1 год на форуме 5000 просмотров Все
Награды
1 год на форуме
1 год на форуме
5000 просмотров
5000 просмотров
Устар ууну сомо5олуур уус тыллаах саха аймах буолабыт.
  1321
Romantika бэртээхэй тобу арыйан уертэ-кетуттэ. Былыргы сахалар олох-дьаьах, быьыы-майгы туьунан биир бэргэн чочуллубут этиинэн уустаан-ураннаан да этэр буолаллар эбит. 8с хоьооно ебугэ номо5о диэн мээнэ5э эппэттэр.
Ответов 113 Написать ответ
  • _Сударыня_
    11 июля 2012  

    Саха тылын ойуулуур-дьуьуннуур ньымалара дьикти баай, ураты.

    Сайын,н,ы кунум сардан,атын курдук
    Киирэн эрэр кунум килбиэнин курдук
    Толомон ман,ан кунум тунал5анын курдук
    Сааскы сандал ман,ан кунум сырал5анын курдук.

    0
  • _Сударыня_
    11 июля 2012  

    Саха тылын ойуулуур-дьуьуннуур ньымалара дьикти баай, ураты.

    Сайын,н,ы кунум сардан,атын курдук
    Киирэн эрэр кунум килбиэнин курдук
    Толомон ман,ан кунум тунал5анын курдук
    Сааскы сандал ман,ан кунум сырал5анын курдук.

    0
    • _Сударыня_
      11 июля 2012  

      Саха киьитэ барахсан

      оллоонноон олорон олон,холоон онолуйда5ына, ойон-тэбэн оьуохайдаан барда5ына, ойуулаан-дьуьуннээн таабырыннаан турда5ына, лабыр5аччы чабыр5ахтаата5ына сэмэй бэйэтэ сэргэхсийэр, бурэ бэйэтэ кэрэтийэр.

      0
      • Donat
        11 июля 2012  

        оннук көстүү тыаҕа баара...

        били күн аайы көрөр холто буолбут хоттуустаах, халҕайбыт ыстааннаах, хараара сатаан баран хараҕа эрэ көстөр буолбут киһиҥ ыһыахха киэргэннэҕим буолан сэнэхтик таҥнан оһуокайдаан сэгэлдьийэн, кута-сүрэ көтөҕүллэн, сирэйдиин сырдаан иһэрэ көрүөххэ үчүгэйэ бөҕө...

        0
      • _Сударыня_
        11 июля 2012  

        Сахабыт тылын сумэтэ-суегэйэ уйэлэр тухары

        уостубатын! Онон эдэр ыччат дьоммор ба5арыам этэ:
        Тоно5остоох бэйэм нуо5айан
        Хоолдьуктаах бэйэм хон,куйан
        Булгуннээх бэйэм бугуйэн-
        Саннын урдугэр диэри
        Саргы талаанын салалыннын,
        8ттугун баьыгар диэри
        8регей талаанын урдээтин.
        ДОМ!

        0
        • _Сударыня_
          11 июля 2012  

          АЛАМПА Киьи билбэт кистэлэн,нэрэ.

          Кун анныгар
          Кеннеру керерге
          Кестубэт дьуьуннэр,
          Дуораьыйбат дор5ооттор,
          Атын алгыстар
          Баьаам элбэх бааллар...
          Онно
          Элбэх дьикти сэьэннэр,
          Сытыы ыраас сырдыктар
          Сыстыьан сылдьаллар...
          Ону
          Мээлэ киьи
          Мэйиитэ билбэт,
          Кеннеру киьи
          Кехсе сэрэйбэт,
          Ама киьи
          Арааран анаарбат.

          0
          • _Сударыня_
            11 июля 2012  

            салгыыта

            Арай
            Атын хара5ынан
            Анаарар аналлаах,
            Холобурдаан хоьуйар
            Хос куолайдаах
            Имэгирэн этэр
            Илбистээх тыллаах,
            Ириэнэх хааннаах
            Итинниги сиьилии
            Истэр-билэр...
            Оннук киьи,
            Суруллубут ойууттан,
            Тутуллубут дор5оонтон,
            Сан,арбыт тылтан
            Сатаан булан,
            Салайан таьааран,
            Саас тохору салгыппат
            Саргылаах сан,аны сан,арар.

            0
            • _Сударыня_
              11 июля 2012  

              Дьэ, ситигирдик этэн турар

              Алампа убайбыт.

              0
              • _Сударыня_
                11 июля 2012  

                Уол о5ону субу курдук хоьуйар буолар эбиттэр.

                Уол о5о барахсан
                Уьугунан дугунан,
                Ортотунан курданан,
                Улаанынан ньуурданан,
                Улаа5ынан керен,
                Ураан,хай саха буолан сылдьарын
                Усталаах туоратыгар
                Буула5а мас курдук мускулларга,
                Ует талах курдук эриллэргэ,
                Хатан анньыы курдук муккуллэргэ аналлаах.
                Биир кун ат ере5етугэр аналлаах,
                Биир кун ат уор5атыгар он,оьуулаах.

                0
                • _Сударыня_
                  11 июля 2012  

                  Далбар хотун

                  Хаарыс солко хассыаттаах
                  Халадаайдаах ырбаахылаах
                  Хаймыылаах былааттаах
                  Хайыр5астаах ытар5алаах
                  Халааннаах сан,алаах
                  Ханаллыбыт быьыылаах
                  Хатын, мааны дьахтар.

                  0
      • ник
        13 июля 2012  

        Бээ.. Оллоон'н'о олорон - диэн буолуохтаах.. 8йдуурбунэн, оллоон - бала5ан'н'а [олбох орон] к8мулу8к утары..

        0
  • Хардыы
    11 июля 2012  

    Сударыня махтал. Толорута бу баар.

