6 лет на форуме Автор 5 уровня Топ пользователь Все
Награды
6 лет на форуме
6 лет на форуме
Автор 5 уровня
Автор 5 уровня
Топ пользователь
Топ пользователь
5000 просмотров
5000 просмотров
Со5уруу баар Ростов куоратыгар буолбут
  1216
түбэлтэ..
Цитата:
Ростовская таксистка отказалась гасить ипотеку, вернув четыре миллиона рублей пассажирам
29 Декабря 2017, 07:06 65538

В Ростове-на-Дону таксистка Оксана Милованова вернула пассажирам забытый в ее машине черный пакет с четырьмя миллионами рублей. Об этом сообщает 161.ru.


По данным портала, деньги оставила в машине семейная пара, которая спешила на автовокзал. Водитель обнаружила сверток, когда заехала на автомойку. Она развернула его и увидела там деньги.

С помощью диспетчера такҮсистка нашла своих клиентов и вернула им утерянное. Пара ответила Миловановой лишь устной благодарностью, зато работодатель поощрил своего сотрудника денежной премией.

Отмечается, что большинство коллег одобрили поступок таксистки, но ее дочь осталась им недовольна, так как посчитала, что с помощью этих денег можно было погасить ипотеку.

"Деньги не наши, поэтому до добра не доведут", – ответила ей мать.

Фото: 161.ru

http://news.vse42.ru/feed/show/id/27679071?utm_referrer=https%3A%2F%2Fzen.yandex.com
Ответов 54 Написать ответ
  • BorNEo
    BorNEo
    Ветеран
    8 января  

    Таксист Оксана Милованова
    image

    0
  • Саргыда
    8 января  

    Сөпкө эппит. Өйдөөх дьахтар эбит.

    0
  • Саргыда
    8 января  

    Оччо элбэх харчылара көстүбүтүгэр харчы биэриэхтэрин да сөп этэ. Хайдах эрэ дьон эбит.

    0
  • юсал
    8 января  

    оо дьэ саатар 100 тыс биэриэх курдуктар эбит pouting face

    0
  • BorNEo
    BorNEo
    Ветеран
    8 января  

    4 мөл. элбэх харчы face screaming in fear

    0
  • -Мила
    8 января  

    Сверток хаалбытын төннөрдөҕө,харчы баар диэн санаабата ини.Син биир кэлбит массыыналарын суоппарыттан ирдэһэллэр буо

    0
  • 321
    8 января  

    Саха Сирин баайын-дуолун халаан талаан байбыт дьон Ростовка дьэ элбэхтэр

    0
  • 999
    8 января  

    онтон эһиги ити тётя оннугар хайыа этигитий.

    0
  • -Мила
    8 января  

    Мин ити тетя оннугар эмиэ хаһаайыттарыгар тиксэрэбин.Дьон малын ылар куһаҕан,эйиэнэ буолбатах,төннүөхтээх.Онтон хайдах махтаналлара,бэйэлэрин дьыалалара.

    0
  • Сахастрелец
    8 января  

    Урут, ааспыт үйэҕэ быһылааҕа, харчы саҥа уларыйарын саҕана

    хас да ый хамнас биэрбэккэ сордоон бараннар дьэ биэрэн үөртүлэр. Үлэ бүтэрин саҕана иккиэ буолан хамнас ыла тиийдибит, киһибэр сүүрбэччэ тыыһынча миэхэ уонча тыыһынча диэн ааҕан биэрдилэр. Оччолорго тыыһынчанан хамнас
    диэни саҥа истэр эрдэххэ тыыһынча диэн тыл айыка элбэх курдуга да миэнэ тоҕо киһибиттэн лаппа аҕыйах ааҕыллыбытый диэн ыйытар да бокуой биэрбэккэ дьахталлар айманан кутулла түстүлэр. Дьиэбэр тиийэн харчыбын ээ аҕыйах, уонча эрэ тыыһынча диэн остуолга бырахпыппын. Өр да өр ааҕан баран сүүсчэкэ тыыһынча баар диэн буолла. . Соһуйан ол бииргэ сылдьыбыт киһибэр домашка телефонунан эрийдим, миэхэ сыыһа аахпыттар быһылаах эн ааҕан көрдүн дуо диэбиппэр, аахтым сөп диэтэ. Аны оччолорго Өктөөп бырааһынньыгын иннинэ буолан икки күн өрөөтүбүт. Ол кэмнэргэ муунту буоллум, дьонтон ыйыталаһа сатаатым ким да сыыһа аахпыттар диэбэтэ. Понидельникка киэһээ үлэм быыһыгар тиийэммин харчыларын төптөрү биэрбиппэр эдэркээн кассир кыыс үөрэн ытамньыйан ылаахтаабыта.

    0
  • -Мила
    8 января  

    понЕдельник)

    0
  • һөдүөт-ыллык
    8 января  

    Охчутһахаҕа хатырык мэтээл биэриэхэ буо.

    0
  • Ьодуот
    11 января  

    Итинтэн ордук тыллаах буолуон дуо? Бииргэм дьонно майгын куьа5анын биллэрэн суруйбута буола5ын

    0
  • Дьэрбэ
    11 января  

    оттон отой быстара сылдьар кэмҥит буоллун хайыа этигитий?
    Таҥара үтүөбүн бэлиэтии көрүө диэн санааттан сүтүктээххэ сүтүгүн илдьэн биэрэн баран, ситэритин быстааҥкы олоҕу салҕыыгыт дуу?

    0
    • Саргыда
      11 января  

      Дьэрбэ, дорообо! Ханна сүтэ сырыттыҥ?
      Таксист хайдах аһыыра суох буолуой? Олох аһыыра суоҕум буоллар ( тьфу, тьфу, тьфу...) 10 тыһ. көрдүөм этэ. Маннык балаһыанньалаахпын диэн. Оттон биэрэллэрин - биэрбэттэрин бэйэлэрэ билэллэр.

      0
      • Дьэрбэ
        11 января  

        дорообо Саргыда, үлэ дьол.
        10000 ча бүтэрэ түргэнэ, бүттэ да Дьөгүөрдээх Болуодьаны ыстыыр ыас оҥостубутунан барар туох үчүгэйдээҕий?
        баҕар Таҥара эйиэхэ анаан ыыппыт булумдьутуттан айыы санааҥ киирэн ытыс соттон эрэр буолууҥ?
        сүтүктээхтэриҥ соччо аһыйбат сууммалара буолан, эйиэхэ анаммыттан матар хайдаҕа эбитэ буолла?

        0
        • Саргыда
          11 января  

          Дьэрбэ, ылан баран санаа баттыга буолан ыарыы буолуохха сөп. Сымнаҕастык утуйбутум, налыччы сылдьыбытым ордук. Сах сиэтин. Харчыны ааҕан - суоттаан тутуннаххына син тиэрдэҕин. Сүрүнэ: ипотекаҕа кииримэ, холуҥ иһинэн кредит ыл. Оҕуруоккар үлэлээ, сир аһына хомуй, эн курдук бултаатыннар. Бүттэ.

          1
          • Саргыда
            11 января  

            Мин Болуодьаны харчым аһыырбар тиийбэтин иһин критикалыыр буолбатахпын. Туох да сайдыы диэн суох дии. Баайдар кылаастара үөскээтэ, олигархтар, производство суох, уоруу элбээтэ, дьадаҥы күн түүн элбиир... аахтахха элбэх. Ыытар политикатын ылыммаппын, маннык олоҕу талбатаҕым. Путин салҕыы олордоҕуна улахан куораттарга хоргуйуу буолар ини. Сэрии да буолуох курдук.

            0
          • Дьэрбэ
            11 января  

            Саргыда, санаа баттыга диэ.
            90с сылларга оннооҕор буолуоҕу "оҥорон" байбыттар - бэл тумуулаан да көрбөттөр курдук көрөбүн.
            дьэ ити хадаҕый ээ?
            сорох - ыса бороруок кэриэтэ айыы санаалаах эрээри байар диэни билбэт,
            сороҕуҥ - дьон хаанын тоҕон да туран байбытыҥ, уос номоҕо буолан, кэпсээҥҥэ киирэн, өллөр да, кини аатын ааттаан суруйбукка үтүмэн үбү куду анньа сытара диэн...
            ханна баарый справедливость диэммит?
            быычыкаа биэнсийэлээх Саргыда дьону аһыныа,
            миллиардынан үптээх эһэлиирэп - харчы суох, тулуйуҥ - диэн бэлэһэ хайдарынан алларастыыра киһи өйүгэр хайдах эрэ батан киирбэт...

            0
            • Саргыда
              11 января  

              Дьэрбэ, киһи өйө - санаата, көрүүтэ, кыаҕа араас буоллаҕа. Барыны тэпсэн да туран байарга баҕарыы генынан бэриллэрэ буолуо уонна иитииттэн тутулуктаах. Ити сорох дьон тугу да кэрэйбэккэ атыылаан туран да байа сатыах курдуктар диэн санаа киирэр. Саҥалара да күргүй - көбүө курдук. Киһи куттаныах. Оттон нууччаҥ боростойо үтүө санаалаахтар, түргэнник көмөҕө кэлэллэр, аһыныгастар, судургулар.
              Баай киһи майгытын алдьатар. Туохха да бэлэһэ туолбат буолар. Дьиҥинэн киһиэхэ кыра да кэрэх. Киһилии дьиэ - уот, хамнас кэмигэр төлөнүүтэ, сиэр быһыытынан олорууга тийиитэ, киһи бары үлэлээх буолуута, аһыыр аһылык, таҥас сөбүгэр сыанаҕа атыыланыыта... Ону хааччыйыы өтөр наар кыаллыа суох быһыылаах. Билиҥҥи былаас бэйэтин норуотун көрбөт. Бэйэтэ хайдах байарын эрэ толкуйдуур. Атын омуктарга 90 тахса млрд суумманы сотон кэбиһэр, көмөлөһөр. Сэриигэ кыттыһар... сэрии сэбинэн өттөйөр, оттон бэйэтин кыра - хара дьоно быстарааҥкы буолан эрэр.

              0
              • Дьэрбэ
                12 января  

                хамнас кэмигэр төлөнүүтэ, киһи барыта үлэлээх буолуута диэҥҥэ - бэйэбин тулалыыр, көрө-истэ сылдьар олохпуттан быһа тардан кэпсиим дуу.
                билиҥҥи киһи таах олорон эрэ хамнас аахсыан, хара көлөһүнүн тоҕон сыспай сиэллээҕи, хороҕор муостааҕы туппакка - хара тыаттан аһаан таҥнан олорор баҕалааҕа киһи эрэ бэркиһиэх үлүгэрэ...
                син үлэ баар ээ дьиҥэр, кыһаллыбыт киһи син киирэн үлэлээн хамнастанар үлэлэрэ.
                атын тыа сиригэр манна курдук 50ну 60ну аахсыбаттар кытаатан үлэлии сатааҥ диэни өйдүүр суох.
                эбэһээт алмаас, ниэп-гаас эйгэтигэр эрэ үлэлээтэххэ уһун соннонор курдук өйдөбүл үөскээбит кэлиҥҥи кэмҥэ...

                0
              • Дьэрбэ
                12 января  

                хамнас кэмигэр төлөнүүтэ, киһи барыта үлэлээх буолуута диэҥҥэ - бэйэбин тулалыыр, көрө-истэ сылдьар олохпуттан быһа тардан кэпсиим дуу.
                билиҥҥи киһи таах олорон эрэ хамнас аахсыан, хара көлөһүнүн тоҕон сыспай сиэллээҕи, хороҕор муостааҕы туппакка - хара тыаттан аһаан таҥнан олорор баҕалааҕа киһи эрэ бэркиһиэх үлүгэрэ...
                син үлэ баар ээ дьиҥэр, кыһаллыбыт киһи син киирэн үлэлээн хамнастанар үлэлэрэ.
                атын тыа сиригэр манна курдук 50ну 60ну аахсыбаттар кытаатан үлэлии сатааҥ диэни өйдүүр суох.
                эбэһээт алмаас, ниэп-гаас эйгэтигэр эрэ үлэлээтэххэ уһун соннонор курдук өйдөбүл үөскээбит кэлиҥҥи кэмҥэ...

                0
                • Саргыда
                  12 января  

                  Дьэрбэ, эйиэхэ хайдах барыта итинник судургута буолла? Мин да тыаҕа олоро сылдьыбытым, ыһылла сытар үлэни көрбөтөҕүм. 50 т. оннооҕор учуутал ылбат этэ. Ити ханна оннук үлэ ыһылла сытар сирэ баарый? Нотуора олоҕо оннук тупсубута дуо? Сүөһүнү да холуҥ иһинэн иитэҕин. Онтуҥ бэйэҥ, аймахтаргар бэристэххинэ, айаххар эрэ тиийэр. Аны Ленскэй тыата буоллаҕына ходуһа кытылы кыйа эрэ. Онон оттуургар мотуор, лодка, бензин. Тиэйэргэр буран, бензин наада. Хата, тыраахтырдаах уолаттар табаарыстарбыт буолан тиэйэллэр этэ. Ол саҕана олох да маннык буолбатах этэ.
                  Бэрт үчүгэй олоҕу кэпсээтиҥ. Билиҥҥи кэмҥэ ырай дойдута эбит.

                  0
  • Дьэрбэ
    12 января  

    Саргыда барахсан кэм да сыыһа дайбаан, холун таһаара сыһаахтаабыт)
    Саха Сирэ Лиэнискэйинэн эрэ муҥурдаммат( хаһан эрэ биир патриот бэрдэ эрдьигэн Саха Сирэ Сунтаарынан бүтэр диэбитигэр дылы)
    бука дьэрбэннэн киирэр Ородьуйуон Һуорун илэ бэйэтинэн олорор эбит диэн харыбыттан харбаабыт саҕа сананнаҕыҥ буолуо))
    Ородьуйуон билигин Лиэнискэй УСХ-гар тойон буолан олорор буолуохтаах сыыспат буоллахпына.
    оттон Наахараҕа үлэлии сылдьыбыт эбит буоллаххына Тараасабыс саҕана, Наахара -алмаастар подсобнай хаһаайыстыбалара буолан олорторо курдук этэ буолбат дуо?

    0
  • Дьэрбэ
    12 января  

    ол саҕана олох да маннык буолбатах этэ диэбиккэр ити хоруйдаатым.
    биирдэ эмитэ Арыылаах һопхуоһун туһунан истибитиҥ эбитэ дуу суоҕа дуу - билбит суох.
    ону кэпсиибин ээ мин...

    0
    • Саргыда
      12 января  

      Дьэрбэ, Наахараҕа олоро сылдьыбатаҕым. Эдьийим олорбута. Бара сылдьарым. Оттон Нотуораны да билэбин. Ородьуйуон диэн Ородьуйуон буоллаҕа. Ол Арыылаах миллионер буолбута дуо? Оччо хамнаһы төлүүр?

      0
  • мин санаабар
    11 января  

    Тыалынан киирбит холоругунан тахсыа.
    Легких денег не бывает.

    БИир нуучча коллегабын санаатым.Верующая.Уулуссаҕа харчы сытарын булбут.Ылбыт.Уонна таҥара бэлэҕэ диир.Миэхэ анаан суолбар уурбут диэннээх.
    Биһиги,кэбиһиий,сүтэрбит оҕо дуу,киһи дуу төһө эрэ ытыы сылдьар.Грех буотах дуо диибит.Олох ылыммат.
    Онон,араастык бэйэ туһатыгар эрийэн таһаараллар ымсыы дьон.

    Оттон ити харчыны хайдах умнуохха сөбүн өйүм не варит.
    Эчи элбэҕин!
    Арааһа,хотели избавиться буолуо.Аньыылаах харчы буолуо.

    1
  • .Сандаара_
    11 января  

    1991 сыл саҥатыгар сбербаҥҥа харчы устарбар эбии балтараа тыһыынчаттан тахсары биэрбитин ыксыы сылдьар буолан, дьиэбэр тиийэн биирдэ аахпытым. Төттөрү сүүрэн кэлэн ордук харчыны кассирга биэрбиппэр, хата дьахтарым кыыһыран кынчарыйан баран, өссө кини сыыспатаҕын эппитэ быһыылааҕа. Но мне чужие деньги не нужны, развернулась и ушла. Уулуссаҕа көрдөҕүнэ кынчарыйан баран туора хаамар буолбута. Онон махталы күүппэппин хаһан да, и чужое потерянное тоже не возьму.

    0
  • оннук
    11 января  

    Сорохтор соруйан быраҕаллар үһү дии,ыарахан ыарыыларын, кыһалҕаларын тэйитэн.Ылбыт иҥсэ обот киһиэхэ тигистин диэн.
    Так что Таҥара наһаа уумматаҕа буолуо.Ууммат даҕаны.

    0
  • -Мила
    11 января  

    этимэ даҕаны,үлэлээн ылбыт харчыҥ туттарга быдан thumbs up sign

    0
  • Дьэрбэ
    11 января  

    уоруйах уоран байбытын ылар аньыы буолбат ини?
    аньыы дуу?

    0
  • -Мила
    11 января  

    кыттыспатах ордук,сэгэр

    0
    • Дьэрбэ
      11 января  

      оттон сорохпут - түөстүүрэби таламмыт уоран сытыйа байбыттартан баайдарын экспроприациялаан олохпутун тупсарыахпыт этэ диэн бүччүм санаалаах кубулҕаттаах кулун тутар ыйга буолар быыбары сэмээр кэтэһэллэр ээ, Мила)

      0
      • -Мила
        11 января  

        Дьэрбэ, история хатыланар дии санаабаккын дуо,били дьон муспут баайын-дуолун уопсай үллэһиккэ ыыталлар,мин онтон холобур ылбаппын,бэйэм киэнин эмиэ биэрбэппин,тоҕо диэтэргин орто арыый үрдүнэн олоробун,этэргэ дылы на хлеб с маслом хватает
        Баай дьоҥҥо олох наадыйбаппын,дьадаҥылар тоҕо дьэ дьадаҥыларый,оннук дьоҥҥо соц.выплата баар,дөк.эрэ хомуһан туттарыахтарын наада.
        Биири уруккуттан сөбүлээбэппин,тэҥнээһини,биир халыып оҥороллорун.Урут оскуола да саҕаттан бунтарскай эбиппин,сөбүлэспэтим элбэх этэ хомсомуоллардыын.
        Билиҥҥи олох миэхэ үчүгэй,төрөппүттэрим да олох үҥсэргээбэттэр этэ.

        0
        • Дьэрбэ
          12 января  

          ааспыт да хатыланар кэмнэрдээх диэ Мила.
          чэ ити харчы туһа туспа, киһи бэккиһиирэ бэйэ хара көлөһүнүн тоҕон байбытын кулаактааһыны өйдөөбөт эбиппин мин.
          кулаактааһын далааһыннаахтык барар кэмигэр сүөһүлэрин саһыаран үрүйэлэр, үрэхтэр бастарыгар туталлар эбит, иһирик ойуур иһигэр өтөх сыыһа баарыгар үрүттэрэ сууллубут балаҕаннаах, хотону ороһуйа көрбүппүн санаан кэлэбин...
          а так 90старга, кэлин да прихватизацияламмыты национализациялыыр ордук этэ дии саныыбын...

          0
        • Дьэрбэ
          12 января  

          бэйэм муспут баайбын биэрбэппин диэ Мила)
          ону оттон Ньурбабыт Кырдьаҕаһа тутуһара биллибэт.
          - хара тирии уһун сонноох, күөҕүнэн турулуччу көрбүтүнэн өрөкүйэ көтөн киирэн, бар дьон халыҥ харчытын супту уулаабыт Мила Хотун, эйэннэн тугу муспуккун дьоҥҥо түҥэт, эбэтэр миэхэ аҕал, бэйэм көрөммүн түҥэтиэм диэтин арай))

          0
  • BorNEo
    BorNEo
    Ветеран
    11 января  

    На чужом несчастье счастья не построишь.

    https://youtu.be/ZfCiwvHOjn0

    0
  • Сахастрелец
    11 января  

    Путин уонна кини былааһа уорар, кыра - хара дьону талыыр да онтугун

    үтүөнү оҥорбут курдук эргитэн аҕалан кэпсэттэрэн түөһүн охсунар аҕай дии. Мэктиэтигэр сорох -: сорохтор күн таҥара оҥостоннор кинилэрэ суох сатаан олоруо суох, өлөн хаалыах курдук тутталлар

    0
  • Басон
    11 января  

    Биэриэхтээх буоллаза дии:-). Туох да геройство баарын кербеппун.

    0
  • Курулгэн
    12 января  

    http://sakhaworld.ru/politika/olus-yardyk-olorobut-il-darhangnga-subeliem-ete

    Олус ыардык олоробут. Ил дархаҥҥа сүбэлиэм этэ...

    ПОЛИТИКА

    Мин төһө да социалистическай система киһитэ буолларбын, саҥа система дьон олоҕун тупсардар диэн 25 сыл, ол аата үйэ чиэппэрэ, кэтэстим.

    Көрдөхпүнэ саҥа система тас дуйа күлүмүрдэс, онтон ис биэтэһэ – ыас хара. Дьэ кырдьык тугу баҕарар саҥарыахха, суруйуохха сөп. Ким да буойбат, боппот. Ити саҥа олох тас дуйа. Оннооҕор сорох депутаттарбыт “муос муоска, туйах туйахха киирсэр кэм кэллэ” диэн ыҥырар курдук тыллаһаллар. Ол аата Россияны утары сэриигэ ыҥыраллар дуо? Тохтооҥ, чеченнэр курдук биһиэхэ саһар хайаларбыт суохтар. Чеченнэр курдук таһырдьа от-мас быыһыгар кыстыыр кыахпыт эмиэ суох. 50-60 кыраадыс тымныыга гааспыт турбатын быстылар да, таракаан курдук тоҥон өлөр дьоммут.

    Аны биир “улуу киһибит” промышленность, тыа хаһаайыстыбата наадата суох диэх курдук тылластаҕа үһү. Кини этэринэн оһуохайдаа-олоҥхолоо, ыһыахтаа да, ааттаах баай-талым олоххо тиийэр үһүбүт. Бээрэ, онтон кэппиэйкэ да аҥаарын ити олоҥхо, оһуохай, ыһыах бюджеккэ киллэрбэттэр ээ. Бары итинник көрүлүү-нарылыы сырыттахпытына, биһигини ким аһатар-иитэр? Эбэтэр нуучча омуга харчы бэрсэрин дуу, бэрсибэтин дуу кыҥастаһа олоробут дуо?

    Дьэ бу баар саҥа система тас дуйа: тугу баҕарар тыллас – барыта көҥүл. Итинник тыллаһан эбии ааты-суолу ылыахтарын баҕарар бадахтаахтар.

    Дьокуускайбыт, дьэ, күлүмүрдээн куорат да куорат буолла. Кырдьык киһи көрө-көрө астынар, киэн тутта саныыр, үөрэр-көтөр. Манна ил дарханы улаханнык хайгыахха сөп.

    Ол эрээри ити күлүмүрдэс 12-15 этээстээх дьиэлэр ис биэтэстэрэ хабыс-хараҥа. Ону бэйэм эппинэн-хааммынан билэн олорор оҕонньорбун. Миигиттэн кииннээх Дьокуускайга биэс дьиэ кэргэн баар. Олортон түөрт дьиэ кэргэн ити күлүмүрдэс дьиэлэртэн тииһинээри кредит хапкааныгар үктээн, иэдээннээх иэскэ киирдилэр. Бу хапкаантан төлөрүйүөхтэригэр диэри аһыыр-аһаабат сылдьар дьылҕалаахтар. Сорохторун иэһэ сүүрбэ сыл устата төлөнүө үһү. Онуоха диэри олохторун үтүөтэ бүтүө турдаҕа.

    Саҥа система кредитэ – дьиҥнээх хабала. Урукку былааска кредит диэни билбэт этибит. Дьон дьиэни босхо ылара. Дьиэтэ суох дьон айманарын истибэт этим. Оҕолорбун аһынабын – үчүгэй дьиэлэнээри итинниккэ тиийдэхтэрэ.

    Күлүмүрдэс, күлүмнэс дьиэлэр дьону ыар хабалаҕа ылан, дьадаҥы сордоохтору аһа-таҥаһа суох хаалларан, тутулуннахтара. Онтон үөрэрбин дуу, хомойорбун дуу быһаарбат буолбут оҕонньорбун. Ол эрээри “оччо дьиэни, бачча дьиэни туттубут” диэн республика салалтата дакылааттаатаҕына тоҕо эрэ үөрүөх санаам кэлбэт ээ. Дьону көлөһүннээн үөрбүт диэхтээн...

    Икки сыллааҕыта, оччолорго республика президенигэр, сүбэлээн хаһыакка суруйбутум. Ол – салайар истиилин туһунан этэ. Бэркэ сэрэнэн-сэрэнэн суруйбутум да, дойдум дьоно чурапчылар улаханнык өһүргэнэн тураллар. Сорох үөлээннээхтэрим аһаҕастык үөхпүттэрэ даҕаны. Ол сүбэбин ил дархан ылыммыта дуу, суоҕа дуу? Билбэтим.

    Билигин эмиэ сүбэлиэхпин баҕаран кэллим. Сордоох олох кэллэ диибин. Олус элбэх киһи үлэтэ суох хаама сылдьар. Үлэлээх да өттө быыкаайык хамнастаах.

    Мин төрөппүт үс кыыһым, сааһырбыт дьахталлар, үс күтүөтүм, икки кийиитим, түөрт сиэним – үлэлээн муҥнаналлар да, хамнастара кредиттэригэр, уоттарыгар, ууларыгар-гаастарыгар, квартплаталарыгар курдаттыы ааһа турар. Онно детсад төлөбүрүн эп. Мин көрдөхпүнэ амтаннааҕы, “Крестьянскай” ырыынактан саха аһын атыылаһан аһыыр кыахтара саарама суох. Чэпчэкиттэн чэпчэки омук аһынан олороохтууллар. Онтукаларын сыаната даҕаны күн-түүн үрдүү турар.

    Дьэ, маннык олоххо хайдах олоруохха сөбүй? Аны туран, биир сиэним магистратураны кыһыл дипломнаах бүтэрдэ, экономист-магистр. Эппитим курдук, кыһыл дипломнаах. Дьэ, доҕоттоор, бу үөрэҕин туйгуннук бүтэрбит оҕоҕо үлэ көстүбэтэ. Биһиги бырабыыталыстыбабыт оннооҕор итинник уһулуччу талааннаах оҕоҕо төрүт кыһаммат эбит. Биир сиэним үлэ көстүбэккэ, повардыы сылдьар. Бу үрдүк үөрэхтээх специалист. Дьэ, иэдээн. Үөрэнэн да туох да туһа суох.

    Ил дархаҥҥа сүбэм диэн маннык. Куорат олохтоохторо олус ыараханнык олороллор. Олус дьадайдылар. Маны көрүөххэ. Хайдах бу дьону арыычча үрдүк хамнастыыбытый? Үлэлэрэ суох хаама сылдьар дьоҥҥо хантан үлэ булан биэрэбитий? Күлүмүрдэс дьиэлэр сыаналарын намтатан, кредит хабалатыттан дьоммутун хайдах быыһыыбытый?

    Улахан туһата суох “Азия оҕолорун” оонньууларын, ол-бу Россия чемпионаттарын, ол-бу спартакиадалары, олоҥхо ыһыахтарын үбүлээһинин аччатан, ити мин этиилэрбэр үлэҕин туһаайаргар көрдөһөбүн. Бу ыстатыйаҕа оҕолорум, сиэннэрим тустарыгар кыһаллан, ыксаан суруйдум. Маннык кыһалҕалаах сүүһүнэн тыһыынча киһи баара буолуо.

    Ил дархан үлэтэ ол-бу көрү-нары тэрийиинэн, ол-бу оскуола тутуутунан, күлүмүрдэс дьиэлэр тутууларынан эрэ буолбатах – саха омугун олоҕун таһыма үрдээһининэн, дохуоттаах, харчылаах, аһыыр астаах, таҥнар таҥастаах буолуутунан сыаналаныахтаах.

    Олоҕу олорбут кырдьаҕаспын. Сэнээмэҥ, уһуннук Чиряевы, Прокопьевы, Николаевы кытта биир кэмҥэ үлэлээн, истэрин-тастарын билбэхтэспит киһибин.

    Максим СИБИРЯКОВ.

    Дьокуускай, Тулагы.

    Источник: sakhaworld.ru

    0
Ответ на тему: Со5уруу баар Ростов куоратыгар буолбут
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Предложения и замечания