6 лет на форуме Автор 5 уровня Топ пользователь Все
Награды
6 лет на форуме
6 лет на форуме
Автор 5 уровня
Автор 5 уровня
Топ пользователь
Топ пользователь
1000 просмотров
1000 просмотров
Пенсия
  901
ЯРОСЛАВЛЬ, 2 ноября 2018, 15:54 — REGNUM Депутат муниципалитета Ярославля Дмитрий Петровский собирается выходить с правотворческой инициативой об отмене пенсий. Об этом он сообщил корреспонденту ИА REGNUM.
Ответов 16 Написать ответ
  • Курулгэн
    4 ноября  

    Пенсия тула: саҥа соруктар, сыыппаралар
    РФ Бырабыыталыстыбата Госдуумаҕа киллэрбит пенсияҕа тахсар сааһы уһатар туһунан сокуону Россия Президенэ Владимир Путин 2018 с. алтынньы 3 күнүнээҕи 350 №дээх Ыйааҕынан бигэргэттэ. Бу сокуон 2019 сыл тохсунньу 1 күнүттэн саҕалаан 2024 с. диэри түһүмэхтэринэн олоххо киириэ. Пенсионнай фонда сайтын иһитиннэриилэринэн, кылгастык сүрүн уларыйыылары сырдатабыт.



    2019 с. тохсунньу 1 күнүттэн пенсия реформата үлэтин саҕалыа


    Россия үрдүнэн пенсияҕа тахсыы 5 сылынан уһаата



    2019 с. пенсияҕа тахсар саас: дьахталларга — 60-гар, эр дьоҥҥо — 65-гэр тэҥнэстэ.

    Саҥа бэрээдэккэ көһүү кэмэ түһүмэхтэринэн 2028 сылга диэри 10 сыл устата салҕаныа. 2019 сыл бастакы аҥаарыгар уочаратынан — 1964 с.т. дьахталлар, 1959 с.т. эр дьон — 55 уонна 60 саастарын туолар аҕа саастаах дьон хабыллаллар.





    Россия олохтооҕун үйэтэ уһаата

    Росстат дааннайынан 2018 сылга олох уһуна ортотунан 72,9 сааска диэри үрдүүрүн билгэлииллэр.

    Санатар буоллахха, сэбиэскэй кэмҥэ пенсияҕа тахсар болдьоххо (дьахталлар 55, эр дьон 60 саастарыгар) тэҥнээтэххэ, Россия олохтооҕун үйэтэ ортотунан 42 сааска тэҥнэһэрэ.





    Уһук хоту уонна бу сиргэ тэҥнэнэр оройуоннар олохтоохторугар

    Уһук Хоту уонна бу сиргэ тэҥнэнэр оройуоннар олохтоохторугар пенсияҕа тахсыы болдьоҕо уларыйбата, атыннык эттэхэ, 55 уонна 50 саастарын туолар эр дьон уонна дьахталлар 2019 сыл иккис аҥаарыгар, биитэр 2020 сыл бастакы аҥаарыгар 55,5 уонна 50,5 саастарыгар пенсия ананыа.

    Икки уонна онтон элбэх оҕону төрөппүт, биитэр иитэ ылбыт ийэлэргэ пенсияҕа тахсар саас уһаабат. Усулуобуйата: Уһук Хоту — 20 сылтан кырата суох страховой уонна 12 сыл үлэ ыстааһа; Уһук Хоту сиргэ тэҥнэнэр оройуоннарга — 17 сылтан кырата суох үлэ ыстааһа уонна 50 саас туолуута.

    Табаһыт, балыксыт, булчут идэлэринэн үлэлээбит аҕа саастаах дьоҥҥо эрдэ пенсияҕа тахсыы бэрээдэгэ уларыйбата. Усулуобуйата — эр дьоҥҥо уонна дьахталларга: 50 уонна 45 саас туолуута; ыйыллыбыт идэлэргэ 25 уонна 20 сыл үлэ ыстааһа.



    Тыа сирин үлэһиттэрэ пенсияҕа эбии төлөбүр ылыахтара



    30 сылтан кырата суох ыстаастаах тыа хаһаайыстыбатыгар үлэлээбит уонна тыа сиригэр олорор үлэтэ суох пенсионердарга страховой пенсияларыгар 25% эбии төлөнүө. Ол курдук, 2019 с. тохсунньу 1 күнүттэн ыла 1333,55 солк. эбии ылыахтара. Пенсияҕа эбилик 2019 с. балаҕан ыйын 1 күнүттэн төлөнүө.



    Пенсияҕа тахсаллара чугаһаабыттарга



    2019-2020 сс. пенсияҕа тахсаллара чугаһаабыт дьоҥҥо чэпчэтиилээх кэм олохтонор — пенсияны эрдэ 6 ый иннинэ анатар бырааптаналлар.



    Элбэх ыстаастаах дьон



    Элбэх ыстаастаах дьоҥҥо саҥа бэрээдэк:

    — уһуннук үлэлээбит 37 сылга диэри ыстаастаах дьахталлар уонна 42 сыл ыстаастаах эр дьон икки сылынан пенсияҕа эрдэ тахсар бырааптаныахтара.



    Пенсия кээмэйэ үрдүүр (индексация) бэрээдэгэ



    2019 с. тохсунньу ый 1 күнүттэн 2024 с. диэри пенсия кээмэйэ урукку курдук олунньу ый 1 күнүттэн буолбакка, тохсунньу 1 күнүттэн үрдүө. Сыллааҕы орто пенсия кээмэйэ биир сыл иһигэр 12 тыһ. солк., оттон Саха сиригэр биир ыйга 1300 солк. кэриҥинэн үрдүө.

    2024 сылтан пенсия кээмэйэ биир сыл иһигэр иккитэ үрдэтиллиэ. Пенсия үрдүүр түгэнигэр инфляцияттан үрдүк буолуо диэн былааннанар.



    Россия президенин ыйааҕар соруктар



    Россия Президенэ Владимир Путин 2018 с. ыам ыйын 7 күнүнээҕи 204 №-дээх Ыйааҕынан киһи үйэтин уһатарга сорук туруорбута: 2024 с. — 78 сааска, 2030 с. — 80 сааска тэҥнэһиэхтээх.



    Элбэх оҕолоох ийэлэр



    Элбэх оҕолоох ийэлэр эрдэ пенсияҕа тахсар бырааптаннылар.

    Пенсияҕа эрдэ үс оҕолоох ийэ 3 сыл иннинэ 57 сааска, түөрт оҕолоох — 4 сыл иннинэ 56 сааска тахсыахтарын сөп. Усулуобуйата — 15 сыл страховой ыстаас.

    Урукку бэрээдэгинэн — 50 сааһын туолбут 5 уонна онтон элбэх оҕолоох ийэлэр 15 сыл страховой ыстаастаах буолаллара, ону таһынан оҕолор 8 саастарын ситэ иликтэрэ ирдэнэр.



    Пенсияҕа тахсара чугаһаабыт дьоҥҥо мэктиэ

    Үлэ биэрээччи пенсияҕа 5 сылынан тахсара чугаһаабыт дьону үлэтиттэн ууратар, биитэр, аҕа саастаах дьону үлэҕэ ылбат түгэнигэр 200 тыһ. солк. ыстараабы сүгүө эбэтэр иитэр-өйдөтөр үлэҕэ тардыллыа.





    Россия үрдүнэн Урукку бэрээдэгинэн пенсияны анааһын



    Аҕыйах ахсааннаах хотугу норуоттар бэрэстэбиитэллэригэр эрдэ пенсияны анааһын бэрээдэгэ уруккунан хаалла.

    Гражданскай авиация пилота, летчик-испытатель, ыарахан усулуобуйаҕа үлэлээбит, радиационнай, техногеннай саахалларга эмсэҕэлээбит, инбэлиит оҕону төрөппүт уонна иитэ ылбыт дьон эрдэ пенсияҕа тахсар болдьохторо уларыйбата.



    Судаарыстыбаннай уонна муниципальнай сулууспалаахтарга



    Судаарыстыбаннай уонна муниципальнай сулууспалаахтарга пенсияҕа тахсар сааһы уһатыы бэрээдэгэ 2017 сылтан саҕаламмыта. Эрдэтинэ үлэлиир эр дьон — 65, дьахтар — 63 сааһын туолуор диэри үлэ ыстааһыгар сыл ахсын 6 ый эбиллэр буоллаҕына, 2020 с. тохсунньу ый 1 күнүттэн биир сыл үлэ ыстааһыгар 12 ый эбиллиэ.