    Уол оҕо барахсан

    Тыаһаан охтон баранар мастаах,
    Уолан симэлийэн аҕыйыыр уулаах,
    Күрэҥсийэн хагдарыйар күөх оттоох,
    Ойон тэгилийэн тахсар күннээх,
    Орто кэрэ дойдуга
    Уол оҕо барахсан
    Уһугунан дугунан,
    Ортотунан курданан,
    Улаанынан ньуурданан,
    Уулааҕынан көрөн,
    Урааҥхай саха буолан сылдьарын
    Усталаах туоратыгар
    Буулаҕа мас курдук мускулларга,
    Үөт талах курдук эриллэргэ,
    Хатан анньыы курдук мүккүллэргэ аналлаах.
    Уол оҕо барахсан
    Биир күн ат өрөҕөтүгэр аналлаах,
    Биир күн ат уорҕатыгар оҥоруулаах.
    Уол оҕо барахсан
    Үс төгүл саадаҕын курданан,
    Мугур маһыгар ыттан баран,
    Биир түүлээх муос оноҕоґунан
    Киһи буолар кэскиллээх.
    Уол оҕо барахсан
    Киһи кэлэйэн кэпсэппэт,
    Ыал хоннорбот.
    Ыт үрбэт буолан баран,
    Түөрт үрэх баһыттан биирдэригэр
    Дьоло тосхойор,
    Быйаҥа быгыалыыыр,
    Кэскилэ кэтэһэр.
    Уол оҕо барахсан
    Хайа да күн
    Хаҥас илиитэ – хара саарба,
    Уҥа илиитэ – уу хаччы,
    Уол оҕо барахсан
    Дьоло орто дойдуга,
    Баайа – балаадаҕа,
    Көлөһүнэ – күн сиригэр.
    Уол оҕо барахсан
    Хайдах даҕаны
    Хара баһа хагдарыйбытын иһин,
    Дьулайын аһа туттайбытын иһин,
    Дьороҕор уҥуоҕа ньохчойбутун иһин,
    Эрэһэлээх тииһэ эмтэрийбитин иһин,
    Киэһэ хоноругар кэмнэнэр,
    Сассын турарын сананар.
    Уол оҕо барахсан
    Төһө да дьүкээрдэр,
    Хайдах да кырыйдар,
    Иннигэр илимнэнэн,
    Анныгар айаланан
    Айаҕын иитинэр,
    Саннын таҥыннарар,
    Биэрэгин бэлэмнэнэр,
    Уол оҕо барахсан курдук
    Одунтан оҥоруулаах,
    Чаҥыстан дьылҕалаах,
    Мөҥүрүµр бөҕіттін төлкөлөөх
    Орто дойдуга ким да оҥоґуллубатаҕа.
    Хайа да күн көнө үтүө сүрэхтээх,
    Ыраас сырдык хааннаах
    Уол оҕо барахсан
    Төһө да быһыннар,
    Дэлэ былас санаатын татыарыппакка,
    Муора далай санаатын муҥурсуппакка,
    Киэҥ көхсүн кыараппакка,
    Тимэх тыһытын курдук тэнийэр чиэстээх.
    Уол оҕо барахсан
    Үкэр күөх курдук
    Өрөһөлүү үүнэн тахсарга,
    Сүөгэй курдук мөлбөйөргө,
    Арыы курдук ньылҕарыйарга,
    Киис курдук киэргэнэргэ,
    Боккуодам курдук өрө тахсарга,
    Баҕалаах сүрэхтээх.
    Уол оҕо барахсан
    Сүрэҕэ эрэ көнө буолар,
    Санаата эрэ сайаҕас буолар,
    Ама кини курдук
    Туох да суох доҕоттоор!

    Бу мин санаабар саха эр дьонун саамай дьоһун хоһуйуу.
    Чурапчы кырдьаҕаһын (хомойуох иһин аатын билбэппин) тылыттан суруллубут.
    Саха эр дьонун олоҕун тосхоло да буолуох тыллар.

    0
    • _Сударыня_
      11 июля 2012  

      Хардыы, бэйэ5эр махтанабын.

      мин телефонтан буолан толору суруйар кыа5ым суох. Ити Ион Новгородов диэн ырыаьыт хоьуйуута Чурапчы Болтон,отуттан. 1921с.

      0
      • _Сударыня_
        11 июля 2012  

        Эр киьини хоьуйуу

        Дьогдьуурдаах сонноох
        Тумустаах этэрбэстээх
        Туорум кемус курдаах
        Тор курдук бытыктаах
        Толбонноох ньуурдаах
        Дор5оонноох сан,алаах
        Туруору ун,уохтаах
        Тойон туьумэт эр бэрдэ.

        0
  • Хардыы
    11 июля 2012  

    Кыыһы хоһуйуу. Өксөкүлээх.

    Алайаана лаглардыырбын
    Алтан чуораан айахпынан
    Айааран аҕыннахпына
    Амньыраабыт санаам аралльыйар.

    Күөкэрдиирэ күлүмүрдүүрбүн
    Көмүс күөҕү күөмэйбинэн
    Күр-мар туойдахпына
    Күлкэдийбит санаам көччүйэр.

    Сандаарыйа алардыырбын
    Салгын ырыабынан
    Салайан саҥардахпына
    Саппаҕырбыт санаам саатыыр.

    Истиҥ нарын сыһыаны тириэрдэр тыллар дии.

    Чурапчы кырдьаҕаһын аатын биллэҕим махтал.

    0
    • _Сударыня_
      11 июля 2012  

      Олус бэрт.

      Саха тыла-еье уус-ураннык чочуллуута манна дьэн,кэтик кестер. Киьи таттаран аа5ар, хайдах эрэ абылыыр, урдуккэ кетутэр.

      0
  • Чаачар
    11 июля 2012  

    Үчүгэйин

    Сахабыт тылын
    Ууһун-
    Уранын,
    Улуу
    Убайдарбыт
    Уруккуттан
    Уурталаабыт
    Улаҕата биллибэт
    Этиилэрэ,
    Билиҥҥи олоххо диэри
    Илэ көрүүлэрэ,
    Киһини сөхтөрөр.
    Саха тылын баайын дуолун
    Өссө төгүл кэрэһэлиир,бигэргэтэр.

    0
    • _Сударыня_
      11 июля 2012  

      Чаачар, махтал!

      Убайдарбыт уустаан-ураннаан суруйбут улуу айымньыларын кэнчээри ыччакка тиэрдэр биьиги суду иэспит.

      0
      • Саха
        11 июля 2012  

        Сударыня махтал. Бэртээхэй топ

        Саха хоhуйбут ырыалара тугун бэртэрэй. Уол ого барахсан диэни аага олорон абын санаатым. Барахсан 75 да син биир илимин бэрийэн балыктаан хос сиэттэрин аhата сылдьар. Бу тойук саха эр дьонун гимна буолуон сеп.

        0
        • _Сударыня_
          12 июля 2012  

          Алампа

          Миигин
          То5о ыллаппаккын?
          Ыллыым ээ, ыллыым!
          Эн
          Уйгулаах уугун
          Уйгуурдуом суо5а,
          Эн айылгылаах санаа5ын
          Аралдьытыам суо5а,
          Эн
          Хоргус санаа5ын
          Куттуом суо5а...
          Суох!
          Аргыый-аргыый,
          Аччыгыйдык, айа5ым иьигэр
          Ыллыым ээ, ыллыым!

          0
          • _Сударыня_
            12 июля 2012  

            салгыыта

            Мин
            Эйиигин
            Куьа5аны хоьуйан
            Курутутуом суо5а,
            Ыстырыыьы ыллаан
            Ытатыам суо5а,
            Улаханнык ордоотоон
            Уьугуннарыам суо5а.
            Суох!
            Аргыый-аргыый
            Аччыгыйдык, айа5ым иьигэр
            Ыллыым ээ, ыллыым!
            То5о ыллаппаккын!

            0
            • _Сударыня_
              12 июля 2012  

              ...

              Мин ыллыам:
              Эн
              Утуйа сытар
              Уйгулаах ньуургун,
              Намчы солко
              Ньал5ахай баттаххын,
              Субуйуу солко
              Субуллар суьуоххун,
              Хара хааьын, ханыытынан
              Харанан
              Хаьылыччы керер
              Арылхай хара5ын,
              Арылыйа арылларын,
              Сииктээх сир сибэккитин
              Сэбирдэ5ин курдук
              Тэтэркэй имнэргин,
              Ойуу курдук
              Оччугуй уоьун,
              Аргыый аьыллан
              Кемус тииьин,
              Кулумнээн кестерун.
              Кунду туеьун
              Кеппен,неен кебуехтуурун,
              Нарын-нарыннык
              Талбааран хамныырын
              То5о ыллаппаккын?
              Аргыый-аргыый,
              Аччыгыйдык, айа5ым иьигэр
              Ыллыым ээ, ыллыым!

              0
              • _Сударыня_
                12 июля 2012  

                ...

                Мин ыллыам:
                Эйиигин
                Урун кун анныгар
                Уктэл буор урдугэр,
                Баайдаа5ар бастатан
                Уптээ5эр урдэтэн,
                Кун,н,э кетер
                Кундуттэн кундургэтэн,
                Этим-хааным ирэн
                Эт сурэ5им эймэнийэн
                Таьыччы таптыырбын...
                Эн иннигэр
                Кытыаста умайар
                Кытарар уокка
                Кытта умайыам.

                0
                • _Сударыня_
                  12 июля 2012  

                  ...

                  Будулуйар боруоктаах
                  Буккуллар муора5а
                  Тебебунэн туьуем,
                  Уербэ тимиргэ
                  8теру уелуллуем,
                  Сынтарыйбат-сымнаабат
                  Сытыы буулдьа5а
                  Туеспунэн керсуем,
                  8луехпэр дылы
                  8ьургэтиэм суо5а,
                  Сааьым тухары
                  Санаар5атыам суо5а,
                  То5о ыллаппаккын?
                  Аргыый-аргыый,
                  Аччыгыйдык, айа5ым иьигэр
                  Ыллыым ээ, ыллыым!..

                  0
  • Хардыы
    12 июля 2012  

    Үтүө сарсыарда

    Алампа хоһуйбут Таҥхаһыт хоһооно

    Харыс бытык,
    Харчы сото,
    Сээркээн Сэһэн, тойон эһэм!
    Ыраах даа буолларгын ыксалаан,
    Суох даа буолларгын чугаһаан,
    Түскэ сүбэлээ,
    Айылгыга алҕаа,
    Кэлэн иһэр кэскилбин
    Кэрэйбэккэ кэпсээ,
    Оҥоһуллан иһэр олохпун
    Ордорбокко онолуй.
    (Сээркээн Сэһэн этиитэ)
    Сэмэ-суҥха сиппитин,
    Сэт-сэлээн туолбутун,
    Аан дойду аймаҕын
    Аймааһына аччаабытын,
    Айыыларын санаабыттарын,
    Алгыстара арыллыбытын кэннэ,
    Маҥан тирииҥ барчалаһан,
    Баскынааҕы баттаҕыҥ
    Саалырсыйарын саҕана,
    Иччилээх тыллаах,
    Иҥсэлээх хоһоонноох,
    Ичээн буоларга
    Этитиилээх эбиккин эбэ, нохоо!

    Ону
    Эрдэ бэтиэхтээбиккин,
    Урут улуйбуккун,
    Сэрэн-сэрбэн эрэ, нохоо!

    Очурга оҕустаран,
    Томторго туойтаран
    Итэҕэс айыылананаайаҥый,
    Кэччэгэй кэскиллэнээйэҥий,
    Кэтэ мэник уол!

    Ол эрэн
    Орто дойду олоҕуттан
    Ороскуотураргын оройдооботум,
    Күн сирин олоҕуттан
    Күөмчүлэнэргин көрбөтүм.

    Илин өттүгэр
    Илбис-мэнэгэй биллибэт,
    Ойоҕос өттүгэр
    Оһол-төрүөт көстүбэт.

    Бэйэҥ
    Татым санаалаах буолан
    Татыарыйар эбиккин,
    Уһурумтаҕай уйулҕалаах буолан
    Уйадыйар эбиккин,

    Кэтит дойдуттан
    Кэскиллэ кэтэс,
    Аан дойдуттан
    Айхалла тардыс
    Диэн баран
    Сиргэ симэлийбит,
    Турар сиринэн дьуоҕарбыт.

    Дириҥ ис хоһоонноох айыиньы

    0
    • _Сударыня_
      12 июля 2012  

      мин Алампа хоьооннорун наьаа себулуубун

      киьи дууьатын ортотунан киирэр. Ити ''Ыллыым ээ, ыллыым''диэн хоьоонун Гаврил Колесов аахпытын ТВ-га кердербуттэрэ. Наьаа учугэйдик аа5ар! Киьи керен олорон уйадыйар гына. Хара5ым уута тахсыбытын ейдеебекке хаалбытым.

      0
      • Хардыы
        12 июля 2012  

        :-) Уйан киһи эбиккин. Кырдьык киһи кутун-сүрүн хамсатар айымньылар.

        Мин ордук ис хоһоонун уонна тыл дьүөрэлэһиитин сэргээччибин.

        0
      • Сахаледи__
        12 июля 2012  

        ТВ-га ити биэриини мин эмиэ көрбүтүм

        Үрдүк таһымнаах артыыс хоһоону ааҕара ураты да буоллаҕа!
        Алампа, Өксөкүлээх айымньыларыттан уонна олоҥхону истэн мин саха тыла хайдах курдук баайын, кэрэтин өйдөөбүтүм уонна таптаабытым.

        0
  • романтика
    12 июля 2012  

    Дорообо дойдум!

    Тоҕотун тоҥоомо,
    Туоһулуу сураама,
    Туората көрүмэ!
    Аҥы халлаан
    Анныттан айаннаан,
    Сылайа сындалыйан,
    Ахта аймаһыйан
    Эйиэхэ
    Эргиллэн кэллим...
    Сыттаах, сымнаҕас
    Кырааска кырыскар
    Сытан сынньанным.

    ... Алампа Куобах Буһарбыт алааһын кытыытыгар киирэн, сонно күөх окко умса түһэн, күөх оту имэрийэ-имэрийэ, сыппахтаата, көмүскэтин уута туолан, сылаас таммахтар иэдэһинэн тыккыраһалларын биллэ. Төрөөбүт алааһа барахсаҥҥа син кэлэр күннээх эбит ээ! Хаайыынан, сыылканан сылдьан хаста-хаста илэ да, түүлүгэр да көрбүтэ буолуой бу ортотугар тойон булгунньаҕа томтоллор, күн уотугар көлүччэтэ чаҕылыҥныыр хаарыаннаахай алааһын?!

    0
  • Хардыы
    12 июля 2012  

    Өксөкүлээх айымньытыгар эр ойоҕун маннык ааттыыр.

    Ураанныыра куллустууруом...
    Үрүҥнүүрэ үйэнтэйиэм...
    Сайаҕастай сандаарыкыам...
    Кирибинньиктиирэ дьирибинэйиэм...
    Дьорордуура туттардыырыам...
    Туналыҥса доҕоруом...
    Сыспардыыра сыллыыйыам...

    0
  • Туртас_
    12 июля 2012  

    Барыгытыгар улахан МАХТАЛ!!! :))))

    Киhи дууhата долгуйар, уйадыйар, киэн туттар, астынар хоhоонноро...
    Киэhээ астына-дуоhуйа налыччы аа5аарыбын, бэчээттэнэн ыллым...
    Өссе тегул МАХТАЛ!!! :)))

    0
    • _Сударыня_
      12 июля 2012  

      Хардыы киирэн

      хай5абыл истибэтэх кулгаахпытын хомо5ой хоьоонунан сылаанньыта сымнатыа, саппа5ырбыт санаабытын сай5ыа диэн эрэнэ кэтэьиэ5ин:)

      0
    • _Сударыня_
      12 июля 2012  

      Хардыы киирэн

      хай5абыл истибэтэх кулгаахпытын хомо5ой хоьоонунан сылаанньыта сымнатыа, саппа5ырбыт санаабытын сай5ыа диэн эрэнэ кэтэьиэ5ин:)

      0
  • Romantika73
    12 июля 2012  

    "Хараҕы дьэҥкэрдэр, өйү-санааны чөллөрүтэр, куту-сүрү көтөҕөр алгыс күүстээх тыла"

    Асчыт алгыһа.
    Илиим илгэлэннин,
    Тарбаҕым далбарданнын.
    Астаабыт аһым
    Амтаннаах буоллун,
    Бэлэмнээбит аһым
    Минньигэс буоллун.
    Аһыыр ас,
    Иһэр утах
    Өҥүн-быйаҥын сүтэримиим,
    Иҥэмтиэтин симэлитимиим.
    Амтаны харыстыым,
    Үрдүн өрүһүйүүм.
    Дьолун толору оҥоруум,
    Тускутун тупсаран биэриим.
    Санаабын араҥаччылыым, тылбынан дьалбыйыым.
    Дом!

    Алгыстар кинигэттэн, маннык эмиэ баар-)))

    0
    • _Сударыня_
      12 июля 2012  

      от кэмигэр сеп тубэьиннэрэн

      От тегулэ. Ырыалаах Ыстапаан хоьуйуута.
      Эьээн,кэй, о5олоор!
      Кердеех кер сайыммыт
      кере буолла:
      куех от кеччуйдэ,
      ара5ас алтан от
      ан,аарыйда,
      икки салаалаах
      иэрэгэй от уедуйдэ,
      ус салаалаах укэр от уескээтэ,
      туерт салаалаах
      леглей от телеьуйдэ,
      биэс салаалаах
      бэттиэмэ от бэркэ ситтэ,

      0
      • _Сударыня_
        12 июля 2012  

        ...

        алта салаалаах
        ара5ас от алыстаата,
        сэттэ салаалаах
        сиэрэй от силиг*****э,
        а5ыс салаалаах
        солко от нуурайда,
        уон салаалаах
        унаар от унаарсыйда!

        0
        • Хардыы
          12 июля 2012  

          От төгүлэ маннык эмиэ баар

          Отчут дьоҥҥо анаан бу төгүлү таһаарабыт.
          От төгүлэ

          Биир салаалаах
          Биэрэҥ от бииһээтин,
          Икки салаалаах
          Иэрэҥ от эйэҥэлээтин,
          Үс салаалаах
          Үкэр от үттүн,
          Түөр салаалаах
          Түөрэҥ от төрүттэннин,
          Биэс салаалаах
          Бэтиэмэ от ситтин,
          Алта салаалаах
          Ача от астын,
          Сэттэ салаалаах
          Сиибиктэ от силиг*****ин,
          Аҕыс салаалаах
          Алтан от
          Айгыраатын,
          Тоҕус салаалаах
          Локуора от
          Торолуйдун.
          Алаастарбыт
          Арыынан алыннылар,
          Сыһыыларбыт
          Сыанан бысхайдылар,
          Толооннорбут
          Иэдьигэй тураҥнаннылар,
          Күөллэрбит
          Үүтүнэн үлүнннүннэр,
          Ньирэй чиилийдин,
          Ынах маҥыраатын,
          Оҕус мөҥүрээтин,
          Кулун толугураатын,
          Биэ иҥэрсийдин,
          Бар атыыр кистээтин,
          Уйгу-быйаҥ буоллун!
          Уйгу-быйаҥ буоллун!
          Уйгу-быйаҥ буоллун!

          Сарсын иччилэр мунньахтыыр күннэрэ. бу күн алаас-алаас аайы дьолу, быйаҥы аныыллара. Онон бу күн оҕолору мэниктэппэтэр этэ. Бу күн ходуһаҕа киирэн үүнүүнү көрөллөрө. быйаҥы сылыктыыллара.
          Ол кэннэ хотууру уулатыы туомун оҥорон окко киирэллэрэ.

          0
          • _Сударыня_
            12 июля 2012  

            П.А. Ойуунускай''Дойду о5ото Дорогуунап Ньукулай''быьа тардыы

            Дьиэлээх хотуну, дьэ, таба керде......Хантайбыт быьыылаах, улууххан дьуьуннээх, арылыччы кербут харахтаах, имин хаана оонньообут килбиэннээх иэдэстээх, урдук тунал5аннаах суустээх, нарын-нарын, уурбут-туппут курдук чараас уостаах,дьахтар утуетэ, дьуьуннээх кэрэтэ олорор эбит.

            0
            • _Сударыня_
              12 июля 2012  

              ...

              Туеьэ кунду таас иккинэн, кыьыл кемус иккинэн кулумнээбит, солко5о-хампа5а сууламмыт, кылааннаах бастын,ынан тан,ныбыт, кыталык курдук кылбальдьыйбыт, куба курдук туналыйа долгульдьуйбут, быьыылаах нарын утуетэ, ун,уохтаах талба кенете, бу олорор эбит...

              0
              • _Сударыня_
                12 июля 2012  

                Дьэ, бии уут-укчу олон,хо5о этэллэрин курдук

                тан,ас бутэй тамана сандааран кестубут, ун,уох бутэй силиитэ дьалкыйан кулумнээбит, дьахтар утуетэ, кербут эрэ татыйык гына таптыах, алтан туестээх далбарым, кемус туестээх куерэгэйим диэн ыллыан, туойуон септеех дьахтара бу баар эбит...

                0
                • _Сударыня_
                  12 июля 2012  

                  АЛАМПА. До5оччугуом.

                  До5оччугуом!
                  То5о,
                  Хоодуот санаан, холлон
                  Хомойбуттуу хон,куйа
                  Хоолдьуккун хон,куттун,?
                  То5о,
                  Салбан, санаан, санньыйан
                  Санаар5аабыттыы салба5ыран,
                  Саллан санньылыйдын,?..
                  То5о,
                  Кынта5ар бэйэн, кын,найан
                  Кыыьырбыттыы кыыьан
                  Кытара кыйаханнын,?

                  0
  • _Сударыня_
    12 июля 2012  

    ...

    Бэйэн, даа
    Билбэккин дуо
    8бугэ тухары еспетех
    8с хоьоонун:
    ''Кыьын сааьынан салаллар,
    Сайын куьунунэн кеьер,
    Учугэй уксэ утугэннээх,
    Улугэр угуьэ утуелээх''-диэни?..
    Итиниэхэ эбии эттэххэ,
    Бэ5эьээ бэккиьэппит бэрди
    Бугун будулээн кердеххе,
    Куьа5ана куотарын?..

    0
    • _Сударыня_
      12 июля 2012  

      ...

      Бугун,н,у буруукээбит мекуну
      Сассыныгар сайыннаран санаатахха,
      Сааскы сассыардалыы сандаарарын?..
      Ал5ас алдьаххайа
      Ааспытын кэннэ аран,аланарын,
      Сатамматах сабыдыала
      Сассыныгар самалыктанарын?..

      0
      • _Сударыня_
        12 июля 2012  

        ...

        Билбэккин дуо, биэбэкээм!
        Сааскы халаан садырыына
        Халын, мууьу хампарытан,
        Кур мууьу кете5еругэр
        Хара сиргэ
        Хасса суох халыйан,
        Ыар5а тала5ы ылан,
        Ис иирэни илдьиритэн,
        Куех уету куерэлээн,
        Хара буору хастаан
        Хаьан хаалларбытыттан,

        0
        • _Сударыня_
          12 июля 2012  

          ...

          Ардах уутун аьаан,
          Сир сиигэр силистэнэн,
          Кун уотугар кеччуйэн,
          Куех ует куентуу
          Куегэлдьийэ уунэрин
          Кербет этин, дуо, кемуьуем?..

          0
          • _Сударыня_
            13 июля 2012  

            ...

            Ону оройдоон,
            Кун санаа5ын кулугурдумэ,
            Сайа5ас саргыгын самнарыма.
            8регей ейгун елбеедутумэ,
            Инники иьэри иьиллээ,
            Кэлэр кэскили кэтэс,
            Оло5у одуулаа,-
            Оннук ордук буолаарай...

            0
  • Сахаледи__
    12 июля 2012  

    Бүөтүр Оҕотоойоп "Элэс Боотур" олоҥхотуттан быһа тардыы

    Силигин ситэрэн эттэххэ:
    Сиэркилэ уулаах,
    Сиибиктэ оттоох,
    Сирэм күөх кырыстаах,
    Өрөөбөт өтөннөөх,
    Кэрээбэт кэҕэлээх,
    Барбат бараахтаах,
    Быстыбат быллырыыттаах,
    Бүппэт быйаҥнаах,
    Кыһына суох
    Самаан сайын сатыылаабыт,
    Саргы дьаалы салаллыбыт,
    Санаа да сиппэт
    Салаҥ үтүө сир
    Сайгыйан турар эбит.
    Ол олус үтүө дойду
    Отун-маһын
    Ойуулаан-оһуордаан
    Уустаан-ураннаан эттэххэ:
    Тыала да суохха
    Тылыбырыы турар
    Тэлибирэс-илибирэс сэбирдэхтээх
    Тэтиҥ мастардаах.
    Халаатаан саҥарар
    Хатын дьахталлар
    Ханна эрэ бараары
    Харыһыктаах таҥастарын хаттанан
    Хаҥкыр-иҥкир кэпсэтэ
    Хаамсан ханалдьыһан иһэллэрин курдук
    Хампа ньаассын
    Хатыҥ мастар
    Ханыылаһан үүммүттэр.
    Тойон дьоннор
    Тула мустан тус-туспа,
    Тугу эрэ толкуйдуу
    Туралларын курдук,
    Хагдарыйары билбэт,
    Хараҥа күлүктээх
    Харыйа мастардаах.
    Торумтуйбут бытыктаах,
    Дорҕоонноох саҥалаах
    Толуу дьоннор
    Дорообо бэрсээри
    Тоҥхолдьуһа туралларын курдук
    Томороон тииттэрдээх.
    Хайыһардарын кэппит,
    Хаалыктарын анньыммыт,
    Батыйаларын таҥнары тайахтаммыт,
    Сааларын санныларыгар сүкпүт,
    Тукулаан түбэлэригэр
    Туртастыы тахсан иһэр
    Тоҥус оҕонньотторо
    туорахтаһан иһэллэрин курдук
    Толуу төҥүргэстэрдээх.
    Сэргэх көрүҥнээх
    Сиэнчэр дьоннор
    Сэҥээрэн сэгэйэн туралларын курдук,
    Бэртээхэй баҕайы
    Бэс мастардаах.
    Сэттэ уоннарын сиппит
    Симэхсин эмээхситтэр:
    "Иннибит кылгаатаҕа,
    Кэннибит уһаатаҕа,
    Кырдьар сааспытыгар,
    Өлөр үйэбитигэр",--дэһэннэр
    Үөрүүгэ-көтүүгэ
    Өкчөөкөйдөһөн иһэллэрин курдук,
    Үрүйэ сирдэргэ
    Үмүөрүһэн үүммүт
    Үтүмэн үгүс
    Үөт талахтардаах.
    Эт тута илик,
    Этэ-этэ күлэр,
    Эмньик, имигэс
    Эдэр кыргыттар курдук,
    Иирэ талахтардаах,
    Уончалаах оҕолор
    Оонньуу сылдьалларын курдук,
    Бэйбэриспит быһыылаах
    Бэһиккэй эттээх
    Бэрдьигэс мастардаах.
    Байҕал курдук бардамнык
    Барылыы баалланар,
    Муора курдук дохсуннук
    Будулуйа долгуннурар
    Улаҕата-уҥуоргута көстүбэт
    Улуу тайҕа тыалаах,
    Күөх көбүөр кырыстаах,
    Хотоол-хонуу хочолордоох,
    Күрүлүү-харылыы сүүрдэр
    Көҥүс үрэхтэрдээх,
    Көҥүл көрүлүүр
    Күөрэгэй чыычаахтаах,
    Күн көрбүтүнэн
    Күөрэйэ ойон тахсар
    Кыыс кэрэ дойду
    Күөгэйэн, нусхайан,
    Күлүм-мичил көрөн,
    Налыйан-наскыйан,
    Туругуран-тупсан
    Турар эбит.

    0
  • Сахаледи__
    12 июля 2012  

    Ити тулалыыр айылҕаны ойуулааһын өссө да уһуннук салҕанар

    Онтон салгыы дьиэ таһа уонна ис бараана кэпсэнэр. Онтон быһа тардыы:
    Ол улуу уорук
    Ортотун диэки
    Тоҕустаах дуолан дьааҥсаар
    Аҥаарыма атыыр оҕуһу
    Тобуктуу түһэрбит курдук
    Буор ньээкэ модьоҕолоох эбит.
    Ол үрүт өттүн
    Өйдөөн көрдөххө:
    Сэттэ тэргэн тиити
    Силистэри, мутуктары
    Симэн кэбистэххэ
    Сэттэ түүннээх күнү мэлдьи
    Сэллээбэккэ, мөлтөөбөккө,
    Умуллубакка, уостубакка
    Омуннаахтык-төлөннөөхтүк
    Умайан тиҥинии-таҥыныы,
    Күлбүт-үөрбүт курдук
    Күлүбүрүү, күндээрэ турар,
    Суорба таас хайаны
    Суора охсон кэбиспит курдук
    Суостуганнаах суо-хаан
    Оһохтоох эбит.
    Чаабыргыыр чарапчылаах,
    Чуубургуур чуулааннаах,
    Күлүүк күүлэлээх,
    Хоһоонноох хоспохтоох,
    Үгэлээх үгэхтээх,
    Билгэлиир биллэриктээх,
    Муҥатыйар муннуктаах,
    Алларастыыр ааннаах
    Ааттаах ааннаах
    Ааттаах үтөү дьиэ эбит.
    Бу иэримэ дьиэ
    Иһитин-хомуоһун,
    Сэбин-сэбиргэлин
    Ситэри сирийэн көрдөххө:
    Олоҥхоһут олоппостоох,
    Ырыаһыт ыскаамыйалаах,
    Таабырынньыт табытыайкалаах,
    Эһиэхэйдээн кэлэр
    Эт эттиир мастаах,
    Сүүрэкэлээн кэлэр
    Сүр-кэп сүгэлээх,
    Быатын быһа түһэр
    Быыра быһыччалаах,
    Тэйиэккэлээн кэлэр
    Тэһии тэриэлкэлээх,
    Чохчоохойдоон кэлэр
    Чобуо чохоолоох,
    Кырыытынан дайан кэлэр
    Кытыгырас кытыйалаах,
    Көтүөкэлээн кэлэр көһүйэлээх,
    Чугууһут чугууннаах,
    Табаһыт чабычахтаах,
    Хаһыытыыр хамыйахтаах,
    Орулуур удьаалаах,
    Солуну кэпсиир
    Суо-хаан солуурдаах,
    Уруйдуур-айхаллыыр
    Улахан остуоллаах.


    0
      • _Сударыня_
        13 июля 2012  

        ***

        Дорообо, до5оруом!
        Саамай табатык
        Саманна таарыйдын,
        Санаабын сан,арыам,
        Кэрэбин кэпсэтиэм,
        Угуьу ейденуем,
        Утуе5э уерэниэм,
        Ааспыты ахтыьыам,
        Билин,н,ини кэпсэтиэм.
        Уонна, уонна...
        Уорба санаалары ууратыам.

        0
        • _Сударыня_
          13 июля 2012  

          Алампа хоьооннорун салгыбакка

          киьи аахтар-аа5ан барыах курдук, оннук умсугутуулаахтык суруйан хаалларбыт эбит.

          0
          • Хардыы
            13 июля 2012  

            Үтүө сарсыарда барыгытыгар.

            Өксөкүлээх. Сайын кэлиитэ.
            Сайыҥҥы киһини хоһуйбута :-)

            Маннык мааны олох
            Баһыйарын кытта,
            Тойон киһи томтоҕор оһоҕостонно,
            Толуу куҥнанна,
            Тойбоҕор быһыыланна,
            Толкуйа тобулунна:

            Хатын дьахтар
            Хаһата хаҥаата,
            Хаадьыта сытайда,
            Халаатыыра элбээтэ,
            Хаамара хайбаҥнаата;

            Уолан киһи обургу
            Уохтаах санааланна,
            Уолугунан тыынна,
            Уһугунан дугунна,
            Оройунан оойноото,
            Ойууру одуулаата,
            Ойоххо кыһанна;

            Кыыс дьахтар
            Кытархай иҥнэннэ,
            Кыдьараҥнас сырыыланна,
            Кындыа майгыланна,
            Кытыйаны кытта кыырда,
            Кыттыгаска кыһанна,

            Оҕонньор киһи сордоох
            Оһоҕоһо тотто,
            Оронуттан оронно,
            Оойнуулаах уостанна,
            Уолан санаата уһугунна,
            Ойоҕун кытта оойносто:

            Эмээхсин киһи эрэйдээх
            Этэт үүтүн истэ,
            экчэгэр иһэ кэллэ,
            Энэлгэнэ сэллээтэ,
            Эригэр иҥээҥнээтэ.
            Эдэрдээҥҥитин эрэйдэ.

            0
  • Сахаледи__
    13 июля 2012  

    Сударыня, "Ноо!" диэхтээх этиҥ ээ))) Быраабылатынан)))

    "Элэс Боотур" салгыыта. Ити балаҕан баһылыгын тас көрүҥүн туһунан.
    Кини бэйэлээх көстөр көрүҥүн,
    Хаан-чаҕаан сэбэрэтин
    Сүдьү-бараа дьүһүнүн
    Өйдөөн-дьүүллээн көрдөххө:
    Бысталаабыт тиит курдук
    Хапса5ай харылаах,
    Эриллэҕэс тиит курдук
    Эрчимнээх илиилээх,
    Баай тиит
    Бастыҥ үөрэҕэһин
    Быһа баттаан ылан
    балтаччы олордон кэбиспит курдук
    Баараҕай бууттаах,
    Уолах тиит
    Орто чууркатын
    Оломооттоон ылан
    Олоччу уурбут курдук
    Уһун уллуктаах,
    Суллаабыт тиит курдук
    Суон дулаҕа сотолоох,
    Киэҥ аан курдук килэдийбит
    Кэтит нараҕар түөстээх,
    Үс былас холобурдаах
    Үөрбэйэр өттүктээх,
    Биэс былас бадахтаах
    Биэкэйэр бииллээх,
    Алта былас кэриҥэ
    Дарайар сарыннаах,
    Тоҕус мастаах оҥочону
    Туруору туппут курдук
    Дүгдэйбит дуолан хара көҕүстээх,
    Чаан олгуй саҕа
    Сүдү улахан төбөлөөх,
    Саннын байаатыгар диэри
    Таҥнары үүнэн
    Намылыйан түспүт
    Куударалаах баттахтаах,
    Икки сур кырынаас кутуругун
    Субуруччу уурталаабыт курдук
    Хап-хара хаастардаах,
    Икки эрэһэлээх үүн тиэрбэһин
    Кэккэлэччи туппут курдук
    Эрилкэй харахтардаах,
    Икки тэргэн ыйым
    Тэҥэ буолбут
    Кэрэ-чуор кулгаахтардаах,
    Икки кэрэмэс саһылы
    Кэккэлэччи туппут курдук
    Тэтэркэй имнэрдээх.
    Суон мүһэ курдук
    Субуллаҕас муруннаах,
    Хоппо күрдьэх саҕа
    Кудумньулаах куорай-далаан ытыстаах,
    Уон тыһы кырынааһы
    Бааралыы туппут курдук
    Бабыа көмүс тарбахтардаах,
    Бараа быччыҥнаах,
    баттах сарыннаах,
    Быһыйга быһыылаах,
    Бөҕөҕө мөссүөннээх,
    Ньыгыл борбуйдаах
    Ньылха куҥнаах,
    Дүлүҥ-бараа үскэллээх,
    Сүдү бараан дьүһүннээх,
    Хаан-чаҕаан сэбэрэлээх,
    Харытын көрүнэ-көрүнэ
    Хабырыттар,
    быччыҥын көрүнэ-көрүнэ
    Быыппастар,
    Сототун көрүнэ-көрүнэ
    Суудайар,
    Үллэр өһөхтөөх,
    Тардар тымырдаах,
    Умсары оройдоох,
    Таҥнары чабырҕайдаах,
    Оонньуур хааннаах
    Урааҥхай оҕотун уһуктааҕа,
    Киһи гиэнин килбиэннээҕэ,
    Олорор бэйэтэ
    Биэс саһааннаах,
    Турар бэйэтэ
    Тоҕус саһааннаах,
    Толуу уҥуохтаах,
    Томороон дьүһүннээх,
    Дьэ, кырдьык даҕаны,
    Сир ийэ
    Сиилинэйигэр сөптөөх
    Сүдү сэбэрэлээх,
    сирэйиттэн сытыы болт сынтарыйар,
    Хараҕыттан хатан дьиэрэҥкэй үҥүү
    халтарыйар,
    Буор дойду
    Буолунайыгар боһуомнаах
    Буулаҕа көрүҥнээх,
    Түнэ киэнин түүнүктээҕин
    Дүгдэччи анньыммыт,
    Сарыы киэнин тыйыһын
    Тиирэ киэптии кэппит,
    Орто түһүлгэ дойду
    Улуу дуолана олорор эбит.

    0
  • Хардыы
    13 июля 2012  

    «Уордайа Хаан Бухатыыр» олоҥхоттон Кэрэ Куону хоһуйуу

    Кырыытыттан кыҥаан көрдөххө.
    Ойоҕоһуттан одуулаан көрдөххө,
    Кыыс оҕо кылааннааҕа,
    Дьахтар киэнэ талыы мааныта,
    Таҥас бүтэй тамана көстүбүт,
    Таман бүтэй бүлтэҕэ көстүбүт
    Бүлтэс нөҥµө силиитэ дьалкыйбыт,
    Киирэн эрэр күн килбиэнэ
    Килбиэннээх иэдэстээх,
    Тахсан эрэр күн сардаҥата
    Сардаҥалаах сирэйдээх.
    Икки хара киис кутуругун
    Хардарыта уурбут курдук
    Хара хаастаах,
    Буур тайах силиитин
    Туруору туппут курдук,
    Сыллаһыахха айылаах
    Сыыйыллаҕас муруннаах,
    Уус киһи ууран-тутан,
    Чочуйан оҥорбутун курдук
    Уураһыахха айылаах
    Обойукаан уостаах
    Аҕыс былас арылы
    Хара суһуохтаах
    Сандаарыйа Куо барахсан.

    0
    • Сахаледи__
      13 июля 2012  

      Бу ким олоҥхотой? Автора кимий?

