Сайылык абааhыта
Ала_буурай  -    353
Оҕо сааһым барыта хотоҥҥо уонна алааска ааспыта диэтэхпинэ, бука, сыыспатым буолуо. Ити гынан дьоммут улааппыт алаастарыгар убайбыныын сайын аайы хонорбут-өрүүрбүт. Алааспыт ортотугар улахан эргэ ампаар баара. Ол ампаарга чугаһыырбытын аҕабыт олох сөбүлээбэт этэ. Куруук “ити ампаарга кииримэҥ” диирэ. Акаары санаабытыгар, ити ампаарга туох эрэ сүдү баай кистэнэн сытара буолуо диэн саныырбыт. Онон балаакка тардынан баран, аһаҕас халлааҥҥа утуйарбыт. Убайым туох да сытыы-хотуу, кэлбит-барбыт, үлэһит уол этэ (баара-суоҕа сүүрбэ икки сааһыгар ууга түһэн күн сириттэн барбыта). Миигин кини илиинэн от охсорго, мунньарга үөрэппитэ. Кини кыра сылдьан өрүү аҕабын кытта оттуура. Онон от үлэтин үчүгэйдик билэрэ уонна күүстээх илиилээҕэ. Хаһаайыстыба ыарахан үлэтин барытын кини толороро.
Биирдэ оттуу сырыттахпытына, улахан былыт кэлэн, күүстээх ардах түспүтэ. Биһиги балааккабыт сыыһа ардахха сытыйан, киһи кыайан туһаммат тэрилэ буолбута. Бэйэбит да ибили сытыйан, улаханнык тоҥмуппут уонна сылайбыппыт. Убайым уһуну-киэҥи толкуйдуу барбакка, “ампаарга киириэххэ” диэн тыл көтөхпүтэ. Мин да ол этиини улаханнык утарбатаҕым. Аҕабыт эппит тылын умнан, ампаарга киирэн хонорго быһаарыммыппыт. Убайбыныын сээкэйдэрбитин хомунан, хонор сирбитигэр тиийбиппит. Ампаар иһэ хабыс-хараҥа этэ. Ийэбит биэрбит чүмэчитин уматан, убайбын кытта утуйаардыы сыппыппыт. Арай ол сытан, таһырдьа дьахтар ыллыыр саҥатын истибиппит. Санаабытыгар, ол ырыаһыт дьахтар куолаһа биһиэхэ чугаһаатар чугаһаан иһэр курдуга. Алааска биһигиттэн ураты ким да суоҕун чахчы билэр этибит. Убайым “абааһы дьахтар ыллыыр быһыылаах” диэн куттаан эппитэ. Мин итинник диэбитин кэннэ, куттанаммын, хараҕым уутун тохпутунан барбытым. Убайым ампаар аанын сэгэтэн көрбүтүгэр тыа саҕатыгар уһун уҥуохтаах, хара сонноох, уһун хара баттахтаах дьахтар ыллыы-ыллыы хаама сылдьар этэ. Биһигиттэн ол дьахтар төһө да тэйиччи сырыттар, куолаһа кулгаахпытыгар кэлэн чоргуйа турар курдуга. Дьахтар олус чуор уонна кылыһахтаах куолаһынан ыллыыра. Сарсыарда алта чааска диэри оннук ыллаан биһигини олох утуппатаҕа. Түүнү быһа кинини кэтээн, харахпытын сабан да ылбатахпыт. Ол гынан баран биһиги ампаарбыт диэки абааһы дьахтара олох кэлбэтэҕэ. Сарсыарданан тыа быыһыгар киирэн, сүтэн хаалбыта. Убайбын кытта сарсыарда алтаттан туран, үлэлээбитинэн барбыппыт. Ити күн тоҕо эрэ убайбын кытта олох кэпсэппэтэҕим. Кини улаханнык куттаммыт быһыылааҕа. Саҥата-иҥэтэ суох биэс уонча бугулу туруорбуппут. Киэһэлик балааккабытын оҥостон сыппыппыт. Түүн туох да айдаана суох чуумпутук ааспыта. Сарсыныгар убайым эппитэ: “Аҕабыт тылын истибэккэ, ити ампаарга сыыһа киирбиппит. Ити дьахтар мээнэҕэ кэлэн ыллаабатах буолуохтаах”, — диэн. Чахчы, ити ампаар ол аата иччилээх буоллаҕа диэн түмүккэ кэлбиппит уонна бу түбэлтэ туһунан аҕабытыгар тыл быктарыа суохтаахпытын туһунан бэйэ-бэйэбитигэр мэктиэ тыл биэрбиппит. Түбэлтэ кэнниттэн уонча сыл ити алааска оттообуппут да, ханнык да дьахтары көрбөтөхпүт. Аҕабыт оттоон кэллэхпитинэ, куруук “ампаары тыыппатыгыт ини?” диэн ыйытара. Кырдьык, ити түбэлтэ кэнниттэн ампаарга олох чугаһаабатахпыт. Улаатан баран аҕабытыттан ити ампаар устуоруйатын ыйыта сатаабыппыт да, эппэтэҕэ. Ол туһунан ыйыттахпытына, куруук тугунан эмэ аралдьытан кэбиһэрэ.
Аҕам мин уон аҕыс сааспын туолар кыһыммар ыалдьан, олохтон бараахтаабыта. Ийэм да кини кэнниттэн өр буолаахтаабатаҕа, сыл аҥаара буолан баран эмиэ суох буолбута. Үөрэхпин бүтэрэн баран, тыа хаһаайыстыбатын үөрэҕэр киирбитим. Сааһым тухары бэтэринээрдээн кэллим уонна билигин бочуоттаах сынньалаҥҥа олоробун. Убайым суоппар үөрэҕэр үөрэнэ сылдьан, аармыйаҕа ыҥырыллан, ытык иэһин төлөөн кэлбитэ. Баара-суоҕа сүүрбэ икки сааһыгар сөтүөлүү сылдьан ууга түһэн күн сириттэн хомолтолоохтук күрэммитэ. Билигин кырдьан олорон саныыбын ээ, ол ампаарга барбатахпыт буоллар, биһиги дьиэ кэргэн дьылҕата, баҕар, атын буолуо этэ. Убайым күөгэйэр күнүгэр сылдьан олохтон барбытыгар бэйэбин буруйданан ылабын. Төһө да элбэх бириэмэ аастар, аҕам тылын истибэтэхпэр бэйэбин өрүү буруйданабын. Баҕар, ол дьахтар убайбын толук ылаары көстүбүтэ буолуо...
Ответов 1 Написать ответ
Ответ на тему: Сайылык абааhыта
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания