыбыт
    Атастарыҥ ахсааннарынан.

    Ким эрэ кэлбэт ахсарбакка,
    Иллэҥ кэмин бараабакка.
    Ким эрэ кэлэр саараабакка,
    Үлэтин күнүн аахсыбакка.

    Оо, дьэ, барыта бары абакка,
    Урууларыҥ урут умналлар.
    Кыыһырбаккын бары аймахха,
    Кыралаан быраһаайдаһаллар.

    Сэнии саныыр киһилэрин
    Сэтэрээбиттии күлэллэр.
    Солото суох аатыраннар
    Сылдьыбаттар көмөр кэмҥэ.

    Ким барыта өлөр-сүтэр,
    Мэлдьи баар буолбаппыт бу сиргэ.
    Киһи хайдах сигилилээҕэ
    Биллэр ээ, бэл тиһэх күҥҥэ.

    0
  • Маайыстыыр
    5 октября 2015  

    Элгээйи интернатыгар бииргэ үөрэммит уолаттарбар

    Ханна эрэ саспыт оҕо сааспар
    Хаартыскаттан түһэн кэллим:
    Хап-хара төгүрүк харахтардаах,
    Хаар курдук дуу мап-маҥан сирэйдээх.

    Кылаас мэник-тэник уолаттара
    Куобах дииллэрин билбэккэ,
    Чопчу билэр киһи быһыытынан
    Чуопчаара турбутум мин хоруйдаан:

    "Куобах сиир моркуобу, хаппыыстаны",-
    Күлбэтэхтэрэ уолаттар,
    Онтон бары муннукка бараннар
    Дьоһуннанан сүбэлэспиттэрэ.

    Кытыарбатахтара биһигини:
    кыргыттары үүрбүттэрэ.
    Кыыһырдыахтарын баҕарбаккалар:
    "Күүтээриҥ, кэлиэхпит," - диэбиттэрэ.

    Күлсэн быычыгыраспыппыт онтон
    Куйаар түптэ кутуруктар.
    Кылыыҥкайдыы оонньообуппут онно
    Кинилэри күүппэккэ сырбайдар.

    Кэлбиттэрэ уолаттар хойутуу,
    Кирээстээх илиилэрин кистии.
    Ыҥырбыттара ала-чуо миигин,
    Ыкса турбуттара чугуруҥнуу.

    Куобах оҕотун аһатаарылар
    Хаппыыстаны аҕалбыттар.
    Куттанаммын куотаары гыммыппар,
    Кыргыттарбын эмиэ ыҥырдылар.

    Хантан ылбыттарын ыйытаммыт,
    Үлэлээбиттэрин биллибит,
    Хамандыырдара кэмчиэрийбэт:
    Үөрэ-көтө кэпсээн астынныбыт.

    Кочерыжкатын сиэн-кирэн барбыппар
    Куһаҕана диэн эттилэр,
    Оҥой-соҥой көрбүппэр аһынан,
    Олоччутун да көҥүллээтилэр.

    Онтон, доҕоттоор, ыстаан сиэбиттэн
    Ороон таһаардылар моркуобу.
    Олус кирдээх диэммит чымаадыстаан,
    Ончу сиэмээри гынныбыт ону.

    Тииһинэн тиниктээн ыраастааннар,
    Тииҥ курдуктар, дээ, уолаттар.
    "Мин сууйбутум ээ", - диэн кыра уолбут
    Миэхэ сэрэнэн уунар моркуобун.

    Герой курдук көһүннэ кыра уол,
    Кыргыттар үөрэ түстүбүт.
    Тиниктээбит уолаттары куттаан,
    Тиис ыраастаннылар түргэнник.

    Кырачаан сүрэхтэр тапталлара
    Куобах оҕотугар хаалбыта:
    Кыраны харыстыыр кутаалара
    Күөдьүйбүтэ учуутал кыһатынан...

    0
  • Маайыстыыр
    8 октября 2015  

    Кылгас түгэн оруола

    Олунньуга оҥоһуллан оҕолор
    Алтынньы ыйга роддомҥа төрүүллэр,
    Балаҕан ыйыгар айыллыбыттар
    Бэс ыйыгар күммүт сирин көрөллөр.

    Кыра Х хромосомнар аҕыйааннар,
    Кыыс оҕо буолаары кыймаҥнаһаллар.
    Х хромосомнар лаппа баһыйаннар
    Хороҕордоох уол оҕо кута түһэр.

    Барытын кылгас мүнүүтэ быһаарар,
    Барыбыт олохпут кэмэ түстэнэр:
    Кыыс оҕо буолан кырыллан кылбайарбыт,
    Уол оҕо буолан ох тутан ордоотуурбут.

    0
  • juluyaana
    8 октября 2015  

    Дорооболоруҥ!
    Наhаа үчүгэйдик суруйар дьон бааллар эбит. Мин хоhооннорбун кимиэхэ да көрдөрө иликпин. Маайыстыыр, сыаналыаҥ буолаарай. Хайдах да сыанабылга олус махтаныам.

    Мин ардаҕым

    Мин кэтэһэр ардах доҕоруом,
    Тиийэн кэллиҥ курус аргыстаах.
    Санаабын чэпчэтэр соро5ум,
    Сүрэхпин уоскутар ба5алаах.

    Күүппүтүм да5аны эйигин
    Былыкка сүбэ5ин тиэйэҥҥин,
    Таммах аайы эппиэт тиһэҥҥин
    Түннүкпүн тоҥсуйа кэлэргин.

    Кутуллар муударай тылгынан
    Өйбүн-санаабын сааһылыыгын,
    Ийэлии холку сыьыаҥҥынан
    Үрүҥү-хараны наардыыгын.

    Сымна5ас чуумпу эйгэ5инэн
    Ыарахан санаабын сай5ыыгын,
    Киьини өйдүүр бэйэ5инэн
    Саргылаах санаабын сал5ыыгын.

    Эн миигин эргиччи билэҥҥин
    Кыйдыыгын санньыарбын сура5а суох,
    Оо, эрэллээх ардах сэгэрим,
    Махталым эйиэхэ муҥура суох.

    0
  • juluyaana
    8 октября 2015  

    Сөҕөбүн
    Күн аайы бары ханна эрэ ыксыыбыт,
    Тугу эрэ гынан кэлэбит-барабыт,
    Хаһан да бүппэт түбүгү өрө тутан,
    Ханна да барбат үлэни өрө анньан
    Баҕарабын
    Тоҕо эрэ олоҕу уоскутан ылыахпын,
    Муоһатыттан тардан тохтото түһүөхпүн,
    Төбөтүн түөспэр ууран сиэлин өрүөхпүн
    Уонна биһик ырыатын сипсийэ ыллыахпын.
    Билэбин
    Кини сылайары билбэккэ дьүккүйүөҕүн,
    Уоскуйар хайда5ын билбэккэ сүүрүөҕүн,
    Мин баҕа санаам хоһооҥҥо эрэ туолуоҕун,
    Хаһан да айаас олох сыһыйыа суоҕун.

    0
  • Маайыстыыр
    8 октября 2015  

    Үчүгэй хоһооннор, иэйии баар, форматын тутуһаҕын. "Сөҕөбүн" диэн хоһооҥҥор строка бүтэһигэр арай олус элбэх туохтуур баарыгар дьон болҕойуон сөбө дуу. Онтуҥ рифмалаах буолан тупсаҕай. Киһи киһи араас. Сорох хараҕынан көрөр, сорох муннунан сыттыыр, сорох хамсаныы нөҥүө олоҕу ылынар. "Мин ардаҕым" хоһооҥҥор бастакы строфаҕын
    Мин кэтэһэр ардах доҕоруом,
    Санаабын чэпчэтэр соро5ум,
    Тиийэн кэллиҥ курус аргыстаах,
    Сүрэхпин уоскутар ба5алаах.
    сааһылаатаххына өйдөнөр курдук. Чэ, ситиһиини!

    0
    • juluyaana
      16 октября 2015  

      Маайыстыыр, улахан махтал! Өр ба5айы сатаан киирэн көрбөккө сырыттым. Наьаа да муударай, хас биирдии киһигэ бол5омтолоох, поэзия5а уопуттаах киьигин! Олус учугэйдик ырытар, септеех тыллары булан этэр дьо5ургун се5ебун. Өссө төгүл истиҥник махтанабын. Эйиэхэ доруобуйаны, ситиһиини баҕарабын!
      Киһи хоһооннорун ылла да кинигэ оҥорон бэчээттэтиэн сөп дуо? Өр кимиэхэ да биллэрбэккэ сылдьан баран, тоҕо эрэ билигин кэлэн бэчээккэ таһаарыах санаам кэлэр. Хайдах туохтан саҕалыырбын билбэппин. Баҕар, сүбэлиэҥ буолаарай?

      0
  • Маайыстыыр
    16 октября 2015  

    Бастаан айымньыларгын сааһылыыгын, биир сиргэ түмэҕин, алҕастаргын көннөрөҕүн. Элбэх алҕастааҕы корректордар ылыахтарын сүрэҕэлдьииллэр.Флешкаҕа быраҕан баран типографиялары кэрийэҕин. Сыаната эйиэхэ сөп түбэһэрин булаҕын уонна онно биэрэҕин. Хаачыстыбатыттан, форматыттан элбэх тутулуктаах. Тас оформлениетын толкуйдуугун. Ол онтон кинигэҕэр интэриэс үөскүүрүн саныахтааххын.Тираһыттан сыаната халбаҥныыр. Элбэх буоллаҕына, биир кинигэҕэ тиксэр сыаната удамыр буолар. Сатаан батарар кыахтаах киһи элбэҕи сакаастыыра ордук.