      0
      • Хардыы
        13 июля 2012  

        Бу ийэ олоҥхоһут

        Петр Егорович Решетников олоҥхото.
        Саха кыыһын хоһуйууну мусппуппуттан бу эрэ ордон хаалбыт. Урукку компьютерым харда баран кыайан текстэри чөлүгэр түһэрбэтэҕим. Онон хоһуттан хомуйан эрэбин.
        Бу хоһуйууну флешкаҕа атаспар биэрээри суруйттарбытым хаалбыт.

        0
        • _Сударыня_
          13 июля 2012  

          киэьэ киириэм.

          0
          • _Сударыня_
            14 июля 2012  

            ''Дьурулуйар Ньургун Боотур'' П.А.Ойуунунускай

            Бухатыыр ата.
            Дьулусханнаах дьолуо ман,ан халлаан
            Дьураатыгар тура тереебут
            Дьулусхан субуйа суурук
            Дьураа хара ат барахсан
            Бадьыр оьуор ойуулаах
            Бар дьа5ыл кыыллаах
            Бастын, сэргэтигэр
            Хантаччы баайыллан
            Хаьырыы-хаьын,ырыы
            Туерт туерэм таас туйахтарынан
            Тун,нэритэ холоруктаан
            Эьэгэй-дугуй тибиилээх сиэллэрэ
            Эриллэ-буралла ытыллан
            Уйул5аннаах он,очо уот кутуруга
            Уотунан охсуьа оонньоон
            8рутэ мехсен
            8рукуйэ турар эбит...

            0
            • _Сударыня_
              14 июля 2012  

              ...

              Ус былас уербэ ча5аан ке5улэ
              Ует талах курдук
              8ре ытыллыбыт эбит,
              Сэттэ былас тибиилээх хара сиэлэ
              Сиэрэ куех уотунан сирилии умайбыт,
              Ус ньессун хара сиэлэ
              Уербэ ергеьун ерутэ аспыт курдук
              Сырылаччы умайан
              Сырдыргыы турар эбит...

              0
              • _Сударыня_
                14 июля 2012  

                ...

                Тон,ус киьи то5ус быластаах
                Туутун маьын туруору туппут курдук
                Дуллу кемус кулгаахтара,
                8лер елуу ергестеех ун,уутун
                8рутэ аспыт курдук
                Теттеру-таары
                Чербеннеьер эбиттэр
                Хатыыс балык
                Хайа сарбайбытын курдук
                Хан,алас былчын,наах
                Хан,ыл бэйэлээх

                0
                • _Сударыня_
                  14 июля 2012  

                  ...

                  Тын,ырахтаах кыыл
                  Тыыра тэбиммитин курдук
                  Талланнаах курбуьахтаах,
                  Тардыгас таныылаах,
                  Аламай кун аалыытын курдук
                  Алта былас алтан ама5аччылаах,
                  Толомон ман,ан кун
                  Тон,уутун курдук
                  То5ус былас
                  Тор5о тэьииннээх
                  Соьо былыт чаппараахтаах,
                  Кыыьар былыт кычымнаах.

                  0
  • _Сударыня_
    14 июля 2012  

    ...

    Хахсааттаах халлаан
    Хадьан,ата буолбут
    Ыпса-дьыпса
    Ырыалаах ын,ыырдаах,
    Босхо былыт
    Ботолоох,
    Суурэр былыт
    Серуелээх
    Кустук курбуу-дьирбии холуннаах.

    0
    • _Сударыня_
      14 июля 2012  

      ...

      Илбис ырыалаах
      Иппэ-типпэ ин,эьэлээх,
      Тэьиин быстыа5ынан
      Чиччигинэс ин,иирдээх,
      Кентес быстыа5ынан
      Кулумэх куустээх
      Кун Дьеьегей о5ото
      Дьэлтэччи керен,
      Дьэргэйэ оонньуу турар эбит...

      0
      • _Сударыня_
        15 июля 2012  

        Саха киьитэ былыр-былыргыттан

        тылы наардаан-нарылаан уустаан-ураннаан киэркэтэн сан,арарын себулуур. Ол бэйэтэ тылбыт билигин хайдах курдук сымсах буолбутун киьи се5ер эрэ.

        0
        • Хардыы
          15 июля 2012  

          _Сударыня_ Үтүө сарсыарда

          Оннук ээ. Саатар сахалыы толору быһаарыллар тыллары нууччатытабыт. Бэҕэһээ Олимпийскай дэриэбинэ аттыгар кучу үүммүтүн оҕолор (ханнык эрэ делегация) иван-чай дии-дии көрбүттэрин бу от сахалыы аата кучу диэн быһаарбытым. Саатар биир оҕо долоҕойугар түһэрбитэ ду?

          0
          • _Сударыня_
            15 июля 2012  

            Хардыы, э5эрдэ!

            Аны ити сахарааллар аьары быьаарар дьон эбиттэр диэн олоробун. Хайдах эрэ сыыьа-халты быьаарыылаахтар. Элбэ5и буккуйууьуктар.

            0
            • Хардыы
              15 июля 2012  

              Туспа омук буоллахпыт

              Олох араас эгэлгэтэ барыта баар. Сиэр иһинэн бэйэлэрин көрүүлэрин тарҕаталлара туох буолуой.
              Урут отучча сыллааҕыта тутууга үлэлии сылдьан пилораманы түөрт күҥҥэ кэпсэтэн мас эрбэтэ сырыттахпытына рамщик уолбут иһэн милииссийэҕэ киирбитин күн аҥаара киҥмит-наарбыт холлон күүтэ олордохпутуна биир кыдьаҕастаахпыт эппитэ. Дьэ биригээдэ биригээдэ курдук буоллубут. Бэйэбит аргыһыттаах. прогульшиктаах буоллубут диэн күллэрэн турардаах.
              Онон омукка туох барыта баар буолуохтаах:-)

              0
              • _Сударыня_
                15 июля 2012  

                Этэр эттэ5инэ эмиэ да...

                Син биир сепсеспет еруттэрим бааллар. Хайдах эрэ кулуу гыммыт курдук быьаарыыларын ылыммаппын. Дьон эдэр етте уеруйэ5э суохтарыттан атыннык ылыныахтарын сеп. 8ьургэтэр да еруттэрдээх. Чэ, ити мин тус санаам. Кимниин да меккуспэппин.

                0
                • _Сударыня_
                  16 июля 2012  

                  Орто дойду он,оьуллуута

                  Былыргы былдьаьыктаах дьылым
                  Быралыйар быраман мындаатыгар
                  Урукку охсуьуулаах дьылым
                  Уларыйар ула5а ертугэр
                  Алдьархайдаах ааспыт дьылым
                  Ан,аарыйар анараа таьаатыгар,

                  0
                • _Сударыня_
                  16 июля 2012  

                  Орто дойду он,оьуллуута

                  Былыргы былдьаьыктаах дьылым
                  Быралыйар быраман мындаатыгар
                  Урукку охсуьуулаах дьылым
                  Уларыйар ула5а ертугэр
                  Алдьархайдаах ааспыт дьылым
                  Ан,аарыйар анараа таьаатыгар,

                  0
                • _Сударыня_
                  16 июля 2012  

                  Орто дойду он,оьуллуута

                  Былыргы былдьаьыктаах дьылым
                  Быралыйар быраман мындаатыгар
                  Урукку охсуьуулаах дьылым
                  Уларыйар ула5а ертугэр
                  Алдьархайдаах ааспыт дьылым
                  Ан,аарыйар анараа таьаатыгар,

                  0
  • _Сударыня_
    16 июля 2012  

    ...

    Орто туруу
    дойду
    Отут биэс биис ууьа
    Ол-бу улуус диэн
    Иннинэн сирэйдээххэ
    Ичээн эттээххэ
    Икки атахтаахха
    Иьиллэ илигинэ;
    Алдьархайдаах аллара дойду
    Арба5аьын буруммутунэн уескээбит
    Атара бэйэлээх, арбыйа тиистээх
    Аатырар Арсан Дуолай а5атын уустара
    Ада5атын кэппитинэн тереебут
    Ааттаах Ала Буурай эмээхсин удьуордара

    0
  • _Сударыня_
    16 июля 2012  

    ...

    Орто туруу
    дойду
    Отут биэс биис ууьа
    Ол-бу улуус диэн
    Иннинэн сирэйдээххэ
    Ичээн эттээххэ
    Икки атахтаахха
    Иьиллэ илигинэ;
    Алдьархайдаах аллара дойду
    Арба5аьын буруммутунэн уескээбит
    Атара бэйэлээх, арбыйа тиистээх
    Аатырар Арсан Дуолай а5атын уустара
    Ада5атын кэппитинэн тереебут
    Ааттаах Ала Буурай эмээхсин удьуордара

    0
    • _Сударыня_
      17 июля 2012  

      ...

      Кехсуттэн тэьииннээх
      Кербуеччу харахтаах
      Кун айыы улууьугар
      Аат ааттанан
      Ахтылла илигинэ;
      Уеьээ улускэннээх урдук мэгийэ халлаан
      Уетуулээх урут ертугэр уескээбит
      Улуутуйар улуу тойон о5онньор
      Уораан-араан Хотун Куохтуйа икки
      Отут то5ус биистэрэ

      0
      • _Сударыня_
        17 июля 2012  

        ...

        Ол-бу бииьин ууьа диэн
        Ар5аьыттан тэьииннээх
        Айыы-хаан аймахтарыгар
        Уербэ-ча5аан тылларыгар
        Уьуйээн буолан уетуллэ илигинэ,-
        Дьулусханнаах дьулуо ман,ан халлаан
        Дьураатыттан тутуллубута биллибэт,
        Ус куегэйэр кулум кулууьуттэн
        Уктэллэнэн уэскээбитэ кестубэт,

        0
        • _Сударыня_
          17 июля 2012  

          ...

          Улугэрдээх ус ньукэн утугэн
          Улускэннээх урут ертунэн
          Кей-сата салгынынан кете5уллэн
          Кетер кыната кетутэрэ кестубэт,
          Эргийэр иэччэ5э эргитэрэ биллибэт
          Энэлгэннээх тойуктаах, ынчыктаах ырыалаах,

          0
          • _Сударыня_
            17 июля 2012  

            ...

            Ула5ата кестубэт, ун,уоргута биллибэт
            Уорааннаах уора5айдаах
            Улуу бай5ал уллун,ахтаах,
            Оруьуоллаах уулаах
            Оьоллоох Одун бай5ал
            Огдолуйбат олбохтоох
            Суллэр этин, ньиргиэрдэммит
            Сулуьун илбис дугуйдаммыт
            Сун, бай5ал тугэхтэммит

            0
            • _Сударыня_
              17 июля 2012  

              ...

              Тунах былыт урсуннаах
              Туустаах бай5ал тулалаах
              Алдьархайдаах аан-елуу аарыктаммыт
              Абалаах аьыы бай5ал алыннаах,
              Чэлгиэн сата саатаабыт
              Чэн, муус сиксиктээх,
              Кыйыра кырылыы кетер
              Кыьыл кумах кырдайдаах,
              Ара5ас от анньан тахсыбыт
              Ара5ас туой буор ардайдаах

              0
  • рядовой
    рядовой
    Ветеран
    17 июля 2012  

    Устар ууну сомоҕолуур ...


    "сомоҕолуур"-тан атын тыл көстүбэтэҕэ буолуо дуо, Сударыня-Барышня ?

    0
  • _Сударыня_
    18 июля 2012  

    ...

    Ананан-айыллан,
    Ойон тахсар куннээх...
    ...Орто туруу дьа5ыл дойду диэн
    Он,оьуллубута эбитэ уьу...

    0
    • _Сударыня_
      18 июля 2012  

      Дьэ, сити курдук

      хомо5ой тылынан хоьуйан, имигэс тылынан иэйэн-куойан, сайдам тылынан сайа этэн, ураннык суруйан-бичийэн хаалларбыт эбит Ойуунускай убайбыт!

      0
      • Хардыы
        18 июля 2012  

        Махтал Сударыня

        0
        • _Сударыня_
          19 июля 2012  

          8ксекулээх 8лексей. Ырыаьыт.

          Ыра ындыылаах,
          Телке тергуулээх,
          Кэскил кэьиилээх,
          Э5эрдэ эркиннээх,
          Уруй олбохтоох,
          Саргы самдайдаах,
          Ыраас халлаан ыллыктаах,
          Ара5ас халлаан аартыктаах,
          Тойон айах моойнохтоох,
          Эбир хамыйа эн,эрдээх
          Эдьэн Иэйэхсит эдьиийим

          0
          • _Сударыня_
            19 июля 2012  

            ...

            Нэлэмэн ман,ан аартыгын
            Тэлэ тэбэн
            Тэриллэр куммэр
            Этэ дьиэьийэр
            Идэлэн диэн
            Э5эрдэлээн эппиттэр эбит.

            0
            • _Сударыня_
              19 июля 2012  

              ...

              Ахтар Айыыьыт а5аьым
              Айхаллаах ала тыргыл
              Аартыгын арыйар куммэр
              Айгырастаах Аан ийэ дайдыга
              Ан,ааттар аналлан диэн
              Айбыттара уьу.

              0
              • _Сударыня_
                19 июля 2012  

                ...

                Ыарахан санаа5а ылларбыт
                Ытык нуолур бэйэлээх
                Ыраас до5отторгун
                Ыксаабыт ке5устэрин
                Ыралаах ырыа5ынан
                Ырыта ыллаан биэрэн
                Ыраастыыр буол диэн
                Чын,ыс Хаантан
                Ыйаахтаах эбитим уьу.

                0
                • _Сударыня_
                  19 июля 2012  

                  ...

                  Атас до5отторун,
                  Абааьы албаьыгар хаптаран
                  Адаарыьар куннээх буоллахтарына
                  Айа5ын айаанынан абылаан
                  Абарбыттарын аьаран
                  Абырыыр буол диэн
                  Айын,ат хаан улууьа
                  Аналлаан ал5аабыттара уьу.

                  0
  • _Сударыня_
    19 июля 2012  

    ...

    Утуе до5отторун
    Утумэн кулуутугэр тубэьэн
    8стеьер куннэригэр
    Кемус куегу куемэйгинэн
    Керулээн кеччутээр диэн
    Урун, Айыы аймах
    Уьуйбуттэрэ уьу.

    0
  • Хардыы
    19 июля 2012  

    Үтүө сарсыарда _Сударыня_

    0
  • олонхо диэн олох былыргыттан дьоннор бэйэлэрэ уус ураннык тоболоруттэн таьаара таьаара 2/3 хонуктаах олонхолору айан уйэттэн уйэгэ баран испитэ
    1 ноября  

    биьи сахалар

    0
Ответ на тему: Устар ууну сомо5олуур уус тыллаах саха аймах буолабыт.
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания