1 месяц на форуме Автор 4 уровня Топ пользователь Все
Награды
1 месяц на форуме
1 месяц на форуме
Автор 4 уровня
Автор 4 уровня
Топ пользователь
Топ пользователь
1000 просмотров
1000 просмотров
Саха омук
  1223
хаһан Саха Сирэ диэн ааттаах республика5а олохтоох омук (коренной житель-абориген) быһыытынан билиниллиэ5эй (эбэтэр Россия Правительстватынан (ФЗ РФ), эбэтэр ЮНЕСКО РЕЕСТРыгар)?
Ответов 95 Написать ответ
  • сааьырабарбыт
    19 марта  

    ыксыахха баар эбит, Бириэмэ биһигини-саханы кэтэһиэ суо5а...
    эбэтэр көмүскэллээх буолар туһуттан ити Ассамблея нардов Якутии диэн тэриллиигэ кыбыллыахха кыттыһыахха дуу?

    0
  • Кырдьаҕас
    22 марта  

    Уйгулаах олоххун оҥоһун

    Дьон курдук олорор туһуттан,
    Дьылҕабын байыта сатыыбын,
    Сэргэхтик сылдьарым инниттэн,
    Сирдээҕи олохпун айабын.

    Сүһүөҕүм үрдүгэр сылдьаммын,
    Ситэрэн, тупсаран, киэргэтэн,
    Симиибин күн аайы сылларбын,
    Сулустаах халлааным анныгар.

    Сыһыыны, толоону туоруубун,
    Сүүрүктээх өрүһү харбыыбын,
    Суорба таас хайаҕа ыттабын,
    Сиэлэбин, сыыллабын, хаамабын.

    Сиэдэрэй дьылҕабын тутаары,
    Сиэннэрим мичээрин көрөөрү,
    Сибэкким дьөрбөтө тылларын,
    Сыдьаайар сырдыгым айхалын.

    Салгыыбын ийэлээх аҕаккам,
    Суолларын кэҥэтэн, уһатан,
    Ол эрэн билиҥҥи кэминэн,
    Ордуктук кэҥэтэн биэрбин.

    Доҕоттоор дьолгутун ыытымаҥ,
    Дьоһуннаах олоҕу харыстааҥ,
    Үөрэххэ-билиигэ тардыһыҥ,
    Уйгулаах быйаҥы уһансыҥ!

    0
  • Кырдьаҕас
    22 марта  

    Халыҥ хаар устунан сырылыы,
    Хайыһар кэтэммин эрдэлии,
    Хаалыкпын илиибэр тутаммын,
    Хорсуннук анньына тахсабын.

    Ып ыраас салгыны тыынаммын,
    Ыраахха диэритин барабын.
    Чэбдик тыал үрэрин тыыраммын,
    Чэгиэнник хамсана сүүрэбин.

    Сарсыарда сүрэҕим эппэйэр,
    Саҥалыы санааны киллэрэр.
    Көһүйбүт сүһүөхпин эрчийэр,
    Кырдьарбын кыйдыырбын баҕарар.

    0
  • Кырдьаҕас
    22 марта  

    Ыбылы кууһуохпун баҕардым,
    Уһуннук уоскуттан ууруохпун.
    Былыппыт үрдүгэр күүлэйдээн,
    Бытааннык долгуйа устуохпун.

    Сэгэриэм ый тахсар түүнүгэр,
    Сиэттиһэн чараҥҥа хаамсыахха,
    Көлүччэм дьиримниир уутугар,
    Күлүгү түһэрэ үөрүөххэ.

    Сарсыарда сарыалбыт тахсыыта,
    Саргыны түстээммит көрсүөххэ.
    Сибэкки арааһа тыллыыта,
    Сүрэҕи эймэтэ ыллыахха.

    0
  • Кырдьаҕас
    22 марта  

    Эйигин көрбүтүм эмискэ,
    Элбэх сыл ааспытын кэнниттэн.
    Турбутум тааламмын, соһуйа,
    Тылбыттан матаммын, долгуйан.

    Эдэркээн да этиҥ ол кэмҥэ,
    Үөрэнэр, кыһаллар кэмнэргэ.
    Студент аатырар сылларга,
    Сыранан идэни ыларга.

    Ыраахтан сөбүлүүр да этим,
    Туттаргын, хаптаргын, хаамаргын.
    Ырыаһыт чыычаахпар холуурум,
    Таптааммын араастаан саныырым.

    Уруккуҥ кэриэтэ дабана,
    Үҥкүүлээн уйдаран ааһарыҥ.
    Билигин уһуннар дьылларыҥ,
    Биллибэт, сааһырыыҥ бэлиэтэ.

    0
  • Кырдьаҕас
    22 марта  

    Тапталбыт уотугар ылларан,
    Сүрэхпит сылааһар бигэнэн.
    Тутуһан, эрэнсэн, өйөһөн,
    Сылларбыт усталлар дьолунан.

    Иэримэ дьиэбитин иччилээн,
    Ил-эйэ аргыстаах олорон,
    Ыччаты көччөхтөөн көтүтэн,
    Илгэлээх симэҕи түһэрэн.

    Үйэбит сылларын киэргэтэн,
    Үөрүүнэн айабыт мандардаан.
    Баҕара сүүспүтүн холбооммут,
    Буолагы сүбэнэн туоруубут.

    0
  • Кырдьаҕас
    22 марта  

    Сарсыарда күн тахсан сыдьаайда,
    Сирбитин сырдатан мичээрдэ,
    Үөрүүнэн олоҕу түстээтэ,
    Үөрэххэ, үлэҕэ ыҥырда.

    Тиэтэйэ-саайара туруохха,
    Таһырдьа тахсаммыт хаамыахха.
    Салгыны ыймахтыы тыыныахха,
    Санааны сөргүтэн ылыахха.

    Үүттээх чэй кутаммыт иһиэхэ,
    Үтүөнү баҕаран этиэххэ.
    Уруйу, айхалы тиэрдиэхэ,
    Урууга, аймахха, доҕорго!

    0
  • Кырдьаҕас
    22 марта  

    Хата, иэйии абылаҥар киириэҕиҥ.

    0
  • Кырдьаҕас
    22 марта  

    Олохпут сааһыра ыраатар

    Олохпут ыраата сааһырар,
    Устаахтыыр аргыыйдык хардыылаан,
    Оҕолор үлэһит буоллулар,
    Күүлэйдиэх, эн биһи куустуһан.

    Көтөр аал олорон, айанныах,
    Киэҥ сири кэрийиэх, алтыһыах,
    Үгүстүүр байҕалга сөтүөлүөх,
    Салгыҥҥа, кытылга таалалыах.

    Эҥинэ арааһы амсайыах,
    Эриэккэс дьиктигэ соһуйуох,
    Ырааҕы кытылы одуулуох,
    Дьоннорго эҕэрдэ ыытыһыах.

    Дьылҕабыт торумун киэргэтиэх,
    Дьоһуннаах санааны ситиһиэх.
    Дьыбааммыт иччитэ буолумуох,
    Дьаарбайыах, дуоһуйа сынньаныах.

    Дьолбутун үрдүктүк тутаммын,
    Дабааны дабайан иһиэххэ,
    Эдэрдии эрчимник сананан,
    Сүһүөхпүт үрдүгэр сылдьыахха!

    0
  • Дьэрбэ
    22 марта  

    Сахабын диириҥ тухары Сахаҕын,
    төрүт дойдугар олороруҥ тухары төрүт олохтоох буолаҕын.
    Хэйхэҕэ, Канаадаҕа "сүктэн кийииттии" бардаргын биллэн туран дойдута суох аатырарыҥ биллэр.

    0
  • Кырдьаҕас
    22 марта  

    Бэҕэһээ поэзия күнэ. Хоһуйааччылары эҕэрдэлиибин!

    0
  • ПЛАТИНДА
    22 марта  

    Наьаа үчүгэй сарсыардаттан, үчүгэйиэн дьиҥнээх талаан, уустук- ураннык ойуулаан оҥорор да буолар эбит диэн хоьоон курдук.

    Махтаныахха.

    0
  • Кырдьаҕас
    22 марта  

    Аһылык кэнниттэн,
    Сэрэнэн тутаммын,
    Сууйабын иһиппин,
    Остуолбун сотобун.

    Муостаны харбыыбын,
    Таҥаспын ыйыыбын,
    Улахан буоламмын,
    Үлэни таптыыбын.

    Күн күбэй ийэбэр,
    Көмөлөөх киһибин.
    Мэлдьитин хайҕанан,
    Махталга сылдьабын.

    0
  • Кырдьаҕас
    22 марта  

    Ийэбин үтүктэн,
    Иннэни ылабын,
    Илиибэр тутабын,
    Иистэнэ тигэбин.

    Куукулам таҥаһын,
    Киэргэтэ ойуулаан,
    Күннэри түһэрэн,
    Көрдөрүөм күлүмүн.

    Иистэнньэҥ аатыран,
    Көмөҕө тиийиэҕим,
    Мэлдьитин туһалаан,
    Мичийэ үөрүөҕүм.

    0
  • Кырдьаҕас
    22 марта  

    Толлойон тураммын,
    Терканы ылабын,
    Астыыбын элбэҕи,
    Арааһы үгүһү.

    Төгүрүк лууктарбын,
    Быһабын, кырбыыбын.
    Хараҕым ууларын,
    Таһааран ылабын.

    Тортары таптыыбын,
    Остуолбар уурабын.
    Күөрчэҕи ытыйан,
    Күндүлүү уунабын.

    Мичийэ үөрэбин,
    Ийэбин үтүктэн.
    Алаадьы буһарыам,
    Салааты оҥоруом,

    0
  • Кырдьаҕас
    22 марта  

    Уулуссаны туоруурбар,
    Икки өттүн көрөбүн.
    Кыһыл уокка тохтуубун,
    Күөхтүүр уокка ааһабын.

    Араас өҥнөөх көлөлөр,
    Массыыналар сырсаллар,
    Аара суолга сэрэнэн,
    Алдьархайга киирбэппин.

