Аны бүгүн АЛАМПАБЫТ төрөөбүт күнэ эбит...
илинсаха  -    442
image

Кэриэс

Аһыыны аһаама,
Айыыны саҥарба.
Таҥараны таптаама,
Абааһыны ахтыма.
Уруккуну ороомо,
Уорбалыы санаама.
Улаханы ордорума,
Кыраны кыччатыма.
Бэйэҕин бэрдимситимэ,
Бэккин билинимэ.


1926
________________________________________

Мин


Мин,
Оноллоох олохпун
Уокка уматтым,
Ууга суурайдым…
Олорбуппун, турбуппун,
Сылдьыбыппын, сыппыппын
Олоччу умнубуппун,
Умнубуппун, утуйбуппун…
Хас хоммуппун,
Ханна хаампыппын
Олоччу умнубуппун,
Умнубуппун, утуйбуппун…
Тугу туhанаары
Тура сылдьыбыппын
Олоччу умнубуппун,
Умнубуппун, утуйбуппун…
Оччугуйум улаатан
О5онньор буоппун
Олоччу умнубуппун,
Умнубуппун, утуйбуппун…
Сааскы садырыынынан
Сааhым сай5аммытын
Олоччу умнубуппун,
Умнубуппун, утуйбуппун…
Уохтаах сааhым
Уокка уока умайбытын
Олоччу умнубуппун,
Умнубуппун, утуйбуппун…



1/V-29
________________________________________
Ответов 11 Написать ответ
  • илинсаха
    14 ноября  

    Мэлдьи барык-сарык... (Алампа)
    * * *


    Мэлдьи барык-сарык,
    Куруук куру-кэри,
    Ахсаана биллибэт
    Араас алҕас-сыыһа
    Киһи киэлитигэр
    Киирэ турар.
    Туохтан оннугуй?
    Ким буруйдааҕый?
    Ким дээ итиннэ
    Букатын буруйа суох.
    Куһаҕан да буоллаҕына
    Курус гыныма,
    Үчүгэй да үүннэҕинэ
    Мичик гыныма.
    Инньэ гымматаххына
    Туох да тоторбот,
    Ханнык да астыннарбат.
    Баай да барбах,
    Дуоһунас да куһаҕан,
    Аат да атаҕастабыл,
    Таптал да салгыылаах,
    Чэ, ол курдук
    Эгэлгэ эбит...


    Ээ, баттахтаах барахсаттар... (Алампа)
    * * *


    Ээ, баттахтаах барахсаттар,
    Ээ, суһуохтаах ньургуттар,
    Искит эгэлгэтэ эриэнэ элбэҕин,
    Санааҕыт салаата сарбынньаҕа
    салаҥын...


    1924

    0
  • илинсаха
    14 ноября  

    Саха аймах (Алампа)

    Саха аймах



    Үс сүүс сылы мэлдьи
    Үтүөнү үөскэппэтэх
    Үктэбиллээх үйэ үрэллэн,
    Саллайар саас тухары
    Сандаҕаны тарҕаппатах
    Самнарыылаах дьаһал сарбыллан,
    Күтүр үйэ тохору
    Күнү көрдөрбөтөх
    Күһэлтэлээх олох көтүллэн,
    Күн дьоно күөргүөмүнэн
    Көңүл сылдьаннар
    Көмүллүбүт күүстэрин күөрэтэр,
    Бар дьон бары батысыһа сылдьаннар,
    Баттаммыт батталларын баҕардар
    Мааны олох барыбытыгар
    Маңан былыт курдук
    Маңхайан кэллэ нии, доҕоттоор!
    Ситинник эриэкэс олох этиитинэн,
    Саманнык сайаҕас олох дьаһалынан,
    Саай үйэ тухары
    Саһан-куттанан үөскээбит
    Саха аймах сайаҕастарын
    Саар булгунньах саҕа
    Сыһыаран сабан сылдьыбыт
    Сайаҕас санааларын наардыыр,
    Үйэ саас тухары
    Үрэллибит өйдөрүн түмэр,
    Кэрэ кэриэс тыллары
    Кичэйэн туран кэскиллиир,
    Удьуор ырыа тылы
    Улаатыннаран мунньан,
    Төрүөбүт төрүт өһү
    Түөрэн-хаһан төрүттээн,
    Хараңаҕа харбыаласпыт
    Хаарыан атастарыгар
    Харах буолар санаалаах,
    Үөрэҕи өйдүөбэт
    Үгүс үөлээннээхтэрин
    Үөрэтэр үлэлээх,
    Суругу билбэт
    Суомах до5отторугар
    Суол ыйар суобастаах,
    Бада5ы билбэккэ
    Баттабылга барбыт
    Бар дьонугар майа5ас,
    Күлүк сирдэргэ
    Күнү көрдөрөр
    Көнө сүрэхтээх,
    Баартыйаҕа барбыт,
    Омукка охтубат,
    Нууччаны туппат,
    Атыҥҥа аралдьыйбат,
    Үөрэхтээх дьон сүрүннээх,
    Оҕо аймах ойоҕостоох,
    Ыччат дьон ыксалаах,
    Эдэр киһи эккиннээх,
    Кыра киһи кыбытыылаах,
    Сырдык сана сындыыстаах,
    Үрүҥ санаа үһүөлээх,
    Дьокуускай дьоно тутулуктаах,
    Саха омук сабыылаах,
    Сайаҕас санаалаах,
    «Саха аймах» диэн ааттаах
    Саргылаах уобсастыба
    Саас үйэ тухары
    Саха аатын тарҕаттын,
    Үгүс үйэ тухары
    Үөрэх үтүөтүн үрдэттин,
    Дьокуускай уобалас
    Тоҕус ойоҕоһун быыһынааҕы
    Тойон долуо сүрэҕин
    Доҕуһуола буолан сураҕырдын,
    Күнүскү күрүөннээх олох күөмчүтүн
    Көччүтэр көңүл өйдөннүн,
    Аныгы айдааннаах олох аймааһынын
    Арпалдьытар айхаллаах санааланнын.
    Сылайбыты сынньаттын,
    Санаар5аабыты саараттын,
    Ороскуоту умннардын,
    Кэлэр кэнчиэри ыччакка кэскил,
    Үөскүүр үтүө доҕотторго өй,
    Бар дьоңңо майаак,
    Күрүөх дьоңңо күн буолар,
    Туора омук дьоно
    Тохтоон одуулуур,
    Атын аймах ааттаахтара
    Адыылаан ааһар,
    Аралдьыйбат аатырдын.
    Сири саппыт
    Силиргэх силистээх
    Толоону туораабыт
    Чуор мутуктаах,
    Хабырыттыбат халың хатарыктаах,
    Хайыттыбат хатан саастаах,
    Туруу дойдуну
    Туораҕынан толорбут,
    Саха сирин
    Салаатынан саппыт,
    Ийэ сир иччитэ эҕэрдэлээн,
    Аан-дайды иччитэ айхаллаан ааһар
    Аҕыс салаалаах
    Аал-луук масс буолан
    Аан-дайдыбыт арҕаһыгар
    Анньыллан аатыран турдун,
    Үүнэн көҕөрөн күөгэйдин,
    Сарбайан лаглайан сааһырдын,
    Барҕаран бараҕадыйан бастаатын диэн
    Урааҥхайдыы уруй,
    Сахалыы айхал буоллун.


    1918

    0
  • Саргыда
    Саргыда
    Ветеран
    14 ноября  

    Тыгын кырдьаҕас диэбит. Дыгын диэн дыыгынаппатах. Саргы дьаалы салалыннын . Манна атыннык куолулуур дьон баара дии.

    0
  • НкТ.
    14 ноября  

    Алампа,Алампа барахсан...

    0
  • НкТ.
    14 ноября  

    Алампа,Алампа барахсан...

    0
  • Саргыда
    Саргыда
    Ветеран
    14 ноября  

    АЛАМПА ТАПТАЛА - САВВА ТАРАСОВ
    Оо,
    Ааhан биэрбэт Алампа таптала,
    Алампа ахсарыллыбатах ааттала…
    Аба-сата уйаланыахтаах дууhатыгар
    Амарах иэйиини биэбэйдээбит,
    Сөбүлээбит сүрэх тулаайаҕар
    Сөллүбэттии сөҥөн дьиппинийбит
    Айманар бу саҥа барахсан
    Аан дойду кутун даҕаны
    Аймыах-дьалкытыахкурдук,
    Аламай күннээх халлааны
    Аhыннарыах,
    Харааhыннарыах курдук…
    Оо,
    Ол бэйэтэ бу саҥа барахсан
    Ой дуораана буолан, сатаатар,
    Охсуллан киирбэтэх, ырааттар ыраатар
    Уодаhыннаах дьахтар чуор кулгааҕар...
    Эгэ, кини имэҥинэн иэйбит
    Этигэр-сиинигэр иҥиэ дуу-
    Сир халлаан икки ардыгар
    Симэлийэн хаалбыт муҥа дуу…

    Оо,
    Олох тыйыс оҥоhуута, ама,
    Оннук этэрэ буолуо дуо, доҕоттоор:
    «Тапталы үҥэр таҥара оҥостума,
    Умуллар дииллэр эбээт оннооҕор
    Улуу уускыhатын уота…
    Уу сүүрүгүнэн устар, ааhар
    Умнуллуу өрүhүн угуттата
    Улахан да,
    Оччугуй да
    Таптал
    Барыта».
    Оо,
    Оннук эрэ буолбатар ханнык!
    Урааҥхай саха уоhун номоҕор
    Ол улуу таптал ааспаттыы
    Уhункуҥҥэ-дьылга хоҥнор,
    Кэмчийэн эрэр суобас тобоҕор
    Кэм тугу эмэ
    Эбиэ этэ,
    Доҕоттоор!
    1994 с.

    0
  • Билигин
    17 ноября  

    Оскуолатыгар улэлии сылдьар дуо

    0
  • Максим
    19 ноября  

    Суруйааччы Павлов Николай Николаевич -Тыаьыт Кун-Дьирибинэ туьунан ахтыытыгар маннык баар:"Хаайыыга сыппыт дьон уорэнэллэрэ. Холобура, Олуохумэ киьи Нахов, лыхсайбыт хара киьи. "Дыгын кырдьагаьы" кини суруйбут. Кини киэнин дьон уьуллахтара дии, миэхэ эмиэ куоппуйа баара. Оччолорго утуе ырыанан аатырара. Онон Алампа Софронов дьыалатыгар бу ырыа куоппуйата баар буолла, автор кимин туьунан дакаастаабат. Надо в бэйэтэ даганы автор эбитин мэлдьэспэт курдук саныыбын. ... Бу боппуруоьу соруйан чахчытытабын, сорок ученайдар "Дыгын кырдьагас " авторынан А.И. Софронову сыыьа балыйалларын иьин. Павлов Н.Н.-Тыаьыт Кууьума: Сэьэннэр, ахтыылар. Бичик, 2004 .

    0
  • илинсаха
    19 ноября  

    Саха аныгы кэмин ырыата тойуга сайдарын саҕанааҕы ырыаны тойугу...билиҥҥэ диэри авторство өртүн быһаарыллыбатаҕа үгүс быһылаах...Норуот ырыата диир ырыаларбыт дьиҥэ автордаахтар буоллаҕа...Оннооҕор Анна Егорова ..Екатерина захарова..курдук бэтэрээҥи соҕус дьон ырыаларын..норуот ырыата дии сылдьар эбиппит..ити Корнилов..Скрябин саҕанааҕы ырыаны тойугу аҕыйах киһи билэрэ буолуо...

    0
Ответ на тему: Аны бүгүн АЛАМПАБЫТ төрөөбүт күнэ эбит...
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Предложения и замечания