    0
  • Маайыстыыр
    16 октября 2015  

    Тиэмэлэринэн, суруллубут кэминэн эҥин сааһылыыгын. Кинигэҥ тас хаҕын, лииһин хаачыстыбата эмиэ оруоллаах. Шрибин, лииһин кээмэйин эҥин ыйыталлар. Кырдьаҕас дьоҥҥо, оҕолорго улахан шрифт барсар. Кинигэни атыылаан кыра барыс киллэриэххэ сөп, уопсайынан син сыанатын толуйар. Бэлэхтээбэт буоллаххына.

    0
    • juluyaana
      17 октября 2015  

      Маайыстыыр, дорообо. Толору сүбэлэгэр муҥура суох махтал! Сааһылыыр үлэбин саҕалаабыт киһи.

      0
  • Маайыстыыр
    17 октября 2015  

    Ханнык эрэ ырыа матыыба, сорох тыллара мэйиибэр эргийэн кэлэ тураллар, ол иһин бу хоһоону суруйдум:

    Тыа киһитин ырыата
    Күһүнүм миэнэ саһархай,
    Күнүн уота сандаархай,
    Кырыата күлүмүрдэс,
    Кыраһата чаҕылыҥнас.

    Ырыам миэнэ чугдаархай,
    Ыллык суолум саһархай,
    Ыра санаам чаҕылхай,
    Ыллар хардыым баһырхай.

    Сыһыы-хонуу олус киэҥ,
    Сайдыыр саҥам улахан.
    Сүөһү баар киһитэбин
    Саха буолан ииттэбин.

    Күлэ-күлэ саҥаран,
    күһүммүтүн көрсөбүн.
    Кырыа кыһын иһэрин
    Кыһанаммын күүтэбин.

    Былаан эмиэ балысхан,
    Бултуур санаа үлүскэн,
    Субу барардыы тэринэн,
    Сыыдам сырыы халысхан.

    0
  • Маайыстыыр
    14 декабря 2015  

    Ыппыт охтуу ыйылаан,
    Тыһы кыллыы сыыйыллан,
    Тыҥ хатыытын биитинии
    Ыйым-күнүм ыйыллар...

    Ити түргэн тэтимҥэ олорсон,
    Илдьэ кэлбиппин биэрдэрбиэн;
    Иһирик тумаҥҥа муммакка,
    Ийэ сирбэр илдьиппин эттэрбиэн...

    Сур соноҕос тэбэринэн
    Субуллар түргэн күннэрим
    Суон арҕастарыгар олорсон,
    Суолбун тэлэн аастарбыан...

    Барыга бары үтүрүттэрэн
    Баһаам баайы куоттаран
    Барыыбын ээ олохпун -
    Бу сиргэ күндү бэлэхпин...
    01.12.2015

    0
  • Маайыстыыр
    19 декабря 2015  

    Ыйбыт кытара дьэлтэйэр,
    Ыйыллар дууһам кыната -
    Ыра санаабын мэлдьэһэр
    Ырба ох сыалаах мэҥиэтэ.

    Ынырык түүл арыаллыыр,
    Ый толбонун анныгар -
    Ыраас хаарым кытарар,
    Ыччат дьоммун кытыарар...

    Ырыам тыла быстар
    Ыйдаҥа күлүгэр -
    Ырбыт ыт улуйар,
    Ый ону тууйар...

    Ыамматах ынах
    Ыҥыраннаҕа,
    Ыалдьыбыт киһи
    Ынчыктаатаҕа...

    Ыам бырдаҕа
    Ыстаатаҕа,
    Ытырыык ыт
    Ыйга барбыт...

    Ыйдаҥа
    Ыһыллар,
    Ытыырым
    Ыыспаҕа...

    Ырыа
    Ыллыыр
    Ырам
    Ырар...

    Ый.
    Ыт.
    Ый,
    Ыт...
    Ыт-ый...
    Ый-ыт...
    25.11.2015

    0
  • Маайыстыыр
    25 февраля 2016  

    Көтө-дайа сылдьыахпын,
    Үөрүү кыыма ыһыахпын,
    Төрөөбүт сир тыалыгар
    Санньыар санаа арыллар.

    Күммүн кууһа күлүөхпүн,
    Сулус сырса барыахпын,
    Күнүм сирин үрдүгэр
    Курус ырыа иһиллэр.

    Оҕо тэҥэ ойуохпун
    Орой мэник буолуохпун
    Орто сирим олоҕор
    Очур-чочур охторор

    Ол да буоллар, доҕоттор,
    Онон-манан да буоллар
    Күнүм тахсар күннэрдээх,
    Күлүм мичээр эркиннээх.
    24.02.2016

    0
  • Маайыстыыр
    25 февраля 2016  

    Ыйым туолар түүннэригэр
    Ыра санаам сэргэстэһэр,
    Ыйдаҥа тунал сырдыгар
    Ыһар сырдык утаҕыгар
    Ыраах куораттар тиллэллэр,
    Ытык хайалар кэлэллэр,
    Ырай сиринэн ымсыырда
    Ырыа-тойук ыллыырга.

    Чараас дьэҥкир былытттарым
    Чалбааттанар куттарыгар
    Чугас дьонум дууһалара
    Чугуҥнуу-дьиримнии оонньуур.
    Чыпчылҕан түгэнэ тырым
    Чыпчаххай курдук курбуулуур,
    Чаҕылҕан курдук сааллара
    Чуумпуну дьигис гыннарар.

    Хараҥа харыйа сиргэ
    Хааллар курус сордуун бииргэ,
    Хаһыытыыр кутун хам баттыы
    Хатанар кистэнэн ытыы...
    Хаарыс солко былаатынан
    Хараҕын уутун соттуммат,
    Хара буорга таммалыырын
    Хаһан даҕаны туттуммат...

    Симик тапталым сылааһа
    Сыламныы күүтэр алааһа
    Саҕахпын сыыйа арыйар.
    Санныбар тайана таайар.
    Суунабын ыйым кытаҕар
    Сыыйыллар көмүс утаҕар,
    Санаам баарыһа тиириллэр,
    Салгыҥҥа уйдара тиллэр.

    Көтөбүн сырдык туналга,
    Кэлэбин үрдүк аналга,
    Көрсөбүн дириҥ куйаарга,
    Күн эргийэр аар саарга,
    Куоппут сулус чаҕылларын,
    Күнүскү иэйии кыымнарын,
    Күүппүт үрдүк эрэллэрбин,
    Кутум сэмэй үөрүүлэрин...
    25.02.2016

    0
  • Маайыстыыр
    6 сентября 2016  

    Таптал таайыыта Тааттаҕа

    Үөмэх сулус анныгар
    Үөрүүм кыыма саҕыллар -
    Ойуунускай өтөҕөр
    Сылдьан аастым, оҕолор...

    Силбик оту кэһэммин
    Турдум онно иһийэн,
    Таптал нарын тылларын
    Сипсийдилэр хатыҥнар...

    Кыыс оҕо ырыатыгар,
    Кыыһар күнүм уотугар
    Кыттыста дии намыыннык
    Кытылга үүнэр талах.

    Кэрэттэн кэрэ көстүү
    Абылаата дууһабын -
    Туруйа уол тойуга
    Тоҕунна бу кырдалга.

    Кэрэ, нарын Кэчиибит
    Субу манан хаамтаҕа,
    Былатыан уол илиитэ
    Суһуохтарын ыстаҕа...

    Таатта үрэх үрдүнэн
    Туман түһэн аастаҕа,
    Эдэр чэгиэн туруйа
    Эргийээхтии көттөҕө...

    Сардааналаах кытылга
    Кэчии имэ кэйдэҕэ,
    Хойуу үөтүм быыһыгар
    Нарын иэйии куустаҕа...
    05.07.2016

    0
  • Маайыстыыр
    21 сентября 2016  

    Аҕатын көрбөтөх кыыс оҕо

    Кыыс оҕо күн сирин көрбүтэ,
    Көмүскүүр киһитэ өлбүтэ.
    Ийэтэ барахсан оччоҕо
    Хаалбыта эдэркээн огдообо.

    Аҕатын көрбөтөх кыыс оҕо
    Хараастыы уотугар умайар,
    Аҕатын билбэтэх кыыс оҕо
    Хомолто суоһугар утуйар...

    Кэм кэрдии ааһара түргэниэн,
    Кыысчааммыт улаатан хоройор.
    Ийэтэ иккистээн эрдэнэр,
    Иэримэ дьиэтигэр киллэрэр.

    Аҕатын көрбөтөх кыыс оҕо
    Хараастыы уотугар умайар,
    Аҕатын билбэтэх кыыс оҕо
    Хомолто суоһугар утуйар...

    Кииринньэҥ аҕата кырыктаах -
    Маанылаан ииппэтэх буруйдаах.
    Ийэтин таптала көспүтэ -
    Кыракый уолчаанын көрбүтэ.

    Аҕатын көрбөтөх кыыс оҕо
    Хараастыы уотугар умайар,
    Аҕатын билбэтэх кыыс оҕо
    Хомолто суоһугар утуйар...

    Ытаама, кыысчааныам, хоргута,
    Ый суолун батыһан барыма,
    Кэлиэҕэ эн дьолуҥ, кэлиэҕэ,
    Кэлэр кэм тапталы тэлгиэҕэ.

    Аҕатын көрбөтөх кыыс оҕо
    Хараастыы уотугар умайар,
    Аҕатын билбэтэх кыыс оҕо
    Хомолто суоһугар утуйар...

    20.09.2016

    0
  • Маайыстыыр
    12 октября 2016  

    Кырасыабай да кыргыттар этигит

    Умнубаппын эдэр сааскытын -
    Уһун суһуоххут субулларын,
    Күммүт толбоннура оонньуурун,
    Күлэр-үөрэр күөл долгун ньуурун.
    Кырасыабай да кыргыттар этигит:
    Кынтаһан, кылбаһан, туналыһан эһиги...

    Сырсара долгун күлүмүрдүү
    Сыгынньах тилэҕи ууруурдуу.
    Ситэрэ сиккиэр тыал имэрийэ,
    Синньигэс биилгитигэр иилистэ.
    Кырасыабай да кыргыттар этигит:
    Кынтаһан, кылбаһан, туналыһан эһиги...

    Хотоҥҥут сыта да буккустар,
    Хонуу үлэтэ да сылаттар,
    Кыыһара иэдэскит тэтэрэ,
    Кыыс оҕолор кылаан бэртэрэ.
    Кырасыабай да кыргыттар этигит:
    Кынтаһан, кылбаһан, туналыһан эһиги...

    Уол оҕо сүрэҕин хамсатан,
    Эр киһи хараҕын сымнатан,
    Эмээхсин эдэрин санатан,
    Хаамсаргыт эһи хартыына буолан...
    Кырасыабай да кыргыттар этигит:
    Кынтаһан, кылбаһан, туналыһан эһиги...
    08.10.2016

    0
  • Маайыстыыр
    12 октября 2016  

    Маҥырыыр Хайата

    Үрдүк чымаан бэйэҕиттэн
    Одуулаатым айылҕабын;
    Ыгыатта үрэх устарын,
    Кырыаран турар мастары.
    Маҥырыыр, Маҥырыыр Хайата -
    Мин санаам ыраатар ырата...

    Сүрэх ыллыыр киэҥ куйаарга,
    Сулус дьиримниир тулаҕа.
    Алыптаах иэйии куустуһар,
    Айылҕа кэрэтин туойар.
    Маҥырыыр, Маҥырыыр Хайата -
    Мин санаам ыраатар ырата...

    Улуукан киһи бу манна
    Уруйдаабыт аар тайҕата,
    Уостубат таптал кутаата
    Умайар хойуу ыарҕата.
    Маҥырыыр, Маҥырыыр Хайата -
    Мин санаам ыраатар ырата...

    Булчут дьон тиийэр ыырдара,
    Булт-алт тосхойор кытыла,
    Баҕадьы үрэх сыырдара -
    Балаҕан турар кырдала.
    Маҥырыыр, Маҥырыыр Хайата -
    Мин санаам ыраатар ырата...

    Ытык мастар барыардара
    Аарыма тайах курдуктар,
    Үгүс сыллар күлүктэрин
    Тутан турар хаартыскалар.
    Маҥырыыр, Маҥырыыр Хайата -
    Мин санаам ыраатар ырата...

    Тыыннаах дьикти айылҕабыт -
    Тыл, хомуһун уйулҕабыт;
    Тиллэр, кынаттыыр салгыммыт;
    Тирэнэр, үрдүүр айаммыт.
    Маҥырыыр, Маҥырыыр Хайата -
    Мин санаам ыраатар ырата...
    11.10.2016

    0
  • Маайыстыыр
    26 октября 2016  

    Хаар кыырпаҕа

    Хаар кыырпаҕа дайар,
    Түннүкпүн тоҥсуйар,
    Өрө көтөр, өрүкүнэйэр,
    Син биир сиргэ түһэр.

    Тыал хаарынан оонньуур -
    Көппөтү көтүтэн,
    Үөһэ күөрэтэн муҥнуур-сордуур,
    Көрүлээн ылаттыыр.

    Хаар сиргэ түһээхтиир
    Атыттардыын бииргэ,
    Арай биирдэ эмит түһээхтиир
    Үөһэнэн дайбытын.

    Сиргэ атыттардыын
    Сомоҕо силлиһэн,
    Харыс да халбарыппаттар,
    Ханна да ыыппаттар...

    Сааһын күн тыгыаҕа,
    Онно хаар ууллуоҕа,
    Кыырпах уу буолан көтүөҕэ,
    Халлааҥҥа тиийиэҕэ...
    12.10.2016

    0
  • Маайыстыыр
    3 ноября 2016  

    Түһээн эйигин көрүөхпүн баҕарарым,
    Таптал нарын кынаттарыгар уйдаран,
    Талбааран, наскыйан ылыахпын саныырым
    Түүлбэр, саатар, эйигин кытта хаамсыһан.

    Тапталы эрэйэр эдэркээн саастарбар
    Таарыйан ааспатаҕыҥ эн, саатар, түүлбэр.
    Тэйсибиппит бэл ыйдаҥабыт ардаҕар –
    Тэниччи ыһыллыбыт сулус ыһыаҕар.

    Кырдьар сааспар түүлбэр тиийэн кэллиҥ биирдэ
    Кырдьыы кута таарыйбатах мөрсүөҥҥүнэн.
    Илиибититтэн ылсан сиэттиспитинэн
    Иккиэйэҕин кэпсэттибит бүөмнээн, кистээн...

    Таптал сылаас тыына билигин да бааргын –
    Ииҥҥэ да киирэр кэмҥэ илгийиэҕэ:
    Өскөтүн эн кэллэргин тиһэх күн
    Ааһыа салгын кутум баттаххын имэрийэ...
    02.11.2016

    0
  • Маайыстыыр
    3 ноября 2016  

    Күннээҕи түбүктэн сылайан,
    Эрдэлик утуйан хаалабын.
    Онтон түүн уһуктан,
    Ону-маны биирдэ саныыбын.

    Саныыбын эдэркээн саастарбын,
    Саһарҕа сандаара тыгарын,
    Сайыҥҥы ыһыахтыыр түүннэрбин,
    Сааскы күн саҕахха тыгарын.

    Тиллэр, тимэх сөллөр кэмнэри;
    Түһэр, тууйуллар түгэннэри;
    Сүөм үрдүүр чаҕылхай күннэри,
    Сүр баттатар ыар күлүктэри.

    Баара туох барыта олохпор:
    Үөрүү-көтүү, сүтүк, хомолто,
    Таптал үрдүк нарын иэйиитэ,
    Эт-сиин холус ииригириитэ,

    Кыыһырыы, кыраттан кыйыттыы,
    Мичээртэн мичээргэ саҕыллыы,
    Уордайыы, уолуйуу, налыйыы,
    Кыайыыттан кыайыыга чаҕыллыы,

    Эппэтэх эйэҕэс тылларым,
    Эрдиитэ суох эмэх тыыларым,
    Эрэйгэ тэппит өс кылларым,
    Эбиллибэтэх иэс сылларым...

    Эйэҕэс үтүө дьүөгэлэрим,
    Эйэлээх күөх да күөх халлааным,
    Эрдэһит үлэһит дьоннорум,
    Эҥээркэй саҥалаах тас эйгэм...

    Барыта түмүллэр, алтыһар,
    Барыны ыатара саныыбын.
    Үчүгэй, куһаҕан ардыгар
    Үгүһү сырдатар дьылҕабар.
    02.11.2016

    0
  • Маайыстыыр
    4 ноября 2016  

    “Усмири гордыню”
    (из библейской заповеди)
    Өһүргэс буолуу -
    Өс санаа кыыма,
    Өйдөөҕү аймыыр,
    Өлүүгэ анньар.

    Улуубун дэнимэ –
    Олус туттума,
    Бэйэҕин сэнээмэ –
    Умса түһүмэ.

    Олох биир түгэнэ
    Оонньотор имнэнэ,
    Тургутар эйигин –
    Туруккун хамсатан.

    Халҕаны быраҕан,
    Хаһыытаан ылыма;
    Ханна да бардаргын
    Хаайыаҕа тумнара.

    Ааҥҥын саптаҕын да,
    Куоппаккын хаһан да
    Дьон сытыы тылыттан,
    Хаарыйар хатыыттан.

    Хомойбут санааҕын
    Хоспоххор мунньума,
    Өһүрбүт санааҕын
    Өс гынан иитимэ.

    Киһи бары араас –
    Эҥин да бырыкаас,
    Ону эн уйбакка
    Олус уордайыма.

    Уолҕамдьы санааҕар
    Улаата түһэҥҥин,
    Үрдүктүк туттума,
    Үөһэнэн көрүмэ.

    Тула дьону таптаа,
    Тылгынан абылаа
    Сахалыы элэккэй,
    Сайаҕас санаанан.
    03.11.2016

    0
  • Маайыстыыр
    5 ноября 2016  

    Оҕо эрдэхпинэ дьиэм үрдүнэн
    Сөмөлүөт ньирилээн аастаҕына,
    Орон анныгар саһа охсорум,
    Тыыммын тэскилэтэ кирийэрим.

    Хантан кэлбитэй ол суостаах куттал
    Сэриини билбэтэх оҕочооско,
    Өстөөх буомбалыырын истибэтэх
    Сайылык сэрбэллибит кыыһыгар?!

    Хаһан, ханна харахтаан көрбүтэй
    Урусхал, күөдэл буолбут дьиэлэри?!
    Хаһан, ханна кини истибитэй
    Сөмөлүөттэн буомба түһэрин?!

    Сиирийэҕэ таммалыыр буомбалар
    Санаабар манна эстэр курдуктар:
    Оҕолор тиһэх кыланыылара,
    Олох бүтэһик чыпчылҕаннара...

    Билигин да мин сөбүлээбэппин
    Үрдүбүнэн сөмөлүөт көтөрүн:
    Сири, дьиэни-уоту дьигиһитэ,
    Дьон утуйар уутун эймэнитэ...

    05.11.2016

    0
  • Маайыстыыр
    7 ноября 2016  

    Таптыыр этим эйигин -
    Таайбатаҕыҥ таабырыммын,
    Талбаара иэйэр таһаабын,
    Таспар көстүбэт санаабын.

    Кистээбитим кичэмник -
    Ким эрэ билиэ диэбиттии,
    Кыбыстыбытым кыыс буолан,
    Кытарбытым мин саатаммын.

    Сэрэйбэтэҕиҥ сүрэххинэн
    Сэмэй кыыс оҕо иэйиитин.
    Сиэттиспитиҥ атынныын
    Сирэр быһыылаах диэҥҥин.

    Билэрим ээ таптыыргын -
    Билигин да уостубат сүрэххин.
    Арай эн...миигиттэн арахпытыҥ
    Сүрэхпин хаанынан ытатан...
    12.10.2016

    0
  • Маайыстыыр
    7 ноября 2016  

    Хаан иһээччи,
    Киһини сиэччи
    Буола оонньууллар оҕолор.
    Эчи ынырыгын,
    Эчи кутталын
    Атын олох оонньуута!..
    Ким буолуохтарай кэлин
    Ити оҕолорбут?!...
    Хаһан эрэ биһи
    Арыгыһыттары үтүктэрбит...
    Хаспыт арыгыга умсан,
    Эдэр сааһыгар ииннэннэ?..
    Буолуо дуо хаан иһээччи
    Инникилээн иһээччи,
    Буолуо дуо киһини сиэччи
    Кэскили түстээччи?!...
    12.10.2016

    0
  • Маайыстыыр
    11 ноября 2016  

    Олох кутаата – “Кыым”
    Эһэм сэргэх сэгэрэ,
    Эбэм истиҥ дьүөгэтэ,
    Аҕам аахпыт сонуна,
    Ийэм көрбүт талбата -
    Олох кутаата – “Кыым”,
    Сүрэх төлөнө – “Кыым”,
    Алаас ыала – “Кыым”,
    Дойдум тыала – “Кыым”!

    Эдьиий хайгыыр суруга,
    Убай таптыыр атаһа,
    Оҕом сэргиир түгэнэ,
    Сиэним истэр сүбэтэ -
    Олох кутаата – “Кыым”,
    Сүрэх төлөнө – “Кыым”,
    Алаас ыала – “Кыым”,
    Дойдум тыала – “Кыым”!

    Саха дьонун саргыта,
    Олохпут сарсыҥҥыта,
    Бар дьон утум хаһыата
    “Кыым” ыҥырар кутаата :
    Олох кутаата – “Кыым”,
    Сүрэх төлөнө – “Кыым”,
    Алаас ыала – “Кыым”,
    Дойдум тыала – “Кыым”!
    Күн Мичээрэ.
    11.11.2016

    0
  • Маайыстыыр
    20 ноября 2016  

    Киинэ устабыт

    Ардыгар киинэ устабыт,
    Араас дьоннуун алтыһабыт.
    Арыт таһырдьа - тымныыга,
    Арыт иһирдьэ - сылааска
    Биһиги киинэ устабыт,
    Киинэни олус таптыыбыт.

    Сценарийдар, сюжет таҥыы;
    Сайын-кыһын, киэһэ-күнүс
    Таҥаска булумахтаныы,
    Тиритии-хорутуу начаас -
    Биһиги киинэ устабыт,
    Киинэни олус таптыыбыт.

    Онтон-мантан күлсүү-салсыы,
    Арыт кыраттан кыыһырсыы:
    Ким эрэ тылын көтүппүт,
    Ким эрэ бытыга түспүт -
    Биһиги киинэ устабыт,
    Киинэни олус таптыыбыт.

    Эҥин араас киинэартыыс
    Кэмигэр бары хаппырыыс:
    Ыксыыллара олус накаас,
    Умнуганнара бырыкаас -
    Биһиги киинэ устабыт,
    Киинэни олус таптыыбыт.

    Аппарааппыт эйэҥэлиир,
    Атаҕа тостон эрэйдиир.
    Парик, скотч, килиэй, түү, кыл, грим -
    Биһиэхэ барыта экстрим -
    Биһиги киинэ устабыт,
    Киинэни олус таптыыбыт.

    Барыга бары көхтөөхпүт,
    Кыраттан үөрэр көрдөөхпүт.
    Барыга бары кыттабыт,
    Киинэни доҕор гынабыт -
    Биһиги киинэ устабыт,
    Киинэни олус таптыыбыт

    Күн Мичээрэ.
    20.11.2016

    0
  • Маайыстыыр
    7 декабря 2016  

    Мин чүмэчим
    Оҕо сааһым өйдөбүлэ,
    Сырдатар чаҕылхай уота -
    Чүмэчи, чүмэчи этэ,
    Оччолорго лаампа суоҕа.

    Чүмэчи тула күлүктэр,
    Барыҥнас хара күлүктэр...
    Ким эрэ сурук ааҕара,
    Иһит-хомуос хомуллара...

    Ийэм хотонугар тахсар,
    Эдьиийим үлэҕэ барар...
    Эмиэ дьиэҕэ хаалымаары
    Ытаан-соҥоон маккырыыбын.

    Имик-симик, биир чүмэчи,
    Онно-манна абааһылар -
    Остуол үөһэ тахсабын мин –
    Атахпыттан харбаабаттар...

    Чүмэчи тутар үлэлээх
    Арыт хотоҥҥо тахсыһан,
    Испэр дьиҥ үөрүү кынаттаах
    Өр турарым боччумуран...

    Чүмэчи сыатын хомуйан,
    Арыт ыстаан ыллаҥнатан,
    Арыт кус-хаас оҥортолоон,
    Күн-дьыл баранара оонньоон...

    Оҕо сааһым сырдык кыыма,
    Ийэм-аҕам сылаас тыына
    Буолтуҥ дии миэхэ, чүмэчи,
    Үрүҥ тыыным өйөбүлэ...
    Күн Мичээрэ
    05.12.2016

    0
  • Маайыстыыр
    9 декабря 2016  

    Ыч-ча!
    Таһырдьа тахсабын:
    Тыыным бурҕачыйар,
    Муннум уута сүүрэр,
    Бэргэһэм кырыарар.
    Ыч-ча, ыч-ча, ычча-аа!
    Төбөбөр - бэргэһэ,
    Иһинэн – бээһиҥкэ,
    Атахпар – чүөсэҥкэ,
    Илиибэр – бэрчээккэ.
    Ыч-ча, ыч-ча, ычча-аа!

    Тоҥобун ыгдаччы -
    Таҥнабын дыгдаччы,
    Көрөбүн быччаччы,
    Хаамабын ахчаччы.
    Ыч-ча, ыч-ча, ычча-аа!

    Тыалыран чысхааныан,
    Көстүбэт туманыан,
    Тымныытыан таһырдьа –
    Киириэххэ иһирдьэ!
    Ыч-ча, ыч-ча, ычча-аа!

    Күн Мичээрэ
    07.12.2016

    0
  • Маайыстыыр
    12 декабря 2016  

    Быраҕыллыбыт дьиэлэр иччилэригэр

    Быраҕыллыбыт дьиэ ытамньыйар,
    Быралгы барбыт иччитин суохтаан;
    Быыл буолар маллыын-саллыын, ампаардыын;
    Былыт баттыыр өһүөтүн-баалкытын...

    Оҕуруот маһа иэҕэйэр, сиҥнэр,
    Оҕус-ынах хагдаҥ отун кирэр.
    Тоһоҕо маһа тобоҕолонор,
    Тирэх маһа соҕотох чоройор...

    Хараҥаҕа оҥойо хараарар,
    Хампарыйар, үлтүрүйэр түннүк.
    Кураанаҕынан аана аҥайар,
    Курас тыал үрэр күүлэҕэ күн-түүн...

    Төрөөбүт дьиэҕитин ытыгылааҥ,
    Түөрэххитин түҥнэри уурумаҥ,
    Киһилии сиэри чопчу тутуһан,
    Килбэтиҥ саҥалыы дьиэни тутан!

    Күн Мичээрэ
    09.12.2016

    0
  • Маайыстыыр
    13 декабря 2016  

    Олох суола

    Айанныыбын араас суолунан:
    Сорох уһун, сорох кылгас;
    Сорох киэҥ, сорох кыараҕас,
    Арыт судургу, арыт мунаах.

    Мин айанныыбын, айанныыбын...
    Суол субуллар, кэлэр атын...
    Көстөллөр көһүппэт сирдэр,
    Элэҥнииллэр араас сирэйдэр...

    Бүппэт, бүтэр уһукка тиийбэт –
    Салҕаннар салҕанар, уһуур...
    Атах анныгар ийэ буор,
    Үрдүбэр муҥура суох халлаан...

    Дьиэ да иһигэр эн хаамаҕын –
    Олох олоруу – уһун суол...
    Иэгэйэр икки атахтаах
    Төрүү хаамар-сиимэр аналлаах.

    Сытымаҥ даа, сыылбатыйымаҥ,
    Атаххар тур бигэтик эн,
    Олохпут суола ыҥырар,
    Омоон аартыктарын арыйар!
    Күн Мичээрэ
    10.12.2016

    0
  • Маайыстыыр
    18 декабря 2016  

    Биир идэлээхтэрбэр

    Бүгүн үөрэттим оҕолорго
    Күндэ “Кии сыта” хоһоонун,
    Биллим төрөөбүт дойдуга
    Уһуктар таптал кыым төлөнүн.

    Уһугуннун ити төлөннүүн
    Төрүт тылга күүстээх таптал,
    Саха омук быһыытынан
    Өлбөт-сүппэт айхаллаах анал!

    Халыҥ омук хабырыйсар,
    Үтүө омук үтүрүйсэр,
    Үлүгэрдээх кэмигэр, баҕар,
    Хахха буолан, саха хаалыаҕа.

    Айыҕабыт ыпсыытыгар,
    Айылгыбыт ыксыытыгар,
    Арай ордон хаалыа тылбыт –
    Абыраллаах төрөөбүт тылбыт

    Оҕолорбутугар уһуктан,
    Сиэннэрбитигэр ситэн-тупсан,
    Хос сиэннэргэ хоһулаһан,
    Төрөөбүт тыл төрүтчү буолан.
    Күн Мичээрэ.
    11.12.2016

    0
  • Маайыстыыр
    22 декабря 2016  

    Мин бөлүүҥҥү түүлүм дии,
    Ватсапка ыыппыт хаартыскаҥ,
    Ситинник ыга куустуһан,
    Турбуппут хаһан эрэ дии...

    Чараас таҥас курдары
    Этиҥ сылааһа биллэрэ,
    Чэгиэн, чиргэл бэйэҕин
    Түөспэр ыга тардарым.

    Имэрийэрим көхсүгүн,
    Иһиҥ хамсыырын билэн,
    Сыстарым, уҥа тааларым,
    Сыккын ылан туймааран...

    Турбуппут оннук өр да өр,
    Харах чүөмпэтигэр умсан,
    Баттаххын имэрийэрим,
    Балысхан үөрүүнэн туолан...
    Икки сүрэх тэбиэлиирэ,
    Иэйии кутугар кыттыһан,
    Иэйэхсит эҥэрдэһэрэ,
    Айыыһыт арыаллаһара...

    Күн Мичээрэ
    11.12.2016

    0
  • Маайыстыыр
    24 декабря 2016  

    Ийэм, аҕам суох
    Хааллым соҕотох.
    Чороҥ соҕотох –
    Ыар да бу олох.

    Ким миигин өйдүөй,
    Ким миигин өйүөй
    Орто дойдуга
    Олох хаамарга?

    Чугас дьоннорум,
    Мин урууларым
    Атын санаалаахтар,
    Ааргы саҥнаахтар.

    Арыгы куттар
    Аҕам убайа,
    Табаҕын тардар
    Таайым Сахаачча...

    Үөрэниэм дуо мин,
    Үгүс үп буламмын...
    “Үөрэхтээх буол”,- диэн
    Үөрэтэрэ ийэм...

    Үлэлиэхпин да
    Үлэ көстүбэт,
    Үөҕэллэр сыыһа –
    Үөрүйэхпин мин...

    Кыһаммат былаас
    Кыра дьоннорго,
    Кыра да сылаас
    Кэлбэт олохпор.

    Маачаха олох
    Матарар дьолтон,
    Тэйитэр дьонтон,
    Тэбэр соҕотох...

    Ханна барабын,
    Тугу гынабын?
    Муннугу булан,
    Мунан турабын...
    Күн Мичээрэ
    14.12.2016

    0
  • Маайыстыыр
    10 апреля 2017  

    Ууллаҕас кутум таммалыыр,
    Кутуллар тымныыга самыыр.
    Ыйдаҥа сүрэҕи аймыыр,
    Ыйанар дууһаҕа хатыыр...

    Мэлдьэһэр ыйым мэлтэйэр,
    Кээрэнэн дьэ син кэлтэйэр.
    Кэлэн эргийэ мэлийэр
    Мэник тыал миигиттэн тэйэр.

    Умуллар сулус симиктик,
    Уу кырсын түһэ таарыйаат.
    Уостар күүгэн долгун сииктии,
    Уохтаах сүҥ тыалга арыллаат.

    Сүтэллэр сүрдэр сиргэ,
    Сүүрбэттэр сиэттиһэ бииргэ....
    Кулун сүүрэр ийэтигэр,
    Кутум түүлгэ симэлийэр...

    Күн Мичээрэ
    15.12.2016

    0
  • Маайыстыыр
    16 мая 2017  

    Аттыбар сытаҕын утуйа,
    Аргыыйдык сыыгыныыр тыынарыҥ.
    Уураабаппын уоскуттан уҥа,
    Уһугуннарбаппын эйигин.

    Одуулуубун күндү киһибин -
    Олоҕум эрэллээх аргыһын.
    Истиҥник иэйиибэр куустаран,
    Иһийэбин аттыгар таалан.

    Хас тылыҥ барыта минньигэс,
    Хс саҥаҥ дорҕооно долгутар,
    Хас көрүүҥ санаабын манньытар,
    Хас күлүүҥ миэхэҕэ сайаҕас.

    Сытыҥ сүрэхпин сылаанньытар,
    Сылааһыҥ илгийэ угуттуур,
    Баттаҕыҥ баҕабын күөдьүтэр,
    Будьурхай тыатыгар угуйар.

    Илиигин миэхэҕэ уунаҕын,
    Иннибэр мичээрдии тураҕын -
    Көрөбүн күнүскү бэйэҕин,
    Көннөрү эйигин таптыыбын...

    Күн Мичээрэ
    29.04.2017

    0
  • Маайыстыыр
    18 мая 2017  

    Үөрэ-көтө олоруохха,
    Олох мүөтүн сомсуохха,
    Үрдүк чыпчаалга тахсыахха,
    Кыайыы дьолун билиэххэ.

    Буолуо, баҕар, халыҥ хахха,
    Кэмэ биллибэт сахха
    Билигин тугу гыммытыҥ,
    Саҥа саҕаҕы арыйтыҥ.

    Тур-олор, сытыма, сэгэр,
    Хамсан-имсэн кыайаргынан.
    Ким эмэ бэркэ сэргээтэр,
    Буолуо онтуҥ кыайыыгынан.

    Сыппах быһах эти быспат,
    Сытар тааска уу киирбэт,
    Дьоһун олоҕу олоруох,
    Дьоммут туһугар охсуһуох.
    Күн Мичээрэ
    07.05.2017

    0
  • Маайыстыыр
    18 мая 2017  

    Эн хас саастаахпын токкоолоһума,
    Эдэр көрүҥнээххин диэн тоһоҕолоомо:
    Өйүм-санаам миэнэ эдэр быдан,
    Сөп түбэспэт көстөр дьүһүммүнүүн.

    Өссө да астына олорботум,
    Өссө да үтүө күнү күүтэбин,
    Сарсыарда күн чаҕылла тахсара
    Санаабар, күнүм аайы ураты.

    Сааһым хас да буоллун, син биир мин
    Талаһыам ыраах баар сулустарга.
    Эргийиэм тэтимнээх эрчим вальска,
    Эмээхсин-оҕонньор да диэтэргит.

    Өссө да мин олохпор эрдэ ини
    Тиһэх кэриэс тылбын хаалларарым.
    Өссө да күүтэр уолан киһи
    Тапталга билинэр истиҥ тылбын.
    Күн Мичээрэ
    07.05 .2017

    0
  • Маайыстыыр
    18 мая 2017  

    УОЛ ЫРЫАТА

    Сып-сылаас тылла этиий,
    Сымнаҕастык эн көрүүй:
    Сыһыйыа мин хаҥыл майгым,
    Сылаанньыйыа дьэбир хааным.

    Күннүү чаҕылла мичээр,
    Күлэ-үөрэ сандаар,
    Курус санаам көтөҕүллүө,
    Куруубай хааным күрэниэ.

    Уу курдук долгуһуйан,
    Уун миэхэ илиилэргин:
    Ууллуо тыйыс муус сүрэҕим,
    Уйадыйыа хаҕыс тыалым.

    Кыыс буолан килбигийэн,
    Дьахтар буолан дьалкыйан,
    Куппун-сүрбүн уһугуннар,
    Дьоллоо олоҕум суолугар.

    Күн Мичээрэ
    06.05.2017

    0
  • Маайыстыыр
    18 мая 2017  

    Сэрии тулаайаҕа

    Сэрии бүппүтэ ыраатта,
    Кырдьаҕас бүгүн ытаата...
    Суол диэки көрөн ылбыта:
    Кэлбэтэ барбыт аҕата...

    Сэрии тулаайаҕа буолан,
    Аччыктаан, тоҥон көрбүтэ.
    Сэрииттэн аҕатын күүтэн,
    Алааһар төннөн кэлбитэ.

    Кинини суох диэн аҕата
    Атын алааска аастаҕа...
    Баҕар, оо, төннөн кэлиэҕэ,
    Баҕа санаата туолуоҕа.

    Ийэтэ эрдэ өлбүтэ,
    Дириҥ ииҥҥэ түһэрбитэ.
    Чороҥ соҕотох хаалбыта,
    Күүтэрэ арай аҕатын...

    Эдэр сааска ыал буолбута,
    Оҕолорун дьиэлээбитэ.
    Ойоҕо орто дойдуттан
    Эрдэлээн бараахтаабыта.

    Эмиэ соҕотох хаалбыта,
    Арай ким эрэ аҕата
    Тиийэн кээлтин истибитэ,
    Дойдутугар таласпыта.

    Арай сураҕа суох сүппүт
    Аҕата кэлиэ алааска -
    Ким да олорбот ол онно -
    Бары көспүттэр толооҥҥо.

    Онно балаҕан туппута,
    Сэргэ туруору аспыта.
    Кырдьаҕас күүтэр аҕатын,
    Кыргыс хонууттан төннөрүн...

    Сэрии, сэрии тулаайаҕа
    Хаһан да оспот баастарыҥ:
    "Кэлиий даа, кэлиий даа, аҕаа,
    Алааскар уолуҥ күүтэбин..."

    Күн Мичээрэ
    08.05.2017

    Түҥ хааһах ырыата

    Тэлэбиисэргэ сериал көрөбүн,
    Сарсыарда араадьыйа истэбин,
    Бэйэм бэйэбэр бүгэн сылдьабын,
    Онтон мин олус диэн астынабын.

    Тыаһы-ууһу сөбүлээбэппин,
    Онно-манна күүлэйдээбэппин,
    Чуҥкуйдахпына баар былансыат,
    Батсаап, төлүппүөн, интэриниэт.

    Сайын күн барар оттоон-мастаан,
    Арыт хонууга, тыаҕа сир астаан.
    Кыһын сүөһүм, отум-маһым, мууһум,
    Бүттэр бүппэт үлэм, ииһим-ууһум.

    Туора олоҕу интэриэһиргээн,
    Туохха да кыттыбаппын киһиргээн.
    Күнтэн күн тохтоло суох сүтэр,
    Күн сириттэн олохпут күрэнэр.
    Күн Мичээрэ. 01.08.2015

    Ийэм бырааһынньыга - Кыайыы күнэ

    Улуу Кыайыы күнэ этэ
    Ийэм кэрэ бырааһынньыга.
    Мэтээллэрин барытын кэтэрэ,
    Үөрэн-күлэн мичилийэрэ...

    Оонньуурбут отой суох буолан,
    Сталин төбөлөөх мэтээлин
    Биһиги уҥуоҕун туппуппут,
    Кумааҕылыын мэлиппиппит.

    Ол иһин бэтэрээн буолбакка,
    "Оҕо этиҥ сэрии кэмигэр,"-
    Диэн сэнэбиллээхтик этиллэн,
    Барбата улуу бырааһынньыкка.

    Улаатан, буруйбун билинэн,
    Архивка суруйан булбутум,
    Уон аҕыстаах кыыс наҕараадатын,
    Олоҕор күөн туттар мэтээлин.

    Уон үстээх кыыс оҕо барахсан
    Улахан дьоннуун тэҥҥэ үлэлээн,
    Кыайыыны уһансыбыта,
    Кытаанах кэмнэри ааспыта.

    Онтон испииһэккэ киллэрэн,
    Мэтээл кэлбитэ үбүлүөйүнэн.
    Барбатаҕа ол күн кулуупка,
    Үөрүүлээх бырааһынньыкка.

    Соҕотох соҥуоран олоорто,
    Аһылык бэлэмнээбитэ буолта.
    Тугу-тугу санаахтаабытай,
    Дьоҥҥо тэҥнэммэт быһыыттан?!

    Кэлбитим мин үөрэн дьиэбэр,
    Туттаартым мэтээлин ийэбэр.
    Ийэм итэҕэйбэккэ көөртө,
    Кумааҕытын өр чинчийэ.

    Киһиэхэ тэҥнэммит үөрүүтүн
    Ама туох солбуйуо буоллаҕай,
    Кыайыы күнэ онтон ылата
    Киниэхэ Өрөгөй күнэ буолта...
    Күн Мичээрэ
    09.05.2017

    0
  • Маайыстыыр
    25 июня 2017  

    Мин бүгүн төрөөбүт күнүм,
    Дьонум-сэргэм барыта,
    Дьүөгэлэрим барахсаттар,
    Дьолло миэхэ баҕарыҥ!

    Күн сирин көрбүт күнүм
    Күлүмүрдүү сыдьаайдын,
    Бар дьонум эҕэрдэтинэн
    Бу олохпун сырдаттын!

    Үтүө дьоннуун алтыһан,
    Үөһэ дайыым үөрдүһэн.
    Үрүҥ күнүм үөрүүтэ
    Үксүү турдун өрүүтүн.

    Күн Мичээрэ
    23.06.2017

    Сүүрбэ иккис, сүүрбэ иккис,
    Сүрэхтэн оспот бу ыар баас...
    Күн муҥуутуур уһун күнэ -
    Гитлер анаан талбыт күнэ...

    Самолёттар көтөллөрө,
    Сири-дойдуну буомбалаан.
    Мотуор тыаһа ньирилиирэ,
    Мотопехота атаакалаан.

    Сэрии буолтун биллэрэллэр
    Селоларга тэриэлкэлэр.
    Эр дьон, эдэркээн уолаттар
    Эргиллибэттии бардылар...

    Сүүрбэ иккис, сүүрбэ иккис -
    Сэрии-силлиэ, уот сибиниэс.
    Кутурҕан Сахам сиригэр
    Кууһар хас биирдии киһини.

    Саллаат-буойун тиһэх иэһэ,
    Сүппүт тиһэх кыланыыта,
    Бэс ыйын сүүрбэ иккиһэ -
    Уот сэрии саҕаланыыта.

    Тыыннаахтар бүгүн кэриэстээҥ
    Тыыннаах чээчик дьөрбөтүнэн
    Сэриигэ суох буолбуттары,
    Синиэл кэтэн барбыттары...

    Сүүрбэ иккис, сүүрбэ иккис,
    Сүрэхтэн оспот бу ыар баас...
    Күн муҥуутуур уһун күнэ -
    Кутурҕан кутуллар күнэ...

    Күн Мичээрэ
    22.06.2017

    [22.06, 6:22] КYH МИЧЭЭРЭsnowflakeherbrosemaple leaf: Ыһыах күнэ

    Дьөһөгөй оҕото кистээтэ,
    Чыычааҕым дьырылыы чуопчаарда,
    Сандаарда сайыҥҥы сарсыарда,
    Ыһыах күн бар дьоммор түстэннэ.

    Кыыс оҕо суһуоҕун өрүннэ,
    Дьахтар ытарҕатын иилиннэ,
    Эмээхсин саҥа былаат баанна,
    Оҕо аймах этэрбэс кэттэ.

    Уол оҕо куһаатын көрүннэ,
    Эр киһи сон ылан кыбынна,
    Оҕонньор кыл сэлээппэлэннэ,
    Киһи барыта маанымсыйда.

    Сирим симэҕэ сириэдийдэ,
    Чэмэлиинэ күөх окко быкта,
    Дөлүһүөн кыһыл сибэккитэ
    Сытынан сүрэҕи туймаарта.

    Алаадьы мип-минньигэс сыта
    Балаҕан аайытын дыргыйда,
    Кымыс сырдьыгыныы кыынньара
    Сири иһиттэн иһилиннэ.

    Түптэһит буруота унаарда,
    Алгысчыт алгыһа дуорайда,
    Ити аата ыһыах саҕаланна,
    Самаан сайын үөрүүтэ үүннэ!
    Күн Мичээрэ

    0
  • Маайыстыыр
    7 августа 2017  

    Сарсыардаттан турар эрдэ,
    Саха ыала түбүк үөһэ.
    Унаар буруо үөһэ тахсар,
    Ынах ыанар, сылгы хаһар.

    Тыа сирин ыала барахсан
    Саха сирин дьолун түстүүр.
    Аспыт-үөлбүт, уйгу-быйаҥ,
    Аар айылҕабыт көмүскүүр.

    Түптэ тула тоҕуоруһар
    Элбэх сылгы, ынах сүөһү,
    Сайылыкка чаҕаараллар
    Оҕолор көҥүл көрүлүү.

    Сарсыҥҥыбыт көҥүл күнэ
    Көлүччэҕэ күннүүн тахсар,
    Кустук араас өҥнөрүнэн
    Кылбачыйа сардаҥарар.

    Күн Мичээрэ
    12.06.2017

    0
  • Маайыстыыр
    9 октября 2017  

    Ыраах тырымныыр сулуска таласпаппын,
    Онно миигин туох күүтээхтиирэ биллибэт,
    Ыҥырар, тардар барыта көмүс буолбат,
    Сирдээҕи олохпун билигин сирбэппин.

    Ырай олоҕунан ымсыырдан ыҥырыма,
    Онно мин чуҥкуйа хатыаҕым, баҕардар,
    Тоттук олох эриэнэ элбэҕэ биллэр,
    Сириксэн өлүү буолбут олох сылама.

    Ыксаабаппын олох, сэрии дьалхааныттан,
    Онно эр киһи кииллийэ буһар-хатар,
    Тыйыс айылҕам тыыммын да кэтиириттэн
    Санаам үөһэ, чиэскэ, кыайыыга талаһар.

    Сирдээҕи олохпун ордоробун мэлдьи,
    Дойдубар үлэлиэм, олоруом киһилии,
    Дьулуспаппын ыраах сулуска, ырайга,
    Охсуһуута суох най олоххо, сыламҥа.

    Күн Мичээрэ
    06.10.2017

    0
  • Антон
    21 ноября 2017  

    доҕоттоор төрөөбүт дойдум диэн хоһоонно суруйан биэрин эриэ

    0
  • Маайыстыыр
    23 ноября 2017  

    Төрөөбүт дойдум

    Аан дойду баар-суох кэрэтэ,
    Сибэккинэн симэммитэ -
    Кииним кистэммит киэлитэ,
    Биһигим ыйаммыт сирэ,
    Төрөөбүт төрүт түөлбэ дойдум -
    Борбуйбун уйуммут балаҕаным.

    Эбэм, эһэм алгыстара,
    Ийэм, аҕам тапталлара,
    Убай, эдьиий уруйдара,
    Аймахтарым айхаллара -
    Төрөөбүт төрүт түөлбэ дойдум,
    Төгүрүк күөллэээх алаастарым.


    Кыыдааннаах кырыа кыһыннаах,
    Ардахтаах көмүс күһүннээх,
    Күндэлэс күннээх сааскылаах,
    Ходуһа сыттаах сайыннаах -
    Төрөөбүт төрүт түөлбэ дойдум,
    Сахам сирэ - мин тапталым.

    Күн Мичээрэ
    23.11.2017

    0
  • Маайыстыыр
    28 ноября 2017  

    Чугас ыал ыта улуйар,
    Курус санааны угуйар.
    Соҕотохсуйуу сорсуйар,
    Өлүү-өһүү суола хаамар.

    Ый үөһэттэн кынчарыйа
    Ынах муоһунуу кылбайар.
    Сис тыа тыыннаахтыы ыйыста
    Барыар күлүгэр саһыарар.

    Хоспор соҕотох истэбин
    Ыт улуйар кистэлэҥин.
    Санньыар санаа ыга баттыыр,
    Сүтүк сүүтүгэ лыҥкыныыр.

    Куһаҕан билгэ арыаллыыр,
    Куппар-сүрбэр тиийэ ыаллыыр.
    Кими илдьээри илдьиттиир,
    Кирис быаны тардар, кыҥыыр?

    Күн Мичээрэ
    27.11.2017

    0
  • Маайыстыыр
    28 ноября 2017  

    Бииртэн биир сүтүк,
    Хомолто куруук...
    Тэбэрэ сүрэх,
    Билигин, оо, суох...

    Суохтуубун мэлдьи
    Суох буолбут дьоммун...
    Сир, халлаан мэлдьэх,
    Өй эрэ сэргэх...

    Өйдүүбүн өрүү -
    Өлбөт мөрсүөҥҥүт,
    Эдэр саастаргыт,
    Тыыннаах бэйэҕит...

    Күн Мичээрэ
    25.11.2017

    0
  • Маайыстыыр
    29 ноября 2017  

    Кэлэн иһэр кэлэн иһэр курдук...
    Кыыдаан дьыбар кырыалаах тыыннанан,
    Халыҥ дьэҥкир муус-хаар үллүктэнэн,
    Дьүкээбили дьиримнии уматан.

    Кэлэн иһэр кэлэн иһэр курдук...
    Ыччалатар тымныытын түһэрэн,
    Түүлээх бэргэһэ ыга бааннаран,
    Истээх сону үллэччи кэтэрдэн.

    Кэлэн иһэр кэлэн иһэр курдук...
    Минньигэс бирээнньик кэһиилэнэн,
    Дьаабылака, апельсин сыттанан,
    Харыйа уотунан күлүмүрдээн.

    Кэлэн иһэр кэлэн иһэр курдук...
    Оҕо сааһым үөрүүтүнэн туолан,
    Тапталы эрэннэрэр түүнүнэн,
    Дьолу аҕалар сарсыардатынан.

    Кэлэн иһэр кэлэн иһэр курдук...
    Сааспытын эбэр саҥа сылыныын,
    Тымныы оҕонньор Хаарчаанатыныын,
    Саҥа дьылбыт күнэ иһэр көрдүк!

    К;н Мичээрэ
    28.11.2017

    0
  • Маайыстыыр
    30 ноября 2017  

    Кэрэ да этиҥ, эн,билбэт дьахтарым,
    Кэпсээҥҥэ ахтыллар кыргыттардыы,
    Хоһооҥҥо хоһуллар хотуттардыы,
    Остуоруйа кыраһаабыссатыныы.

    Олоҥхо Туйаарыма Куо аһыныы
    Субуллара икки суон суһуоҕуҥ,
    Тырымныыра чох хара хараҕыҥ,
    Умайаллара угуйа уостарыҥ.

    Билигин мин хомойдум, кырдьыбыккын:
    Синньигэс сурааһыннар түспүттэр,
    Хатырбыттар ньимийэ уостарыҥ,
    Умуллубуттар уоттаах харахтарыҥ.

    Билбэккэ ааһыа да эбиппин , арай,
    Хаалбыт туналыйар маҥан ньууруҥ,
    Сапсынар уһун кыламаннарыҥ,
    Саарба кутуруга хойуу хаастарыҥ.

    Дьыл-күн кэрэни күүскэ кэҕиннэрэр,
    Аһыммат, арчылыы харыстаабат,
    Кырдьар саас муус кырыата хаарыйар,
    Күн-ый хаамыытын аахтара таарыйар...

    Күн Мичээрэ
    26.11.2017

    0
  • Маайыстыыр
    1 декабря 2017  

    Эппитим ээ, эппитим ээ,
    Тапталыҥ уота умуллуо диэн,
    Таҥнары хайыыланыаҥ эн диэн,
    Эппитим ээ, эппитим ээ...

    Эппитиҥ ээ, эппитиҥ ээ,
    Өлүөхпүтүгэр диэри бииргэ
    Олоруохпут дии биһиги сэргэ,
    Эппитиҥ ээ, эппитиҥ ээ...

    Эппитим ээ, эппитим мин,
    Кураанаҕы куустарыаҥ миэхэҕэ,
    Ыйым-күнүм диэмэхтээмэ киэһэ,
    Эппитим ээ, эппитим мин...

    Эппитиҥ ээ, эппитиҥ эн,
    Күн буолан күннэтэ эн сылытыаҥ ,
    Ый буолан киэһэ, түүн сырдатыаҥ
    Эппитиҥ ээ, эппитиҥ эн.

    Эппитим ээ, эппитим мин,
    Кырдьыкпын билигин санаатарбын
    Кыйытта-кыыһыра киэһэ ытыыбын,
    Эппитим ээ, эппитим мин.

    Эппитим ээ, эппитим мин,
    Эйиэнэ кырдьык буолуон баҕаран,
    Эмиэ да олустук эрэнэммин
    Эппитим ээ, эппитим мин...

    Күн Мичээрэ
    29.11.2017

    0
  • Маайыстыыр
    1 декабря 2017  

    Олохпут кылгаһыан,
    Оппут аҕыйаҕыан,
    Ыччаппыт кыратыан,
    Ынахпыт ырыганыан!

    Дойдубут улаханыан,
    Сирбит оччугуйуон,
    Аһыырбыт астыгыан,
    Аспыт кырыымчыгыан!

    Бурдукпут үллэриэн,
    Испитин киэптиириэн,
    Саахар минньигэһиэн,
    Уойан истэхпитиэн!

    Хаамар көстүбэтиэн,
    Айанныыр ахсымыан,
    Ыарыы элбээбитиэн,
    Эмпит ыараабытыан!

    Кыһын тымныйбытыан,
    Сайын итийбитиэн,
    Күһүн күрэммитиэн,
    Саас ылбахтаспытыан!

    Үгэ-хоһоон этэн,
    Үгэргээтэхпинэ,
    Үөн-күрдьэҕэ тахсан,
    Көҕүрээхтээ ини...

    Күн Мичээрэ
    01.12.2017

    0
  • Маайыстыыр
    2 декабря 2017  

    Күнтэн күн кээрэнэр,
    Ыйтан ый солбуллар,
    Олох оннук устар,
    Күммүт оннук туллар.

    Хомолто аргыстаах,
    Үөрүү-көр көтөллөөх,
    Ситиһии кэһиилээх,
    Түҥнэстэр үктэллээх.

    Ким тулуурдаах күүрүө,
    Ким эрдээх күүһүрүө,
    Ким хоргус самныаҕа,
    Ким мөлтөх быстыаҕа.

    Эйигин олоҕуҥ
    Эрчийэр, эргитэр,
    Эр санаалыыр, тыынныыр,
    Эллиир эн майгыгын.

    Оо, олох, туругур,
    Орто дойду, айхал!
    Анаа элбэх күннэ,
    Айыы оҕотугар!

    Өссө да айарым,
    Көрбөхтуүү сатыырым
    Элбэҕиэн, доҕоттор,
    Кэрэтиэн ийэ сир!

    Күн Мичээрэ
    02.12.2017

    0
  • Маайыстыыр
    3 декабря 2017  

    Арбайбыт баттахтанан,
    Сөтөрүйбүт уостанан,
    Ириҥэ харахтанан,
    Дыгдайбыт сирэйдэнэн,
    Пижама таҥастанан,
    Тапочка атахтанан,
    Көрсөбүт өрөбүлү
    Хойутаан тураахтааммыт.
    Аламай маҥан күммүт
    Арҕаалыан иннинэ диэн,
    Астанабыт, суунабыт,
    Түбүк бөҕө буолабыт.
    Оннук күммүт ааһаахтыыр,
    Киэһэлик тэлэбиисэр,
    Араас иис-күүс, уһаныы,
    Онтон налыччы сытыы.
    Бүттэҕэ дии өрөбүл,
    Быстах, кыра сынньалаҥ.

    Күн Мичээрэ
    03.12.2017

    0
  • Маайыстыыр
    5 декабря 2017  

    Булчут аҕам кэриэһигэр ананар

    Кырпа хаар түһэр сирэйбэр,
    Кыыдаан чыскыйар иһиирэ,
    Тымныы үрэр таҥас курдары
    Тоҥорор миигин ыксары.

    Хаамабын тыалы утаран,
    Хаар ардах тыйыс быыһынан
    Айанныыбын мин сыһыынан,
    Алаас сирим кытыытынан.

    Тиийиэм хомурах хаарынан
    Тиит мас лиҥкиниир сиһигэр
    Куобахха туһах иитээри,
    Кэргэммин, кыыспын иитээри.

    Онно харыйа анныгар
    Хонон туруоҕум, сынньаныам.
    Оллоон оҥостон чэйдиэҕим,
    Оҕобун санаан туойуоҕум.

    Кэлтэгэй отууга хонон,
    Кыһыҥҥы түүнүм бүтүөҕэ.
    Куобах түүтэ суорҕаннанан,
    Кыыһым сылаастык утуйуо.

    Күн Мичээрэ
    05.12.2017

    0
  • Маайыстыыр
    5 декабря 2017  

    Арай биирдэ убайым
    Куска үөмэн испитэ
    Атын саата доруоптаан,
    Туохтаан баран туохтаабыт...

    Кустар көтөн хаалбыттар,
    Ыстаан кытта быраһаай,
    Ыксаан талах быыһыгар
    Туохтаан баран туохтаабыт...

    Табаарыһа түбэһэн,
    Куобах сылдьар дии санаан,
    Доруоп саанан кыҥаабыт,
    Туохтаан баран туохтаабыт...

    Хата талах мэһэйдээн,
    Дырабыынньа буулдьата
    Буутун этин таарыйан,
    Туохтаан баран туохтаабыт...

    Талах быыһа хаһыыттан
    Тосту барбыт дэһэллэр,
    Табаарыһа соһуйан
    Туохтаан баран туохтаабыт...

    Иккиэн ууга киирэннэр,
    Ыстааннарын сууйбуттар,
    Үһүс киһи үүтээҥҥэ
    Туохтаан баран туохтаабыт...

    Арай киирэн кэлбиттэр,
    Ыстааннарын куурпуттар,
    Киһилэрэ куттанан
    Туохтаан баран туохтаабыт...

    Күн Мичээрэ
    04.12.2017

    0
  • Маайыстыыр
    17 декабря 2017  

    Сарсын

    "Сарсын күн үүннүө диэн эн эрэнимэ,
    Сарсыҥҥыга хаһааныма" дииллэрэ
    Кырдьыбыт оҕонньоттор, эмээхситтэр,
    "Сарсын да гыныам буоллаҕа" диэтэххэ.

    Сарсын да, кырдьык, күн үөһэ күөрэйиэ,
    Саһарҕата сандарыйа сырдатыа,
    Арай баар буолуохтара дуо бар дьонум,
    Атастарым-доҕотторум, тапталым?

    Баар буолуом дуо чэгиэн-чэбдик бэйэккэм,
    Былыт кэлэн ардыа, хаардыа суоҕа дуо?
    Баар буолуо дуо билиҥҥи сэргэх иэйиим,
    Барытын сото этиҥ ньиргийиэ дуо?

    Сарсын аата сарсын, бүгүн буолбатах,
    Туох буолуо сэрэйиллибэт даҕаны.
    Баҕар, күнүм күөрэйиэ, күөнэх оонньуо,
    Баҕар, күн туллуо, өстөөх өрөгөйдүө.

    Ким билбитэ баарай, туох-ханнык буолуон,
    Күн хантан тахсыан-киириэн, күлүмүрдүөн,
    Киһи биир күннээх, дьылҕалаах диэн сэмээр
    Мээнэҕэ эппэтэхтэр кырдьаҕастар.

    Бүгүн гыныахтааххын бүгүн үлэлээ,
    Сарсыҥҥыга хаһааныма кэтэһэ.
    Сарсын буолуо сарсын, бүгүн күн бүгүн,
    Сүрэҕэлдьээмэ, барытын гын бу күн.

    Күн Мичээрэ
    04.12.2017

    55 -
    Икки төгүл биэс,
    55 -
    Икки төгүл чиэс.
    Кэрэ кэм кэрдииһэ,
    Көҥүл буолуу бэлиэтэ.
    Үлэлээ бэйэҕэр,
    Махтан үйэҥ бэлэҕэр:
    Биэнсийэҕэ тахсыы -
    Эбии харчы аахсыы.
    Баҕар сыт, сынньан,
    Баҕар эбии тут, ай,
    Ким да эйигин боппот,
    Үлэлээбэт диэн үөхпэт.
    Көҥүл көччүйэр,
    Көҥүлгэ дьаарбайар,
    Көҥүл турар, хамсанар,
    Көччөх буолан көтөр,
    Көҕүл өрө тараанар,
    Күүһү-уоҕу көрүнэр,
    Күлүм уоту уматар,
    Кэрдиис кэм кэлбитинэн,
    Көрдөөх күн күлбүтүнэн,
    Көхтөөх үлэ саҕаламмытынан,
    Күндү доҕоруом,
    Аллар атаһыам,
    Таптыыр табаарыһыам!

    Күн Мичээрэ
    09.12.2017

    0
  • Маайыстыыр
    17 декабря 2017  

    Муннун түүтэ кырыалаах,
    Кэннигэр дьахтардаах,
    Иһэр саха хоһууна,
    Олоҥхо бухатыыра..

    Ыраах диэн ыарырҕаппат,
    Кыһын диэн тохтообот,
    Ылла да айаннаата,
    Кийииит сиэтэн аҕалла.

    Күлүү-үөрүү аргыстаах,
    Күнү көрсө айаннаан,
    Тиийиэхтэрэ ыалларга,
    Тимир килиэ таҥастаах.

    Күүтэр сылаас балаҕан,
    Куйаас куобах суорҕан,
    Көп түүлээх сылгы тэллэх,
    Хоонньоһор бүөрдээх сүрэх.

    Тиэтэйэллэр тиийээри,
    Ыксыыллар ыктаран,
    Бөтөрөҥнөтөр уолан,
    Бөрөнөр кыыс кийииттии...

    Күн Мичээрэ

    0
  • Маайыстыыр
    17 декабря 2017  

    Ахсынньы ахсыс күнэ,
    Абаарыйа таҕыста:
    Ахсым айан түмүгэр,
    Аҕыс киһи умайда...

    Тохсус киһи эбиллэн,
    Траур биллэрилиннэ...
    Таксилар тиэтэйимэҥ,
    Тохтоон ылыҥ, иһийиҥ...

    Сэрэн, сэрэн, суоппар уол,
    Суол эрийэ-буруйа,
    Уун-утары самосвал -
    Утуйума уруулга...

    Олох биирдэ бэриллэр,
    Сибэкки биирдэ тыллар,
    Харыстаа дьон олоҕун,
    Биирдэ бэриллэр дьолун...

    Иһийиҥ, чуумпуруҥ, дьон,
    Ити куттар ааһаллар...
    Харах уута таммалыыр,
    Хараастыы кута ытыыр...

    Күн Мичээрэ
    10.12.2017

    0
  • Маайыстыыр
    17 декабря 2017  

    Оо, хоһоон, хоһооннорум барахсаттар,
    Хантан эрэ кутуллан, уу курдук суккуллан,
    Санаабын сайҕыыгыт, сааһылыыгыт,
    Сайыҥҥы үтүө күннүү
    Өҥүрүк куйааһынан күндүлүүгүт.
    Хотоҕос курдук субуллан,
    Ууммут илиммэр киирэҕит,
    Тот соболуу өрө мөхсөн,
    Уунан саба ыһаҕыт.
    Сороххутун мүлчү тутан,
    Устар уугутугар ыытабын,
    Сороххутун үтэһэлээн
    Кулуһуммар кэриибин.
    Арыт мөлтөөн-ахсаан аҕыйаан,
    Санаам курдук саппаҕыраҕыт,
    Арыт дириҥ далайы көрдөөн,
    Сулустарга талаһаҕыт.
    Онно тиийэн кып-кыра буолан,
    Мөлүйүөн сулус быыһыгар тырымныы,
    Миэнэ эрэ буолаҥҥыт күндүтүк көстөҕүт,
    Атыттарга харах аалыыта эрэ буолаҕыт.
    Чочуллубатах аламаас таастыы
    Ытыһым иһигэр күлүмүрдүүгүт,
    Баар онно үөрүү, хараастыы
    Сиик таммаҕыныы симэлийии...
    Оо ,хоһооннорум, сүрэҕим чопчулара,
    Бары миэхэ күндүгүт, кэрэҕит,
    Санаам иэйии тумуһахтара,
    Мэйиим итии кэриилэрэ!
    Күн Мичээрэ
    08.12.2017

    0
  • Маайыстыыр
    20 декабря 2017  

    Киһиэхэ киһилии сыһыаннаһыах,
    Киһи бүгүн баар, сарсын, баҕар, суох.
    Быйыл кылгас, эһиил - уһун суһуох,
    Билбэт киһим буолуоҕа кынныһах.

    Этиһэн, охсуһан бүт эн, сэгээр,
    Эйэни булаар олоххо сэмээр.
    Эйигинэ да суох эрэй элбэх -
    Эргичийэр эмиэ тойон эрбэх.

    Чыычаахтыы көтөн ааһар бу олох,
    Чычаас өйүнэн саантыыр буолумуох,
    Бэйэ-бэйэни харыстаһыахха,
    Була-була өр ыстаһымыахха.

    Быыбар дии-дии тута быыппастымыах,
    Былаах тутан суолунан хаамсымыах,
    Былаас кимиэнэй диэн хайдыһымыах,
    Буолуоҕа дии аны сайын ыһыах.

    Бииргэ түмсэн бары ыһыахтыахпыт,
    Биһиги сахаларбыт дэһиэхпит.
    Биирдэ кэлэр үйэҕэ айхаллаан,
    Бииргэ олоруохха ытыктаһан.

    Күн Мичээрэ
    20.12.2017

    0
  • Маайыстыыр
    21 декабря 2017  

    Күндү ийэм,быраһаай

    Турабын барбыт суолгун одуулуу,
    Онно туман быыһынан көстөллөр
    Адаар муостаах буур быһый табалар,
    Чуорааннара иһиллэр чуҥкунуу,
    Күндү ийэм, күндү көмүс ийэм.

    Бурҕайар буруо быыл күдэнигэр
    Киирэн эрэр күн тиһэх сырдыгар
    Кимнээх эрэ хара күлүктэрэ,
    Баран иһэр тэбиэн кыыл мөссүөнэ,
    Күндү ийэм, күндү көмүс ийэм.

    Ити аата букатын бардаҕыҥ,
    Илдьэ бардылар түүр төрүттэриҥ.
    Ийэккээм, аны сырдык кут тыыныҥ
    Ийэ сиртэн ы