    Улахан киһи кэриэтэ,
    Быраабыла тутуһуом,
    Мэлдьи чиҥник үөрэтэ,
    Куруук билэн туоруоҕум.

    0
  • Кырдьаҕас
    22 марта  

    Былааччыйам кэрэтиэн,
    Ойуулара арааһыан,
    Тэлэрийэн олуһуон,
    Киэргэллэрэ элбэҕиэн.

    Ийэм тигэн биэрбитэ,
    Эбэм эбэн тупсарта,
    Ойуу-бичик түһэртэ,
    Иистэммитэ түүннэри.

    Оҕолорго көрдөрүөм,
    Үҥкүүлээммин ойуолуом,
    Муода курдук хамсаныам,
    Мичилийэ туттунуом.

    0
  • Кырдьаҕас
    22 марта  

    Кыра оҕолорго анаан суруйарбын сөбүлүүбүн.

    0
  • Кырдьаҕас
    23 марта  

    Кынаттаахпын, көппөппүн,
    Күөлгэ, ууга киирбэппин,
    Куттанабын олуһун,
    Кустуу устан барбаппын.

    Күммүт ойон тахсыыта,
    Хаһыытыыбын туруора,
    Сапппыкыбын кэтэбин,
    Сэриилэһэ киирэбин.

    Түөспүн күүскэ мөтөтөн,
    Тойон курдук хаамабын,
    Тиэргэн устун күүлэйдээн,
    Туорахтары көрдүүбүн.

    Кыыһар кыһыл тарааҕым,
    Күлүмүрдэс бытыгым.
    Кутуругум хоройор,
    Күүскэ тыалга тэлимниир.

    0
  • Кырдьаҕас
    23 марта  

    Моҕотой

    Кутурукпун хоротон,
    Күрүө устун сүүрэбин.
    Бааһынаҕа тиийэммин
    Бурдук туорах көрдүүбүн.

    Ампаардары хасыһан,
    Аһы булан таһабын.
    Тарбачыйа ыйанан,
    Тииппэр мэлдьи ыттабын.

    Тириим миэнэ эриэнээх,
    Тииҥҥэ быраат буолабын,
    Тилигирии мөхсөбүн,
    Талбыт сирбэр тиийэбин.

    0
  • Кырдьаҕас
    23 марта  

    Тураах, тураах атаһым,
    Турулуччу көрөҕүн.
    Кыталыктыы туттаҕын,
    Кынталдьыйа хаамаҕын.

    Тойон кыллыы көтөҕүн,
    Талбыт сиргэр тиийэҕин,
    Булан талан аһыыгын,
    Бухатыырдыы туттаҕын.

    Ханна баран булабын,
    Хата ыйан биэрдэргин,
    Хантан сыыры көрдүүбүн,
    Хаһыытааҥҥын этэҕиэн?

    0
  • Кырдьаҕас
    23 марта  

    Улаатаммын ситэммин,
    Дьээдэ Степа буолуоҕум.
    Манабылга туруоҕум,
    Мэлдьи бэлэм буолуоҕум.

    Харабыллыы тахсыаҕым,
    Бэрээдэги көрүөҕүм.
    Оҕолору сиэтэммин,
    Уулуссаны туоратыам.

    Кырдьаҕаһы ытыктыам,
    Кыамматтарга кыһаллыам,
    Күрэхтэргэ кыттыһан,
    Кыайыылары ситиһиэм!

    0
  • Кырдьаҕас
    23 марта  

    Петачок, петачок,
    Биэс тарбах атаһа,
    Винни Пух доҕоро,
    Бэһиэлэй чооскута.

    Баҕатын толорон,
    Бээтинсэ киэһэҕэ,
    Бэлэҕин өсүөлгэ,
    Биэрээри гыммыта.

    Аһара тиэтэйэн,
    Сарайа сүүрэлээн,
    Саарыгын алдьаппыт,
    Хараҕа ууламмыт.

    0
  • Кырдьаҕас
    23 марта  

    Сымыыттарын сүтэрэн,
    Кууруссабыт айманар,
    Бөтүүк кыылбыт сапсынан,
    Битийэрин ордорор.

    Эбээ Тааньа хомуйан,
    Илдьэ барта дьиэтигэр,
    Хобордооҕун таһааран,
    Билиитэҕэ уурбута.

    Омлеты буһаран,
    Оҕонньорун аһатта,
    Бурдук астыын булкуйан.
    Колобогу оҥордо.

    Түннүктэрин аттыгар,
    Сойутаары уурбута,
    Онто туран эмискэ,
    Куотан, саһан ойбута.

    0
  • Кырдьаҕас
    24 марта  

    Олоххутун харыстааҥ

    Саас ылан истэҕин аайытын,
    Киһи киэҥ дууһата чарааһыыр.
    Сиккиэр тыал үрдэҕин ахсытын,
    Киил маспыт кытары кэбириир.

    Олохпут оҥкула кылгаһын,
    Ойуолаан, түргэтээн ааһарын.
    Ол кэми саргылаан ситиһэн,
    Олуһун ытыктыы хаамсыаҕыҥ.

    Кыраттан үөрүөҕиҥ-көтүөҕүҥ,
    Көхсүнү көтөҕө сылдьыаҕыҥ,
    Биир кэрэ тыллартан дайыаҕыҥ,
    Биир истиҥ иэйииттэн тиллиэҕиҥ.

    Үтүө тыл киһини кынатыыр,
    Үрдүккэ, үөһэҕэ таһаарар.
    Ол курдук туругу чиҥэтиҥ,
    Олоҕу арыалаан торумнааҥ.

    Ол иһин, көрдөһүөм этэ, мин,
    Күн сирин маанылаах дьонуттан,
    Киһини харыстааҥ, арчылааҥ,
    Хас биирдии бэйэҕит мэлдьитин!

    Олох диэн чыпчылҕан буоларын,
    Бука диэн эһиги өйдөөҥҥүт,
    Бу орто дойдуга кэлэҥҥит,
    Олоруҥ ыллыктаах санаанан!

    0
  • Кырдьаҕас
    24 марта  

    Үгүрүө чыычаах буоламмын,
    Үгэ хоһоон ааҕабын,
    Үрдүк халлаан ньууруттан,
    Үлтү түһэ сатыыбын.

    Атахтарын анныттан,
    Эмикэччи көтөбүн,
    Соһутаммын өмүрдэн,
    Сүрдээх күүскэ куттуубун.

    Сыһыыларга сылдьабын,
    Алаастарбын таптыыбын,
    Сымыыттарбын кистиибин,
    Албаһыра туттабын.

    0
  • Кырдьаҕас
    24 марта  

    Сарсыардаттан эрдэлээн,
    Сиэним хааман тоотойор.
    Детсад дьиэҕэ тиэтэйэ,
    Доҕоттордуун оонньоору.

    Саҥа таҥас булунар,
    Сонун тиэрэ кэтээхтиир.
    Бачыыҥката таҥнары,
    Бэргэһэтэ кыҥнары.

    Эһээ, эбээ мааныта,
    Эйэргэһэ сыллаахтыыр.
    Кэлиэм киэһэ буолуута,
    Күүтүҥ миигин дэһээхтиир.

    0
  • Кырдьаҕас
    25 марта  

    Кэргэн ыллым

    Бүгүн мин бүттүм,
    Доҕуурга иҥинним.
    Хобулук анныгар,
    Киирдэҕим омунун.

    Сулумах олоҕум,
    Соһута сүттэҕиҥ.
    Таҥаска соронон,
    Сууланан хааллаҕыҥ.

    Сарсыарда турарым,
    Таһырдьа тахсарым,
    Бултуурум-алтыырым,
    Барыта куотаҕыҥ.

    Урукку кэмнэрим,
    Көҥүллүк тыыммытым,
    Көрүлээн ылбытым,
    Бүттэҕэ түргэнин.

    0
  • Кырдьаҕас
    25 марта  

    Айгыстаммын оҥостон,
    Айаннааммын сахсыллан,
    Өймөкөөммөр тиийиэҕим,
    Отоннооммун үөрүөҕүм.

    Мэтэһийэ туттаммын,
    Майалааммын муҥхааллаан,
    Матаҕабын тутаммын,
    Моонньоҕоммун үргүөҕүм.

    Сунтаардарга сыылламмын,
    Сугуннуоҕум кэһиибин.
    Бүлүүлэргэ барыаҕым,
    Болбуукталыы тахсыаҕым.

    Чугас аймах дьоннорбор,
    Чурапчыга ыалдьыттыам,
    Таатталарым сиригэр,
    Талах быыһын кэрийиэм.

    Амма кэрэ сиһигэр,
    Дьэдьэннэрин хомуйуом,
    Хаҥалаһым дьонугар
    Хаптаҕастаан харбаһыам.

    Ыаҕайабын иилинэн,
    Ыраах тыаны кэтиэҕим,
    Кыстыыр мааны астарбын,
    Кыһалламмын булуоҕум.

    0
  • Кырдьаҕас
    25 марта  

    Биһикпин түһэрэн,
    Бу сиргэ кэлбитим,
    Ып ыраас салгынын,
    Ыймахтыы тыыммытым.

    Эбэкэм ууларын,
    Эмсэхтии испитим,
    Аан бастаан үктэнэн,
    Атыллаан хаампытым.

    Оҕо саас күндүтэ,
    Дьолунан кууспута,
    Олоҕум үөрүүтэ,
    Дойдукам таптала.

    Сүрэхпэр сөҥпүтэ,
    Дьоһуннаан кууспута,
    Сарыалым сыдьаайта,
    Долгуйа тыкпыта.

    0
  • Кырдьаҕас
    25 марта  

    Бэҕэһээ күннэрбит барбыта,
    Букатын кэлбэттии номоххо.
    Өссө биир түгэни бэлэхтээн,
    Олохпут айанын туоһулаан.

    Саҥа күн күөрэйдэ бу бүгүн,
    Салҕаары дьылҕабыт торумун,
    Саргылаах сарыалын сыдьаайан,
    Сиэттиһэн ситиһии арыаллаан.

    Уһансыах уйгулаах санаанан,
    Үлэлээн, үөрэнэн кыһаллан.
    Симэхтээн, мандардаан киэргэтиэх,
    Сүрэхпит тэбиитин байатыах.

    Үйэлэр устата аҕалбыт,
    Өбүгэ кэс тылын ылынан,
    Уһатыах, кэҥэтиэх суолларын,
    Унаарар буруону тыргытыах.

    Ыччаппыт чуопчаардын мэлдьитин,
    Дьиэ иһин үөрүүнэн толордун.
    Ытыктаан кэннэки кэпсээтин,
    Дьоннорун, төрүтүн туһунан.

    0
  • Кырдьаҕас
    25 марта  

    Алааһым налыйа чуумпурда,
    Хатыҥым сынньана утуйда.
    Көлүччэм уутугар түһэрэ,
    Ый тахсан күлүгүн көрүннэ.

    Арай мин хараҥа үүтээммэр,
    Харахпын симпэккэ олорон.
    Оһоҕум кылайар уотугар,
    Айбыта, туойбута буолабын.

    Ол эрэн олох да төбөбөр,
    Араастаан санаалар сүүрэллэр.
    Айаннаан эргийэ көтөллөр,
    Олуһун булкуйа сырсаллар.

    Сибэкки ойуллаах сыттыкпар,
    Сылайан түүн үөһэ сыыллабын,
    Сарсыҥҥы күннэрбин көрсөөрү,
    Саргылаах түүллэри түһээри.

    0
  • Кырдьаҕас
    26 марта  

    Сарсыардаттан тураатын,
    Дьэдьэннэрдээх күөрчэхпин,
    Алаадьынан оймуурбун,
    Алыс мэлдьи таптыыбын.

    Эбэм астыыр астара,
    Миэхэ олус минньигэс,
    Ыһаарылаах собото,
    Үүттээх, сүөгэй чэйдэрэ.

    Үчүгэйдик таҥныаҕым,
    Детсад дьиэҕэ тиийиэҕим,
    Оҕолордуун оонньуоҕум,
    Улаатыаҕым күн ахсын.

    0
  • Кырдьаҕас
    26 марта  

    Кыһыл көмүс сонноохпун,
    Кутуругум элэҥнэс,
    Атахтарым сүүрэлэс,
    Аатым миэнэ саһылчаан.

    Ааттаах өйдөөх буоламмын,
    Албынныыры сатыыбын,
    Ымманыйа ньылаҥнаан,
    Ырыалары ыллыыбын.

    Эриэн куоска атастыын,
    Эйэлэһэ хаамсабын,
    Куобахтары ситэбин,
    Кутуйаҕы тутабын.

    0
  • Кырдьаҕас
    27 марта  

    Ытыһын тоһуйбут саха уола

    Вокзалга токуллан тураахтыыр,
    Бөҕүөрбүт ытыһын тоһуйан
    Барыҥнас дьоннортон умналыы,
    Биир саха эдэркээн уолчаана.

    Сирэйэ дьэлтэйэ үллүбүт,
    Хараҕа кытарбыт, көҕөрбүт,
    Куурката ибили тэстибит,
    Атаҕын таҥаһа эстибит.

    Сүрэҕим кыланна ол онтон
    Хайдахтаах бу маннык турукка,
    Эдэркээн сахабыт уолчаана
    Олоҕун дьылҕата кэлбитэй?

    Аргылыыр дьаллыкка ылларан,
    Эбэтэр ыарахан ыарыыттан,
    Олоҕун тутулун алдьатан,
    Буруйу оҥорон хайыыттан?

    Олох диэн бутуурдаах, эндирдээх,
    Түһүүлээх, тахсыылаах, киирсиилээх.
    Кэрэҕэ, сырдыкка тардыһар
    Эрэлин сүтэрбит олоҕор?

    Ийэлээх аҕата баҕаран,
    Дьоллорун холбооннор ыал буолан,
    Иэримэ дьиэлэрин иччилээн,
    Уол оҕо бастыҥын төрөтөн.

    Иитэннэр такайан, үөрэтэн
    Силлиэттэн, будулҕан буурҕаттан
    Иҥнибэт буоларга алҕааннар,
    Эрэллээх кыымнары саҕаннар.

    Харахпыт дьүккэтэ дэһэннэр,
    Кэрэ тыл маанытын анааннар,
    Хайдахтаах эр бэрдэ буоларын
    Эрэнэ, кэтэһэ хаалтара буолуоҕай?!

    Эдэркээн уолчааммыт барахсан,
    Оллуртан-буоллуртан иҥнимэ.
    Кэскилиҥ, олоҕун илиигэр,
    Харса суох хардыылаа иннигэр!

    Ытыһын тоһуйбут саха уола...

    0
  • Кырдьаҕас
    27 марта  

    Сахам Далбар Хотуннара,
    Сайа мааны кыргыттара,
    Сахалыы таҥаһы таҥнаҥҥыт,
    Сиэдэрэй симэҕи иилинэн,
    Сибэкки арааһын быыһынан,
    Дьэрэкээн лыахтарым кэриэтэ,
    Салгыҥҥа күүлэйдии даайаарыҥ.
    Кынаккыт сыыһынан тэлимнээн,
    Сапсынан тэлээрэн ылаарыҥ.

    Хатыҥнаах чараҥым быыһыгар,
    Алааһым тупсубут кэмигэр,
    Айылҕам маанылаах күнүгэр.
    Сайыным туналы күөнүгэр,
    Кыталык кэрэтэ дугунан,
    Кыҥкынас куолаһы дьиэрэтиҥ,
    Кэрэтик салгыҥҥа уйунан,
    Кылбаҥныы үҥкүүлээн ойуолааҥ,
    Дьиэрэҥкэй дьоһунун түһэриҥ!

    0
  • Кырдьаҕас
    27 марта  

    Сиэркилэм

    Сарсыарда эрдэлээн тураммын,
    Сиэркилэм аттыгар тиийэммин,
    Соһуйа аймана көрөбүн,
    Сирэйбин, быһыыбын, таһаабын.

    Бэлиэртэн кыыдамнаан ылбыттар,
    Чанчыкпар хаар маҥан хаһыҥнар.
    Ханнаный хаарыаннаах саастарым
    Эдэркээн бэйэлээх дьүһүнүм.

    Оҕо саас ол дьоллоох саастарым
    Улаатан, үөрэнэн, үлэлээн
    Тириппит-хоруппут күннэрим,
    Дьоһуннаах, күүрээннээх кэмнэрим.

    Билигин даҕаны олоҕум иннибэр,
    Туһалаах эбиппин, дьоннорбор,
    Аргыыйдык тарыыбын баттахпын,
    Алыс да киэһэ буолбатах дэнэбин...

    0
  • Кырдьаҕас
    27 марта  

    Кэлэн иһэр сааһынан

    Сааспыт тупсан сандааран
    Сырдаан, ирэн сылыйан
    Улам кэлэн иһэрэ
    Үчүгэйиэн бу сиргэ.

    Кыыдаан кыһын күрэнэн
    Куотан баран хаалара
    Биллэн, элбээн күн ахсын.
    Күрэнэрэ саһара.

    Ойуурдарбыт уһуктан,
    Тоҥхолдьуйан ылара
    Сүрэх күүскэ тэбэрэ,
    Салгын сайа охсоро.

    Оҕо аймах мустаннар
    Чалбах уутун кэһэннэр,
    Аймананнар чуопчааран
    Таһырдьаттан киирбэтэ

    Чыычаахтарбыт ыллыыра,
    Чугаһаахтаан кэлэрэ.
    Бары бииргэ оргууйдук,
    Кэтэһиэҕиҥ кыратык.

    0
  • Кырдьаҕас
    27 марта  

    Быраһаай

    Күн аайы итирик кэлэҥҥин,
    Көмүскэм уутунан суунабын,
    Төлкөбүт ыратын хаалларан,
    Мин бардым ийэлээх аҕабар.

    Эрэлбин сүтэрэн, таҥнаран,
    Бытыылка ойохтоох буолбуккун.
    Көрдөһөн этэрбин, тыынарбын,
    Дыыгыныыр кумаарга холуугун.

    Оҕоҕун, кэргэҥҥин санаабат,
    Аргыһыт дьаллыгын талбыккын.
    Олохпүт торумун алдьатан,
    Өйдөөбөт буолбуккун букатын.

    Бараһаай мин бардым дойдубар
    Бүтэһик быһаары ылынан.
    Өйдөнөн турарыҥ саҕана
    Көрдөөмө, сүүрүмэ, булума.

    0
  • Быйанг
    Быйанг
    Ветеран
    27 марта  

    Россияҕа 50-тан тахса ахсанаах буолун даҕаны, коренной, обориген диэн ааттаах ханнык даҕаны аатаммат буолар. 50 тыьынчаттан кыра эрэ народтары коренной, обориген - диэн ааттыыллар

    0
    • сааьырабарбыт
      27 марта  

      Быйанг, - ол аата саха саамай кыра омук буолан тахсарыгар тиийэр, эн концепция5ынан саха курдук буолла да саха буолуо саарбахтардаах (5 мнс Саха Сиригэр бары сахалыы саҥарар, ону таһынан саха омук сүрэ5э суо5ун билэн эргиэн интервенциятын оҥорон тастан киирбит Столичка эргиэмсиктэрэ 17 млн кытай киргизтэрэ сахалыы чуопчаарыйааччылары көҕүрэттэххэ сахаҥ бэйэтэ 37 эрэ тыһ буолаарай)?

      0
      • ТимирТирии
        27 марта  

        саха ОМУК буолбатах...

        ОМУК диэн АТЫН ДЬОН диэн суолталаах
        дьиҥэ САХА ДЬОНО диэн
        ол буоллаҕына
        чахчы
        саха БИИР ТӨРҮТтээҕин этэр
        БИҺИГИ биир КИҺИттэн үөскээбитпитин
        били
        еврейдэр АДАМтан үөскээбиттэрин курдук
        биһиги - САХАттан

        0
      • Быйанг
        Быйанг
        Ветеран
        28 марта  

        сааьырабарбыт,
        Сахатааҕар үлэһит омук ахсаанааҕа буолуо. Саха дьоно хара сарсыардатан, түүн хараҥарыар дылы үлэлэ мөхсөлөр. Ити, сахалар тустарын сымыйанаан суруйалларын саатар эн тарҕатыма..

        0
      • Быйанг
        Быйанг
        Ветеран
        28 марта  

        сааьырабарбыт,

        Россияҕа киһи омуна аҕатын, эбэтэр ийэтин омугун талар.. арай 2002 сылаахха, националнай улуустарга дьонноро тиййбэт буолан, саха дьоннорун Эбэйнки (Эвенк) оҥортообуттара.

        0
  • Билбэтчэй.
    27 марта  

    Аата сыбыс сымыйаннан билээмсийэр, дойҕохсут да киһи, старческий маразм ду.

    0
  • Кырдьаҕас
    28 марта  

    Санаа курдук салаллан,
    Саха буолан киэркэйээр.
    Сандал ыра ыҥыран,
    Сириэдийэн турунаар.

    Илин арҕаа хайыһан,
    Иэйиилэргэ ыллараар,
    Сиэри-туому тутуһан,
    Сиртэн силис тардыһаар.

    Дөһөгөйгө сиэллэрэн,
    Дьоҥҥун күүскэ ахтыһаар.
    Киҥинэйэн ылааҥҥын,
    Кэскиллэргин ыҥыраар.

    Айхалааҥҥын уруйдаан,
    Айылҕаҕын ойуулаар.
    Холумнатаҥын алҕааҥҥын,
    Хоһуйаҥҥын тойуктаар.

    Олопоскор олорон,
    Олоҥхолоон дьиэрэтээр.
    Ойуохайга киирэҥҥин,
    Ойон-тэбэн үҥкүүлээр!

    0
  • Кырдьаҕас
    28 марта  

    Сааскы тыалым кэриэтэ,
    Санааларбын аймаама,
    Түннүктэрбин тоҥсуйа,
    Түүнү быһа ытаама.

    Баҕа ыра толкуйа,
    Баран ыраах куоппута,
    Булкуйума, иирдимэ,
    Бүтэн, сүтэн хаалбыта.

    Иккистээҥҥин эргитэ,
    Илин диэкки көрүмэ.
    Суолбун тибии типпитэ,
    Сүрэх бааһа оспута.

    0
  • Кырдьаҕас
    29 марта  

    Мин көҥүл ыччаппын, киһибин,
    Маанылаан мандардаан ыллабын.
    Олорор олохпун киэргэтэн,
    Ойор күн кэриэтэ чаҕыллан.

    Айабын, тутабын киэргэтэн,
    Айаннаан сиэллэрэ көтүтэн.
    Бииртэн биир тоҕойу ааһабын,
    Балкыырдаах байҕалы туоруубун.

    Сахалыы иитиилээх буоламмын,
    Саргылаах иэйиибин түстүүбүн.
    Сиэр-туому тутуһа ылынан,
    Сандаарар кэскиллээх үйэбин.

    Ыччатым салгыаҕа олохпун,
    Ырабын ситиһэ турунан.
    Сыдьааным тыргытыа суолларбын,
    Саҥалыы байытыа ойуулаан.

    0
  • Кырдьаҕас
    29 марта  

    Күндү киһим кырачаан
    Кыра сиэним мэникчээн,
    Мичилийэр саҥаҕын,
    Музыкабар тэҥниибин.

    Көтөн- сүүрэн кэлэҥҥин,
    Кынаттаргын даллатан,
    Көтөхтөрөн үөрдэргин,
    Күлүм күммэр тэҥниибин.

    Баҕаҕыттан сыллыыргын,
    Бүтүн уулла түһэбин.
    Кыыраай ыраах барааккын,
    Күүтэн мэлдьи суохтуубун,

    Барбах тимир көлөнөн,
    Бирилэтэн айаннаан,
    Бухатыырбыт барахсан,
    Бурҕачытан кэлэҥҥин.

    Эһээ диэҥҥит эйээрэн
    Эбээ ааттаан этэргин.
    Эйэргэһэн таптыыргын,
    Эймэнийэр тойуккун.

    Олус күүскэ ахтабыт,
    Олоотуубут аартыккын,
    Кэлэр кэмҥин кэтиибит,
    Күүтэн мэлдьи маныыбыт.

    0
  • Кырдьаҕас
    29 марта  

    Аныгы эбээлэр батсаабы билбиттэр,
    Арҕааттан, илинтэн, ыраахтан чугастан,
    Кимнээҕэр түргэнник сонуну ааҕаллар,
    Кыбына сылдьаллар, суруйсан ылаллар.

    Күннээҕи үлэбит, сиэннэрбит көрүүтэ,
    Кэргэммит дьаһала букатын сүппүтэ,
    Ас астаан буһарар, иистэнэр үлэтэ,
    Аатырар сериал көрүүтэ-истиитэ.

    Барыта барбыта, умнуллан хаалбыта,
    Бүтүннүү ол курдук ыарыыга ыллара,
    Күннэри түүннэри санааны үллэстии,
    Кыттыһан ардыгар эҕэрдэ бэрсиһии.

    Оо, хаһан урукку кэмнэрбит төннөрүй?
    Оҕонньор мөссүөнүн кырдьара көстөрүй?
    Иһиппит-хомуоспут лыҥкыныы тыаһыырыый?
    Истэммит музыка кэриэтэ, ыллырыый?!

    0
  • Кырдьаҕас
    29 марта  

    Сотору кэминэн сылыйан,
    Сыа хаарбыт ууллуоҕа,
    Харалдьык тахсыаҕа.
    Ньургуһун быгыаҕа.

    Сир дойду уһуктуо,
    Симэниэ суугунуо,
    Сэбирдэх тыллыаҕа,
    Саҥалыы тэлимниэ.

    Көтөрбүт кэлиэҕэ,
    Ууһаары саһыаҕа,
    Үөн-көйүүр тиллиэҕэ,
    Бырдаҕа ыһыаҕа.

    Кэҕэ кыыл чоргуйуо,
    Кыталык үҥкүүлүө,
    Сардаана сибэкки,
    Сандаара кыыһыаҕа,

    Айыллыа, киэргэниэ,
    Айылҕа тупсуоҕа,
    Дьылҕабыт уһуоҕа,
    Дьолунан туолуоҕа.

    Алааска киириэхпит,
    Алгыс тыл этиэхпит,
    Айылҕа салгынын,
    Астына тыыныахпыт.

    0
  • Кырдьаҕас
    29 марта  

    Элбэх дьылбыт сүппүтэ,
    Эдэр сааспыт ааспыта,
    Аны кэлэн билигин,
    Аҕалбаппыт кэммитин.

    Эргитэммит даҕаны,
    Эрэҥкитэн ылбаппыт,
    Эйээритэр ырыаны,
    Этэн тыынан туойбаппыт.

    Ыллыктарбыт оспута,
    Ыраах баран куоппута.
    Былыттарга саспыта,
    Баран олох ырайга.

    Арай хаалта сүрэххэ,
    Ахтылҕанаах иэйиигэ.
    Күлүк курдук сөрөнө,
    Кэрэһэлиир кэриэтэ.

    0
  • Кырдьаҕас
    31 марта  

    Дьээ буо оҕолоор!
    Ойор күнүм тахсыыта,
    Олонуктаан олорон,
    Олоҥхолоон туойдахпына,
    Оҥой-соҥой көрдөхпүнэ,
    Арҕаа хайыстахпына,
    Ааранан айхпын аһан,
    Айбыта буоллахпына,
    Илин эҥэр сылыктаатахпына,
    Хоолдьуктаах бэйэм,
    Арҕаһыттан тэһииннээх,
    Охтон бүппэт тыалардаах,
    Аата ахсаана биллибэт эбэлээх,
    Окко түспүт, бадарааҥҥа буккуллубут
    Орто Дойду ыччата,
    Ол бу диэкки олоотоотохпуна,
    Кубулҕаттаах кулун тутар ыйа,
    Кырыы халлаан ньууругар,
    Киэҥ нэлэмэн таһаатыгар,
    Кыһытаары гыммыттыы,
    Кэлэн ааһар номоххо,
    Куотардыы сорунан,
    Кутуругун хомунан,
    Күдэн буурҕатынан будулуйан,
    Күдэрик тыалын дьээбэлээн,
    Тибиинэн тибилийэн.
    Тоҥоруутун түһэрэн,
    Билигин да күүстээхпин идэн,
    Бухатыыр курдук айаатаан,
    Буһугуйбут атыыры санатан,
    Буус, буус иһиирэн,
    У7уутаан, улуйан,
    Баран ааһар кэмэ,
    Бүгүн үүннэ атастаар.
    Муус кырыа олбохтоох,
    Мин кэлэн иһэбин диэбитии,
    Сылааһынан мичээрэн,
    Сырдыгынан сыдьаайан,
    Иһэр эбит тиэтэйэн!
    Ноо!...

    0
  • Кырдьаҕас
    2 апреля  

    Оҕолор оһуохай таһааран этэллэригэр көмө

    Оһуо, оһуо оһуохай,
    Оһуохайдыыр оонньууну,
    Оройуттан тутуоҕуҥ,
    Саха мааны таҥаһын,
    Симэнэммит таҥнаммыт,
    Оҕо саастан сиэттиһэн,
    Бастыҥаны кэтэммит,
    Кэрэ, күндү кыргыттар,
    Кынталдьыһа хаамыахпыт.
    Эдэр бастыҥ уолаттар,
    Эрчиммитин киллэрэн,
    Эллэй эһэбит саҕаттан,
    Этиллибит эһиэхэй,
    Эйээритэн биэриэҕиҥ.
    Эһиэ, эһиэ эһиэхэй,
    Чэйиҥ эрэ чэкийдэр,
    Илиилэртэн тутуһан,
    Тарбахтартан тардыһан,
    Тоҥолохтон тайанан,
    Хаҥас диэкки халыйан,
    Төгүрүччү эргийэн,
    Хотолдьуйа үктэнэн,
    Эбээ, эһээ барахсан,
    Ийэ, аҕа дьоннорбут,
    Оонньууларын сөргүтэн,
    Ытыктааммыт этиэҕиҥ,
    Эһиэхэйдээн тэйиэҕиҥ.
    Үөрэхпитин ситиһэн,
    Үүнэ сайда туруоҕуҥ,
    Үөрэ-көтө үҥкүүлээн,
    Эһиэхэйи таһааран,
    Саҕалыаҕыҥ доҕоттоор!
    Сандал сааспыт эргийдэ,
    Сылааһынан илгийдэ,
    Татыйыкпыт ыллаата,
    Туллуктарбыт көттүлэр,
    Туртаҥнаһа дайдылар.
    Сүрэх күүскэ тиҥийдэ,
    Сырдык диэкки тардыста,
    Үөрүүбүтүн үллэстэ,
    Үрүҥ күнү уруйдуу,
    Хатыҥ маспыт көҕөрүө,
    Харалдьыкпыт тахсыаҕа,
    Ньургуһуммут тыллыаҕа,
    Кыталыкпыт лыҥкыныа,
    Кырдалларга үҥкүүлүө,
    Күөрэгэйбит дьиэрэйиэ.
    Дьырылата бэлэхтиэ.
    Оһуо оһуо оһуохай,
    Эһиэ эһиэ эһиэхэй.
    Куба кыылбыт кылбаҥныа,
    Кэҕэ кыылбыт чоргуйуо.
    Сибэккибит тэтэриэ,
    Сардаанабыт сандаарыа,
    Айылҕабыт киэргэйиэ,
    Самаан сайын кэлиэҕэ,
    Түһүлгэҕэ киириэхпит,
    Саҥа дьылы көрсүөхпүт,
    Оһуохайга киириэхпит,
    Эһиэкэйдээн тэйиэхпит.
    Күрэстэһэ сүүрүөхпүт,
    Кылыйаммыт ойуохпут,
    Хапсаҕайга эрийсэн,
    Хапсыһаммыт тустуохпут,
    Харбыалаһа хаамсыахпыт.
    Сиэри-туому тутуһан,
    Күнү көрсө туруохпут,
    Илиилэри уунуохпут,
    Саха дьонун уруйдаан,
    Саргы, дьолу түстүөхпүт.
    Оһуохайдыыр оһуохай,
    Эһиэкэйдиир эһиэкэй!

    0
  • Кырдьаҕас
    2 апреля  

    Оһуо,оһуо оһуокай,
    Оһуохайдыыр оонньууну,
    Эһиэхэйдиир, эһиэхэй,
    Эҥэриттэн тутаммыт,
    Элбэх буолан түмсэммит,
    Эбээ, эһээ кэриэтэ,
    Этэн тыынан тураммыт,
    Саҕалыаҕыҥ доҕоттоор.
    Сандалыбыт күөнүгэр,
    Сахам таптыыр астарын,
    Кэккэлэһэ ууруоҕуҥ.
    Бирилэтэр быырпаҕын,
    Кыынньар уохтаах кымыһын,
    Отоннордоох утаҕын,
    Дьэдьэннэрдээх күөрчэҕин,
    Амтаннардаах суоратын,
    Урүҥ илгэ арааһын,
    Иэдьигэйдээх ымдаанын,
    Үрүмэтин күндүтүн,
    Сүөгэйдэрин, арыытын,
    Саламааттаах, чохоонун,
    Алаадьылаах маанытын,
    Лэппиэскэлээх бэйэтин,
    Үтэһэлээх мундутун,
    Халыҥ сылгы хаһатын,
    Ойоҕоһун эттэрин,
    Ыһаарылаах соботун,
    Куһум, хааһым көтөрүн,
    Кыһыллыбыт балыгын,
    Ыҕайабар кутаттыам,
    Кытахтарбар уурталыам,
    Кытыйабын таһаарыам,
    Чорооннорбун уунаммын,
    Сүгүрүйэн тураммын,
    Симэнэммин, таҥнаммын,
    Ыалдьыттарбын көрсүөҕүм,
    Айхаллааммын алгыстыам,
    Эһиэ, эһиэ эһиэкэй,
    Оһуохайдыыр оһуохай!

    0
  • Кырдьаҕас
    3 апреля  

    Онтон мантан хасыһан,
    Санатыма иккистээн.
    Хатылаама эргитэн,
    Халхан аанныы хааҕынаан.

    Буугунаама баллырҕаан,
    Кыһыйыма ордурҕаан,
    Кулгаахтаргын тарбанан,
    Кытарыма көрөҥҥүн.

    Барыта буолан ааспыта,
    Бааспыт оһон бүппүтэ.
    Буурҕа курдук эриллэ,
    Будулуйа сүппүтэ.

    Саҥа санаа үүммүтэ,
    Саҥа суолу тыырбыта.
    Саргы диэкки тардыһа,
    Сырдык күнү талаһа.

    0
  • Кырдьаҕас
    11 апреля  

    Булчут аатын ыламмын
    Хайыһары кэтэммин,
    Хара тыабар сылдьыаҕым,
    Булан талан бултуоҕум.

    Булдум сэбин сүгэммин,
    Барыам аргыый хамсанан.
    Байанайбын алҕыаҕым,
    Барҕа махтал этиэҕим.

    Кыырай халлаан ньуурунан,
    Кынатыгар уйдаран,
    Көтөн кэлиэ буоллаҕа,
    Куһум араас көтөрө.

    Киириэм Эбэ күөллэрбэр,
    Тыыннан киирэн уурталыам.
    Мончууктарбын сааһылаан,
    Тахсан, саһан олоруом.

    Саабын ылан тутаммын,
    Сайыы уубун маныаҕым
    Сүрэх күүскэ долгуйан,
    Сирэй харах буолуоҕум.

    0
  • Кырдьаҕас
    11 апреля  

    Хобулуга тоһурҕаан,
    Өттүктэрэ эйэҥнээн,
    Таһаатынан угуйан,
    Түөстэригэ мөтөйөн.

    Сотолоро кылбаҥнаан,
    Саннылара ыгдайан,
    Ытырҕата биэтэҥнээн,
    Идэстэрэ тэтэрэн.

    Уоттаах кыһыл уостанан,
    Үһун суһуох тэлимнээн,
    Кыламана дьиримнээн,
    Харахтара күлүмнээн.

    Сэгэттэйим кэллэҕэ,
    Санаан ахтан киирдэҕэ.
    Сырдыгынан сыдьаайа,
    Сааскы күнү саната.

    0
  • Кырдьаҕас
    11 апреля  

    Оһуо, оһуо ойуокай,
    Эһиэкэйдиир, эһиэкэй.
    Сандал сааспыт эргиллэн,
    Күммүт уота чаҕыллан,
    Күлэн-үөрэн сырдаата.
    Сылааһынан илгийдэ,
    Чалбахтарбыт таҕыста,
    Туллуктарбыт күрэннэ,
    Тураахтарбыт эргийдэ,
    Тииккэ тахсан олордо,
    Ачыкытын анньынна,
    Хаалтыс баанан иилиннэ,
    Тула өттүн көрүннэ,
    Тумсун маска сотунна,
    Туора-маары хамсанна,
    Хара көстүүм сононнон,
    Дьоһуннанан олорон,
    Күөмэйигин оҥостон,
    Кынаттарын бэрийэн,
    Ыраах сиртэн кэлбитин,
    Ыллаан ыыра биллэрдэ,
    Хааҕырҕаата, сапсынна,
    Дааҕырҕаата дуоһуйа,
    Дойду сирин хайҕаата.
    Харалдьыкпыт таҕыста,
    Салгын сайа оҕуста,
    Хатыҥ маспыт уһуктан,
    Үллүк суорҕан түһэрдэ.
    Сүрэх күүскэ тиҥийдэ.
    Эдьиий, балыс кыргыттар,
    Убай, быраат уолаттар,
    Мэниктээннэр ойдулар.
    Мэтэһийэ сүүрдүлэр,
    Үөрүү-көтүү үрдээтэ.
    Онтон биһи доҕотоор,
    Үһуйуллан, үөрэнэн,
    Үүнэн сайдан иһиэҕиҥ.
    Оҕо сааһы уруйдаан,
    Оскуолабыт иһигэр,
    Өбүгэбит саҕаттан,
    Этиллибит оонньууну,
    Өрүкүйэн тураммыт,
    Тула бары түмсэммит,
    Тарбахтартан тутуһан,
    Төгүрүччү туруоҕуҥ,
    Оһуохайы саҕалаан,
    Ооньоомохтоон ылыаҕыҥ.
    Таһаараммыт этиэҕиҥ,
    Оһуохайдаан тэйиэҕиҥ,
    Оһуо,оһуо оһуокай,
    Оһуохайдыыр эһиэкэй!

    0
  • Кырдьаҕас
    11 апреля  

    Эдьиийдии алгыс

    Кэтэх санаа ылынан,
    Ордук хоһу тыллаһан,
    Ордурҕаһа этимэҥ.
    Уруккуну быраҕан,
    Саҥа санаа салаллан,
    Сайдан үүнэн олоруҥ!
    Сылаас дьиэни уруйдааҥ,
    Билиҥ оҕо тапталын,
    Араас сыыһар тыллары,
    Санатымаҥ мэлдьитин.
    Суоҕу олох туттумаҥ,
    Этэр тылбыт иччилээх.
    Булан-талан дьаһаныҥ,
    Баара буоллар дэсиһиҥ,
    Чэгиэн чэбдик хамсаныҥ,
    Чөлбүт иилии эргийдин,
    Эҕэрдэҕэ кыттыһан,
    Бэйэ бэйэни истиһэн,
    Эйэлээхтик кэпсэтэн,
    Сайдам, сэмэй буолуоҕуҥ,
    Саха аатын ааттатыҥ.
    Кыыһырсары кыйдааҥҥыт,
    Сэнэһиини быраҕан,
    Кыыһырсыһан бүтүөҕүҥ,
    Саҥалыыга тардыһан,
    Сырдык күнү айхалаан,
    Сүбэ ама элбээтин.
    Уруу-аймах тэнийэн,
    Уутуйаммыт үөскүөҕүҥ.
    Харыстаһан, өйөһөн,
    Суолбут, ыырбыт кэҥээтин,
    Күнүүлэһэ көрүмэҥ,
    Эстии, быстыы кэлбэтин,
    Аспыт-үөлбүт минньиньийдин,
    Сыалы соругу тутуһуҥ,
    Торумнаахтык дьаһаныҥ.
    Идэлэри баһылааҥ,
    Үөрэхтэри ылыныҥ,
    Өйдөөн-санаан тутуһан,
    Килбигийэ туттумаҥ,
    Тиритэ хорута үлэлээҥ,
    Араас омук дьоннордуун,
    Бииргэ тэҥник өйдөһүҥ,
    Албастарга кииримэҥ.
    Адаарыһан турумаҥ,
    Өбүгэбит үгэһин,
    Өрө тута сылдьыаҕыҥ.
    Баайы-дуолу үксэтэн,
    Сиэри- туому тупсаран,
    Ытыктаһан ылыаҕыҥ,
    Айылҕалыын алтыһан,
    Айгы, сигили тубустун,
    Чиҥник туран үктэниҥ,
    Кэхтии диэкки барымаҥ,
    Ытыгылыы санаһыҥ,
    Ылсан-бэрсэн сылдьыһыҥ,
    Аһыныгас тутуллаах,
    Суобас, майгы эҥээрдээх,
    Үөрүүбүтүн үллэстэ,
    Ситимнэргэ холбоһон,
    Сибээстэһэ сылдьыаҕыҥ.
    Байанайга үҥэммит,
    Бэлэх ууна туруоҕуҥ.
    Эбэлэри аһатыҥ,
    Дабааннары дабайыҥ,
    Чыпчалларга тардыһыҥ,
    Бүтэй сымыыт буолумаҥ,
    Кырдьаҕастан сүбэтин,
    Эдэрдэртэн эрчимин,
    Хааһахтарга хаалыаҕыҥ.
    Дьүһүн, бодо буолумаҥ,
    Дьоһун ааты иҥэрэн,
    Дьоллоох олох тубустун!
    Алҕаатаҕым буоллуохтун!
    Алгыс баһа сыаланын!
    Дом! Дом! Дом!

    0
  • Кырдьаҕас
    12 апреля  

    Оһуохайдыыр оһуохай,
    Эһиэкэйдиир эһиэхэй.
    Ходуһабыт күөнүгэр,
    Хоннохторун аһаннар,
    Хойуу оту охсоору,
    Харбыалаһа түһээри.
    Хотой эдэр уолаттар,
    Хотуурдарын тутаннар,
    Харса суохтук хамсанан,
    Хотолдьуһан киирдилэр.
    Быйаҥнарын баһаары,
    Бугуллары туруора,
    Үрүҥ илгэ астары,
    Үрүлүччү сүүрдээри.
    Кындыа кыталык кыргыттар,
    Кыраабылы тутаннар,
    Күлэ,үөрэ үҥкүүлээн,
    Кынталдьыһан киирдилэр.
    Ырыаларбыт дьиэрэйдэ,
    Ыраах сиргэ дуорайда.
    Оһуо, оһуо оһуохай,
    Эһиэ, эһиэ эһиэхэй!
    Күөрэгэйбит айхаллыы,
    Көтөн дайан таҕыста.
    Күнүм уота барахсан,
    Эбэ күөлүм үрдүгэр,
    Долгуннарга дьиримнээн,
    Дьиэрэҥкэйдии оонньоото.
    Дьоммун бэркэ хайҕаата.
    Хатыҥ чараҥ салгыҥҥа,
    Сэбирдэҕэ тэлимниир,
    Хоһооннорбут хоһуллан,
    Хоһуйуллан таҕыста.
    Кэрии тыаҕа, ойуурга,
    Кустук түһэн уруйдаан,
    Кыыһан араас өҥүнэн,
    Кэскилбитин түстээтэ.
    Тымныы кыһын кэлиэҕэ,
    Кыстык ыйбыт үүнүөҕэ,
    Ураа муостаах ынахпыт,
    Ыҥырана хайаһыа.
    Дьөһөгөйбүт, сылгыбыт,
    Күтуругун дайбыаҕа,
    Махталлары этиэҕэ.
    Оһуохайдыыр оһуохай,
    Эһиэхэйдиир эһиэхэй!

    0
  • Кырдьаҕас
    12 апреля  

    Бүгүн дьүөгэлэр күннэринэн!

    Далбар мааны дьүөгэлэрим,
    Дьоһун дьонум кыргыттарым,
    Олох суолун тыырсаҕыт,
    Өрүү бииргэ билсэҕит.

    Ыраах, чугас буолларгыт,
    Мэлдьи ахта тураҕыт,
    Ыраас санаа тутуһан,
    Ситим нөҥүө суруйсан.

    Эҕэрдэҕит кэрэтиэн,
    Эриэккэһэ күндүтүөн.
    Саһарҕабыт тыгыыта,
    Сандаараҕыт сыдьаайа.

    Дьоллоох буолуҥ дьүөгэлэрим,
    Дайыҥ кэрэ кубалыы.
    Үөрүҥ куруук, мичээрдии,
    Үрдүк иэйии тутуһан!

    0
  • Кырдьаҕас
    12 апреля  

    Ийэм турар иннибэр,
    Аҕам турар аттыбар.
    Эбэм миигин кэтэһэр,
    Эһэм миигин көтөҕөр.
    Барыларын таптыыбын,
    Барыларын сыллыыбын!

    Сарсыардатын тураатын,
    Сардаҥалыы сыдьаайан,
    Детсад дьиэбэр тиийэбин,
    Доҕоттордуун оонньуубун.
    Дьирэҥкэйдээн ойобун,
    Дьоллоох оҕо буолабын.

    Харандааһы ыламмын,
    Күнүм уотун чаҕылын,
    Ойуулаамммын тупсаран,
    Ойуу – бичик түһэриэм.
    Бастыҥ үгүс киэргэтэн,
    Булан, талан мандардыам!

    0
  • Кырдьаҕас
    15 апреля  

    Эһиэ, эһиэ эһиэхэй,
    Оһуо, оһуо оһуохай,
    Өбүгэбит саҕаттан,
    Эллэй эһэбит эппитин,
    Омоҕой баайбыт тэрийбит,
    Оһуохайын тутулун,
    Өрө тутан кэллибит,
    Саха аатын сүгэммит,
    Саха тыллыы саҥаран,
    Сайдам саха буолабыт.
    Сүдү дьоммут барахсан,
    Ойуунускай убайбыт,
    Олоонуктаан олорон,
    Олоҥхото үгүһүн,
    Өксөккүлээх Өлөксөй,
    Алампабыт алгыһын,
    Үйэлэргэ уһатан,
    Хомоҕой истиҥ тылларын,
    Сүмэһинин, тамаҕын,
    Минньигэстэй бэйэтин,
    Имигэһин, суолтатын,
    Алгыстарын, айхалын,
    Кэлэр кэскил ыччакка,
    Анаабыттар эбиттэр.
    Доллоһутар ырыаны,
    Дьиэрэһитэр тойугу,
    Дэгэрэҥин, дьуохары,
    Уустаан уран номоҕу,
    Айылҕата кэрэтин,
    Ньургуһунун, сандалын,
    Хатыҥ чараҥ алааһын,
    Сардааната мичээрин,
    Мандар ойуу бичигин,
    Оһуордардаах дьиктитин,
    Таҥалайдыы быһыытын,
    Симэхтэрэ киэргэлин,
    Чочуонайдыыр чороонун,
    Кытыйалыыр иһитин,
    Ыаҕайалаах, тууйаһын.
    Таабырынын таайыытын,
    Чабырҕаҕа, үгэтин,
    Көрүдьүөстээх дьээбэтин,
    Хомоҕойдоох оонньуутун,
    Дьиэрэҥкэйдии үҥкүүтүн,
    Тылыбырыы үөрүүтүн,
    Дьирилэтэр хомуһун,
    Кырыымпатын, таҥсыырын.
    Истиҥ иэйии дьүөрэтин,
    Илдьэ кэлбит эбиттэр.
    Сүрэхтэргэ иҥэрэн,
    Сөрүүн сүөгэй кэриэтэ,
    Салҕаан этэ туруоҕуҥ,
    Сайыннаран иһиэҕиҥ!
    Оһуохайдыыр оһуохай,
    Эһиэхэйдиир эһиэхэй!

    0
  • Кырдьаҕас
    15 апреля  

    Ийэм курдук сананан,
    Саптаах иннэ ыламмын,
    Массыынабын таһааран,
    Иистэниэҕим үөрүүнэн.

    Сахам таптыыр таҥаһын,
    Сирийэммин тигиэҕим,
    Дьоһун ойуу түһэрэн,
    Дьогдьуурдардаах гыныаҕым.

    Халадаайдыы быһыылыам,
    Илин кэлин кэтиэҕим,
    Ытарҕабын иилиниэм,
    Бастыҥабын булуоҕум.

    Дьонум курдук киэргэниэм,
    Доҕотторбор көрдөрүөм.
    Тэлээрийэ үҥкүүлүөм,
    Туттан-хаптан хамсаныам.

    0
  • Кырдьаҕас
    17 апреля  

    Бу кэлбит олоҕум кылгаһын,
    Тоҥ маһы тоҕута тардыалыыр,
    Уола хаан аатырар кэмнэрбэр,
    Убайдыы, бырааттыы аатыран.

    Олуһун доһордуу буоларбыт,
    Дьадаҥы, баай дэһэр да суоҕа.
    Ол кэммит ааһара түргэнин,
    Эдэрбэр өйдөөбөт эбиппин.

    Таҥаспыт барыта бииргэтэ.
    Хааньайа тэстибит хаатыҥка.
    Клещтаах бүрүүкэ кэтэммин,
    Баттахпын уһата субутан.

    Чүмэчи уотугар кулуупка,
    Истиэнэ өйөөммүт турарым,
    Кистээммин кэрийэ көрөрүм,
    Сүрэхпин сэрэнэн туттарым.

    Көрдөһүү, ааттаһыы сорунан,
    Биир эмит кыысчааны үҥкүүгэ,
    Синньигэс биилиттэн тутаммын,
    Дьоллонон эргийэр буоларым.

    Ол кыыһы дьиэтигэр атаара,
    Сиэттиһэн, үөрэрим-көтөрүм.
    Ыгыта кууһаахтаан ыларым,
    Дьоллоохтук сананар да этим.

    Долгуйа, куттана, сэрэнэ,
    Обойук уоһуттан ууруурум,
    Хараҕым мөлбөйө уулана,
    Сүрэҕим тигинии тэбэрэ.

    Бириэмэ ааһарын билбэккэ,
    Хойутаан мөҕүллэр буоларым.
    Оо, кэрэ да кэмнэрим куоппутун,
    Былыттар бырытын саппыттар.

    Билигин хаардардыы маҥхайан,
    Хатараах харахтаах аатыран,
    Тостубут кыраабыл тиистэнэн,
    Систэрим токуйа бөгдьөйөн,

    Атаҕым соһулла такыйан,
    Дөйүҥү, түөһээҥки сордонон,
    Отойун истибэт буолбупуппун,
    Орону, сыттыгы булбуппун.

    Барыттан барыга кыйыттан,
    Хообургуу сыттаҕым буоллаҕа...
    Тулабар мэлийбит эбиттэр,
    Табаарыс аатырбыт дьоннорум.

    0
  • Кырдьаҕас
    17 апреля  

    Туруохха

    Сарсыарда күн тахсан сыдьаайда,
    Сирбитин сырдатан мичээрдэ,
    Үөрүүнэн олоҕу түстээтэ,
    Үөрэххэ, үлэҕэ ыҥырда.

    Тиэтэйэ-саайара туруохха,
    Таһырдьа тахсаммыт хаамыахха.
    Салгыны ыймахтыы тыыныахха,
    Санааны сөргүтэн ылыахха.

    Үүттээх чэй кутаммыт иһиэхэ,
    Үтүөнү баҕаран этиэххэ.
    Уруйу, айхалы тиэрдиэхэ,
    Урууга, аймахха, доҕорго!

    0
  • Кырдьаҕас
    17 апреля  

    Сарсыардаттан эрдэлээн,
    Сиэним хааман тоотойор.
    Детсад дьиэҕэ тиэтэйэ,
    Доҕоттордуун оонньоору.

    Саҥа таҥас булунар,
    Сонун тиэрэ кэтээхтиир.
    Бачыыҥката таҥнары,
    Бэргэһэтэ кыҥнары.

    Эһээ, эбээ мааныта,
    Эйэргэһэ сыллаахтыыр.
    Кэлиэм киэһэ буолуута,
    Күүтүҥ миигин дэһээхтиир.

    0
  • Кырдьаҕас
    17 апреля  

    Отум ыйын күннэрин,
    Оттуур –мастыыр кэмнэрин,
    Оонньуу - көрү тутаммын,
    Отой умнан кээспиппин.

    Атырдьаҕым ыйыгар
    Албаһыран аатыран
    Сүрэҕэлдьээн, сылайан
    Сууланаммын сыппытым.

    Балаҕаным ыйыгар
    Биирдэ бабат диэбитим,
    Хаарыан отум барахсан
    Хагдарыйан хаалбытын.

    Кырыа кыһын кэллээхтээн,
    Кыһарыйан турбутун,
    Күүлэй тэбэ сылдьаммын
    Көтүппүппүн халлаамын.

    Хаарыан үүттээх ынаҕым,
    Ханна сиһэр сыстыбыт,
    Дардьамата адаарбыт,
    Дьүдэйээхтээн сордоммут.

    Ахсынньылыыр ыйдарбар,
    Аарыгыран айгыста,
    Ытыстарбын тоһуйа,
    Ыалларыкпын кэрийтим.

    0
  • Кырдьаҕас
    17 апреля  

    Ийэм биһик ырыатын,
    Ийэм күндү илиитин,
    Ийэм астыыр астарын,
    Ийэм тигэр таҥаһын,
    Ийэм алгыыр хараҕын,
    Ийэм көрбүт мичээрин,
    Ийэм ыраас мөссүөнүн,
    Ийэм таптыыр саҥатын,
    Ийэм салаас сыһыанын,
    Ийэм ахта суохтуурун,
    Ийэм куруук күүтэрин,
    Ийэм ыра баҕатын,
    Ийэм нарын куолаһын,
    Куруук үөрэ ааттыаҕым,
    Дууһам истиҥ иэйиитин,
    Тэбэр сүрэх махталын,
    Эҕэрдэбин аныаҕым,
    Мэлдьи саныы сылдьыаҕым!

    0
  • Кырдьаҕас
    17 апреля  

    Эбээ сылаас таптала,
    Эбээ мүөттээх астара,
    Эбээ астык күөрчэҕэ,
    Эбээ элбэх кэпсээнэ.
    Куруук мэлдьи ахтыллар
    Күндү кэрэ киһибит.

    Эһээ үгүс сэһэнэ,
    Эһээ маҥан бытыга,
    Эһээ бултуур бултара,
    Эһээ булар кэһиитэ.
    Куруук мэлдьи ахтыллар.
    Көмө эрэл тирэхпит.

    0
  • Кырдьаҕас
    17 апреля  

    Ураа муостаах ынаҕым,
    Урааҥхыйым биэлэрим,
    Үллэр илгэ үүттэрэ,
    Үрүҥ араас астара.

    Быырпах буолан бирилэтиэ,
    Кымыс көөнньөн кырылатыа,
    Үрүмэтэ, сүөгэйэ,
    Иэдьигэйэ, арыыта.

    Ама мантан ордугу,
    Айылҕабыт бэлэҕин,
    Ама хантан буллуомуй?!,
    Ааттаан-суолаан ылыамый?!

    Үрүлүччү сүүрдэммин,
    Үрдүк айыы алҕааммын,
    Үҥэн – сүктэн тураммын
    Үруйдааммын ахтабын!

    0
  • Кырдьаҕас
    18 апреля  

    Аһынабын олустук,
    Куобахтарбын, тииҥнэрбин.
    Айболиты үтүктэн,
    Айанныыбын суһаллык.

    Маҕан халаат кэтэбин,
    Быраас буола түһэбин,
    Ыарыылартан харыстаан,
    Эми-тому ылабын.

    Африкаҕа тиийэммин,
    Бегомоту көрөбүн,
    Эбисийээнэ мэникпин,
    Ыалдьар тииһин эмтиибин.

    0
  • Кырдьаҕас
    18 апреля  

    Хабылыгы хабабын,
    Хаамыскаҕа киирсэбин.
    Өбүгэбит үгэһин,
    Онньууларын салгыыбын.

    Күрэхтэргэ кыттыһан,
    Кылыйабын, сүүрэбин.
    Хапсаҕайдаан тустабын,
    Хорсун уолчаан буолабын.

    Улаатаммын ситиэҕим,
    Үрдүк чыпчаал тахсыаҕым.
    Дойдум сирин ааттатан,
    Дьоммун үөрдэ туруоҕум!

    0
  • Кырдьаҕас
    18 апреля  

    Алааспар киирэммин,
    Аргыыйдык хаамаммын,
    Ып ыраас салгынын,
    Ыймахтыы тыыныаҕым.

    Чыычааҕым ырыатын,
    Тойукпар туойуоҕум,
    Сибэкким көбүөрүн,
    Мин сөҕө таптыаҕым.

    Сардаҥам кыыһарын,
    Сардаанам мичээрин,
    Оһуохай тылларбар,
    Ойуулаан этиэҕим.

    Хатыҥнаах чараҥым,
    Уруйдуу көрсөрүн.
    Сүрэхпэр иҥэрэн,
    Махтана ахтыаҕым.

    Эдэркээн кэмнэрбин,
    Эргитэн аҕалан,
    Кылыйа оонньуоҕум,
    Оҕолуу үөрүөҕүм.

    0
  • Кырдьаҕас
    18 апреля  

    Оҕусчааммар олорон,
    Олоҥхолоон ылабын,
    Тойуктарбын туойабын,
    Ырыаларбын ыллыыбын.

    Дьөһөгөйүм оҕотун,
    Ураа муостаах ынахпыт,
    Хоһооннорбор айаммын,
    Хоһуйаммын холбуубун.

    Аргыый аҕай сааһылаан,
    Алаастарбын хайгыыбын,
    Айылҕабын сөҕөбүн,
    Айымньыбар киллэрэн.

    Сахам сирэ барахсан,
    Сайыҥҥылаах, кыһыннаах,
    Күһүннэрдээх сааскылаах,
    Күндү кэрэ дьүһүннээх.

    Ама мантан ордугу,
    Арылыйар кустугун,
    Булан ылыам биллибэт,
    Бүтүн сири кэрийэн.

    0
  • Кырдьаҕас
    18 апреля  

    Эдэр уолаҥҥа

    Быстах санааҕа ылларан,
    Охтума кэлэр моһолго,
    Олоҕуҥ устатын тухары,
    Быаҕын синньэтэ быһаҥҥын.

    Буккулума, арааска түбэһэ,
    Бэлиэтээн мэҥи хааллара.
    Эрэйи бэйэҕэр сиэтимэ,
    Эдэргин харыстаа, арчылаа.

    Төрөппүт дьонноргун ытатан,
    Тиллимэ очурга тэбиллэн.
    Үөрэххэ, үлэҕэ тардыһан,
    Үүнэн ис үрдүккэ талаһан.

    Төбөҕүн сыыһырда барыма,
    Толкуйдаан хардыылаар иннигэр.
    Кураанах куолуну истимэ,
    Кэскилгэ тардыһа дьаһанаар!

    Киэргэтээр, эрэлгин дьулуһан,
    Кытаатан, дьол-соргу сиэтистин,
    Унааран буруоҕун тэнитэн,
    Үйэҕин уһата турунан!

    0
  • Кырдьаҕас
    22 апреля  

    Ийэм курдук сананан,
    Саптаах иннэ ыламмын,
    Массыынабын таһааран,
    Иистэниэҕим үөрүүнэн.

    Сахам таптыыр таҥаһын,
    Сирийэммин тигиэҕим,
    Дьоһун ойуу түһэрэн,
    Дьогдьуурдардаах гыныаҕым.

    Халадаайдыы быһыылыам,
    Илин кэлин кэтиэҕим,
    Ытарҕабын иилиниэм,
    Бастыҥабын булуоҕум.

    Дьонум курдук киэргэниэм,
    Доҕотторбор көрдөрүөм.
    Тэлээрийэ үҥкүүлүөм,
    Туттан-хаптан хамсаныам.

    0
  • Кырдьаҕас
    22 апреля  

    Тигээйилэр

    Уйабытын тыытымаҥ,
    Олохпутун аймаамаҥ.
    Бары көтөн тахсыахпыт,
    Бары саба түһүөхпүт.

    Иннилэрбит тигэллэр,
    Үҥүү курдук уһуттар.
    Олус күүстээх буойуммут,
    Охсуһары сатыыбыт.

    Эккирэтэн тутуохпут,
    Элбэх буолан кыайыахпыт.
    Суоһурҕана дайыахпыт,
    Сапсынаммыт ситиэхпит.

    0
  • Кырдьаҕас
    22 апреля  

    Халба

    Халба көтөр буламмын,
    Хантаарыйа көтөбүн.
    Суохтан атыны билбэппин,
    Сымыйаннан эппэппин.

    Кынаттарым кэрэлэр,
    Күлүмүрдүү оонньууллар,
    Сипсиһэҥҥит көрүмэҥ,
    Саҥарарбын күлүмэҥ.

    Тумус кэтит буоллаҕа,
    Тылбыт ууһа турдаҕа.
    Тыалга үөһээ уйдаран,
    Талбыт сирбэр тиийэбин.

    0
  • Кырдьаҕас
    22 апреля  

    Көҕөн

    Соҕурууттан айаннаан,
    Санаан ахтан, хаһыыга,
    Көҕөн көтөр барахсан,
    Көтөн түстэ, хоройо.

    Тула өттүн көрүннэ,
    Уҥа, хаҥас хайыста,
    Эргичиҥнии уһунна,
    Харахтара кылайда.

    Онтон арыый уоскуйаат,
    Тыынна мүөттээх салгыны,
    Өҥүн-дьүһүн көрдөрөөт,
    Өрө тура дайбанна.

    Тумсутунан туһанан,
    Төгүрүччү киэргэнэн.
    Түүтүн ылан тараата,
    Таптыы аргыый хамсанна.

    Мээтирҕээтэ хаһыыра,
    Ыраах сиргэ дуората,
    Сэгэттэйин ыҥырда,
    Сирин Дойдун хайҕаата.

    0
  • Кырдьаҕас
    22 апреля  

    Моонньоҕон кус

    Моонньоҕон барахсан,
    Моонньутун уһатан,
    Кэрэ куо кэриэтэ,
    Кынтайа уһунна.

    Үҥкүүлүү киирээри,
    Олуһун үөрдээри,
    Оҥосто хамсанна,
    Үрдүктүк тутунна.

    Уутуттан амсайда,
    Уруйдуу астынна.
    Тулатын көрүннэ,
    Таптаата дойдутун.

    0
    • Күн чөмчүүк
      22 апреля  

      Кырдьаҕас, атын киһи топигар киирэн хайдах айбардаан бараҕын? Туспа топ таһаарыаххын. Тугу суруйда диэн киирэн көрөөрү гыннахха барыта эн хоһоонуҥ буолар.

      0
  • Быйанг
    Быйанг
    Ветеран
    22 апреля  

    Буккуллума - Республика Саха (Якутия) - Диэн сахалыыта - Саха сирэ диэн буоллаҕа дии.. Саха республиката - диэн буолбат дуо...

    0
  • Быйанг
    Быйанг
    Ветеран
    22 апреля  

    Цитата:
    сааьырабарбыт Ветеран 27 марта
    Быйанг, - ол аата саха саамай кыра омук буолан тахсарыгар тиийэр, эн концепция5ынан саха курдук буолла да саха буолуо саарбахтардаах (5 мнс Саха Сиригэр бары сахалыы саҥарар, ону таһынан саха омук сүрэ5э суо5ун билэн эргиэн интервенциятын оҥорон тастан киирбит Столичка эргиэмсиктэрэ 17 млн кытай киргизтэрэ сахалыы чуопчаарыйааччылары көҕүрэттэххэ сахаҥ бэйэтэ 37 эрэ тыһ буолаарай)?

    Сахалардааҕар үлэһит омугу булар саарбах буолуо... Саха дьоно хара сарсыардаттан, хара түүн буолуор дылы үлэлээн хачыгыраан муҥнаналлар, үлэлээбэккэ сылдьар саханы буларын саарбах.
    Саха дьонноро ханна даҕаны үлэлээтинин, барытыгар санааларын, сүрэхтэрин ууран турар үлэлиир дьоннор. Эн бэйэн омугун дьоннорун кыта сахалары бутуйума, Суруйар буоллаххына бэйэн омугун дьонун туһунан суруй, олох тыытыма сахалары - биһиги бар-дьоммутун (народпутун).
    Оччо өйүлээх сахалары сөбүлээбэт буоллаххына, саха сириттэн дойдугар - Эвенкийаҕа баран хаалыаххын. Сахалар кэннилэригэр саһан олорон сахалары кэрбии сатаама манна.
    Сахалар 500 000 киһи, эһиги 4000 киһи ахсааннааххыт. Бачча аҕыйаан баран хайдах ханна даҕаны баппат, кими даҕаны кытта сатаан тыл булсан олорбот дьонноргутуй?
    Былыр Даурдар кйдаабыттарыгар Маньчурдарга тиийэн олорбут, онтон Маньчжурдартан үүрүллэн Красноярскай диэки куоппут дьоннор ити эһиэннэрэ дуо? Кэнникиннэн, хайдах эрэ оннук буолуон син эбит диэн санаалар киирэн эрэллэр..

    0
  • Быйанг
    Быйанг
    Ветеран
    22 апреля  

    Цитата:
    сааьырабарбыт Ветеран 27 марта
    Быйанг, - ол аата саха саамай кыра омук буолан тахсарыгар тиийэр, эн концепция5ынан саха курдук буолла да саха буолуо саарбахтардаах (5 мнс Саха Сиригэр бары сахалыы саҥарар, ону таһынан саха омук сүрэ5э суо5ун билэн эргиэн интервенциятын оҥорон тастан киирбит Столичка эргиэмсиктэрэ 17 млн кытай киргизтэрэ сахалыы чуопчаарыйааччылары көҕүрэттэххэ сахаҥ бэйэтэ 37 эрэ тыһ буолаарай)?

    Сахалардааҕар үлэһит омугу булар саарбах буолуо... Саха дьоно хара сарсыардаттан, хара түүн буолуор дылы үлэлээн хачыгыраан муҥнаналлар, үлэлээбэккэ сылдьар саханы буларын саарбах.
    Саха дьонноро ханна даҕаны үлэлээтинин, барытыгар санааларын, сүрэхтэрин ууран турар үлэлиир дьоннор. Эн бэйэн омугун дьоннорун кыта сахалары бутуйума, Суруйар буоллаххына бэйэн омугун дьонун туһунан суруй, олох тыытыма сахалары - биһиги бар-дьоммутун (народпутун).
    Оччо өйүлээх сахалары сөбүлээбэт буоллаххына, саха сириттэн дойдугар - Эвенкийаҕа баран хаалыаххын. Сахалар кэннилэригэр саһан олорон сахалары кэрбии сатаама манна.
    Сахалар 500 000 киһи, эһиги 4000 киһи ахсааннааххыт. Бачча аҕыйаах азсааннаах буолан баран, хайдах ханна даҕаны баппат, кими даҕаны кытта сатаан тыл булсан олорбот дьонноргутуй?
    Былыр Даурдар кйдаабыттарыгар Маньчурдарга тиийэн олорбут, онтон Маньчжурдартан үүрүллэн Красноярскай диэки куоппут дьоннор ити эһиэннэрэ дуо? Кэнникиннэн, хайдах эрэ оннук буолуон син эбит диэн санаалар киирэн эрэллэр..

    Сүгүн буол, киһилии сырыт..

    0
    • 12
      23 апреля  

      Быйанг, Адьас сёпкё этэ5ин...

      Короленко суруйарынан нууччалары эбэнкилэр бэйэлэрин кытта тюмэ сатаан, сахалары утары бараары гыммыттарын, нуучаларын сахалар диэки буолбуттар то5о эрэ...Ону ёйдёёбёттёрё мёлтёх баччаанна диэри. То5о кырдьык киэн кё5юскэ олорон оннук-маннык кыймаҤнаан бардылар бу... Карма диэн баар ээ. АҺаабыт иҺиккитин сиилээн ханна ыраах тиийиэххэ дылы...

      0
  • Кырдьаҕас
    24 апреля  

    Күн Чөмчүүк, өйдөөбөтөххүн. Эн топкар мээнэ киирбэтэҕим. Биллэн турар ханна баҕарар саҥа тобы аһыныахпын сөп. Ол эрэн манна Саха омук буоларым быһыытынан, киирэн сахалыы тылынан ис иэйиибин, толкуйдарбын, көрүүлэрбин сахам дьонугар уус уран тылынан тиэрдээри. Күннээҕи кураанах мөккүөртэн, сүпсүлҕэнтэн тэйэн, сахалыы анааран көрүөххэ. Сахабыт олоҕун, айылҕатын, таптыахха, туойуохха,- диэн санаалаах этим. Баҕар биир эмит саха дэнэбин диир киһи сэҥээрэн, тохтоон, ааҕан ааһаарай. Этэҥҥэ эрэ буолуҥ!

    0
Ответ на тему: Саха омук
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Предложения и замечания