    Үлэни сүтэрбит аҕа саастаах дьоҥҥо



    Пенсияҕа 5 сылынан тахсаллара чугаһаабыт аҕа саастаах дьон үлэтин сүтэрэр түгэнигэр үлэтэ суоҕунан социальнай көмө алын кээмэйэ 11280 солк. диэри икки төгүл улаатар. Социальнай көмөнү ылыы биир сылга диэри уһатыллар.







    Үлэ биэрээччи эбэһээтэлистибэтэ



    Сыл ахсын үлэ биэрээччи пенсияҕа тахсаллара чугаһаабыт үлэһиттэргэ орто хамнаһы төлөөн туран 2 күн босхо диспансеризацияны баралларын хааччыйыахтаах.



    Нолуок төлөбүрүгэр чэпчэтиилэр



    Россия Президенэ Владимир Путин атырдьах ыйын 29 күнүнээҕи норуокка туһаайан этиитигэр 5 сылынан пенсияҕа тахсара чугаһаабыт дьоҥҥо сир уонна хамсаабат баай-дуол нолуокгун төлөбүрүгэр чэпчэтии көрүллэрин туһунан сокуон барыла оҥоһулларын иһитиннэрбитэ.

    Оттон билигин Россия үрдүнэн сылга биирдэ чэпчэтиинэн барыта 19 мөл. кэриҥэ пенсионер туһанар.

    Холобур, билигин пенсионердар дьиэлэригэр-уоттарыгар нолуок төлөөбөт буоллахтарына, кэнэҕэскитин киһи пенсияҕа тахсарыттан тутулуга суох 55-60 сааһыгар бу чэпчэтиинэн туһаныан сөп. Ити курдук, коммунальнай хаһаайыстыбаҕа, дьиэҕэ-уокка, техникаҕа, о.д.а. көрүллэр чэпчэтиилэр оннуларынан хаалыахтара.



    Василий ПРОКОПЬЕВ бэлэмнээтэ.

    Матырыйааллар Россия Пенсионнай фондатын Саха сиринээҕи салаатын сайтыттан уонна Интернет ситимиттэн ылылыннылар.

    0
  • 56
    6 ноября  

    Алмазэргиэнбанк проездной карточкатын хайдах ылыахха сөбүй? социальнай пенсиялаахпын, прописка улуснай

    0
    • Курулгэн.
      6 ноября  

      56, пропискан улууска буоллагына- олорор улууьун социальнайдарыгар докуменнын илдьэ бара сылдьарын буолуо..
      Льготнай проезднойга заявление суруйдаххына биэрэллэр ини?..

      0
  • Айога
    6 ноября  

    Рядовая,

    image
    🤣🤣🤣

    0
  • 55 саастаах.
    7 ноября  

    Куоракка олорор, улуснай пропискалаахтарга,куоракка временнэй проездной биэрэлэр,ол аата фототасуох.Түргэнник оҥоһуллар.Соцтан справка ылаҥҥын эргиэнбаҥҥа эрэ барагын,сразу биэрэллэр.Улахан мачайа суох.Син биир пропискалаахтар курдук айанныыгынthumbs up sign

    0
  • 56
    7 ноября  

    Куорат соцобеспечениета ханан баарый?

    0
  • Бааска
    7 ноября  

    Биири өйдөөбөтүм - кэлэр тохсунньуттан пенсиябытыгар ый аайы 1300 солк.эбиллэр дуо?ол аата сылга 15600 солк.эбиллэр дуо?

    0
  • Пенсия
    7 ноября  

    Ый аайы буотах январь ыйга 1 тыс эбиллэр, ол аата сылга биирдэ эбиллэр 1 тыс

    0
  • Дора
    14 ноября  

    1970 с.төрүөхтэр 3 оҕолоох буоллахтарына пенсияҕа 50с.тахсаллар да?

    0
  • Курулгэн.
    17 ноября  

    http://gubkin.city/news/in-gubkin-and-region/46631/

    Итини аьанныт аагын..
    Ким хаьан пенсияга тахсара..
    Эьиил пенсия тоьо эбиллэрэ...итд итп...

    0
Ответ на тему: Пенсия
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания