Таптал туһунан хоһооннор
Ньууйа  -    2907
Эрэммиттии мин диэки көрөҕүн
Хараххынан имэрийэ, абылыы,
Көрүстэргин эрэ кэпсэтэҕин,
Тугу эрэ ис түгэххэр кистии...

Оттон мин эйигин көрдөхпүнэ,
Сылаанньыйа кэпсэттэхпинэ,
Оо, олус да дьоллонобун,
Эн бааргынан астынабын.

Баҕарабын эн миигин
Мэлдьи итинник көрүөххүн,
Баҕарабын имэҥнээхтик
Миигин уураан ылыаххын.

Миэхэ эрэ симиктик
Эн тапталгын билиниэххин
Ыксары да ыксары
миигин кууһан ылыаххын.
Ответов 88 Написать ответ
  • :)
    22 ноября 2011  

    :)

    хайа эрэ дьоллооххо ананна5а...харыстаа тапталгын дьоллоох буол!

    0
    • КЫЫС
      23 ноября 2011  

      НА4АА

      НА4АА УЩУ8Й ДИИ)) ЭТИМЭ ДА5АНЫ КИМИЭХЭ ЭРЭ АНАННА5А, МАЛАДЬЫАС ДЬОЛЛООХ БУОЛ))

      0
      • СиБэкки
        24 ноября 2011  

        тапталлаахпар!

        Таптыыр сүрэх ба5арар..
        Тапталлаа5ын мичээрэ,
        Мэлдьи киниэхэ ананыан
        Сырдыгынан сыдьаайыан!

        Таптыыр сүрэх эрэйэр..
        Таптал истиҥ тыллара,
        Ытыллыбыт бэргэн охтуу
        Чопчу киниэхэ тиийиэхтэрин!

        Таптыыр сурэх эрэнэр..
        Хаһан эрэ,ханна эрэ,
        Тапталлаа5ын кытары
        Бииргэ дьолу булуо5ун!

        0
        • Ньууйа
          25 ноября 2011  

          Бары суруйбуттарга махталы кытта

          Көрсө эрэ түстэргин
          "Хаһан"һ диэн ыксатаҕын,
          Оттон мин куттанабын
          Ол иһин куота көтөбүн.
          Куотабын тоҕо эрэ тапталтан
          Куотабын сып-сылаас иэйииттэн,
          Куотабын оо, күнүм, эйигиттэн,
          Тоҕотун бэйэм да билбэппин.
          Арааһа, таптыырым күүһүттэн,
          Уот курдук күлүбүрүү умайымаары,
          Эбэтэр эдэриҥ бэрдиттэн
          Эн иннигэр кырдьан сорсуйумаары
          Биитэр, дьон хобдох тылыттан
          Сэгэрбин эйигин харыстаары,
          Эбэтэр, олохпор табыллыбатахпыттан
          Куттанан эйигин арчылаары...

          0
          • мин
            25 ноября 2011  

            эйиэхэ

            Уубун уйгуурдар
            Уһун түүннэргэ
            Саныыбын,ахтабын эйиигин,
            Таптыыр күндү киһибин.
            Куттаныма дуу,тапталтан..
            Эрэйбэппин мин элбэ5и,
            Өйдүүбүн ээ,барытын өйдүүбүн.

            Таптыыр сүрэх эрэйэрин
            Өй-санаа утарара баар..
            Тэйитэбин..ол иһин.

            Ама эн да таптыыр сүрэ5ин
            Сылаас иэйиини билиэ5ин
            Элбэ5и.этиллибэти ба5арарын
            Мин билбэт үһүбүөн?
            Хомотуохпун ба5арбаппын
            Таптыыр сүрэ5и,
            Кэлэтиэхпин ба5арбаппын
            "Кинини"...эйигин эмиэ...

            0
            • ;)
              25 ноября 2011  

              Олох наьаа учуойдук суруйбуккут дии..:) барыгытыгар ДЬОЛУ ба5арабын!!! :*)

              0
  • Крот
    25 ноября 2011  

    Чэ мин эмиэ хоьоонноон керуем

    Куотума миигиттэн куотума
    Кыракый сурэхпин аймаама
    Эн эрэ аттыгар буолуохпун
    Оргууй уоскуттан ууруохпун
    Олуьун мин ба5ардым
    Таптыыр нарын кыысчааным

    Эйиэхэ элбэ5и этиэхпин
    Тыл сурдээ5ин тиийбэт
    Эйиэхэ тиийэн кэлиэхпин
    Кэрэ мессуенун уербэт

    Хомотума ду хомотума
    Эмиэ ыраата тэйэннин
    Со5отохтуу хаалларан барыма
    Сура5а суох сутэннин
    Эрэниэм ыраас тапталбар

    Өруутун аттыбар буоларгар

    0
    • Ньууйа
      26 ноября 2011  

      махтал

      Соҕотохсутумаҥ эр киһини,
      Санаатын түһэримэҥ,
      Олох устун устарыгар
      Оҥочотун түҥнэримэҥ.
      Таптал,Эрэл,Итэҕэл
      Эр киһини кынаттыыллар,
      Кыайбатын да кыайар гына
      Эрчим, сэниэ иҥэрэллэр.
      Таптал,Эрэл, Итэҕэл
      Дьикти нарын иэйиилэр
      Томороон бэйэтин кэрэтитэн
      Чараас уйан дууһалыыллар
      Таптал, Эрэл, Итэҕэл
      Эр киһини иитэллэр
      Алаһа дьиэтин араҥаччылыыр
      Өркөн өйгө тиэрдэллэр

      0
    • Ньууйа
      26 ноября 2011  

      махтал

      Соҕотохсутумаҥ эр киһини,
      Санаатын түһэримэҥ,
      Олох устун устарыгар
      Оҥочотун түҥнэримэҥ.
      Таптал,Эрэл,Итэҕэл
      Эр киһини кынаттыыллар,
      Кыайбатын да кыайар гына
      Эрчим, сэниэ иҥэрэллэр.
      Таптал,Эрэл, Итэҕэл
      Дьикти нарын иэйиилэр
      Томороон бэйэтин кэрэтитэн
      Чараас уйан дууһалыыллар
      Таптал, Эрэл, Итэҕэл
      Эр киһини иитэллэр
      Алаһа дьиэтин араҥаччылыыр
      Өркөн өйгө тиэрдэллэр

      0
      • мин
        26 ноября 2011  

        мин

        Таптал.таптал! Эн кэрэ5ин!
        Ыллата5ын,көтүтэ5ин,абылыыгын!
        Угуйа5ын кистэлэҥ ыраларга,
        Ыҥыра5ын алыптаах эйгэлэргэ.

        Ааһыа,сүтүө.умнуллуо суохтуу
        Умата5ын эн сүрэхтэри,
        Ытатыа,хомотуо,кэлэтиэ суохтуу
        Эрэл кыымнарын са5а5ын.

        Билэбин мин таптал
        Толору дьоллуур ута5ын.
        Итэ5эйэбин мин таптал
        Сырдык,ыраас аналлаа5ын.

        Уонна...

        Күнүнэн кэлиэ5ин билбэккэ
        Сиилиир этим мин,
        Тапталы таҥнарбыттары.

        Атыны саныырым таҥнарыы буолбакка..тугуй?

        0
  • Ньууйа
    1 декабря 2011  

    Эйиэхэ

    Эйигин мин олус аҕынным,
    Эн миигин, арааһа, умуннуҥ...
    Өр кэмҥэ көрбөккө суохтаатым
    Көмүһүөм, эн хаһан кэлэҕин?
    Эйигин көрбөккө, кэпсэтэ түспэккэ
    Тууйуллар санаабын кимиэхэ кэпсиэмий?
    Эн миигин саныыргын,мин курдук ахтаргын
    Сэгэриэм, дьэ хантан билиэмий?

    0
  • демик
    1 декабря 2011  

    тапталбар

    Ханна да бардаргын эйигин
    кэлиэ диэн кэтэһэр да этим
    Ол эрэн эрэлим туолбата
    Эн миэхэ мичээрдээн киирбэтиҥ
    Уйгулаахпыт олохпут толоонун
    Саҥардыы ортолоон иһэммит
    Эн биһи инники олохпут
    Саргыта сарбыллыан билбэтим
    Эйэлээх тапталбын батыһан
    барыахпын баҕардым ол сиргэ
    Ол эрэн оҕолор дьоллорун
    сарбыйан барарым сатаммат

    0
    • кулук
      2 декабря 2011  

      *

      Оҕолоргут дьоллоро
      Сарбыйыллыа суоҕа,
      Куттанымаҥ сорохтор
      Соҕотохсуйбут сүрэхтэр.
      Көрсүөххүт бэйэҕит
      Сааһыран баранҥыт
      Олоххут мөссүөнүҥ
      Дьол-таптал долгунун.

      0
      • кыысчаан
        2 декабря 2011  

        наьаа да учугэй

        Мин бэйэм ьаатар наьаа уйан киьибин. Харахым ууьа халыс гыннахына олох соьуйбаппын. Ити охо туьугар наьаа учугэй

        0
      • демик
        5 декабря 2011  

        ответ

        махталитет
        то5о бобулларый таптыырым
        сьын ыртта дииллэр
        билэбин ээ мин барбаппын
        онтон саатар таптыым ээ ыраахтан
        кини мин олохпун кергэтэр
        мин олохпун уьатар

        0
  • 7
    2 декабря 2011  

    -

    Шутя-любя эйиэхэ:)


    ...Уйан да киһи эбиккин
    Билбэккэ "муҥнаабыт"эбиппин
    Мин хантан өйдүөмүй..
    Эн күнүн буоларбын?

    ...Эппэтэх тылларгын,
    Кэтэспит эрэйгин
    Бу миигин туттаргын...
    .................................
    Кылгатан эттэххэ...
    "Кэһэтэр" буолла5ын!
    Куттанабын:))

    0
  • Крот
    8 декабря 2011  

    Хоьоон

    Бугун эн бардын,
    Ыраах дойдугар айаннаатын...
    Ааспыты ахта саныан,
    Эн миигин таптыан...

    Кэтэьэр, куутэр куммэр
    Со5отох хаалар тугэммэр,
    Ба5ардар кистээн ытыам...
    Мин эйиигин таптыам!

    0
  • Эмиэ дууса иэйиитэ
    9 декабря 2011  

    Ньууйа

    Киирэн кэлээр тэлгэһэбэр,
    Үөрүү-көтүү аргыстаах,
    Чаҕыл мичээр кэһиилээх
    Элбэх-элбэх кэпсээннээх.
    Кэллэххинэ дьиэм иһэ
    Сырдыы, кэҥии түһүөҕэ,
    Бардаххына боруктуйан
    Эмиэ им-ньим буолуоҕа.
    Кэтэһиэҕим эмиэ хаһан
    Үөрэн-көтөн кэлэргин
    Хап-хара хараххынан
    Имэрийэ көрөргүн.
    Эйигин көрө түһээт
    Эдэр сааһым эргиллиэҕэ,
    Эрэл кыыма, уот кутаа
    Мин сүрэхпэр умайыаҕа.
    Эрэнэбин, кэтэһэбин
    Оо, эн хаһан кэлэҕин,
    Таптал уйан иэйиитин
    Миэхэ эн бэлэхтиигин?

    0
  • :))))
    9 декабря 2011  

    Наһаа да үчүгэйдик суруйбуккун!

    Таптыыр эрэ киһи маннык иэйиилээхтик суруйара буолуо..кэллин,кэллин эйиэхэ кэрэ киһин,кэтэс, эрэн таптал баар эрэ буоллун!

    0
  • +++
    10 декабря 2011  

    эмиэ таптал туһунан

    Тыал,тыал,көҥүл тыал!
    Ыҥыра5ын эн миигин.
    Кэрэтик таптыыргын кэпсиигин.
    Барыта ыраахтан...
    Мин санаам хайда5ын
    Билбэккэ да сылдьан...
    Ба5арбаппын мин эйиэхэ,
    Быстах сааратааччы буолуохпун,
    Хаһыс,хаһыс хас төгүл эппит тылларгын,
    Манньыппыт быһыыгын...
    То5о эрэ мин өтө көрөбүн.
    ..уонна..син-биир таптыыбын!
    Таптыыбын имэҥнээхтик,
    Ис куппуттан тардыһан туран,
    Эр киһини дьахтар эрэ таптыыр
    Күүстээх дьиҥ тапталынан!
    Абарабын бииргэ буолар,
    Саҥаттан са5алыыр кыахпыт суо5уттан!
    Кэрээнэ суох таптаһыыттан
    Элбэх дьыл5а эмсэ5элиэн
    Туохтаа5ар да ба5арбат эбиппин!!!
    Ба5арбаппын алдьатан туран
    Дьолу көрдүү аттаныахпын!
    Тыал,тыал көҥүл тыал!
    Этэбин эйиэхэ эйэ5эстик,
    Бэйэҥ этэр тылларгын,
    Көҥүл буолар кэрэ,
    Элбэх көҥүл тыалчааннар
    Элбэхтэр,элбэхтэр
    Эн да дьолгун булуо5ун!
    ...миигин син умнуо5ун..

    0
  • Егорнад
    10 декабря 2011  

    уол эйиигин таптыыр

    Уол со5ото5ун олорон эйиигин саныыр
    8йугэр эн эрэ киирэ5ин
    Элбэх дьон быыьыгар сыдьа сатыыр
    Ол да боллар син биир ахтар эйиигин
    Билэ5ин дуо?уол эйиигин ахтан ытыырын?
    Билэ5ин дуо?уол кыраттан санаар5ырын?
    Уол сурэ5э олуьун ахтар тапталын
    Уол дууьата харах уутунан суунар
    Уол дьолоох уол...таптыыры сатыыр
    Ол да буоллар ахтарыттан санаар5ыыр
    Кун,туун утуйбат ахтарыттан санаар5ыыр
    Эйиэхэ эрэ учугэй боллун диэн сыдьа сатыыр
    Уол эйииигин таптыыр

    0
  • Егорнад
    10 декабря 2011  

    Ол умаппыт сулуспут уостуо суо5а

    Олох уустуктарын 8сс8 билэн иьиэм
    Таптал кистэлэнин таайарга турунуом
    Таптал диэн тугуй?
    Ыйытабын халлаанна умайар сулустан
    Эппиэти к8рдуубун иккиэммититтэн
    Аналбын бу дойдуга харыстыам
    Бу кун сиригэр эйиигин таптыам
    Эйиэхэ эрэнэбин
    Тапталга итэ5эйэбин
    Таптал кууьэ баарыгар итэ5ийдим
    Аналым буоларгын сэрэйдим
    Халлаанна уматыахха 8сс8 биир сулуьу
    Ааттыахха ол сулуьу
    Таптал сулуьа диэн
    Ыраах да буоллахпытына эйиигин умнуом суо5а
    Ол умаппыт сулуспут уостуо суо5а...

    0
    • Филолог
      12 декабря 2011  

      кини эйигин таптыыр

      Кини эйиигин таптыыр,ээ,таптыыр,
      Тугу да эрэйбэккэ туран,
      Баар киниэхэ барыта,
      Барыта толору...
      Барытын ситэрэн-хоторон,
      Иитэн-үөрэтэн,
      Киэргэтэн биэрэрэ-айыл5ата.
      Со5отох сүрэ5ин киниэхэ
      Ылларан туран
      Тардыһарын өйдүүбүн.
      Туолуон ба5арар кини,
      Истиҥ сыһыанынан,тапталынан,
      Сылаас-сылаас иэйиинэн,
      Эн-мин дэһэр кэпсэтиинэн,
      Кыратык сээн дэтэн,
      Сөбүгэр кинин атаахтатан.
      Тапталга сырдыкка тардыһыы
      Аньыы буолбатах!
      Кинилиин бииргэ буолларгын
      Дьоллоох буолуон этэ-билэбин...
      Ону эн олус,олус ба5ара5ын.
      Туолбат диэни ылыммаккын..
      Таптыыр кини эмиэ эйиигин,
      То5отун бэйэтэ да билбэт
      Таптал быһаарыыны эрэйбэт..
      Ол иһин эрэйдэнэр кини
      Эн эрэйгин өйдүүр.
      Дууһа ытыырын сүрэх ба5атын-
      Истибэт буолбатах..истэр!
      Билэ5ин дуо, кини эмиэ сүрэ5э ытыырын?
      Утуйбат түүннэргэр эн кинини ахтаргын,
      Этинэн-хаанынан кытта билэрин?
      Кини эмиэ эйиигин таптыыр,
      Тэбис-тэҥҥэ тэбэр сүрэххит...

      0
      • Егорнад
        12 декабря 2011  

        Если вы в контакте то зайдите вот на эту группу http://vkontakte.ru/clubstixiegora

        пжл

        0
        • контакка суохпун
          12 декабря 2011  

          форуму да себулээбэппин

          ал5ас бу саас киирэн аа5ан,ин.нэн сылдьабын:) онтон эн если не секрет табаары4а5ын ду эбэтэр эмиэ *ыалдьа5ын* ду:).

          0
  • Ньууйа
    15 декабря 2011  

    Суруйбуттарга махтал

    Мин бүгүн санаам түстэ
    Курус санаа кууһан ылла,
    Эмиэ тоҕус төгүл тоҕо, тоҕо
    Мин сүрэхпин аймаата.
    Тоҕо кэлбэт буолан хааллыҥ,
    Тоҕо миигин чуҥкуттуҥ,
    Тоҕо сырдык ыра буолбут
    Мин тапталбын киэр астыҥ?
    Ама миигин умнаҥҥын
    Атын дьолу көрдөстүөҥ,
    Биитэр тугу саҥараммын
    Мин эйигин тэйиттиэм?
    Тоҕо хаһан да эн миэхэ
    Арыйбаккын санааҕын,
    Тугу кистээн толкуйдуугун
    Туохтан үөһэ тыынаҕын?
    Ама эн сэрэйбэккиэн
    Мин эйигин таптыырбын...

    0
  • Ньууйа
    15 декабря 2011  

    Махтал бары аахпыттарга уонна суруйбуттарга.

    Баҕарабын эн илиилэриҥ
    Миигин кууһан ылыахтарын,
    Сып-сырдык харахтарыҥ
    Миигин эрэ көрүөхтэрин.
    Мин эрэ туспунан
    Мэлдьи саныы сылдьыаххын,
    Ис сүрэххиттэн миигин эрэ
    Имэҥирэ баҕарыаххын.
    Баҕарабын эн таскар
    Мэлдьи мин баар буолуохпун
    Үөрэр кэмҥэр үөрүөхпүн,
    Хомолтлҕун үллэстиэхпин.
    Баҕарабын эн миэхэ
    Эркин курдук эрэниэххин,
    Эйигин эрэ таптыырбын
    Эн билиэххин, өйдүөххүн.

    0
  • Ньууйа
    15 декабря 2011  

    Махтал бары аахпыттарга уонна суруйбуттарга.

    Баҕарабын эн илиилэриҥ
    Миигин кууһан ылыахтарын,
    Сып-сырдык харахтарыҥ
    Миигин эрэ көрүөхтэрин.
    Мин эрэ туспунан
    Мэлдьи саныы сылдьыаххын,
    Ис сүрэххиттэн миигин эрэ
    Имэҥирэ баҕарыаххын.
    Баҕарабын эн таскар
    Мэлдьи мин баар буолуохпун
    Үөрэр кэмҥэр үөрүөхпүн,
    Хомолтлҕун үллэстиэхпин.
    Баҕарабын эн миэхэ
    Эркин курдук эрэниэххин,
    Эйигин эрэ таптыырбын
    Эн билиэххин, өйдүөххүн.

    0
  • Ньууйа
    15 декабря 2011  

    Махтал

    Элэктээмэ эн миигин
    Мичээргинэн абылаама
    Эмискэччи кэлэҥҥин
    Эн сыллаама, уураама.
    Кэлимэ миэхэ, кэлимэ
    Куппун-сүрбүн иирдимэ.
    Кэлимэ миэхэ, кэлимэ
    Санааларбын аймаама.
    Уоран таптыыр адьынаты
    Мин билиэхпин баҕарбаппын
    Киэһэ аайы эрэнэ
    Мин эйигин кэтэспэппин.
    Таптал дьиибэ даҕаны,
    Мин эйиигин таптыыбын
    хайдах бэйэбин бобуомуй
    Киэһэ ахсын күүтэбин.
    Кэлиий миэхэ, эн кэлиий
    Куппун-сүрбүн иирдэҥҥин,
    Кэлиий миэхэ, эн кэлиий
    Санааларбын таайаҥҥын.

    0
    • Taptalyana
      15 декабря 2011  

      Кэргэммэр *)

      Эн эбиккин - мин киьим
      Суолбун сирдиир сулуьум,
      Курус санааттан босхолуур
      Хорсун, сэмэй до5орум.

      Эн эбиккин - мин киьим
      айыыттан ааттаспыт аналым
      Эйиэхэ эрэ уйэлээх тапталым
      Дьыл5аттан кердьеспут кемуьум.

      Эн эбиккин мин киьим
      Оло5ум тутуллар тирэ5э
      Чункуйбут чараас мин сурэхпин
      Со5отох эн дьоллуур эбиккин.

      0
      • хымда
        15 декабря 2011  

        Кэргэннээх сылдьан кини эбит диэн билбэккэ сылдьыбыт курдуккун дуу?

        0
  • filolog
    16 декабря 2011  

    taptal

    Оонньуубун быһылаах
    Мин олохпунан.
    Эрэли бэлэхтээн,
    Тапталы кынаттаан.
    Уматабын сүрэхпэр
    Кистэлэҥ тапталы..
    Ба5арабын мин эмиэ
    Тапталым кутаата
    Уостубаттыы күлүмнүөн
    Эн уонна мин эрэ
    Бииргэ буолуохпутун.
    Бэриниэхпин ба5арабын мин
    Үйэлэргэ эрэнэн эйиэхэ..
    Билинэбин,билинэбин
    Мин эйиигин эрэ таптыыбын!

    0
    • tvoya
      20 декабря 2011  

      taptal (утуппат)

      Ба5ар ааһыа бу таптал.
      Итэ5эйиэхпин ба5арабын онно..
      Эйиэхэ биир дьоллоох күнү
      Биир сылаас тылы
      Истиҥ сыһыаны,эйэргэһиини,
      Кэтэспит тапталгын,
      Эрэммит эрэлгин...
      Барытын кистээн,саһыаран
      Мэлдьэһэн баран.
      Олоруом дуо,дьоллоохтук?..
      Саарбахтыыбын бэйэбэр.
      Тулуйуом дуо?
      Сүрэ5им күнтэн күн
      Син-биир тапталы эрэйэрин..
      Ытыа5а кини түүннэри
      Туолбатах ыра санаалары сайыһа..
      ..барыахпын ба5арабын эйиэхэ,
      ..билэбин эн миигин күүтэргин..
      Сатаммат,табыллыбат!
      Сүүстэ да эт,хатылаа,
      Ааһа баран сымыйалаа,
      Тэйитээри ба5ар..кэлэт!
      Мин билэбин,сүрэхпинэн сэрэйэбин
      Эн биһигини таптал холбуур,
      Күрэнимэ бэйэ5иттэн,
      Куотуон суо5а дьыл5а5ыттан.
      Таптыыбын,эн эмиэ таптыыгын.
      ..уонна то5о эрэйдэнэбит..
      ..сүрэхпитин сабабыт...
      Итэ5эйиэхпин ба5арабын мин
      Таптала суох дьоллоох олохпор..
      Ким туһугар..өйдөнөр.
      Махтаныам дуо бэйэбэр кэлин..
      Билбэппин.

      0
  • Уля
    20 декабря 2011  

    ..

    Сарсынны кун тахсыытын корсо,
    Мин тиийиэм эйиэхэ тыал буолан,
    Кулгааххар аргыыйдык сипсийэн
    Таптыырбын этиэ5им сэгэрбэр..

    0
  • =))
    25 декабря 2011  

    наһаа үччүгэй хоһооннор

    үөһээ таһаарыах.өссө да суруйан иһин))))

    0
    • сибэкки
      30 декабря 2011  

      тапталбар..кылгастык

      Таптыыбын,таптыыбын,
      Эйиигин эрэ,эйиигин эрэ.
      Куутэбин,долгуйа..
      Илэ этэрбин...

      0
  • Ньууйа
    7 января 2012  

    Барыгытын Саҥа дьылынан

    Мин бүгүн эйигин көрүстүм
    Оо, олус даҕаны дьоллоннум.
    Ол эрэн кэпсэтээт тиэтэйэн
    Турбакка үлэбэр тэбинним.
    Сэгэриэм, олус диэн баҕартым
    Минньигэс мичээрдээх
    Уоскуттан уурууохпун
    Эн түөскэр төбөбүн уураммын
    Түбүктэн сынньана түһүөхпүн.
    Баҕартым өр да өр куустуһан туруохпун
    Хайдахтаах таптыырбын кэпсиэхпин
    Чуумпуга чуумпуну иһиллээн
    Хайдахтаах күүтэрбин этиэхпин.
    Тугу да мин сатаан эппэтим
    Эн эмиэ саҥата суох хааллыҥ...

    0
    • Ахел
      7 января 2012  

      Халлаан сырдыыта Кун буолан Хараххын у8рду8м Киэhээ харанарыыта Сулус буолан тыгыам Кыhын тымныы буолуута Эн сылаас иэдэскэр Хаар буолан уулуом Саас кэлиитэ Эн суолгар Ньургуhун буола тыллыам.

      0
      • эмиэ таптыыр
        8 января 2012  

        кунду ки4ибэр

        Эн эрэ мичээрин,
        Эн эрэ эрэлин,
        Бэлэхтииллэр миэхэ,
        Таптыыр сурэх уеруутун,
        дуу4а кетер кынатын.
        Ба5арабын куруутун
        Эн таскар буолуохпун,
        Таптал куустээх долгуна
        Ыга куу4ан ылыа5ын..
        Ууруон, этэ дуо эн миигин
        Имэн,нээхтик, итиитик?
        Эйиигин,эйиигин эрэ
        Ис сурэхтэн таптыырбын биллэргин.

        0
      • санаатахха
        14 февраля 2012  

        Ньууйаҕа аныыр буоллаххыт харда эппиэт курдук хоһооннору.

        Чэ эҕэрдэ барыларга тапталлаахтар кннэринэн!

        0
  • подруга с 3 этажа
    8 января 2012  

    ааппыттан сэрэй

    таптыыбы эйиигин ыраахтан
    нарыннык, симиктик
    таптыыбын эйиигин туораттан
    сылаастык, истинник.

    0
    • Холонон корооччу
      11 января 2012  

      Эдэр сылдьан

      Хаьан собулуу кордум этэй
      эн мичээрдээх характаргын
      хаьан таптыы кордум этэй
      урдук коно бэйэ5ин

      0
      • филолог
        11 января 2012  

        эйиэхэ(шутя-любя)..

        таптыыбын куну-ыйы,
        оту-ма4ы, кирпииччэни,
        уонна эйиигин
        таабырын ки4ичээммин:)

        0
        • филолог
          3 февраля 2012  

          эмиэ

          Курус таптал эбиккин,
          Кынат эйиэхэ ууммэт..
          Хомолто хонор сурэхпэр,
          Эрэли уурэр ытатан...
          Ситэри билбэтэххин... Аны кэлэн сура4ыан дуо?
          Арыллыбаты,сабыллыбыты,
          Туман буолан суппуту,
          Сиик буолан симэлийбити,
          Тыал буолан кеппуту..
          Ха4ытаатахха да халбарыйбат харан,а
          Кэлэн да турда5ына,
          Тууйуллубут,сен,пут санаа5ын,
          Бэйэ5эр туппуккун,
          Ким ейдуей,ким?
          Тапталым,мин курус тапталым!
          Эн ку4ун эбиккин!.

          0
          • Тим
            6 февраля 2012  

            САЙЫН СЫТТААХ КЫЫС

            Сайын сыттаах кыыс дьылҕам бэлэҕэ –
            Арҕаалаабыт күн кыыспыт сардаҥата.
            Соһуччу түгэн – олох оонньуута,
            Устан ааһар дьол дьалкыппыт кута.

            Сайын сыттаах кыыс ѳйбүн иирдибит –
            Кинитэ суох олох чуҥкуга сүрүѳн!
            Моонньоҕон харах – дууһа моруута,
            Күүтэбин ѳрүү мэлдьи эйигин.

            От ыйын түүнэ умнуллубатын -
            Олох эргиирэ кэһиллибэтин.
            Сайын сыттаах кыыс – айар куорсунум,
            Чараҥ быыһынан кѳстѳ сүтүмэ.

            Сайын сыттаах кыыс – сүппүт сай күѳҕэ.
            Сайын сыттаах кыыс – эргийбэт иэйии.
            Сайын сыттаах кыыс…
            Сайын сыттаах кыыс.

            0
  • Ньууйа
    5 февраля 2012  

    Дорооболоруҥ

    Мин хоһоон айар кэммэр
    Аттыбар Таптал турар
    Араас кэрэ тыллары
    мин кулгаахпар сипсийэр
    Ырыа айар түгэммэр
    Салгыҥҥа Санаа дайар
    Ыллыыр ырыам долгунугар
    Дууһам уотун кини саҕар.

    0
  • Субэтэй
    6 февраля 2012  

    Ньууйа5а махтал-

    истин тыллардаах хоьоонноргор.

    0
    • Боотурчаан
      6 февраля 2012  

      Сулустар

      Ыйданалаах харана туун
      Дьаарбайыах эн биьи иккиэн
      Ыраас халлаан анныгар
      Дьиримнии оонньуур сулустары одуулуох

      Санныбар оргууй ойонон
      Сылааска уганан нуктаа
      Саныах ыра санааны
      Сулустары одуулуу олорон.

      0
      • Боотурчаан
        6 февраля 2012  

        1

        Уэмэн киириэм хоскор
        Утуйар уугун уйгуурдуом
        Сылаас хоонньугар киирэн
        Сылааскар угуттанан утуйуом

        Сарсыарда уьуктуом
        Минньигэстик ууруургуттан
        Сэрэнэн сибигинэйэр куоласкыттан

        0
        • Боотурчаан
          7 февраля 2012  

          1

          Эмискэ керсе тустум эйиигин
          Айманан ылла сурэ5им долгуйан
          Харахпын ханна хатыахпын билбэккэ
          Аттыганан аастым кербете5е буолан

          Кербут киьи ессе диэн
          Сылдьыбыт сирдэргин кэрийэ хаамабын
          Санаабар сэрэйэбин
          Керуем эйиигин диэн

          0
  • Ньууйа
    8 февраля 2012  

    до5орбор

    Сарсын да5аны күн үүнүө
    Эн миэхэ ба5ардар кэлиэ5иҥ
    Кэлиэ да суоххун биллэрбин
    Мин син биир эрэнэ күүтүө5үм.
    Ол курдук күн аастар ааһыа5а,
    Билэбин эн син биир кэлиэ5иҥ,
    Кэлиэ5иҥ дууһабын үөрдэҥҥин
    Дьиҥнээхтик дьэ миигин ахтаҥҥын.
    Ол иһин эрэнэ күүтэбин
    Эн сырдык мичээргин көрөөрү,
    "А5ынным да5аны"дэтээри
    Таптыырбын сипсийэн этээри

    0
    • Боотурчаан
      9 февраля 2012  

      1

      Ыраайга сылдьар курдукпун
      Куннээ5эр сырдык эн мичээрин
      Миигин эн одуулуу керерун
      Ыраайга сылдьар курдук сананабын

      Кун сырдыгын курдук дьиримнээ
      Мин сылайбыт олохпун сырдат
      Таптал кутаа уотун умат
      Эйиигин эрэ мин куускэ таптыам

      0
    • Саша9999
      21 февраля 2012  

      Наьаа истин тыллаар! сурэхпин долгутан миигин ытатта...

      0
  • Ньууйа
    14 февраля 2012  

    Тапталлаахтарт күннэринэн эҕэрдэ

    Тапталлаахтар күннэригэр
    Бэлэхтиибин Үрүҥ Күнү,
    Бэлэхтиибин Сулуһу
    Уонна бэйэм Сүрэхпин.
    Сүтэрбэккэ, дьүдэппэккэ
    Илдьэ сылдьаар барахсаны,
    Ыарыппакка харыстаар,
    Киргэ-хоххо тэпсимээр.
    Оччо5уна бу Сүрэх
    Дьиҥнээх доҕор буолуоҕа
    Мэлдьи бииргэ эйигинниин
    Бааралаһа сылдьыаҕа.
    Эн билбэккин эйигин
    Хайдах курдук таптыырбын
    Эн кэлэргин кэтэһэн
    Сэмээр суолу кэтиирбин.
    Баҕар бүгүн эйиэхэ
    Мин тапталбын этиэҕим
    Уонна ууммут илиигэр
    Сүрэхчээммин уурууҕум

    0
    • дана
      15 февраля 2012  

      кэрэ хо4ооннордоох Ньууйа

      махтал эйиэхэ,сырдык иэйиилэрин и4ин,кэрэ ки4ин хомоппотун..кэлэппэтин..ыарыылаах да ыарыылаахтык сурэххэ бы4а5ынан аспатын,таптаа,таптат олоххор дьол арыаллаатын.Оссо да иэйиигин кэрэ хо4оон гынан суруйар буол.

      0
  • Ньууйа
    21 февраля 2012  

    Махтал

    Дьэ кэллиҥ дии бүгүн эн миэхэ,
    Ахтыбыт даҕаны эбиппин,
    Умустум мин сырдык иэйиигэ,
    Эйиэхэ харааччы иирэммин.
    Оо, дьолум, оо, сорум, тапталым,
    Олус да эн миигин муҥнуугун,
    Тапталбын эйиэхэ мин сатаан эппэкэ
    Олохпор эрэйи да көрдүм.
    Төһөлөөх эр бэрдэ уолаттар
    Олоххо аргыстаах буолаары
    "Таптыыбын" диэн тылы истээри
    Тапталга билинэн аастылар
    Мин тоҥуй, мин хадаар сүрэхпин
    Эн эрэ мичээриҥ уулларар
    Мин туҥуй, соҥурах дууһабын
    Эн эрэ тапталыҥ долгутар.

    0
    • Боотурчаан
      22 февраля 2012  

      1

      Сылаас истин сыьыаннынан
      Уердэ5ин куруук миигин
      Таптал кыымын бэлэхтиигин
      Сибэккичээним, эн.
      Ахтабын куруук
      Суохтуубун еруу
      Аттыбар баар буолуоххун
      Саныыбын бу олорон))

      0
      • sir sime5e
        23 февраля 2012  

        taptalbar

        Мин бугун эрэниэхпин ба5арабын дьыл5а5а
        Куттанар санааны киэр кыйдаан,
        Буолар буоллун...кэлэр кэллин.
        Тапталбын эппэккэ,санаабын арыйбакка
        Мин салгыы сатаан сылдьыбат эбиппин,
        Киэр анньымаар..керде4ебун.
        Куутээр миигин дьиҥнээхтии
        Ахтыл5ан иэйиитигэр куустаран,
        Мин эйиэнэ буолуохпун
        Эн миэнэ буолуоххун
        Ба5арар кистэл санаа,
        Тыынын-быарын ө4улэн
        Тиийиэм...куутээр долгуйа.

        0
  • Ньууйа
    24 февраля 2012  

    Махтал бары аахпыттарга.

    Эйиигин уоскуттан ууруубун
    оо, олус да миэхэ күндүгүн,
    Эйигин эрэ мин таптыыбын,
    Тоҕотун бэйэм да билбэппин.
    Мин мэлдьи эйигин саныыбын
    Эйигин ахтабын, суохтуубун,
    Эн сэмэй мичээриҥ туһуттан
    Барытын бырастыы гынабын.
    Бырастыы гынабын
    Эн хаҕыс тылларгын,
    Бырастыы гынабын
    Эн тоҥуй сыһыаҥҥын.

    0
    • чёчэ
      24 февраля 2012  

      Эйиигин уоскуттан ууруубун диэн көрсүһэ сылдьар авторгын дии.

      Көрсүһэр буолан тапталгытын бэйэ-бэйэҕэ илиигитигэр туппут тапталлаахтар буолаҕыт.

      0
      • sir sime5e
        24 февраля 2012  

        тапталбар илдьит

        Ааны холкутук сабан та5ыста...
        "Бы4аарын,акаары ки4ичээн,
        Талбыккар барыа5ын..туппаппын,
        Бардаргын эргиллэн кэлимээр,
        Кэннигин хайы4ан керумээр,
        Мин хаалыам...айманыа суо5а сурэ5им,
        Барытын бэйэбэр тутуо5ум.
        Кэмсинэр,кэп туонар буолумаар.."
        Эр ки4илии майгыга эрэнэр этим мин
        Ханнык да охсууну эрдээхтик
        Куоппакка,утары керсеругэр.
        ...Хааллым мин бэйэм-бэйэбэр
        Кимн,э эрэнэн,итэ5эйэн
        Туран хаалбыппын..эт эрэ сурэ5им?
        Ханна-ханна тиэрдэ5ин,
        Дьоллонобун эрэ,сордонобун...
        Таптыыр дуо кини миигин?
        То5о маннык буолла?То5о?
        ..алдьаттым эбээт мин номнуо
        ..олус-олус элбэ5и..
        Ын.ыраар миигин тапталым
        Бугун,бугун эрэ..
        Тиийиэм са4ан буолбатах..
        Кен,уллук...

        0
  • Ньууйа
    26 февраля 2012  

    Куотума

    Мин ааммын тыастаахтык сабыма,
    Хаҕыстык эн миигин көрүмэ,
    Куотума тапталтан, куотума
    Бырастыы гынаргын умнума.
    Тапталы киэр кыйдыы сатаама,
    Ыархантан чугуйан хаалыма,
    Сып-сырдык иэйиини киртитэн
    Эн араас тыллары этимэ.

    0
  • Лэкиэс
    27 февраля 2012  

    Таптал бааьа оспот

    Таайыллыбат таабырыннын таламмын
    Таптаабыт эбиппин Эйигин.
    Татыйык кэриэтэ кыысчааммын
    талбаара астыммыт эбиппин.

    Таьыттан кереммун мэлдьитин
    Тылбыттан матарым долгуйан.
    Тууйуллар санаабын иирдэннин
    Туспа дьол керденер эн этин.

    Тапталым бу ыраас тылларын
    Туманна суурайа муннардым.
    тулуппат ыарыыга баалатан
    тон бааьы сурэхпэр хааллардын

    Таах халтай эрэйи кереммун
    Тапталбын Татыйык кыысчааммын
    Таарыйа хомотуом дуу диэммин
    Таас болгуо сурэхпэр кистээтим.

    0
    • билинии
      27 февраля 2012  

      филолог*

      Эн би4и тус-туспа суолларбыт,
      Холбоспот аналлаах эбиттэр
      Сып-сырдык биир ыллык баар арай..
      Сибэккинэн симэммит таптал уоттаах,
      Абылан,наах хонуутугар тиэрдэр.
      Оо,эн миигин сэрэнэн куу4ан ылларгын,
      Оргууйдук уоспуттан
      уураатаргыан..
      Тиийиэхпит этэ эн би4и онно сиэтти4эн
      Тапталбыт куу4угэр уйдаран...
      Таптыыбын эйиигин эрэ.

      0
      • Боотурчаан
        27 февраля 2012  

        Эргиллиэ дуу тапталым

        сорох таптыыр
        сорох кэлэйэр
        биирдэ бэриллэр олоххо
        баар суох тапталгын
        оло5ун аргыьын харыстаа
        оло5унан оонньоомо
        Өйдуө ыарахан кэмнэргэр
        Өйөбүл күүс буолуо5а.

        Барыан ааны хайа быра5ан
        Барытын туора кыйдаан.
        Бырастыы диэн төннуөн
        Ба5ар олох уларыйыа

        0
    • Лапушка
      3 марта 2012  

      наьаа учугэй хоьоон!

      Бу ким тылларай? Эйиэнэ дуо? Ырыа онороору гынабын=)

      0
  • Уол
    27 февраля 2012  

    Наьаа да учугэй хоьооннору суруйбуккут

    respect ;)

    0
  • Лэкиэс
    27 февраля 2012  

    Таптыыр

    Таптаабыт буруйбун билинэн
    Суруйан эрэбин Эйиэхэ.
    Эдэркээн сурэ5им иэйиитин
    Таайдаргын дьоллонуом да этэ...
    Уу тунуй бэйэбин бутуннуу
    Аныа5ым куннэри-тууннэри
    Сайа5ас санаалыын суьумнуу
    Суурайыам хара5ын ууларын.
    Таптыа5ым уйэлэр тухары
    куускэр куус эбэммин долгуйа
    Сирдээ5и олоххун киэргэтэ
    Харыстыы сылдьыа5ым сайыьа...

    0
  • Лэкиэс
    27 февраля 2012  

    Эйигин керуехпун ба5ардым

    Сайынны биир нуурал киэьэ5э
    Ейдуугуен кэлбиккин, эн миэхэ
    Ер кууппут санаабар соьуччу
    Куедьуппут ол кутаан теленун
    Сурэ5им ейбунуун меккуьэр
    Ыар нуьэр санаатын кыйдааннын
    тэлэйэ аспытын мин дууьам
    тугэ5эр саьаахтыыр иэйиибин...
    Куттана, эрэнэ билбитим
    ол кылгас кэмнэргэ мин дьолу
    тапталын суоьуттан туймааран
    улук уум кеппутэ куйаарга...
    Сарсыарда эрдэлээн уьуктан
    керерум эн истин мерсуеннун
    Уйэбэр сурэхпэр сенерен
    Хааллартым эн сырдык мичээргин..
    Сайынны симик кун манньыйан
    Сэрэнэн убураан ыларын
    Со5отох тапталым сур кууьун
    Сэгэриэм, Эйиэхэ биэрбитим.
    Ол эрэн бу сиргэ ер буолбат
    Иэйиибин эн илдьэ барбытын
    куьунну хаьынна хаалларан
    туманна суураллан суппутун...
    Эргиллиий, до5оруом эн миэхэ
    кып кыра бу дьолло бэлэхтээн
    олуьун да5аны ба5ардым
    мин керен ааьыахпын эйигин...

    0
  • Ньууйа
    27 февраля 2012  

    Хаалыа5а тапталым

    Баҕардар мин барыам сылайан,
    Хардата суох таптаан муҥнанан.
    Баҕардар мин тэйиэм, хомойон
    сып-сырдык иэйиигэ баҕаран.
    Ол эрэн доҕоччуок, мэлдьитин
    Тапталым эйиэхэ хаалыаҕа
    Эн эрэ мичээргэр уһуктуо,
    Эн эрэ хоонньугар утуйуо.
    Ол ону даҕаны билбэккэ,
    Кыракый бэйэтин көрбөккө
    Сэгэриэм, тэйитэр буолума
    Тыйыстык холдьоҕон үүрүмэ
    Эйиэхэ, эн санньыар күннэргэр
    Дууһаҕар сылааһы угуттуо
    Эн үөрэр дьоллонор түгэҥҥэр
    Эйигин кытары дьоллонуо.
    Кып-кыра, сэп-сэмэй бэйэтэ
    Баҕардар дьэ миигин санатыа
    Ып-ыраас халлааҥҥа тыгар Ый кэриэтэ
    Сүрэххэр санньыары түһэриэ.
    Баҕардар, мин барыым, сылайыым
    Тапталым эйиэхэ хаалыаҕа
    Арчылыы,харыстыы сылдьыаҕа
    Олоҕуҥ аргыһа буолуоҕа.

    0
    • sir sime5e
      28 февраля 2012  

      сэгэрбэр...


      Дьыл5аттан тапталы бэлэхтэппит
      Дьин,нээх дьоллоох эбиппит.
      Бырастыы гынаар эн миигин,
      Өр да өр кууттэрбит буруйбун
      Өйдөөбөт мин тон,уй бы4ыыбын.
      Элбэх да эрэйи аастыбыт,
      Аа4ыахпыт турда5а...
      Мэлдьэ4э сатаатым мин,
      Куотуохпун да ба5арбытым...
      Атыны дьолум диэн итэ5эйэн
      Тулуурдаахтык да муннардым...
      Кистээбэппин мин аны...
      Эйиигин имэн,нээхтик таптыырбын.
      ...Бэлэхтиэхпин ба5арабын мин
      Бутуннуу бэйэбин
      Сурэхпэр,аналбар эрэнэн.
      ...Эн да көрдун эбээт, эрэйи
      Иэйиигин,санаа5ын эппэккэ
      Тапталгын эн миэхэ билиммэккэ..
      Ылыммат майгыбын,
      Ха5ыс тылларбын
      Тон,-курус сы4ыаммын
      Аахсыма,керде4ебун...
      Мин то5о оннук буоларбын,
      Дьин,э билэ5ин эн...
      Бииргэ буолуох,себулэ4эбин
      Таптал холбуур аналынан.
      Утары тугу да мин аны эппэппин
      Керсуех, эн би4и эрэ ейдуур эйгэбитигэр
      Айманар сурэ5и уоскутуох,
      Хомойор санааны киэр ууруех,
      Уйан дуу4аны ыллатыах!
      Утары уунабын илиибин,
      Сурэхпин...бэйэбин...тапталбын.

      0
  • лэкиэс
    28 февраля 2012  

    Хоьоон

    Уоскуй дуу, уоскуй, акаарычаан сурэ5им.
    ИЬит дуу бол5ойон мин этэр тылларбын
    Уолан сурэ5э да буолларгын билэбин
    истин тылы, керууну эн эрэнэ куутэргин
    Уохтаах таптал абыланын билбэхтэьэ туьуеххун
    Иирдэр иэйии имэнин энэлийэ туойуоххун
    Уоьа5а куурбатах мичээргэр килбигийэ умсуоххун
    Иирбэ-таарба санааларгар куегэлдьийэ кетуеххун.
    Бут, тохтоо, сыппах быьахтыы сулуйума
    Кэбирэтэ, кэп туона сур берелуу улуйума
    хааьахха хаайан, тыыммын быьа тууйума
    Хараастар хааммын хатааннын эн хаайыма.
    Ыыт миигин кенулгэ куерэйэ кетен тахсыахпын
    Тобус толору салгыны э5ирийэ тыыныахпын
    Ырыа долгун кынатыгар серуестэммин кетуехпун
    Таптал талыы хонуутугар атах балай сууруехпун.
    Уоскуй дуу, мин кырачаан, акаарычаан сурэхчээним...

    0
  • смит
    29 февраля 2012  

    хоьоон о5ото

    дьон дьоло туохханый
    ону мин билбэппин
    арай мин дьолум Эйиэхэ
    тапталлаах мин до5орум....

    0
  • Лэкиэс
    2 марта 2012  

    сурэх муна

    Хараастабын ханыл санаам хаппырыыьын
    хайдах да5аны туора анньыбаппыттан
    Хаарыан до5орбун - Эйигин харыстаан
    Хаанынан ытыы хаалбыт бэйэбиттэн.

    Дууьабын сулуйан, тыыннаахтыы тутан сиэн,
    оспот дирин баастары сурэхпэр хаалларан
    туох баар ырабын кудэннэ кетутэн
    тахсан барбытын со5отох хаалларан

    Таптыырбын этээри, тохтото туьээри
    Баар кууспун мунньунан Эн диэки кербуппэр
    Тугу да долгуппат тон муускун билэммин
    Мин хаьыым хаайтаран хаалбыта куемэйбэр

    Бырастыы до5оруом, тапталбын билбэккэ
    бу сиргэ Эн олох олорон эрдэ5ин
    Ырааххын да5аны миигиттэн билигин
    ба5арыам Эйиэхэ сир дьолун булуоххун.
    Эн дьоллоох буолуоххун....

    0
    • дева
      2 марта 2012  

      махтал

      барыгытыгар уйан куттаах дьоннорго! Суруйун,суруйун,иэйиигитин,бэлэхтээн дуу4аны долгутар тыллары:))

      0
      • Хоьоон
        2 марта 2012  

        Хоьоон

        Биир эрэ тугэн кэнниттэн
        Санааҕын сыыһа илгийэн
        Куоттардыҥ бэйэн эн
        Тапталгын биллэрбэккэ
        Хомоттуҥ кэрэ аҥааргын
        Сүрэххэр кинини иҥэрэн
        Күүтэҕин түүллэргэр
        Аҥардас кинини эрэ
        Умнуоҥ дуу элээрдээн
        Ааспыт кэрэ түгэни эн

        0
  • Ньууйа
    10 марта 2012  

    Махтал бары аахпыттарга, эбии хоһоон суруйбуттарга

    Таптал -үөрүү,
    Таптал - сор,
    Таптал - мунуу?
    Таптал - дьол!
    Маны бу маннык форманан салҕааҥ эрэ.

    0
  • Ньууйа
    10 марта 2012  

    Махтал бары аахпыттарга, эбии хоһоон суруйбуттарга

    Таптал -үөрүү,
    Таптал - сор,
    Таптал - мунуу?
    Таптал - дьол!
    Маны бу маннык форманан салҕааҥ эрэ.

    0
  • Лэкиэс
    7 апреля 2012  

    ***

    Мин дууьам бугун ытыыр, ытыыр эйигин аьыйа...
    хаарыан бэйэлээх до5орбун быьа тутан барбыккыттан...
    Билбэтэ5им маннык тонуй тымныы сурэх та5ыла
    буолуох буолтун кэннэ билэн айманыахпын, хараастыахпын...
    Эйигин мин эрэммитим, сурэхпин тэлэйэ аспытым
    эдэр эмньик тапталбын эн илиигэр биэрбитим
    кунум миэхэ мэлдьи маннык уеруе дии санаабытым
    эйэ5эстик таптыырбын мин долгуйа сипсийбитим...
    дууьам ытыыр, бугун ытыыр, оттон сарсын?...

    0
    • Хомустан
      7 апреля 2012  

      Санаа быстаҕаһа

      Эйигин күн аайы көрдүүбүн
      сүтэрбит сүрэ5им аҥарын.
      Эйигин күн аайы көрдүүбүн
      ааһар дьон быыһыттан булаары.
      Элбэх да хаар уулунна санныбар
      эн тахсан барбытыҥ кэнниттэн.
      Элбэх да күн ааста ол күнтэн
      бутэһик быраһаай кэнниттэн.
      Ол кэмтэн ааста5а элбэх уу
      Өлүөнэ өрүспүт устунан.
      Билэбин эн бааргын бу сиргэ
      Бутэһик тапталым, эрэлим.
      Бу куорат иһигэр ханна эрэ
      Эн хааман истэ5иҥ оргууйдук.
      Билигин эн миигин билбэккин
      мин эмиэ билбэппин эйигин.
      Ба5ардар санаа5ар ол иһэн
      дьон быыһын одуулу истэ5иҥ.
      Билэбин суолларбыт тиксиэ5э
      ханна эрэ бу куорат иһигэр.

      0
  • Лэкиэс
    11 апреля 2012  

    Сайа5а анаан...

    Сахам сирин кэрэ Куота - Сунтаар сурэ5ин чопчута..
    Саныыр санаам Саргы Куота- Сайа, Эн эрэ буола5ын...
    Сайын сайар тыаллыын миэхэ соргу кынат кете5еннун
    Сайдыы суолун сулус гынан сырдата5ын олохпун.

    Эн иьирэх иэйиилэргэр ыалдьыттааммын иьийэбин,
    Эмньик бэйэм истин тылтан тута сымнаан барабын,
    Эридьиэстээх санаалартан хом да туьэн хараастабын,
    Эрдээх сурэх хоьууннарын булан олус дьоллонобун.

    Айар аптаах абылан,ын, дууьам кутун ыга тутта
    Ааспыт олох ахтыл5анын оьуор анньан манна тистэ
    Айаас аккын сыьытан,н,ын аргыый сыыйа тардан,н,ын
    Албан ааттаах муза- дьуегэн, ыксалаьа хаамта5ын,

    Сайа, нарын бэйиэтим,итэ5эй - уйэлэргэ Эн хаалыан,
    Санаа кууьун ымыы гынан ыллыан, еруу арыллыан,
    Сай5аа санньыар сыллары, тыйыс тыыннаах тыллары
    Сандаарт сан,а санаалары, туойаар добун дор5ооннору.

    0
  • Лэкиэс
    11 апреля 2012  

    эс, баар.

    Тапталы кердеен булбаттар, таптал сурэххэр еруу баар, ол эрэн кини кэтэьэр. Кэтэьэр баар-суох кунду сэгэрин, сир урдугэр анаммыт оло5ун. Ыксаама, тиэтэйимэ, бэйэ5ин албыннанан туспа дьолу аналым диэмэ. Тулуй.

    0
    • Сиккиэр
      16 апреля 2012  

      Ааспыт эбит...

      Мин кэллим ахтыл5ан аргыстаах
      Эдэр саас ута5ар олорсон
      Эйиигин кытары сиэттиьэн
      Эйэргии хаамсыбыт алааспар

      Онно буллум отучча хаар
      Оһоро туспут оннуларын
      Өтөхсүйбүт алаастар
      Өйөнөн турар остолболорун

      0
  • Таптал
    27 февраля 2017  

    Таптыыбын......
    Таптыыбын мин эйигин
    Таптыыбын эн кэрэ мичээргин
    Таптыыбын эн кэрэ куоласкын
    Таптыыбын эн кэрэ костуугун
    Таптыыбын эн миэхэ сыҺыаннын
    Таптыыбын убаастыыбын тороппуттэргин
    Таптыыбын астынабын эн кэрэ дойдугун
    Таптыырбыттан кэмсиммэппин
    Эйигин толору дьоллуом

    0
  • 16
    24 января  

    Эмиэ куруус киэһэ,
    Мин эмиэ эйиигин саныы сытабын,
    Эн мин таспар суоххун,
    Миэхэ эн сылааһыҥ тиийбэт.

    Эн кэрэ-нарын мөссүөҥҥүн,
    Эн хара-нарын харахтаргын,
    Баҕарабын билигин көрүөхпүн,
    Баҕарабын кууһан ылыахпын.

    Истиий мин тылларбын,
    Бу барыта эйиэхэҕэ анаан суруйабын,
    Эйиэхэҕэ эрэ ыллыыбын-туойабын,
    Эйиэхэҕэ, мин таптыыр кыыспар...

    0
  • Lex_123
    28 марта  

    Бу хоьоону мин бу олоххо саамай таптыыр киьибэр Сахалинага аныыбын: Дьолоох да куннэр ааспыттар Эн аттыгар барыта сырдыыра Сулус кулумнуу умайар уота эн харахтаргар тэннэьэр. Кун курдук мичээрдээн уорууну бэлэхтээн.Киирэн кэллбэккин эн билигин.Мин курус олохпун уордубэккин эн аны.Сайынны сылаас тыаллыы комус уу буолан кулумнээбэккин эн аны.Комуьум дьоллоох эрэ буол бу мин саамай эйиэхэ багарар багам . Бырастыы гын мин эйигин дьоллооботум. Алексей.

    0
Ответ на тему: Таптал туһунан хоһооннор
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Предложения и замечания